Назол® Кидс спрей

1 мл ерітіндінің құрамында белсенді зат: 2.5 мг фенилэфрин гидрохлориді; қосымша заттар: бензалконий хлориді, цинеол (эвкалиптол), глицерол, макрогол 1500, динатрий гидрофосфатының дигидраты, калий дигидрофосфаты, динатрий эдетатының дигидраты, тазартылған су. Сыртқы түрінің, иісінің, дәмінің сипаттамасы Эвкалиптің шамалы иісі бар түссізден ашық сары түске дейінгі мөлдір ерітінді

Мұрын арқылы тыныс алуды жеңілдету үшін: • суық тию ауруларында, тұмауда, пішен қызбасында немесе жедел ринитпен немесе синуситпен қатар жүретін жоғарғы тыныс жолдарының басқа аллергиялық ауруларында • жедел ортаңғы отитте (мұрын-жұтқыншақ шырышының ісінуін азайтуға арналған қосымша дәрі ретінде).

Жергілікті қолдануға арналған антиконгестанттар мен мұрынға арналған басқа препараттар. Симпатомиметиктер. Фенилэфрин АТХ коды R01AA04 Фармакодинамикалық әсерлер және әсер ету механизмі: Фенилэфрин гидрохлориді мұрын шырышты қабығында -рецепторлардың стимуляциялануының арқасында тамыртарылтатын әсері бар, 1-адренергиялық рецепторлардың өзіндік агонисті болып табылады. Фенилэфрин гидрохлориді шырышты қабықтардың ісінуі мен тіндердің гиперемиясын төмендетеді, мұрын қуысындағы ісіну мен іркілу құбылыстарын жұмсартады, сондай-ақ мұрын тыныс жолдарының өткізгіштігін жақсартады. Жергілікті қолданғанда фенилэфриннің жүйелі сіңірілуі төмен. Эвкалиптол шырышты қабықтардың рецепторларына стимулияциялайтын әсер береді; жергілікті қабынуға қарсы және антисептикалық белсенділікке ие, мұрын жолдарының шырышты қабығын шамадан тыс құрғап кетуден қорғайды. Глицерин мұрын қуысының тітіркенген шырышты қабығына жұмсартушы және ылғалдандырушы әсерін тигізеді. Препарат әсері 3-5 минуттан соң басталып, 6 сағатқа жуық созылады.

Дозалау режимі 4-тен 6 жасқа дейінгі балаларға: әр мұрын жолына 1-2 бүркуден күніне 3 рет; 6-дан 12 жасқа дейінгі балаларға: әр мұрын жолына 2-3 бүркуден күніне 3 рет. Ұсынылған дозалау режимінен арттырмау керек. Әр танауға жағыңыз: әр 4 сағаттан аспайтын аралықпен қайталаңыз. Енгізу әдісі мен жолы Әр мұрын жолына кезекпен инъекция жасаңыз, инъекция кезінде басыңызды артқа лақтырмаңыз. Бөтелкені тігінен ұстаңыз. Құтыны тік күйінде қысқанда ерітінді одан спрей түрінде бөлінеді. Пайдаланғаннан кейін құтыдағы саптаманы сүртіңіз. Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну бойынша ұсынымдар Қолдану тәсілі бойынша сұрақ туындаған жағдайда медицина қызметкеріне хабарласыңыз.

• белсенді заттарға немесе препараттың кез келген қосымша заттарына аса жоғары сезімталдық; • артериялық гипертензияның ауыр түрінде • жедел жүрек-қан тамыр ауруларында • тахиаритмияда • ауыр тиреотоксикоз кезінде • қант диабеті кезінде • транссфеноидальді гипофизэктомиядан кейін • тері немесе мұрын алды шырышты қабығы қабынған және қыртыс (құрғақ ринит) түзілген жағдайда; • МАО тежегіштерін алып жүрген пациенттер немесе 2 апта бұрын алған пациенттер • 4 жасқа дейінгі балалар

Жергілікті қолданған кезде фенилэфрин жақсы көтерімді және жағымсыз әсері, егер пайда болса, ол жедел емес және қысқа мерзімді сипатта болып келеді. Жиі: шымдылдатып ашыту, түшкіру, мұрынның шаншуы Сирек: аллергиялық реакциялар (қышыну немесе есекжем, қолдың, беттің немесе тамақтың ісінуі,кеуденің қысылуы, тыныс алудың қиындауы), ырғақтың бұзылуы, артериялық гипертензия Өте сирек: бас ауыруы, бас айналуы, мазасыздық. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Мұрынға жергілікті пайдалану кезіндегі артық дозалану кейде тамыр соғуының жиілеуі (тахикардия) және артериялық қысымның көтерілуі, қозу сияқты жүйелі әсерлерге алып келеді. Артық дозаланған жағдайда медициналық жәрдемге хабарласу қажет. Емі: симптоматикалық.

Препаратты ересектердің бақылауымен қабылдау керек. Препаратты 4 жасқа дейінгі балаларға қолдануға болмайды. Арнайы ескертулер Жүрек-қантамыр аурулары, артериялық гипертензиясы, гипертиреозы, жабық бұрышты глаукомасы, қант диабеті бар пациенттерге құрамында мұрынға арналған спрейі бар фенилэфринді абайлап қолдану керек. Бұл пациенттерге қолданардың алдында дәрігерден кеңес алу керек. Препаратты ересектердің қадағалауымен қолдану керек. Егер 12 жасқа дейінгі балаларда ашушаңдық, бас айналуы немесе ұйқысыздық пайда болса қолдануды тоқтатып, дәрігерге көріну керек. Бензалконий құрамына кіретін хлорид (консервант) ұзақ уақыт қолданғанда мұрын шырышты қабығының ісінуіне әкелуі мүмкін. Емдеу ұзақтығы 3 күннен аспайды, егер симптомдар сақталса, дәрігерге қаралу керек. Инфекцияны жұқтырмау үшін құтыны жекелей қолдану ұсынылады.

Препарат балаларға арналған. Жүктілік және емшек емізу кезеңінде қолдану жөніндегі деректер жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері әсер етпейді.

Құрамында тамыр тарылтатын дәрілер немесе гипертензияға қарсы дәрілер бар басқа препараттармен қолдануға болмайды. Моноаминоксидаза (МАО) тежегіштерімен бір мезгілде қолданғанда немесе емдеуді тоқтатқаннан кейін 14 күн ішінде немесе фенилэфрин артериялық қысымның жоғарылауына әкелуі мүмкін. Фенилэфринді линезолидпен бір мезгілде қолдануға болмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 30 С-ден аспайтын температурада сақтау керек. Балалардың қолы жетпейтін жерде сақтау керек!