Морфин лонг таблетки 100 мг

10 мг бір таблетканың құрамында белсенді зат – морфин гидрохлориді тригидраты 10.0 мг (8.56 мг морфин гидрохлоридіне баламалы), қосымша заттар: гипромеллоза (гидроксипропилметилцеллюлоза) типі К 100 LV, типі 100 лактоза моногидраты, типі 102 микрокристалды целлюлоза, коллоидты кремнийдің қостотығы, магний стеараты, үлбірлі қабықтың құрамы*: OPADRY® II BROWN 85F265092 дайын қоспасы, соның ішінде: поливинил спирті (Е 1203), полиэтиленгликоль 4000 (Е 1521), тальк (Е 553b), титанның қостотығы (Е 171), темірдің сары тотығы бояғышы (Е 172), темірдің қызыл тотығы бояғышы (Е 172). 30 мг бір таблетканың құрамында белсенді зат – морфин гидрохлориді тригидраты 30.0 мг (25.69 мг морфин гидрохлоридіне баламалы), қосымша заттар: гипромеллоза (гидроксипропилметилцеллюлоза) типі К 250 PH, типі 100 лактоза моногидраты, типі 102 микрокристалды целлюлоза, коллоидты кремнийдің қостотығы, магний стеараты, үлбірлі қабықтың құрамы*: OPADRY® II PURPLE 85F200020 дайын қоспасы, соның ішінде: поливинил спирті (Е 1203), полиэтиленгликоль 4000 (Е 1521), тальк (Е 553b), титанның қостотығы (Е 171), темірдің қара тотығы бояғышы (Е 172), қанқызыл түсті бояғышы [Понсо 4 R] (Е 124). 60 мг бір таблетканың құрамында белсенді зат – морфин гидрохлориді тригидраты 60.0 мг (51.38 мг морфин гидрохлоридіне баламалы), қосымша заттар: гипромеллоза (гидроксипропилметилцеллюлоза) типі К 750 PH, типі 100 лактоза моногидраты, типі 102 микрокристалды целлюлоза, коллоидты кремнийдің қостотығы, магний стеараты, үлбірлі қабықтың құрамы*: OPADRY® II ORANGE 85F230062 дайын қоспасы, соның ішінде: поливинил спирті (Е 1203), полиэтиленгликоль 4000 (Е 1521), тальк (Е 553b), титанның қостотығы (Е 171), темірдің сары тотығы бояғышы (Е 172), күнбатар түстес сары бояғышы (Е 110). 100 мг бір таблетканың құрамында белсенді зат – морфин гидрохлориді тригидраты 100.0 мг (85.63 мг морфин гидрохлоридіне баламалы), қосымша заттар: гипромеллоза (гидроксипропилметилцеллюлоза) типі К 4M, типі 100 лактоза моногидраты, типі 102 микрокристалды целлюлоза, коллоидты кремнийдің қостотығы, магний стеараты, үлбірлі қабықтың құрамы*: OPADRY® II GREY 85F275017 дайын қоспасы, соның ішінде: поливинил спирті (Е 1203), полиэтиленгликоль 4000 (Е 1521), тальк (Е 553b), титанның қостотығы (Е 171), темірдің сары тотығы бояғышы (Е 172), темірдің қара тотығы бояғышы (Е 172). * өндіріс кезінде OPADRY® II дайын қоспасы ретінде де, сондай-ақ өндіріс процесінде дайындалған заттар қоспасы ретінде де пайдалануға болады. Сыртқы түрінің, иісінің, дәмінің сипаттамасы Дөңгелек екі беті дөңес, ашық қоңыр түсті үлбірлі қабықпен қапталған таблеткалар. Көлденең кесіндісінде – ақ немесе ақ дерлік түсті ядро (10 мг доза үшін). Дөңгелек екі беті дөңес, күлгін-қызғылт түсті үлбірлі қабықпен қапталған таблеткалар. Көлденең кесіндісінде – ақ немесе ақ дерлік түсті ядро (30 мг доза үшін). Сопақша екі беті дөңес, қызғылт сары түсті үлбірлі қабықпен қапталған таблеткалар. Көлденең кесіндісінде – ақ немесе ақ дерлік түсті ядро (60 мг доза үшін). Сопақша екі беті дөңес, сұр түсті үлбірлі қабықпен қапталған таблеткалар. Көлденең кесіндісінде – ақ немесе ақ дерлік түсті ядро (100 мг доза үшін).

Ересектер Дәрілік препарат ересектерде айқын және созылмалы ауырсыну синдромын ұзақ уақытқа басу үшін қолдануға арналған. Жедел ауырсыну синдромын басу үшін қолданылмайды.

