Небилонг таблетки 10 мг

Сыртқы түрінің, иісінің, дәмінің сипаттамасы Дөңгелек пішінді, бір жағында сызығы бар ақ немесе ақ дерлік түсті жалпақ таблеткалар (2.5 мг және 10 мг дозалары үшін).

- эссенциальді гипертензияда - ≥ 70 жас шамасындағы егде пациенттердегі жүректің ауырлығы жеңіл және орташа дәрежедегі тұрақты созылмалы жеткіліксіздігін емдеу үшін стандартты емдеу әдістеріне қосымша ретінде.

Әсер ету механизмі Небиволол екі энантиомердің қоспасы болып табылады: SRRR-небиволол (немесе D-небиволол) мен RSSS-небиволол (немесе L-небиволол). Ол екі фармакологиялық әсерді біріктіреді: - 1-адренорецепторлардың бәсекелес және іріктелген блокаторлары болып табылады: бұл әсері SRRR-энантиомер (D-энантиомер) есебінен; - L-аргининмен/азот тотығымен зат алмасуға түсу нәтижесінде жұмсақ вазодилатациялайтын қасиетке ие. Клиникалық тиімділігі және қауіпсіздігі Небивололды бір рет және қайталап қабылдағанда қан қысымы қалыпты пациенттерде, сондай-ақ артериялық гипертензиямен зардап шегетін пациенттерде де тыныштықта және жүктемеде жүректің жиырылу жиілігі мен қан қысымы төмендейді. Ұзақ уақыт емделгенде гипотензиялық әсері сақталады. Емдік дозаларда α-адренергиялық антагонизм пайда болмайды. Небивололмен қысқа мерзімдік және ұзақ уақыт емделу кезінде артериялық гипертензиясы бар пациенттерде жүйелі қантамырлық кедергі төмендейді. Жүректің жиырылу жиілігінің төмендеуіне қарамастан, екпінді көлемінің артуына байланысты тыныштықта және жүктемеде жүректің лықсуының азаюы шектелген. Осы гемодинамикалық өзгешеліктерінің клиникалық мәні -адренорецепторларының басқа блокаторларымен салыстырғанда әлі күнге дейін толық анықталған жоқ. Гипертензиясы бар пациенттерде небиволол азот моноксидіне байланысты қантамырларының ацетилхолинге реакциясын жоғарылатады; эндотелийдің дисфункциясы бар пациенттерде бұл реакция төмен.

Дозалау режимі Эссенциальді гипертензия Ересектер Доза тәулігіне 1 таблетка (5 мг небиволол) құрайды, оны үнемі тәуліктің белгілі бір мезгілінде қабылдаған дұрыс. Гипотензиялық әсері 1-2 апта емделуден кейін көрініс береді. Кейде ұтымды әсеріне 4 апта өткен соң ғана жетеді. Басқа гипотензиялық дәрілермен біріктіру -адренорецепторлар блокаторларын монотерапия ретінде де, басқа гипотензиялық дәрілермен біріктіріп те қолдануға болады. Әлі күнге дейін қосымша гипотензиялық әсері 5 мг Небилонгтың 12,5-25 мг гидрохлортиазидпен біріктірілімінде ғана байқалды. Бүйрек жеткіліксіздігі бар пациенттер Бүйрек жеткіліксіздігінен зардап шегетін науқастарға ұсынылған бастапқы дозасы тәулігіне 2,5 мг құрайды. Қажет болса, тәуліктік дозаны 5 мг дейін арттыруға болады. Бауыр жеткіліксіздігі бар пациенттер Препаратты бауыр жеткіліксіздігі немесе бауыр функциясының бұзылуы бар пациенттерде қолдануға қатысты деректердің шектеулі ғана саны бар. Осы себепті ондай пациенттерде Небилонгты қолдануға болмайды. Енгізу әдісі және жолы Ішке Таблеткаларды тамақпен бірге қабылдауға болады. Препаратты қолданар алдында немесе оны пайдалану кезінде қабылданатын сақтық шаралары Егде жастағы пациенттер 65 жастан асқан пациенттерге ұсынылған бастапқы доза тәулігіне 2,5 мг құрайды. Қажет болса, тәуліктік дозаны 5 мг дейін арттыруға болады. Алайда, препаратты 75 жастан асқан пациенттерде қолдану тәжірибесінің жеткіліксіздігін ескеріп, оны осы пациенттерге тағайындағанда сақ болу және мұқият бақылау қажет болады. Балалар мен жасөспірімдер Небилонгтың балалар мен 18 жастан кіші жасөспірімдердегі қауіпсіздігі