Неуробекс® - Тева капсулы

Бір капсуланың құрамында белсенді заттар: 25 мг рибофлавин, 5 мкг цианокобаламин, 10 мг пиридоксин гидрохлориді, 50 мг тиамин мононитраты, 0,5 мг фолий қышқылы, 100 мг никотинамид, 25 мг кальций пантотенаты, 175 мг аскорбин қышқылы қосымша заттар: тазартылған тальк, сусыз коллоидты кремнийдің қостотығы, картоп крахмалы, сусыз кальций гидрофосфаты, магний стеараты капсула корпусының құрамы: понсо 4R (Е124), хинолинді сары (Е104), FD&C Yellow 6 бояғышы (Е110), титанның қосотығы (Е171), желатин капсула қақпақшасының құрамы: бриллиантты қара BN (Е151), желатин. Сыртқы түрінің, иісінің, дәмінің сипаттамасы Корпусы қызыл-сары түсті және қақпақшасы қара түсті 0EL өлшемді қатты желатинді капсулалар. Капсулалардың ішіндегісі – сары-қызғылт-сарыдан сары-қоңыр түске дейінгі ұнтақ.

Неуробекс® - Тева препараты тамақтануды түзету арқылы жою мүмкін болмайтын, В тобы дәрумендерінің дәлелденген тапшылығынан туындаған неврологиялық бұзылыстарды емдеу кезінде қолданылады.

Әсер ету механизмі Құрамында В тобының дәрумендері және аскорбин қышқылы бар біріктірілген полидәруменді препарат. Фармакологиялық әсері препараттың құрамына кіретін дәрумендердің қасиетінен туындаған. Фармакодинамикалық әсерлері Тиамин (В1 дәрумені) адам организмінде фосфорлану процесінің нәтижесінде кокарбоксилазаға айналады, ол көптеген ферменттік реакциялардың коферменті болып табылады. Тиамин көмірсу, ақуыз және май алмасуында маңызды рөл атқарады. Ол синапстардағы жүйкелік қозуды өткізу үдерістеріне белсене қатысады. В1 дәруменінің тапшылығы сүт және пирожүзім қышқылдарының жиналуына әкеледі, соның нәтижесінде полиневриттер, бери-бери ауруы, Вернике энцефалопатиясы және Корсаков синдромы, полиневропатиялар, жүрек қызметінің бұзылуы, асқазан-ішек зақымданулары (ойық жаралы колит, созылмалы іш өту) дамуы мүмкін. Пиридоксин (В6 дәрумені) орталық және шеткері жүйке жүйесінің қалыпты қызмет етуіне қажет. Фосфорланған түрде аминқышқылдардың метаболизміне қатысатын кофермент болып табылады (декарбоксилдену, переаминдену және т.б.). Жүйке жүйесіндегі әсер ететін маңызды ферменттердің коферменті ретінде болады. Нейромедиаторлардың: допамин, норадреналин, адреналин, серотонин, гистамин және гамма-аминобутир қышқылы биосинтезіне қатысады. В6 дәруменінің тапшылығы тамақпен бірге жеткіліксіз мөлшерде қабылдағанда, ішекте сіңуі бұзылғанда, оның антагонистері болып табылатын дәрілерді қабылдағанда, сәулелік ем қабылдағанда дамуы мүмкін. Жеткіліксіздік симптомдары себорея тәрізді көз бен мұрынның айналасының зақымдануы, глоссит, стоматит; шеткері неврит, құрысулар (гамма-аминмай қышқылының концентрациясы төмен болғандықтан), өте сирек анемия болып табылады. Цианокобаламин (В12 дәрумені) қалыпты қан түзілуі үшін және эритроциттердің жетілуі үшін қажет, сондай-ақ ол организмнің тіршілігін қамтамасыз ететін бірқатар биохимиялық реакцияларға – метильді топтардың тасымалдануына, нуклеин қышқылдары мен ақуыздарының синтезіне, аминқышқылдарының, көмірсулардың, липидтердің