ATX коды N02AA01 Әсер ету механизмі Морфин орталық жүйке жүйесіндегі (ОЖЖ) апиынды рецепторлардың агонисті ретінде негізінен μ- (мю-), ал аз дәрежеде κ- (каппа-) апиынды рецепторлардың функцияларын атқарады. Супраспинальді аналгезия, тыныс алудың бәсеңдеуі және эйфория μ- апиынды рецепторларға әсер ету арқылы дамиды деп болжанады, ал жұлын аналгезиясы, миоз және седативті әсері κ-рецепторлары арқылы жүзеге асырылады. Орталық жүйке жүйесі Морфиннің негізгі емдік әсері анальгетикалық және седативті (атап айтқанда, ұйықтататын және ансиолитикалық) әсер түрінде көрінеді. Морфин ми діңгегіндегі тыныс алу орталықтарына тікелей әсер ете отырып, тыныс алуды бәсеңдетеді. Морфин сопақша мидағы жөтел орталығының қозғыштығын тікелей төмендете отырып, жөтелу рефлексін басады. Морфиннің жөтелге қарсы әсері анальгетикалық әсер тудыратындарға қарағанда аз мөлшерде білінеді. Морфин тіпті толық қараңғылық кезінде көздің қозғалу жүйкесінің (миоз) орталығының қозуын тудырады. Нүктелік қарашықтар есірткінің артық дозалануының белгісі болып табылады, бірақ геморрагиялық немесе ми көпірінің ишемиялық зақымдануы сияқты кейбір басқа жағдайларға да тән болып табылады. Миозға қарағанда айқын көрінетін мидриаз гипоксияда морфиннің артық дозалану симптомдары кешенінде байқалуы мүмкін. Асқазан-ішек жолдары және басқа тегіс бұлшықеттер Морфин асқазанның антральді бөлігі мен 12 елі ішектің тегіс бұлшықет сфинктерлерінің тонусын арттыра отырып, перистальтиканы әлсіретеді. Аш ішектегі тамақтың қорытылуы баяулайды, ал перистальтика төмендейді. Тоқ ішек перистальтикасының белсенділігі төмендейді, ал оның бұлшықет тонусы іш қатуға дейін әкелетін түйілудің дамуына дейін артады. Морфин әдетте тегіс бұлшықеттердің, әсіресе асқазан-ішек және өт шығару жолдары сфинктерлерінің тонусын арттырады. Морфин Одди сфинктерлерінің түйілуін тудыруы мүмкін, осылайша өт шығару жолындағы қысымды арттырады. Жүрек-қантамыр жүйесі Морфин гистаминнің шығарылуына және одан кейінгі шеткері тамырдың кеңеюіне ықпал етуі мүмкін. Гистаминнің және/немесе шеткері тамырдың кеңеюінің симптомдарына терінің қышуы, қызу сезімі, көздің ақ қабығының қызаруы, қатты терлеу және/немесе ортостатикалық гипотензияның кіруі мүмкін. Эндокриндік жүйе Апиындар гипоталамус-гипофиз-бүйрек үсті безі жүйесіне немесе жыныс бездеріне әсер етуі мүмкін. Ықтимал өзгерістерге адренокортикотропты, лютеиндейтін немесе фолликулостимуляциялайтын гормондардың жеткіліксіз төмен немесе қалыпты деңгейімен бірге қан плазмасындағы пролактиннің артуы және кортизолдың төмендеуі кіруі мүмкін. Клиникалық симптомдар осы гормоналды өзгерістерді көрсетуі мүмкін. Басқа фармакологиялық әсерлері In vitro және жануарларға жүргізілген зерттеулердің нәтижелері морфин сияқты табиғи апиындардың иммундық жүйенің компоненттеріне әсер ету мүмкіндігін көрсетеді; бұл өзгерістердің клиникалық маңыздылығы анықталмаған.

