Наглазим концентрат 1 мг/мл

Бір құтының ішінде белсенді зат – 5 мг галсульфаза, қосымша заттар: натрий хлориді, натрий фосфаты бірнегізді моногидраты, натрий фосфаты екінегізді гептагидраты, полисорбат 80, инъекцияға арналған су. Сыртқы түрінің иісінің, дәмінің сипаттамасы Түссізден бозғылт-сары түске дейінгі мөлдір немесе сәл бозаңданатын сұйықтық.

6 типті Мукополисахаридоз (МПС VI; N-ацетилгалактозамин-4-сульфатаза тапшылығы; Марото-Лами синдромы) диагнозы расталған пациенттердегі ұзаққа созылатын орын басатын ферменттік емде.

ATX коды А16АВ08 МПС VI – бұл гликозаминогликанның сульфаттық бөлігі, дерматансульфаттың гидролизін катализдейтін лизосомалық гидролаза N-ацетилгалактозамин-4-сульфатаза тапшылығымен сипатталатын гетерогенді және мультижүйелік бұзылу. N-ацетилгалактозамин-4-сульфатаза белсенділігінің төмендеуі немесе болмауы тіндердің көптеген типтері мен жасушаларда дерматансульфаттың жинақталуына алып келеді. Ферменттік орын басу терапиясының негізі жинақталған субстратты гидролиздеу және оның ары қарай жиналуына жол бермеу үшін жеткілікті ферменттік белсенділік деңгейін қалпына келтіру болып табылады. Адамның N-ацетилгалактозамин-4-сульфатазасының рекомбинантты түрі, тазартылған галсульфаза молекулалық салмағы 56 кДа гликопротеин болып табылады. Галсульфаза N-терминалдық фрагмент ыдырағаннан кейінгі 495 аминқышқылды қалдықтардан тұрады. Молекуласының құрамында олигосахаридтік модификациялы байланысқан 6 N- сайт бар. Венаішілік инфузиядан кейін галсульфаза қан ағымынан тез шығарылады және жасушалар, оның ішінде, манноза-6 фосфат рецепторлары арқылы лизосомаларға сіңеді. Наглазим препаратының қауіпсіздігі мен тиімділігінің клиникалық зерттеулерінде физикалық төзімділікті, буындардың қозғалғыштығын, буындардың ауыруы мен сіресуін, жоғарғы тыныс жолдары өткізгіштігінің бұзылуын, қолдың ептілігі мен көру өткірлігін қоса, МПС VI жүйелі көріністері зерттелді. Наглазим препаратының қауіпсіздігі мен тиімділігі 3 фазадағы, МПС VI бар 39 пациенттің (5-тен 29 жасқа дейінгі) қатысқан рандомизацияланған, салыстырмалы жасырын, плацебо бақыланатын клиникалық зерттеуде зерттелді. Пациенттердің көпшілігінле аурудың көріністері ауыр болған, бойдың аласылығы, төзімділіктің төмендігі және тірек-қимыл аппаратындағы симптомдар осыны көрсетті. Зерттеуге 12 минуттық серуендеу кезінде 6 минут ішінде 5 метрден (м) артық, бірақ 250 м-ден аз немесе бастапқы деңгейде 12 минуттық уақыт сәтінде 400 м-ден аз жүріп өте алған пациенттер кірістірілді. Пациенттер 24 апта бойы аптасына бір рет 1 мг/кг Наглазим препаратын немесе плацебо қабылдаған. Бастапқы деңгейде жүріп өткен метрлер санымен салыстырғанда, 24-ші аптада 12 минут ішінде жаяу жүріп өткен метрлердің саны бастапқы ақырғы нүкте болып табылады. Тиімділігінің екінші ақырғы нүктелері үш минут ішінде баспалдақпен көтерілу жылдамдығы және емделген пациенттерде 24-ші аптада плацебомен салыстырғанда, гликозаминогликандардың несеппен шығарылуы болды. Нәтижесінде отыз сегіз пациент кеңейтілген зерттеуге кірістіріліп, онда апта сайын 1 мг / кг галсульфазаны қабылдады. 24 апта емдеуден кейін Наглазим препаратын қабылдаған пациенттерде плацебо қабылдаған пациенттермен салыстырғанда, 12 минут ішінде жүріп өткен қашықтықтың 92 ± 40 м жақсарғаны байқалды (p = 0,025). Терапиядағы пациенттерде плацебо қабылдаған пациенттермен салыстырғанда, «3 минуттық баспалдақпен көтерілу тестісінде» (3 MSC) минутына 5,7 сатыға жақсару байқалды. Терапиядағы пациенттерде плацебо қабылдаған пациенттермен салыстырғанда, емдеудің 24 аптасынан кейін гликозаминогликанның несеппен экскрециялануының 238 ± 17,8 мкг / мг креатининге (± стандартты қателік [SE]) орташа төмендеуі байқалды. ГАГ нәтижелері Наглазим препаратымен емдеу тобындағы жас шамасы үшін қалыпты ауқымға жуықтады. 53-тен 153-ке дейінгі апта ішінде Наглазим препаратын аптасына 1 немесе 2 мг/кг қабылдаған, МПС VI бар 4 нәресте (1 жасқа толмаған) қатысқан, дозалаудың екі режимінің (4 фаза) маркетингтен кейінгі қосымша, рандомизацияланған клиникалық зерттеуі кезінде бет дисморфизмінің жақсарғаны немесе нашарлауының болмағаны анықталды, алайда қаңқа дисплазиясының үдеуі, жарықтардың түзілуі және мөлдір қабықтың бұлыңғырлануы дамуының алдын алған жоқ. Осы шектеулі қадағалау кезеңі ішінде өсу жылдамдығының қалыпты күйінде қалды. Есту қабілетінің жақсаруы төрт сыналушының барлығында кем дегенде бір құлақта байқалды. Несептегі ГАГ деңгейлері 70%-дан аса төмендеген, бұл егде жастағы пациенттердегі нәтижелермен сәйкес келеді.

