Нефротект раствор

Бір литр препараттың құрамында белсенді заттар: — L-изолейцин — - — 5.800 г, L-лейцин — - — 12.800 г, L-лизин ацетаты (L-лизинге баламалы) — - — 16.925 г, (12.000 г) L-метионин — - — 2.000 г, L-фенилаланин — - — 3.500 г, L-треонин — - — 8.200 г, L-триптофан — - — 3.000 г, L-валин — - — 8.700 г, L-аргинин — - — 8.200 г, L-гистидин — - — 9.800 г, L-аланин — - — 6.200 г, N-ацетил-L-цистеин (L-цистеинге баламалы) — - — 0.540 г, (0.400 г) Глицин — - — 5.305 г, L-пролин — - — 3.000 г, L-серин — - — 7.600 г, L-тирозин — - — 0.600 г, Глицил-L-тирозин сусыз (глицилге / L-тирозинге баламалы), — - — 3.155 г, (0.994 г/2.400 г) қосымша заттар: мұзды сірке қышқылы, алма қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір немесе сәл бозаңданатын түссізден бозғылт-сары түске дейінгі ерітінді

Препарат пероральді немесе энтеральді қоректену мүмкін болмаған жағдайда бүйрек жеткіліксіздігі бар пациенттерде парентеральді қоректену режимінің компоненті ретінде организмді амин қышқылдарымен қамтамасыз етуге арналған. Препаратты диализде жүрген пациенттерді қоса, оның ішінде диализ кезінде де жедел және созылмалы бүйрек жеткіліксіздігі бар пациенттерге пайдалануға болады.

Нұсқаулықта көрсетілмеген.

Дозалау режимі Препарат тек стационар жағдайында ғана вена ішіне ұзақ енгізуге арналған. Доза пациенттің жеке қажеттілігіне қарай таңдалуы тиіс. Егер басқасы көрсетілмесе, жедел және созылмалы бүйрек жеткіліксіздігі бар пациенттерде: - диализ алмайтын пациенттер: тәулігіне 1 кг дене салмағына 0,6–0,8 г амин қышқылдары, 6–8 мл/кг дене салмағына/тәулігіне сәйкес келеді, - диализ алатын пациенттер: тәулігіне 1 кг дене салмағына 0,8-1,2 г амин қышқылдары, 8–12 мл/кг дене салмағына/тәулігіне сәйкес келеді, - ұзақ гемодиализ алатын пациенттерде интрадиализдік парентеральді қоректену үшін: 1 кг дене салмағына диализге 0,5–0,8 г амин қышқылдары, 5–8 мл/кг дене салмағына/диализге сәйкес келеді. Ұсынылатын ең жоғары тәуліктік доза: 1 кг дене салмағына 0,8–1,2 г амин қышқылдары, 8–12 мл/кг дене салмағына немесе дене салмағы 70 кг пациенттер үшін 560–840 мл сәйкес келеді. Ұсынылатын ең жоғары инфузия жылдамдығы: Парентеральді қоректену: 1 кг дене салмағына сағатына 0,1 г амин қышқылдары Интрадиализдік қоректену: 1 кг дене салмағына сағатына 0,2 г амин қышқылдары Нефротект толық парентеральді қоректену үшін мына препараттармен – энергия көздерімен (көмірсулардың ерітінділері, май эмульсиялары), электролиттермен, дәрумендермен және микроэлементтермен біріктірілімде пайдаланылуы мүмкін. Препаратты басқа да қоректендіретін заттармен тиісінше араластырғанда орталық және шеткергі веналарға енгізуге болады. Нефротектті басқа да қоректендіретін заттармен бірге жеке инфузиялық жүйе (бірнеше құты/пакетке арналған жүйе) арқылы енгізуге немесе толық парентеральді қоректену үшін басқа да ерітінділермен контейнерде араластыруға болады. Егер Нефротект интрадиализдік қоректену үшін пайдаланылса, оны диализ аппараты тамшылатқышына тікелей енгізуге болады. Амин қышқылдарын анаболикалық пайдалануды қамтамасыз ету үшін амин қышқылы ерітінділері, Нефротект препаратын қоса алғанда, әдетте көмірсулар және липидтермен біріктірілімде енгізіледі. Оған тек құрамында глюкоза бар диализат пайдалануға болатын интрадиализдік қоректену кезінде амин қышқылы қоспаларын қолдану кірмейді. Егер сарысулық креатинин 300 мкмоль/л-ден төмен түссе, стандартты аминқышқылдарының ерітіндісін қолдануға болады. Егде жастағы пациенттер мен бауыр және бүйрек жеткіліксіздігімен ауыратын пациенттер үшін препараттың дозасы мен енгізу режимі жеке белгіленеді. Қазіргі уақытта Нефротектті балалар және 18 жасқа дейінгі жасөспірімдерде қолданудың клиникалық тәжірибесі жоқ. Енгізу әдісі мен жолы Препарат вена ішіне енгізіледі. Қабылдау уақытын көрсете отырып қолдану жиілігі Препаратты қолдану жиілігі пациенттің клиникалық жағдайына байланысты және оны емдеуші дәрігер анықтайды. Емдеудің ұзақтығы Препаратты қолданудың ұзақтығы пациенттің клиникалық жағдайына байланысты және оны емдеуші дәрігер анықтайды. Дәрілік препаратты қолдану тәсілін түсіну үшін медицина қызметкерінен кеңес алуға жүгіну бойынша ұсынымдар Препарат тек стационар жағдайында ғана вена ішіне енгізуге арналған.