Емдеу мақсаттары және емдеуді тоқтату Морфин лонг препаратымен емдеуді бастар алдында емдеу стратегиясы, оның ішінде емдеу ұзақтығы мен емдеу мақсаттары келісілуі керек. Емдеу кезінде дәрігер мен пациент арасында емдеуді жалғастыру қажеттілігін бағалау, тоқтату мәселесін және қажет болса дозаларды түзетуді қарастыру үшін жиі байланыстар болуы тиіс. Морфин лонг препаратымен терапия қажет болмаған кезде, тоқтату симптомдарын болдырмау үшін дозаны біртіндеп төмендеткен жөн. Талапқа сай ауырсынуды басу болмаған жағдайда гипералгезия, жағымдылық және негізгі аурудың өршуі мүмкіндігін ескеру қажет. Емдеу ұзақтығы Морфин лонгты қажет болғаннан ұзақ қолдануға болмайды. Дозалау режимі Дозалау режимі ауырсыну синдромының ауырлығына, пациенттің жасына және анальгетиктерді бұның алдында қолданудың әсеріне байланысты болады. Ересектер Әлсіздеу апиындармен бақыланбайтын қарқынды ауырсыну симптомдары бар пациенттерде емдеу әдетте 12 сағат сайын 30 мг дозадан басталады. Бұрын морфиннің әдеттегі дәрілік түрлерін ішке қабылдаған пациенттерге Морфин лонг препаратының сол тәуліктік дозасын тағайындап, оны 12 сағаттық аралықпен 2 рет қабылдау үшін бөлу қажет. 100 мг дозасы морфиннің немесе басқа апиынды препараттардың аз дозаларын қолдана отырып титрлеу арқылы тұрақты ауырсынуды басатын доза таңдалған пациенттерге ұсынылады. Ауырсынудың күшеюі препараттың дозасын арттыруды талап етеді. Дозаны мүмкіндігінше бастапқыдан 30-50% арттыру ұсынылады. Егер ауырсынуды басатын әсері жағымсыз реакциялар болмаған немесе болған кезде 12 сағат бойы сақталса, доза әр нақты пациент үшін талапқа сай деп есептеледі. Морфинді парентеральді түрде енгізуді Морфин лонг таблеткаларын ішке қабылдаумен алмастыратын пациенттерде морфинның дозасы бастапқыда препаратты ішке қабылдаған кезде анальгетикалық әсердің ықтимал түрде азаюының орнын толтыру үшін ұлғайтылуы тиіс. Әдетте, ішке қабылдау үшін морфин дозасының ұлғайту морфин препаратын парентеральді түрде енгізу кезінде қолданылған дозаның 100%-на дейін құрауы тиіс. Мұндай жағдайда Морфин лонг препаратының дозасы жекелей таңдалуы керек. Қажет болған жағдайда морфин қосымша парентеральді түрде енгізілуі мүмкін, бірақ морфиннің жалпы дозасының шамасын қатаң бақылау кезінде және баяу босап шығатын осы дәрілік түрге тән морфиннің кейінге қалдырылған әсерлерін назарға алу керек. Енгізу әдісі және жолы Ішке қабылдау үшін. Морфин лонг таблеткаларын бөлмей, шайнамай, ерітпей және ұсақтамай тұтастай жұту керек. Сынған, шайнаған, ерітілген немесе ұсақталған таблеткаларды қолдану морфиннің өлімге әкелуі мүмкін дозасының тез босап шығуына және сіңуіне әкелуі мүмкін. Қабылдау уақыты көрсетілген қолдану жиілігі Морфин лонг таблеткаларын тәулігіне 2 рет 12 сағаттық аралықпен қолдану ұсынылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану бойынша кез келген сұрақтар болған жағдайда дәрігерге қаралыңыз.

– морфинге, басқа апиындарға немесе препараттың қосымша заттарының кез келгеніне аса жоғары сезімталдық – тыныс алудың тарылуы – бас сүйек-ми жарақаттары – ішектің салданып бітелуі (илеус) – диагноз қойылғанға дейін құрсақ қуысы ағзаларының жедел хирургиялық аурулары – асқазаннан баяу эвакуациялану – бронхтың обструкциялық аурулары – бауырдың жедел аурулары – моноаминоксидаза (МАО) тежегіштерімен емдеу аясында немесе оны тоқтатқаннан кейін 2 апта ішінде – операция алдындағы кезеңде немесе операциядан кейінгі алғашқы 24 сағат ішінде – галактозаның тұқым қуалайтын жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы – 18 жасқа дейінгі балалар – жүктілік және бала емізу кезеңі

