Нимесулид-ЛФ гранулы 100 мг/2 г

Бір пакеттің ішінде: белсенді зат - 100.0 мг нимесулид; қосымша заттар: макрогол цетостеарил эфирі, сусыз лимон қышқылы, сусыз коллоидты кремнийдің қостотығы, «Апельсин» дәмді-хош иісті қоспасы, ақ қант; «Апельсин» дәмді-хош иісті қоспасының құрамы: хош иістендіргіштер: хош иісті өнімдер, хош иісті заттар, табиғи хош иісті заттар; басқа құрамдастары: мальтодекстрин, крахмал октенил натрий сукцинаты (Е 1450), бутилгидроксианизол (Е 320). Сыртқы түрінің, иісінің, дәмінің сипаттамасы Түйіршіктер мен ұнтақ бозғылт сары түсті, түйіршіктердің ақтан ашық сары түске дейін дақтарына жол беріледі, жұмсақ кесектердің болуына жол беріледі.

- жедел ауыруды емдеу; - бастапқы дисменорея. Дәрілік препарат тек екінші қатардағы емнің дәрісі ретінде тағайындалуы мүмкін. Дәрілік препаратты тағайындау туралы шешім әрбір нақты пациенттің жалпы қауіп бейінін бағалауға негізделуі тиіс.

ATX коды M01AX17 Нимесулид простагландиндердің синтезіне жауап беретін циклооксигеназа ферментінің тежегіші ретінде әсер ететін анальгетикалық және қызуды түсіретін қасиеттері бар қабынуға қарсы стероидты емес препарат (ҚҚСП) болып табылады.

Дозалау режимі Жағымсыз әсерлерді азайту үшін емдеудің ең аз ұзақтығы кезінде ең аз тиімді дозаны қабылдау керек. Нимесулидпен емдеудің ең көп ұзақтығы 5 күнді құрайды. Ересектер 1 пакеттен (100 мг нимесулид) тәулігіне 2 рет. Пациенттердің ерекше топтары Егде жастағы пациенттер Егде жастағы пациенттерде тәуліктік дозаны төмендетудің қажеті жоқ. Балалар (12 жасқа дейін) Дәрілік препарат 12 жасқа дейінгі пациенттерге қарсы көрсетілімді. Балалар мен жасөспірімдер (12-ден 18 жасқа дейін) Ересектердегі фармакокинетикалық бейінге және нимесулидтің фармакодинамикалық сипаттамаларына сүйене отырып, жасөспірімдерде дозаны түзетудің қажеті жоқ. Бүйрек жеткіліксіздігі бар пациенттер Фармакокинетикалық деректерге сүйене отырып, бүйрек жеткіліксіздігінің жеңіл және орташа түрлері бар пациенттерде дозаны түзетудің қажеті жоқ (креатинин клиренсі 30-80 мл/мин), ал ауыр бүйрек жеткіліксіздігі бар пациенттерге (креатинин клиренсі ˂30 мл/мин) дәрілік препаратты тағайындауға болмайды. Бауыр жеткіліксіздігі бар пациенттер Нимесулид бауыр функциясының бұзылуы бар пациенттерге қарсы көрсетілімді. Енгізу әдісі және жолы Ішке қабылдауға арналған. Пакеттің ішіндегісін бір стақан суда ерітіп, араластырып және мүмкіндігінше тезірек ішу керек. Дәрілік препаратты тамақтан кейін қабылдау ұсынылады.

- нимесулидке немесе қосымша заттардыңкез келгенінежоғары сезімталдық; - анамнезде ацетилсалицил қышқылына немесе басқа ҚҚСП аса жоғары сезімталдық реакциялары (бронх түйілуі, ринит, есекжем сияқты); - анамнезде нимесулидке гепатоуытты реакциялар; - басқа потенциалды гепатоуытты дәрілік препараттармен бір мезгілде тағайындау; - алкоголизм, дәріге тәуелділік; - бұрын пайда болған асқазан-ішектен қан кету және ҚҚСП алдыңғы еммен байланысты тесілулер; - асқазан немесе он екі елі ішектің ойық жарасы, асқазан-ішек жолдарының қайталанатын эрозиялық ойық жаралы зақымдануы, анамнезде асқазан-ішек немесе церебральды қан құйылу немесе басқа белсенді қан кетулер мен геморрагиялық аурулар; - қан ұю жүйесінің ауыр бұзылулары; - ағымдағы цереброваскулярлық қан құйылу немесе басқа қан кету немесе қан ұюының бұзылуы; - ауыр жүрек жеткіліксіздігі; - ауыр бүйрек жеткіліксіздігі; - бауыр функциясының бұзылуы; - дене температурасының жоғарылауы және/немесе тұмауға ұқсас симптомдар; - 12 жасқа дейінгі балалар; - жүктілік (үшінші триместр) және лактация кезеңі.