• препараттың әсер етуші заттарына немесе қосымша заттардың кез келгеніне тым жоғары сезімталдық • туа біткен амин қышқылдары алмасуының бұзылуы, метаболизмдік ацидоз • гемофильтрация немесе диализ кезіндегі ауыр бүйрек жеткіліксіздігі • фенилкетонурия • жедел шок • инфузиялық ем үшін жалпы қарсы көрсетілімдері: жедел өкпенің ісінуі, гипергидратация, декомпенсацияланған жүрек жеткіліксіздігі және гипотониялық сусыздану • бауырдың ауыр жеткіліксіздігі • балалар және 18 жасқа дейінгі жасөспірімдер.

Дұрыс қолданған кезде жанама әсерлері анықталған жоқ. Кез келген амин қышқылдары ерітінділерін енгізгенде сирек жағдайларда: эозинофилдер деңгейінің жоғарылауы, бұлшықеттің ауыруы, склеродермия, аяқ-қолдың ісінуі, тыныс алудың қиындауы байқалуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозаланудың немесе ерітіндіні тым жылдам енгізудің негізгі симптомдары жүрек айну, температураның жоғарлауы, діріл, ысыну, құсу, гипераммониемия, гипераминоацидемия және ацидозды қамтуы мүмкін. Емі: осы симптомдардың кез келгені пайда болғанда препаратты енгізуді дереу тоқтату керек.

Әдетте Нефротект мына препараттармен – қуат көздерімен (көмірсу ерітінділерімен, май эмульсияларымен), электролиттермен, дәрумендер және микроэлементтермен бірге, егер қажет болса, орталық вена арқылы (ұзақ 24 сағат бойы) емдік қажеттілікке сәйкес енгізіледі. Интрадиализдік қоректену үшін диализге арналған аппараттың тамшылатқышына Нефротектті енгізуге болады, оны веналық катетерге енгізудің қажеті жоқ. Асептикалық жағдайларда басқа да компоненттерді қосқан жөн. Зақымданбаған контейнерлердегі мөлдір ерітінділерді ғана пайдалану керек. Бір құтыдан бірнеше дозаны пайдалануға тыйым салынады. Науқасқа парентеральді қоректену қаншалықты қажет болатын немесе амин қышқылдарын жоғалтудың орын толтыру қажеттілігі қалатын болса, Нефротекттің соған дейін қолданылуы мүмкін. Контейнер алғаш ашылғаннан кейінгі жарамдылық мерзімі Ерітіндінің тез арада пайдаланылуы тиіс. Инфузиядан кейін қалған ерітіндіні жою керек. Басқа да қоректік компоненттерді қосқаннан кейін Нефротектті басқа да қоректік заттардың ерітінділерімен, мысалы, май эмульсияларымен, глюкоза ерітінділерімен араластыруға болады. Нефротектке парентеральді қоректену үшін қажетті, препаратпен үйлесімділігі расталған дәрілік препараттарды ғана қосуға рұқсат етіледі. Препаратты мұқият араластыру ұсынылады. Қазіргі кезде балаларда Нефротектті қолданудың клиникалық тәжірибесі жоқ. Бүйрек функциясы бұзылған балаларға парентеральді қоректену кезінде амин қышқылдарын енгізу өмірлік маңызды болуы, мұндай жағдайда балаларға қолданылуы мүмкін. Тирозин балалар үшін ауыстырылмайтын амин қышқылы болып табылады. Балаларға Нефротектті тағайындар алдында қауіп/пайда арақатынасын бағалау керек. Арнайы сақтандырулар Гипонатриемия және сарысу осмолярлығы жоғары болғанда сақтықпен қолдану керек. Емдеу кезінде су теңгерімін, сарысудағы электролиттер деңгейін, қышқылдық-сілтілік теңгерім көрсеткіштерін, мочевинаның сарысу деңгейі мен қандағы аммоний деңгейін, әсіресе бауыр жеткіліксіздігі, неврологиялық бұзылыстары, гипергликемия, азотемиямен пациенттерде бақылап отыру ұсынылады. Амин қышқылдарының кез келген ерітінділерін енгізу фолаттардың жедел тапшылығына түрткі болуы мүмкін, сондықтан науқастарға күнделікті фолий қышқылын енгізу керек. Жүрек жеткіліксіздігі бар науқастарға сұйықтықтың көп мөлшері инфузиясы кезінде сақ болу қажет. Бүйрек үсті бездері жеткіліксіздігі, сонымен қатар бауыр, бүйрек, жүрек және өкпе жеткіліксіздігі кезінде дозаны жеке анықтау қажет. Қандағы, сарысулық ақуыздағы, креатинин мен бауыр функциясындағы глюкоза деңгейінің зертханалық көрсеткіштерін бақылап отыру керек. Педиатрияда қолдану Нефротект препаратын балалар және 18 жасқа дейінгі жасөспірімдерде қолданудың клиникалық тәжірибесі жоқ.

Нефротект препаратын жүктілік кезеңінде және лактация кезеңінде қолдану қауіпсіздігіне арнайы зерттеулер жүргізілген жоқ, сондықтан оны өмірлік көрсетілімдері бойынша ғана қолдануға болады. Нефротект тағайындар алдында жүкті және бала емізетін әйелдерге пайда/қауіп арақатынасын бағалау қажет. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді.

Қазіргі уақытта басқа дәрілік заттармен өзара әрекеттесу жағдайлары белгісіз. Үйлесімсіздік қаупіне байланысты препараттардың басқа топтарымен қолдану ұсынылмайды. Парентеральді қоректенуге арналған препараттармен ғана, оның ішінде май эмульсияларымен, глюкоза және электролиттер ерітінділерімен қолдану керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!