Називин Сенситив капли 0,01 %

1 мл ерітіндінің құрамында белсенді зат - оксиметазолин гидрохлориді 0,100 мг қосымша заттар: лимон қышқылының моногидраты, натрий цитраты дигидраты, глицерин (85 %), тазартылған су Сыртқы түрінің, иісінің, дәмінің сипаттамасы Мөлдір немесе мөлдір дерлік, түссізден әлсіз сары түске дейінгі ерітінді

• ринитпен байқалатын (мұрынның бітелуі) жедел респираторлық ауруларда • аллергиялық ринит, поллиноз • вазомоторлық ринит • жедел және созылмалы синусит (мұрын қуысы қосалқы қойнауларының қабынуы кезінде секреция дренажын жақсарту үшін) • ринитпен астасқан евстахиит (ортаңғы отит) • диагностикалық емшаралар алдында мұрын қуысы шырышты қабығының ісінуін қайтаруда

Фармакотерапиялық топ Фармакотерапиялық тобы: Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Оксиметазолин. АТХ коды R01АА05 Әсер ету механизмі Називин Сенситив препаратының белсенді заты симпатомиметикалық, тамырларды тарылтатын және, демек, шырышты қабаттардың ісінуіне қарсы әсерін тигізеді. Фармакодинамикалық әсерлері Називи Сенситив (оксиметазолин) құрамында консерванттар жоқ. Тамыр тарылтатын әсер береді, альфа2-адренорецепторларға тікелей стимуляциялайтын әсері бар симпатомиметик болып табылады. Мұрынға тамызатын дәріні жергілікті қолданған кезде мұрынның шырышты қабығындағы қан тамырлары тарылып, мұрынжұтқыншақ шырышты қабығының ісінуі мен гиперемиясы жойылады. Ринит кезінде мұрынмен дем алуды жеңілдетеді. Шырышты қабықтың ісінуі басылғаннан кейін мұрынның қосалқы қойнаулары, есту түтігін аэрациялау үшін шығару өзегі ашылып, кеңейеді. Бұл мұрын қуыстарының дренаждық функциясын стимуляциялайды және бактериялық асқынулардың дамуын болдырмайды. Белсенді заттардың вирусқа қарсы, иммуномодуляциялаушы және антиоксидантты әсері дәлелденген. Вирустар жұқтырған өсірінді жасушаларды пайдалана отырып жүргізілген зерттеулер оксиметазолиннің вирусқа қарсы әсерін көрсеткен (емдеу тәсілі). Әсер етудің бұл себеп-салдар механизмі суық тию мен тұмауды туындататын вирус белсенділігін басу арқылы, түймедақтарды азайту тестін, вирустың қалдықтық инфекциялығын (вирустарды титрлеу) анықтау, сондай-ақ вирустық цитопатогендік әсерін тежеу (ЦПД/zpE) тестін пайдалану арқылы көрсетілген. Клиникалық тиімділігі және қауіпсіздігі Қатысы жоқ

Дозалау режимі 1 тамшы (28 мкл) 0,01 Називин® Сенситив құрамында 2,8 мкг оксиметазолин гидрохлориді бар. Називин® Сенситив жаңа туған нәрестелерге және жасы бір жасқа толмаған сәбилерге қолдануға арналған. Дене салмағы жеткіліксіз сәбилер немесе күні жетпей туған нәрестелерге қандай доза жеткілікті болатыныны дәрігер шешуі тиіс. Називин® Сенситив 0,01 мұрынға тамызатын дәрісі 4 аптаға дейінгі нәрестелерге әрбір мұрын жолына 1 тамшыдан күніне 2-3 рет қолданылады. Өмірінің 5 аптасынан бастап және 1 жасқа дейін – 1-2 тамшыдан әрбір мұрын жолына күніне 2-3 рет. Қолданар алдында құтыны төңкеру керек. Препаратты баланың басын шалқайтып тұрып, тамызған жөн. Називин® Сенситив 0,01 препаратының көрсетілген бір реттік дозасын тәулігіне 3 реттен артық қолдануға болмайды. Құрамында оксиметазолин бар мұрынға тамызатын дәріні, егер емдеуші дәрігер басқаша тағайындамаса, 5-7 күннен артық қолдануға болмайды. Препаратты қолданудың кез келген қайталау курсы алдында бірнеше күндік ем жүргізілмейтін кезең болуы тиіс. Келесі емшараның тиімділігі дәлелденген: жасына байланысты 0,01% ерітіндінің 1-2 тамшысын мақтаға тамызып, мұрын жолдарын сүртеді.

• оксиметазолинге немесе кез келген қосымша затқа жоғары сезімталдық • атрофиялық ринит • қатты ми қабығына транссфеноидальді гипофизэктомиядан немесе басқа да хирургиялық араласулардан кейінгі жай күй

