Монурал гранулы 3 г

1 пакеттің ішінде: белсенді зат - 5,631 г фосфомицин трометамолы (3,0 г фосфомицинге баламалы), қосымша заттар: сахароза, сахарин, мандарин хош иістендіргіші, апельсин хош иістендіргіші Сыртқы түрінің, иісінің, дәмінің сипаттамасы Мандарин хош иістендіргішіне тән иісі бар ақ түсті түйіршіктелген ұнтақ.

Монурал фосфомицинге сезімтал микроорганизмдерден туындаған келесі инфекцияларды емдеу үшін қолданылады: - әйелдер мен 12 жастан асқан жасөспірім қыздарда несеп шығару жолының жедел және асқынбаған инфекцияларын емдеу; - ересек еркектердегі қуық асты безінің трансректальді биопсиясы кезіндегі периоперациялық антибиотикопрофилактикасы. Бактерияға қарсы препараттарды дұрыс пайдалану жөніндегі ресми ұсынымдарды, атап айтқанда антибиотиктерге төзімділіктің дамуын болдырмау үшін ұтымды қолдану жөніндегі ұсынымдарды ескеру қажет.

Әсер ету механизмі Монурал құрамында әсер етуші зат фосфомицин [моно (2-аммоний-2-гидроксиметил-1,3-пропандиол)(2R-цис)-(3-метилоксиранил)фосфонат] трометамол тұзы түрінде болады. Фосфомицин – бактерицидтік әсері бар антибиотик (фосфон қышқылының туындысы). Әсер ету механизмі пептидогликан синтезінің алғашқы сатыларының бірін тежеу арқылы бактериялардың жасуша қабырғасы синтезін басумен байланысты. Фосфомицин екі түрлі тасымалдау жүйесі (sn-глицерин-3-фосфатты және гексоза-6 тасымалдау жүйесі) арқылы бактериялық жасушаға белсенді тасымалданады. Фармакодинамикалық әсерлері Фосфомицин фосфоэнолпируваттың құрылымдық аналогы болып табылады. Ол N-ацетилглюкозамин уридиндифосфаты конденсациясының бактерия жасушалық қабырғасы синтезінің алғашқы сатыларының бірі - фосфоэнолпируватпен реакциясын қайтымсыз тежейтін энолпирувилтрансфераза ферменті белсенділігін жояды. Фосфомицин сонымен қатар бактериялардың қуықтың шырышты қабықтарымен адгезиясын төмендетуге қабілетті, бұл несеп шығару жолдарының қайталанатын инфекцияларының пайда болуының итермелеуші себепшарты болуы мүмкін. Микробқа қарсы препараттарға сезімталдықты сынау жөніндегі Еуропалық комитет белгілеген шекті мәндер келесідей (EUCAST шекті мәндер кестесі, 11 нұсқа, 01.01 2021): Түрлері — Сезімтал — Резистентті Энтеробактериялар — ≤ 8 мг/л — > 8 мг/л Жүре пайда болған резистенттіліктің таралуы Жүре пайда болған төзімділіктің таралуы бактериялардың жекелеген түрлерінде уақыт пен географиялық жағдайға байланысты өзгеруі мүмкін. Сондықтан, әсіресе ауыр инфекцияларды емдеу үшін резистенттілік жағдайы туралы жергілікті ақпарат қажет. Төмендегі ақпарат мониторинг және зерттеу бағдарламаларының деректеріне негізделген. Онда бекітілген көрсетілімдерге сәйкес келетін микроорганизмдер көрсетілген: Әдетте сезімтал түрлері Грамтеріс аэробтар: Escherichia coli Жүре пайда болған төзімділік дамуы мүмкін түрлері Грамоң аэробтар: Enterococcus faecalis Грамтеріс аэробтар: Klebsiella pneumoniae, Proteus mirabilis Резистентті түрлері Грамоң аэробтар: Staphylococcus saprophyticus. Резистенттілік механизмдері Төзімділіктің негізгі механизмі хромосомалық мутация болып табылады, ол фосфомициннің бактериялық тасымалдау жүйесінде өзгеріс тудырады. Плазмидтермен немесе транспозондармен байланысты төзімділіктің басқа механизмдері молекуланы глутатионмен байланыстыру есебінен немесе фосфомицин молекуласындағы көміртек-фосфор байланысын ыдырату есебінен фосфомициннің ферментативті инактивациясын туындатады. Фосфомицин несеп шығару жолдарының инфекцияларында шығарылатын ең көп таралған микроорганизмдерге қатысты белсенділігін сақтайды. Бактериялардың аз ғана бөлігі резистенттілікке ие болуы мүмкін. Несеп шығару жолдарының асқынбаған инфекцияларын тудыратын Escherichia coli резистенттілігінің деңгейі төмен. Көптеген дәрілерге төзімді Escherichia coli және ӘСКБ (әсер ету спектрі кеңейтілген бета-лактамаза) өндіретін басқа энтеробактериялардың көпшілігі фосфомицинге сезімтал. Сол сияқты, MRSA-ның көпшілігі (метициллинге төзімді Staphylococcus Aureus) фосфомицинге де сезімтал. Кросс-резистенттілік Фосфомицин мен басқа кластағы антибиотиктер арасындағы кросс-резистенттілік туралы деректер белгісіз. Фосфомицин химиялық құрылымында басқа антибиотиктерден түбегейлі ерекшеленетіндіктен және әсер етудің ерекше механизмі болғандықтан, кросс-резистенттіліктің дамуы болжанбайды. Клиникалық тиімділігі Фосфомицин несеп шығару жолдарының инфекцияларына тән көптеген грамоң және грамтеріс бактерияларға, сондай-ақ пенициллиназана түзетін штамдарға қатысты белсенді бактерияға қарсы спектрге ие. Enterobacter ssp., Klebsiella ssp., Enterokokken, Proteus mirabilis, Staph. aureus und Staph. saprophyticus қатысты резистенттілігі іn vivo байқалған. Сондай-ақ, Монурал препараты бактериялардың қуықтың шырышты қабықтарымен адгезиясын төмендетеді, бұл несеп шығару жолдарының қайталанатын инфекцияларының пайда болуының итермелеуші себепшарты болып табылады.

