Мотерис таблетки 250 мг

Бір таблетканың құрамында белсенді зат – аскорбин қышқылы 250 мг, қосымша заттар: лактоза моногидраты, гипромеллоза Е15, магний стеараты, гипромеллоза Е5, сусыз коллоидты кремнийдің қостотығы, тазартылған су1. 1 Дайын өнімде жоқ Сыртқы түрінің, иісінің, дәмінің сипаттамасы Сопақша, екі беті дөңес, теңбілдері бар, ақтан ақшыл сары реңді ақ дерлік түске дейінгі таблеткалар.

• анаэробты микрофлорамен байланысты, жеңіл және орташа ауырлық дәрежесіндегі созылмалы немесе қайталанатын вагинитте (бактериялық вагиноз, спецификалық емес кольпит) • қынаптың бұзылған микрофлорасын қалпына келтіру

Мотерис препараты бактериялардың өсуін тежеу арқылы қынаптың рН деңгейін (рН 4,0 кезінде) төмендетеді. Әдетте, қынаптың микрофлорасында негізінен лактобактериялар болады, олардың өсуі қынаптың рН төмендеген (рН < 4,0) кезде де тежелмейді, сондықтан препаратты бірнеше күн қолданғаннан кейін қынаптың қалыпты микрофлорасы қалпына келеді (Додерлейн флорасы, лактобактериялар). Осылайша, қынаптың рН төмендеген кезде анаэробты бактериялардың өсуі айқын тежеледі, бұл ретте ашытқы зеңдердің өсуі тежелмейді. In vitro зерттеулері аскорбин қышқылының қынап микрофлорасына бактериостатикалық және бактерицидтік әсері негізінен рН төмендеуіне байланысты екенін көрсетті. In vivo жағдайында бос радикалдардың акцепторы (сіңіргіші) және антиоксиданты ретінде әсер ететін аскорбин қышқылының лейкоциттердің иммунологиялық және бактерияға қарсы функцияларына әсер ету дәрежесі қазіргі уақытта толық анықталған жоқ. Препарат құрамында аскорбин қышқылы аз дисплазиялық жасушалардың дегенерациясын туындатуы мүмкін деп болжанады.

Дозалау режимі Препараттың 1 таблеткасын ұйықтар алдында тәулігіне 1 рет қынапқа терең енгізеді. Қынап микрофлорасының жеңіл және орташа бұзылыстарында препаратпен емдеу 6 күнді құрайды. Лактобактериялары мүлде жоқ қынап микрофлорасының ауыр бұзылулары бар пациенттерде немесе жүктілік кезінде препаратты бірнеше апта бойы ұзақ уақыт қолдану ұсынылады. Емдеу курсын қайталағанда сәтті емдеу ықтималдылығы артады. Қажет болса, препаратты күн сайын бірнеше апта немесе ай бойы қолдануға болады. Препаратты қолдану ұзақтығын шектеу туралы деректер жоқ. Енгізу әдісі мен жолы Препарат қынап ішіне қолдануға арналған. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану бойынша сұрақтар туындаған жағдайда дәрігерге кеңес алу үшін жүгіну керек.

• әсер етуші затқа немесе қосымша заттардың кез келгеніне аса жоғары сезімталдық • препаратты қолдану кезінде қынап қышқылдығының жоғарылауы салдарынан ауру симптомдарының ықтимал нашарлауына байланысты кандидозды вагинит (кольпит)

Препаратты қолданғаннан кейін қынаптық инфекцияны кез-келген емдеу кезінде азды-көпті байқалатын қынапта күйдіріп ашыту мен қышынудың пайда болуы сирек кездеседі. Кейбір жағдайларда жайсыздық жағдайы зең инфекциясының симптомдарына байланысты. Барлық әйелдердің шамамен 10%-ында ашытқы тәрізді зеңдерден туындаған симптомсыз инфекция байқалатыны белгілі. Ашытқы зеңдердің өсуін тежеу ашытқы зеңдердің өсуін тежейтін заттарды бөліп шығаратын спецификалық анаэробтардың (мысалы, дифениламин) жоғары концентрациясымен қынап микрофлорасының бұзылуы кезінде байқалуы мүмкін. Кейбір жағдайларда қынаптың микрофлорасы қалыпқа келгеннен кейін ашытқы зеңдердің өсуі күшеюі мүмкін, бұл зең инфекциясы симптомдарының дамуына әкелуі мүмкін. Препараттың кез-келген компоненттеріне аса жоғары сезімталдық өте сирек туындауы мүмкін. Бұл жағдайда препаратпен емдеуді тоқтату керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Етеккірлік немесе етеккіраралық қан кету кезінде Мотерис препаратымен жүргізілетін емді уақытша тоқтату қажеттілігі жоқ. Басқа қатарлас аурулар немесе жүйелі инфекциялық аурулар препаратты қолдануға қарсы көрсетілім болып табылмайды. Мұндайда стресстік жағдайларда организмнің С дәруменіне деген қажеттілігінің жоғарылауына байланысты аскорбин қышқылын қосымша қолдану ұсынылады. Аскорбин қышқылы несептегі глюкозаны ферменттік анықтау нәтижелерін, сондай-ақ қан сарысуындағы трансаминазалар, лактатдегидрогеназа және билирубин деңгейін анықтау нәтижелерін бұрмалайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Мотерис препараты көлік құралдарын және қауіптілігі зор механизмдерді басқару қабілетіне әсер етпейді.

Жүктілік Препаратты жүктілік кезінде қолдануға болады. Пациенттерді өрлемелі инфекция қаупін азайту үшін препаратты қолданар алдында қолды мұқият жуу қажеттілігі туралы хабардар ету керек. Лактация Препаратты бала емізу кезінде қолдануға болады.

Салицилаттар аскорбин қышқылының организмнен шығарылу процесін стимуляциялайды. Эстрогендер аскорбин қышқылының биожетімділігін жақсартады. Аскорбин қышқылы антикоагулянттардың белсенділігін төмендетеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!