Невролек раствор

Бір ампула (2 мл) ішінде белсенді заттар - тиамин гидрохлориді (100% затқа шаққанда) 100 мг, пиридоксин гидрохлориді (100% затқа шаққанда) 100 мг, цианокобаламин (100% затқа шаққанда) 1 мг; қосымша заттар: лидокаин гидрохлориді, бензил спирті, натрий полифосфаты, калий феррицианиді, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Қызыл түсті мөлдір сұйықтық.

B1, B6 және B12 дәрумендерінің анықталған тапшылығынан туындаған жүйелі неврологиялық ауруларда, егер оларды диеталық тамақтану арқылы жою мүмкін болмаса.

Әсер ету механизмі В тобының нейротропты дәрумендері жүйкенің және қозғалыс аппаратының қабыну және дегенеративті ауруларына қолайлы әсер етеді. Оларды тапшылық жағдайларды жою үшін қолданады, ал үлкен дозада ауыруды басатын қасиеттерге ие, қан айналымын жақсартуға ықпал етеді, жүйке жүйесінің жұмысын және қан түзілу процесін қалыпқа келтіреді. В1 дәрумені маңызды белсенді зат болып табылады. В1 дәрумені организмде биологиялық белсенді тиаминдифосфат (кокарбоксилаза) және тиаминтрифосфат (ТТР) түзумен фосфорланады. Тиаминдифосфат коэнзим ретінде көмірсу алмасуындағы маңызды функцияға қатысады, жүйке тінінің зат алмасу процестерінде шешуші маңызы бар, синапстарда жүйке импульсін жүргізуге әсер етеді. В1 дәруменінің жеткіліксіздігінде тіндерде метаболиттердің, бірінші кезекте сүт және пирожүзім қышқылының жиналуы орын алады, бұл жүйке жүйесінің әртүрлі патологиялық жай-күйі мен қызметінің бұзылуына әкеледі. В6 дәрумені өзінің фосфорланған түрінде (пиридоксаль-5'-фосфат, PALP) амин қышқылдарының жалпы тотығусыз метаболизмінде өзара әрекеттесетін ферменттер қатарының коэнзимі болып табылады. Декарбоксилдеу арқылы олар физиологиялық белсенді аминдердің (адреналин, гистамин, серотонин, допамин, тирамин) түзілуіне, трансаминдеу арқылы – алмасудың анаболикалық және катаболикалық процестеріне (мысалы, глутамат-оксалоацетаттрансаминаза, глутаматпируаттрансаминаза, γ-аминомай қышқылы, a-кетоглутараттрансаминаза), сондай-ақ ыдырату және амин қышқылдарын синтездеудің әртүрлі процестеріне қатысады. В6 дәрумені триптофан метаболизмінің 4 түрлі аймақтарына әсер етеді. Гемоглобин синтезі барысында В6 дәрумені α-амин-β-кетоадин қышқылының түзілуін катализдейді. В12 дәрумені жасушалық метаболизм үдерісі үшін керек. Ол қан түзілу функциясына әсер етеді (сыртқы анемияға қарсы фактор), холин, метионин, креатинин, нуклеин қышқылдарының пайда болуына қатысады, ауырсынуды басатын әсері бар.

Дозалау. Ауыр және жедел ауырсыну жағдайында қандағы препарат деңгейінің тез жоғарылауына қол жеткізу үшін алдымен күніне бір рет бір инъекция (2 мл) қолданылады. Жедел сатысы аяқталғаннан кейін және әлсіз дәрежедегі ауруларда аптасына 2-3 рет 1 инъекциядан қолданылады. Ем кезінде апта сайынғы дәрігерлік бақылау ұсынылады. Пероральді емге мүмкіндігінше ертерек ауысуға ұмтылу керек. Қолдану тәсілі. Инъекция бұлшықетке (бұлшықет ішіне) терең енгізіледі. Жалған венаішілік инъекцияны болдырмау туралы ескертпе. Дәрілік затты тек бұлшықет ішіне (б/і) енгізуге рұқсат етіледі. Қанайналым жүйесіндегі вена ішіне (в/і) енгізуге рұқсат етілмейді. Симптомдардың ауырлық дәрежесіне байланысты жалған венаішілік енгізу жағдайында медициналық бақылау немесе стационарлық жағдайда бақылау қажет. Инъекциялардың емдік курсын демеу немесе жалғастыру немесе қайталанудың профилактикасы үшін ұқсас фармакотерапиялық топтың ішу арқылы қолдануға арналған препараттарын қолдану ұсынылады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Апта сайын дәрігерлік тексеру жүргізу ұсынылады.