алмасуына қатысады. Жүйке жүйесіндегі үдерістерге әсер етеді (РНҚ, ДНҚ, миелиннің синтезі және цереброзидтер мен фосфолипидтердің липидтік құрамы). Цианокобаламиннің коферменттік түрлері – метилкобаламин және аденозилкобаламин жасушалардың репликациясына және өсуіне қажет. В12 дәруменінің тапшылығы гемопоэздік және жүйке жүйелері тарапынан пайда болған симптомдармен білінеді. Гемопоэз нәтижесіз болады, эритропоэз мегалобластты болып, ал ауыр жағдайларда панцитопения дамиды. Жүйке жүйесінде демиелинизация, жұлын және ми қыртысындағы нейрондардың өлуі сияқты қайтымсыз зақымдар пайда болуы мүмкін, олар аяқ-қолдардың парестезияларымен, жүріс-тұрыстың тұрақсыздығымен, кейбір рефлекстердің бұзылуымен және кештеу сатысында – психикалық шатасу, елестеулермен, көңіл-күйдің тез ауысуымен, естен айрылуымен, көрмей қалумен және психозбен білінеді. Рибофлавин (В2 дәрумені) – жасушалық тыныс алу үдерістері және көру арқылы қабылдаудың маңызды катализаторы. Организмге түскенде рибофлавин аденозинтрифосфор қышқылымен өзара әрекеттеседі де, флавин-мононуклеотид және флавинадениннуклеотид түзеді. Соңғылары флавинпротеиндердің простетикалық топтары (коферменттері) болып табылады, сутегінің ауысуына және тотығу-тотықсыздану үдерістерінің реттелуіне қатысады. Рибофлавин көмірсу, ақуыз және май алмасуы процестеріне қатысады; ол сонымен қатар көздің қалыпты көру қызметін демеуде әрі гемоглобин синтезінде маңызды рөл атқарады. Тағамда В2 дәруменінің құрамы төмен болса немесе мүлдем болмаса адамда гипорибофлавиноз, содан соң арибофлавиноз пайда болады. Гипорибофлавинозда тәбеттің төмендеуі, дене салмағының төмендеуі, әлсіздік, бас ауыруы, терінің шымылдату сезімі, көздің ашуы, қараңғыда көрудің бұзылуы, езудің және төменгі еріннің ауыруы. Ауру дамығанда езуде сызаттар мен қабыршықтар пайда болады (былайша айтқанда бұрыштық стоматит), тіл құрғайды, ашық-қызыл түске боялады, мұрын мен еріннің қыртысында себореялы дерматит дамиды; жарықтан қорқу, конъюнктивит, блефарит пайда болады. Асқазанның сөлініс қызметін біршама арттырады (асқазан сөлінің тұз қышқылы түзілуіне қатысады), өт бөлінуін жақсартады, аш ішекте көмірсулар сіңуін жеңілдетеді, ішектің қалыпты микрофлорасын демеу үшін қажет. Никотинамид (РР немесе В3 дәрумені) тіндік тыныс алу процестеріне, май, көмірсулар, аминқышқылдары метаболизміне қатысады. Кальций пантотенаты (В5 дәрумені) асқазан-ішек жолында жеңіл сіңеді және бауырда, жүректе және бүйректе жиналады. Кальций пантотенаты (В5 дәрумені) А коэнзимінің құрамдас бөлігі ретінде көмірсулар және майлардың ацетилдену және тотығу үдерістерінде, өт қышқылдары синтезінде, гормондар синтезінде маңызды рөл атқарады. Негізінен несеп арқылы шығарылады. Фолий қышқылы (Вс дәрумені) эритропоэзге, көмірсулар метаболизміне, жасушалардың бөліну және өсу үдерістеріне қатысады. Фолий қышқылының жеткіліксіздігі қан түзудің мегалобласттық фазасының нормобласттыққа ауысуын тежейді де, мегалобласттық анемияға әкеп соқтырады. Аскорбин қышқылы (С дәрумені) тотығу-тотықсыздану үдерісін реттеуде маңызды рөл атқарады, коллаген синтезін қамтамасыз етеді, фолий қышқылының метаболизміне, сондай-ақ стероидты гормондар және катехоламиндер синтезіне қатысады. Сүйектер мен тістер қалыптасуының маңызды факторы болып табылады. Организмнің темір, бета-каротин және Е дәрумені, кальцийді сіңіруіне ықпал етеді. Қан ұйығыштығын, тамырлардың өткізгіштігін реттеуге қатысады, қан түзілуін көтермелейді. С дәрумені – өте күшті антиоксидант, ол сау жасушалардың зақымдануын туындататын бос радикалдардың әсерін әлсіретеді. Бос радикалдар зат алмасудың жағымсыз өнімі болып табылады. С дәрумені организмнің қоршаған ортаның жағымсыз факторларына төзімділігін арттырады. Сонымен қатар организмнің қарсыласуын арттырып, вирусты және бактериялық инфекциялардың алдын алады, гистамин концентрациясы (қабыну медиаторлары) төмендеуінің арқасында конъюнктиваның қызаруы және жас ағуы, мұрынның бітелуі сияқты суық тию симптомдарын жеңілдетеді. С дәрумені ой, денемен жұмыс істеу қабілетін арттырады және негізгі алмасуды белсенділендіреді.

Дозалау режимі Ересектерге тәулігіне 1 рет 1 капсуладан. Емдеу ұзақтығы жекелей анықталады. Енгізу әдісі және жолы Ішке, тамақтану кезінде немесе тамақтан кейін, шайнамай, сұйықтықтың жеткілікті мөлшерін іше отырып (бөлме температурасындағы су), қабылдайды. Емдеу ұзақтығы Қабылдау ұзақтығын дәрігер анықтайды. Емдеу аясында екі апта бойы симптомдар сақталса немесе жағдай нашарласа дәрігерге қаралу қажет. Дәрілік препараттың бір немесе бірнеше дозасын жіберіп алғанда қажетті шаралар Егер Сіз Неуробекс® - Тева қабылдауды ұмытсаңыз, кезекті қабылдау уақыты жақындамай тұрып, капсуланы мүмкіндігінше жылдам қабылдаңыз. Егер дәрінің келесі дозасын қабылдау уақыты жақындаса, жіберіп алған дозаны қабылдамаңыз. Дәрілік заттың дозасын жіберіп алғанның орнын толтыру үшін екі еселеуге болмайды! Әрі қарай препарат ұсынылған дозалау режиміне сәйкес қолданылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қабылдау бойынша сұрақтар туындаған жағдайда емдеуші дәрігермен немесе фармацевтпен хабарласыңыз.

• белсенді заттарға немесе препараттың құрамындағы қосымша заттардың қандай да біріне аса жоғары сезімталдық - жедел тромбоэмболия - эритроцитоз және эритремия - гипероксалурия - глюкоза 6-фосфатдегидрогеназа тапшылығы - қатерлі ісіктер - тромбозға бейімділік, тромбофлебит, бүйректің ауыр сипатты аурулары, асқазанның және он екі елі ішектің ойық жаралы ауруы, бауыр функциясының айқын бұзылулары, белсенді гепатит, артериялық гипертензия (ауыр түрлері), подагра, гиперурикемия, нефролитиаз, темір және мыс алмаусының бұзылулары, гиперкальциемия - 18 жасқа дейінгі балалар

