Найз® Плюс гель 1%

1 г құрамында белсенді заттар: нимесулид 10 мг, метилсалицилат 100 мг, ментол 50 мг, капсаицин 0,250 мг қосымша заттар: диэтилфталат, диэтиленгликоль моноэтил эфирі, гидрогенделген полиоксил майсана майы (40), пропиленгликоль, натрий бензоаты, динатрий эдетаты, бутилденген гидрокситолуол, карбомер-980, трометамол, тазартылған су. Сыртқы түрінің, иісінің, дәмінің сипаттамасы Ақ немесе дерлік ақ гель көрінетін бөгде бөлшектер жоқ

Гель тірек-қимыл аппаратының жедел және созылмалы ауруларын емдеуде, атап айтқанда ауырсыну мен қабыну кезінде, соның ішінде буындық емес ревматизмдік аурулар мен жұмсақ тіндердің зақымдалуында қолданылады. Гель аздаған арқа ауыруы, тендинит, тендовагинит, байламдар және сіңірлер созылуы кезінде қолданылады.

Әсер ету механизмі Нимесулид – сульфонанилидтер класына жататын қабынуға қарсы стероидты емес препарат (ҚҚСП), қабынуға қарсы, ауыруды басатын әсерге ие. Нимесулид – циклооксигеназа 2 селективті тежегіші, нимесулидтің әсер ету механизмі С протеинкиназаның, IV типті фосфодиэстеразаның және протеиназаның тежелуімен, гистаминнің тежелуімен және (TNF-α) босап шығуымен, тромбоциттердің белсенділік факторының (ТБФ) синтезделуімен байланысты. Капсаицин шеткері жүйке талшықтарынан жоғары орталықтарға дейін ауырсыну импульстарының негізгі хемомедиаторы болып табылатын P затын азайтады. Ментол тамыр кеңейтетін дәрі болып табылады және салқындық сезімін тудырады. Метилсалицилат - белгілі қабынуға қарсы дәрі, салицил қышқылының туындысы, ол теріні тітіркендіреді және тірек-қимыл аппаратының, буындардың және жұмсақ тіндердің ауруын жеңілдету үшін жергілікті тітіркендіргіш препараттарда сыртқа қолданылады. Фармакодинамикалық әсерлері Құрамында нимесулид, метилсалицилат, ментол, капсаицин бар Найз Плюс гель ауыруды басатын дәрі ретінде тиімді болып табылады.

Дозалау режимі Ересектер Найз Плюс гель (әдетте 3 г, бұл ұзындығы 6-7 см жолаққа сәйкес келеді) зақымданған аймаққа күніне 2-3 рет жұқа қабатпен жағылады және толық сіңгенге дейін сүртіледі. Балалар Балаларда қолдану үшін ұсынылған дозалар мен қолданылуы анықталмаған. Сондықтан препаратты балаларда қолдануға болмайды. Енгізу әдісі мен жолы Тек сыртқа қолдануға арналған Емдеу ұзақтығы Емдеудің ұсынылатын ұзақтығы 7-15 күнді құрайды. Неғұрлым ұзақ қолдану қажет болған жағдайда дәрігермен кеңесу қажет. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Сұрақтар туындаған жағдайда кеңес алу үшін медицина қызметкеріне жүгіну қажет.

-препараттың нимесулидке немесе қосымша заттарына аса жоғары сезімталдық -ацетилсалицил қышқылына немесе басқа да қабынуға қарсы стероидты емес препараттарға (анамнезінде) аллергиялық реакциялар (бронх түйілуі, ринит, есекжем) -гельді ашық жараларға немесе жергілікті инфекция болған жағдайда қолдану -сыртқа қолдануға арналған басқа дәрілік препараттармен бір мезгілде қолдану -жүктілік және лактация кезеңі - 12 жасқа дейінгі балалар мен жасөспірімдер

Жергілікті емдеумен байланысты жағымсыз әсерлер туралы хабарланбаған. Жағымсыз әсерлердің көпшілігін жағу орнындағы жергілікті реакциялар құрайды, мысалы, орташа немесе әлсіз жергілікті тітіркену, эритема, бөртпе, қабыршақтану, прурит. Киімнің ластануы байқалды. Тері және тері асты тіндері тарапынан бұзылулар Сирек: -прурит, эритема Белгісіз: • қабыршақтану, прурит, бөртпе, орташа немесе аздаған жергілікті тітіркену • бекітілген дәрілік бөртпе Жергілікті: • терінің, көздің және шырышты қабықтардың тітіркенуі, жергілікті тері реакциялары (жанаспалы дерматиттер) • аппликация орнындағы терінің аллергиялық реакциялары (сулы бөртпелердің пайда болуы). Егер мұндай симптомдар пайда болса, гельді пайдалануды дереу тоқтату керек. Теріге зақым келтірмеу үшін гельмен өңделген аймақты тырнап алмаңыз. Нимесулидті сыртқа қолданған кезде жүйелі жағымсыз әсерлердің пайда болу ықтималдығы ішке қабылдаумен салыстырғанда төмен. Алайда, нимесулид ұзақ уақыт бойы және жоғары дозаларда қолданылған кезде, жүйелік жағымсыз әсерлердің пайда болуын елемеуге болмайды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі: препаратты тоқтату, симптоматикалық ем.