және тиімділігі анықталмаған. Осы себепті препаратты балалар мен жасөспірімдерде қолдану ұсынылмайды. Жүректің созылмалы жеткіліксіздігі Жүректің тұрақты созылмалы жеткіліксіздігін емдеу жекеше оңтайлы демеуші дозасына жеткенше дозаны баяу титрлеуден басталуы тиіс. Мұндай пациенттерге препарат, егер оларда жүректің тұрақты созылмалы жеткіліксіздігі оның соңғы 6 ай ішіндегі жедел декомпенсация көріністерінсіз орын алған жағдайда, тағайындалады. Жүректің созылмалы жеткіліксіздігін емдеуді тәжірибелі дәрігер жүргізуге тиіс. Небилонгпен емдеуді бастар алдында диуретиктер және/немесе дигоксин және/немесе АӨФ тежегіштері және/немесе ангиотензин II рецепторларының антагонистері қамтылатын жүрек-қантамыр препараттарын қабылдайтын пациенттерде осы дәрі-дәрмектердің іріктелген дозасы соңғы 2 апта бойы тұрақты болуға тиіс. Бастапқы дозаны, осы орайда біреуден екі аптаға дейінгі аралықтарды ұстанып және пациенттегі осы дозаның көтерімділігіне сүйеніп, мына сызба бойынша титрлеу керек: Тәулігіне бір рет 1,25 мг небивололды, тәулігіне бір рет 2,5 мг дейін, сонан соң тәулігіне бір рет 5 мг дейін, ал артынан тәулігіне бір рет 10 мг дейін арттыруға болады. Ең жоғары ұсынылатын дозасы тәулігіне бір рет 10 мг небивололды құрайды. Емдеудің басында және дозаны әр арттырған сайын пациент клиникалық жағдайдың тұрақты күйде қалатынына көз жеткізу үшін (әсіресе, артериялық қысым, жүректің жиырылу жиілігі, өткізгіштік бұзылуы, сондай-ақ жүрек жеткіліксіздігінің ауырлап кету симптомдары тұрғысынан) 2 сағаттан кем емес уақыт бойы тәжірибелі дәрігердің бақылауында болуға тиіс. Жағымсыз әсерлердің пайда болуы пациенттердің бәрінің бірдей ең жоғары ұсынылатын дозалармен емделмеуі мүмкіндігіне әкелуі мүмкін. Қажет болса, шегіне жеткен дозаны қайтадан сатылап азайтуға немесе, тиісінше, оған қайта оралуға болады. Жүрек жеткіліксіздігінің өршуінде немесе препаратты көтере алмаушылықта оны титрлеу фазасында небиволол дозасын әуелі азайту немесе, қажет болса (ауыр гипотензия пайда болғанда, өкпенің жедел ісінуімен жүрек жеткіліксіздігі өршігенде, кардиогенді шок дамуында, симптоматикалық брадикардияда немесе АВ блокадасында), дереу оны тоқтату ұсынылады. Әдетте, жүректің тұрақты созылмалы жеткіліксіздігін небивололмен емдеу ұзақ мерзімді болып табылады. Небивололмен емдеуді күрт тоқтатуға болмайды, өйткені, бұл жүрек жеткіліксіздігінің уақытша өршуіне әкелуі мүмкін. Егер препаратты тоқтату қажет болса, дозаны сатылап төмендетіп, оны бір апталық аралықпен екі есе азайту керек. Бүйрек жеткіліксіздігі бар пациенттер Дозаны ең жоғары көтерімділігіне дейін титрлеу әркімге жеке жүргізілетіндіктен, оны ауырлық дәрежесі жеңілден орташаға дейінгі бүйрек жеткіліксіздігінде түзету талап етілмейді. Ауыр дәрежедегі бүйрек жеткіліксіздігі бар (сарысу креатинині ≥ 250 мкмоль/л) науқастарда препаратты қолдану тәжірибесі жоқ. Сондықтан осы пациенттерде небивололды қолдану ұсынылмайды. Бауыр жеткіліксіздігі бар пациенттер Бауыр жеткіліксіздігі бар пациенттерде препаратты қолдануға қатысты деректердің шектеулі ғана саны бар. Осы себепті мұндай пациенттерде небивололды қолдануға болмайды. Егде жастағы пациенттер Дозаны ең жоғары көтерімділігіне дейін титрлеу әркімге жеке жүргізілетіндіктен, оны түзету талап етілмейді. Балалар мен жасөспірімдер Небилонгтың балалар мен 18 жастан кіші жасөспірімдердегі қауіпсіздігі және тиімділігі анықталмаған. Осы себепті препаратты балалар мен жасөспірімдерде қолдану ұсынылмайды.