Морфиннің емдік дозаларын қолданған кезде ең жиі туындайтын жағымсыз реакциялар: жүрек айну, құсу, іш қату, ұйқышылдық. Морфин лонг таблеткаларын ұзақ уақыт қолданған кезде жүрек айнуы және құсу белгілері болмайды, бірақ олар пайда болған жағдайда құсуға қарсы препараттарды тағайындау ұсынылады. Іш қату кезінде бір мезгілде іш жүргізетін дәрілерді қолдану керек. Жағымсыз әсерлердің пайда болу жиілігі Дүниежүзілік денсаулық сақтау ұйымының жіктемесіне сәйкес анықталды: өте жиі (≥ 1/10), жиі (≥ 1/100, < 1/10), жиі емес (≥ 1/1000, < 1/100), сирек (≥ 1/10000, < 1/1000), өте сирек (< 1/10000); белгісіз (қолда бар деректер негізінде бағалау мүмкін емес). Өте жиі – жүрек айнуы, іш қату Жиі – сананың шатасуы, ұйқысыздық – бас айналуы, бас ауыруы, бұлшықеттің еріксіз тартылуы, ұйқышылдық – бетке қан тебуі, АҚ төмендеуі – іштің ауыруы, анорексия, ауыз қуысының шырышты қабығының құрғауы, құсу – гипергидроз, бөртпе – астения, қышыну Жиі емес – аса жоғары сезімталдық реакциясы – қозу, эйфория, елестеулер, көңіл-күйдің өзгеруі – құрысу ұстамалары, бассүйекішілік қысымның жоғарылауы, парестезия, естен тану, миоклонус – көру арқылы қабылдаудың бұзылуы – вертиго – жүректің қағу сезімі – өкпенің ісінуі, тыныс алудың бәсеңдеуі, бронх түйілуі – ішектің бітелуі, дәм сезудің өзгеруі, диспепсия – бауыр ферменттері белсенділігінің жоғарылауы – есекжем – несептің кідіруі – шеткері ісіну Белгісіз – анафилаксиялық және анафилактоидты реакциялар – үзік-үзік ойлау, есірткіге тәуелділік, дисфория – гипералгезия – миоз – брадикардия, тахикардия – АҚ жоғарылауы – жөтелдің азаюы – өттің шаншуы, панкреатиттің өршуі – несепағардың түйілуі – аменорея, либидоның төмендеуі, эрекцияның бұзылуы – дәріге төзімділік, «тоқтату» синдромы – ұйқы кезіндегі орталық апноэ синдромы – панкреатит – Одди сфинктерінің түйілуі – жедел жайылған экзантематозды пустулез (ЖЖЭП) Жекелеген жағымсыз реакциялардың сипаттамасы Есірткіге тәуелділік Морфин лонгты қайта қолдану тіпті емдік дозаларда да есірткіге тәуелділікке әкелуі мүмкін. Есірткіге тәуелділіктің даму қаупі пациенттің жеке қауіп факторларына, апиындармен емдеудің дозасы мен ұзақтығына байланысты ауытқып отыруы мүмкін. Егер сізде жағымсыз реакциялар пайда болса, дереу дәрігерге хабарлаңыз. Бұл нұсқау кез келген ықтимал, оның ішінде нұсқаулықта көрсетілмеген жағымсыз реакцияларға қолданылады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: суық жабысқақ тер, сананың шатасуы, бас айналу, ұйқышылдық, АҚ төмендеуі, ашушаңдық, шаршау, миоз, брадикардия, жедел әлсіздік, баяу қиын тыныс алу, гипотермия, мазасыздық, ауыздың құрғақтығы, делирий психоз, бассүйекішілік гипертензия (ми қанайналымының бұзылуына дейін), елестеулер, бұлшықет сіресуі, құрысулар, ауыр жағдайларда – есінен тану, тыныс алудың тоқтауы, кома. Емі: алғашқы көмек қосымша немесе жасанды желдетуді ұйымдастыру арқылы өкпені желдетуді қамтамасыз етуден тұрады. Ауқымды артық дозалануда вена ішіне 0.8 мг налоксон енгізу керек. Қажет болғанда налоксонды 2-3 минуттық аралықпен немесе 500 мл 0.9% натрий хлориді ерітіндісінде немесе 5% декстроза ерітіндісінде 2 мг дозада инфузиялық түрде қайта енгізеді. Инфузия оның алдыңғы сорғалатып енгізу дозасымен анықталатын жылдамдықпен және пациенттің жауабына сәйкес орындалуы тиіс. Морфиннің босап шығуы ұзаққа созылатын таблеткалардан босап шығуы және оның мөлшерінің артуы 12 сағатқа созылады, сондықтан артық дозалануды емдеу осыған сәйкес жүргізілуі керек. Ауырлығы сәл төмен артық дозалануда налоксонды вена ішіне 0.2 мг дозада сорғалатып енгізеді, кейіннен қажет болған жағдайда дозаны 2 минут сайын 0.1 мг-ға арттырады. «Тоқтату» синдромы симптомдары қаупінің болуын көрсету Ұзақ қолдану курсын кенеттен тоқтатқаннан кейін, бірнеше сағаттан кейін келесі симптомдармен сипатталатын «тоқтату» синдромының дамуы мүмкін: мазасыздық, ашушаңдық, қалтырау, қарашықтың кеңеюі, бетке қан тебу, тершеңдік, жас ағу, мұрынның бітелуі, жүрек айну, құсу, іштің ауыруы, диарея, буындардың ауыруы; максималды көріністер 36-72 сағаттан кейін білінуі мүмкін. «Тоқтату» синдромының дозаны біртіндеп төмендету арқылы алдын алуға болады.

