Нейралгин® В раствор

Бір ампуланың ішінде белсенді заттар: пиридоксин гидрохлориді 100 мг, тиамин гидрохлориді 100 мг, цианокобаламин 1 мг, лидокаин гидрохлориді 20 мг; қосымша заттар: бензил спирті, натрий триполифосфаты, натрий гидроксиді, калий гексацианоферраты (III), инъекцияға арналған су. Сыртқы түрінің, иісінің, дәмінің сипаттамасы Қызыл түсті мөлдір ерітінді.

Ересектер және 12 жастан асқан балалар - В1, В6 және В12 дәрумендерінің ұзаққа созылатын тапшылығынан туындаған гематологиялық және неврологиялық симптомдарды емдеу

Әсер ету механизмі B тобының нейротропты дәрумендері жүйке және қимыл-қозғалыс аппаратының қабыну және дегенеративті ауруларына пайдалы әсер етеді. B1 дәруменін неврозға қарсы дәрумен деп атайды. Оның фосфорланған түрі – тиаминпирофосфат (ТРР) карбоксилаза кофакторы ретінде көмірсудың ыдырауын реттейді және метаболизмдік ацидоз жағдайында пайдаланылады. B6 дәрумені ақуыздар, майлар мен көмірсулардың ыдырауын реттейді. B12 дәрумені жасушалық метаболизмге, эритроциттер дамуы мен жүйке жүйесінің жұмыс істеуі үшін қажет. B12 дәрумені нуклеин қышқылдары синтезінің, осылайша, жаңа жасушалық ядролар жасалуының катализаторы болып табылады. Лидокаин гидрохлориді медициналық емшаралардан кейін ауыруды жеңілдету үшін қосылады.

Дозалау режимі Ауыр және жедел симптомдар кезінде: бір инъекцияны (2 мл) әдетте қандағы белсенді заттардың жоғары деңгейіне жеткенге дейін күніне бір рет енгізеді. Жедел фаза бәсеңдегенде және күрделі симптомдар азайған кезде аптасына 2-3 рет бір инъекция тағайындалады. Егде жастағы пациенттер Дозаны реттеу талап етілмейді. Балалар Нейралгин® В бұлшықет ішіне енгізуге арналған ерітіндісін 12 жасқа дейінгі балаларға енгізбеген жөн. Енгізу әдісі мен жолы Бұлшықет ішіне енгізу үшін. Бұлшықет ішіне енгізуге арналған ерітінді жүрек-қантамырдың жағымсыз реакцияларын болдырмас үшін бұлшықет тініне терең енгізіледі. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Бұл дәрілік препаратты әрқашан дәрігер Сізге айтқандай қолданыңыз. Егер түсініксіз болса, дәрігерге хабарласыңыз. Бұл дәрілік препаратты венаға (вена ішіне) емес, тек бұлшықет ішіне (б/і) енгізу керек. Егер венаға кездейсоқ енгізілген жағдайда, Сіз дәрігердің бақылауында боласыз немесе симптомдардың ауырлығына байланысты ауруханаға жатқызылуыңыз қажет. Дәрігер Сізге сәйкес дозаны және инъекция жиілігін анықтайды.

- әсер етуші затқа немесе кез келген қосымша заттарға аса жоғары сезімталдық - жүрек өткізгіштігінің күрделі бұзылулары және декомпенсацияланған жедел жүрек жеткіліксіздігі - дәрілік препараттың құрамында бензил спирті болуына байланысты жаңа туған, әсіресе мерзімінен ерте туған балаларға енгізуге болмайды - жүктілік және лактация кезеңі

