Наком® таблетки 250 мг/25 мг

Бір таблетканың құрамында белсенді заттар: 250.000 мг леводопа, 27.000 мг карбидопа моногидраты (25.000 мг карбидопаға баламалы), қосымша заттар: желатинделген крахмал, жүгері крахмалы, индигокармин (Е 132), микрокристалды целлюлоза, көгілдір түске боялған, магний стеараты. Сыртқы түрінің, иісінің және дәмінің сипаттамасы Сопақша пішінді, екі беті дөңес, бір жағында сызығы бар, теңбілдерімен көгілдір түсті таблеткалар.

- Паркинсон ауруында - паркинсонизм синдромында Дәрілік препаратты қолдануды бастағанға дейін қажетті мәліметтер тізбесі

Әсер ету механизмі Наком - құрамында дофаминнің метаболизмдік ізашары – леводопа және шеткері дофа-декарбоксилаза – карбидопа тежегіші бар, паркинсон ауруына қарсы біріктірілген препарат. Паркинсон ауруының симптомдары мидағы жолақ денедегі дофаминнің сарқылуына байланысты болады. Леводопа, дофаминнің метаболизмдік ізашары, дофаминергиялық берілісті күшейтеді және мида декарбоксилдену жолымен оны дофаминге айналдыру есебінен симптомдарды әлсіретеді. Леводопаны ішке қабылдағаннан кейін жылдам декарбоксилденеді және шеткері тіндерде дофаминге айналады және тек аз ғана өзгермеген леводопаның мөлшері орталық жүйке жүйесіне жетеді. Осылайша, талапқа сай емдік әсер болуы үшін жиі аралықтармен леводопаның үлкен дозалары қажет болады. Шеткері тіндерде түзілетін дофамин леводопаның паркинсон ауруына қарсы әсерін (ОЖЖ өтпейді) жүзеге асыруға қатыспайды және оның көптеген жағымсыз әсерлеріне жауапты. Гематоэнцефалдық бөгеттен өтпейтін карбидопа леводопаның мидан тыс декарбоксилденуін тежейді, бұл миға келіп түсетін леводопаның мөлшерін және оның дофаминге айналуын арттырады. Карбидопаның декарбоксилазаны тежегіш әсері тек шеткері тіндерде жүретіндіктен, карбидопаны леводопамен бірге қолдану оның миға келіп түсуін едәуір жетімді етеді. Леводопаның негізгі екі метаболиті дофамин мен гомованилин қышқылының деңгейі едәуір төмендегені байқалған леводопаның ғана осындай дозаларын енгізумен салыстырғанда, карбидопа мен леводопаны бірге енгізгеннен кейін плазмадағы леводопаның деңгейі елеулі артқан. Пиридоксин гидрохлоридін (В6 дәрумені), 10 мг-ден 25 мг дейінгі дозаларда ішке қабылдағанда леводопаның паркинсон ауруына қарсы әсерін жылдам бәсеңдететіні анықталды. Карбидопа пиридоксиннің бұл әсерін болдырмайды. Әдеттегі дозаны пайдаланғандағы препарат әсерінің басталуы Препараттың емдік әсері сол күні, ал кейде бір дозадан кейін білінеді. Препараттың толық әсерлі дозасына леводопаны жеке - дара қолданған апта және айлармен салыстырғанда 7 күн ішінде қол жетеді. Наком препаратының құрамына кіретін карбидопа, леводопаның орталықтық әсеріне байланысты жағымсыз реакцияларды азайтпайды. Леводопаның көп мөлшері миға түскенде, көбіне жүрек айнуы және құсу сияқты доза шектейтін факторлар болмаған жағдайда ОЖЖ белгілі бір жағымсыз әсерлері болуы мүмкін, мысалы, дискинезия (төмендеу дозаларда және леводопамен салыстырғанда Наком препаратымен ем уақытында тезірек). Леводопамен салыстырғанда Наком едәуір айқын емдік тиімділік байқатады, бір ғана леводопаны қолданған жағдайда талап етілетін дозадан шамамен 80% төмен дозаларда плазмадағы леводопаның емдік концентрациясының едәуір ұзақ сақталуын қамтамасыз етеді. Клиникалық тиімділігі мен қауіпсіздігі Қозғалыс ауытқулары бар пациенттерде жүргізілген клиникалық зерттеулерде «өшіру» кезеңі леводопа мен карбидопаның тез босап шығатын таблеткаларымен салыстырғанда кешіктірілген леводопа мен карбидопаның қысқарақ болды. «Өшіру» уақытының қысқаруы айтарлықтай аз (шамамен 10%), ал дискинезия жиілігі леводопа мен карбидопаның дереу босап шығатын таблеткалар комбинациясымен емдеумен салыстырғанда леводопа және карбидопа тежегіштерімен емдеуден кейін сәл жоғарылады. Қозғалыс бұзылыстары жоқ, леводопа және карбидопа тежелген пациенттерде бақыланатын жағдайларда біріктірілім леводопа мен карбидопа біріктірілімі бар тез босап шығатын таблеткалар сияқты азырақ дозаланғанда бірдей емдік тиімділікті қамтамасыз етті. Паркинсон ауруының басқа белгілерінде әдетте жақсару байқалмады.

Дозалау режимі Наком® препаратының оңтайлы тәуліктік дозасы әрбір пациент үшін мұқият таңдау жолымен анықталуы тиіс. Таблеткалардың құрамында 1:10 арақатынасында карбидопа мен леводопа бар. Жалпы жағдай Емдеу үдерісінде дербес таңдап алынған доза мен препаратты қабылдау жиілігі талап етілуі мүмкін. Карбидопаны тәулігіне шамамен 70-100 мг дозада қабылдағанда шеткері дофа-декарбоксилазаның карбидопамен қанығатыны байқалды. Карбидопаның аз мөлшерін қабылдайтын пациенттер жүрек айнуы мен құсуды бастан өткеруі мүмкін. Наком® препаратын тағайындаған жағдайда құрамында бір ғана леводопа бар дәріні қоспағанда, паркинсонизмді емдеуге арналған стандартты дәрілерді қабылдау жалғастырылуы мүмкін, бұл арада олардың дозасы қайтадан таңдалуы тиіс. Леводопаны қабылдамаған пациенттер Дозаны дәрігер пациенттің емге реакциясына сәйкес жекелей таңдап алады. Препаратты қабылдауды бастаған пациенттер үшін бастапқы доза тәулігіне 1 немесе 2 рет ½ таблетканы құрайды. Дегенмен мұндай дозалау карбидопаның пациентке қажет ұтымды мөлшерін қамтамасыз етпейді. Сондықтан, қажет болған жағдайда ұтымды тиімділігіне қол жеткенге дейін күн сайын немесе күн ара ½ таблетка қосып отырады. Тиімділігі бірінші күні, кейде - бірінші дозаны қабылдағаннан кейін-ақ байқалады. Препараттың толық тиімділігіне леводопа қолданған монотерапия жағдайындағы апта және айлармен салыстырғанда 7 күнге дейінгі мерзімде қол жетеді. Леводопамен емделген пациенттерді ауыстыру Леводопаға қарағанда біріктірілген Наком® препаратын қолдану кезінде емдік әсері де