Препаратты қабылдар алдында, егер Сізге келесі аурулар/жағдайлар диагнозы қойылса немесе жоғарыда көрсетілгендердің бірі Сізге қатысты болса дәрігерге хабарлаңыз: – ұйқымен байланысты тыныс алудың бұзылуы кезінде; – тыныс алу функциясының бұзылуы, ауыр ағымды бронх демікпесі; – құрысу синдромы; – бассүйекішілік қысымның жоғарылауы; – гиповолемиямен гипотензия; – ауыр ағымды «өкпелік» жүрек; – жедел алкогольдік улану, алкогольді делирий; – дәрілік заттарды шамадан тыс пайдалану немесе дәрілік тәуелділік, оның ішінде апиынға тәуелділік; – өт шығару жолдарының аурулары; – панкреатит; – бүйрек ауруы және/немесе несеп шығару жүйесі тарапынан басқа да бұзылулар; – бауырдың созылмалы ауруы; – ішектің салданып бітелуінің даму қаупі, созылмалы іш қату; – ішектің қабыну аурулары; – қуық асты безінің гипертрофиясы; – бүйрекүсті безі қыртысының жеткіліксіздігі; – операциядан кейінгі кезең және ішперде қуысы ағзаларына хирургиялық араласудан кейін. Егер жоғарыда айтылғандар Сізге қатысты екеніне сенімді болмасаңыз, препаратты қабылдар алдында дәрігермен кеңесіңіз. Морфин лонг препараты ауырсыну синдромын шұғыл емдеуге жарамайды. Морфин лонг таблеткаларын бөлшектеуге, ұсақтауға болмайды. Алкоголь морфиннің фармакодинамикалық әсерін күшейтетіндіктен, алкогольді сусындар мен құрамында алкоголь бар дәрілік заттарды қолданудан аулақ болу керек. Морфинді ішектің салданып бітелуі (илеус) пайда болуы мүмкін жағдайларда қолдануға болмайды. Илеустің пайда болу қаупі туындаған кезде морфинді пайдаланудың дереу тоқтатылуы тиіс. Бассүйекішілік қысымы жоғары пациенттерде морфиннің қолданылуын бақылау қажет. Тыныс алудың тарылуы және бассүйекішілік қысымның одан әрі көтерілу ықтималдығы жоғары. Санасы шатасқан немесе комадағы пациенттерде морфинді қолданудан аулақ болу керек. Жүрекке жасалатын болжамды операциямен немесе операциядан кейінгі қарқынды ауырсыну синдромы бар басқа операциядағы пациенттерде морфинді қолдануды операцияға дейін 24 сағат бұрын тоқтату керек. Егер соңынан емдеу керек болса, онда дозалау режимі операцияның ауырлығын есепке ала отырып таңдалады. Жүректің айнуы мен құсу кезінде фенотиазин туындыларымен біріктірілімде қолдануға болады. Компенсацияланған тыныс алу жеткіліксіздігі кезінде тыныс алу жиілігін мұқият бақылау қажет. Ұйқышылдық декомпенсацияның ескертетін белгісі болып табылады. Қуық асты безі мен қуық аурулары болған кезде несептің іркілу қаупі болуы мүмкін. Морфин препараттарының ішекке (іш қатуға) жағымсыз әсерін азайту үшін жүйелі профилактикалық түрде емдеу қажет; іш жүргізетін дәрілерді пайдалану керек. ОЖЖ әсер ететін препараттарды (гистаминге қарсы, ұйықтататын, психотропты дәрілер, антихолинергиялық, басқа да ауырсынуды басатын препараттар) бірге тағайындау жағымсыз әсерлердің қаупін арттырады; оларды қолдануға дәрігердің рұқсатымен және бақылауымен ғана жол беріледі. Орталықтан әсер ететін басқа анальгетиктерді бір мезгілде тағайындаған кезде морфиннің дозасын азайту керек, себебі бұл жағдайда тыныс алуды кенеттен тоқтап қалу қаупі бар. Спортшылардың назарын осы препараттың құрамында әсер ететін зат, допингтердің тізіміне кіретін морфин бар екендігіне аудару керек. Ұйқымен байланысты тыныс алудың бұзылуы Апиындар ұйқымен байланысты тыныс алудың бұзылуын, оған қоса ұйқы кезіндегі орталық апноэ және ұйқымен байланысты гипоксемияны тудыруы мүмкін. Апиындарды қолдану дозаға байланысты ұйқы кезіндегі орталық апноэының даму қаупін арттырады. Ұйқы кезіндегі орталық апноэсы бар пациенттерде апиындардың жалпы дозасын төмендетуді қарастырған жөн. Тәуелділік және «тоқтату» синдромы Апиынды анальгетиктерді қабылдайтын барлық пациенттер арнайы бақылауды қажет етеді, тіпті тиісті медициналық тұрғыдан қолданғанда да есірткіге тәуелділіктің даму қаупі бар. Анамнезінде алкогольді немесе дәрілік заттарды шамадан тыс пайдалану көрсетілген пациенттерге препаратты ерекше сақтықпен қолдану керек. Терапияны күрт тоқтатқан кезде, бірнеше сағаттан кейін «тоқтату» синдромының дамуы