Дозалау режимі Әйелдер мен 12 жастан асқан жасөспірім қыздарда несеп шығару жолдарының жедел асқынбаған инфекциясы: күніне 1 рет 1 пакет (3 г). Қуық асты безінің трансректальді биопсиясы кезіндегі периоперациялық антибиотикопрофилактикасы: емшарадан шамамен 3 сағат бұрын және 24 сағаттан кейін 1 пакет (3 г). Енгізу әдісі және жолы Ішке қабылдау үшін. Түйіршіктерді бір стақан суда ерітеді, ерітіндіні дайындағаннан кейін бірден ішке қабылдайды. Қабылдау уақыты көрсетілген қолдану жиілігі Монурал препаратын несеп шығару жолдарының жедел асқынбаған инфекциясы кезінде аш қарынға, яғни тамақтанудан шамамен 2-3 сағат бұрын немесе 2-3 сағаттан кейін, дұрысы қуықты босатқаннан кейін ұйықтар алдында қабылдау керек. Емдеудің ұзақтығы Әйелдер мен 12 жастан асқан жасөспірім қыздарда несеп шығару жолдарының жедел асқынбаған инфекциясын емдеу кезінде емдеу курсы 1 күнді құрайды. Қуық асты безінің трансректальді биопсиясы кезіндегі периоперациялық антибиотикопрофилактика жүргізу кезінде емдеу курсы 2 күнді құрайды. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Егер Сізге дәрілік препаратты қолдану тәсілі түсініксіз болған жағдайда, кеңес алу үшін медициналық қызметкерге жүгінуіңізді сұраймыз.