- әсер ететін затына немесе препараттың басқа компоненттерінің біреуіне жоғары сезімталдық - бауыр жеткіліксіздігі немесе бауыр функциясының бұзылуы - инотропты әсерге иеленген әсер ететін заттарды вена ішіне енгізуді талап ететін жүректің жедел жеткіліксіздігі, кардиогендік шок немесе жүрек жеткіліксіздігінің декомпенсация кезеңдері. - 18 жасқа дейінгі балалар және жасөспірімдер, өйткені препараттың тиімділігі мен қауіпсіздігі анықталмаған - лактация кезеңі - тұқым қуалайтын галактоза көтере алмаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар пациенттерге. Бұдан басқа, өзге де -адреноблокаторлар секілді, Небилонгты төмендегілерде қолдануға болмайды: - синоатриальді блокаданы қоса, синустық түйін әлсіздігі синдромы (sick-sinus-syndrom) - II және III дәрежедегі АВ-блокада (кардиостимуляторсыз) - анамнезіндегі бронх түйілуі және бронх демікпесі - емделмеген феохромоцитома - метаболизмдік ацидоз - брадикардия (емді бастағанға дейін жүректің жиырылу жиілігі минутына 60-тан төмен), - артериялық гипотензия (систолалық артериялық қысым 90 мм с.б. төмен) - шеткері қанайналымның ауыр бұзылулары

Жағымсыз құбылыстардың жиілігін анықтау келесі критерийлерге сәйкес жүзеге асырылады: өте жиі (≥1/10), жиі (≥1/100 - <1/10), сирек емес (≥ 1/1000 - <1/100), сирек (≥ 1/10000 - <1/1000), өте сирек (<1/10000), белгісіз (қолда бар деректер негізінде бағалау мүмкін емес). Артериялық гипертензия және созылмалы жүрек жеткіліксіздігі кезіндегі жағымсыз құбылыстар - осы жағдайлардың негізінде жатқан аурулардың айырмашылығына байланысты - бөлек көрсетілген. Артериялық гипертензия Көптеген жағдайларда ағзалар жүйесі мен жиілігі бойынша жіктелген, жеңіл және орташа түрінде өтетін байқалған жағымсыз әсерлер төменде келтірілген: Жиі (≥ 1/100-< 1/10 дейін) - бас ауыруы, бас айналуы, парестезия - диспноэ - іш қатуы, жүрек айнуы, диарея - шаршау, ісінулер Жиі емес (≥ 1/1000-≤ 1/100 дейін) - қорқынышты түстер, депрессия - көрудің бұзылуы - брадикардия, жүрек жеткіліксіздігі, атриовентрикулярлық өткізгіштіктің баяулауы/АВ-блокада - гипотония, мезгіл-мезгіл ақсақтықтың ауырлауы - бронх түйілуі - диспепсия, метеоризм, құсу - қышыну, эритематозды сипаттағы тері бөртпесі - белсіздік Өте сирек (≤ 1/10000) - синкопе - псориаз ағымының ауырлауы