Мометазон Санто крем 0.1 %

100 г кремнің құрамында: Белсенді зат: мометазон фуроаты, 100 % затқа шаққанда – 0,1 г; Қосымша заттар: гексиленгликоль, глицерил моностеараты 40-55, цетостеарил спирті, макрогол цетостеараты (макрогол 20 цетостеарил эфирі), араның ақ балауызы, титанның қостотығы, алюминий крахмалы октенилсукцинаты, тазартылған су, сұйылтылған фосфор қышқылы немесе 10 % ерітінді түріндегі концентрацияланған фосфор қышқылы, вазелин. Сыртқы түрінің, иісінің, дәмінің сипаттамасы Ақ немесе ақ дерлік түсті крем.

- псориаз (кең таралған псориаздан басқа) және атопиялық дерматит кезінде қабыну құбылыстары және қышыну

Мометазон фуроаты – қабынуға қарсы, қышуға қарсы және антиэкссудативті әсері бар синтетикалық глюкокортикостероид (ГКС). ГКС А2 фосфолипазасын тежейтін және липокортиндердің жалпы атауымен белгілі ақуыздардың бөлінуін индукциялайды, олар простагландиндер мен лейкотриендер сияқты қабыну медиаторларының биосинтезін олардың жалпы алдыңғы, арахидон қышқылының шығарылуын тежеу арқылы басқарады.

Дозалау режимі Мометазон Санто кремінің жұқа қабаты терінің зақымдалған жерлеріне күніне бір рет қолданылады. Енгізу әдісі мен жолы Сыртқа Қабылдау уақыты көрсетілген қолдану жиілігі¶ Емдеу курсы аурудың ауырлығына байланысты және ол емдеуші дәрігермен анықталады. Балаларда немесе бет аймағында жергілікті кортикостероидтарды пайдалануды емнің тиімді режиміне қол жеткізу үшін қажетті ең аз мөлшерге дейін шектеу керек. Емдеу ұзақтығы 5 күннен аспауы тиіс.

- препараттың қандай да бір компонентіне немесе глюкокортикостероидты дәрілерге аса жоғары сезімталдық; - қызғылт безеу, периоральді дерматит; - тері атрофиясы; - терінің зақымдануы (жаралар, ойық жаралану) кезінде; - бактериялық, вирустық (герпес вирусы, желшешек) немесе зеңдік тері инфекциясы; - туберкулез, мерез; - вакцинациядан кейінгі реакциялар; - 2 жасқа дейінгі балалар.

Жағымсыз реакциялар кездесу жиілігіне сәйкес келтірілген: өте жиі (≥1/10); жиі (≥1/100, ˂1/10); жиі емес (≥1/1000, ˂1/100); сирек (≥1/10000, ˂1/1000); өте сирек (˂1/10000); жиілігі анықталмаған (қолда бар деректердің негізінде анықтау мүмкін емес). Өте сирек -фолликулит -күйдіру және қышыну түріндегі жергілікті реакциялар Жиілігі анықталмаған -бактериялық инфекциялар, фурункулез -парестезия -жанаспалы дерматит, терінің гипопигментациясы, гипертрихоз, тері стриясы, безеу тәрізді бөртпелер, тері атрофиясы -ауырсыну және препаратты қолдану орнындағы жергілікті реакциялар -көз аурулары (бұлыңғыр көру) Топикалық дерматологиялық кортикостероидтарын қолданудың салдарынан мынадай жергілікті жағымсыз реакциялардың пайда болуы туралы деректер бар: • терінің құрғауы және тітіркенуі • дерматит, периоральді дерматит • тері мацерациясы • баздану және телеангиоэктазиялар ГКС сыртқы түрлерін ұзақ уақыт бойы қолданғанда және/немесе терінің үлкен бөліктеріне жаққанда немесе окклюзиялық таңғыштарды пайдаланғанда, әсіресе балалар мен жасөспірімдерде, бүйрек үсті безінің жеткіліксіздігі мен Иценко-Кушинг синдромын қоса алғанда жүйелі әсер ететін ГКС тән жағымсыз әсерлер пайда болуы мүмкін. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жергілікті глюкокортикостероидтарды шамадан тыс немесе ұзақ қолдану гипоталамус-гипофиз бүйрек үсті бездер жүйесі функциясының бәсеңдеуін туындатуы мүмкін, бұл бүйрек үсті безі қыртысының қайталанған жеткіліксіздігінің дамуына себеп болуы мүмкін. Емі: симптоматикалық. Гиперкортицизмнің жедел белгілері әдетте қайтымды. Қажет болған жағдайда, электролиттік теңгерімсіздікті түзету керек. Созылмалы уытты әсер ету кезінде глюкокортикостероидтарды аздап тоқтату ұсынылады.

