Неомицин аэрозоль 11.72 мг/г

1 баллон препарат, 16 г ішінде белсенді зат – 187.50 мг неомицин сульфаты (неомицинге шаққанда), қосымша заттар: сорбитан триолеаты, лецитин, изопропилмиристат, пропеллент (пропан/бутан/изобутан). 1 баллон препарат, 32 г ішінде белсенді зат – 375.00 мг неомицин сульфаты (неомицинге шаққанда), қосымша заттар: сорбитан триолеаты, лецитин, изопропилмиристат, пропеллент (пропан/бутан/изобутан). Сыртқы түрінің, иісінің, дәмінің сипаттамасы Ақ немесе ақ дерлік түсті біртекті суспензия.

3-7 күннен аспайтын қысқа мерзімді қолдану үшін: • Неомицинге сезімтал микроорганизмдер туындатқан терінің инфекциялық-қабыну ауруларында (оның ішінде фурункулез, контагиозды импетиго); • Инфекция жұққан күйіктер және I және дәрежелі үсуде.

Нұсқаулықта көрсетілмеген.

Дозалау режимі Препарат тек сыртқа қолдануға (теріге) арналған. Қолданар алдында баллонды бірнеше рет сілку керек. Зақымданған бөліктерді баллонды тіке, бүркетін басын жоғары ұстап тұрып, 15 cм бастап 20 см дейінгі арақашықтықта 3 секунд бойы аэрозольмен суландырады. Ескерту: Көзді шашыратқан заттан қорғау керек. Шашыратқан затты деммен ішке тартуға болмайды. Препаратты қолданғаннан кейін әрдайым қолды сабындап сумен мұқият жуу қажет. Қабылдау уақыты көрсетілген қолдану жиілігі Бірдей уақыт аралығымен тәулігіне 2-ден 3 ретке дейін қолдану керек. Емдеу ұзақтығы Пациентке препаратты дәрігердің кеңесінсіз 7 күннен артық қолдануға болмайды. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Неомицин препаратын қолданар алдында препаратты қолдану тәсілін түсіндіру үшін медицина қызметкерінен кеңес алу ұсынылады.

• неомицинге немесе препараттың қосымша компоненттеріне жоғары сеізмталдық; • тері бүтіндігінің бұзылуы, ауқымды зақымданған аудан, жаққан орынның сулануы, трофикалық ойық жаралар; • шырышты қабаттарға қолдануға болмайды; • басқа ото- және нефротоксикалық препараттармен бір мезгілде қолдану; • 18 жасқа дейінгі жасөспірімдер және балалар; • және бала емізу кезеңі.

–неомицин терінің үлкен, әсіресе зақымданған беткейлеріне ұзақ қолданған кезде қанға сіңуі және неомициннің жүйелі әсеріне тән жағымсыз реакцияларын – мысалы, естудің және (немесе) бүйректің зақымдануын туындатуы мүмкін; –сыртқа қолданғанда препараттың аппликациясы орнында аллергиялық реакциялар (мысалы, қышыну, бөртпе, қызаруы, ісінуі) болуы мүмкін; –ұзақ қолданған кезде жанаспалы аллергияны туындатуы мүмкін Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің» РММ «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты терінің ауқымды бөлігіне үлкен дозада, окклюзиялық таңғыш астына немесе зақымданған теріге қолдану неомициннің қанға сіңуін және жүйелік әсерін туындатуы мүмкін («Айрықша нұсқауларын» қараңыз). Препараттың артық дозалану симптомдары препараттың сыртқа қолданылуымен байланысты жағымсыз реакциялардың күшеюі, сондай-ақ неомицинді жалпы қолдануға тән жағымсыз әсерлер (отоуытты, нефроуытты әсері) болуы мүмкін. Емі: препарат қолдануды бірден тоқтату және оны организмнен жылдам шығаруға әрекет жасау керек. Емі – симптоматикалық. Препаратты кездейсоқ ішке қабылдап қойған жағдайда дереу дәрігерге немесе жақын маңдағы медициналық жедел жәрдем пунктіне көріну керек. Медицина қызметкерлері қандай дәрілік препарат қолданылғанын нақты анықтай алуы үшін өзімен бірге түпнұсқалық қаптамадағы препаратты ала бару қажет.

