Небиволол-Тева таблетки 5 мг

Бір таблетканың құрамында белсенді зат - 5.45 мг небиволол гидрохлориді (5 мг небивололға баламалы) қосымша заттар: коллоидты кремнийдің қостотығы, магний стеараты, натрий кроскармеллозасы, макрогол 6000, лактоза моногидраты. Сыртқы түрінің, иісінің, дәмінің сипаттамасы Диаметрі 9 мм, дөңгелек ақ түсті таблеткалар. Таблетканың бір жағы дөңес, крест тәрізді snap-tab сызығы бар. Екінші жағында «N5» бедерленген.

- эссенциальді гипертензияда - ≥ 70 жас егде жастағы пациенттерде стандартты емдеу әдістеріне қосымша ретінде жеңіл және орташа ауырлықтағы тұрақты созылмалы жүрек жеткіліксіздігін емдеуде.

Небиволол екі энантиомердің, SRRR-небивололдың (немесе d-небивололдың) және RSSS-небивололдың (немесе l-небивололдың) рацематы болып табылады. Ол екі фармакологиялық белсенділікті біріктіреді: * Бұл бета-рецепторлардың бәсекеге қабілетті және таңдаулы антагонисі: бұл әсер SRRR-энантиомерге (d-энантиомерге) қатысты. * L-аргинин / азот оксидімен әрекеттесуіне байланысты сәл тамыр кеңейтетін қасиеттерге ие. Небивололдың бір және бірнеше дозалары қалыпты қысымды пациенттерде де, гипертониямен ауыратын пациенттерде де жүректің жиырылу жиілігін және демалу кезінде әрі жаттығу кезінде артериялық қысымды төмендетеді. Ұзақ емдеу кезінде гипертензияға әсер сақталады. Емдік дозаларда небиволол альфа-адренергиялық антагонизмнен айырылады. Гипертония ауруына шалдыққан пациенттердегі небивололмен жедел және созылмалы емдеу кезінде жүйелі қантамырлардың кедергісі төмендейді. Жүректің жиырылу жиілігінің төмендеуіне қарамастан, тыныштықта және дене жүктемесі кезінде жүрек лықсуының төмендеуі соғу көлемінің ұлғаюына байланысты шектеулі болуы мүмкін. Бета 1 рецепторларының басқа антагонистерімен салыстырғанда осы гемодинамикалық айырмашылықтардың клиникалық маңыздылығы толық анықталмаған. Артериялық гипертензиясы бар пациенттерде небиволол эндотелий дисфункциясы бар пациенттерде төмендейтін ацетилхолинге (ACh) тамырлардың NO-байланысты реакциясын арттырады. Өлім-жітім мен сырқаттанушылықты плацебо-бақыланатын зерттеуге сол жақ қарыншаның лықсу фракциясының бұзылуы бар немесе онсыз тұрақты созылмалы жүрек жеткіліксіздігіне шалдыққан, орташа алғанда 20 ай бойы бақыланған, ≥ 70 жастағы (орташа жасы 75,2 жас) 2128 пациент (орташа СҚЛФ: 36 = 12,3%, мынадай бөлініспен: пациенттердің 56% - да СҚЛФ 35% - дан кемінде, пациенттердің 25% - да СҚЛФ 35% - дан 45% - ға дейін және пациенттердің СҚЛФ 19% - да 45% - дан астам) қатысты, стандартты емге қосымша ретінде небиволол байқалды, жүрек-қантамыр себептері (тиімділіктің бастапқы соңғы нүктесі) бойынша өлім немесе ауруханаға жатқызу басталғанға дейінгі уақытты 14% - ға салыстырмалы түрде төмендеу (абсолютті төмендеу: 4,2%). Бұл қауіптің төмендеуі 6 ай емделуден кейін дамыды және емдеу курсы бойы сақталды (орташа ұзақтығы: 18 ай). Небивололдың әсері зерттелетін популяциядағы жасына, жынысына немесе сол қарыншаның лықсу фракциясына байланысты емес. Барлық себептерден болатын өлім-жітімге қатысты артықшылық плацебомен салыстырғанда статистикалық маңыздылыққа жеткен жоқ (абсолюттік төмендеу: 2,3%). Кенеттен өлімнің азаюы небиволол қабылдаған пациенттерде байқалды (6,6% қарсы 4,1%, салыстырмалы төмендеу 38%). In vitro және in vivo жануарларына жасалған тәжірибелер небивололдың ішкі симпатомиметикалық белсенділігі жоқ екенін көрсетті. In vitro және in vivo жануарларға жүргізілген эксперименттер фармакологиялық дозалардағы небивололдың жарғақша тұрақтандыратын әсері жоқ екенін көрсетті. Дені сау еріктілерде небиволол барынша жаттығу қабілетіне немесе төзімділікке айтарлықтай әсер етпейді. Артериялық гипертензиясы бар пациенттерде клиникаға дейінгі және клиникалық қолжетімді деректер небивололдың эректильді функцияға зиянды әсер ететінін көрсеткен жоқ.

