Нафазолин-Pубикон капли 1 мг/мл

1 мл ерітіндінің құрамында: белсенді зат:1,00 мг нафазолин нитраты ; қосымша заттар: бор қышқылы, динатрий эдетаты, натрий хлориді, бензалконий хлориді, натрий гидроксиді, тазартылған су. Сыртқы түрінің , иісінің, дәмінің сипаттамасы Мөлдір, түссіз немесе сарғыштау ерітінді.

Жедел ринитте мұрынның шырышты қабығының ісінуін азайту үшін, синуситте, ортаңғы құлақ отитте қосымша дәрі ретінде.

Нафазолин Альфа-адреномиметик болып табылады. Көбінесе ɑ2-адренорецепторларды қоздыру қабілетінің арқасында вазоконстрикцияны тудырады, ісінуге қарсы қасиетке ие. Мұрынның шырышты қабығына жаққан кезде жаққан жердегі, сондай-ақ көздің және жұтқыншақтың шырышты қабықтарындағы тамырларды тарылтады, веналық синустарға қан ағымын төмендетеді, шырышты қабықтардың экссудациясы мен ісінуін азайтады, мұрын арқылы тыныс алуды жеңілдетеді, көз жасының ағуын азайтады. Жергілікті қолдану кезінде тамыр тарылтатын әсері 10 минуттан кейін пайда болады және 2-6 сағатқа созылады.

Дозалау режимі Ересектер мен 12 жастан бастап жасөспірімдер: Күніне 3 рет әр мұрын жолына 2-4 тамшыдан. Енгізу әдісі мен жолы Препаратты қолданар алдында және оны қолданғаннан кейін 5 минуттан кейін мұрын жолдарын тазарту қажет. Пайдаланар алдында құтының қақпағын алып тастау керек. Отырған күйде басты артқа шалқайту немесе жату керек, түбімен жоғары төңкерілген құтының саптамасының ұшын бір мұрын жолына абайлап, препаратты мұрынның әр жолына тамызу керек, басты бір жақтан екінші жаққа бірнеше рет ию керек. Қолданғаннан кейін саптаманың ұшын тазалау керек, құтыны қақпақпен жабу керек. Құтыны инфекцияның жұғу қаупіне байланысты тек бір адам ғана пайдалануы тиіс. Қабылдау уақыты көрсетілген қолдану жиілігі Дәрілік препаратты күніне 3 рет қолдану керек. Емдеу ұзақтығы Дәрілік препаратты 5 күнге дейін пайдалануға болады. Егер тыныс алу жеңілдеген кезде препаратты қолдануды ертерек тоқтатуға болады. Дәрілік препаратты қайта қолдану оны тоқтатқаннан кейін бірнеше күн өткен соң ғана мүмкін болады Дәрілік препараттың бір немесе бірнеше дозасын өткізіп алған кезде қажетті шаралар Егер пациент препаратты қолдануды ұмытып кетсе, онда ол оны дереу қолдана алады, ал келесі дозаны белгіленген аралықпен қолдану керек. Бірден екі дозаны қолдануға болмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Дәрілік препаратты қолданар алдында дәрігерге немесе фармацевтке кеңес алу үшін жүгініңіз.

– 12 жасқа дейінгі балалар. – Әсер етуші затқа немесе препараттың қосымша заттарының кез келгеніне аса жоғары сезімталдық. – Жүрек-қантамыр жүйесінің ауыр аурулары (артериялық гипертензия, жүректің ишемиялық ауруы, айқын атеросклероз). – Зат алмасуының бұзылуы (қант диабеті, қалқанша без функциясының жоғарылауы). – Созылмалы ринит. – Көздің ауыр аурулары. – Жабық бұрышты глаукома. – Бүйрекүсті безінің ісігі (феохромоцитома). – Бронх демікпесі. – Моноаминоксидаза (МАО) тежегіштерін бір мезгілде қабылдау және оларды қолдану аяқталғаннан кейін 10 күнге дейінгі кезең. – Мұрын қуысының шырышты қабығының құрғауы бар атрофиялық ринит. – Жүктіліктің бірінші триместрі. – Транссфеноидальді гипофизэктомиядан немесе басқа хирургиялық процедуралардан кейінгі жағдай, бұл мидың қатты қабығының зақымдалуына әкелуі мүмкін.