Белгісіз - ангионевроздық ісіну, аса жоғары сезімталдық - есекжем Одан басқа, кейбір -адреноблокаторлардан туындаған келесі жағымсыз әсерлер туралы хабарланған: елестеулер, психоздар, сананың шатасуы, аяқ қолдың салқындауы/цианоз, Рейно синдромы, көздің құрғақтығы және практололдық типтегі окуло-мукокутандық уыттылық. Жүректің созылмалы жеткіліксіздігі Небиволол қабылдаған пациенттер хабарлаған ең жиі жағымсыз әсерлер, брадикардия және бас айналуы болған. Препаратты қабылдаумен байланысты және жүректің созылмалы жеткіліксіздігін емдеуге тән және маңызды деп қарастырылатын жағымсыз әсерлердің келесі жиілігі туралы хабарланды: - жүрек жеткіліксіздігінің ауырлауы - ортостаздық гипотензия - дәрілік затты көтере алмаушылық - І дәрежедегі АВ-блокада - аяқтардың ісінуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Небилонгтың артық дозалануы туралы деректер жоқ. -адреноблокаторлармен артық дозалану симптомдарына: брадикардия, артериялық гипотензия, бронх түйілуі және жүректің жедел жеткіліксіздігі жатады. Емі Артық дозаланған немесе аса жоғары сезімталдық реакциясы дамыған жағдайда пациентті тұрақты бақылаумен және қарқынды ем бөлімі жағдайларында емдеумен қамтамасыз ету керек. Қандағы глюкоза мөлшерін бақылау ұсынылады. Асқазан-ішек жолында болатын әсер етуші заттың сіңуін асқазанды шаюмен, белсендірілген көмір мен іш жүргізгіш дәрілер тағайындаумен бөгеуге болады. Өкпені жасанды желдету керек болуы мүмкін. Брадикардия немесе жоғары ваготонияны қайтару үшін атропин немесе метилатропинді енгізу ұсынылады. Гипотензия мен шокты емдеуді плазма/плазма алмастырғыштар және қажет болғанда катехоламиндердің көмегімен жүргізу керек. Бета-бөгейтін әсерін күтілген әсеріне жеткенше изопреналин гидрохлоридін, шамамен 5 мкг/мин жуық дозадан бастап немесе добутаминді 2,5 мкг/мин дозадан бастап баяу вена ішіне енгізумен басуға болады. Резистенттілік жағдайында изопреналинді допаминмен біріктіруге болады. Егер осы шара күтілген әсеріне әкелмесе, онда 50-100 мкг/кг есебімен глюкагонды в\і енгізуге болады. Қажет болғанда инъекцияны бір сағаттың ішінде қайталауға болады және егер қажет болса глюкагонның 70 мкг/кг/сағ есебімен в/і инфузиясын жасау керек. Емге төзімді брадикардияның жедел жағдайларында кардиостимулятор қолдануға болады.

