мультиБик раствор 2 ммоль/л калий

белсенді заттар: Құрамы АРАЛАСТЫРҒАНҒА ДЕЙІН Бір литрдің (1000 мл) құрамында Қышқылды электролит, глюкоза ерітіндісі. А ерітіндісі (кіші камера) — 2 ммоль/л калий — 4 ммоль/л калий Калий хлориді — 2.982 г — 5.964 г Кальций хлориді дигидраты — 4.410 г — 4.410 г Магний хлориді гексагидраты — 2.033 г — 2.033 г Глюкоза моногидраты (Глюкоза) — 22.00 г (20.00 г) — 22.00 г (20.00 г) Гидрокарбонаттың сілтілі ерітіндісі. В ерітіндісі (үлкен камера) Натрий хлориді — 6.453 г — 6.453 г Натрий гидрокарбонаты — 3.104 г — 3.104 г АРАЛАСТЫРҒАННАН КЕЙІН Бір литрдің (1000 мл) құрамында: 2 ммоль/л калий — 4 ммоль/л калий Натрий хлориді — 6.136 г — 6.136 г Калий хлориді — 0.1491 — 0.2982 Натрий гидрокарбонаты — 2.940 г — 2.940 г Кальций хлориді дигидраты — 0.2205 г — 0.2205 г Магний хлориді гексагидраты — 0.1017 г — 0.1017 г Глюкоза моногидраты (Глюкоза) — 1.100 г (1.000 г) — 1.100 г (1.000 г) Бір литрдің (1000 мл) иондық құрамы: мультиБик 2 ммоль/л калий — мультиБик 4 ммоль/л калий К+ — 2.0 ммоль — 4.0 ммоль Na+ — 140 ммоль — 140 ммоль Ca2+ — 1.5 ммоль — 1.5 ммоль Mg2+ — 0.50 ммоль — 0.50 ммоль Cl– — 111 ммоль — 113 ммоль HCO3– — 35 ммоль — 35 ммоль Глюкоза — 5.55 ммоль — 5.55 ммоль рН — 7.4 жуық — 7.4 жуық Теориялық осмолярлылығы — 296 мосмоль/л — 300 мосмоль/л қосымша заттар: А ерітіндісі (кіші камера) инъекцияға арналған су, 25% хлорсутек қышқылы В ерітіндісі (үлкен камера) инъекцияға арналған су, көмірқышқыл газы, натрий дигидрофосфаты дигидраты Сыртқы түрінің, иісінің, дәмінің сипаттамасы Гемодиализге/гемофильтрацияға арналған ерітінді. Араластырғанға дейін: А ерітіндісі (кіші камера) Түссіз, мөлдір ерітінді. В ерітіндісі (үлкен камера) Түссіз, мөлдір ерітінді. Араластырған кейін: Мөлдір және түссіз, пайдалануға дайын ерітінді.

мультиБик ерітіндісі гемофильтрация және гемодиафильтрация кезінде алмастырғыш ерітінді ретінде, сондай-ақ, гемодиализ және гемодиафильтрация кезінде диализге арналған ерітінді ретінде вена ішіне пайдалану үшін тағайындалады. Келесі пациенттерде - бүйректің ұзаққа созылатын алмастыру емін қажет ететін жедел жеткіліксіздігі бар пациенттерде: үздіксіз гемодиализ, гемофильтрация және гемодиафильтрация үшін. - бүйректің созылмалы жеткіліксіздігі бар пациенттерде, транзиторлық ем көрсетілген кезде, мысалы, реанимация және қарқынды ем бөлімшесінде болған кезде. - фильтрация/диализ жүргізуге болатын, суда еритін токсиндермен уыттануды емдеудің бір бөлігі ретінде бүйректің үздіксіз алмастыру емі көрсетілген жағдайда қолдануға арналған. мультиБик ерітіндісі ересек пациенттерде қолданылады.