Дозалау режимі Эссенциальді гипертензия Ересектер Артериялық гипертензияны емдеуге арналған орташа тәуліктік доза тәулігіне 1 рет 1 таблетка (5 мг). Гипотензивті әсер емдеудің 1-2 аптасынан кейін көрінеді. Кейде оңтайлы әсерге 4 аптадан кейін ғана қол жеткізіледі. Басқа гипотензивті дәрілермен біріктірілімі Небиволол-Теваны монотерапия үшін де, басқа гипотензивті дәрілермен біріктірілімде де қолдануға болады. Қосымша гипотензивті әсер Небиволол-Тева препаратының 12,5-25 мг гидрохлоротиазидпен 5 мг біріктірілімі кезінде ғана байқалады. Қажет болса, тәуліктік дозаны 10 мг-ға дейін арттыруға болады (бір қабылдағанда 5 мг-дан 2 таблетка). Ең жоғары тәуліктік доза-10 мг. Созылмалы жүрек жеткіліксіздігі Созылмалы жүрек жеткіліксіздігін емдеу жеке оңтайлы демеуші дозаға жеткенге дейін дозаны біртіндеп арттыра отырып жүргізілуі тиіс. Небиволол-Тева соңғы 6 апта ішінде оның жедел декомпенсация эпизодтарынсыз тұрақты созылмалы жүрек жеткіліксіздігі жағдайында пациенттерге тағайындалады. Созылмалы жүрек жеткіліксіздігін емдеуді тәжірибелі дәрігер жүргізуі керек. Диуретиктерді және/немесе дигоксинді және/немесе АӨФ тежегіштерін және/немесе ангиотензин II рецепторларының антагонистерін қоса, басқа жүрек-қантамыр препараттарын қабылдайтын пациенттерде небивололмен емдеуді бастар алдында соңғы 2 апта ішінде осы препараттардың іріктелген дозасы болуы тиіс. Дозаны бастапқы титрлеуді бұл ретте бір аптадан екі аптаға дейінгі аралықтарды ұстай отырып және пациентке осы дозаның жағымдылығын бағдарлай отырып, мынадай схема бойынша жүзеге асырған жөн: тәулігіне 1 рет 1,25 мг небивололдың (5 мг – ден 1/4 таблетка) бастапқы дозасы алдымен 2,5 – 5 мг небивололға (5 мг – ден 1/2 таблетка-1 таблетка), содан кейін тәулігіне 1 рет 10 мг-ға (5 мг-ден 2 таблетка) дейін ұлғайтылуы мүмкін. Пациент препараттың бірінші дозасын қабылдағаннан кейін, сондай-ақ дозаны әрбір келесі арттырудан кейін 2 сағат бойы дәрігердің бақылауында болуы тиіс. Дозаның әрбір ұлғаюы кемінде 2 аптадан кейін жүзеге асырылуы тиіс. СЖЖ емдеу кезінде ұсынылатын ең жоғары доза тәулігіне 1 рет 10 мг препаратты құрайды. Титрлеу кезінде АҚ, ЖЖЖ, жүрек өткізгіштігінің бұзылуын және СЖЖ симптомдарының айқындылығын