Асқазан-ішек жолы тарапынан: сирек – анорексия, жүрек айнуы, іштің кебуі, метеоризм; жиілігі белгісіз – құсу, асқазанның шаншып ауыруы, диарея. Иммундық жүйе тарапынан: сирек – аллергиялық реакциялар, оның ішінде эритема, бөртпе, қышыну, есекжем, ентігу және анафилаксиялық реакциялар (оның ішінде шок), анафилаксия, қызба. Қантамырлар тарапынан: жиілігі белгісіз – қан кернеулері. Тері және тері асты шелі тарапынан: сирек - есекжем, бөртпе, экзематозды бөртпе. Аллергиялық реакциялар терідегі белгілерді және Квинке ісінуін қамтиды; жиілігі белгісіз – терінің қызаруы. Жүйке жүйесі тарапынан: бас айналуы, ұйқының бұзылуы, жоғары қозғыштық, шаршағыштық, жиілігі белгісіз – бас ауыруы. Бүйрек және несеп шығару жүйесі тарапынан: жиілігі белгісіз – несеп шығару жиілігінің артуы. Құрамында жеке компоненттердің болуына байланысты мынадай жағымсыз реакциялар боуы мүмкін: Тыныс алу жүйесі тарапынан: бронх түйілуі. Жүрек-қантамыр жүйесі тарапынан: артериялық гипертензия, миокард дистрофиясы. Қан тарапынан: глюкоза-6-фосфатдегидрогеназа жеткіліксіздігі бар пациенттерде эритроциттердің гемолизі, қан ұюының бұзылуы. Асқазан-ішек жолы тарапынан: диспепсия, қыжыл, кекіру, асқазанның ауыруы, асқазан сөлі секрециясының артуы, ұйқы безі инсулярлық аппаратының зақымдануы (қант диабетінің дамуын қоса), бүйректің гломерулярлы аппаратының зақымдануы, бүйректе және несеп шығару жолында конкременттердің түзілуі, бүйрек жеткіліксіздігі, несеп түсінің өзгеруі. Өзге жағымсыз реакциялар: гиперкальцийурия, кристаллурия, глюкозурия, ысыну сезімі, мырыш, мыс алмасуының бұзылуы, ашушаңдық, гипергидроз. Дәрілік заттың жеке компоненттерін жоғары дозада ұзақ уақыт бойы қабылдаған кезде келесі жағымсыз реакциялар пайда болуы мүмкін: гиперурикемия, глюкозаға төзімділіктің бұзылуы, гипергликемия, парестезиялар, құрысулар, аритмия, артериялық гипотензия, эритроцитопения, нейтрофильді лейкоцитоз, асқазан-ішек бұзылулары, шаштың түсуі, себорея, гиперпигментация, бүйрек жеткіліксіздігі, сарғаю, бауырдың майлы дистрофиясы, миалгия, миопатия, аспартатаминотрансфераза, сілтілік фосфатаза, лактатдегидрогеназа белсенділігінің транзиторлы артуы, электролитті теңгерімнің бұзылуы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз, Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Глюкоза-6-фосфатдегидрогеназа тапшылығы бар кейбір тұлғаларда аскорбин қышқылы ацидоздың немесе гемолитикалық анемияның дамуына әкелуі мүмкін. Аскорбин қышқылынан елеулі артық дозаланған кезде бүйрек жеткіліксіздігі дамуы мүмкін. Аскорбин қышқылы суда еритін дәрумен болып табылады, оның артық мөлшері несеппен шығарылады. Дегенмен С дәруменін үлкен дозада ұзақ уақыт бойы қолданған кезде ұйқы безінің инсулярлық аппаратының функциясы бәсеңдеуі мүмкін, бұл оның жағдайын бақылауды қажет етеді. Артық дозалану оксалатты конкременттердің тұнбаға түсу қаупімен бірге аскорбин және несеп қышқылының бүйректік шығарылуының өзгеруіне әкелуі мүмкін. Дәрілік затпен артық дозаланған кезде диспепсиялық құбылыстар, тері және шаш тарапынан өзгерістер, бауыр функциясының бұзылуы, бас ауыруы, ұйқышылдық, енжарлық, бет гиперемиясы, ашушаңдық байқалуы мүмкін. Мұндай жағдайда дәрілік затты қабылдауды тоқтатып және дәрігерге бару қажет. Жедел артық дозаланған жағдайда асқазанды шаюды жүргізу ұсынылған. Емі симптоматикалық.

