Моресерк таблетки 24 мг

Бір таблетканың құрамында белсенді зат – 16 мг немесе 24 мг бетагистин дигидрохлориді, қосымша заттар: микрокристалды целлюлоза, гидроксипропилцеллюлоза, маннитол, тальк, сусыз лимон қышқылы, сусыз коллоидты кремнийдің қостотығы. Сыртқы түрінің сипаттамасы Дөңгелек пішінді, бір жағында сызығы бар ақ түсті таблеткалар (16 мг және 24 мг доза үшін).

- бас айналуын (жүрек айнуы және құсумен қатар жүретін), құлақтағы шуылды, естудің үдемелі төмендеуін (кереңдік) қоса, негізгі симптомдармен сипатталатын Меньер синдромы, - шығу тегі әртүрлі вестибулярлы бас айналуды симптоматикалық емдеу

Бетагистиннің әсер ету механизмі жеткіліксіз зерттелген. Бірнеше сенімді гипотезалар бар. Бетагистин гистаминергиялық жүйеге әсер етеді: Бетагистин Н1-әлсіз агонисті және жүйке жүйесі тіндеріндегі сияқты Н3-рецепторлардың күшті антагонисті болып табылады және іс жүзінде Н2-рецепторларға ұқсастығы жоқ. Бетагистин пресинаптикалық Н3-рецепторларды бөгеу арқылы гистамин өндірілуін және шығарылуын арттырады, сондай-ақ Н3-рецепторлардың санын төмендетеді. Бетагистин кохлеарлы аумақта да, мидың барлық тіндерінде де микроциркуляцияны жақсартады: Ішкі құлақтың тамырлы жолағында микроциркуляцияны жақсартады, ішкі құлақтың микротамырлары прекапиллярлы сфинктерінің босаңсыту салдарынан болуы мүмкін. Адамда церебральді қан ағымын арттырады. Бетагистин вестибулярлық компенсацияны жеңілдетеді: Бетагистин орталық вестибулярлық компенсация үдерісін жеңілдетіп және жылдамдата отырып, жануарларда бір жақты нейроэктомиядан кейін вестибулярлық функцияның қалпына келуін тездетеді; бұл әсер гистаминнің өндірілуі мен шығарылуының жоғарылауымен сипатталады және Н3-рецепторлар антагонизмінің арқасында жүзеге асырылады. Адамда вестибулярлы нейроэктомиядан кейін қалпына келтіру кезеңі Бетагистинмен емдеу кезінде азаяды. Бетагистин вестибулярлық ядроларда нейрондардың қозуын өзгертеді: Латеральді және медиальді вестибулярлық ядролардың нейрондарында үдемелі генерациясына дозаға тәуелді басатын әсер етеді.

Дозалау режимі Ересектерге (егде адамдарды қоса): бастапқыда 16 мг тәулігіне үш рет, дұрысы тамақтану кезінде қабылдау керек. Демеуші дозалар, негізінен тәулігіне 24-48 мг диапазонында болады. Емдеу барысында емдік әсеріне байланысты дозаны түзетеді. 16 мг таблеткалар 1/2- 1 таблеткадан күніне 3 рет қабылданады. 24 мг таблеткалар 1 таблеткадан күніне 2 рет қабылданады Балаларға: 18 жастан кіші тұлғаларға тағайындау ұсынылмайды, өйткені қауіпсіздігі мен тиімділігі туралы деректер жеткіліксіз. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің бақылауымен қолдану керек.

- белсенді затқа немесе қосымша заттардың кез келгеніне жоғары сезімталдық - феохромоцитома: бетагистин дигидрохлорид гистаминнің синтетикалық аналогы болғандықтан, ол катехоламиндердің неоплазмадан босатылуына түрткі болуы мүмкін, бұл гипертензияның ауыр түріне әкелуі мүмкін - алкоголизм - эпилепсия - бауыр аурулары - жүктілік және лактация кезеңі - 18 жасқа дейінгі балалар және жасөспірімдер (қауіпсіздігі мен тиімділігі анықталмаған).

Жиі (>1/100, <1/10): - жүрек айну, диспепсия - бас ауыру Жиілігі белгісіз: - аса жоғары сезімталдық реакциялары (анафилаксиялық реакциялар), оның ішінде тері жабындары тарапынан (Квинке ісінуі, бөртпе, қышыну, есекжем) - құсу, іштің ауыруы, метеоризм (егер препарат тамақтану кезінде қабылданса немесе дозаны кемітсе, көрсетілген симптомдар айқындығы аздау болады) Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ http://www.ndda.kz

Симптомдары: жүрек айнуы, құсу, ұйқышылдық, іштің ауыруы, ауыздың құрғауы, атаксия, беттің қызаруы, бас айналу, тахикардия, бронх түйілуі және шырышты қабықтардың ісінуі. Өте жоғары дозаларды қабылдағаннан кейін конвульсия пайда болуы мүмкін. Емі: симптоматикалық. Арнайы антидоты жоқ.

Пациенттерге сақтықпен тағайындау керек: - бетагистин дигидрохлоридімен емдеу диспепсия тудыруы мүмкін болғандықтан асқазан мен он екі елі ішек ойық жарасында (соның ішінде анамнезінде); - бронх демікпесінде, себебі ауру симптомдарының асқынуы мүмкін; - есекжем, бөртпе немесе аллергиялық ринит, себебі ауру симптомдарының асқынуы мүмкін; - артериялық гипотензия. Антигистаминді препараттарды қабылдайтын пациенттерге сақтықпен тағайындайды. Арнайы ескертулер Жүктілік кезінде Бетагистинді жүкті әйелдерге қолдану туралы тиісті деректер жоқ. Жүктілікке, эмбрион/ұрық дамуына, босану мен постнатальді дамуына әсер етуіне қатысты жануарларға жасалған зерттеулер жеткіліксіз. Адамға төнетін ықтимал қаупі белгісіз. Егер анық қажеттілігі болмаса, жүктілік кезінде бетагистин қолданбаған жөн. Лактация кезінде Бетагистин адамның емшек сүтіне өтетіні белгісіз. Бетагистиннің сүтке өтуіне жануарларға зерттеу болмаған. Ана үшін дәрілік заттың маңыздылығы емшекпен қоректендіру мен балаға төнетін ықтимал қауіптері басымдылығын салыстыра отырып, саралануы тиіс. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Бетагистин автомобиль басқару және механизмдермен жұмыс істеу қабілетіне әсер етпейді немесе елеусіз әсер етеді, өйткені клиникалық зерттеулерде осы қабілетке ықтимал әсер ететін ықпалының бетагистинмен байланысты екендігі анықталмаған.

Нұсқаулықта көрсетілмеген.

Басқа дәрілік заттармен өзара әрекеттесуі немесе үйлесімсіздігі жағдайлары белгісіз. Бетагистин метаболизмі В қосалқы типін (мысалы, селегилин) қоса, моноаминооксидаза (МАО) тежейтін препараттармен бәсеңдетіледі. Н1 антагонистерін бір мезгілде қолдану белсенді агенттердің әсерін өзара әлсіретуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Тығыз жабылған түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!