Препарат тек сыртқа қолдануға (теріге) арналған. Қолданар алдында баллонды бірнеше рет сілку керек. Препаратты ашық оттың жанында қолдануға болмайды. Қысымдағы баллон. Баллонды тесуге және қыздыруға болмайды. Толық босаған баллонды тастау керек. Көзді шашыратқан заттан қорғау керек. Шашыратқан затты деммен ішке тартуға болмайды. Препаратты қолданғаннан кейін әрдайым қолды сабындап сумен мұқият жуу қажет. ПРЕПАРАТ ЖЕҢІЛ ТҰТАНАДЫ, БАЛЛОНДЫ ОТТАН САҚТАУ КЕРЕК! Арнайы сақтандырулар Препарат тек қана теріге қолдануға арналған. Препараттың шырышты қабықтармен жанасуын болдырмаған жөн. Көзді аэрозольдің әсерінен қорғау қажет. Препаратты көзге және шырышты қабықтарға тигізіп алған жағдайда, оларды бөлме температурасындағы сумен мұқият жуу қажет. Шашыратқан затты деммен ішке тартуға болмайды. Теріге препарат жағылған жерді бинттеуге және препаратты окклюзиондық таңғыш астына қолдануға болмайды. Окклюзиондық таңғышты қолдану қанға препараттың тері арқылы өтуін елеулі күшейтеді. Егер препараттың аппликациясы орнында терінің тітіркенуі пайда болса, препарат қолдануды тоқтату керек. Препараттың қанға сіңу және неомициннің жүйелік әсер етуіне тән жағымсыз реакциялардың (мысалы, есту мүшелері мен бүйрекке зақымдаушы әсер етуі) пайда болу мүмкіндігін ескере отырып, препаратты терінің ауқымды беткейіне, әсіресе зақымданған теріге қолдануға болмайды. Жоғарыда көрсетілген жағымсыз әсерлер пайда болған жағдайда препарат қолдануды бірден тоқтатып, дәрігермен кеңесу керек. Препаратты ұзақ қолдану неомицинге төзімді бактериялар мен зеңдер штаммдарының көбеюіне әкелуі мүмкін. Неомицинге сезімтал емес бактериялар немесе зеңдер туындатқан инфекциялар дамыған жағдайда бактерияларға қарсы немесе зеңге қарсы сәйкес ем қолданған жөн. Дәрілік препаратты бүйрек функциясы бұзылған немесе есту қабілеті бұзылған пациенттерде аса сақтықпен қолдану керек. Бүйрек функциясы бұзылған науқастарда препараттың нефротоксикалық және ототоксикалық әсер ету қаупі артады. Педиатрияда қолдану Препаратты балаларға қолданудың қауіпсіздігі анықталмаған.

Неомициннің ықтимал жүйелік әсерінің (нефроуытты және/немесе ототоуытты әсері) қаупіне байланысты жүктілік және лактация кезінде қолдануға болмайды. Лактация кезеңінде препаратты қолдану қажет болғанда, емшекпен қоректендіруді тоқтату керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың автокөлікті басқару және механикалық жабдықтармен қызмет көрсету қабілетіне қатысты деректер жоқ.

Қазіргі кезде немесе соңғы кезде қабылдап жүрген, оның ішінде рецептісіз босатылатын барлық препараттар туралы дәрігерге хабарлау қажет. Неомицинмен ықтимал дәрілік өзара әрекеттесуді болдырмау үшін басқа препараттарды дәрігермен келіскеннен кейін ғана қолдануға болады. Екі немесе одан да көп препараттарды бір мезгілде жергілікті қолдану ұсынылмайды, себебі бұл қолданылатын жердегі белсенді заттардың концентрациясына әсер етуі немесе терінің қызаруына әкелуі мүмкін. Препаратты бүйрекке және есту мүшелеріне зақымдайтын әсер беруі ықтимал препараттармен бір мезгілде ұзақ қолдану (мысалы, гентамицин, этакрин қышқылы, колистин) неомициннің уыттылығын күшейтуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 C-ден аспайтын температурада сақтау керек. Балалардың қолы жетпейтін жерде сақтау керек!