және жағымсыз әсерлері де жылдам туындайтындықтан дозаны таңдау кезеңінде пациенттерді мұқият қадағалау керек. Көбіне, леводопамен салыстырғанда Наком® препараты еріктен тыс қозғалыстар туындатады. Олардың пайда болуы Наком® препаратының дозасын азайтуды қажет етуі мүмкін. Кейбір пациенттерде блефароспазм дозаны арттырудың ерте белгісі болуы мүмкін. Наком® препаратымен ем бастағанға дейін ең кемі 12 сағат бұрын (ұзақ әсер ететін леводопа препараттарын қолданғанда 24 сағат бұрын) леводопа қабылдауды тоқтату керек. Наком® препаратының тәуліктік дозасы леводопаның алдыңғы тәуліктік дозасының шамамен 20% қамтамасыз етуі тиіс. 1500 мг-ден астам леводопа қабылдаған пациенттердің көпшілігінде бастапқы ұсынылатын доза Наком® препаратының тәулігіне 3 немесе 4 рет қабылданатын бір таблеткасын құрайды. Демеуші ем Емдеу жеке болуы тиіс және жүргізілген емнен көзделген нәтиже алатындай іріктеп алынуы тиіс. Леводопаның мидан тыс декарбоксилденуін ұтымды тежеу мақсатында күніне 70-100 мг кем емес карбидопа қабылдануы тиіс. Қажет болғанда Наком® препаратының дозасын ең жоғары доза – тәулігіне 8 таблеткаға дейін жеткізгенге дейін күн сайын немесе күнара ½ немесе 1 таблеткаға дейін арттыру керек. Карбидопаның 200 мг-ден асатын тәуліктік дозасын қолдану тәжірибесі шектеулі. Ұсынылатын ең жоғары дозасы Ұсынылатын ең жоғары дозасы тәулігіне Наком® препаратының 8 таблеткасын (200 мг карбидопа мен 2 г леводопа) құрайды. Бұл пациенттің дене салмағы 70 кг кезіндегі 3 мг/кг карбидопа мен 30 мг/кг леводопаны құрайды. Балаларда қолданылуы Наком® препаратының кіші және орташа жастағы балаларда қолданудың қауіпсіздігі мен тиімділігі анықталмаған, және оны 18 жасқа дейінгі балалар мен жасөспірімдерді емдеу үшін қолдану ұсынылмайды. Егде жастағы пациенттерде қолдану Егде жастағы пациенттерде леводопа препаратының сіңуі жас пациенттерге қарағанда жоғары. Бұл деректер жасына қарай, сондай-ақ леводопаны ұзақ тағайындағанда тіндерде дофадекарбоксилаза белсенділігінің төмендеуі туралы мәліметтерді растайды. Егде жастағы пациенттерде леводопа мен карбидопаны қолданудың үлкен тәжірибесі бар; дозаны түзету қажет емес. Енгізу әдісі мен жолы Пероральді (ішке) Дәрілік препараттың бір немесе бірнеше дозасын өткізіп алған кездегі қажетті шаралар Наком® препараты дозаларын күрт азайту кезеңінде пациенттерді мұқият бақылау қажет. Тоқтату симптомдары қаупінің болуын көрсету Паркинсон ауруына қарсы препараттарды кенеттен тоқтату кезінде бұлшықеттің сіресуін, дене температурасының жоғарылауын, психикалық бұзылуларды және сарысулық креатинфосфокиназа концентрациясының артуын қамтитын қатерлі нейролептикалық синдромға ұқсайтын симптомдар кешені сипатталған. Сондықтан пациенттерді, әсіресе, егер пациент нейролептиктер қабылдаса, оны тоқтату кезеңінде мұқият бақылау қажет.