- әсер етуші затқа немесе кез келген қосымша заттарға аса жоғары сезімталдық

Жиі - қынаптың және сыртқы жыныс мүшелерінің шырышты қабығының қабынуы (вульвовагинит), бас ауруы, бас айналу, диарея, жүрек айну, нашар ас қорыту, іштің ауыруы Жиі емес - құсу, тері бөртпесі, есекжем, қышыну Сирек - ауыр бактериялық инфекциялар (төзімді бактериялар қолдайтын суперинфекциялар), қанның эритроциттер санының төмендеуі (апластикалық анемия) Белгісіз - аллергиялық реакциялар, анафилаксиялық шок, тыныс алу проблемалары (бронх түйілуі), ауырлығы орташа дәрежеден ауыр дәрежеге дейін диарея, іштің түйілуі, қан аралас нәжіс және/немесе температураның жоғарылауы (антибиотикпен астасқан колит), тәбеттің болмауы, ангионевроздық ісіну, лейкоциттер (эозинофилдер) мен тромбоциттер санының көбеюі, көру қабілетінің бұзылуы, тамырдың қабынуы (флебит).

Ішкі қолдану кезінде фосфомицинмен артық дозалану туралы деректер шектеулі. Симптомдары: фосфомицинді парентеральді енгізгеннен кейін гипотония, ұйқышылдық, электролиттік бұзылулар, тромбоцитопения және гипопротромбинемия. Емі: симптоматикалық және демеуші ем. Пациенттің жай-күйін (әсіресе қан плазмадағы/сарысуындағы электролиттердің деңгейін) бақылап отыру керек. Белсенді заттың несеппен шығарылуын көтермелеу үшін регидратация жүргізу ұсынылады. Фосфомицин организмнен орташа жартылай шығарылу кезеңі 4 сағат болатын гемодиализ арқылы тиімді шығарылады.

Монурал препаратын 12 жасқа дейінгі балаларда емдеу үшін қолдануға болмайды. Монурал препаратын қабылдар алдында өзіңіздің дәрігеріңізге немесе фармацевтке хабарлаңыз, егер: - Сізде кейбір қанттарға төзімсіздік болса, бұл препаратты қабылдамас бұрын дәрігермен кеңесіңіз; - Сізде қуықтың тұрақты инфекциялары болса; - Сізде бүйрек қызметі бұзылған (креатинин клиренсінің көрсеткіші < 10 мл/мин болғанда); - Сіздің анамнезіңізде кез келген басқа антибиотиктерді қабылдағаннан кейін диарея болса. Монурал препаратымен емдеу кезінде немесе одан кейін ауыр және тұрақты диарея пайда болса, тиісті ем алу үшін дереу дәрігерге хабарлаңыз. Диареяны емдеу үшін ішек перистальтикасын басатын дәрілік заттарды қабылдамаңыз. Арнайы ескертулер Монурал препаратын осы жас тобында препаратты қолданудың жеткілікті тәжірибесінің болмауына байланысты 12 жасқа дейінгі балаларда қолдануға болмайды. Фосфомицинмен емдеу кезінде өмірге қауіп төндіретін анафилаксияны және анафилаксиялық шокты қоса, аса жоғары сезімталдық реакциялары туындауы мүмкін. Аса сезімталдық реакциясы туындаған кезде фосфомицинді қайта қабылдауды болдырмау қажет. Тиісті емдеу шараларын тағайындау қажет. Антибиотикпен байланысты диарея барлық дерлік бактерияға қарсы дәрілерді, соның ішінде фосфомицин трометамолды қолданған кезде байқалды, оның ауырлық дәрежесі жеңіл диареядан өлімге әкелетін колитке дейін өзгеруі мүмкін. Антибиотиктермен емдеу кезінде немесе аяқталғаннан кейін ауыр және тұрақты диареяның пайда болуы Clostridioides difficile астасқан диареяның симптомы болуы мүмкін. Монурал препаратымен емдеу кезінде немесе аяқталғаннан кейін пайда болған ауыр диареясы бар пациенттерге осы диагнозды қою мүмкіндігін ескеру маңызды. Clostridioides difficile астасқан диареяның болжамды немесе расталған диагнозы дереу тиісті ем тағайындауды талап етеді («Жағымсыз реакциялар» бөлімін қараңыз). Перистальтикаға қарсы препараттарды қолдану осы клиникалық жағдайда карсы көрсетілімді. Созылмалы инфекциялар жағдайында мұқият тексеру және диагнозды қайта бағалау ұсынылады, өйткені бұл клиникалық көрініс көбінесе несеп шығару жолдарының асқынған инфекцияларымен немесе резистентті патогендердің (мысалы, Staphylococcus saprophyticus) басым болуымен байланысты. Ер пациенттердегі несеп шығару жолдарының инфекциясын бұл дәрілік препаратпен емдеу көрсетілмеген несеп шығару жолдарының асқынған инфекциясы ретінде қарастырған жөн («Қолданылуы» бөлімін қараңыз). Дәрілік препараттың құрамында болуы ескерілуі тиіс қосымша заттар туралы ақпарат Монурал құрамында сахароза бар. Сирек кездесетін тұқым қуалайтын фруктоза жақпаушылығы, глюкоза-галактозалық мальабсорбциясы немесе сахараза-изомальтаза тапшылығы бар пациенттерге бұл препаратты қабылдамау керек. Монурал препаратының құрамында бір дозада (бір пакет) 1 ммольден (23 мг) аз натрий бар, яғни натрийсіз екенін білдіреді. Педиатрияда қолдану Монурал препаратын осы жас тобында осындай дозаны қолданудың жеткілікті тәжірибесі болмауына байланысты 12 жасқа дейінгі балаларда қолдануға болмайды. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Зерттеулер жүргізілген жоқ. Монурал препараты бас айналуын туындатуы ықтимал, бұл көлік құралдарын және қауіптілігі зор механизмдерді басқару қабілетіне әсер етуі мүмкін.

