Нанотропил® ново таблетки 100 мг

1 таблетканың құрамында белсенді зат – фонтурацетам – 100,00 мг қосымша заттар: повидон К-17, микрокристалды целлюлоза, натрий крахмалы гликоляты (А типi), магний стеараты. Сыртқы түрінің, иісінің, дәмінің сипаттамасы Дөңгелек жалпақ цилиндр пішінді, ойығы мен сызығы бар, ақтан сарғыштау реңді ақ түске дейінгі таблеткалар.

• зияткерлік-мнестикалық функциялардың нашарлауымен, қозғалыс белсенділігінің төмендеуімен қатар жүретін шығу тегі әртүрлі ОЖЖ аурулары • есте сақтау қабілетінің нашарлауымен көрінетін невроздық жай-күйлер • оқу процесінің бұзылуы • зияткерлік-мнестикалық бұзылулармен көрінетін психорганикалық синдромдар • құрысу жағдайлары • семіздік (шығу тегі алиментарлы-конституциялық) • гипоксия профилактикасы, стресске төзімділікті арттыру, қажудың дамуын болдырмау және ақыл-ой мен дененің жұмысқа қабілетін арттыру мақсатында кәсіби қызметтің экстремалды жағдайларында организмнің функционалдық жағдайын түзету • созылмалы алкоголизм (зияткерлік-мнестикалық бұзылуларды азайту мақсатында)

Әсер ету механизмі Алмасу процестеріне оң әсер көрсетеді, тотығу-қалпына келтіру процестерін стимуляциялайды, глюкоза утилизациясы есебінен организмнің энергетикалық потенциалын жоғарылатады. Мидағы норадреналин, дофамин және серотонин мөлшерін жоғарылатады, ГАМҚ мөлшерінің деңгейіне әсер етпейді, ГАМҚА және ГАМҚВ рецепторларымен байланыспайды, мидың кездейсоқ биоэлектрлік белсенділігіне айтарлықтай әсер көрсетпейді. Фармакодинамикалық әсерлері Антиамнестикалық әсері бар ноотропты препарат жадтың шоғырлануына ықпал етеді, оқу процесін жеңілдетеді, ми тіндерінің уытты әсерлерге тұрақтылығын арттырады, құрысуға қарсы әсерге ие. Тыныс алу мен жүрек-қантамыр жүйесіне әсер көрсетпейді, айқын емес диурездік әсер көрсетеді, курстық қолданған кезде анорексигендік белсенділікке ие. Стимуляциялайтын әсері қозғалыс реакцияларына қатысты пайда болатын орташа айқын әсер беру қабілетінде көрінеді, дене жұмысына қабілеттілігін жоғарылатуда, сондай-ақ этанол мен гексобарбиталдың ұйықтататын әсерінің айқындылығын әлсіретуде байқалады. Психостимуляциялайтын әсері идеаторлық салада басым болады. Бейімделген әсер шамадан тыс психикалық және физикалық жүктеме жағдайында, шаршау, гипокинезия және иммобилизация кезінде, төмен температурада организмнің стресске қарсы төзімділігінің жоғарылауында көрінеді. Препаратты қабылдау аясында көру қабілетінің жақсаруы байқалды, бұл көру өткірлігінің, айқындығының және көру өрісінің жақсаруында көрінеді. Аяқтың қанмен қамтамасыз етілуін жақсартады. Антигенді енгізуге жауап ретінде антиденелер өндірісін ынталандырады, бұл иммуностимуляциялайтын қасиеттерді көрсетеді, бірақ сонымен бірге шұғыл типтегі аса жоғары сезімталдықтың дамуына ықпал етпейді және бөгде ақуызды енгізуден туындаған терінің аллергиялық қабыну реакциясын өзгертпейді. Курспен қолданған кезінде дәрілік тәуелділік, төзімділік, «тоқтату синдромы» дамымайды. Әсер етуі бір реттік дозада көрінеді, бұл препаратты экстремалды жағдайларда қолданғанда маңызды. Клиникалық тиімділігі және қауіпсіздігі Клиникалық зерттеулерде алынған маңызды деректер жоқ. Балалар Қатысты емес (4.3 бөлімін қараңыз).