үнемі бақылау ұсынылады. Жағымсыз әсерлер пайда болған кезде ең жоғары ұсынылған дозаға жету мүмкін болмауы мүмкін. Қажет болса, емдеудің қол жеткізілген дозасын кезең-кезеңмен, аралықпен азайтуға болады, мүмкін болса, дозаны қайтадан біртіндеп арттыра бастайды. Созылмалы жүрек жеткіліксіздігінің ағымы нашарлаған немесе препаратқа төзбеушілік жағдайында дозаны титрлеу фазасында алдымен небиволол дозасын төмендету немесе қажет болған жағдайда, оны қабылдауды дереу тоқтату ұсынылады (айқын көрінген артериялық гипотензия, өкпенің жедел ісінуімен СЖЖ декомпенсациясы, кардиогенді шоктың дамуы, симптоматикалық брадикардия немесе AV блокада жағдайында). Пациенттердің ерекше топтары Бүйрек жеткіліксіздігі бар пациенттер Бүйрек жеткіліксіздігі бар пациенттерде бастапқы доза тәулігіне 2,5 мг (5 мг-ден 1/2 таблетка) құрайды. Қажет болса, дозаны 5 мг дейін арттырады. Ауыр дәрежедегі бүйрек жеткіліксіздігі (сарысу креатинині ≥ 250 мкмоль/л) бар науқастарда препаратты қолдану тәжірибесі жоқ. Сондықтан Небиволол-Тева препаратын осы пациенттерде қолдану ұсынылмайды. Бауыр жеткіліксіздігі бар пациенттер Бауыр жеткіліксіздігі бар пациенттерде препаратты қолдану туралы деректер шектеулі. Осы себепті пациенттердің осы тобында Небиволол-Тева препаратын қолдануға болмайды. Егде жастағы пациенттер 65 жастан асқан пациенттерге емдеуді 2,5 мг дозадан бастау ұсынылады. Қажет болған жағдайда, дозаны 5 мг дейін арттыруға болады. Алайда, препаратты 75 жастан асқан пациенттерде қолданудың шектеулі тәжірибесіне байланысты қабылдау кезінде сақ болу және жиі мониторинг жүргізу керек. Балалар Небиволол – Тева препаратының 18 жасқа дейінгі балалардағы қауіпсіздігі мен тиімділігі анықталмаған. Осы себепті препаратты осы жас тобында қолдану ұсынылмайды. Енгізу әдісі және жолы Препаратты ішке қабылдайды. Қабылдау уақыты көрсетілген қолдану жиілігі Таблеткаларды әрдайым күннің бір уақытында қабылдаған жөн. Препаратты тамақтану кезінде қабылдауға болады. Тоқтату симптомдары қаупінің болуын көрсету Шұғыл қажеттіліксіз емдеуді күрт тоқтатуға болмайды. Бета-блокаторларды тоқтатуды біртіндеп, 10 күн ішінде (жүректің ишемиялық ауруы бар пациенттерде 2 аптаға дейін) жүргізу керек.

