Мотилон суспензия 1 мг/мл

1 мл суспензияның құрамында белсенді зат – 1 мг домперидон қосымша заттар: сұйық сорбитол (кристалданбайтын) (Е420), микрокристалды целлюлоза және натрий карбоксиметилцеллюлозасы, метилпарагидроксибензоат (Е 218), пропилпарагидроксибензоат (Е 216), натрий сахаринi, полисорбат 20, тазартылған су. Сыртқы түрінің, иісінің, дәмінің сипаттамасы Тәтті дәмі бар ақ түсті суспензия.

- жүрек айну және құсу симптомдарын жеңілдету Қолдану басталғанға дейін қажетті мәліметтер тізбесі

Әсер ету механизмі Домперидон – құсуға қарсы қасиеттері бар дофамин антагонисі. Домперидон гематоэнцефалдық бөгет арқылы аздап өтеді. Домперидонды қолдану сирек жағдайда, әсіресе, ересектерде, экстрапирамидалық жағымсыз реакциялармен қатар жүреді, бірақ домперидон пролактиннің гипофизден бөлініп шығуын стимуляциялайды. Оның құсуға қарсы әсеріне шеткері (гастрокинетикалық) әсерінің және гематоэнцефалдық бөгеттің артқы бөлігінен тыс (area postrema) орналасқан хеморецепторлардың триггерлік аймағында дофамин рецепторларына антагонизмінің бірігуі түрткі болуы мүмкін. Клиникаға дейінгі зерттеулердің деректері, сондай-ақ, домперидонның ми тініндегі концентрацияларының төмендігі, дофамин рецепторларына оның шеткері әсерінің басымдығын көрсетеді. Фармакодинамикалық әсерлері Адамға жүргізілген зерттеулер, ішке қабылданғанда домперидон өңештің төменгі бөліктеріндегі қысымды арттыратынын, антродуоденальді моториканы жақсартатынын және асқазанның босауын жеделдететінін көрсетті. Домперидон асқазан секрециясына ықпал етпейді. QT/QTc аралығына және жүрек электрофизиологиясына әсері ICH-E14 халықаралық ұсыныстарына сәйкес QT аралығына мұқият зерттеу жүргізілді. Бұл салыстырмалы плацебо-бақыланатын, домперидонды тәулігіне 80 мг дейінгі дозада (тәулігіне 4 рет 10 немесе 20 мг) қабылдаған дені сау еріктілер қатыстырылған зерттеу болды. Зерттеуден, домперидон (тәулігіне 4 рет 20 мг) және плацебо топтары арасында QTc ең көп айырмашылығы емнің 4-інші күні байқалатындығы және 3,4 мс құрайтыны (ең кіші квадраттар әдісімен анықталған базалық көрсеткішінен ауытқуы) анықталды. Екіжақты 90 % жоғарғы сенімді аралық (1,0-ден 5,9 мс дейін) 10 мс аспады. Бұл зерттеуде тәулігіне 80 мг дейінгі дозадағы (яғни, ұсынылған ең жоғарғы дозасынан екі есе артық дозадағы) домперидонды қолданғанда клиникалық тұрғыдан елеулі ешқандай QTc әсерлері байқалмады. Алайда, осының алдында дәрілер арасындағы өзара әрекеттестікке жүргізілген екі зерттеу домперидонды монотерапия (тәулігіне 4 рет 10 мг) ретінде қолданған жағдайда QTc ұзарғанын анық көрсетті. Домперидон және плацебо топтары арасында QTcF бойынша ең көп орташа айырмашылық 5,4 мс (95 % сенімді аралық: сәйкесінше 1,7 – 12,4) және 7,5 мс (95 % сенімді аралық: 0,6 – 14,4) құрады. 12 жасқа дейінгі балалардағы клиникалық зерттеу Домперидонды қолданудың қауіпсіздігі мен тиімділігін бағалау үшін, проспективті, көп орталықтық, салыстырмалы жасырын, рандомизацияланған, параллель топтарда плацебо-бақыланатын, 6 айдан 12 жасқа дейінгі (орташа жасы 7 жас), жедел гастроэнтериті бар 292 адам қатысқан клиникалық зерттеу жүргізілді. Пациенттер домперидонның 0,25 мг/кг дозадағы (ең жоғарғысы – тәулігіне 30 мг домперидонға дейін) суспензиясымен немесе плацебомен бірге тәулігіне 3 рет пероральді регидратациялық ем (ПРЕ) қабылдаған. Емдеу ұзақтығы 7 күнге дейін болды. Бұл зерттеу домперидонды қолданып біріктірілген емнің алғашқы 48 сағаты емдеу барысында құсу симптомдарын азайтуда тиімділігі зор (плацебомен салыстырғанда) екендігін көрсетпеді.