Жүктіліктің 1-ші триместрінде (n = 152) фосфомицинді қолдану туралы шектеулі деректер бар. Бүгінгі күні бұл деректер тератогендікке қатысты ешқандай қауіпсіздік белгілерін көрсетпейді. Фосфомицин плацентарлы бөгет арқылы өтеді. Жануарларға жүргізілген зерттеулер буаздыққа, эмбриондық дамуға, ұрықтың дамуына және/немесе постнатальді дамуға тікелей немесе жанама уытты әсерін анықтаған жоқ. Монурал препараттын жүктілік кезінде аса қажет болған жағдайда ғана қолдану керек. Монурал бір дозаны бір рет қабылдағаннан кейін де емшек сүтіне енеді. Егер аса қажеттілік болмаса, емшек сүтімен емізу кезінде Монурал препаратын қабылдауға болмайды.

Фосфомицин мен метоклопрамидті бір мезгілде қолдану қан сарысуында және несепте фосфомицин концентрациясын айтарлықтай төмендетеді. Асқазан-ішек жолдарының моторикасын арттыратын басқа дәрілік препараттар ұқсас әсерлерді тудыруы мүмкін. Фосфомицин трометамолын тамақпен бірге қабылдау қан плазмасындағы және несептегі фосфомицин деңгейін төмендетеді. Сондықтан бұл препаратты аш қарынға немесе тамақтанғаннан немесе басқа дәрілік препараттарды қабылдағаннан кейін 2-3 сағаттан кейін қабылдау ұсынылады. ХҚҚ (халықаралық қалыптасқан қатынас) өзгеруіне байланысты нақты проблемалар болуы мүмкін: антибиотиктерді қабылдайтын пациенттерде К дәрумені антагонистерінің белсенділігі жоғарылаған көптеген жағдайлар туралы хабарланды. Қауіп факторларына ауыр инфекциялар немесе қабыну, жас және жалпы денсаулықтың нашарлығы жатады. Мұндай жағдайларда ХҚҚ өзгеруі инфекциялық аурулардың немесе оны емдеудің салдары болып табылатындығын анықтау қиын. Алайда, антибиотиктердің белгілі бір кластары бар, атап айтқанда: фторхинолондар, макролидтер, циклиндер, котримоксазол және кейбір цефалоспориндер, көбінесе жоғарыда аталған құбылысты тудыруы мүмкін. Өзара әрекеттесуді зерттеу тек ересектерге жүргізілді.

30°С-ден аспайтын температурада сақтау керек. Балалардың қолы жетпейтін жерде сақтау керек!