Нейроцитин раствор

Бір мл ерітіндінің құрамында белсенді заттар: натрий цитиколині (цитиколинге шаққанда), 10.00 мг, натрий хлориді, 6.00 мг, калий хлориді, 0.40 мг, кальций хлорид дигидраты, 0.27 мг, натрий лактат ерітіндісі (натрий лактатқа шаққанда), 3.20 мг; қосымша заттар: инъекцияға арналған су, азот1. 1 Азот препаратты өндіру кезінде пайдаланылады, дәрілік препараттың құрамында болмайды. Сыртқы түрінің, иісінің, дәмінің сипаттамасы Түссіз мөлдір немесе сәл сарғыштау сұйықтық.

• инсульт, жедел фазасында және оның неврологиялық асқынуларында • мидың жарақаттан зақымдануында және оның неврологиялық асқынуларында.

Нейроцитин – электролиттер мен цитиколиннің құрамы теңестірілген тұзды ерітінді. Цитиколин нейрондар жарғақшасында құрылымдық фосфолипидтер биосинтезін көтермелейді, бұл жарғақшалар қызметінің, оның ішінде ионалмасу сорғылары мен нейрорецепторлары функциясының жақсаруына ықпал етеді. Жарғақшаға көтермелеуші әсер беруінің арқасында цитиколиннің ісінуге қарсы қасиеттері болады, сондықтан ми ісінуін азайтады. Зерттеулер нәтижелері көрсеткендей, цитиколин кейбір фосфолипазалар қызметін бәсеңдетеді, бос радикалдардың қалдық босап шығуына кедергі жасайды, жарғақша жүйелері зақымдануының алдын алып, қорғаныш антиоксиданттық жүйесінің сақталуын қамтамасыз етеді. Цитиколин жасушалар өлуінің алдын алып, апоптоз механизмдеріне әсер ете отырып, зақымданған тіндер көлемін азайтады, және де холинергиялық берілуін жақсартады. Цитиколин сондай-ақ мидың ошақты инсульті кезінде профилактикалық нейропротекторлық әсер береді. Цитиколин ми қан айналуының жедел бұзылулары кезінде ми тіндерінің ишемиялық зақымдануын азайта отырып, жылдам функциялық реабилитациясына ықпал етеді, мұны рентгенологиялық зерттеулер нәтижелері растап отыр. Бассүйек-ми жарақаттарында цитиколин қалпына келу кезеңін қысқартады және жарақаттан кейінгі синдромы қарқындылығын азайтады. Цитиколин ми қызметі деңгейінің артуына ықпал етеді, амнезия деңгейін азайтады, ми ишемиясы кезінде байқалатын когнитивтік, сенситивтік және моторлық бұзылулар кезінде жағдайды жақсартады. Натрий, жасушадан тыс сұйықтықтың негізгі катионы, ең бірінші су таралуын, су теңгерімін, организм сұйықтығының осмостық қысымын бақылауға қатысады. Натрий хлормен және бикарбонатпен бірге организм сұйықтығының қышқыл-сілтілік тепе-теңдігін реттеуге қатысады. Калий, жасушаішілік сұйықтықтың негізгі катионы, көмірсулар утилизациясына және ақуыздардың синтезіне қатысады, жүйке берілістерін реттеуге және әсіресе жүректің бұлшықетінің жиырылуын реттеуге керек. Хлор, жасушадан тыс негізгі анион, натрий метаболизмімен тығыз байланысты және организмнің қышқыл-сілтілік теңгерімі өзгерістері хлор концентрациясы өзгерістерімен бейнеленеді. Хлор иондарының мол мөлшерінің инфузиясы бикарбонат иондарының жойылуына әкелуі мүмкін, бұл ацидозға әкеледі. Осы себепті ерітінді лактатпен буферленген. Кальций, сүйек пен тістердің түзілуін қамтамасыз ететін маңызды катион (кальций фосфаты және кальций карбонаты түрінде). Иондалған түрдегі кальций қан ұюының функционалдық механизмі, жүректің қалыпты қызмет атқаруы, нейробұлшықет қозғыштығын реттеу үшін керек. Препарат айналымдағы қан көлемі тапшылығының орнын толтырады. Препарат құрамына кіретін лактат метаболизмдік үдерістер нәтижесінде бикарбонат анионына айналады, бұл қандағы реакцияны сілтілік жағына әлсіз өзгертеді. Сонымен қатар, ерітіндінің қандағы уытты өнімдер концентрациясының азаюы мен диурез белсенуі нәтижесінде уытсыздандыратын әсері бар.

