Найз® Фаст спрей 1 %

1 г препараттың құрамында белсенді зат - нимесулид 10 мг қосымша заттар: диметилсульфоксид, диметилфталат, этанол, 2-пропанол, лимон қышқылы моногидраты, «Relaxin Warmth» хош иістендіргіші. Сыртқы түрінің, иісінің, дәмінің сипаттамасы Өзіне тән иісі бар түссізден ашық сары түске дейінгі мөлдір ерітінді.

Найз® Фаст спрейі белдегі қатты ауырсыну, тендинит, теносиновит және байламдардың созылуында жергілікті ауырсынуды басуға арналған.

ATX коды М02АА26 Нимесулид циклооксигеназа простагландиндерінің синтезі ферментінің тежегіші болып табылады. Циклооксигеназа простагландиндерді өндіреді, олардың кейбіреулері қабынуды дамытуға және демеуге қатысады.

Дозалау режимі Сыртқа. Ересектерге және 12 жастан асқан балаларға. Зақымданған аймақтың үстіндегі теріге тәулігіне 3-4 рет 5-тен бүрку керек. Спрейдің мөлшері және оны қолдану жиілігі (тәулігіне 4 реттен көп емес) өңделетін аумақтың көлеміне және аурудың ағымына байланысты болуы мүмкін. Енгізу әдісі және жолы Құтыны терінің беткей қабатынан шамамен 10-15 см қашықтықта тігінен ұстап тұрып, тек тазартылған және құрғақ теріге жағу керек. Әр бүркудің ұзақтығы – 1 секунд. 2-3 рет бүркуден кейін препаратты зақымданған аймақтың айналасына кеңінен тарата отырып, теріге абайлап ысқылау керек. Препаратты қарқынды түрде ысқылауға немесе окклюзиялық таңғышты қолдануға болмайды. Емдеу ұзақтығы көрсетілімдеріне байланысты. Препаратты дәрігердің кеңесінсіз 10 күннен артық қолдануға болмайды Емдік әсері болмаған кезде дәрігермен кеңесіңіз. Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну ұсынымдары Препаратты қабылдау бойынша сұрақтар туындаған кезде дәрілік препаратты қолдану тәсілін түсіндіру үшін медицина қызметкерінен кеңес алу керек.

• нимесулидке немесе кез келген қосымша заттарға аса жоғары сезімталдық • ацетилсалицил қышқылы немесе простагландиндер синтезін тежейтін басқа дәрілік заттар ринит, есекжем немесе бронх түйілуі сияқты аллергиялық реакцияларды тудыратын пациенттерге • қолдану саласындағы эпидермистің зақымдануы және тері жабындарының инфекциясы, дерматоздар • жергілікті қолдануға арналған басқа препараттармен бір мезгілде қолдану • жүктілік және бала емізу кезеңі • 12 жасқа дейінгі балалар

Жағымсыз реакциялар абсолюттік жиіліктің кему ретімен тізбеленген. Жиіліктер өте жиі (1/10); жиі (1/100-ден < 1/10-ға дейін); жиі емес (1/1000-нан < 1/100-ге дейін); сирек (1/10 000-нан < 1/1000-ға дейін); өте сирек (< 1/10 000), белгісіз (қолда бар деректердің негізінде бағалау мүмкін емес) ретінде берілген. Жиі емес: – қышыну Өте сирек: – есекжем, қабыршақтану; нимесулидтің жергілікті түрлерін қолданған кезде тері түсінің транзиторлық түрде өзгеруі мүмкін (препаратты тоқтатуды талап етпейді). Препаратты терінің ауқымды жерлеріне жаққанда немесе ұзақ уақыт қолданғанда нимесулидке тән жүйелі жағымсыз реакциялардың дамуы жоққа шығарылмайды: - қыжыл, жүрек айну, құсу, диарея, асқазанның ауыруы, асқазан-ішек жолдарының шырышты қабығының ойық жаралануы, «бауыр» трансаминазаларының белсенділігінің артуы - бас ауыру, бас айналу сұйықтықтың кідірісі, гематурия аллергиялық реакциялар (анафилаксиялық шок, тері бөртпесі) - тромбоцитопения, лейкопения, анемия, агранулоцитоз, қан кету уақытының ұзаруы Белгісіз - тұрақты дәрілік бөртпе Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалану жағдайлары сипатталмаған. Дозалау режимі бұзылған кезде және препараттың көп мөлшерін (50 г-нан асатын) терінің ауқымды аймақтарына жаққан кезде артық дозаланудың дамуы жоққа шығарылмайды. Арнайы антидот жоқ. Дәрігерге жүгіну керек.