мүмкін. Апиындарды тұтынумен байланысты бұзылыс (шамадан тыс пайдалану және тәуелділік) Морфин лонг сияқты апиындарды қайта қабылдаған кезде толеранттылық пен физикалық және/немесе психологиялық тәуелділік дамуы мүмкін. Морфин лонгты қайта қолдану апиындарды тұтынумен байланысты бұзылысқа әкелуі мүмкін. Апиындармен емдеудің жоғарырақ дозасы және ұзағырақ жалғасуы келесі бұзылыстардың даму қаупін арттыруы мүмкін. Морфин лонгты шамадан тыс пайдалану немесе қасақана дұрыс емес пайдалану артық дозалануға және/немесе өлімге әкелуі мүмкін. Бұл бұзылыстардың даму қаупі психикалық белсенді заттарды қолданумен байланысты (алкогольді тұтынудың бұзылуын қоса) жеке немесе отбасылық анамнезі (ата-аналары, аға-әпкелері) бар, қазір темекі шегушілерде немесе басқа психикалық денсаулық жағдайлары (мысалы, ауқымды депрессия, мазасыздық және жеке тұлғалық бұзылыстар) бар пациенттерде артады. Морфин лонг препаратымен емдеуді бастар алдында және емдеу кезінде емдеу мақсаттары мен тоқтату жоспары пациентпен келісілуі керек. Емдеуге дейін және емдеу кезінде пациентке апиындар тұтынумен байланысты бұзылыстардың қауіптері мен белгілері туралы хабарлау қажет. Егер бұл белгілер пайда болса, пациенттерге өз емдеуші дәрігеріне қаралу керектігіне кеңес беру керек. Пациенттерге дәрілерді іздеуге байланысты мінез-құлық белгілерін бақылау қажет болады (мысалы, дозаны толықтыру туралы тым ерте өтініштер). Бұл қатар жүретін апиындар мен психобелсенді препараттарға (мысалы, бензодиазепиндер) шолуды қамтиды. Апиындар тұтынумен байланысты бұзылыс белгілері мен симптомдары бар пациенттер есірткіге тәуелділік жөніндегі маманмен кеңесуді қарастыруы керек. Серотонин синдромы Морфинді серотонергиялық дәрілік препараттармен (бас сақинасына қарсы дәрілік заттармен және антидепрессанттармен) бір мезгілде қолдану өмірге қауіп төндіретін жағдай болып табылатын серотонин синдромының туындау қаупін арттыруы мүмкін. Бұл препаратты ұсынылған дозалар ауқымында қолданғанда да орын алуы мүмкін. Серотонин синдромының симптомдары психикалық жағдайдың өзгеруін (мысалы, қозу, елестеулер, кома), вегетативті жүйке жүйесінің бұзылуын (мысалы, тахикардия, лабильді артериялық қысым (АҚ), гипертермия), жүйке-бұлшықет патологияларын (мысалы, гиперрефлексия, қимыл-қозғалыс үйлесімінің бұзылуы, сіреспелік) және/немесе асқазан-ішек жолдарының тарапынан симптомдарды (мысалы, жүрек айну, құсу, диарея) қамтуы мүмкін. Серотонинергиялық препараттарды тоқтату симптомдардың тез жойылуына әкеледі. Қажетті терапия клиникалық көрініспен және симптомдардың айқындылығымен анықталады. Бүйрек үсті безінің жеткіліксіздігі Морфинді қолданған кезде, басқа апиындар жағдайындағыдай, бүйрекүсті безінің кортизолды жеткіліксіз өндіруіне байланысты сирек, бірақ ауыр жағдай дамуы мүмкін. Бүйрекүсті безі функциясы жеткіліксіздігінің симптомдары пайда болған кезде пациенттерді мұқият бақылау қажет: жүрек айнуы, құсу, тәбеттің жоғалуы, шаршау, әлсіздік, бас айналуы, АҚ төмендеуі. Бүйрекүсті безі функциясы жеткіліксіздігінің дамуына күдік болған кезде тиісті диагностикалық тесттер жүргізу қажет. Диагнозды растау кезінде кортикостероид препараттарымен емдеу, сондай-ақ дозаны азайту және морфинді біртіндеп тоқтату (егер қолданылса) көрсетілген. Жыныстық гормондар деңгейінің төмендеуі Морфинді ұзақ уақыт қолданғанда, басқа апиындар жағдайындағыдай, жыныстық гормондар деңгейінің төмендеуі мүмкін. Пациенттер либидоның төмендеуін, эректильді дисфункцияны, аменореяны, бедеулікті байқауы мүмкін. Терінің ауыр жағымсыз реакциялары (SCAR) Морфинмен емдеуге байланысты өмірге қауіп төндіруі немесе өлімге әкелуі мүмкін жедел жайылған экзантематозды пустулез (ЖЖЭП) туралы хабарланды. Бұл реакциялардың көпшілігі емдеудің алғашқы 10 күнінде пайда болды. Пациенттерге ОГЭП белгілері мен симптомдары туралы хабарлау керек және егер оларда осындай симптомдар пайда болса, медициналық көмекке жүгінуге кеңес беру керек. Осы тері реакцияларын көрсететін белгілер мен симптомдар пайда болса, морфинді