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100 <1/10 дейін), кейде (≥ 1/1000 <1/100 дейін), сирек (≥1/10000 <1/1000 дейін), өте сирек (<1/10000). Жиі ( ≥ 1%-дан < 10% дейін): • мұрын шырышты қабығының ашуын немесе құрғауын сезіну • түшкіру, әсіресе сезімтал пациенттерде Жиі емес (≥ 0,1%-дан < 1% дейін): • шырышты қабықтың ісінуі (мұрынның бітелу сезімі) анағұрлым қарқынды болуы мүмкін (реактивті гиперемия), мұрыннан қан кету • жоғары сезімталдық реакциялары (ангионевроздық ісіну, бөртпе, қышыну) Сирек (≥ 0,01 %-дан < 0,1% дейін): • жүрек қағуының жиілеуі, тамыр соғуының жиілеуі және артериялық қысымының жоғарылауы Өте сирек < 0,01% және бірлі-жарым жағдайлар: • мазасыздық, ұйқысыздық, шаршау (ұйқышылдық, тыныштандыратын әсері), бас ауыру, елестеулер (әсіресе балаларда) • аритмиялар Жағымсыз дәрілік реакциялар туындағанда медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану мұрын ішіне немесе кездейсоқ пероральді қолданғанда туындауы мүмкін. Имидазол туындыларынан уыттанғаннан кейінгі клиникалық көрініс диффузиялы болуы мүмкін, себебі гиперреактивті фазалар орталық жүйке жүйесінің, жүрек-қантамыр және өкпе жүйесінің функциясының тежелу фазаларымен кезектесуі мүмкін. Орталық жүйке жүйесінің стимуляциясы мазасызданумен, қозумен, елестеулермен, құрысулармен көрінеді. Орталық жүйке жүйесінің тежелуі дене температурасының төмендеуімен, әлсіздікпен, ұйқышылдықпен және комамен білінеді. Бұдан әрі байқалатын симптомдар миозды, мидриазды, қызбаны, тершеңдікті, бозаруды, цианозды, жүрек қағуын, тахикардияны, брадикардияны, жүрек аритмиясын, жүректің тоқтауын, гипертонияны, шок гипотензиясын, жүрек айну мен құсуды, тыныстың тарылуын және апноэны, психогенді бұзылуларды қамтуы мүмкін. Әсіресе балаларда артық дозалану көбінесе құрысулар мен кома, брадикардия, апноэ және гипертония немесе гипотония сияқты орталық жүйке жүйесінің басым әсерлерін жиі туындатады. Қатты артық дозаланғанда стационарлық қарқынды терапия жүргізіледі. Белсендірілген көмірді, натрий сульфатын немесе асқазанды шаюды (көп мөлшерде) дереу қолдану қажет, өйткені оксиметазолиннің сіңуі тез болуы мүмкін. Вазопрессорларды қолдануға болмайды. Антидот ретінде селективті емес -блокатор қолданылуы мүмкін. Қажет болған жағдайда - температураны төмендету, құрысуға қарсы терапия жүргізу және оттегімен желдету.

Жаңа туған нәрестелер мен сәбилерді емдеу аса сақтықпен жүргізілуі қажет. Келесі жағдайларда бұл препаратты қауіп/пайда арақатынасын мұқият бағалаудан кейін ғана қолдануға болады: • көзішілік қысымның жоғарылауы, әсіресе жабықбұрышты глаукомада; • ауыр жүрек-қантамырлары аурулары (мысалы, жүректің ишемиялық ауруы) және гипертония; • феохромоцитома; • зат алмасу бұзылулары (мысалы, гипертиреоз, қант диабеті); • простата гиперплазиясы; • порфирия; • моноаминоксидаза тежегіштерімен (МАО тежегіштері) және қан қысымын жоғарылататын басқа препараттармен ем қабылдап жатқан пациенттерде. Мұрынға арналған препараттың тамыр тарылтатын әсері ұзақ қолданғанда және артық дозаланғанда төмендеуі мүмкін. Бұл препаратты шамадан тыс қолданғанда төмендегілерді туындатуы мүмкін: • мұрын шырышты қабығының реактивті гиперемиясы (рикошет феномені); • мұрын шырышты қабығының созылмалы ісінуі; • мұрын шырышты қабығының атрофиясы.

Називин® Сенситив мұрынға тамызатын дәрі 0,01% препараты балаларға қолдануға арналған. Жүктілік немесе бала емізу кезеңінде қолданғанда ұсынылған дозадан асырмаған жөн. Жүктіліктің бірінші триместрі бойы препаратты қабылдаған әйелдердің шектеулі санынан алынған деректер жүктілікке немесе шаранаға/жаңа туған нәресте денсаулығына әсер етуі мүмкін болатын оксиметазолин әсері салдарынан қандай болмасын жағымсыз реакциялар дамуын көрсетпеген. Жануарларға жасалған зерттеулерде емдік доза диапазонынан жоғары дозаға қатысты тұқым өрбітуге уыттылығы көрсетілген. Мұрынға тамызатын дәрі Називин® Сенситив препаратын жүктілік кезінде пайда/қауіп арақатынасын мұқият бағалағаннан кейін пайдалану керек. Лактация кезеңі Називин® Сенситив препаратын бала емізу кезеңінде пайда/қауіп арақатынасын мұқият бағалағаннан кейін пайдалану керек. Бала емізу кезеңінде препарат сүттің шығу мөлшеріне әсер ететіндіктен ұсынылған дозадан асырмау керек. Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері Називин® Сенситив препаратын ұсынылатын дозадан артық мөлшерде ұзақ уақыт қолданғаннан кейін жүрек-қантамыр жүйесіне және орталық жүйке жүйесіне жалпы әсер етуін жоққа шығаруға болмайды. Мұндай жағдайларда көлік құралын немесе жабдықты басқару қабілеті төмендеуі мүмкін.

Транилципромин типті (МАО)моноаминоксидаза тежегіштерімен және трициклді антидепрессанттармен бір мезгілде қолданбайды, артериялық қысым жоғарылауы мүмкін. Басқа тамыр тарылтатын препараттарды(гипертензиялық дәрілер) бірге тағайындау жағымсыз әсерлерінің даму қаупін арттырады. Айрықша нұсқаулар Педиатрияда қолдану Препарат 4 аптаға дейінгі нәрестелерде қолдануға арналмаған.

Сақтау мерзімі 3 жыл Алғаш қолданғаннан кейінгі қолдану кезеңі 12 ай Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!