Найз® Фаст ашық жараларға түспеуі үшін терінің зақымданбаған жерлеріне ғана қолданған жөн. Найз® Фаст көзге немесе шырышты қабыққа түспеуі тиіс, абайсызда жанасқан кезде дереу сумен шайып жіберу керек. Препаратты ішке қабылдауға болмайды. Дәріні жаққаннан кейін қолды жуу керек. Найз® Фаст окклюзиялық таңғышпен қолдануға болмайды. Пайдаланып болғаннан кейін құтыны мықтап жабу керек. Арнайы сақтандырулар Жағымсыз әсерлері барынша қысқа уақыт кезеңінде ең аз тиімді дозаны пайдаланған кезде төмендеуі мүмкін. Асқазан-ішектен қан кету, ойық жара ауруы, бүйректің ауыр жеткіліксіздігі, бауыр жеткіліксіздігі, қан ұюдың ауыр бұзылыстары немесе жүректің ауыр жеткіліксіздігі бар пациенттерде Найз® Фаст сақтықпен қолдану керек. Препарат аса жоғары сезімталдығы бар адамдарда зерттелмегендігінен, басқа ҚҚСП-ға белгілі аса жоғары сезімталдығы бар пациенттерді емдеу кезінде ерекше сақ болу керек. Емдеу үдерісінде аса жоғары сезімталдықтың даму мүмкіндігін жоққа шығаруға болмайды. Тері реакциясы Нимесулидті қолдану кезінде тұрақты дәрілік бөртпе (ТДБ) жағдайлары туралы хабарланды. Нимесулидті анамнезінде нимесулидпен байланысты ТДБ бар пациенттерге қайта тағайындауға болмайды. Диметилсульфоксид Терінің тітіркенуін тудыруы мүмкін. Педиатрияда қолдану Найз® Фаст 12 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару және механизмдермен жұмыс істеу қабілетіне әсер етпейді.

Жүктілік кезінде және бала емізу кезінде препаратты қолдануға болмайды. Жүктілік Найз® Фастты жүктілік кезінде пайдалану туралы клиникалық деректер жоқ. Жергілікті қолданумен байланысты жүйелік әсер пероральді қабылдаудан кейінгі жүйелік әсермен салыстырғанда төмен болса да, Найз® Фасттың эмбрионға/шаранаға зиян тигізуі мүмкіндігі белгісіз. Жүктіліктің бірінші және екінші триместрінде Найз® Фастты нақты қажеттіліксіз қолдануға болмайды. Қолдану жағдайында дозаны мүмкіндігінше төмен, ал емдеу ұзақтығын мүмкіндігінше қысқа тағайындау керек. Жүктіліктің үшінші триместрінде простагландин синтетаза тежегіштерін жүйелі қолдану, соның ішінде Найз® Фаст, ұрықта жүрек-өкпе және бүйрек уыттылығын тудыруы мүмкін. Жүктіліктің соңында анада да, балада да ұзақ қан кетуі мүмкін, бұл босанудың кешігуіне әкелуі мүмкін. Сондықтан Найз® Фаст жүктіліктің соңғы триместрінде қолдануға болмайды. Фертильділік Жануарларда репродуктивті уыттылықты зерттеуде эмбриоуытты және тератогенді әсерлер байқалды (қаңқа мальформациялары, жүрек қарыншаларының дилатациясы). Туғаннан кейінгі ерте кезеңдегі жануарларда тұқымдардың өлімге ұшырауының жоғарылауы байқалды, ал нимесулид фертильділікке қолайсыз әсер етті.

Нимесулидті сыртқа қолданған кезде басқа дәрілік заттармен клиникалық маңызды өзара әрекеттесулері сипатталмаған. Нимесулидтің қан плазмасы ақуыздарымен байланысы үшін бәсекелес препараттармен фармакокинетикалық тұрғыдан өзара әрекеттесуі жоққа шығарылмайды. Нимесулидті дигоксинмен, фенитоинмен, литий препараттарымен, диуретиктермен, циклоспоринмен, метотрексатпен, басқа да ҚҚСП-мен, гипотензивті және гипогликемиялық дәрілермен бір мезгілде қолданған кезде сақ болған жөн. Егер Сіз аталған дәрілерді қолдансаңыз немесе дәрігердің бақылауында болсаңыз, спрейді қолданар алдында дәрігермен кеңесу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25°С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!