-адреноблокаторлар үшін келесі ескертулер мен сақтық шаралары ортақ болып табылады. Анестезия -адренорецепторларының блокадасы наркозға енгізгенде және интубация жасалғанда жүрек ырғағының бұзылу қаупін азайтады. Егер хирургиялық араласымға дайындықта -адренорецепторлардың блокадасын тоқтату қажет болса, онда -адреноблокаторларды кем дегенде 24 сағат бұрын тоқтату керек. Миокардтың бәсеңдеуін туындататын кейбір анестетиктерді сақтықпен қабылдау керек. Пациентте вагустық реакциялардың пайда болуын атропинді вена ішіне енгізу көмегімен алдын алуға болады. Жүрек-қантамыр жүйесі -адреноблокаторларды әдетте емделмеген жүрек жеткіліксіздігі бар пациенттерге олардың жағдайы қалпына келтірілгенше тағайындамайды. Жүректің ишемиялық ауруымен зардап шегетін пациенттерде, -адреноблокаторлармен емді 1–2 апта ішінде, біртіндеп тоқтату керек. Қажет болғанда стенокардияның асқынуын болдырмау үшін – бір мезгілде орын басушы-препараттармен емді бастау ұсынылады. -адренорецепторлардың блокаторлары брадикардияны туындатуы мүмкін. Егер тыныштықтағы пульс минутына 50–55 соғудан кемге дейін төмендесе және/немесе пациентте брадикардияны көрсететін симптомдар дамыса, онда дозаны азайту керек. -адренорецепторлардың блокаторларын төмендегілерде сақтықпен қабылдау керек: -шеткері қан айналымының бұзылуы бар пациенттерде (Рейно ауруы немесе Рейно синдромы, мезгіл-мезгіл ақсақтық), өйткені осы аурулар асқынуы мүмкін; -I дәрежедегі АВ-блокадамен пациенттерде, -адреноблокаторлардың өткізгіштікке теріс әсерімен байланысты; -Принцметал стенокардиясы бар пациенттерде, -адренорецепторлардың белсенділенуімен байланысты коронарлық артериялардың вазоконстрикциясынан: -адренорецепторлардың блокаторлары стенокардия ұстамасының жиілігі мен ұзақтығын ұзартуы мүмкін. Небивололдың верапамил және дилтиазем секілді кальций антагонистерімен, I топтағы аритмияға қарсы дәрілермен, сондай-ақ орталықтық әсері бар гипотензиялық препараттармен біріктірілімі ұсынылмайды. Зат алмасу және эндокриндік жүйе Небилонг диабеті бар пациенттердегі глюкоза деңгейіне әсер етпейді. Осыған қарамастан, осы жағдайда небиволол гипогликемияның кейбір симптомдарын (тахикардия, жүрек қағуы) бүркемелеуі мүмкін болғандықтан сақтық шараларын сақтау керек. Бета-блокаторлар сульфонилмочевина туындыларымен (мысалы, гликвидон, гликлазид, глибенкламид, глипизид, глимепирид немесе толбутамид) бірге қолданғанда ауыр гипогликемия қаупін одан әрі арттыруы мүмкін. Қант диабетімен ауыратын пациенттерде қандағы глюкоза деңгейін мұқият бақылау керек. Қалқанша бездің гиперфункциясында -адреноблокаторлар аурудың тахикардия секілді симптомдарын бүркемелеуі мүмкін. Емді дереу тоқтатқанда бұл симптомдары күшеюі мүмкін. Тыныс алу жолдары Тыныс алу жолдарының созылмалы обструкциялық аурулары бар пациенттерге -адреноблокаторларды сақтықпен қабылдау керек, өйткені тыныс алу жолдарының констрикциясы күшеюі мүмкін. Қосымша заттар туралы ақпараттар және Небилонг Небилонгпен, инсулин немесе пероралды диабетке қарсы препараттар сияқты қант диабетіне қарсы препараттардың кез келгенін қабылдап жатсаңыз немесе жақында қабылдаған болсаңыз, дәрігерге немесе фармацевтке хабарлаңыз. Басқалары Анамнезінде псориазы бар пациенттерге -адреноблокаторларды жағдайын мұқият бағалағаннан кейін тағайындау керек. -адренорецепторлардың блокаторлары аллергендерге сезімталдықты және анафилаксиялық реакциялар ауырлығы дәрежесін жоғарылатуы мүмкін. Жүректің созылмалы жеткіліксіздігін небивололмен емдеудің басында пациентті үнемі бақылау талап етіледі. Емдеуді шұғыл қажеттілік болмаса дереу тоқтатуға болмайды. Арнайы сақтандырулар Жүктілік Небиволол жүктілікке және/немесе шаранаға және жаңа туған нәрестеге теріс ықпал етуі мүмкін фармакологиялық әсерге иеленген. Жалпы алғанда, -адреноблокаторлар шарана өсуінің баяулауы, жатырішілік өлім, түсік және уақытынан бұрын басталатын толғақ байланыстырылатын плацентаға қанның ағып келуін азайтады. Шарана мен жаңа туғандарда гипогликемия және брадикардия секілді жағымсыз құбылыстар орын алуы мүмкін. Егер -адреноблокаторлармен емдеу қажет болса, онда 1-селективті -адреноблокаторларды таңдау керек. Небивололды жүктілік кезінде оған шұғыл қажеттілік болғанда ғана қабылдау керек. Егер небивололмен емдеу қажет болса, жатырлық-плацентарлық қан ағымы мен шарананың өсуін бақылау керек. Жүктілікке немесе шаранаға зиянды әсер анықталған кезде баламалы препараттармен емдеу туралы сұрақты қарастыру керек. Жаңа туған балаларды мұқият бақылау керек. Гипогликемия және брадикардия секілді симптомдардың пайда болуын көптеген жағдайда алғашқы 3 күн ішінде күтуге болады. Бала емізу Жануарларға жүргізілген тәжірибелер небивололдың емшек сүтіне өтетінін көрсетті. Бұл процестің адамдарда болып-болмайтыны белгісіз. -адренорецепторлар блокаторларының көпшілігі, әсіресе небиволол және оның белсенді метаболиттері секілді липофильді қосылыстар, әр түрлі дәрежеде болса да, емшек сүтіне өтеді. Жаңа туылған нәрестелер мен сәбилер үшін қауіпті жоққа шығаруға болмайды. Сондықтан небиволол қабылдайтын әйел пациенттер баланы емізбеуі керек. Фертильділік Небиволол адам үшін ұсынылатын ең жоғары дозадан бірнеше еселенген дозаларда егеуқұйрықтардың және тышқандардың аталықтары мен аналықтарының тұқым өрбіту ағзаларына әсер еткен жағымсыз әсерлерді қоспағанда, егеуқұйрықтардың фертильділігіне әсер еткен жоқ. Небивололдың адам фертильділігіне әсері белгісіз. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Небилонг психомоторлық функцияға әсер етпейді. Көлік құралын басқару немесе механизмдермен жұмыс істеуде кейде бас айналуы мен шаршау сезімінің орын алу мүмкіндігін ескеру керек.

Нұсқаулықта көрсетілмеген.

Фармакодинамикалық өзара әрекеттесулері Келесі өзара әрекеттесулер -адреноблокаторлар үшін ортақ болып саналады Бір мезгілде қолдану ұсынылмайды: I топтағы антиаритмиялық препараттар (хинидин, гидрохинидин, цибензолин, флекаинид, дизопирамид, лидокаин, мексилетин, пропафенон): Атриовентрикулярлық өткізгіштікке әсері және теріс инотропты әсері күшеюі мүмкін. Верапамил / дилтиазем типтес кальций өзекшелерінің антагонистері: Жиырылғыштыққа және атриовентрикулярлық өткізгіштікке теріс әсер. -адреноблокаторларды қабылдайтын пациенттерге верапамилді вена ішіне енгізу, айқын артериялық гипотония және АВ-блокадаға әкелуі мүмкін. Орталықтық әсері бар гипотензиялық препараттар (клонидин, гуанфацин, моксонидин, метилдофа, рилменидин) Орталықтық сипаттағы симпатикалық жүйке жүйесінің тонусының төмендеуіне байланысты (жүректің жиырылу жиілігі және екпінді көлемінің азаюы, вазодилатация) орталықтық әсері бар гипотензиялық препараттармен бір мезгілде қолдану жүрек жеткіліксіздігінің ауырлауына әкелуі мүмкін. Кенет тоқтатқанда, оның ішінде, -адреноблокаторлармен емді тоқтатар алдында, артериялық қысымның жоғарылау мүмкіндігі артуы мүмкін (тоқтату синдромы). Бір мезгілде қолданғанда айрықша сақтық талап етіледі III топтағы антиаритмиялық препараттар (амиодарон) Атриовентрикулярлық өткізгіштікке әсерді күшейтуі