Әсер ету механизмі Гемодиализдің, гемофильтрацияның және гемодиафильтрацияның негізгі принциптері: Гемофильтрация кезінде су және уремиялық токсиндер, электролиттер мен бикарбонат сияқты еріген заттар қаннан ультрафильтрациялану арқылы шығып кетеді. Ультрафильтрат гемофильтрацияға арналған, электролит пен буфер мөлшері теңдестірілген ерітіндімен алмастырылады. Гемодиализ кезінде су және уремиялық токсиндер, электролиттер, бикарбонат сияқты еріген заттар мен басқа шағын молекулалар пациент қаны мен гемодиализге арналған ерітінді арасында диффузия жолымен алмасады. Диффузия үдерісінің бағыты мен шамасы қан плазмасы мен гемодиализге арналған ерітінді арасындағы концентрация градиентіне тәуелді. Гемодиафильтрацияда гемофильтрация мен гемодиализдің негізгі принциптері біріктірілген. Бұл дәрілік препарат вена ішіне енгізуге немесе гемодиализге арналған ерітінді ретінде пайдалануға және үздіксіз алмастырумен жүретін емдеу әдістері үдерісінде, мысалы, бүйректің жедел жеткіліксіздігін, пациенттегі жарақаттар мен зақымданулар кезінде емдеуде шығарылатын сұйықтық пен электролиттерді теңдестіруге арналған бикарбонаттық буфермен ерітінді болып табылады. Электролиттер Na+, K+, Mg2+, Ca2+, Cl- және бикарбонат сұйықтықтар мен электролиттер гомеостазын (қан көлемін, осмостық тепе-теңдігін, қышқыл-сілті теңгерімін) демеп отыру және түзету үшін қажет. Балалар Деректер жоқ.

Дозалану режимі Осы дәрілік препаратты тағайындауды қоса, бүйректің үздіксіз алмастыру емі, ондай емдеуде тәжірибесі бар дәрігердің басшылығымен жүргізілуі тиіс. Бүйректің жедел жеткіліксіздігі жағдайында, дене салмағы 70 кг ересек пациенттер үшін сағатына 2000 мл дозасымен үздіксіз емдеу талапқа сай болып табылады. Бұл дозасы науқастағы зат алмасу жағдайына байланысты метаболизм өнімдерінің бөлініп шығуы үшін жеткілікті. Дозасы пациенттің дене салмағын ескере отырып таңдалады. Бүйректің созылмалы жеткіліксіздігі бар пациенттер үшін, егер клиникалық тұрғыдан басқаша анықталмаса, мультиБик ерітінділерінің дозасы аптасына үш рет емдеу режимінде дене салмағының кемінде үштен бірін құрауы тиіс. Ерітіндінің аптасына қолданылатын көлемін арттыру немесе ерітіндіні аптасына 3 реттен көп қолдану қажет болуы мүмкін. Жедел уыттану жағдайлары кезінде қажетті гемодиализдің, гемофильтрацияның немесе гемодиафильтрацияның дозасы мен ұзақтығы токсин мен оның концентрациясына, сондай-ақ, клиникалық симптомдардың ауырлығына тәуелді және ол пациенттің жекелей жай-күйіне байланысты белгіленуі тиіс. Ұсынылатын ең жоғарғы дозасы күніне 75 л құрайды. Балаларда қолданылуы мультиБик ерітінділерінің педиатриялық топта қауіпсіз және тиімді қолданылғандығы жөнінде клиникалық деректер жоқ. Енгізу әдісі және жолы Вена ішіне қолдануға және гемодиализге арналған. Пакетінің герметикалылығы бұзылған немесе ерітінді бұлыңғырланған жағдайда, қолдануға дайын ерітіндіні пайдалануға болмайды. Ерітіндінің мөлдірлігіне және онда бөгде бөлшектердің жоқтығын қарау қажет. мультиБик ерітінділері бір рет пайдалануға арналған. Ерітіндінің пайдаланылмаған кез келген мөлшері утилизациялануы тиіс. Енгізу дозалағыш сорғының көмегімен жүзеге асырылуы тиіс. Гемодиализге/гемофильтрацияға арналған ерітінділерді дайындау үш сатыда жүргізіледі: 1.