Қауіпсіздік бейінінің түйіндемесі Клиникалық зерттеулер мен эпидемиологиялық деректер кейбір ҚҚСП (әсіресе ұзақ уақыт бойы жоғары дозаларда) қолдану артериялық тромбоздың (мысалы, миокард инфарктісі немесе инсульт) даму қаупінің жоғарылауымен байланысты болуы мүмкін екенін растайды. ҚҚСП емдеу аясында ісіну, артериялық гипертензия және жүрек жеткіліксіздігі туралы хабарланды. Стивенс-Джонсон синдромы және уытты эпидермальді некролизді қоса, буллезді реакциялар туралы өте сирек хабарланды. ҚҚСП емдеу кезінде едәуір жиі асқазан-ішек жолы тарапынан жағымсыз реакциялары байқалды. Кейде өліммен аяқталатын, әсіресе егде жастағы пациенттерде асқазанның пептидтік ойық жарасының, тесілуінің немесе асқазан-ішектен қан кетудің дамуы мүмкін. Жүрек айну, құсу, диарея, метеоризм, іш қату, диспепсия, іштің ауыруы, мелена, қан құсу, ойық жаралы стоматит, колиттің асқынуы және Крон ауруының пайда болуы туралы мәліметтер бар. Гастрит жиі байқалмайды. Жағымсыз реакциялар кестесі түріндегі түйіндеме Төменде атап көрсетілген жағымсыз реакциялар бақыланатын клиникалық зерттеулерден алынған деректерге негізделген*. Жағымсыз реакциялар туралы ақпарат жүйелік-ағзалық жіктемеге және кездесу жиілігіне сәйкес мәлімделген. Жиілік санаттары: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10000, бірақ <1/1000), өте сирек (<1/10000), жиілігі белгісіз (қолда бар деректерге сүйене отырып, пайда болу жиілігін анықтау мүмкін емес). Қан және лимфа жүйесі тарапынан бұзылулар — Сирек — Анемия*, эозинофилия* Өте сирек — Тромбоцитопения, панцитопения, пурпура Иммунды жүйе тарапынан бұзылулар — Сирек — Жоғары сезімталдық* Өте сирек — Анафилаксия Метаболизмнің және тамақтанудың бұзылулары — Сирек — Гиперкалиемия* Психикалық бұзылулар — Сирек — Қорқыныш сезімі*, ашушаңдық*, шым-шытырық түстер* Жүйке жүйесі тарапынан бұзылулар — Жиі емес — Бас айналу* Өте сирек — Бас ауыруы,ұйқышылдық, энцефалопатия (Рейе синдромы) Көру мүшесі тарапынан бұзылулар — Сирек — Көрудің бұлыңғырлануы* Өте сирек — Көрудің бұзылуы Есту ағзасы және лабиринт тарапынан бұзылулар — Өте сирек — Вертиго Жүрек тарапынан бұзылулар — Сирек — Тахикардия* Қантамыр жүйесі тарапынан бұзылулар — Жиі емес — Артериялық гипертензия* Сирек — Геморрагия*, артериялық қысымның құбылуы*, ысынулар* Тыныс алу жүйесі, кеуде қусуы және көкірек ортасы ағзалары тарапынан бұзылулар — Жиі емес — Ентігу* Өте сирек — Демікпе, бронх түйілуі Асқазан-ішек бұзылулары — Жиі — Диарея*, жүрек айнуы*, құсу* Жиі емес — Іш қату*, метеоризм*, асқазан- ішектен қан кету, он екі елі ішектің ойық жарасы және тесілуі, асқазан ойық жарасы және оның тесілуі Өте сирек — Гастрит*,іштің ауыруы, диспепсия,стоматит, қара май тәрізді нәжіс Бауыр және өт шығару жолы тарапынан бұзылулар — Жиі — Бауыр ферменттері деңгейінің жоғарылауы Өте сирек — Гепатит, шұғыл дамитын (фульминантты) гепатит (өліммен аяқталатын жағдайларды қоса), сарғаю, холестаз Тері және тері асты тіндері тарапынан бұзылулар — Жиі емес — Қышыну*, бөртпе*,тершеңдік* Сирек — Эритема*, дерматит* Өте сирек — Есекжем, ангионевроздық ісіну, беттің ісінуі, полиморфты эритема, Стивенс-Джонсон синдромы, уытты эпидермалық некролиз Жиілігі белгісіз — Орныққан дәрілік бөртпе (ОДБ) Бүйрек және несеп шығару жолы тарапынан бұзылулар — Сирек — Дизурия*, гематурия* Өте сирек — Несептің іркілуі*,бүйрек жеткіліксіздік,олигурия, интерстициальды нефрит Жалпы бұзылулар және енгізу орнындағы реакциялар — Жиі емес — Ісіну* Сирек — Дімкәстік*, астения* Өте сирек — Гипотермия *жиілік клиникалық зерттеулердің нәтижелеріне негізделген. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары ҚҚСП жедел дозалануының симптомдары әдетте апатия, ұйқышылдық, жүрек айну, құсу және эпигастрий аймағының ауыруы болып табылады, олар демеуші ем кезінде қайтымды. Асқазан-ішектен қан кетудің пайда болуы мүмкін. Сирек жағдайларда артериялық гипертензия, жедел бүйрек жеткіліксіздігі, тыныс алудың бәсеңдеуі немесе кома мүмкін. ҚҚСП емдік дозаларын қабылдау кезінде және олардың артық дозалануы кезінде анафилаксиялық реакциялар туралы хабарланды. Емі ҚҚСП артық дозалануын емдеу симптоматикалық және демеуші шараларды қамтиды. Спецификалық антидот жоқ. Нимесулидті гемодиализ арқылы шығарылу мүмкіндігі туралы әлі күнге дейін деректер жоқ, бірақ бұл препараттың плазма ақуыздарымен байланысының жоғары дәрежесін ескере отырып (97,5% дейін) диализ тиімсіз деген қорытынды жасауға болады. Артық дозалану симптомдары болған кезде немесе дәрілік препараттың үлкен дозасын қабылдағаннан кейін пациенттерге қабылдағаннан кейін 4 сағат ішінде мыналар тағайындалуы мүмкін: құстыру және/немесе белсендірілген көмірді қабылдау (ересектер үшін 60-100 грамм) және/немесе осмостық іш жүргізетін дәріні қабылдау. Нимесулидтің қан плазмасы ақуыздарымен байланысуының жоғары деңгейіне байланысты қарқынды диурез, несепті сілтілендіру, гемодиализ немесе гемоперфузия сияқты емдеу әдістері тиімді болмауы мүмкін. Бауыр мен бүйректің функциясын бақылау керек.