Дозалау режимі Жүрек-қантамырлар құбылыстарының даму қаупін азайту үшін домперидонды жүрек айнуы мен құсуды бақылау үшін қажетті ең аз тиімді дозада және барынша қысқа мерзімде қолдану керек. Ересектер мен жасөспірімдер (дене салмағы 35 кг-нан асатын 12 жастан асқан). 10 мг (10 мл суспензия) – тәулігіне 3 реттен артық емес. Препараттың ең жоғары тәуліктік дозасы – 30 мг (30 мл суспензия). Пациенттердің ерекше топтары Бауыр жеткіліксіздігі бар пациенттер Орташа және ауыр дәрежедегі бауыр функциясының бұзылуында домперидон қолдануға болмайды. Бауыр функциясының жеңіл дәрежедегі бұзылулары кезінде дозалау режимін түзету талап етілмейді. Бүйрек жеткіліксіздігі бар пациенттер Домперидонның жартылай шығарылу кезеңі бүйрек функциясының ауыр бұзылулары кезінде ұзаратындықтан, қайталап қолданған кезде қабылдау жиілігін бұзылулардың ауырлығына байланысты күніне 1-2 ретке дейін төмендету қажет, сондай-ақ дозаны төмендету қажет болуы мүмкін. Енгізу әдісі мен жолы Препаратты тамақтанар алдында қабылдау ұсынылады. Препаратты тамақтан кейін қабылдаған кезде оның сіңірілуі біршама баяулауы мүмкін. Пациент препаратты белгіленген уақытта қабылдауы керек. Дәрілік препараттың бір немесе бірнеше дозасын өткізіп алған кездегі қажетті шаралар Егер препаратты қабылдауды өткізіп алғанда, өткізіп алған дозаны тағайындалған қабылдау режимін жаңарта отырып, алып тастау керек. Өткізіп алған қабылдаудың орнын толтыру үшін өткізіп алған препарат дозасын екі еселеуге болмайды.

- домперидонға немесе қосымша заттардың кез келгеніне аса жоғары сезімталдық - ауыр және орташа дәрежедегі бауыр жеткіліксіздігі - электролиттік теңгерімінің елеулі бұзылулары немесе іркілісті жүрек жеткіліксіздігі сияқты жүрек аурулары бар жүрек өткізгіштік аралықтарының, атап айтқанда QT ұзаруы диагнозы қойылған пациенттерге - апоморфинді қоспағанда, QT аралығын ұзарту қаупінің белгілі факторымен басқа дәрілік заттарды бір мезгілде қолдану - күшті әсер ететін CYP3A4 тежегіштерімен бір мезгілде қолдану (олардың QT аралығын ұзарту қабілетіне қарамастан) - гипофиздің пролактин секрециялайтын ісігі (пролактинома) - асқазанның моторикасын ынталандыру қауіпті болуы мүмкін кез келген жағдайда, мысалы, асқазан-ішектен қан кету, механикалық бітелу, немесе перфорация болған кезде - тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға

Жиі -ауыздың құрғауы Жиі емес - либидоның жоғалуы, үрейлену, күйгелектік, ажитация - бас айналуы, ұйқышылдық, бас ауыруы, экстрапирамидалық бұзылыстар - диарея - қышыну, бөртпелер, есекжем - галакторея, кеуденің ауыруы, сүт бездері аймағының ауыруы. - астения Белгісіз - анафилаксиялық шокты қоса, анафилаксиялық реакциялар - құрысулар, тынымсыз аяқ синдромы* - окулогирлiк криз - QT аралығының ұзаруы, Torsades de pointes, қарыншалық аритмиялар, кенеттен болатын жүрек өлімі - ангионевроздық ісіну - несептің іркілуі - гинекомастия, аменорея - бауыр функциясының зертханалық көрсеткіштерінің ауытқулары, қан пролактині деңгейінің жоғарылауы * Паркинсон ауруы бар науқастарда тынымсыз аяқ синдромының өршуі. Домперидонды неғұрлым жоғары дозаларда, ұзағырақ мерзім бойына және диабеттік гастропарезді қоса, басқа да көрсетілімдері бойынша пайдаланылған клиникалық зерттеулерде, жағымсыз құбылыстардың (ауыздың құрғауынан өзге) жиілігі едәуір жоғары болды. Бұл әсіресе гиперпролактинемиямен байланысты фармакологиялық болжанатын құбылыстар үшін айқын болды. Жоғарыда атап келтірілген реакциялардан бөлек, акатизия, сүт бездерінен бөліністер, сүт бездерінің ұлғаюы немесе ісінуі, депрессия, сүт бездерінің аса жоғары сезімталдығы, лактация бұзылуы және етеккірлердің жүйесіздігі де байқалған. Постмаркетингтік кезеңде ересек пациенттер мен жасөспірім пациенттер арасында қауіпсіздік бейінінде айырмашылықтар болмаған. Кейбір эпидемиологиялық зерттеулерде ауыр қарыншалық аритмия және кенеттен жүрек өлімі қаупінің жоғарылауы тіркелді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары негізінен емшектегі нәрестелер мен жасы үлкендеу балаларда білінген. Симптомдары: қозуды, сананың өзгеруін, құрысуларды, бағдарсыздықты, ұйқышылдық пен экстрапирамидалық реакцияларды қамтуы мүмкін. Емі: дәрілік зат артық дозаланған жағдайда, QT аралығының ұзаруы мүмкін болғандықтан, пациентке тез арада симптомдық ем тағайындап, ЭКГ мониторингін жүргізу қажет. Домперидонның арнайы антидоты жоқ, бірақ елеулі артық дозалануы жағдайында бір сағат ішінде асқазанды шаю және белсендірілген көмірді қолдану, сондай-ақ, пациентті мұқият қадағалау мен демеуші ем ұсынылады. Антихолинергиялық препараттар, Паркинсон ауруын емдеуге арналған препараттар экстрапирамидалық реакцияларды бақылауға алу үшін тиімді болуы мүмкін. Қажет болған жағдайда дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады

Домперидонды шайқалу симптомдарын жеңілдету мақсатында пайдалану ұсынылмайды. Жүрек-қантамырлық әсерлері Домперидонды қолдану ЭКГ-да QT аралығының ұзаруымен байланысты. Маркетингтен кейінгі қадағалау барысында домперидонды қабылдаған пациенттерде QT аралығы ұзарғаны, Torsades de pointes жөнінде хабарламалар өте сирек алынды. Бұл хабарламалар басқа қолайсыз қауіп факторлары, электролиттік теңгерімінің бұзылулары бар және ықпал ететін факторлар болуы мүмкін қатарлас емді қабылдап жүрген пациенттер туралы ақпаратты қамтыды. Эпидемиологиялық зерттеулер домперидонды қолдану қарыншалық аритмия және кенеттен жүрек ауруынан өлудің даму қаупінің жоғарылығымен байланысты екендігін көрсетті. 60 жастан асқан, күнделікті 30 мг астам домперидонды қабылдайтын, QT аралығы ұзаруының қауіп факторы белгілі басқа дәрілік заттарды немесе CYP3A4 күшті тежегіштерін бір мезгілде қабылдап жүрген пациенттерде қауіптің жоғарырақ екендігі байқалды. Домперидонды ең төменгі тиімді дозасында қабылдау керек. Жүрек өткізгіштігі, атап айтқанда, QT аралықтарының ұзаруы диагнозы қойылған, электролиттік теңгерімінің елеулі бұзылулары (гипокалиемия, гиперкалиемия, гипомагниемия) немесе брадикардиясы бар пациенттерге, жүректің іркілісті жеткіліксіздігі сияқты жүрек аурулары бар пациенттерде қарынша аритмиясының даму қаупі жоғары болғандықтан, домперидонды қолдануға болмайды. Электролиттік теңгерімінің бұзылулары (гипокалиемия, гиперкалиемия, гипомагниемия), брадикардия аритмияға ізашар қауіпті арттыратын факторлар болып табылады. Егер пациентте жүрек аритмиясымен астасуы мүмкін белгілер мен симптомдар байқалса, домперидонмен емдеуді тоқтату қажет. Пациент дәрігермен кеңесуі керек. Пациентке жүрек тарапынан кез келген симптомдардың дамығаны туралы кідірмей дәрігерге хабарлауға кеңес беру қажет. Апоморфинмен бір мезгілде қолдану Домперидонды бірге қолданудың пайдасы қаупінен асып түсетін жағдайлардан және тек бірге қолдану бойынша ұсынылатын шаралар қатаң сақталған жағдайдан басқасында апоморфинді қоса, QT аралығын ұзартатын дәрілік заттармен бірге қолдануға болмайды. Апоморфинді қолданудың қауіпсіздігі жөніндегі, жалпы сипаттамасында немесе медициналық қолдану жөніндегі нұсқаулықта берілген ұсынымдарды ескеру керек. Бүйрек функциясының бұзылуы Бүйрек функциясының ауыр бұзылулары кезінде домперидонның жартылай шығарылу кезеңі ұзарады. Домперидонды қайталап тағайындағанда қолданылу жиілігі бүйрек функциясы бұзылуларының ауырлығына байланысты тәулігіне 1-2 есеге дейін төмендетілуі тиіс, сондай-ақ дозасын азайту қажеттілігі туындауы мүмкін. Қосымша заттар Препараттың құрамында натрий сахарині бар, сондықтан тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға қолдануға болмайды. Препараттың құрамындағы метилпарагидроксибензоат (Е218) пен пропилпарагидроксибензоат (Е216) аллергиялық реакцияларды (баяу білінуі мүмкін) туғызуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Домперидонды қабылдағаннан кейін бас айналу және ұйқышылдық байқалды. Пациенттерге көлік құралын жүргізуден немесе күрделі механизмдерді пайдаланудан, сондай-ақ препаратты қабылдау оларға қаншалықты әсер ететінін анықтағанша, жоғары назар аударуды және үйлестіруді талап ететін қызметті орындаудан бас тарту ұсынылады.

Жүкті әйелдерде домперидонды қолдану туралы деректер жеткіліксіз. Осылайша, препарат жүктілік кезінде күтілетін емдік пайдасы оның тағайындалуын ақтайтын болса ғана қолданылуы керек. Домперидон емшек сүтімен шығарылады, нәресте ана дозасының 0,1% - дан азын алады. Егер емізетін ана домперидонды қабылдаса, балада, әсіресе жүрек-қантамыр жүйесі тарапынан жағымсыз реакциялардың дамуын жоққа шығаруға болмайды. Бала үшін емшек сүтімен емізудің артықшылығы мен әйел үшін домперидон терапиясының пайдасын бағалай отырып, емшек емізуді тоқтату немесе домперидонды қабылдауды тоқтату/тоқтата тұру туралы шешім қабылдау қажет. Егер емшек сүтімен қоректенетін балада QT аралығының ұзару қаупі факторлары болса, сақ болу керек.