Сыртқы қаптамасын алып тастау және қалтаны мұқият тексеру Қорғағыш пакеті тек тура пайдаланар алдында ғана алынып тасталады. Пластик қалталар өндірушіден емшара жүргізілетін орынға дейін тасымалдау барысында немесе клиниканың өзінде байқаусызда зақымдануы мүмкін. Ол стерильділігінің бұзылуына және ерітінділерде микроорганизмдердің немесе зеңдердің көбеюіне әкеп соқтыруы мүмкін. Қалта мен ерітінділерді араластырғанға дейін мұқият тексеріп қарап шығу қажет. Ықтимал контаминациясын анықтау мақсатында, жабатын қалпақшасының тіпті болар-болмас зақымдануына да, қалтаның тігістері мен бұрыштарына ерекше көңіл бөлу керек. Ластануы мүмкіндігін ескере отырып, тіпті қақпағының, қалтаның жапсырма тігісінің және бұрыштарының аздаған зақымдануына да ерекше көңіл бөлу керек. 2. Екі камераның ішіндегісін араластыру A) — B) — C) Кіші камераны жазыңыз. — Ерітінді құйылған пакетті кіші камераға қарама- қарсы бұрышынан бастап бүктеп... — ...екі камера арасындағы тігісі ұзына бойына түгел ашылғанға дейін, және екі ерітінді араласқанға дейін ораңыз. Екі камералы қалтаны – ішіне бикарбонат құйылған камераны және құрамында глюкоза бар электролиттер камерасын, – дайын ерітінді алынуы үшін тура пайдаланар алдында араластырады. Екі камераның ішіндегісін араластырғаннан кейін, жалғағыш тігісі түгелімен ашық екендігін, ерітіндінің таза және мөлдір екендігін, және қалтадан ағып тұрмағандығын бақылау қажет. 3. Қолдануға дайын ерітінді Қолдануға дайын ерітінді дереу пайдаланылуы тиіс. Алайда, егер ондай мүмкіндік болмаса, ерітінді араластырылғаннан кейін 48 сағат ішінде пайдаланылуы тиіс. Қолдануға дайын ерітіндіге қоспаларды тек, ол мұқият араластырылғаннан кейін ғана енгізуге болады. Қоспаны енгізгеннен кейін қолдануға дайын ерітіндіні мұқият араластыру керек. Натрий хлориді ерітіндісі (натрий хлоридінің 3%-дан 30%-ға дейінгі концентрациясында; 5 л мультиБик ерітіндісіне 250 ммоль натрий хлоридіне дейін) мен инъекцияға арналған суды (5 л мультиБик ерітіндісіне 1250 мл дейін) қосу мультиБик ерітіндісімен үйлесімді. Егер басқаша тағайындалмаса, қолдануға дайын ерітіндіні тура енгізер алдында 36,5-38,0°C температураға дейін жылыту қажет. Нақты температурасын клиникалық ұсынымдар мен пайдаланылып отырған жабдыққа байланысты таңдаған дұрыс. Араластырғаннан кейін сақтау шарттары (дайын ерітінді): Қолдануға дайын ерітіндінің қолдану үдерісіндегі химиялық және физикалық тұрақтылығы 30°C-де 48 сағат бойына сақталады. Қолдануға дайын ерітіндіні емдеу ұзақтығын қоса, 48 сағаттан ұзақ сақтау, сондай-ақ, ерітіндінің температурасын сорғы торабына енетін кезде 30°C-ден асыру ұсынылмайды. Микробиологиялық тұрғыдан, гемодиализ, гемофильтрация немесе гемодиафильтрация контурына жалғанғаннан кейін және құрамында гидрокарбонат болғандықтан, өнімді тез арада пайдалану керек. Жоюға қатысты арнайы талаптар жоқ. Бұл дәрілік затты осы бөлімде көрсетілгендерді қоспағанда, басқа дәрілік заттармен араластырмау керек.

