Мукалтин® таблетки 50 мг

Бір таблетканың құрамында белсенді зат – 50.00 мг мукалтин құрғақ экстрактісі (дәрілік жалбызтікен шөбінің экстрактісі), қосымша заттар: шарап қышқылы, Effer-Soda® 12, микрокристалды целлюлоза, кальций стеараты. Сыртқы түрінің, иісінің, дәмінің сипаттамасы Күңгірт және ақшыл теңбілдерімен, крем түстес түстен қоңыр түске дейінгі, жалпақ цилиндр пішінді, ойығы бар таблеткалар.

Тыныс жолдарының бөлінуі қиын, тұтқырлығы жоғары қақырық түзілуімен қатар жүретін жедел және созылмалы ауруларында: • обструкциялық бронхитте • трахеобронхитте • пневмокониозда • бронхоэктаздық ауруда • пневмонияда • өкпе эмфиземасында

Әсер ету механизмі Мукалтиннің құрамында белсенді зат ретінде дәрілік жалбызтікен шөбінің құрғақ экстрактісі бар. Дәрілік жалбызтікен (Althaea officinalis L.) - көпжылдық шөптесін өсімдік. Ресми медицинада ол секретолитик және тыныс алу жолдарының мотор функциясының стимуляторы ретінде қолданылады. Әдетте, қақырық түсіруді стимуляциялайтын және секретомоторлы деп аталатын препараттар қақырығы шығуы қиын жөтелмен бірге жүретін бронхөкпелік ауруларды емдеуде қолданылады. Дәрілік жалбызтікен шөбі осы топтың типтік өкілі, ол бронх және сілекей бездерінің секрециясын рефлекторлық стимуляциямен (сопақша мидың құсу орталығы арқылы) асқазанның шырышты қабығының рецепторларына әлсіз тітіркендіргіш әсер етеді. Нәтижесінде жыпылықтайтын эпителийдің физиологиялық белсенділігі және тыныс алу бронхиолаларының перистальтикасы бронх бездерінің секрециясының жоғарылауымен және қақырықтың тұтқырлығының шамалы төмендеуімен бірге күшейеді. Дәрілік жалбызтікен шөбі препараттары клиникаға дейінгі зерттеулер нәтижесінде зерттелген қақырық түсіретін әсерден басқа, қабынуға қарсы, жұмсартатын және бүркемелейтін әсерге ие.

Дозалану режимі Ересектерге және балаларға 6 жастан бастап тамақтанар алдында 1-2 таблеткадан тәулігіне 3-4 рет қабылдау керек. Емдеу курсы әдетте 7-14 күнді құрайды. Балаларға препараттың таблеткасын 1/3 стақан жылы суда ерітіп беруге болады. Енгізу әдісі және жолы Пероральді. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар Дәрілік препаратты қолданар алдында кеңес алу үшін дәрігерге жүгініңіз.

• әсер етуші затына немесе қосымша заттарының кез келгеніне аса жоғары сезімталдық • асқазанның және он екі елі ішектің ойық жара ауруы • 6 жасқа дейінгі балаларға

Белгісіз (қолда бар деректердің негізінде бағалау мүмкін емес) • тері бөртпесі, қышыну түріндегі аллергиялық реакция • диспепсия, жүрек айну Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу. Емі: препаратты қабылдауды тоқтату, симптоматикалық ем.

Балаларда қолданылу 6 жасқа дейінгі балаларға Мукалтин® препаратын қолдануға болмайды. Егде жастағы пациенттер Мукалтин® препаратының егде жастағы пациенттерге әсері зерттелмеген. Басқа жағдайлар Асқазан мен он екі елі ішектің ойық жарасымен ауыратын пациенттерге Мукалтин® препаратын қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және лактация кезінде ана үшін болжамды пайдасы шаранаға немесе сәбиге төнетін потенциалды қауіптен астам болатын жағдайларда ғана қолданылуы мүмкін.

Мукалтин® препаратын бронх-өкпе ауруларын емдеуде қолданылатын басқа препараттармен бір мезгілде тағайындауға болады. Мукалтин® препаратын құрамында кодеин және жөтелге қарсы басқа дәрілік заттар бар препараттармен бір мезгілде қолдануға болмайды, өйткені бұл сұйылған қақырықтың жөтелгенде шығуын қиындатады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, құрғақ жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!