- әсер етуші затқа немесе қосымша заттардың кез келгеніне аса жоғары сезімталдық - бауыр жеткіліксіздігі немесе бауыр функциясының бұзылуы - жедел жүрек жеткіліксіздігі, кардиогенді шок немесе жүректің созылмалы жеткіліксіздігінің декомпенсациясы - синусты түйін әлсіздігі синдромы (СТӘС), синоаурикулярлық блокаданы қоса алғанда - II және III дәрежелі AV-блокада (кардиостимуляторсыз) - бронх түйілуі, анамнездегі бронх демікпесі - емделмеген феохромоцитома - метаболизмдік ацидоз - брадикардия (емдеу басталғанға дейін минутына 60 соққыдан аз ЖЖЖ) - артериялық гипотензия - шеткері қан айналымының ауыр бұзылулары - сирек тұқым қуалайтын галактоза көтере алмаушылығы, Лапп лактаза тапшылығы немесе глюкоза-галактоза мальабсорбциясы бар пациенттер - жүктілік және лактация кезеңі - балалар мен 18 жасқа дейінгі жасөспірімдер

Жиі (≥1/100 <1/10 дейін) - бас ауыруы, бас айналу, парестезия, шаршау, - жүрек айнуы, іш қату, диарея - ентігу, ісіну Жиі емес (≥1/1 000 <1/100 дейін) - қорқынышты түстер, депрессия - көрудің бұзылуы - брадикардия, жүрек жеткіліксіздігі - атриовентрикулярлық өткізгіштіктің баяулауы / АВ-блокада - ортостатикалық гипотензия, мезгіл-мезгіл ақсақтықтың өршуі - бронх түйілуі (с. і. анамнезінде обструктивті өкпе аурулары болмаған кезде) - диспепсия, метеоризм, құсу - қышыну, эритематозды бөртпе - импотенция Өте сирек (<1/10 000) - естен тану - псориаздың өршуі Белгісіз (қолда бар деректер негізінде бағалау мүмкін емес) - ангионевроздық ісіну, жоғары сезімталдық реакциялары, есекжем Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу қажет: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: брадикардия, артериялық гипотензия, бронх түйілуі, жедел жүрек жеткіліксіздігі. Пациентті қысымды, ЭКГ-ны тұрақты мониторингтеу үшін қарқынды ем палатасына орналастыру керек, қан глюкозасының деңгейін бақылау қажет. Емі: асқазанды шаю, белсендірілген көмір қабылдау, іш жүргізетін дәрілерді тағайындау; өкпені жасанды желдету және атропин (брадикардия және жоғары ваготония кезінде), плазма немесе плазманы алмастырғыштар, қажет болған жағдайда катехоламиндер енгізуге болады. Бета-адреноблокаторлық әсерді басу үшін-шамамен 5 мкг/мин дозадан бастап изопреналин гидрохлоридін немесе 2,5 мкг/мин дозадан бастап күтілетін әсерге жеткенге дейін добутаминді баяу вена ішіне енгізу. Егер бұл қоспа қажетті әсер етпесе 50-100 мкг/кг глюкагонды вена ішіне енгізуді қарастыруға болады, егер қажет болса - инъекцияны 1 сағат ішінде қайталауға болады және қажет болса - 70 мкг/кг/сағ жылдамдықпен глюкагонды вена ішіне инфузиялауды жүргізуге болады; кейбір жағдайларда – кардиостимуляторды имплантациялау.

Анестезия Бета-адренорецепторлардың блокадасы анестезия мен интубацияға енгізілген кезде жүрек ырғағының бұзылу қаупін азайтады. Егер хирургиялық араласымға дайындық кезінде бета-адренорецепторлардың блокадасын тоқтату қажет болса, онда Небиволол-Теваны бұған дейін кемінде 24 сағат бұрын тоқтату керек. Хирургиялық араласымдарды жүргізу кезінде анестезиолог-дәрігерге пациенттің Небиволол-Тева қабылдайтыны туралы ескерту керек. Жүрек және қантамырлар Әдетте, Небиволол-Тева тұрақты жүрек жеткіліксіздігі бар пациенттерге тағайындалмайды, мұны жүрек жеткіліксіздігін