- белсенді затқа немесе кез келген қосымша заттарға жоғары сезімталдық - моноаминооксидазаның (МАО) селективті емес тежегіштерін бір мезгілде қабылдау, МАО тежегіштерін Накоммен® емдеуді бастағанға дейін кемінде екі апта бұрын тоқтату керек - жабықбұрышты глаукома - меланома немесе анамнезінде меланоманың болуы - этиологиясы белгісіз тері аурулары - бүйректің және бауырдың ауыр жеткіліксіздігі - ауыр психозы бар пациенттер - дәрілерді қабылдаумен байланысты экстрапирамидалық бұзылыстарды емдеу үшін қолдану ұсынылмайды - жүктілік және лактация кезеңі - 18 жасқа дейінгі балалар мен жасөспірімдер

Наком® препаратын қолданғанда туындайтын жағымсыз реакциялар дофаминнің орталықтық нейрофармакологиялық әсеріне байланысты. Әдетте бұл реакциялар дозаны төмендету жолымен азайтылуы мүмкін. Кеңірек таралған жағымсыз әсерлер арасында дискинезия, хорея тәріздіні қоса, дистониялық және басқа да еріксіз қозғалыс, сондай-ақ жүрек айнуы анықталады. Негізге алынып доза төмендету туралы шешім қабылданатын ерте белгілері бұлшықет тартылуы және блефароспазм болып табылады. Жағымсыз реакциялар төмендегідей жағдайлар жиілігіне сәйкес жіктелген: өте жиі (≥1/10), жиі (≥1/100 – < 1/10 дейін) , жиі емес (≥1/1000 - < 1/100 дейін), сирек (≥1/10000 - < 1/1000 дейін), өте сирек (<1/10000) және жиілігі белгісіз (қолда бар деректер негізінде жиілігі анықталмайтын). Өте жиі - дистония, хореяны қоса, дискинезия - несеп жолдарының инфекциялары Жиі - брадикиния көріністері («on-off» - синдромы), бас айналу/вертиго, парестезия, өте сирек болатын күндізгі сомноленцияны және кенет ұйықтап кету ұстамаларын қоса, ұйқышылдық - ұйқының бұзылуы, елестеулер, суицидті тенденциямен немесе онсыз депрессия, сананың шатасуы - жүрек қағуы, артериялық гипотензия көріністерін қоса, ортостаздық әсерлері - диспноэ - диарея, құсу - анорексия - кеуденің ауыруы Жиі емес - естен тану - қозу - есекжем - бұлшықет құрысулары Сирек - деменция, құрысулар - психоздық жай-күй көріністері (сандырақтауды және параноидтық ойлануларды қоса) - патологиялық құмарлық, либидо жоғарылауы, аса жоғары сексуалдылық, әсіресе препаратты жоғары дозаларда қолданғанда (бұл көріністер дозаны төмендеткенде немесе препаратпен емді тоқтатқанда жойылып отырған) - жүрек функциясының бұзылуы, артериялық гипертензия, флебиттер - асқазан-ішектен қан кету, он екі елі ішек ойық жарасының дамуы, сілекейдің күңгірттенуі - терінің қышынуы, Шенлейн-Генох ауруы, алопеция, бөртпе, тері бездері секретінің күңгірттенуі - несептің күңгірттенуі - агранулоцитоз, лейкопения, анемия (гемолиздік және гемолиздік емес), тромбоцитопения - ангионевроздық ісіну Жиілігі белгісіз - атаксия, қол треморының күшеюі, экстрапирамидалық және қозғалыс бұзылуы, бас ауыруы, ойлау белсенділігінің төмендеуі, бүркемелі Бернар-Горнер синдромының күшейтілуі, ұю, естен тану, құлау, жүріс бұзылуы, окулогирлік криздер (көз алмасының сыртқы бұлшықеттерінің тонустық құрысулары), тітіркену сезімі, тризм - үрейлену сезімі, бағдар жоғалту, эйфория, ұйқысыздық, бруксизм, дофаминді дисрегуляция синдромы - бет терісіне қан "тебу", гиперемия - қарлығу, тыныс алудың бұзылуы - ауыздың құрғауы, сілекей ағу, дисфагия, іштің ауыруы және жайсыздық сезімі, іш қатуы, метеоризм, диспепсия, тіл күюін сезіну, ауызда ащы дәм сезіну, кекіру, жүрек айнуы - қатты терлеу - бұлшықет