Арнайы ескертулер Декомпенсацияланған жүрек жеткіліксіздігінің ауыр және жедел түрлерімен және стенокардиясы бар науқастарда препаратты аса сақтықпен қолдану қажет. Неуробекс® - Тева қабылдап жүрген кезде басқа полидәруменді препараттарды қабылдау ұсынылмайды. Препаратты құрамында дәрумендер бар басқа дәрілік заттармен бірге тағайындау ұсынылмайды, себебі соңғысы организмде артық дозалануы мүмкін. Гипероксалурияға бейімділігі бар пациенттерге, оксалаттар шығарылуының ықтимал артуына байланысты аскорбин қышқылын 1 г астам дозада қолдану ұсынылмайды. Ұзақ уақыт бойы аскорбин қышқылын көп тұтыну аскорбин қышқылының бүйрек клиренсінің артуына әкелуі, әрі қарай түсуі азайғанда немесе жылдам тоқтатқанда тапшылықтың дамуы мүмкін. Талдау жүргізген кезде (несепте глюкоза, креатинин, несеп қышқылының мөлшерін анықтау) аскорбин қышқылының бұрмаланған талдау нәтижелерін алуға ықпал ету мүмкіндігін ескеру қажет. Аскорбин қышқылының жоғары дозаларын қолдану нәжісте жасырын қанды анықтау кезінде жалған теріс нәтижелерді алуға әкелуі мүмкін. Дәрілік затты ұзақ уақыт бойы қолданған кезде бүйрек функциясын және артериялық қысымның деңгейін, сондай-ақ ұйқы безінің функциясын бақылау қажет. Анамнезде бүйрек аурулары бар пациенттерге дәрілік затты сақтықпен тағайындау керек. Қан ұюы жоғары пациенттерге дәрілік заттың үлкен дозаларын тағайындамаған жөн. Аскорбин қышқылы темірдің сіңірілуін арттыратын болғандықтан, оны жоғары дозада қолдану гемохроматоз, талассемия, полицитемия, лейкемия және сидеробластты анемиясы бар пациенттер үшін қауіпті болуы мүмкін. Организмінде темірдің мөлшері жоғары пациенттерге аскорбин қышқылының препараттарын ең төмен дозада қабылдаған жөн. Дәрілік затты сілтілік ішімдікпен бір уақытта қолдану аскорбин қышқылының сіңірілуін азайтады, сондықтан оны сілтілік минералды сумен ішпеген жөн. Дәрілік затты ықтық сусындармен (әсіресе кофе), алкогольмен қолдануға болмайды. Сондай-ақ аскорбин қышқылының сіңірілуі ішек дискинезиясы, энтерит және ахилия кезінде бұзылуы мүмкін. Дәрілік затты қант диабеті, жүректің дистрофиялық аурулары, жүрек қызметінің декомпенсациясы, жүректің ишемиялық ауруы, қан түзу ағзаларының аурулары, асқазан-ішек аурулары, өт-тас ауруы, созылмалы панкреатит, бауыр аурулары бар пациенттерге, жедел нефриті, глаукома, геморрагиялар, орташа деңгейдегі артериялық гипотензия бар пациенттерге сақтықпен қолданған жөн. Аскорбин қышқылы зертханалық зерттеулердің нәтижелеріне, мысалы, қанда глюкоза, билирубин мөлшерін, трансаминаза белсенділігін, лактатдегидрогеназаны анықтау кезінде ықпал етуі мүмкін. Несептің сары түске боялуы мүмкін, бұл қауіпсіз болып табылады және дәрілік затта рибофлавиннің болуымен түсіндіріледі. Қосымша заттар Неуробекс® - Тева құрамында аллергиялық реакциялар тудыруы мүмкін бояғыштар бар. Педиатрияда қолданылуы Дәрілік зат 18 жасқа дейінгі балаларда қолдану үшін қарсы көрсетілген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автомобильді басқару және техниканы пайдалану қабілетіне әсер етпейді.

