Мукоплант жөтелге қарсы тамшылар капли

30 мл препараттың құрамында белсенді заттар: жебіршөптің сұйық экстрактісі (1: 2-2.5) 7.05 г (экстрагент: аммиак ерітіндісі 10 % (м/м)/глицерин 85% (м/м) / этанол 90% (көлемі бойынша)/ су (1/20/70/109)), жұлдызды анис майы 1.41 г, қосымша заттар: 96% этанол, пропиленгликоль, макрогол гидроксистеарат глицерині. Сыртқы түрінің, иісінің, дәмінің сипаттамасы Анис пен жебіршөпке тән иісі бар қоңыр түсті сұйықтық. Құтыны сілку кезінде жоғалып кететін аздаған бұлыңғырлыққа жол беріледі.

Қақырық бөлінуі қиын жөтелмен қатар жүретін тыныс алу жолдарының қабыну аурулары (кешенді ем құрамында): - трахеит; - бронхит; - трахеобронхит.

ATX коды R05CA10 Препарат қақырық түсіретін, айқын муколитикалық, бронхолитикалық әсерге ие. Жебіршөп экстрактісіндегі эфир майы айқын экспекторанттық қасиетке ие, жоғарғы тыныс алу жолдарының кірпікшелі эпителийінің қимыл белсенділігін көтермелейді және шырышты қабықтың секреторлық бөліндісінің санын ұлғайтады, сондай-ақ қабыну өңездерін босатуға, қақырықты сұйылтуға және оның шығарылуын тездетуге көмектеседі. Анис майының құрамындағы анетол бронхтың шырышты қабығына тітіркендіруші әсер етеді, тыныс алудың рефлекторлық қозуына, трахеяның, көмейдің, бронхтың шырышты қабығының секрециясының күшеюіне ықпал етеді.

Дозалау режимі Тек ересектер үшін. Күніне 3 рет 1/4 стакан суда сұйылтылған 20 тамшыны қабылдайды. Емдеу ұзақтығы 2 апта. Дәрігердің нұсқауы бойынша емдеу курстарының ұзақтығын ұлғайтуға мен қайталауға болады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қабылдаудан бұрын дәрігерге немесе фармацевтке хабарласыңыз.

- препарат компоненттеріне жоғары сезімталдық • Lamiaceae (Labiatae) тұқымдасының және Apiaceae (Umbelliferae) тұқымдасының (фенхель, зире, балдыркөк, кориандр және аскөк немесе анетол) басқа өсімдіктеріне жоғары сезімталдық - жүктілік және лактация кезеңі - балалар мен 18 жасқа дейінгі жасөспірімдер - алкоголизм - эпилепсия - бауыр функциясының бұзылуы Сақтықпен (препаратта этанолдың болуы салдарынан) - ми аурулары мен жарақаттары

Белгісіз: - аллергиялық реакциялар (тері гиперемиясы, қышыну, есекжем, обструкциясы бар бронх түйілуі, анафилаксиялық шок, Квинке ісінуі) болуы мүмкін - асқазан-ішек бұзылыстары. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Анис майын 1-ден 5 миллилитрге дейін ішке қабылдау жүрек айнуын, құсуды, құрысуды және өкпе ісінуін тудыруы мүмкін. Артық дозалану симптомдары пайда болған жағдайда дәрігерге қаралу қажет Емі: симптоматикалық.

Қатысты емес. Арнайы ескертулер Препарат құрамында әр дозалау бірлігінде (20 тамшы) 338 мг алкоголь (этанол) бар, бұл 406 мг/г эквивалентін құрайды. Бұл дәрінің 20 тамшысындағы көлем 9 мл сырадан немесе 4 мл шараптан аз. Бұл дәрідегі алкогольдің аз мөлшері айтарлықтай әсер етпейді. Егер дәрілік затты 3 күн бойы қабылдау кезінде симптомдар жақсармаса немесе жағдайдың нашарлауы байқалса (іріңді қақырықпен жөтел, тыныс алудың бұзылуы, температураның көтерілуі пайда болса), дереу дәрігерге қаралу қажет. Қосымша заттар Препарат құрамында әр 20 тамшыда 250 мг пропиленгликол бар, бұл 300 мг/г-ға баламалы. Макрогол гидроксистеарат глицерині асқазан бұзылысы мен диареяны тудыруы мүмкін.

Жүктілік кезінде және бала емізу кезеңінде қолдану кезінде жеткілікті деректер жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері. Автокөлікті басқару немесе басқа механизмдермен жұмыс істеу қабілетіне теріс әсер байқалған жоқ.

Жөтелге қарсы Мукоплант тамшыларын құрамында жөтелге қарсы дәрілік заттар бар препараттармен бір мезгілде қолдануға болмайды, өйткені бұл сұйылтылған қақырықты жөтелмен шығаруды қиындатады. Құрамында этил спирті бар басқа дәрілік заттарды бір мезгілде қолданудан аулақ болу керек.

Сақтау мерзімі 3 жыл Алғашқы ашудан кейінгі сақтау мерзімі - 6 ай. Жарамдылық мерзімі өткеннен кейін қолдануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек!