Немулекс® гранулы 100 мг

Бір пакеттің ішінде белсенді зат — нимесулид 100 мг; қосымша заттар — макрогол цетостеараты (кремофор А25), сусыз лимон қышқылы, сусыз коллоидты кремнийдің қостотығы, сахароза, апельсин хош иістендіргіші. Дәрілік препараттың құрамында бар екені ескерілуі керек қосымша заттар: сахароза – Немулекс® препаратының 1 пакетіне шаққанда 1721 мг. Сыртқы түрінің, иісінің, дәмінің сипаттамасы Сарғыш түсті түйіршіктер. Түйіршіктерді 100 мл суда еріткенде ашық-сары түсті суспензия түзіледі.

Немулекс® ересектерде емдеу үшін көрсетілген: • жедел ауыруларды емдеуде; • ауыру синдромы бар остеоартритті симптоматикалық емдеуде; • алғашқы дисменореяны емдеуде. Препарат, оны қолданған кезде ауыруды және қабынуды азайта отырып, симптоматикалық ем жүргізуге арналған, аурудың үдеуіне ықпалын тигізбейді. Нимесулидті екінші желідегі препарат ретінде ғана тағайындаған жөн. Нимесулидпен емдеу жөніндегі шешім нақты пациент үшін барлық қауіптерге баға беру негізінде қабылдануы тиіс.

ATX коды: М01АХ17 Әсер ету механизмі ҚҚСП қабынуға қарсы, ауыруды басатын, ыстықты түсіретін және антиагреганттық әсер береді. Басқа ҚҚСП айырмашылығы циклооксигеназа-2-ні (ЦОГ-2) селективті түрде басады, қабыну ошағында простагландиндер (Pg) синтезін тежейді; циклооксигеназа-1-ге (ЦОГ-1) азырақ айқын бәсеңдеткіш әсер береді (сау тіндерде Pg синтезінің бәсеңдеуімен байланысты жағымсыз әсерлерді сирек тудырады).

Дозалау режимі Ересектер үшін ұсынылатын доза тамақтанудан кейін тәулігіне 2 рет 100 мг (1 пакет) құрайды. Ең жоғары тәуліктік доза – 200 мг. Жағымсыз реакциялардың даму қаупін барынша азайту үшін тиімді ең төмен доза мүмкіндігінше қысқа уақытқа тағайындалуы тиіс. Енгізу әдісі және жолы Ішке қабылдау үшін. 1 пакеттің ішіндегісін 80-100 мл жылы суда ерітеді. Суспензияны дайындағаннан кейін бірден қолданады. Емдеу ұзақтығы Препаратты қабылдаудың ең көп ұзақтығы 5 күннен аспауы керек. Пациенттердің ерекше топтары Балалар Немулекс®препаратын 18 жасқа дейінгі балаларға қолдануға болмайды. Егде жастағы пациенттер Егде жастағы пациенттер үшін дозаны төмендету қажет емес. Пациенттің жағдайын жүйелі клиникалық бақылау ұсынылады. Бүйрек функциясының созылмалы жеткіліксіздігі бар пациенттер Бүйрек функциясының созылмалы жеткіліксіздігі бар пациенттерде тәуліктік дозаны 100 мг-ге дейін төмендету қажет етіледі. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Осы препаратты әрқашан емдеуші дәрігердің ұсыныстарына сәйкес қолданыңыз. Кез келген күмән туындаған жағдайда емдеуші дәрігерге хабарласыңыз.