емдеуде тәжірибесі бар емдеуші дәрігер шешеді. Созылмалы жүрек жеткіліксіздігін небивололмен емдеудің басында пациентті тұрақты бақылау қажет. Жүректің ишемиялық ауруымен ауыратын пациенттерде Небиволол-Тева препаратымен емді біртіндеп, яғни 1-2 апта ішінде тоқтату керек. Қажет болған жағдайда – стенокардияның өршуіне жол бермеу үшін-бір мезгілде алмастырғыш препараттармен емдеуді бастау ұсынылады. Небиволол-Тева брадикардияны тудыруы мүмкін. Егер тыныштықта пульс минутына 50-55 соққыдан төмен мәндерге дейін төмендесе және / немесе пациентте брадикардияны көрсететін симптомдар дамыса, онда дозаны азайту керек. Небиволол-Тева препаратын сақтықпен қолдану керек: -шеткері қан айналымы бұзылған пациенттерде (Рейно ауруы немесе Рейно синдромы, мезгіл-мезгіл ақсақтық), себебі бұл аурулардың өршуі орын алуы мүмкін; -І дәрежелі АВ-блокадасы бар пациенттерде жүрек өткізгіштігінің баяулау мүмкіндігіне байланысты; - Принцметал стенокардиясына шалдыққан пациенттерде альфа-адренорецепторлардың белсенділенуіне байланысты коронарлық артериялардың вазоконстрикциясы салдарынан: бета-блокаторлар стенокардия ұстамаларының жиілігі мен ұзақтығын арттыруы мүмкін. Небивололдың верапамил және дилтиазем типті кальций антагонистерімен, І топтағы аритмияға қарсы дәрілермен, сондай-ақ орталықтан әсер ететін гипотензивті препараттармен біріктірілімі ұсынылмайды. Зат алмасу және эндокриндік жүйе Небиволол диабетпен ауыратын пациенттердегі глюкоза деңгейіне әсер етпейді. Дегенмен, сақтық қажет, өйткені небиволол қандағы қанттың төмендеуінің (гипогликемия) симптомдарын бүркемелеуі мүмкін және кейбір сульфонилмочевина туындыларымен, диабетке қарсы препараттармен (мысалы, гликидон, гликлазид, глибенкламид, глипизид, глимепирид немесе глимепирид) бір мезгілде қолданғанда ауыр гипогликемия қаупін арттыруы мүмкін. Қалқанша безінің гиперфункциясы кезінде небиволол тахикардия сияқты аурудың симптомын бүркемелей алады. Емді кенеттен тоқтатқан кезде бұл симптомдар күшеюі мүмкін. Тыныс алу жолдары Тыныс алу жолдарының созылмалы обструктивті аурулары бар пациенттерде Небиволол-Тева сақтықпен қолдану керек, себебі тыныс алу жолдарының обструкциясы күшеюі мүмкін. Басқалары Препаратты қолдану туралы мәселені шешкен кезде псориазбен ауыратын пациенттерге препаратты қолданудың болжамды пайдасын және псориаз ағымының асқыну қаупін мұқият салыстыру керек. Небиволол-Тева аллергендерге сезімталдықты және анафилаксиялық реакциялардың ауырлығын арттыруы мүмкін. Емдеуші дәрігер ескертусіз небивололмен емдеуді өз бетінше күрт тоқтатуға болмайды. Небивололды тоқтатуды дәрігер біртіндеп, 10 күн ішінде (жүректің ишемиялық ауруы бар пациенттерде 2 аптаға дейін) жүргізе алады. Небиволол-Тева препаратын қолдану допинг-бақылау нәтижелеріне әсер етуі мүмкін. Небиволол-Теваны допингтік препарат ретінде қолданудың денсаулыққа әсерін болжау мүмкін емес және денсаулыққа елеулі қауіп төндіретінін жоққа шығаруға болмайды. Арнайы ескертулер Лактоза Сирек тұқым қуалайтын галактоза көтере алмаушылығы, Lapp-лактаза тапшылығы немесе глюкоза-галактозаның сіңу бұзылысы бар пациенттерге осы дәрілік затты қабылдауға болмайды. Хирургиялық араласымдарды жүргізу кезінде анестезиолог-дәрігерге пациенттің Небиволол-Тева