тартылуы - несепті ұстай алмауы, несеп шығару іркілісі - дене салмағының азаюы немесе артуы, ісінулер - приапизм - қатерлі меланома - астения, ісіну, қажу, дімкәстану, қатерлі нейролептикалық синдром, әлсіздік - сілтілік фосфатаза АСТ, АЛТ, лактатдегидрогеназа белсенділігінің жоғарылауы, плазмадағы билирубин, мочевина, несеп қышқылының тұздары, мочевина азотының мөлшерінің жоғарылауы, сарысулық креатинин құрамының артуы, Кумбс оң сынамасы, гемоглобин және гематокриттің төмендеуі, гипергликемия, лейкоцитоз, бактериурия, эритроцитурия. Құрамында карбидопа мен леводопа бар препараттар, егер кетонурияны анықтау үшін тест-жолақтар пайдаланылса, несепте кетонды денелерге жалған оң реакция туғызуы мүмкін. Бұл реакциялар несеп сынамаларын қайнатқаннан кейін өзгермейді. Глюкозурияны анықтаудың глюкозооксидазалық әдісті пайдаланған кезде жалған теріс нәтижелер алынуы мүмкін. Дофаминді дисрегуляция синдромы (ДДС) Наком® препаратын қабылдаған кейбір пациенттерде байқалатын тәуелділік дерті болып табылады. Осыған ұқсас синдромы бар пациенттерде кейбір жағдайларда ауыр дискинезияға әкелуі мүмкін моторлық бұзылуларды бақылау үшін допаминергиялық препаратпен адекватты дозалардан жоғары пайдаланып зиян келтірудің компульсивтік көрінісі бақыланады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі - симптоматикалық (леводопаның артық дозалануы сияқты), алайда пиридоксин препараттың әсерін бейтараптандыруда тиімсіз. Асқазанды дереу шаюмен бірге жалпы қолдау шараларын қолдану керек. Венаішілік сұйықтықтарды сақтықпен енгізу және тыныс алу жолдарының жеткілікті өткізгіштігін сақтау керек. ЭКГ мониторингі және пациентті аритмияның дамуына мұқият бақылау қажет, ал қажет болған жағдайда аритмияға қарсы терапия жүргізу қажет. Пациенттің басқа препараттарды да қолдану мүмкіндігін ескеру қажет. Диализді қолдануға қатысты деректер жоқ, сондықтан оның артық дозалануды емдеудегі маңызы белгісіз. Леводопаның соңғы жартылай шығарылу кезеңі карбидопаның қатысуымен шамамен екі сағатты құрайды.

Наком® дәрілік препараттардан туындаған экстрапирамидалық бұзылыстарды емдеу үшін ұсынылмайды. Препарат құрамында тек леводопа бар препараттарды осы кезде қабылдап жүрген пациенттерге тағайындалуы мүмкін, алайда Наком® препаратымен емдеуді бастағанға дейін ең кемі 12 сағат бұрын леводопа қабылдау тоқтатылуы тиіс. Наком® препаратының тәуліктік дозасы леводопаның алдыңғы тәуліктік дозасының шамамен 20% қамтамасыз етуі тиіс. Меланома Жалпы популяцияға қарағанда Паркинсон ауруы бар пациенттерде меланоманың даму қаупіне (шамамен 2-ден 6 есеге дейін) бейім екені туралы деректер бар. Жоғары қауіптің, Паркинсон ауруымен немесе осы ауруды емдеуге арналған дәрілік препараттар сияқты басқа да факторлармен байланысты болуы белгісіз. Жоғарыда аталған себептер бойынша меланоманы анықтау үшін (Наком® препаратымен емдегенде) пациенттер мен олардың қамқоршыларын ұдайы тексеріп отыру ұсынылады, терінің мұндай тексерулерін білікті мамандар (мысалы, дерматологтар) мезгіл-мезгіл жүргізулері тиіс. Дофаминді дисрегуляция синдромы (ДДС) Наком® препаратын қабылдаған кейбір пациенттерде бақыланған ДДС тәуелділік дерті болып табылады. Емдеуді бастар алдында ДДС дамуының ықтимал қаупі туралы пациенттерге және олардың қамқоршыларына ескерту керек. Импульсті бақылаудың бұзылуы Наком® препаратымен