Дозалау режимі Наглазим препаратының балалар мен ересектер үшін ұсынылатын дозасы аптасына бір рет 4 сағатқа созылатын венаішілік инфузия түрінде кг дене салмағына 1 мг құрайды. Пациенттердің ерекше топтары Балалар Балаларда Наглазим препаратының дозалану режимі ересектер пациенттердегіден өзгешеленбейді. Егде жастағы пациенттер 65 жастан асқан пациенттерде Наглазим препаратының қауіпсіздігі мен тиімділігі анықталмаған, соған байланысты дозалану режимі бойынша нұсқау беру мүмкін емес. Бауыр және бүйрек жеткіліксіздігі бар пациенттер Бүйрек және бауыр жеткіліксіздігі бар пациенттер үшін Наглазим препаратының қауіпсіздігі мен тиімділігі зерттелмеген, сондықтан дозалану режимі бойынша нұсқау беру мүмкін емес. Енгізу әдісі мен жолы Венаішілік инфузия. Наглазим препаратының әрбір құтысы бір рет қолдануға арналған. Инфузия үшін ерітінді дайындауға арналған Наглазим концентратын асептика ережелерін сақтай отырып, натрий хлоридінің 0,9% ерітіндісімен сұйылту қажет. Наглазим препаратының ерітіндісін пациенттерге инфузияға арналған, өлшемі 0,2 мкм кіріктірілген сүзгімен жабдықталған құрылғының (инфузиялық дозатордың) көмегімен енгізу ұсынылады. Пайдаланылмаған препарат және өзге де қалдықтар ұлттық заңнама нормаларына сәйкес утилизациялайды. Наглазим препаратының сұйылту үшін қажетті құтыларының саны, пациенттің дене салмағын және Наглазим препаратының ұсынылатын 1 мг/кг дозасын ескере отырып анықталады: Пациенттің салмағы (кг) х 1 мл/кг Наглазим = Наглазимнің қажетті мл көлемі. Наглазимнің қажетті мл / 5 мл құтыдағы көлемі = құтылардың қажетті саны. Егер құтылар саны бүтін сан болмаса, онда оны ең үлкен бүтін санға дейін дөңгелектеу қажет. Инфузиялық ерітіндіні дайындар алдында, тоңазытқыштан шығарып алынған құтылардың бүтін санын бөлме температурасында ұстау қажет. Құтылар сұйылтылар алдында бөлме температурасында 24 сағаттан артық сақталмауы тиіс. Сұйылтар алдында әр құтыда жүзінді бөлшектердің бар-жоқтығын және түсінің өзгерген-өзгермегендігін көзбен қарап тексеру қажет. Ерітінді мөлдірден сәл бозаңданған және түссізден бозғылт-сары түске дейін, көзге көрінетін бөлшектерсіз болуы тиіс. Ішінде инфузияға арналған 0,9% натрий хлоридінің 250 мл ерітіндісі бар инфузиялық қалтадан Наглазим препаратының қосылатын көлеміне тең көлемдегі натрий хлориді ерітіндісін алады және шығарып тастайды. Көлемнің артық жүктелуіне сезімтал пациенттерде, сондай-ақ, дене салмағы 20 кг және одан аз адамдарда, препаратты 0,9 % натрий хлоридінің 100 мл ерітіндісінде сұйылтқан дұрысырақ болуы мүмкін. Бұл жағдайда инфузия жылдамдығын, жалпы енгізу ұзақтығы 4 сағаттан кем болмайтындай етіп азайту керек. Егер көлемі 100 мл инфузиялық контейнер пайдаланылса, натрий хлориді ерітіндісін алдын ала шығарып алуды жүзеге асыру міндетті емес, және Наглазим препаратының қажетті көлемін тікелей инфузиялық пакетке енгізуге болады. Наглазим препаратының есептеп алынған көлемін инфузияға арналған 0,9% натрий хлориді ерітіндісіне баяу және сақтықпен қосады. Алынған ерітіндіде Наглазим препаратыныңа біркелкі таралуын қамтамасыз ету үшін, инфузиялық пакетті абайлап айналдырады. Енгізер алдында ерітіндіде көзге көрінетін бөлшектердің бар-жоқтығы көзбен қарап тексерілуі тиіс. Тек мөлдір және түссіз, ішінде көзге көрінетін бөлшектер жоқ ерітінді ғана пайдаланылуы тиіс. Микробиологиялық тұрғыдан Наглазим дереу қолданылуы тиіс. Егер ерітінді дереу енгізілмесе, онда қолдануға дайын дәрілік препаратты сақтау және енгізілгенге дейінгі сақталу шарттарын қамтамасыз ету медицина қызметкерінің міндеті болып табылады. Әдетте, ерітіндіні сақтау уақыты мен шарттары 2°С-ден 8°С-ге дейінгі температурада 24 сағаттан аспауы, кейіннен енгізілуі кезінде бөлме температурасында (23°С - 27°С) 24 сағат сақталуы тиіс. Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар Наглазим препаратымен емдеуді МПС VI немесе зат алмасудың тұқым қуалайтын басқа да аурулары бар пациенттерді емдеуде тәжірибесі бар дәрігер жүргізуі тиіс. Наглазим препаратының инфузиясын енгізу шұғыл жағдайларға арналған арнайы реанимациялық аппаратурасы бар клиника жағдайында жүргізіледі.