Антацидті немесе антисекрециялық препараттарды препаратпен бір мезгілде қабылдауға болмайды, өйткені олар домперидонның пероральді биожетімділігін төмендетеді. Бірге қолданғанда домперидонды ас ішер алдында, антацидтік немесе антисекрециялық препараты – тамақтан кейін қабылдау керек. Леводопамен бір мезгілде қолдану Леводопаның дозасын түзету қажет деп есептелмесе де, препаратты домперидонмен бір мезгілде қабылдағанда леводопаның плазмадағы концентрациясының артқаны (ең көбі 30–40 %-ға) байқалған. Антихолинергиялық препараттар домперидонның әсерін бейтараптандыруы мүмкін. Фармакодинамикалық және/немесе фармакокинетикалық өзара әрекеттесу салдарынан QT аралығы ұзаруының қаупі жоғары. Мынадай дәрілік заттармен бір мезгілде қолдануға болмайды: QT аралығын ұзартатын: • аритмияға қарсы ІА класымен (дизопирамид, гидрохинидин, хинидин); • аритмияға қарсы III класымен (мысалы, амиодарон, дофетилид, дронедарон, ибутилид, соталол); • кейбір нейролептиктермен (мысалы, галоперидол, пимозид, сертиндол); • кейбір антидепрессанттармен (мысалы, циталопрам, эсцеталопрам); • кейбір антибиотиктермен (мысалы, эритромицин, левофлоксацин, моксифлоксацин, спирамицин); • кейбір зеңге қарсы (мысалы, пентамидино); • кейбір безгекке қарсы (атап айтқанда галофантрин, люмефантрин); • кейбір асқазан-ішек препараттарымен (мысалы, цизаприд, доласетрон, прукалоприд); • кейбір антигистаминдермен (мысалы, меквитазин, мизоластин); • обырды емдеуге қолданылатын кейбір препараттармен (мысалы, торемифен, вандетаниб, винкамин); • кейбір басқа препараттармен (мысалы, бепридил, дифеманил, метадон); • апоморфин, егер апоморфинді тағайындаудың пайдасы қауіптен аспаса және тек барлық сақтық шараларын толық сақтаған жағдайда. Күшті CYP3A4 тежегіштерімен (олардың QT аралығын ұзарту қабілетіне байланыссыз): • протеаза тежегіштері (мысалы, ритонавир, саквинавир, телапревир); • жүйелі әсер ететін азолды зеңге қарсы препараттармен (итраконазол, кетоконазол, позаконазол, вориконазол); • кейбір макролидтермен (эритромицин, кларитромицин, телитромицин). Домперидонды орташа CYP3A4 тежегіштерімен, мысалы, дилтиаземмен, верапамилмен және кейбір макролидтермен бір мезгілде қабылдау ұсынылмайды. Брадикардия мен гипокалиемияны туындататын дәрілік заттарды, сондай-ақ QT аралығын ұзартатын макролидтерді: азитромицин мен рокситромицинді (кларитромицинді қолдануға болмайды, өйткені бұл CYP3A4 күшті тежегіші) бір мезгілде қолданғанда сақ болу қажет. Жоғарыда келтірілген заттардың тізімі ұсынымдық болып табылады және толық емес. Домперидонның метаболизмдік түрленуінің басты жолы Р450 цитохромы жүйесі CYP3A4 изоферментінің қатысуымен өтеді, сондықтан домперидон мен осы изоферментті елеулі тежейтін дәрілік заттарды бір мезгілде қолданған кезде қан плазмасындағы домперидон деңгейінің жоғарылауы мүмкін. Пероральді кетоконазолмен немесе пероральді эритромицинмен домперидон, CYP3A4 арқылы осы препараттармен алғашқы өту метаболизмі арқылы байқалатын тежелу.

Сақтау мерзімі 3 жыл Жарамдылық мерзімі өткеннен кейін қолдануға болмайды Құтыны ашқаннан кейін қолдану мерзімі - 12 ай. Сақтау шарттары 25ºС -ден аспайтын температурада сақтау керек. Балалардың қолы жетпейтін жерде сақтау керек!