НЕЙПИЛЕПТ® раствор 100 мг/мл

Бір мл ерітіндінің құрамында: белсенді зат натрий цитиколині (цитиколинге шаққанда) 100 мг; қосымша заттар: сорбит, глицерин, натрий цитраты, калий сорбаты, метилпарагидроксибензоат, құлпынай хош иістендіргіші, пропилпарагидроксибензоат, натрий сахаринаты, лимон қышқылы моногидраты, тазартылған су. Сыртқы түрінің, иісінің, дәмінің сипаттамасы Құлпынайға тән иісі бар мөлдір түссіз немесе аздап сарғыш реңді сұйықтық.

• Ми қан айналымының бұзылуымен байланысты неврологиялық және когнитивті бұзылуларды емдеу • Бас жарақаттарымен байланысты неврологиялық және когнитивті бұзылуларды емдеу

ATХ коды N06BX06 Әсер ету механизмі Цитиколин – жасушалық жарғақшаның негізгі құрылымдық компоненттерінің бірі фосфатидилхолиннің синтезінде аралық метаболит болып табылатын табиғи эндогендік байланыс. Цитиколиннің әсер ету ауқымы кең – жасушалардың зақымданған жарғақшаларын қалпына келтіруге көмектеседі, фосфолипазалардың әсер етуін тежейді, бос радикалдардың көп түзілуінің алдын алады, сондай-ақ апоптаз механизміне әсер ете отырып, жасушалардың қырылуының алдын алады. Инсульттың жедел кезеңінде цитиколин ми тіндерінің зақымдану көлемін азайтады, холинергиялық өткізгіштікті жақсартады. Бас сүйек-ми жарақаты кезінде жарақаттан кейінгі кома уақытының ұзақтығын және неврологиялық симптомдардың айқындылығын азайтады, одан басқа қалпына келу кезеңінің ұзақтығының азаюына көмектеседі. Мидың созылмалы гипоксиясында цитиколин жадының нашарлауы, жігерсіздік, күнделікті әрекеттерді орындау және өз-өзіне қызмет көрсету кезінде пайда болатын қиыншылықтар сияқты когнитивті бұзылыстарды емдеуді тиімді. Зейін мен сана деңгейін жоғарылатады, сонымен қатар амнезияның көрінісін азайтады. Цитиколин дегенерациялық және тамырлық этиологиядағы сезімтал және қозғалыс неврологиялық бұзылуларын емдеуде тиімді.

Дозалау режимі Ересектер Күніне 500–2000 мг (5–20 мл). Дозасы және емдеу ұзақтығы — ауру симптомдарының ауырлығына байланысты. Емдеудің ұсынылатын ең аз ұзақтығы - 45 күн. Егде жастағы пациенттер Егде жастағы пациенттерге цитиколин тағайындаған кезде дозаны түзету қажет емес. Енгізу әдісі және жолы Ішуге арналған НЕЙПИЛЕПТ® ерітіндісін пероральді қабылдайды. НЕЙПИЛЕПТ® қабылдар алдында судың аздаған мөлшерінде сұйылтуға болады (100-120 мл немесе 1/2 стақан). Ас ішкен кезде немесе ас қабылдау аралығында қабылдайды. Дәрілік препараттың бір немесе бірнеше дозасын өткізіп алу кезіндегі қажетті шаралар Келесі дозаны, дәрі қабылдауды ұмытып кеткеніңізді байқаған кезде, қабылдаңыз. Өткізіп алған дозаның орнын толтыру үшін қосарлы дозаны қабылдамаңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Дәрілік препаратты қолдану тәсілін кеңес алу үшін медициналық қызметкерге хабарласыңыз.

• Әсер етуші затқа немесе қосымша заттардың кез келгеніне аса жоғары сезімталдық • айқын ваготония (вегетативті жүйке жүйесінің парасимпатикалық бөлігінің жоғары тонусы) бар пациенттерге тағайындауға болмайды • құрамында сорбитол болуына байланысты сирек кездесетін тұқым қуалайтын фруктозаға жақпаушылығы бар, глюкоза-галактоза немесе сахароза-изомальтозаның сіңуі бұзылған пациенттер

Өте сирек • елестеулер • бас айналуы • бас ауыруы • артериялық гипертензия • артериялық гипотензия • ентігу • жүрек айнуы • құсу • мезгіл-мезгіл болатын диарея • терінің қызаруы • есекжем • экзантема • пурпура • қалтырау • ісіну Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препарат уыттылығының төмендігінен, терапиялық дозасынан жоғары болса да артық дозалану жағдайлары сипатталмаған.

Құрамында метилпарагидроксибензоат және пропилпарагидроксибензоат болғандықтан аллергиялық реакциялар болуы мүмкін (соның ішінде баяу типі). Құрамында сорбит бар, сондықтан сирек кездесетін тұқым қуалайтын фруктозаға жақпаушылығы мәселесі бар пациенттер препаратты қабылдамауы керек. НЕЙПИЛЕПТ® препаратының 500 мг (5 мл) дозасына препарат құрамында шамамен 1,4 моль (немесе 31,5 мг) натрий бар. Тұзсыз диетаны ұстанатын адамдарға тағайындау кезінде абай болу керек. Консерванттың уақытша ішінара кристаллдануына байланысты суықта аз мөлшерде кристаллдар пайда болуы мүмкін. Ұсынылған жағдайда одан әрі сақтағанда кристаллдар бірнеше айдың ішінде еріп кетеді. Кристаллдардың болуы препарат сапасына әсер етпейді. Арнайы ескертулер Педиатрияда қолдану Балаларда қолдану тәжірибесі шектеулі: сондықтан, күтілген емдік пайда кез келген болуы мүмкін қауіптен артқан жағдайда ғана препарат тағайындалуы мүмкін.

Цитиколинді жүкті әйелдерде қолдану жөнінде жеткілікті деректер жоқ. Жүктілік кезеңінде цитиколинді ана үшін күтілетін пайда шарана үшін әлеуетті қауіптен жоғары болғанда ғана тағайындалады. Цитиколинді лактация кезеңінде қолданған кезде әйелдерге емшек емізуді тоқтату жөніндегі мәселені шешіп алу керек, себебі цитиколиннің емшек сүтіне өтуі туралы деректер жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану кезінде автокөлік жүргізу мен жоғары зейінділікті және психомоторлық реакциялардың жылдамдығын қажет ететін басқа қауіптілігі зор қызмет түрлерімен шұғылданғанда сақ болу керек.

Цитиколин L-дигидроксифенилаланин әсерін күшейтеді. Құрамында меклофеноксат бар дәрілік заттармен бір уақытта қолданбау керек.

Сақтау мерзімі 2 жыл. Көлемі 30 мл құты үшін Құтыны ашқаннан кейін қолдану мерзімі - 6 тәулік. Көлемі 100 мл құты үшін Құтыны ашқаннан кейін қолдану мерзімі - 21 тәулік. Жарамдылық мерзімі өткеннен кейін қолдануға болмайды. Көлемі 300 мл құты үшін Құтыны ашқаннан кейін қолдану мерзімі - 21 тәулік. Жарамдылық мерзімі өткеннен кейін қолдануға болмайды. Сақтау шарттары 25 ºС-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!