Белсенді затқа немесе қосымша заттарының кез келгеніне ауыр немесе өмірге қауіп төндіретін, бақыланбайтын аса жоғары сезімталдық реакциялары.

Жағымсыз құбылыстар жиілігі келесі критерийлерге сәйкес анықталады: өте жиі (≥ 1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10000-нан <1/1000 дейін); өте сирек (<1/10000), белгісіз (қолда бар деректер бойынша бағалау мүмкін емес). Өте жиі - фарингит, гастроэнтерит - арефлексия, бас ауруы - конъюнктивит, мөлдір қабықтың бұлыңғырлануы - құлақтың ауыруы, естудің бұзылуы - гипертензия - мұрын бітелуі, ентігу - іш ауыруы, жүрек айнуы, құсу - кіндік жарығы - ангионевроздық ісіну, бөртпе, қышыну, есекжем - ауыру, буын ауыруы - қалтырау/ температура жоғарылауы, дімкәстік, қызба - кеуденің ауыруы Жиі - тремор - гипотензия - тыныс алудың тоқтап қалуы, жөтел, тыныс алудың бұзылысы, демікпе, бронх түйілуі - эритема Жиілігі белгісіз - анафилаксия, шок, көмейдің ісінуі - парестезия - брадикардия, тахикардия - бозару, цианоз - гипоксия, тыныс алудың жиілеуі Балалар 1 жасқа толмаған төрт пациентте препараттың жоғары (аптасына 2 мг / кг) дозасы үшін жалпы қауіпсіздік көрсеткіштері ұсынылған дозасы (аптасына 1 мг/кг) үшін көрсеткіштерге қарағанда клиникалық тұрғыдан айтарлықтай ерекшеленбеді, және Наглазим препаратының үлкендеу балалардағы қауіпсіздік бейініне сәйкес келді. Иммуногендік Клиникалық зерттеулер барысында Наглазим препаратын қабылдаған 59 пациенттің 54-і IgG антиденелеріне тестілеуден өтті. 54 пациенттің 53-інде (98%) гальсульфазаға IgG антиденелер анықталды. 48 пациентте үш клиникалық зерттеудің деректері негізінде антиденелерге кешенді талдау жасалды. Жалпы антиденелер титрі жоғары пациенттердің көп бөлігі инфузиямен байланысты реакциялардың қайталануын бастан кешіргенімен, антигалсульфаза антиденелерінің титрі негізінде жиілігін де, ауырлығын да болжай алмады. Осы сияқты, антиденелердің дамуы тиімділіктің төмендеуіне түрткі болатын фактор болып табылмайды, әйтсе де төзімділік параметрлеріне немесе несептегі гликозаминогликандарға (ГАГ) жауабы елеусіз пациенттерде жауап деңгейі жақсыларға қарағанда, антигалсульфазаның шектік титрлері жоғарырақ болады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Бірнеше пациентке Наглазим препаратының жалпы дозасы ұсынылатын деңгейден шамамен екі есе артық инфузия жылдамдығымен енгізілген, айқын жағымсыз құбылыстар байқалмаған.