Дозалау режимі Дозасы мен емдеу ұзақтығы дәрігермен анықталуы тиіс. Дозалар пациент жай-күйінің ерекшеліктеріне байланысты өзгереді. Орташа бір реттік доза 150 мг (100-ден 250 мг дейін); орташа тәуліктік доза – 250 мг (200-ден 300 мг дейін). Нанотропил® ново препаратының ең жоғары тәуліктік дозасы 750 мг құрайды. Жұмысқа қабілетін арттыру үшін және алиментарлы-конституциялық семіздікпен ауыратын пациенттер үшін ұсынылатын доза – 100-200 мг құрайды. Енгізу әдісі мен жолы Тамақтанудан кейін бірден қабылдау керек. Қабылдау уақыты көрсетілген қолдану жиілігі 100 мг дейінгі тәуліктік дозаны таңертеңгі уақытта бір рет қабылдау, ал 100 мг-ден жоғары дозаны 2 қабылдауға бөлу ұсынылады. Жұмысқа қабілетін арттыру үшін және алиментарлы-конституциялық семіздік кезінде – барлық тәуліктік доза таңертең бір рет қабылданады. Емдеу ұзақтығы 2 аптадан 3 айға дейін, орта есеппен 30 күнге дейін өзгеруі мүмкін. Қажет болса, курс 1 айдан кейін қайталануы мүмкін Жұмысқа қабілетін арттыру үшін препарат 2 апта бойы қабылданады (спортшылар үшін – 3 күн). Алиментарлы-конституциялық семіздікпен ауыратын пациенттерде препаратпен емнің ұсынылатын ұзақтығы 30-60 күнді құрайды. Дәрілік препараттың бір немесе бірнеше дозасын өткізіп алу кезіндегі қажетті шаралар Жекелеген дозаларды өткізіп алғанда препараттың екі есе дозасын қабылдау қажет емес.

• әсер етуші затқа немесе қосымша заттардың кез келгеніне аса жоғары сезімталдық • жүктілік және бала емізу кезеңі • 18 жасқа дейінгі балалар мен жасөспірімдер (осы жас қауымында фонтурацетамды қолданудың тиімділігі мен қауіпсіздігі бойынша клиникалық деректердің болмауына байланысты)

Белгісіз (қолда бар деректер негізінде бағалау мүмкін емес) • ұйқысыздық (препаратты 15 сағаттан кеш қабылдаған жағдайда) • қабылдаудың алғашқы 1-3 күніндегі психомоторлық қозу • қабылдаудың алғашқы 1-3 күнінде тері жабынының гиперемиясы • қабылдаудың алғашқы 1-3 күнінде жылуды сезіну • қабылдаудың алғашқы 1-3 күнінде артериялық қысымның жоғарылауы Жағымсыз дәрілік реакциялар туындаған кезде медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Емі: симптоматикалық ем.

Созылмалы стресс пен қажу, созылмалы ұйқысыздық аясында шамадан тыс психоэмоционалды сарқылу кезінде алғашқы тәулікте препаратты бір рет қабылдау ұйқының күрт қажеттілігін тудыруы мүмкін. Мұндай науқастарға амбулаториялық жағдайда препаратты курстық қабылдауды жұмыс істемейтін күндері бастау ұсынылады. Бауыр мен бүйректің ауыр органикалық зақымданулары, артериялық гипертензияның ауыр өтуі, айқын атеросклерозы бар, бұрын үрейлі шабуылдарды, психомоторлы қозумен жүретін жедел психоздық жағдайларды бастан өткерген пациенттерде, сонымен қатар пирролидон тобының ноотропты препараттарына аллергиялық реакциялары бар пациенттерде – үрейленудің, дүрлігудің, елестеулер мен сандырақтаудың күшею мүмкіндіктеріне байланысты. Препаратты 15 сағаттан кешіктіріп қабылдау ұсынылмайды. Қосымша заттар Натрий Нанотропил® ново препаратындағы натрий қосымша зат натрий крахмалы гликоляты (А типi) құрамында болады. Препарат құрамында бір таблеткаға 1 ммольден (23 мг) аз натрий бар, яғни шын мәнінде құрамында натрий жоқ. Арнайы ескертулер Педиатрияда қолдану 18 жасқа дейінгі балаларға қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдары мен механизмдерді басқару кезінде, әсіресе ұйқышылдықтың пайда болуын ескере отырып, қабылдаудың алғашқы күндерінде сақ болу керек.

Жүктілік кезінде және бала емізу кезеңінде қолдануға болмайды.

Фонтурацетам ОЖЖ стимуляциялайтын препараттар мен ноотропты препараттардың әсерін күшейтуі мүмкін. Фонтурацетам нейролептиктердің каталептикалық әсерлеріне айқын антагонизмді білдіреді, сонымен қатар этанол мен гексобарбиталдың ұйықтататын әсерінің айқындылығын әлсіретеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 30 °C-ден аспайтын температурада сақтау керек. Балалардың қолы жетпейтін жерде сақтау керек!