Дозалау режимі Ересектер үшін ұсынылатын дозасы вена ішіне тамшылатып құю түрінде тәулігіне 50 мл-ден 200 мл-ге дейін (минутына 40-60 тамшы) құрайды. Емі: алғашқы 2 аптада тәулігіне 2 рет 50–100 мл-ден вена ішіне. Ең жоғары тәуліктік дозасы – 200 мл. Егер жедел және шұғыл жай-күйлерде препаратты алғашқы 24 сағат ішінде қолданса, ең жоғары емдік әсеріне жетеді. Енгізу әдісі және жолы Вена ішіне енгізуге арналған. Емдеу ұзақтығы Препараттың дозалары мен емдеу мерзімі мидың зақымдануларының ауырлығына тәуелді, және дәрігер әркімге жекелей белгілейді. Балалар Препаратты балаларда қолдануға қатысты жеткілікті деректер жоқ. Егде жастағы пациенттер Дозасын түзету қажет емес. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Дәрілік препаратты қолданбас бұрын дәрігермен кеңесіңіз.

• әсер етуші заттарға немесе қосымша заттардың кез келгеніне аса жоғары сезімталдық • парасимпатикалық жүйке жүйесі тонусының жоғарылауы • гиперволемия, гипернатриемия, гиперкалиемия, гиперкальциемия, гиперхлоремия, алкалоз, лактоацидоз • ауыр артериялық гипертензия, жүректің декомпенсацияланған жеткіліксіздігі • олигурия, анурия • бауыр жеткіліксіздігі (лактаттан гидрокарбонат түзілуінің азаюынан) • бүйректің жедел жеткіліксіздігі • жасушадан тыс гипергидратация • өкпе ісінуі, мидың ісінуі.

Психикалық бұзылыстар Жиілігі белгісіз: • елестеулер, үрейлі шабуылдар. Жүйке жүйесі тарапынан Жиілігі белгісіз: • бастың қатты ауыруы, бас айналуы, вертиго. Қантамырлардың бұзылулары Жиілігі белгісіз: • артериялық гипертензия, артериялық гипотензия, тахикардия. Тыныс алу жүйесі, кеуде қуысы мен көкірек ортасы ағзалары тарапынан: Жиілігі белгісіз: • диспноэ. Асқазан-ішек бұзылыстары Жиілігі белгісіз: • жүрек айнуы, құсу, диарея. Зерттеулер Жиілігі белгісіз: • қан сарысуындағы электролиттер (калий, кальций, натрий, хлор) деңгейінің өзгерістері, метаболизмдік алкалоз, хлоридтік ацидоз. Жалпы бұзылыстар Жиілігі белгісіз: • гиперволемия. Иммундық жүйе тарапынан Жиілігі белгісіз: • қалтырау, ісіну, аллергиялық реакциялар, оның ішінде: бөртпе, пурпура, қышыну, ангионевроздық ісіну, анафилаксиялық шок; дене температурасының жоғарылауы, қатты тершеңдік, жөтел, түшкіру, тыныстың тарылуы, жергілікті немесе жайылған есекжем. Енгізу орнындағы бұзылулар Жиілігі белгісіз: • қабыну, ісіну, бөртпе, қышыну, эритема, ауырсыну, күйдіру, инфузия орнының ұюы. Жағымсыз реакциялар туындаған жағдайда ерітіндіні енгізуді тоқтату, пациенттің жағдайын бағалау және тиісті көмек көрсету керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалануы немесе ерітіндіні аса жылдам енгізу су-электролит теңгерімінің бұзылуына, алкалоз құбылысына, жүрек-өкпе декомпенсациясына алып келуі мүмкін. Бұндай жағдайда препарат енгізуді дереу тоқтату керек. Симптоматикалық ем жүргізу керек. Лактаттың шамадан тыс мөлшерін енгізу өз кезегінде гипокалиемиямен қатар жүруі ықтимал метаболизмдік алкалоздың дамуына алып келуі мүмкін. Симптомдары: көңіл-күй өзгерістері, шаршау, ентігу, бұлшықет әлсіздігі, полидипсия, полиурия, ойлаудың бұзылуы, аритмия. Бұлшықет гипертонусы, тартылу және тетаниялық құрысулар гипокальциемиясы бар пациенттерде дамуы мүмкін.