қодануды тоқтатып, альтернативті емдеуді қарастыру керек. Гепатобилиарлық жүйе тарапынан бұзылулар Морфин Одди сфинктерінің дисфункциясы мен түйілуін тудыруы мүмкін, осылайша билиарлық қысымды жоғарылатады және өт жолдары мен панкреатит симптомдарының даму қаупін арттырады. Арнайы ескертулер Педиатрияда қолдану Препарат 18 жасқа дейінгі балаларда қолданылмайды. Егде және қарттық жастағы пациенттерде қолдану Егде және қарттық жастағы пациенттерде ауырсынуды басатын әсерге спецификалық сезімталдықты, орталық жүйке жүйесіне (сананың шатасуы) және асқазан-ішек жолына (АІЖ) әсерін, сондай-ақ бүйрек функциясының физиологиялық төмендеуін бағалау қажет. Атап айтқанда, бастапқы дозаны тағайындағанда сақтық таныту қажет. Бауыр және бүйрек жеткіліксіздігі бар пациенттерде қолдану Бауыр және/немесе бүйрек функциясы бұзылған пациенттерге морфинді сақтықпен тағайындау қажет, клиникалық мониторинг қажет болады. Басқа есірткі анальгетиктерін қолданғандағыдай, дозаны азайту қажет болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Морфин зейінді және реакцияның жылдамдығын бұзуға қабілетті, сондықтан препаратты қолдану кезінде көлік құралдарын, механизмдерді басқарудан бас тарту керек. Морфин лонг препаратының құрамында допинг-бақылауға зерттеуде оң нәтиже көрсете алатын зат бар. Қосымша заттарға қатысты айрықша нұсқаулар Препараттың құрамында лактоза болуына байланысты тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды. Егер Сізге кейбір қанттар жақпаса, препаратты қабылдағанға дейін дәрігерге барыңыз. Морфин лонг 30 мг және 60 мг таблеткаларының құрамында аллергиялық реакциялар тудыруы мүмкін бояғыштар бар.

Жүктілік Морфинді жүктілік кезінде тыныс алудың ықтимал тежелуіне және шаранада дәрілік тәуелділіктің дамуына байланысты қабылдауға болмайды; морфиннің мутагендік әсері туралы деректер бар. Пре- және интранатальді кезеңде морфинді қысқа мерзімді қабылдаған жағдайда да жаңа туған нәрестеде тыныс алудың бәсеңдеуі мүмкін. Сонымен қатар, жүктіліктің соңында морфинді қабылдау, дозаға қарамастан, жаңа туған нәрестеде «тоқтату» синдромын тудыруы мүмкін (тітіркену, құсу, конвульсия, өлім). Осыған байланысты, жүктілік кезінде морфин қабылданған жағдайда жаңа туған нәрестелердің жағдайына мониторинг жүргізу қажет. Бала емізу Бала емізу кезінде морфинді қабылдауға болмайды (морфин ана сүтіне еніп, онда ананың қан плазмасындағыға қарағанда жоғары концентрацияға жетеді). Бала емізу кезінде препаратты әйелдерге қолдану қажет болған жағдайда емдеу кезеңінде бала емізуді тоқтату қажет.

Емдеуші дәрігерге басқа препараттар қабылдайтыныңыз, жақында қабылдағаныңыз немесе қабылдауды бастауыңыз мүмкін екенін айтыңыз. Морфин ұйықтататын, тыныштандыратын, жергілікті ауырсынуды басатын дәрілердің, анксиолитиктердің және жалпы анестезияға арналған препараттардың әсерін күшейтеді. Этанол, миорелаксанттар және ОЖЖ бәсеңдететін дәрілік заттар депримациялайтын әсерді және тыныс алудың бәсеңдеуін күшейтеді. Морфинді бір мезгілде орталық жүйке жүйесін бәсеңдететін басқа дәрілерді, оған қоса седативті немесе ұйықтататын дәрілерді, жалпы анестезияға арналған дәрілерді, фенотиазиндерді, басқа транквилизаторларды, миорелаксанттарды, гипертензияға қарсы препараттарды, габапентинді немесе прегабалинді және алкогольді қабылдайтын пациенттерге сақтықпен қолдану керек. Бұл препараттарды морфиннің әдеттегі дозаларымен бірге қабылдаған кезде тыныс алудың бәсеңдеуіне, артериялық гипотензияға, терең седативті әсерге немесе комаға әкелетін жағымсыз әсерлер пайда болуы мүмкін. Бупренорфин (оның ішінде алдыңғы емде) басқа апиынды анальгетиктердің ауруды басатын әсерін төмендетеді; µ-апиынды рецепторлар агонистерінің жоғары дозаларын қолдану аясында тыныс алуды бәсеңдету қаупі төмендейді, ал µ- немесе κ-апиынды рецепторлар агонисттерінің төмен дозаларын қолдану аясында тыныс алуды бәсеңдету қаупі артады; дәрілік тәуелділік аясында µ-апиынды рецепторлар агонистерін қабылдауды тоқтатқан кезде «тоқтату» синдромы симптомдарының