Натальсид® суппозитории 250 мг

Бір суппозиторийдің құрамында белсенді зат: натрий алгинаты, 250 мг, қосымша зат: қатты май (витепсол, суппосир). Сыртқы түрінің, иісінің, дәмінің сипаттамасы Пішіні торпеда тәрізді, қоңыр реңді ақ немесе қоңыр реңді ашық қоңыр, немесе ашық сұр түсті суппозиторийлер. Суппозиторий беткейінде өңез пайда болуына және қимасында ауа өзегінің және шұңғыма тәрізді ойығы болуына жол беріледі. Шығарылу түрі мен қаптамасы 5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада. 2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға қоса салынған.

• созылмалы анустық сызаттардың эпителизациялану сатысында • созылмалы қанайтын геморройда • проктосигмоидитте • операциядан кейінгі кезеңдегі тік ішектегі қабыну құбылыстарында

Препараттың белсенді заты – натрий алгинаты – табиғи полисахарид, ол теңіздің қоңыр балдырларынан алынады. Айқын гемостатикалық, қабынуға қарсы және репаративті әсер береді. Әсер ету механизмі Альгин қышқылының полисахаридтері компоненттерінің бірі гиалурон қышқылы болып табылады, ол өз кезегінде пролиферациялық белсенділікті қоса, жасушалар тіршілік қызметінің көптеген үдерістерін реттейтін гликозаминогликандардың құрамдас бөлігі болып табылады. Натрий алгинатының айқын репаративтік әсері осымен түсіндіріледі. Фармакодинамикалық әсерлері Альгин қышқылының өзі ісіну қасиетіне ие бола отырып, асқазан-ішек жолдары қабырғаларын бүркемелеп, патологиялық, оның ішінде ауыру рефлекстерінің елеулі түрде әлсіреуіне ықпал етеді. Құрамында натрий сияқты химиялық элементтер бар альгин қышқылының қосылыстары шамадан тыс ішек перистальтикасын азайтып, бұл нәжістің қалыпты жағдайда болуына алып келеді. Гемостатикалық әсері полимерлік молекулада карбоксилді топтың альгин қышқылының болуына байланысты фибрин-мономер полимеризациялану (қан ұюдың соңғы сатысы) уақытының қысқаруымен шартталған. Натрий алгинаты жергілікті спецификалық қорғаныш (А класты иммуноглобулиндер) антиденелері синтезін көтермелейді, осының есебінен асқазан-ішек жолының шырышты қабығы микробтардың патогендік әсеріне едәуір төзімді болады.

Дозалау режимі Ересектер мен 14 жастан асқан балаларға 1 суппозиторийден тәулігіне 2 рет тағайындайды. Енгізу әдісі және жолы Ректальді. Суппозиторийді қолданар алдында пішінді қаптамадан шығарып алады. Суппозиторийді ішектің өздігінен босауынан немесе тазартушы клизмадан кейін тік ішекке енгізеді. Емдеу ұзақтығы Натальсид® препаратымен емдеу курсының ұзақтығы 7-14 күнді құрайды. Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар Егер Сізде осы препаратты қолдану бойынша қосымша мәселелер туындаса, дәрігер кеңесіне жүгініңіз. Дәрілік препартты стандартты қолданғанда пайда болатын жағымсыз реакциялардың сипаттамасы Жиілігі белгісіз (қолда бар деректер бойынша анықтау мүмкін емес) • аллергиялық реакциялар Егер нұсқаулықта көрсетілген жағымсыз реакциялардың кез келгені өршісе немесе нұсқаулықта көрсетілмеген кез келген басқа реакция байқалса, бұл туралы дереу дәрігерге хабарлау керек. Жағымсыз дәрілік реакциялар туындаған кезде медицина қызметкеріне, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• препарат компоненттеріне аса жоғары сезімталдық • 14 жасқа дейінгі балалар

Нұсқаулықта көрсетілмеген.

Осы уақытқа дейін Натальсид® препаратымен артық дозалану жағдайлары туралы хабарланған жоқ.

Егер емдеуден кейін жай-күйінің жақсаруы байқалмаса, немесе симптомдар өршісе, немесе жаңа симптомдар пайда болса, дәрігермен кеңесу қажет. Препаратты қолдану жөніндегі нұсқаулықта көрсетілген көрсетілімге, қолдану тәсіліне және сол дозаларға сәйкес қана қолданыңыз. Арнайы сақтандырулар Педиатрияда қолдану Препарат балаларда 14 жастан бастап қолданылады.

Препаратты жүктілік және лактация кезеңінде қолдануға рұқсат етіледі. Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Натальсид® көлік құралдарын немесе қауіптілігі зор механизмдерді басқару қабілетіне әсер етпейді.

Сипатталмаған.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!