Неотон порошок 1 г

Бір құтының ішінде белсенді зат – фосфокреатиннің натрий тұзы 1.0 г. Сыртқы түрінің, иісінің, дәмінің сипаттамасы Ақ кристалды ұнтақ.

Кардиоплегиялық ерітінділерге қосымша кардиохирургиядағы кардиопротекция.

Фосфокреатин бұлшықеттің жиырылу механизмін энергиямен қамтамасыз етуде маңызды рөл атқарады. Миокардта және қаңқа бұлшықеттерінде фосфокреатин АТФ ресинтезі үшін қолданылатын химиялық энергияның резерві болып табылады, оның гидролизі кезінде актиномиозин кешенінің жиырылу процесінде пайдалануға дайын энергия пайда болады. Миокард деңгейінде жасушалардың зақымдануының дамуы мен дамуындағы негізгі компонент тотығу метаболизмінің баяулауы нәтижесінде энергияның жеткіліксіз берілуі болып табылады: фосфокреатиннің жеткіліксіз деңгейі клиникалық тұрғыдан өте маңызды, өйткені жүректің жиырылу күші мен функционалды тұрақтылығы төмендейді. Миокард зақымданған кезде жасушалардағы жоғары энергиялы фосфорланған қосылыстардың құрамы, жасушалардың өмір сүруі және жиырылу функциясын қалпына келтіру мүмкіндігі арасында тығыз өзара байланыс бар. Осыған байланысты жоғары энергиялы фосфорланған қосылыстарды сақтау миокардтың зақымдануын шектеуге бағытталған кез-келген процедураның негізгі міндеті болып табылады және жүректің метаболизмдік қорғанысының негізі болып табылады.

Дозалау режимі Фосфокреатин әдеттегі кардиоплегиялық ерітінділерде 10 ммоль/л концентрациясында қолданылады. 1 құтының ішіндегісін ұзақтығы 45-60 минут вена ішіне инфузия түрінде енгізеді. Миокардты қорғау үшін кардиохирургияда препаратты стандартты кардиоплегиялық ерітінділер құрамында (мөлшері 3 г препаратты 1 л кардиоплегиялық ерітіндіде ерітеді) 10 ммоль/л концентрациясында қолданылады. Операция жүргізер алдында 3-5 күн ішінде және хирургиялық араласулардан кейінгі 1-2 күн ішінде 2 г дозада күніне екі рет вена ішіне инфузия курсын жүргізу ұсынылады. Енгізер алдында ұнтақты еріткіште ерітеді; еріткіш ретінде инъекцияға арналған суды, 0.9 % натрий хлоридінің ерітіндісін немесе 5 % глюкоза ерітіндісін пайдалануға болады. Хирургиялық емшараларда препаратты қолданған кезде оны кардиоплегиялық ерітінділерге қосу ұсынылады. Енгізу әдісі мен жолы Вена ішіне.

• препаратқа аса жоғары сезімталдық • созылмалы бүйрек жеткіліксіздігі (жоғары дозаларды енгізгенде тәулігіне 5-10 г)

Нұсқаулықта көрсетілмеген.

Белгілі антидоттардың болмауына байланысты симптоматикалық ем жүргізуге жол беріледі. Жағымсыз реакциялардың сипаттамасы Белгісіз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Арнайы ескертулер Препаратты 1 г фосфокреатиннен асатын дозада вена ішіне тез енгізу қан қысымының төмендеуіне әкелуі мүмкін. Препараттың жоғары дозаларын енгізу (тәулігіне 5-10 г) фосфаттардың көп мөлшерінің сіңуіне әкеледі, бұл кальций метаболизміне және гомеостазды реттеуге, бүйрек функциясына және пуриннің метаболизміне қатысатын гормондардың секрециясына әсер етуі мүмкін. Препараттың жоғары дозаларын тек жекелеген пациенттерге және қысқа уақыт ішінде тағайындауға болады. Неотон дәрілік препаратының 1 дозасы, 20 мг/мл, инфузия үшін ерітінді дайындауға арналған ұнтақтың құрамында 180 мг натрий бар, бұл ДДҰ ұсынған организмге тәуліктік ең жоғары түсімнің 9%-ына баламалы, бұл ересек адам үшін 2 г натрийге сәйкес келеді. Педиатрияда қолдану 18 жасқа дейінгі балалар мен жасөспірімдерде фосфокреатинді қолданудың қауіпсіздігі мен тиімділігі туралы деректер жоқ.

Препаратты жүктілік және лактация кезеңінде қолдануға болмайды. Жүкті немесе бала емізетін әйелдерге препаратты қолданар алдында дәрігермен кеңесу ұсынылады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат пациенттердің көлік жүргізу және механизмдермен жұмыс істеу қабілетіне әсер етпейді немесе шамалы әсер етеді.

Фосфокреатин басқа препараттармен өзара әрекеттеспейді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 0С-ден аспайтын температурада сақтау керек. Балалардың қолы жетпейтін жерде сақтау керек!