пайда болуын жеделдетеді, оларды кенеттен тоқтатқанда осы симптомдардың айқындылығын ішінара төмендетеді. Буторфанол, налбуфин немесе пентазоцин жақында морфин сияқты таза агонистерді қолданған пациенттерде «тоқтату» синдромын тудыруы мүмкін. Апиынды анальгетиктердің әсері өз кезегінде басқа қосылыстардың әсеріне ықпал етуі мүмкін. Мысалы, олардың асқазан-ішек жолына әсері сіңудің төмендеуіне әкелуі мүмкін, мысалы, мексилетин немесе метоклопрамид, домперидон әсерінің төмендеуі. Налоксон апиынды анальгетиктердің әсерін, сондай-ақ олар тудырған тыныс алу мен ОЖЖ тежелуін төмендетеді; морфиннің жағымсыз әсерлерін жою үшін тағайындалған бупренорфин, буторфанол, налбуфин және пентазоцин әсерлерін нивелирлеу үшін үлкен дозалар қажет болуы мүмкін; есірткіге тәуелділік аясында «тоқтату» синдромы симптомдарының пайда болуын жеделдетуі мүмкін. Налтрексон есірткіге тәуелділік аясында «тоқтату» синдромы симптомдарының пайда болуын жеделдетеді (симптомдар препаратты енгізгеннен кейін 5 минуттан соң пайда болуы мүмкін, 48 сағат бойы жалғасады, тұрақтылықпен және оларды жоюдың қиындығымен сипатталады); апиынды анальгетиктердің әсерін төмендетеді (анальгетикалық, диареяға қарсы, жөтелге қарсы); гистамин реакциясына байланысты симптомдарға әсер етпейді. Налорфин морфин тудырған тыныс алудың тежелуін жояды. Морфиннің плазмалық концентрациясы ритонавирмен бір мезгілде қабылдағанда артады. Барбитураттарды, әсіресе фенобарбиталды жүйелі қабылдау кезінде есірткі анальгетиктерінің анальгезиялық әсерінің айқындылығын төмендету, сондай-ақ айқаспалы төзімділікті дамыту мүмкіндігі бар. МАО тежегіштерін бір мезгілде қолдану және оларды морфинмен емдеу басталғанға дейін және аяқталғаннан кейін 2 апта ішінде қолдану гипер- немесе гипотензиялық криздердің туындауымен ОЖЖ өмірге қауіп төндіретін аса қозуына және тежелуіне әкелуі мүмкін. Β-адреноблокаторлармен бір мезгілде қабылдаған кезде ОЖЖ-ге бәсеңдету әсерінің күшеюі, допаминмен – морфиннің ауыруды басатын әсерінің азаюы, циметидинмен – тыныс алу бәсеңдеуінің күшеюі, басқа апиынды анальгетиктермен – ОЖЖ, тыныс алудың бәсеңдеуі, АҚ төмендеуі мүмкін. Хлорпромазин морфиннің миотикалық, седативті және ауыруды басатын әсерін күшейтеді. Фенотиазин мен барбитурат туындылары гипотензиялық әсерді күшейтеді және тыныс алудың бәсеңдеу қаупін арттырады. АҚ төмендететін дәрілік заттардың гипотензивті әсерін күшейтеді. Морфин диуретиктердің тиімділігін төмендетуі мүмкін, бұл вазопрессин секрециясының жоғарылауымен байланысты. Сондай-ақ, несептің жедел кідіруінің дамуы және қуық сфинктері спазмының дамуы мүмкін. Хинидин морфиннің плазмалық концентрациясын жоғарылатады. Зидовудиннің бауыр метаболизмін бәсекелі түрде тежейді және оның клиренсін төмендетеді (олардың өзара уыттану қаупі артады). Антихолинергиялық белсенділігі бар дәрілік заттар, диареяға қарсы дәрілік заттар (оның ішінде лоперамид) іш қатудың пайда болу қаупін ішектің бітелуіне, несептің іркілуіне және ОЖЖ-ның бәсеңдеуіне дейін арттырады. Рифампицин мен морфинді бір мезгілде қабылдаған кезде морфин мен оның белсенді метаболиттерінің концентрациясы мен тиімділігі төмендейді; рифампицинмен бір мезгілде емдеген кезде және ол аяқталғаннан кейін клиникалық жағдайын қадағалау және қажет болған жағдайда морфин дозасын іріктеу талап етіледі. Бас сақинасына қарсы дәрілік заттармен (суматриптан, золмитриптан, элетриптан) және антидепрессанттармен бір мезгілде қолдану серотонин синдромының дамуына әкелуі мүмкін. ОЖЖ әсер ететін препараттарды (гистаминге қарсы, ұйықтататын, психотропты дәрілер, антихолинергиялық, басқа да ауырсынуды басатын препараттар) бірге тағайындау жағымсыз әсерлердің қаупін арттырады; оларды қолдануға дәрігердің рұқсатымен және бақылауымен ғана жол беріледі. Морфин препараты тамақпен, сусындармен және алкогольмен Препаратты қолдану кезінде алкогольді ішуге болмайды, өйткені алкоголь морфиннің жағымсыз әсерлерінің даму ықтималдығын арттырады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!