Жиі: мұрын шырышты қабығының күйдіріп ашытуы және құрғауы, нафазолиннің әрекеті тоқтағаннан кейін реактивті гиперемиядан туындаған «мұрынның бітелуі» сезімін күшейтеді. Жиі емес: аллергиялық реакциялар (Квинке ісінуі, есекжем, қышыну), жүрек соғысы, жиіленген пульс, мұрыннан қан кету, қан қысымының жоғарылауы. Сирек: бас ауыруы, ұйқысыздық, шаршау. Өте сирек: аритмия. Нафазолинді ұзақ немесе шамадан тыс пайдалану немесе жоғары дозаларды қолдану шырышты қабықтың ашытып күйдіруіне немесе құрғауына, сондай-ақ нафазолинді 5 күннен артық қолданғаннан кейін пайда болатын қайталама (реактивті) дәрілік ринитке әкелуі мүмкін. Нафазолинді ұзақ уақыт қолданған кезде цилиарлы көліктің белсенділігінің бәсеңдеуімен шырышты қабықтың эпителийіне зақым келуі мүмкін. Кейбір жағдайларда атрофиялық ринитке тән қайтымсыз зақымданулар мен шырышты қабықтың құрғауы дамиды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланғанда дәрілік препаратты қолдануды тоқтатып дереу дәрігерге қаралу керек. Қажет болған жағдайда жедел ем тиісті тыныс алу функциясын қамтамасыз ете отырып аурухананың мамандандырылған бөлімінде жүргізіледі. Айтарлықтай мөлшерде кездейсоқ жұтып қойғанда, бірінші жедел жәрдем ретінде белсендірілген көмірді қолдануға болады. Нафазолин-Рубикон препаратын ұсынылған дозадан едәуір көп тұтыну, мысалы, препаратты кездейсоқ қабылдаған кезде, жүрек пен қан айналымына әсер ететін ауыр жағымсыз реакцияларға әкелуі мүмкін. Симптомдарға мыналар кіруі мүмкін: жүрек соғу жиілігінің төмендеуі (брадикардия), қатты бас ауыруы, жүрек айнуы, құсу, тыныс алу проблемалары, жүрек соғу жиілігінің жоғарылауы (тахикардия) және кеудедегі ауырсыну.