Деректер жоқ. Арнайы сақтандырулар Тұрақты бассүйекішілік қан құйылу жағдайында тәулігіне 100 мл дозадан және вена ішіне құю жылдамдығын минутына 30 тамшыдан асырмаған жөн. Қандағы электролиттер, рН және рСО2, лактат мөлшеріне мониторинг жүргізу керек. Венаішілік ерітінділерді қолдану сұйықтықтың және/немесе ерітіндінің артық жүктемесін, гипергидратацияны, іркіліс құбылыстарын немесе өкпенің ісінуін туындатуы мүмкін. Дилюцияның даму қаупі электролиттер концентрациясына кері пропорционалды. Шеткері ісінулері және өкпенің ісінулері бар іркілісті құбылыстарды туындататын ерітіндінің артық жүктемесінің даму қаупі электролиттер концентрациясына тікелей пропорционалды. Аса жоғары сезімталдық реакциясының қандай-да бір көріністері туындаған жағдайда, ерітінді енгізуді дереу тоқтату және тиісінше ем жүргізу керек. Препараттың құрамында натрий лактаты бар болғандықтан, оны гипернатриемияға бейім (мысалы, адренокортикальді жеткіліксіздігі, қантсыз диабет немесе тіндердің көп мөлшерде зақымдануы бар) пациенттерге және жүрек ауруы бар пациенттерге аса сақтықпен қолдану керек. Құрамында натрий иондарының болуына байланысты, ерітіндіні егде жастағы пациенттерге, артериялық гипертензиясы, бүйрек және жүрек-қантамыр жеткіліксіздігі, жүректің іркілісті жеткіліксіздігі бар пациенттерге, әсіресе, операциядан кейінгі кезеңде, гипоксиясы және бауыр жеткіліксіздігі бар пациенттерге, сондай-ақ натрий іркілуімен және ісінулермен қатар жүретін клиникалық жай-күйлері бар пациенттерге және кортикостероидтарды немесе кортикотропинді қабылдап жүрген пациенттерге сақтықпен қолдану қажет. Құрамында калий бар болғандықтан, ерітіндіні жүрек аурулары және организмдегі калий іркілісімен қатар жүретін клиникалық жай-күйлері бар пациенттерге қолданғанда сақ болу қажет. Кальцийді тағайындағанда, әсіресе, дигиталисті қабылдап жүрген пациенттерде жүректің жұмысын ЭКГ көмегімен бақылау керек. Қан сарысуындағы кальций деңгейлері әрдайым тіндердегі кальций деңгейлерін көрсетпейді. Бүйректің бөлу функциясы төмендеген пациенттерде ерітіндіні тағайындау натрийдің немесе калийдің іркілуіне алып келуі мүмкін. Препараттың құрамында кальций иондары бар болғандықтан, коагуляция дамуының ықтималдығына байланысты, қан препараттарымен бір мезгілде тағайындаған жағдайда сақ болу қажет. Жүрек гликозидтерін қабылдап жүрген пациенттерге кальцийді парентеральді тағайындауда ерекше сақтық қажет. Қант диабеті Лактат глюконеогенез үшін субстрат болып табылады, сондықтан II типті қант диабеті бар пациенттерде қандағы глюкоза деңгейін мұқият бақылау керек. Натрий мен калий мөлшері Нейроцитиннің құрамында: 100 мл дозасында 15,05 ммоль (немесе 346 мг) натрий бар; 200 мл дозасында 30,10 ммоль (немесе 692 мг) натрий бар. Натрий бақыланатын диета ұстап жүрген пациенттерге қолданғанда сақтық таныту керек. Нейроцитиннің құрамында: 100 мл дозасында 0,53 ммоль (немесе 21 мг) калий бар, яғни, іс жүзінде калийсіз; 200 мл дозасында 1,06 ммоль (немесе 42 мг) калий бар. Бүйрек функциясы төмендеген және калий бақыланатын диета ұстап жүрген пациенттерге қолданғанда сақ болу керек Педиатрияда қолдану Балаларда қолданылу тәжірибесі шектеулі: сондықтан, препаратты күтілетін емдік пайдасы болуы мүмкін кез келген қауіптен асып түсетін жағдайда ғана тағайындуға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Жекелеген жағдайларда орталық жүйке жүйесі тарапынан кейбір жағымсыз реакциялар автокөлікті басқару немесе күрделі механизмдермен жұмыс істеу қабілетіне әсер етуі мүмкін.