-әсер етуші затқа немесе «Қосымша мәліметтер» бөлімінде аталған қосымша заттардың кез келгеніне аса жоғары сезімталдық; -ацетилсалицил қышқылын (АСҚ) немесе қабынуға қарсы стероидты емес басқа да препараттарды (ҚҚСП) қабылдаумен байланысты бұрын болған гиперергиялық реакциялар (мысалы, бронхтың түйілуі, ринит, есекжем); -анамнезіндегі нимесулидке бұрын өткерген гепатоуытты реакциялар; -потенциалды гепатоуыттылығы бар басқа да заттарды қатар қабылдау; -маскүнемдік, есірткіге тәуелділік; -өршу фазасындағы асқазан немесе он екі елі ішектің ойық жарасы, асқазан-ішек жолында ойық жарасының, перфорация немесе қан кетулердің анамнезде болуы; -цереброваскулярлы қан кетулердің немесе басқа да қан құйылулардың, сондай-ақ қанағыштық қатар жүретін аурулардың анамнезде болуы; -қан ұюдың күрделі бұзылулары; -күрделі жүрек жеткіліксіздігі; -күрделі бүйрек жеткіліксіздігі (креатинин клиренсі (КК) ˂ 30 мл/мин); -бауыр жеткіліксіздігі; -суық тию немесе тұмау симптомдары бар пациенттер; -тұқым қуалайтын фруктоза жақпаушылығы, глюкоза-галактоза мальабсорбциясы, сахараза-изомальтаза жеткіліксіздігі; -бауыр ауруларында және бауыр ферменттерінің жоғарылауында; -жүктілік және бала емізу кезеңі; -18 жасқа дейінгі балалар мен жасөспірімдер.

Жиі Диарея, жүрек айнуы, құсу, «бауыр» ферменттері деңгейінің жоғарылауы. Жиі емес Қышыну, тері бөртпелері, қатты тершеңдік, бас айналуы, артериялық қысымның жоғарылауы, ентігу, іш қату, метеоризм, гастрит, асқазан-ішектен қан кетуі, асқазанның немесе он екі елі ішектің ойық жарасы және/немесе перфорациясы, шеткері ісінулер. Сирек Анемия, эозинофилия, геморрагиялар, аса жоғары сезімталдық реакциялары, эритема, дерматит, қорқыныш сезімі, күйгелектік, қорқынышты түстер көру, анық көрмеу, тахикардия, артериялық қысымның құбылмалығы, бет терісіне қан «тебуі», жүрек қағуын сезіну, дизурия, гематурия, несеп шығару іркілісі, гиперкалиемия, дімкәстік, астения Өте сирек Тромбоцитопения, панцитопения, тромбоцитопениялық пурпура, анафилактоидты реакциялар, есекжем, ангионевроздық ісіну, беттің ісінуі, полиморфты эритема, Стивенс-Джонсон синдромы, уытты эпидермальді некролиз (Лайелл синдромы), бас ауыруы, ұйқышылдық, энцефалопатия (Рейе синдромы), көрудің бұзылуы, вертиго, бронх демікпесінің асқынуы, бронхтың түйілуі, іштің ауыруы, диспепсия, стоматит, қарамай тәрізді нәжіс, гепатит, шұғыл дамыған (фульминантты) гепатит (өліммен аяқталуын қоса), сарғаю, холестаз, бүйрек жеткіліксіздігі, олигурия, интерстициальді нефрит, гипотермия. Белгісіз (қолда бар деректер негізінде бағалау мүмкіндігі жоқ) Тіркелген дәрілік бөртпе («Қолданудың басталуына дейінгі қажетті мәліметтер тізбесі» бөлімін қараңыз) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары және белгілері Жүрек айнуы, құсу, ұйқышылдық, апатия, асқазан-ішектен қан кету, артериялық қысымның жоғарылауы, бүйрек функциясының жедел жеткіліксіздігі, тыныстың тарылуы. Емі Симптоматикалық және демеуші ем ұсынылады. Нимесулидтің өзіне тән антидоты жоқ. Препаратпен артық дозалану симптомдарымен ауруханаға түскен пациенттерге (оны қабылдағаннан кейін немесе жоғары дозаларын қабылдағаннан кейін 4 сағат ішінде) асқазанды шаю, белсендірілген көмір (ересектерге — 60-100 мг) және/немесе іш жүргізетін осмостық типтегі дәрілер қабылдау ұсынылады. Бауыр және бүйрек функцияларын жүйелі бақылау қажет. Гемодиализдің көмегімен нимесулидті шығарудың мүмкіндігі жөнінде деректер жоқ. Қарқынды диурез, гемодиализ препараттың ақуыздармен байланысуының жоғары болуына байланысты тиімді емес.