Дәрілік препаратты созылмалы атрофиялық ринитте қолдану ұсынылмайды. Нафазолин ерітіндісін ұзақ уақыт қолдану қажет болса, толеранттылықтың дамуын болдырмау үшін емдеуді әр 5 күн сайын бірнеше күн бойы тоқтату керек. Сақтықпен дәрілік препаратты қуықасты безінің феохромоцитомасы, порфириясы және гиперплазиясы бар пациенттерде, жүрек-қантамыр жүйесінің ауыр аурулары (артериялық гипертензия, жүректің ишемиялық ауруы (ЖИА), метаболизмнің бұзылуы (қант диабеті, гипертиреоз) және моноаминоксидаза тежегіштерімен (МАО) және қан қысымын арттыратын басқа да препараттармен бір мезгілде емдеген кезде сақтықпен қолдану қажет. Сондай-ақ, бронх демікпесі бар пациенттерде миокардтың симпатомиметиктерге (мысалы, галотанға) сезімталдығын арттыратын анестетиктерді қолдана отырып, жалпы анестезия кезінде абай болу керек. Дәрілік препараттың құрамында бензалконий хлориді бар, ол мұрын шырышты қабығының тітіркенуін немесе ісінуін тудыруы мүмкін, әсіресе ұзақ уақыт қолданғанда. Ісінуге қарсы дәрілік препараттарды үздіксіз қолдану созылмалы ісінуге және шырышты қабықтың атрофиясына әкелуі мүмкін. Препаратты ұзақ уақыт қолданудан және артық дозадан аулақ болу керек. Препараттың жоғары дозаларын қабылдайтын пациенттер жүрек-қан тамырлары және неврологиялық жағымсыз әсерлердің (гипертензия, аритмия, жүрек соғысы, бас ауыруы, бас айналу, ұйқышылдық немесе ұйқысыздық) пайда болуына байланысты медициналық бақылауда болуы тиіс. Көлік құралдарын басқару немесе механизмдермен жұмыс істеу қабілетіне ықтимал әсері туралы мәліметтер Ұзақ уақыт қолданғанда немесе ұсынылған дозадан асатын дозада қолданғанда нафазолиннің жүрек-қантамыр жүйесіне жүйелі әсер етуі мүмкін. Мұндай жағдайларда көлік жүргізу және механизмдермен жұмыс істеу қабілеті бұзылуы мүмкін. Арнайы ескертулер Осы дәрілік препаратты қатарынан 5 күннен артық емес қолдану ұсынылады. Нафазолин ерітіндісін ұзақ уақыт қолдану қажет болса, толеранттылықтың дамуын болдырмау үшін емдеуді әр 5 күн сайын бірнеше күн бойы тоқтату керек. Профилактикалық мақсатта пайдалануға болмайды. Жұтуға болмайды. Дәрілік препаратты ұзақ қолданудан және артық дозаларын қолданудан аулақ болу керек, әсіресе балалар мен егде жастағы адамдарда. Препараттың жоғары дозаларын қабылдайтын пациенттер жүрек-қантамырлардың және неврологиялық жағымсыз реакциялардың (гипертензия, аритмия, жүрек соғысы, бас ауыруы, бас айналу, ұйқышылдық немесе ұйқысыздық) пайда болу мүмкіндігіне байланысты медициналық бақылауда болуы тиіс. Мұрын шырышты қабығының ісінуін азайтатын дәрі-дәрмектерді ұзақ уақыт қолдану созылмалы ісіну мен шырышты қабықтың атрофиясына, медициналық риниттің дамуына әкелуі мүмкін. Артериялық қан қысымын жоғарылататын дәрілік препараттарды бір мезгілде қолданғанда сақтық қажет. Сондай-ақ, миокардтың симпатомиметиктерге сезімталдығын арттыратын анестетиктерді қолдана отырып, жалпы анестезия кезінде абай болу керек (мысалы, галотан). Моноаминоксидаза (МАО) тежегіштерімен біріктіріп қолданған кезде артериялық қан қысымының күрт жоғарылау қаупі бар, сондықтан нафазолинді қабылдауды моноаминоксидаза (МАО) тежегіштерін қолдануды тоқтатқаннан кейін кемінде 10 күннен кейін бастауға жол беріледі. Дәрілік препараттың құрамында бензалконий хлориді бар, ол мұрын шырышты қабығының тітіркенуін немесе ісінуін тудыруы мүмкін, әсіресе ұзақ уақыт қолданғанда.

Нұсқаулықта көрсетілмеген.

Нафазолин вазопрессорлы аминдердің катаболизмінің тежелуіне байланысты моноаминоксидаза (MAO) тежегіштерімен әрекеттесе алады. Нафазолин құрамында симпатомиметикалық аминдер немесе бета-адреноблокаторлар (әсіресе селективті емес бета-1 адреноблокаторлар) бар басқа дәрілік препараттармен үйлесімде альфа-адренергиялық стимуляцияның әсерін күшейте алады. Белгілі бір топтарда қолдану шарттары Балалар 12 жастан асқан. Жүкті және бала емізетін әйелдер Препаратты жүктіліктің бірінші триместрінде қолдануға болмайды. Нафазолиннің жүйелік қан ағымына ену қаупіне байланысты препаратты жүктіліктің екінші және үшінші триместрінде пайдалану ұсынылмайды. Препаратты жүктілік кезінде және лактация кезеңінде қолдану ана үшін күтілетін терапевтік әсер шаранада немесе балада жағымсыз әсерлердің даму қаупінен асатын жағдайларда ғана қатаң көрсеткіштер бойынша мүмкін болады.

Сақтау мерзімі 2 жыл. Құтыны алғаш ашқаннан кейін - 3 ай ішінде қолдану керек. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25 ºС-ден аспайтын температурада сақтау керек. Құтыны алғаш ашқаннан кейін сақтау шарттары: 25 ºС-ден аспайтын температурада сақтау керек. Балалардың қолы жетпейтін жерде сақтау керек!