емделу кезінде импульсті бақылаудың бұзылуына қатысты пациенттерге үнемі мониторинг жүргізілуі тиіс. Пациенттерді және олардың қамқоршыларын дофамин агонистерімен және/немесе құрамында леводопа бар препараттарды, оның ішінде Наком® қолданумен басқа да дофаминергиялық ем қабылдаған пациенттерде тіркелген импульсті бақылаудың бұзылуының мінез-құлық симптомдары (мысалы, ойын құмарлық, аса жоғары сексуалдылық, либидоның жоғарылауы, мәжбүрлі шығындар немесе сатып алулар, шамадан тыс ішімдікті тұтыну/артық тамақтану) туралы хабардар ету қажет. Бұндай симптомдар дамыса, емдеуді түзету ұсынылады. Бұрын леводопа қабылдаған пациенттерде дискинезия байқалуы мүмкін, өйткені карбидопа леводопаның көп мөлшерінің миға жетуіне мүмкіндік береді, және осылайша дофаминнің көп мөлшері түзіледі. Дискинезия туындағанда доза төмендетуді қажет етілуі мүмкін. Леводопа сияқты, Наком® да еріксіз қозғалыс және психикалық бұзылулар туындатуы мүмкін. Бұл реакциялар мида дофамин мөлшері артуымен шартталған деп болжанады. Бұл құбылыстар доза төмендетуді талап етуі мүмкін. Наком® қабылдайтын барлық пациенттер суицидтік тенденциясы бар депрессиялық жай-күй дамуы мүмкіндігіне байланысты бақылауда болуы тиіс. Психоз байқалған пациенттерге емді таңдау кезінде сақ болу талап етіледі. Наком® препаратын және басқа да психотроптық дәрілік заттарды бір мезгілде тағайындағанда сақтық шараларын ұстану керек. Наком® анамнезінде жүрек-қантамырлар жүйесінің және өкпенің күрделі аурулары, бронх демікпесі, құрысулары бар, бүйрек, бауыр және эндокриндік жүйе аурулары бар немесе анамнезінде асқазан және он екі елі ішек ойықжара ауруы бар (асқазан-ішек жолдарының жоғарғы бөлігінде қан кету мүмкіндігінен) пациенттерге сақтықпен тағайындау керек. Леводопа қолданған жағдайлардағы сияқты, Наком® препаратын тағайындағанда миокард инфарктісін бастан өткерген немесе резидуальді жүрекше, түйінді немесе қарыншалық аритмиясы бар пациенттерге алдын ала мұқият тексерілуі керек. Бұндай пациенттерде бірінші дозаны тағайындағанда және доза таңдау кезінде – аса мұқияттықпен жүрек қызметін бақылау керек. Ашықбұрышты глаукомасы бар пациенттерге және емдеу кезінде көзішілік қысым ұдайы бақыланған жағдайда препаратты сақтықпен тағайындау керек. Паркинсон ауруына қарсы препараттарды кенеттен тоқтатқанда бұлшықет сіресуін, дене температурасының жоғарылауын, психикалық бұзылуларды және сарысулық креатинфосфокиназа концентрациясының артуын қамтитын қатерлі нейролептикалық синдромға ұқсайтын симптомдар кешені сипатталған. Сондықтан Наком® препаратының дозасын күрт төмендету немесе оны тоқтату кезінде, әсіресе пациент нейролептиктер қабылдап жүрген болса, пациенттер мұқият бақылануы керек. Леводопа қабылдағанда ұйқышылдық және ұйықтап қалу жағдайлары сияқты қолайсыз құбылыстар анықталды. Кейбір жағдайларда ұғынбастан немесе ескерту белгілерінсіз күнделікті қызмет кезінде кенеттен ұйқыға кету туралы хабарлар тым сирек түсті. Пациенттерді бұл туралы хабардар ету керек және леводопамен емдеу уақытында көлік құралдарын басқаруда немесе қауіптілігі зор механизмдерді пайдаланғанда сақ болу ұсынылады. Леводопа жағдайындағы сияқты, Наком® препаратымен ұзақ уақыт емдеу кезінде бауыр функциясын, қан түзуді, жүрек-тамыр жүйесін және бүйрек функциясын мезгіл-мезгіл бақылау ұсынылады. Егер жалпы анестезия талап