Сақтықпен: жүректің ишемиялық ауруы (ЖИА), жүрек жеткіліксіздігі, гипертензия, дислипидемия/гиперлипидемия, қант диабеті, шеткері артериялар аурулары, геморрагиялық диатез, шылым шегу, бүйрек жеткіліксіздігі (КК 30-60 мл/мин), анамнезінде асқазан-ішек аурулары (ойық жаралы колит, Крон ауруы), егде жас, ҚҚСП ұзақ қолдану, антикоагулянттарды (соның ішінде варфарин), антиагреганттарды (соның ішінде АСҚ, клопидогрел), пероральді глюкокортикостероидтарды (ГКС), серотонинді кері қармаудың селективті тежегіштері (соның ішінде циталопрам, флуоксетин, пароксетин, сертралин) бір мезгілде қабылдау. Жағымсыз әсерлердің даму қаупін төмендету үшін препарат тиімділігі ең төмен дозада барынша қысқа уақытқа қолданылу керек. Симптоматикада оң динамика болмаған жағдайда препаратпен емдеуді тоқтату керек. Нимесулид алған және тұмауға немесе суық тиюге ұқсас симптомдары дамыған пациенттер препаратпен емдеуді тоқтатуы тиіс. Бауыр жеткіліксіздігі Құрамында нимесулид бар дәрілік препараттарды қолдануға байланысты бауыр тарапынан күрделі реакциялардың, соның ішінде өліммен аяқталатын өте сирек жағдайлар жөнінде мәлімдемелер бар. Нимесулид қабылдап жүрген пациенттерде бауырдың зақымдануын (мысалы, анорексия, жүректің айнуы, құсу, іштің ауыруы, қатты қажу, несептің күңгірттенуі), немесе «бауыр» трансаминазалары деңгейінің жоғарылауын көрсететін симптомдар пайда болғанда, препарат қабылдауды тоқтатқан жөн. Мұндай пациенттерге нимесулидті қайталап тағайындауға болмайды. Препараттың қысқа мерзімдік әсерінен кейін көп жағдайларда қайтымды болатын бауырдың зақымдануы жөнінде мәлімделді. Немулекс® препаратын және басқа да ҚҚСП, соның ішінде циклооксигеназа-2-нің селективті тежегіштерін қатар қолдануға жол бермеген жөн. Немулекс® препаратымен емдеу кезінде басқа анальгетиктерді қабылдаудан бой тарту ұсынылады. Бүйрек жеткіліксіздігі Бүйрек немесе жүрек функциясы бұзылған пациенттерге препаратты сақтықпен тағайындау қажет, себебі нимесулидті қолдану бүйрек функциясының нашарлауына әкеп соғуы мүмкін. Бүйрек функциясы нашарлаған жағдайда препаратты тоқтату керек. Егде жастағы пациенттерде ҚҚСП-да жағымсыз реакциялар жиілігі, әсіресе, асқазан-ішектен қан кету, перфорация, жүрек, бүйрек және бауыр функциясының бұзылуы, және тесілу жиілігі (кейбір жағдайларда тіпті өліммен аяқталатын) жоғарылайды. Сондықтан тұрақты клиникалық бақылау ұсынылады. Қант диабеті Препараттың құрамына сахароза кіреді, мұны қант диабетінен зардап шегетін пациенттерге (бір пакетте 0,15 ХЕ) және төмен калориялы диетаны сақтайтын адамдарға ескеру керек. Препарат сирек тұқым қуалайтын фруктоза көтере алмаушылығы, глюкоза/галактоза мальабсорбциясы немесе сахараза-изомальтаза жеткіліксіздігі бар пациенттерге тағайындалмауы тиіс. Асқазан-ішек жолы тарапынан бұзылулар Барлық ҚҚСП қатысты емдеу кезінің кез келген уақытында орын алуы мүмкін және пациенттердің өміріне қауіп төндіруі мүмкін – ізашар симптомдары туындауымен немесе онсыз анамнезінде асқазан-ішек жолы тарапынан елеулі бұзылулары бар немесе онсыз, асқазан-ішек жолдарынан қан кету, ойық жара және перфорация туралы хабарланған. Асқазан-ішектен қан кету, ойық жара немесе перфорация пайда болу қаупі анамнезінде ойық жарасы, әсіресе қан кетумен немесе перфорациямен асқынған пациенттерде («Қолдануға болмайтын жағдайлар» бөлімін қараңыз), сондай-ақ егде жастағы пациенттерде ҚҚСП дозасын арттырғанда