Мукалтин порошок 50 мг

Бір пакеттің ішінде белсенді зат –50.0 мг Мукалтин құрғақ экстрактісі (Дәрілік жалбызтікен шөбінің экстрактісі) қосымша заттар: натрий гидрокарбонаты, Effer-Soda®12, лимон қышқылы, маннитол, аспартам, банан хош иістендіргіші Сыртқы түрінің, иісінің, дәмінің сипаттамасы Өзіне тән иісі бар, едәуір ашық және күңгірт бөлшекті теңбілдері бар ашық-крем түстіден қоңыр түске дейінгі гигроскопиялық ұнтақ, ұнтақтың түйіршіктелуіне жол беріледі.

Бөлінуі қиын тұтқырлығы жоғары қақырық түзілуімен қатар жүретін тыныс алу жолдарының жедел және созылмалы ауруларында (трахеобронхиттер, обструкциялық бронхит, бронхоэктаздар, пневмония) кешенді ем құрамында

Әсер ету механизмі Мукалтин құрғақ экстрактісі дәрілік жалбызтікен шөбінен алынған, қақырық түсіретін қасиеттері бар полисахаридтер қоспасы болып табылады. Рефлекторлы стимуляциялаудың арқасында жыпылықтайтын эпителий белсенділігін және бронх бездері секрециясының күшеюімен бірге тыныс алу бронхиолаларының перистальтикасын күшейтеді. Натрий гидрокарбонаты қақырықты сұйылтады және бронх секрециясын біршама арттырады.

Дозалану режимі Ересектерге және балаларға 6 жастан бастап 1-2 пакеттен тәулігіне 3-4 рет қабылдау керек. Балаларға пакеттегі препаратты 1/3 стақан жылы суда ерітіп беруге болады. Енгізу әдісі және жолы Тамақтану алдында, пероральді қолданылады. Ұнтақты 100 мл жылы суда еріту қажет. Емдеу ұзақтығы Емдеу курсы әдетте 7-14 күнді құрайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Препаратты қолдану туралы сұрақтар туындаса, дәрілік препарат қолданар алдында емдеуші дәрігерге жүгініңіз.

• препарат компоненттеріне жоғары сезімталдық • асқазанның және он екі елі ішектің ойық жара ауруы • 6 жасқа дейінгі балаларға • фенилкетонуриямен ауыратын пациенттерге қарсы көрсетілімді

Белгісіз (қолда бар деректердің негізінде бағалау мүмкін емес) • тері бөртпесі, қышыну түріндегі аллергиялық реакция • диспепсия, жүрек айнуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу. Емі: препаратты тоқтату, симптоматикалық ем. Дәрілік препараттың бір немесе бірнеше дозаларын өткізіп алғанда қажет болатын шаралар Ұмытылған дозаның орнын толтыру үшін қосарлы дозаны қабылдамаңыз.

Препараттың компоненттеріне аса жоғары сезімталдығы бар адамдарға Мукалтин препаратын қолдануына болмайды. Препараттың бір пакетінің ішінде 164,3 мг (7,14 ммоль) натрий бар. Тұзсыз диета ұстап жүретін адамдарға тағайындағанда сақ болу керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді

Жүктілік және лактация кезінде ана үшін болжамды пайдасы шаранаға немесе сәбиге төнетін әлеуетті қауіптен артық болатын жағдайларда ғана қолдануға болады.

Мукалтинді бронх-өкпе ауруларын емдеу кезінде қолданылатын басқа да препараттармен бір мезгілде тағайындауға болады. Мукалтинді құрамында кодеин және жөтелге қарсы басқа дәрілік заттар бар препараттармен бір мезгілде қолдануға болмайды, өйткені бұл сұйылған қақырықтың жөтелмен шығуын қиындатады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!