• препарат компоненттеріне жоғары сезімталдық; • жүрек өткізгіштігінің жедел бұзылуы; • декомпенсацияланған жүрек жеткіліксіздігінің жедел түрі. В1 дәруменін аллергиялық реакцияларда қолдануға болмайды. В6 дәруменін асқазанның және он екі елі ішектің ойық жара ауруының өршу сатысында қолдануға болмайды (өйткені асқазан сөлінің қышқылдығы жоғарылауы мүмкін). В12 дәруменін эритремияда, эритроцитозда, тромбоэмболияда қолдануға болмайды. Лидокаин. Жеке сезімталдықтың жоғарылауы лидокаинге немесе басқа да амидті жергілікті жансыздандыратын дәрілерге жеке жоғары сезімталдығы, анамнезінде лидокаинге эпилепсия түріндегі құрысудың болуы, ауыр брадикардия, ауыр артериялық гипотензия, кардиогенді шок, созылмалы жүрек жеткіліксіздігінің ауыр түрлері (II-III дәрежелі), синус түйінінің әлсіздігінің синдромы, Вольф-Паркинсон-Уайт синдромы, Адамс-Стокс синдромы, II және III дәрежелі атриовентрикулярлы блокада (AV), гиповолемия, бауыр/бүйрек функциясының ауыр бұзылуы, порфирия, миастения. Жүктілік және/немесе бала емізу кезінде препаратты қолдануға болмайды 18 жасқа дейінгі балалар.

Өте жиі: (≥1/10) Жиі: (≥ 1/100 - < 1/10 дейін) Жиі емес: (≥1/1000 - <1/100 дейін) Сирек: (≥ 1/10.000 - < 1/1.000 дейін) Өте сирек: (<1/10.000) Белгісіз (жиілігін қолда бар деректер негізінде бағалау мүмкін емес). Иммундық жүйе тарапынан: Белгісіз: бензилді спирт аллергиялық реакциялар тудыруы мүмкін. Өте сирек: аса жоғары сезімталдық реакциялары (мысалы, экзантема, ентігу, шок жағдайындағы жай-күй, ангионевроздық ісіну). Жүрек-қантамыр жүйесі тарапынан: өте сирек: тахикардия. Тері және тері асты шелі тарапынан: өте сирек: тершеңдік, безеулер, қышыну және есекжеммен тері реакциялары. Жалпы бұзылулар және енгізу орнындағы жай-күйлер: белгісіз: жылдам жиналуына (кездейсоқ вена ішіне инъекциялау, қанмен жоғары жабдықталатын тіндерге инъекция) немесе артық дозалануына байланысты жүйелік реакциялар болуы ықтимал. Бас айналуы, құсу, брадикардия, жүрек ырғағы бұзылуы, құрысулар болуы мүмкін. Инъекция орнындағы ашытып – күйдіруі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды, медициналық бұйымдарды сараптау ұлттық орталығы» ШЖҚ РМК http://www.ndda.kz

В1 дәруменінің емдік диапазоны ауқымды. Өте жоғары дозалар (10 г астам) жүйке импульстерінің өткізгіштігін басу арқылы кураре тәрізді әсер береді. В6 дәрумені уыттылығы өте төмен. Бірнеше ай бойы тәулігіне 1 г артық дозада В6 дәруменін шамадан тыс қолдану нейроуыттылық әсерлерге әкелуі мүмкін. Атаксиясы бар нейропатиялар және сезімталдықтың бұзылуы, электроэнцефалографиядағы өзгерістермен церебральді құрысулар, сондай-ақ жекелеген жағдайларда гипохромды анемия және себореялық дерматит тәулігіне 2 г-нан астам енгізгеннен кейін сипатталған. В12 дәрумені: препаратты ұсынылғаннан гөрі жоғары дозаларында парентеральді енгізуден кейін (сирек жағдайларда – ішу арқылы қолданғаннан кейін), аллергиялық реакциялар, экзематозды тері бұзылыстары және безеудің қатерсіз түрі байқалды. Жоғары дозада ұзақ қолданғанда бауыр ферменттері белсенділігінің бұзылуы, жүрек аймағындағы ауырсыну, гиперкоагуляция болуы мүмкін. Емі: симптоматикалық ем. Лидокаин. Симптомдары: психомоторлық қозу, бас айналу, жалпы әлсіздік, артериялық қысымның төмендеуі, тремор, көрудің бұзылуы, тонус-клонустық құрысулар, кома, коллапс, атриовентрикулярлы блокада, ОЖЖ тежелуі, тыныс алудың тоқтауы мүмкін. Дені сау еріктілерде артық дозалануының алғашқы симптомдары қандағы лидокаин концентрациясы 0,006 мг/кг-нан астам, құрысулар - 0,01 мг/кг-нан астам болғанда пайда болады. Емі: препаратты енгізуді тоқтату, оксигенотерапия, құрысуға қарсы дәрілер, вазоконстрикторлар (норадреналин, мезатон), брадикардияда – холинолитиктер (0,5-1 мг атропин). Интубация, өкпені жасанды желдету, реанимациялық іс-шаралар жүргізілуі мүмкін. Диализ тиімсіз.