мүмкін. Галогенделген ұшқыр анестетиктер -адреноблокаторлар мен анестетиктерді бір мезгілде қолдану рефлекторлық тахикардияны бәсеңдетуі және гипотония қаупін жоғарылатуы мүмкін. Әрқашанда -адреноблокаторлармен емді дереу тоқтатудан аулақ болуы керек. Егер пациент Небилонг қабылдайтын болса, бұл туралы анестезиологқа айту керек. Инсулин және пероральді диабетке қарсы дәрілер Небиволол қандағы глюкоза деңгейіне әсер етпегенмен, гипогликемияның кейбір белгілерін (жүрек соғысы, тахикардия) бүркемелей алады. Сульфонилмочевина туындыларымен бета-блокаторларды бір мезгілде қолдану ауыр гипогликемия қаупін арттыруы мүмкін. Баклофен (антиспазмдық миорелаксант), амифостин (ісікке қарсы препараттармен емде қосымша дәрілік заттар): Гипотензиялық дәрілермен бір мезгілде қолданғанда артериялық қысымның түсіп кету мүмкіндігі жоғарылайды; сондықтан гипотензиялық препараттардың дозасын сәйкесінше түзету керек. Бір мезгілде қолданғанда ескеру керек: Оймақгүл тобының гликозидтері Бір мезгілде қолданғанда атриовентрикулярлық өткізгіштік баяулауы мүмкін. Әйтсе де небивололға клиникалық зерттеулер жүргізгенде осы өзара әрекеттесу белгілері анықталған жоқ. Небиволол дигоксиннің кинетикасына әсер етпейді. Дигидропиридин секілді кальций антагонистері (амлодипин, фелодипин, лакидипин, нифедипин, никардипин, нимодипин, нитрендипин секілді): Бір мезгілде қабылдау гипотония қаупін жоғарылатуы мүмкін. Жүрек жеткіліксіздігінен зардап шегетін пациенттерде, қарыншалардың сорғылық функциясының ары қарай нашарлауы қаупінің жоғарылауын жоққа шығаруға болмайды. Психозға қарсы, антидепрессиялық препараттар (трициклдық антидепрессанттар, барбитураттар және фенотиазин туындысы) Бір мезгілде қолданғанда -адреноблокаторлардың гипотензиялық әсері, әсерлерінің жинақталу принципі бойынша күшеюі мүмкін. Қабынуға қарсы стероидты емес дәрілер (ҚҚСД): Небивололдың гипотензиялық әсеріне әсер етпейді. Симпатомиметиктер Бір мезгілде қолданған -адреноблокаторлардың әсеріне қарама-қайшы әсер етуі мүмкін. -адренергиялық әсерге ие әсер етуші заттар, -, сондай-ақ -адренергиялық әсерінің (артериялық гипертензия, ауыр брадикардия және жүрек блокадасының даму қаупі) болуымен симпатомиметиктердің кедергісіз -адренергиялық белсенділігіне әкелуі мүмкін. Фармакокинетикалық өзара әрекеттесулер Небивололдың метаболизмі үдерісіне CYP2D6 изоферменті қатысатын болғандықтан, онда осы ферментті тежейтін препараттарды, оның ішінде, пароксетинді, флуоксетинді, тиоридазинді және хинидинді бір мезгілде қабылдау, небивололдың плазмадағы деңгейін жоғарылатады және осылайша, айқын брадикардия және басқа да жағымсыз әсерлерінің пайда болу қаупін жоғарылатады. Циметидинді бір мезгілде тағайындауда небивололдың плазмадағы деңгейі жоғарылаған, алайда клиникалық әсерінің өзгеруінсіз. Ранитидинді бір мезгілде тағайындау, небивололдың фармакокинетикасына әсер еткен жоқ. Небилонгты тамақпен бірге, ал антацидті дәріні – ас ішу арасында қабылдаған жағдайда, екі дәрілік затты бір мезгілде тағайындауға болады. Небивололдың никардипинмен біріктірілімінде клиникалық тиімділігінің өзгеруінсіз екі субстанцияның да деңгейлері плазмада аздап жоғарылады. Алкогольді, фуросемидті немесе гидрохлортиазидті бір мезгілде қабылдау небивололдың фармакокинетикасына әсер еткен жоқ. Небиволол варфариннің фармакокинетикасына және фармакодинамикасына әсер етпейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30°С-ден аспайтын температурада сақтау керек. Балалардың қолы жетпейтін жерде сақтау керек!