Назоферон® спрей 100000 МЕ/мл

Бір мл препараттың құрамында белсенді зат: – адамның рекомбинантты альфа-2b интерфероны - 100000 ХБ кем емес, қосымша заттар: трометамол, трометамол гидрохлориді, гипромеллоза, динатрий эдетаты, лизин гидрохлориді, калий хлориді, метилпарагидроксибензоат (Е 218), тазартылған су. Сыртқы түрінің, иісінің, дәмінің сипаттамасы Мөлдір түссіз сұйықтық.

1 жастан бастап балаларда және ересектерде жедел респираторлық вирустық инфекциялардың (ЖРВИ) профилактикасы және емдеу.

Әсер ету механизмі Назоферон – вирусқа қарсы, микробтарға қарсы, қабынуға қарсы, иммуномодуляциялаушы, пролиферацияға қарсы дәрі. Интерферонның биологиялық әсері мынадай әсерлермен сипатталады: вирусқа қарсы - транскрипция және трансляция үдерістеріне тежегіш әсерінің есебінен вирустардың (аденовирустардың, тұмау вирустарының) репликациясын бәсеңдету; пролиферацияға қарсы – жасушалардың көбеюін бәсеңдетеді (көптеген ДНҚ- және РНҚ-құрамды вирустардың). Фармакодинамикалық әсерлері Интерферон спецификалық фермент – протеинкиназа синтезіне түрткі болады, осы үдеріске түрткі болатын факторлардың біреуінің фосфорлануы арқасында трансляцияға кедергі болады; вирустың матрицалық РНҚ зақымдайтын спецификалық рибонуклеазаны белсендіреді. Интерферон әсеріне, сондай-ақ мыналар жатады: басқа да цитокиндер өндірілуін көтермелеу, спецификалық ферменттер индукциясы, жасушалар пролиферациясын бәсеңдету, иммуномодуляция (макрофагтардың фагоцитарлық белсенділігін және лимфоциттердің нысана жасушаларға қатысты спецификалық цитоуыттылығын күшейту). Интерферон иммунитет медиаторы болып табылады, айқын тіндік спецификалығы бар, организмді инфекциялық аурулар қоздырғыштарынан қорғайды.

Дозалау режимі 1 спрей-доза = дозаторды 1 рет тез басу. ЖРВИ ауруларының алғашқы белгілерінде (5 күн бойы) 1-ден 3 жасқа дейінгі балаларға – 2 спрей-дозадан әрбір мұрын жолына тәулігіне 3-4 рет (бір реттік доза – 20000 ХБ, тәуліктік доза – 60000-80000 ХБ); 3-тен 14 жасқа дейінгі балаларға – 2 спрей-дозадан әрбір мұрын жолына тәулігіне 4-5 рет (бір реттік доза – 20000 ХБ, тәуліктік доза – 80000-100000 ХБ); 14-тен 18 жасқа дейінгі балаларға – 2 спрей-дозадан әрбір мұрын жолына тәулігіне 5-6 рет (бір реттік доза – 20000 ХБ, тәуліктік доза – 100000-120000 ХБ); Ересектерге – 3 спрей-дозадан әрбір мұрын жолына тәулігіне 5-6 рет (бір реттік доза – 30000 ХБ, тәуліктік доза – 150000-180000 ХБ). Респираторлық вирустық инфекциялардың профилактикасы үшін Науқаспен қарым-қатынас кезінде және қатты салқындағанда, жоғарғы тыныс жолдарының ауруларынан жиі әрі ұзақ уақыт зардап шегетін пациенттерде – жасына қарай дозалануына сәйкес тәулігіне 2 рет 5-7 күн бойы. Қажет болған жағдайда профилактикалық курстар қайталанады. Науқаспен бір реттік қарым-қатынас кезінде бір рет бүрку жеткілікті. Ұйымдасқан ұжымдарда (балалардың және ересектердің) аурудың маусымдық жоғарылауы кезінде «қауіп» топтарының – медицина қызметкерлерінің, мұғалімдердің арасында – жасына қарай дозалануына сәйкес бір рет таңертең 1-2 күн аралықпен. Енгізу әдісі және жолы Мұрынға арналған спрейді пайдалану сызбасы: • Құтыдан қорғағыш қалпақшасын шешу керек. • Бүріккішті басу арқылы іске қосу (сынама бүрку). • Тік қалыпта тұрып, қондырманың ұшын әрбір мұрын жолына кезек-кезек салып, сорғы-дозаторды басу керек. • Қолданғаннан кейін құты қалпақшасын жабу керек. Құты — Сынама бүрку — Пайдалану

• интерферон альфа-2b және препарат құрамына кіретін басқа да компоненттерге аса жоғары сезімталдық • анамнездегі аллергиялық аурулардың ауыр түрлері • жүктілік немесе бала емізу кезеңі

Бірлі-жарым жағдайларда – терідегі бөртпе. Жағымсыз реакциялар пайда болған жағдайда дәрігерден кеңес алу керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел клиникалық біліністермен қатар жүретін артық дозалану жағдайлары туралы хабарланбаған. Алайда, кез келген фармакологиялық белсенді заттың артық дозаланған кезіндегідей, тіршілік үшін маңызды ағзалардың функциясына жиі мониторинг жүргізіп және пациенттің жай-күйін мұқият бақылай отырып симптоматикалық ем жүргізу көрсетілген. Сұрақтар туындаған жағдайда дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек

Препараттың құрамында метилпарагидроксибензоат бар, ол аллергиялық реакцияларды, соның ішінде кейіннен болатындарын, ерекше жағдайларда бронх түйілуін тудыруы мүмкін. Арнайы сақтандырулар Препаратты қаптаманың бүтіндігі мен таңбалануы бұзылған жағдайда, физикалық қасиеттері (сұйықтықтың түсі немесе мөлдірлігі) өзгергенде және жарамдылық мерзімі өткеннен кейін қолданбаған жөн. Инфекцияның таралуын болдырмау үшін жекелей пайдалану ұсынылады. Педиатрияда қолданылуы Балаларға 1 жастан бастап қолданады. Препараттың көлік құралдарын және қауіптігі зор механизмдерді басқару қабілетіне әсер ету ерекшеліктері Әсер етпейді.

Қолдануға болмайды.

Мұрынға тамызуға арналған тамыр тарылтатын препараттарды бір мезгілде қолдану ұсынылмайды, өйткені олар мұрын шырышты қабығының құрғауына себепші болады.

Сақтау мерзімі 3 жыл. Құтыны ашқаннан кейінгі қолдану кезеңі сақтау шарт бойынша 2 С-ден 8 ºС-ге дейінгі температурада (тоңазытқышта) 10 тәулік. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2 С-ден 8 С-ге дейінгі температурада сақтау керек. Балалардың қолы жетпейтін жерде сақтау керек!