қабылдайтыны туралы ескерту керек. Небиволол-Тева қант диабеті бар пациенттерде қан плазмасындағы глюкоза концентрациясына әсер етпейді. Алайда, диабетпен ауыратын пациенттерді емдеуде сақ болу керек, себебі небиволол гипогликемиялық дәрілерді қолданудан туындаған гипогликемияның белгілі бір симптомдарын (мысалы, тахикардия) бүркемелеуі мүмкін. Қан плазмасындағы глюкоза концентрациясын бақылауды 4-5 айда 1 рет жүргізген жөн (қант диабеті бар пациенттерде). Жанаспалы линзаларды пайдаланатын пациенттер бета-адреноблокаторларды қолдану аясында көз жасы сұйықтығының өндірілуі төмендеуі мүмкін екенін ескеруі тиіс. Препаратты қабылдаудың басында АҚ және ЖЖЖ бақылау күнделікті болуы тиіс. Препараттың бір реттік дозасындағы натрийдің жалпы мөлшері 1 ммольден (23 мг) аз және препарат натрийден бос болып саналады. Педиатрияда қолданылуы Небиволол – Тева препаратының 18 жасқа дейінгі балалардағы қауіпсіздігі мен тиімділігі анықталмаған. Осы себепті препаратты осы жас тобында қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Небиволол-Тева психомоторлық реакциялардың жылдамдығына әсер етпейді, небивололды қабылдау аясында бас айналу және шаршау сезімі кейде орын алуы мүмкін, сондықтан небиволол қабылдаған пациенттер қауіпті қызмет түрлерімен айналысудан бас тартуы керек.

Жүктілік Небиволол-Тева жүктілікке және/немесе шаранаға/жаңа туған нәрестеге зиянды әсер етуі мүмкін фармакологиялық әсерге ие. Жалпы, бета-блокаторлар плацентаның перфузиясын төмендетеді, бұл бой өсуінің баяулауын, құрсақішілік өлімге, абортқа немесе ерте босануға байланысты. Жағымсыз әсерлер (мысалы, гипогликемия және брадикардия) шаранада және жаңа туған нәрестеде пайда болуы мүмкін. Небиволол-Тева жүктілік кезінде айқын қажеттіліксіз қолдануға болмайды. Бала емізу Бета-блокаторлардың көпшілігі, әсіресе небиволол және оның белсенді метаболиттері сияқты липофильді қосылыстар, әр түрлі дәрежеде болса да, емшек сүтіне енеді. Осылайша, Небиволол – Тева препаратын қабылдау кезінде бала емізу ұсынылмайды. Фертильділігі Деректер жоқ

Бета-блокаторларға тән өзара әрекеттесулер Ұсынылмайтын біріктірілімдер: I класының аритмияға қарсы дәрілері (хинидин, гидрохинидин, цибензолин, флекаинид, дисопирамид, лидокаин, мексилетин, пропафенон): атриовентрикулярлық өткізгіштік уақытына әсер етудің күшеюі және теріс инотропты әсердің күшеюі мүмкін. Верапамил / дилтиазем типті кальций өзекшелерінің антагонистері: жиырылу мен атриовентрикулярлық өткізгіштікке теріс әсер етеді. Небиволол-Тева препаратымен ем қабылдап жүрген пациенттерге верапамилді вена ішіне енгізу терең гипотензияға және атриовентрикулярлық блокадаға әкелуі мүмкін. Орталықтан әсер ететін гипотензивті препараттар (клонидин, гуанфацин, моксонидин, метилдофа, рилменидин): орталықтан әсер ететін гипотензивті препараттармен бірге қолдану жүректің жиырылу жиілігінің және соғу көлемінің төмендеуіне, вазодилатацияға (орталық сипаттағы симпатикалық жүйке жүйесі тонусының төмендеуі) байланысты жүрек жеткіліксіздігінің өршуіне әкелуі мүмкін. Кенеттен бас тарту кезінде, атап айтқанда, Небиволол-Тева препаратымен емді аяқтағанға дейін артериялық қысым жоғарылауы мүмкін (тоқтату синдромы). Сақтықпен пайдалануды қажет ететін біріктірілімдер