Нейроцитинді жүкті әйелдердің қолдануына қатысты деректер жоқ. Препараттың емшек сүтіне бөлінуі мен оның шаранаға әсер етуіне қатысты деректер белгісіз. Сондықтан жүктілік немесе бала емізу кезеңінде препаратты тек, анасы үшін күтілетін пайдасы шаранаға төнетін ықтимал қауіптен асып түсетін болғанда ғана тағайындайды.

Цитиколин леводопаның әсерін күшейтеді. Препаратты құрамында меклофеноксат бар дәрілік заттармен бір мезгілде тағайындамаған жөн. Цитиколин венаішілік изотониялық ерітінділердің және декстроза ерітінділерінің барлық түрлерімен үйлесімді. Калий жинақтаушы диуретиктерді, ангиотензин өзгертуші фермент (АӨФ) тежегіштерін және калий препараттарын қолданғанда гиперкалиемияның даму қаупі күшейеді. Препаратты жүрек гликозидтерімен бір мезгілде қолданған жағдайда ерітіндіде Са++ иондары болуы есебінен соңғысының уытты әсері күшейеді. Препарат цефамандолмен, амфотерицинмен, этил спиртімен, тиопенталмен, аминокапрон қышқылымен, метараминолмен, ампицилинмен, вибрамицинмен және моноциклинмен үйлесімсіз. Келесі дәрілік заттарды: қабынуға қарсы стероидты емес препараттарды, андрогендерді, анаболиялық гормондарды, эстрогендерді, кортикотропинді, минералокортикоидтарды, вазодилататорларды немесе ганглиоблокаторларды бір мезгілде қолданғанда организмде натрий іркілісі ұлғаюы мүмкін. Құрамында сілтілендіретін әсері бар лактат болуына байланысты, Нейроцитин препаратын бүйрек элиминациясы рН тәуелді препараттармен сақтықпен қолдану керек. Салицилаттардың, барбитураттардың, литийдің бүйректік клиренсі төмендеуі мүмкін, ал симпатомиметиктер және стимуляторларлардың (дексамфетамин сульфаты, фенфлурамин гидрохлориді сияқты) бүйректік клиренсі – жоғарылауы мүмкін.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 30 °С-ден аспайтын температурада сақтау керек. Балалардың қолы жетпейтін жерде сақтау керек!