Невролек құрамында лидокаин гидрохлориді бар, және сондықтан дәрілік зат тек бұлшықет ішіне ғана енгізілуі керек. Қан тамыры жүйесіндегі вена ішіне (в/і) енгізуге рұқсат етілмейді. Жалған венаішілік инъекция жағдайында туындаған симптомдардың ауырлық дәрежесіне қарай медициналық бақылау немесе стационарлық жағдайда бақылау қажет. Дәрілік затты ұзақ, 6 айдан астам уақыт бойы қолдану қайтымды шеткері сенсорлық нейропатияға әкелуі мүмкін. Препарат құрамында дозалау бірлігіне (ампула) натрий қосылысы (2 мл-ге 23 мг натрий) болады, сондықтан бұл препарат «натрийі жоқ» дерлік. Невролек құрамында бензил спирті бар. Бензил спирті жаңа туған нәрестелер мен кіші жастағы сәбилерде күрделі жағымсыз әсерлердің («ентігу синдромы») қаупі болуымен байланысты. Жинақталу және уыттылық қаупіне байланысты (метаболизмдік ацидоз) бензил спиртінің көп мөлшерін тек сақтықпен және аса қажет болған жағдайда, әсіресе бауыр немесе бүйрек функциясы бұзылған адамдарда, сондай-ақ жүктілікте және баланы емізу кезеңінде қолдану керек. Арнайы сақтандырулар Балалар 18 жасқа дейінгі балаларда қолдануға болмайды. Егде жастағы пациенттер Егде жастағы пациенттерге препаратты сақтықпен қолданады. Бауыр жеткіліксіздігі бар пациенттер Бауырдың ауыр функциясындағы пациенттерге препаратты сақтықпен қолдану керек. Бауыр функциясының орташа дәрежедегі бұзылуы бар пациенттерге препаратты сақтықпен қолданады. Бүйрек жеткіліксіздігі бар пациенттер Бүйректің ауыр функциясындағы пациенттерге препаратты сақтықпен қолдану керек. Бүйрек функциясының орташа дәрежедегі бұзылуы (креатинин клиренсі10 мл/мин) бар пациенттерге препаратты сақтықпен қолданады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті басқару немесе күрделі механизмдермен жұмыс істеу қабілетіне әсер етпейді.

Жүктілік. Жүктілік кезінде В1 дәруменінің ұсынылатын тәуліктік нормасы 2-ші триместрде 1,2 мг және 3-ші триместрде 1,3 мг, ал В6 дәрумені жүктіліктің 4 айынан бастап 1,9 мг құрайды. Жүктілік кезінде дәрілік затты егер пациентте В1 және В6 дәрумендерінің тапшылығы расталған болса ғана қолдануға болады, өйткені ұсынылған тәуліктік дозадан асатын дозаның қауіпсіздігі әлі анықталмаған. Бала емізу кезеңі. Баланы емізу кезінде В1 дәруменін тұтынудың ұсынылатын тәуліктік нормасы 1,3 мг, ал В6 дәрумені - 1,9 мг құрайды В1 және В6, В12 дәрумендері емшек сүтіне өтеді. В6 дәруменінің жоғары дозалары сүт мөлшерін азайтуы ықтимал. Препараттың құрамында 1 ампулаға 100 мг В6 дәрумені болады, сондықтан оны жүктілік немесе баланы емізу кезінде қолдануға болмайды. Жүктілік кезінде және баланы емізу кезінде осы препаратты қолдану туралы мәселені қаупі/пайдасын дәрігердің бағалағанынан кейін ғана шешу керек. Фертильділігі. Деректер жоқ.

Тиамин құрамында сульфит бар ерітінділермен толығымен ыдырайды. В1 дәруменінің ыдырау өнімдерінің қатысуымен басқа дәрумендердің белсенділігі жойылуы мүмкін. В6 дәруменінің емдік дозалары L-допа әсерін әлсіретуі мүмкін. INH, D-пенициламинмен және циклосеринмен басқа өзара әрекеттесулері болады. Лидокаинді парентералды түрде енгізгенде, адреналин немесе норадреналин қолданғанда жүректің жағымсыз әсері күшеюі мүмкін. Қалған өзара әрекеттесулер сульфонамидтермен болады. Жергілікті анестетиктердің артық дозалануы кезінде адреналин мен норадреналинді қолдануға болмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада 2°С-ден 8°С-ге дейінгі температурада сақтау керек. Балалардың қолы жетпейтін жерде сақтау керек.