«Арнайы ескертулер» бөлімін қараңыз. Арнайы ескертулер Жергілікті тітіркену пайда болған кезде гельді қолдану тоқтатылуы және симптоматикалық ем тағайындалуы тиіс. Жаққан жерге герметикалық таңғышты қолдануға болмайды. Гельді көз айналасына, шырышты бетке, дененің басқа да ашық жерлеріне, жараланған жерге, дерматиттерде жақпайды. Егер гель мұндай жерлерге тисе, оны көп мөлшердегі сумен жуып тастау керек. Препарат ішке қабылдауға арналмаған. Препаратты жаққаннан кейін қолды сабындап жуу керек. Жаққан орында тітіркену, қызару немесе қышыну пайда болған кезде, қолдануды тоқтатып, өзіңнің емдеуші дәрігеріңе хабарлау қажет. 12 жасқа дейінгі балаларда қолдану ұсынылмайды. Жағымсыз әсерлерді барынша қысқа мерзім ішінде ең аз тиімді дозаны пайдалану арқылы азайтуға болады. Асқазан-ішектен қан кетуі, асқыну сатысындағы асқазан және он екі елі ішектің ойық жарасы немесе асқазан мен он екі елі ішектің ойық жарасына күдіктену, бүйрек немесе бауыр функциясының ауыр бұзылуы, қан ұюының күрделі бұзылуы немесе ауыр / іркілісті жүрек жеткіліксіздігі бар пациенттерде сақтықпен қолдану керек. Басқа ҚҚСП белгілі аса жоғары сезімталдығы бар пациенттерді емдеу кезінде ерекше назар талап етіледі. Емдеу барысында аса жоғары сезімталдықтың даму ықтималдығын жоққа шығару мүмкін емес. Егер Найз® Плюс гель сыртқа қолданылатын басқа ҚҚСП-мен бірге пайдаланылса, күйдіру сезімі, атап айтқанда, фотодерматоз пайда болуы мүмкін. Фотосенсибилизация қаупін азайту үшін пациенттерге тікелей күн сәулесінің әсерінен аулақ болу керек. Симптомдар немесе жағдайының нашарлауы сақталған кезде медициналық көмекке жүгіну керек. Тері реакциясы Нимесулидті қолдану кезінде тіркелген дәрілік бөртпе (ФЛС) жағдайлары туралы хабарланды. Нимесулидті сыртартқысында нимесулидпен байланысты ФЛС бар пациенттерге қайта тағайындауға болмайды. Егде жастағы пациенттер Найз® Плюс гельді егде жастағы пациенттерде сақтықпен пайдалану керек.

Нимесулидтің жүкті және бала емізетін әйелдердегі қауіпсіздігі мен тиімділігі анықталмаған. Сондықтан препарат жүкті және бала емізетін әйелдерде қолдануға арналмаған. Найз® Плюс гельді жүктілік кезінде қолдану туралы клиникалық деректер жоқ. Тіпті жүйелік әсер ауызша тәсілмен салыстырғанда төмен болса да, жергілікті қолданудан кейін қол жеткізілетін Найз® Плюс гельдің жүйелік әсері эмбрионға/ұрыққа зиян келтіре алатыны белгісіз. Жүктіліктің бірінші және екінші триместрінде Найз® Плюс гельді анық қажеттіліксіз қолдануға болмайды. Қолданған жағдайда дозаны мейлінше төмен, ал емдеудің ұзақтығын мейлінше қысқа ұстау керек. Жүктіліктің үшінші триместрінде простагландинсинтетазаның ингибиторларын жүйелі қолдану, Найз® Плюс гельді қоса алғанда, ұрықта жүрек-өкпе және бүйрек уыттылығын тудыруы мүмкін. Жүктіліктің соңында анада да, балада да ұзақ қан кетуі мүмкін, бұл босанудың кешігуіне әкелуі мүмкін. Сондықтан Найз® Плюс гелі жүктіліктің соңғы триместрінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты гель түрінде жергілікті қолдану автокөлікті жүргізу және механизмдерді басқару қабілетіне ықпалын тигізбейді. Қолдану бойынша ұсыныстар

Белсенді зат концентрациясының өте төмен болуына байланысты, басқа дәрілік заттармен өзара әрекеттесуі іс жүзінде байқалмайды. Фармакокинетикалық өзара әрекеттесу плазма ақуыздарымен байланысу деңгейінде жүреді: Найз® Плюс гель плазма ақуыздарымен байланысу үшін бәсекелесетін дәрілік заттардың – дигоксиннің, фенитоинның, литий препараттарының, диуретиктердің, гипотензиялық препараттардың, басқа да ҚҚСП, антикоагулянттардың, циклоспориннің, метотрексаттың, пероральді гипогликемиялық препараттардың концентрацияларын арттырады. Миелоуытты дәрілік заттар гематоуыттылықтың күшейюін туындатады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25° С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!