етілсе, онда Наком® препаратын пациентке сұйықтық және дәрілерді пероральді қабылдауға рұқсат етілгенге дейін қабылдауға болады. Егер емдеу уақытша үзілсе, онда Наком® препараты пациент препаратты пероральді қолдануға жағдайы келісімен әдеттегі дозада жаңғыртылуы мүмкін. Зертханалық тестілер Леводопа/карбидопа препараттарын қолдану аясында кейбір зертханалық зерттеулер параметрлерінің қалыптан ауытқуы байқалуы мүмкін, осы ауытқулар Наком® препаратын қолдану аясында да байқалуы мүмкін. Құрамында карбидопа/леводопа бар препараттар, егер кетонурияны анықтау үшін тест-жолақтар пайдаланылса, несептегі кетон денелеріне жалған оң реакция тудыруы мүмкін. Бұл реакция несеп сынамасын қайнатқаннан кейін өзгермейді. Глюкозурияны анықтаудың глюкозооксидазалық әдісін қолданғанда жалған теріс нәтижелер алынуы мүмкін. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Ұйқышылдық және кенеттен ұйықтап кету көріністері ықтималдығына байланысты зейін қоюды қажет ететін қызметпен айналысу және көлік құралдары мен қозғалатын механизмдерді басқару ұсынылмайды.

Препарат жүктілікте тағайындалмайды. Көптеген дәрілік заттар емшек сүтімен бөлінгендіктен және емшектегі балаларда күрделі жағымсыз реакциялардың пайда болу қаупі болғандықтан, лактация кезеңінде әйелге препаратты тағайындау қажет болған жағдайда емшекпен емізуді тоқтатудың немесе препаратпен емдеуді тоқтатудың дұрыстығы туралы мәселені шешу керек.

Наком® препаратын және келесі дәрілік препараттарды бір мезгілде қолданған кезде сақ болу керек: Гипертензияға қарсы препараттар Кейбір гипотензиялық дәрілерді қабылдап жүрген пациенттерде Наком® препаратын қосу симптоматикалық ортостаздық гипотензияны туғызған. Сондықтан, Наком® препаратымен емдеудің басында гипотензиялық препараттың дозасын түзету қажет болуы мүмкін. Антидепрессанттар Трициклды антидепресанттар мен Наком® препаратын үйлестіріп қолданған жағдайларда АҚ жоғарылауы мен дискинезияны қамтыған жағымсыз реакциялар туралы жекелеген хабарлар болған. Селективті емес моноаминооксидаза тежегіштері (МАО) Бұл препараттарды қабылдау ең кемі Наком® препаратымен ем бастағанға дейін екі апта бұрын аяқталуы тиіс. Темір препараттары Темір сульфатын немесе темір глюконатын бір мезгілде қолданғанда карбидопаның және/немесе леводопаның биожетімділігі төмендейді. Басқа да дәрілік заттар Дофамин D2 рецепторларының антагонистері (мысалы, фенотиазиндер, бутирофенондар мен рисперидон), сондай-ақ изониазид левадопаның емдік тиімділігін төмендетуі мүмкін. Паркинсон ауруында фенитоин мен папаверинді қабылдаудың нәтижесінде леводопаның оң емдік әсері бөгелетіні туралы хабарлар бар. Емдік әсердің төмендеуін дер кезінде анықтау үшін Наком® препаратымен бір мезгілде осы дәрілерді қабылдайтын пациенттерді мұқият бақылау керек. Наком® препаратын селегилинмен бір мезгілде қолданғанда - ауыр ортостаздық гипотензия дамуы мүмкін. Ақуызы жоғары диетада жүрген кейбір пациенттерде леводопаның сіңірілуі бұзылуы мүмкін, өйткені леводопа кейбір аминқышқылдармен бәсекелеседі. Наком® препаратын және дофамин қорын төмендететін заттарды (мысалы, резерпин және тетрабеназин) немесе моноаминдер қорын төмендететін басқа препараттарды қолдану ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °C-ден аспайтын температурада сақтау керек. Балалардың қолы жетпейтін жерде сақтау керек!