Наглазим препаратымен емдеуді МПС VI немесе зат алмасудың тұқым қуалайтын басқа да аурулары бар пациенттерді емдеуде тәжірибесі бар дәрігер немесе медицина қызметкері жүргізуі тиіс. Наглазим препаратының инфузиясын енгізу шұғыл жағдайларға арналған арнайы реанимациялық аппаратурасы бар клиника жағдайында жүргізіледі. Арнайы ескертулер Тыныс алу жолдарының аурулары бар пациенттер Тыныс алу жолдарының аурулары бар пациенттерді емдеуге ерекше сақтықпен қараған жөн. Антигистаминдік және тыныштандыратын препараттардың қабылдануын шектеу немесе мұқият бақылау қажет. Белгілі бір клиникалық жағдайларда ұйқы немесе трахеостомия кезінде тыныс алу жолдарында тұрақты оң қысым түзетін аппараттарды қолданған дұрыс болуы мүмкін. Кей жағдайларда жедел қызба аурулары немесе тыныс алу жүйесінің аурулары бар пациенттерге Наглазим препаратының инфузиясын енгізуді кейінге қалдыра тұру керек. Инфузиямен байланысты реакциялар Наглазимді қабылдап жүрген пациенттерде инфузиямен байланысты реакциялар (ИБР), яғни в/і енгізу кезінде немесе инфузия жүргізілген күн ішінде туындайтын жағымсыз реакциялар дамыған. Клиникалық зерттеулерден алынған деректердің негізінде, пациенттердің көпшілігінде препаратпен емдеу басталғаннан бастап 4-8 апта ішінде галсульфазаға IgG антиденелер пайда болады. Клиникалық зерттеулерде ИБР басуға инфузияны тоқтату немесе Наглазим препаратын енгізу жылдамдығын азайту жолымен, сондай-ақ, пациенттерге (инфузия басталғанға дейін немесе ИБР дамығаннан кейін) антигистаминдік және/немесе ыстық түсіретін дәрілік заттарды (парацетамол) тағайындау жолымен қол жеткізілген, бұл жүргізіліп жатқан емді жалғастыруға мүмкіндік берген. Инфузия ұзақ уақыт үзілгеннен кейін емдеу курсын қайта бастауға қатысты шектеулі деректерді ескере отырып, мұндай жағдайларға аса сақтықпен қарау қажет, өйткені аса жоғары сезімталдық реакциясының даму қаупі жоғарырақ болуы мүмкін. Наглазим препаратымен емдеу кезеңінде ИБР даму қаупін төмендету мақсатында, пациенттерге антигистаминдік препараттарды ыстық түсіретін дәрілермен бірге немесе оларсыз, инфузияны бастағанға дейін шамамен 30-60 минут бұрын қабылдау ұсынылады. Ауырлық дәрежесі әлсіз немесе орташа ИБР пайда болған жағдайда, антигистаминдік және/немесе ыстық түсіретін препараттармен емдеу және/немесе енгізу жылдамдығын реакция басталған кездегіге қарағанда екі есе аз деңгейге дейін төмендету мүмкіндігін қарастырған жөн. Бірен-саран ауыр ИБР дамыған жағдайда вена ішіне енгізуді дереу тоқтатқан жөн, антигистаминдік және ыстық түсіретін дәрілермен емдеу мүмкіндігін қарастыру қажет. Инфузияны реакция туындаған деңгейден 50%-25% төмендетілген жылдамдықпен қайта бастауға болды. Орташа дәрежедегі қайталама реакция немесе бірлі-жарым ауыр ИБР кейін қайталап енгізу жағдайында, Наглазим препаратымен емдеу курсын қайта жаңғыртудың алдында алдын ала антигистаминдік және ыстық түсіретін дәрілермен және/немесе кортикостероидтармен емдеу мүмкіндігін, сондай-ақ, енгізу жылдамдығын реакция туындағын деңгейден 50%-25%-ға дейін төмендетуді қарастыру керек. Шығу тегі ақуыздық басқа да венаішілік препараттарды пайдаланған кездегідей, аллергиялық типті аса жоғары сезімталдықтың ауыр реакциялары туындауы мүмкін. Осындай реакциялар пайда болғанда Наглазим