жоғарылайды. Мұндай пациенттерді емдеуді мүмкіндігінше өте төмен дозадан бастау керек. Осы пациенттерге қатысты, сондай-ақ аспиринді төмен дозаларда немесе асқазан-ішек жолдары тарапынан патология пайда болу қаупін арттыратын басқа препараттарды бір мезгілде қабылдап жүрген пациенттерді протектор препараттармен (мысалы, мизопростолды немесе протонды сорғы тежегіштерін) біріктірілімде емдеу мүмкіндігін қарастырған жөн («Басқа дәрілік препараттармен өзара әрекеттесуі» бөлімін қараңыз). Анамнезінде уытты сипаттағы асқазан-ішек жолының патологиясы бар пациенттер, әсіресе егде жастағы адамдар, асқазан-ішек жолы тарапынан әдеттегідей емес кез келген симптомдар жөнінде (әсіресе асқазан-ішек жолдарынан қан кетулер жөнінде) мәлімдеп отыруы тиіс. Бұл әсіресе емдеудің бастапқы сатыларында маңызды. Асқазан-ішек жолдарында қан кету, ойық жараның түзілуі/перфорация – ізашар симптомдары туындауымен, сондай-ақ онсыз, сондай-ақ анамнезінде асқазан-ішек жолы тарапынан патологияның болуына немесе болмауына қарамастан кез келген уақытта емдеу аясында дамиды. Асқазан-ішек жолында қан кету немесе ойық жара дамығанда нимесулидпен емдеуді дереу тоқтату керек. Нимесулидті асқазан-ішек жолдарының ауруларымен, пептикалық ойық жараны қоса алғанда, анамнезінде асқазан-ішек жолында қан кетудің болуын, спецификалық емес ойық жаралы колит пен Крон ауруын («ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз) сақтықпен тағайындау керек. Ойық жара немесе қан кету туындау қаупін арттыруы мүмкін қатарлас препараттар, мысалы, пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе аспирин сияқты антитромбоцитарлық дәрілер қабылдайтын пациенттер препаратты қабылдау кезінде сақтық шарасының қажеттілігі туралы хабардар болуы тиіс. Асқазан-ішектен қан кету немесе ойық жара пайда болғанда препарат емін тоқтатқан жөн. Анамнезінде асқазан-ішек аурулары бар пациенттерге (спецификалық емес ойық жаралы колит, Крон ауруы) ҚҚСП сақтықпен тағайындау керек, себебі бұл аурулардың өршуі мүмкін («ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз). Егде жастағы пациенттер: егде жастағы пациенттерде ҚҚСП жағымсыз реакциялардың– әсіресе асқазан-ішек жолдарындағы қан кету және перфорация сияқтылардың (кейбір жағдайларда өмірге қауіп төндіруі мүмкін) жиілігі артуы мүмкін («ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз). Сондықтан осы пациенттерге тиісті клиникалық бақылауда болу ұсынылады. Жүрек-қантамыр және цереброваскулярлық жүйелер тарапынан бұзылулар Анамнезінде артериялық гипертензия және/немесе ҚҚСП қолдану аясында организмде сұйықтықтың іркілуі және ісіну пайда болатын ауырлығы жеңіл/орташа дәрежедегі жүректің іркілісті жеткіліксіздігі бар пациенттерге жай-күйіне тиісті бақылау жүргізу және дәрігерден кеңес алу талап етіледі. Клиникалық зерттеулер және эпидемиологиялық деректер кейбір ҚҚСП қолдану, әсіресе жоғары дозада және ұзақ қолданғанда, артериялық тромбоздық оқиғалардың (мысалы, миокард инфарктісі немесе инсульт) пайда болуының аздаған қаупіне әкелуі мүмкін деген қорытынды жасауға мүмкіндік береді. Нимесулидті қолдану кезінде мұндай қауіпті жоққа шығару үшін деректер жеткіліксіз. Бақыланбайтын артериялық гипертензиясы, жүректің іркілісті жеткіліксіздігі, анықталған ишемиялық жүрек ауруы, шеткері артериялар ауруы және/немесе цереброваскулярлық ауруы бар пациенттерге нимесулидті жағдайды мұқият бағалағаннан кейін тағайындау