Қолданылатын ерітіндімен байланыстылары: 2 ммоль/л калий: • әсер етуші заттарына немесе қосымша заттарының кез келгеніне аса жоғары сезімталдық • Гипокалиемия • Метаболизмдік алкалоз мультиБик 4 ммоль/л калий: • әсер етуші заттарына немесе қосымша заттарының кез келгеніне аса жоғары сезімталдық • Гиперкалиемия • Метаболизмдік алкалоз Емшараны жүргізу техникасына қатысты қарсы көрсетілімдер: • Тамыр арнасындағы қан ағымының жеткіліксіздігі. • Егер ұюға қарсы жүйенің белсенуімен байланысты қан кетулер қаупі жоғары болса.

Жағымсыз реакциялар тікелей, емдеу әдісінің салдары болуы мүмкін немесе осы дәрілік заттан туындауы мүмкін. Белгісіз ‒ жүрек айнуы, құсу. ‒ артериялық гипертензия, артериялық гипотензия. ‒ бұлшықеттердің құрысулары. Келесі жағымсыз реакцияларды емдеу әдісінің салдары ретінде күтуге болады: ‒ гипергидратация, гипогидратация, электролиттердің бұзылулары (мысалы, гипокалиемия), гипофосфатемия, гипергликемия, метаболизмдік алкалоз. Мұндай оқиғалардың нақты жиілігі белгісіз (қолда бар деректердің негізінде бағалау мүмкін емес). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозаларын пайдаланғаннан кейін оқыс жағдайлар туралы ешқандай хабарламалар болмаған; бұдан өзге, ерітіндіні енгізуді кез келген уақытта тоқтатуға болады. Егер сұйықтық теңгерімі дәл есептеп шығарылмаса және мониторингіленбесе, жүрек-қантамыр жүйесі тарапынан реакцияларға ұласатын гипергидратация немесе дегидратация дамуы мүмкін. Артериялық қысымның, орталық вена қысымының, жүректің соғу жиілігінің және өкпенің артериялық қысымының сәйкесінше өзгерістері болуы мүмкін. Гипергидратация жағдайында, жүректің іркілісті жеткіліксіздігі және/немесе өкпе іркілісі (кіші шеңбердің шамадан тыс жүктелуі) дамуы мүмкін. Гипергидратация жағдайында, бүйректің үздіксіз алмастыру еміне арналған жабдықта сұйықтықты шығару арттырылуы тиіс. Айқын дегидратация жағдайында, бүйректің үздіксіз алмастыру еміне арналған жабдықта сұйықтықты шығару төмендетілуі немесе тоқтатылуы тиіс; балама нұсқасы ретінде, жоғалтылған сұйықтықтың орнын толтыру үшін регидратацияны қолдануға болады. Тым көп көлемі электролиттер концентрацияларының және қышқыл-сілті жағдайларының бұзылуларына алып келуі мүмкін, мысалы, егер гемодиализге/гемофильтрацияға арналған ерітіндінің шамадан тыс көп көлемі енгізілсе, бикарбонаттың артық дозалануы туындауы мүмкін. Бұл метаболизмдік алкалозға, иондалған кальцийдің төмендеуіне немесе тетанияға әкеп соқтыруы мүмкін. Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

Екі пакеттің ішіндегісін мұқият араластырғаннан кейін ғана пайдалану керек. мультиБик ерітіндісін енгізер алдында тиісінше жабдықтың көмегімен, шамамен дене температурасына дейін жылыту қажет. Температурасы бөлме температурасынан төмен ерітіндіні енгізуге қатаң тыйым салынады. Қолдануға дайын ерітіндінің қажетті температураға дейін жылытылуын мұқият бақылау және қолдануға дайын ерітіндінің мөлдір екендігіне және ішінде бөлшектер жоқтығына көз жеткізу керек. Қолдануға дайын ерітіндіні пайдаланған кезде, сирек жағдайларда, әсіресе, сорғы агрегатына және қолдануға дайын ерітіндіні жылытатын қыздырғыш элементке жақын тұрған жалғағыш түтіктер жүйесінде кальций карбонатының ақ түсті тұнбасы байқалған. Егер қолдануға дайын ерітіндінінің сорғы агрегатына кіретін жердегі температурасы 30°C-ден жоғары болса, тұнба түзілуі орын алуы мүмкін. Жалғағыш түтіктер жүйесіндегі ерітінді мөлдір және ішінде тұнба жоқ екендігіне кепілдік беру үшін, бүйректің үздіксіз алмастыру емі барысында жалғағыш түтіктер жүйесіндегі қолдануға дайын ерітінді әр 30 минут сайын көзбен қарау арқылы мұқият тексерілуі тиіс. Сонымен қатар, тұнба емдеу басталғаннан кейін едәуір кідіріп те пайда болуы мүмкін. Егер тұнба түзілгені байқалса, қолдануға дайын ерітіндіні және бүйректің үздіксіз алмастыру еміне арналған жалғағыш түтіктер жүйесін дереу ауыстыру және пациенттің жай-күйін бақылау керек. Бүйректің үздіксіз алмастыру еміне дейін және ем барысында калий концентрациясын жүйе түрде бақылап отыру қажет. Пациенттегі калий мөлшерін және оның емдеу барысындағы үрдісін назарда ұстау керек. Егер гипокалиемия болса, калийді қосу және /немесе гемодиализге/гемофильтрацияға арналған ерітіндіні калий концентрациясы жоғарырақ ерітіндіге ауыстыру қажет болуы мүмкін. Гиперкалиемияның даму үрдісі жағдайында, әдеттегі қарқынды емдеу шараларына қосымша, жылдамдығын арттыру және/немесе гемодиализге/гемофильтрацияға арналған ерітіндіні калий концентрациясы төменірек ерітіндімен ауыстыру көрсетілген. Гипо/гипернатриемияның даму қаупін бақылауда ұстау үшін, гемодиализге/гемофильтрацияға арналған ерітіндіні пайдаланғанға дейін және пайдалану кезінде натрий концентрациясын жүйелі түрде бақылап отыру қажет. Қажет болған жағдайда, гемодиализге/гемофильтрацияға арналған ерітіндіні инъекцияға арналған сумен сұйылтуға немесе натрий хлоридінің концентрацияланған ерітіндісін қосуға болады. Сарысудағы натрий концентрациясының жылдам өзгерулеріне байланысты жағымсыз реакциялардың алдын алу үшін, қалаған қалыпқа түсіру жылдамдығын мұқият жоспарлау қажет. Қосымша, келесі параметрлерді бүйректің үздіксіз алмастыру еміне дейін және ем барысында бақылау қажет: кальций, магний, фосфат, глюкоза, қышқыл-сілті жағдайы, мочевина мен креатинин деңгейлері, дене салмағы және сұйықтық теңгерімі (гипер- және дегидратацияны ерте анықтау үшін). Клиникалық маңызы бар заттар гемодиализ, гемофильтрация және гемодиафильтрация жүргізу кезінде шығып кетуі, және мультиБик ерітінділерімен орны толмауы мүмкін. Маңызды қоректік заттардың жетіспеушілігінің орнын талапқа сай тамақтанумен, тағамдық қоспалармен немесе бейімделген парентеральді қоректендірумен толтыру қажет. Арнайы сақтандырулар Педиатрияда қолдану Препаратты балаларда қолданудың қауіпсіздігін растайтын клиникалық деректер жоқ. Қосымша клиникалық деректер алынғанша 18 жасқа толмаған балалар мен жасөспірімдерде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қатысы жоқ