Сирек • аса жоғары сезімталдық реакциялары (мысалы, тері бөртпесі, тыныс алудың бәсеңдеуі, шок, ангиоісіну) • бензил спирті: аса жоғары сезімталдық реакциялары Өте сирек • тахикардия • қатты тершеңдік • безеу • қышыну және бөртпемен тері реакциялары Белгісіз • бас айналуы • сананың көмескіленуі • брадикардия • аритмия • құсу • құрысулар • қозу және/немесе орталық жүйке жүйесі бәсеңдеуін қоса, жүйелік реакциялар (тепе-теңдік бұзылуы, күйгелектік, қауіп сезімі, эйфория, сананың шатасуы, бас айналу, сананың көмескіленуі, құлақтың шуылдауы, бұлдырап немесе қосарланып көрінуі, құсу, суықты немесе ыстықты сезіну, ұйып қалу), жылдам инъекция (абайсыз вена ішіне инъекция жасау, қанмен жақсы қамсыздандырылатын тіндерге инъекция) немесе артық дозалану нәтижесінде орын алуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Тиамин, пиридоксин немесе цианокобаламин уыттылығы өте төмен ретінде бағалануы мүмкін. Артық дозаланудан туындаған барынша күрделі жағымсыз әсерлерінің дамуын, егер осы заттың 1 г жуығы енгізілсе ғана күтуге болады. Лидокаиннің артық дозалануынан туындаған реакциялар (плазмадағы жоғары деңгейі) жүйелік болып табылады және орталық жүйке жүйесімен және жүрек-қантамыр жүйесімен байланысты болады. Жағымсыз реакциялар ми депрессиясын, тонустық және клонустық құрысулар мен жүрек-қантамырлық коллапсты қамтиды. Артық дозаланудың емі - симптоматикалық.

Арнайы ескертулер Бұлшықет ішіне енгізуге арналған ерітіндіні жүрек-қантамырға жағымсыз әсер етуін болдырмас үшін вена ішіне (в/і) емес, тек бұлшықет ішіне (б/і) енгізу керек. Абайсызда вена ішіне инъекция жасалған жағдайда пациент жүрегінің жай-күйін (ЭКГ) бақылау қажет, немесе жүрек-қантамыр симптомдарының ауырлығына байланысты (аритмия, брадикардия) пациент ауруханаға жатқызылуы тиіс. Қосымша заттар Бензил спирті • Бұл препараттың құрамында әр ампулада 40 мг бензил спирті бар, ол 20 мг/мл-ге баламалы. Бензил спирті аллергиялық реакцияларды тудыруы мүмкін. • Шала туылған нәрестелерге немесе жаңа туған нәрестелерге тағайындауға болмайды. • Нәрестелер мен 3 жасқа дейінгі балаларда уытты және аллергиялық реакциялар тудыруы мүмкін. • Егер сіз жүкті болсаңыз немесе балаңызды емізетін болсаңыз немесе Сізде бауыр немесе бүйрек аурулары болса, дәрігермен немесе фармацевтпен кеңесіңіз. Себебі бензил спиртінің көп мөлшері организмде жинақталуы мүмкін және жағымсыз әсерлер тудыруы мүмкін (метаболизмдік ацидоз деп аталады). Натрий • Бұл дәрілік препараттың құрамында бір дозасында 1 ммольден аз (23 мг) натрий бар, - яғни, іс жүзінде, «натрийсіз». Калий • Бұл дәрілік препараттың құрамында бір дозасында 1 ммольден аз (39 мг) калий бар, - яғни, іс жүзінде, «калийсіз». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Нейралгин® В автомобиль жүргізу қабілетіне және басқа механизмдермен жұмыс істеуге ешқандай әсер етпейді немесе әсері елеусіз.

Жүктілік және бала емізу кезінде B6 дәруменінің қауіпсіз тәуліктік дозасы 25 мг дейін болады. Осы дәрілік затта B6 дәруменінің мөлшері 2 мл-лік бір ампулада 100 мг болғандықтан, оны жүктілік және бала емізу кезінде қолдануға болмайды.

Тиамин құрамында сульфиттер бар ерітінділермен ыдырайды. Басқа дәрумендердің B1 дәрумені ыдырау өнімдерінің қатысуымен белсенділігі жойылуы мүмкін. B6 дәруменінің емдік дозалары L-допа әсерін төмендетуі мүмкін. INH, D-пеницилламин және циклосеринмен өзара әрекеттесуі жүреді. Парентеральді лидокаин адреналинмен немесе норадреналинмен бір мезгілде енгізілген кезде жүректің жағымсыз әсерлері артуы мүмкін. Сульфонамидтермен де өзара әрекеттеседі. Жергілікті анестетиктердің артық дозалануы жағдайында адреналин немесе норадреналин бір мезгілде пайдаланылмауы тиіс.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2 °С -ден 8 °C-ге дейінгі температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!