препаратын қолдануды дереу тоқтату және тиісті ем жүргізуді бастау ұсынылады. Бұл ретте қарқынды емдеудің қолданыстағы стандарттарын сақтау керек. Препаратты бұған дейін инфузия жүргізгенде аллергиялық реакциялар болған пациенттерге қайтадан тағайындағанда сақ болған жөн. Антигистаминдік және/немесе ыстық түсіретін дәрілермен, және/немесе кортикостероидтармен және/немесе инфузия жылдамдығын реттеу арқылы емдеу кезінде медициналық/дәрілермен бақылауға келмейтін ауыр немесе өмірге қауіп төндіруі ықтимал аса жоғары сезімталдық реакциясы препаратты қайта қолдану үшін қарсы көрсетілім болып табылады. Жұлынның немесе омыртқаның мойын бөлігінің компрессиясы Жұлынның немесе омыртқаның мойын бөлігінің миелопатияға алып келетін компрессиясы МПС VI белгілі және күрделі асқынуы болып табылады. Мұндай асқыну аурудың табиғи дамуы кезінде, соның ішінде Наглазимді қабылдап жүрген пациенттерде де басталуы мүмкін. Препаратты тіркеуден кейін пайдалану кезінде жұлынның немесе омыртқаның мойын бөлігінің компрессиясы дамуының немесе ушығуының хирургиялық араласуды қажет еткен бірқатар жағдайлары туралы хабарланған. МПС VI зардап шегіп жүрген пациенттер жұлынның немесе омыртқаның мойын бөлігінің компрессиясы симптомдары мен белгілерін (арқаның ауыруын, аяқ-қолдардың қысылу деңгейінен төмен салдануын, несеп пен нәжісті ұстай алмауды қоса) ерте анықтау мақсатында бақылануы және қажетті медициналық көмек алуы тиіс. Жедел жүрек-өкпе жеткіліксіздігінің туындау қаупі Жүректің жедел жеткіліксіздігінің даму қаупінің жоғарылығына байланысты, Наглазим препаратын енгізілетін сұйықтықтың артық көлемде жүктелуіне сезімтал пациенттерге (дене салмағы 20 кг және одан аз пациенттер, қатарлас жедел респираторлық ауруы бар пациенттер, жүректің жиырылу функциясының және / немесе тыныс алу функциясының бұзылулары бар пациенттер) сақтықпен енгізу керек. Мұндай пациенттерге препаратты енгізуді мамандандырылған бөлімшеде, өмірлік маңызы бар функцияларын тұрақты бақылаумен жүргізу керек. Кейбір пациенттерге инфузия аяқталғаннан кейін ұзақ уақыт қадағалау қажет болуы мүмкін. Иммунитетпен байланысты реакциялар Наглазим препаратын қолданған кезде айналымдағы иммундық кешендер түрткі болған III типті аллергиялық реакциялар (соның ішінде жарғақшалық гломерулонефрит) байқалды. Иммунитетпен байланысты III типті реакциялар туындаған жағдайда Наглазим препаратын енгізуді тоқтату және тиісінше емін бастау керек. Иммунитетпен байланысты реакция туындағаннан кейін қауіп дәрежесін және Наглазим препаратын қайта енгізудің ықтимал артықшылықтарын мұқият бағалау қажет. Натрий тұздарының пайдаланылуын шектеу Бұл препараттың құрамында бір құтысында 0,8 ммоль (18,4 мг) натрий хлориді бар, сонымен қатар препарат инъекцияға арналған 9 мг/мл натрий хлориді ерітіндісімен сұйылтылады. Бұл ақпаратты натрий тұздарының пайдаланылуы шектелген диета ұстап жүрген пациенттер ескеруі керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Осы препарат үшін дәрілік өзара әрекеттесуді зерттеу жүргізілген жоқ.

Нұсқаулықта көрсетілмеген.

Бұл препарат үшін дәрілермен өзара әрекеттесуін зерттеулер жүргізілмеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 2°С-ден 8°С-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!