Жүктілік Қазіргі кезде мультиБик ерітінділерінің жүкті әйелдерде қолданылғаны жөнінде деректер жоқ немесе шектеулі. Жануарларда репродуктивтік уыттылығының зерттеулері жеткіліксіз. Егер клиникалық жағдайлар әйелді бүйректің үздіксіз алмастырушы емінің көмегімен емдеуді қажет етпесе, мультиБик ерітіндісі жүктілік кезінде пайдаланылмауы тиіс. Лактация кезеңі мультиБик ерітінділерінің белсенді заттары немесе олардың метаболиттері емшек сүтіне бөлінетін-бөлінбейтіндігі туралы деректер жеткіліксіз. мультиБик ерітінділерін қабылдап жүрген аналарға баласын емізуі ұсынылмайды.

Өзара әрекеттесулерін зерттеулер жүргізілген жоқ. мультиБик ерітінділерін дұрыс дозалау және биохимиялық көрсеткіштер мен клиникалық симптомдарды қатаң бақылауды жүзеге асыру басқа дәрілік заттармен өзара әрекеттесуінің теріс салдарлары қаупінің алдын алуға мүмкіндік береді. Келесі өзара әрекеттесулер болуы ықтимал: • Жүрек гликозидтерінің уытты әсерін гиперкалиемия, гипермагнеемия және гипокальциемия бүркемелеуі мүмкін. Аталған электролиттік бұзылуларды бүйректің үздіксіз алмастыру емімен түзеткеннен кейін оймақгүл препараттарымен уыттану белгілері, мысалы жүрек аритмиясы пайда болуы мүмкін. • Электролиттік ерітінділер, парентеральді қоректендіруге арналған ерітінділер және әдетте, қарқынды ем жүргізу кезінде тағайындалатын басқа инфузиялар сарысу құрамын және пациенттегі сұйықтық теңгерімін өзгертуі мүмкін. Бүйректің үздіксіз алмастыру емі кезінде осыны ескеру керек. • Бүйректің үздіксіз алмастыру емі дәрілік заттардың, әсіресе, ақуызбен байланысу қабілеттілігі төмен, таралу көлемі аз, молекулалық салмағы гемофильтр шегінен төмен препараттардың және гемофильтр сіңіретін препараттардың қандағы концентрациясын төмендетуі мүмкін. Ондай дәрілік заттардың дозасын қайта қарау қажет болуы мүмкін.

Сақтау мерзімі 2 жыл. Екі камераның ерітінділерін араластырғаннан кейін, қолдануға дайын ерітіндіні +30°C жоғары температурада сақтауға болмайды және оны ең көбі 48 сағат ішінде пайдалану керек. Жарамдылық мерзімі өткеннен кейін қолдануға болмайды! Сақтау шарттары +4°С-ден төмен емес температурада сақтау керек. Балалардың қолы жетпейтін жерде сақтау керек!