III класының аритмияға қарсы препараттары (амиодарон): атриовентрикулярлық өткізгіштік уақытына әсер етуі мүмкін. Галогенделген ұшпа анестетиктер: бета-блокаторлар мен анестетиктерді бір мезгілде қолдану рефлекторлық тахикардияны әлсіретіп, гипотензияның даму қаупін арттыруы мүмкін. Әдетте, небивололмен емдеуді кенеттен тоқтатуға болмайды. Егер пациент Небиволол-Тева қабылдаса, онда бұл туралы анестезиологқа хабарлау керек. Инсулин және диабетке қарсы пероральді препараттар: Небиволол-Тева глюкоза деңгейіне әсер етпесе де, бір мезгілде қабылдау гипогликемияның белгілі бір симптомдарын (жүректің қағуы, тахикардия) бүркемелеуі мүмкін. Баклофен (антиспазмдық агент), амифостин (ісікке қарсы дәрі): антигипертензивті агенттермен бір мезгілде қабылдау артериялық қысымның төмендеуіне әкелуі мүмкін; сондықтан гипертензияға қарсы дәрінің дозасын сәйкесінше түзету керек. Қарастыруды талап ететін біріктірілімдер Оймақгүл тобының гликозидтері: бір мезгілде қабылдау атриовентрикулярлық өткізгіштік уақытын арттыруы мүмкін. Алайда, небивололға клиникалық зерттеулерді жүргізу кезінде осы өзара әрекеттесудің белгілері табылған жоқ. Небиволол-Тева Дигоксин кинетикасына әсер етпейді. Дигидропиридин типті кальций антагонистері (амлодипин, фелодипин, лацидипин, нифедипин, никардипин, нимодипин, нитрендипин): бір мезгілде қабылдау гипотензия қаупін арттыруы және жүрек жеткіліксіздігі бар пациенттерде жүрек қарыншаларының сорғы функциясының одан әрі нашарлау қаупін арттыруы мүмкін. Нейролептиктер, антидепрессанттар (трициклді, барбитураттар және фенотиазиндер): бір мезгілде қабылдау бета-блокаторлардың гипотензивті әсерін (аддитивті әсер) күшейте алады. Қабынуға қарсы стероидты емес препараттар (ҚҚСП): Небиволол-Тева препаратымен артериялық қысымды төмендету әсеріне әсер етпейді. Симпатомиметиктер: бірге қолданған кезде симптомиметиктер небивололға қарсы әсер етуі мүмкін, бұл артериялық гипертензияның, ауыр брадикардияның және жүрек блокадасының даму қаупін тудырады. Фармакокинетикалық өзара әрекеттесу Небивололдың метаболизмі CYP2D6 изоферментін қамтитындықтан, осы ферментті тежейтін заттармен, әсіресе пароксетинмен, флуоксетинмен, тиоридазинмен және хинидинмен бірге енгізу артық брадикардия және жағымсыз құбылыстар қаупінің жоғарылауымен байланысты плазмадағы небиволол деңгейінің жоғарылауына әкелуі мүмкін. Циметидинді бір мезгілде қабылдау клиникалық әсерін өзгертпей плазмадағы небиволол деңгейін арттырды. Ранитидинді бірге қолдану небивололдың фармакокинетикасына әсер етпеді. Небиволол тамақпен бірге, ал антацид тамақтану арасында қабылданған жағдайда, бұл екі емді бірге тағайындауға болады. Небивололдың никардипинмен үйлесуі клиникалық әсерін өзгертпестен плазмадағы екі препараттың да деңгейін біршама арттырды. Алкогольді, фуросемидті немесе гидрохлоротиазидті бірге қолдану небивололдың фармакокинетикасына әсер етпейді. Небиволол варфариннің фармакокинетикасы мен фармакодинамикасына әсер етпейді. ДП әсеріне әсер етуі мүмкін (алкогольмен, темекімен, тамақпен) ДП-мен өзара әрекеттесу түрлері Шылым шегушілерде бета-блокаторлардың (небиволол) тиімділігі шылым шекпейтін пациенттерге қарағанда төмен.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!