керек. Жүрек-қантамыр ауруларының даму қаупі факторлары бар (мысалы, артериялық гипертония, гиперлипидемия, қант диабеті, шылым шегу кезінде) пациенттерді ұзақ уақыт емдеуді бастамас бұрын дәл осындай мұқият бағалау орындалуы тиіс. Нимесулид тромбоциттер функциясына әсер етуі мүмкін болғандықтан, оны геморрагиялық диатезі бар пациенттерге абайлап тағайындау керек. Алайда, жүрек-қан тамырлары ауруларының профилактикасында Немулекс® ацетилсалицил қышқылын алмастыра алмайды. Тері жабыны тарапынан реакциялар ҚҚСП қатысты эксфолиативті дерматит, Стивенс–Джонсон синдромы, сондай-ақ уытты эпидермальді некролизді қоса алғанда, кейбірі өліммен аяқталған күрделі тері реакцияларының дамуының өте сирек жағдайлары туралы деректер бар («ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз). Шамасы, бұл реакциялардың пайда болуының көбірек қаупіне пациенттер емнің басында бейім келеді және бұл реакциялар емдеудің бірінші айында жиі орын алады. Тері бөртпесі, шырышты қабықтардың зақымдану белгілері немесе басқа да аса жоғары сезімталдық симптомдары пайда болған кезде, Немулекс® тоқтатылу керек. Нимесулидті қолдану кезінде тіркелген дәрілік бөртпе (ТДБ) жағдайлары туралы хабарланды. Нимесулидті анамнезінде нимесулидпен байланысты ТДБ бар пациенттерге қайта тағайындауға болмайды («ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар» бөлімін қараңыз.) Немулекс® препаратының құрамында сахароза бар. Бұл препарат фруктоза жақпаушылығының сирек тұқым қуалайтын проблемалары, глюкоза-галактозаның мальабсорбциясы немесе сахароза-изомальтозаның жеткіліксіздігі бар пациенттерге қарсы көрсетілімді. Арнайы сақтандырулар Педиатрияда қолдану Немулекс®18 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезінде Немулекс®препаратын қолданған кезде автокөлікті жүргізу және жоғары зейін қоюды және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақтық шараларын орындау қажет.

Жүктілік Немулекс® препаратын жүктілік кезінде қолдануға болмайды. Простагландин синтезін тежейтін, ҚҚСП класындағы басқа да препараттар сияқты, нимесулид жүктілік ағымына және/немесе эмбрионның дамуына кері әсер етуі мүмкін және артериялық түтіктің мерзімінен бұрын жабылуына, шарананың өкпе артериясы жүйесіндегі гипертензияға, шаранадағы олигоуриясымен бүйрек жеткіліксіздігіне ауысуы мүмкін бүйрек функциясының бұзылуына, қан кету қаупінің артуына, жатырдың контрактивтілігінің төмендеуіне, анасында шеткері ісінулердің пайда болуына әкелуі мүмкін. Эпидемиологиялық зерттеулер барысында алынған деректер өздігінен түсік тастау қаупінің, простагландин синтезін бөгейтін дәрілерді жүктіліктің ерте мерзімінде қолданғанда жүрек ақауы мен гастрошизистің пайда болу қаупінің ұлғаю мүмкіндігін растайды. Жүрек-қантамыр жүйесінің аномалиясы дамуының абсолютті қаупі шамамен 1%- дан 1,5%-ға дейін артады. Дозаның ұлғаюымен және қолдану ұзақтығымен қауіп артады деп саналады. Жүктіліктің 20-сыншы аптасындағы әйелдерге ҚҚСП қолдану су аздығына және/немесе жаңа туған нәрестелердегі бүйрек патологиясы (неонатальді бүйрек дисфункциясы) дамуына әкелуі мүмкін. Лактация Бала емізу кезеңінде Немулекс® препаратын қолдануға болмайды. Нимесулидтің емшек сүтіне енуі туралы деректер жоқ. Фертильділік Нимесулидті қолдану әйел фертильділігіне кері әсер етуі мүмкін және жүктілікті жоспарлайтын әйелдерге ұсынылмайды. Жүктілікті жоспарлау кезінде емдеуші дәрігермен кеңесу қажет.