Арнайы сақтандырулар Препарат тек сыртқа қолдануға арналған. Егер препаратты қолдану кезінде тітіркену немесе жоғары сезімталдық байқалса, емдеуді тоқтатып, науқасқа басқа емді таңдау керек. Дерматологиялық инфекция болған жағдайда тиісті зеңге қарсы немесе бактерияға қарсы емді тағайындау керек. Ұзақ уақыт бойы терінің үлкен бөліктеріне жаққан кезде, әсіресе окклюзиялық таңғыштарды қолданған кезде ГКС жүйелі әсерінің дамуы мүмкін. Осыны ескере отырып, науқастар гипоталамус-гипофиз бүйрек үсті бездер жүйесінің қызметін басу белгілеріне және Иценко-Кушинг синдромының дамуына қатысты байқалуы тиіс. ГКС кейбір тері ауруларының көріністерін өзгерте алатындығын ескерген жөн, бұл диагноз қоюды қиындатуы мүмкін. Сонымен қатар, ГКС қолдану жаралардың жазылуының кешеуілдеуіне себеп болуы мүмкін. Ұзақ уақытқа созылған ГКС емдеу кезінде емді кенеттен тоқтату терінің қарқынды түрде қызаруы және күйдіру сезімімен дерматит түрінде көрінетін рикошет синдромының дамуына әкелуі мүмкін. Сондықтан ұзақ емдеу курсынан кейін препаратты тоқтатуды ақырындап, мысалы, оны толық тоқтатар алдында емдеудің интермиттирлеуші сызбасына ауыса отырып жүргізу керек. Препараттың құрамына кіретін цетостеарил спирті жергілікті тері реакцияларын (бөртпе, оның ішінде жанаспалы дерматит) туындатуы мүмкін. Мұндай жағдайда препаратты қолдануды тоқтатып, тиісті емді тағайындау керек. Көру қабілетінің бұзылуы Кортикостероидтарды жүйелі және жергілікті қолданған кезде көрудің бұзылуы туралы хабарланды. Егер пациентте көздің бұлыңғырлығы немесе басқа көру бұзылыстары сияқты симптомдар байқалса, ықтимал себептерін бағалау үшін оны офтальмологқа жіберу керек, оған катаракта, глаукома немесе орталық сероздық хориоретинопатия сияқты сирек кездесетін ауруларды жатқызуға болады. Педиатрияда қолдану Мометазонды балаларда 6 аптадан астам уақыт бойы қолдану қауіпсіздігі зерттелмеген. Қауіпсіздік пен тиімділігі бойынша деректердің болмауына байланысты Мометазон Санто препаратын 2 жасқа толмаған балаларға тағайындау ұсынылмайды. Балаларда беткі ауданы мен дене салмағының арақатынасы ересектерге қарағанда үлкен болғандықтан, балалар гипоталамус-гипофиз бүйрек үсті бездер жүйесінің қызметін басу және жергілікті әсер ететін кез келген ГКС қолданғанда Иценко-Кушинг синдромының даму қаупіне көбірек ұшырайды. ГКС балаларын ұзақ уақыт емдеу олардың өсуі мен дамуының бұзылуына әкелуі мүмкін. Балаларда жергілікті кортикостероидтарды қолдану препараттың ең аз тиімді мөлшерімен және ең аз қолдану кезеңімен шектелуі тиіс. Жүктілік кезінде және бала емізу кезінде қолдану Мометазон Санто кремін жүктілік және лактация кезінде қолдану қауіпсіздігі зерттелмеген. Глюкокортикостероидтар плаценталық тосқауыл арқылы өтеді. Шарананың дамуына жағымсыз әсер ету қаупіне байланысты жүктілік кезінде ұзақ уақыт емделуден және үлкен дозаларды қолданудан аулақ болу керек. Глюкокортикостероидтар емшек сүтімен бөлінеді. ГКС үлкен дозаларда және/немесе ұзақ уақыт бойы қолдану көзделген жағдайда емшекпен емізуді тоқтату керек. Көлік құралдарын, механизмдерді басқару қабілетіне әсері Дәрілік препараттың автокөлікті немесе қозғалмалы механизмдерді басқару қабілетіне әсері байқалған жоқ.

Нұсқаулықта көрсетілмеген.

Дәрілермен өзара әрекеттесуі сипатталмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!