Неуробекс® - Тева сақтықпен, әсіресе, жүктіліктің І триместрінде және дәрілік заттан күтілетін пайда шарана/бала үшін әлеуетті қауіптен асатын болса ғана дәрігердің тағайындауы бойынша қолдану қажет. В6 дәрумені емшек сүтіне өтеді және плацентарлық бөгет арқылы өтеді. В6 дәруменінің жоғары дозалары сүттің өндірілуін бәсеңдетуі мүмкін. Емшек емізуді тоқтату немесе дәрілік затты қолдану туралы шешімді ана үшін дәрілік затты қабылдау маңыздылығын ескере отырып, қабылдау қажет. Дәрілік затты қабылдау қажет болған жағдайда емшек емізуді емдеудің кезеңіне тоқтатқан жөн.

Басқа дәрілік заттарды бір уақытта қолданған жағдайда дәрігермен кеңесу қажет. Этил спирті тиаминнің сіңірілуін күрт азайтады. Тиаминнің 5-фторурацилмен, соңғысының тиаминді фосфорлауды бәсекелі тежеу нәтижесінде белсенділігі жойылады. Фуросемидпен ұзақ уақыт бойы емдеген кезде тиаминнің бүйрек экскрециясының артуы мүмкін. В6 дәрумені кейбір дәрілік препараттардың метаболизміне ықпал етеді. В6 дәруменінің жоғары дозалары леводопаның паркинсонға қарсы әсерін төмендетеді. Бұл дәрумен леводопаның шеткері декарбоксилденуін күшейтеді және осылайша Паркинсон ауруын емдеу кезінде оның тиімділігін төмендетеді. Ол осы туберкулезге қарсы дәрілерден туындаған сидеробластты анемияны түзей отырып, изониазид пен тиосемикарбазондардың антагонисті болып табылады. Пеницилламинді ұзақ уақыт бойы қабылдау В6 дәрумені тапшылығының дамуына әкелуі мүмкін. Гидралазин және циклосерин де оның антагонистері болып табылады және В6 дәруменін олармен бір уақытта қолдану осы дәрілік заттар туындататын жағымсыз неврологиялық реакцияларды азайтады. В6 дәруменінің мөлшері пероральді контрацептивтік дәрілермен бір уақытта қабылдаған кезде азаяды. Колхицин, этил спирті және неомицин В12 дәруменінің сіңірілуін басады. Бигуанидин типті пероральді диабетке қарсы дәрілер, р-аминсалицил қышқылы, сондай-ақ хлорамфеникол және С дәрумені дәруменнің сіңірілуімен интерференциялайды. С дәрумені парацетамолдың жартылай шығарылу кезеңін арттырады, темірдің сіңірілу деңгейін арттырады және амфетаминнің бүйректік шығарылуын арттырады. Плазмадағы аскорбаттың концентрациясы темекі шеккен кезде және пероральді контрацептивтерді қабылдаған кезде төмендейді. Бүйрек жеткіліксіздігі кезінде пероральді С дәрумені алюминийдің сіңірілуін арттырады, оның концентрациясы уытты деңгейге жетуі мүмкін. Алюминий гидроксидін және аскорбин қышқылын бір уақытта қолдану бүйрек функциясы орташа пациенттерде алюминий сіңірілуінің артуын күшейтуі мүмкін. Аскорбин қышқылын амигдалинмен (баламалы медицина) бірге қабылдау цианидтердің уыттылығына әкелуі мүмкін. Аскорбин қышқылы темірдің шығарылуын арттыру үшін дефероксаминмен бірге пайдаланылуы мүмкін. Әйтсе де, емдеудің ерте сатысында тіндерде темірдің артық мөлшері бар кезде аскорбин қышқылы темірдің уыттылығын, әсіресе жүректе, арттыруы мүмкін екендігінің кейбір дәлелдемелері бар. Осылайша, аскорбин қышқылын дефероксаминмен емдеуді бастағаннан кейін бірінші айдың ішінде тағайындамаған жөн.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!