Немулекс® препаратын кортикостероидтармен, антитромбоцитарлы дәрілермен және серотонинді кері қармаудың селективті тежегіштерімен (SSRIs) бір мезгілде қабылдау асқазан-ішек ойық жарасының немесе қан кетулердің пайда болу қаупін арттырады. Варфаринді немесе соған ұқсас антикоагулянттарды, сондай-ақ ацетилсалицил қышқылын қолданып жүрген пациенттерде Немулекс® препаратын бір мезгілде қолданғанда қан кетудің пайда болу қаупі жоғары болады. Сондықтан мұндай біріктірілім ұсынылмайды, ал қанның ұюы бұзылуының ауыр түрлерінде оны қолдануға болмайды. Егер мұндай біріктірілімді қолданбасқа болмаса, қанның ұю жүйесінің жағдайын жүйелі бақылап отыру қажет. Немулекс® диуретиктердің және гипертензияға қарсы басқа да препараттардың әсерін төмендетуі мүмкін. Немулекс® препаратын және АӨФ тежегіштерін, ангиотензин II антагонистерін немесе циклооксигеназа жүйесін төмендететін заттарды бүйрек функциясының бұзылуы бар кейбір пациенттерде бірге тағайындағанда бүйрек функциясы әрі қарай нашарлауы және, әдеттегідей қайтымды болатын бүйрек функциясының жедел жеткіліксіздігі пайда болуы мүмкін. Сондықтан осы препараттарды бірге қабылдауды, әсіресе егде жастағы пациенттер үшін, абайлап тағайындаған жөн. Пациенттер сұйықтықты жеткілікті мөлшерде қабылдауы тиіс, ал бүйрек функциясын біріктірілген емді бастағаннан кейін мұқият бақылаған жөн. Дені сау еріктілерде нимесулид фуросемидтің диуретиктік әсерін және натрийдің, және аз дәрежеде калийдің шығарылуын уақытша төмендетуі мүмкін, сондықтан бүйрек немесе жүрек функциялары бұзылған пациенттерге нимесулидті және фуросемидті бір мезгілде қолданғанда аса сақтық танытқан жөн. Нимесулидті және фуросемидті біріктіріп қабылдау «концентрация - уақыт» қисығы астындағы ауданның (AUC) азаюына (шамамен 20%-ға) және фуросемидтің бүйректік клиренсінің өзгеруінсіз жинақталған фуросемид экскрециясының төмендеуіне әкеледі. Немулекс®литий клиренсін азайтуы мүмкін, бұл қан плазмасында литий деңгейінің және оның уыттылығының жоғарылауына әкеледі. Немулекс® препаратын литий препараттарымен ем қабылдап жүрген пациенттерге тағайындағанда плазмадағы литий деңгейін жиі бақылауды жүзеге асырған жөн. Глибенкламидпен, теофиллинмен, варфаринмен, дигоксинмен, циметидинмен және антацидті препараттармен бір мезгілде қолданғанда клиникалық тұрғыдан маңызды өзара әрекеттесулер байқалған жоқ. Нимесулид CYP2C9 ферментінің белсенділігін бәсеңдетеді. Немулекс® препаратымен осы ферменттің субстраттары болып табылатын дәрілерді бір мезгілде қабылдағанда плазмада осы препараттардың концентрациясы жоғарылауы мүмкін. Немулекс® препаратын метотрексатты қабылдаудан 24 сағаттан аз бұрын немесе қабылдаудан кейін 24 сағатқа жеткізбей тағайындағанда сақ болу қажет, өйткені мұндай жағдайларда плазмадағы метотрексат деңгейі, тиісінше, осы препараттың уытты әсерлері жоғарылауы мүмкін. Циклоспоринмен бір мезгілде қолданғанда соңғысының нефроуыттылығы жоғарылауы мүмкін. Іn vitro зерттеулер нимесулидтің толбутамидпен, салицил қышқылымен және вальпрой қышқылымен байланысқан жерінен ығысатындығын көрсетті. Қан плазмасында осы өзара әрекеттесулердің анықталғанына қарамастан, көрсетілген әсерлер препаратты клиникалық қолдану үдерісінде байқалған жоқ. Немулекс® препаратымен емдеу кезінде гепатоуытты әсері бар препараттармен бір мезгілде қолдануға, сондай-ақ алкогольді шамадан тыс тұтынуға жол бермеген жөн, өйткені бұл заттар бауыр тарапынан жағымсыз реакциялардың пайда болу қаупін арттыруы мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек! Дайындалған суспензияны сақтау керек емес.