Нимесулидті циклооксигеназа-2 селективті тежегіштерін қоса, басқа ҚҚСП бір мезгілде қолданудан аулақ болу керек. Сонымен қатар, нимесулидті қабылдайтын пациенттерге басқа анальгетиктерді қолданудан тартынуды ұсыну керек. Жағымсыз реакцияларды аурудың симптомдарын бақылау үшін қажетті ең аз ұзақтықта ең аз тиімді дозаны пайдалана отырып, азайтуға болады. Симптоматиканың жақсаруы болмаған жағдайда дәрілік препаратпен емді тоқтату керек. Бауыр функциясына әсері Құрамында нимесулид бар дәрілік препараттарды қолдану кезінде өліммен аяқталатын өте сирек жағдайларды қоса, бауыр тарапынан күрделі реакциялардың сирек жағдайлары туралы хабарланды. Нимесулид-ЛФ дәрілік препаратын қолдану кезінде бауырдың зақымдануын (мысалы, анорексия, жүрек айну, құсу, іштің ауыруы, қажу, несептің күңгірт түсі) көрсететін симптомдар дамитын пациенттер немесе бауыр функциясының көрсеткіштерін зертханалық талдау деректері қалыпты мәндерден ауытқыған пациенттер емдеу дереу тоқтатылуы тиіс. Мұндай пациенттерге нимесулидті қайта тағайындауға болмайды. Бауырдың зақымдануы, көптеген жағдайда қайтымды, тіпті препаратпен қысқа мерзімді емдеуден кейін де хабарланды. Егер нимесулидті қабылдаған кезде тұмауға ұқсас симптомдар дамыса, емдеуді тоқтату керек. Асқазан-ішек жолы тарапынан бұзылулар Өліммен аяқталуы мүмкін асқазан-ішектен қан кету, ойық жаралану немесе тесілу барлық ҚҚСП қолданған кезде тіркелген және емдеу кезінде кез-келген уақытта, ескерту симптомдарымен немесе онсыз немесе анамнезде асқазан-ішек оқиғалары болуы мүмкін. Асқазан-ішектен қан кету, ойық жаралануы немесе тесілу қаупі анамнезінде ойық жаралы ауру бар пациенттерде, әсіресе қан кету немесе тесілумен асқынған болса, сондай-ақ егде жастағы пациенттерде ҚҚСП дозасын арттыру кезінде жоғары болады. Пациенттердің осы тобын емдеу кезінде ең аз дозаны пайдалану керек. Бұл пациенттер үшін, сондай-ақ аспириннің немесе асқазан-ішек жолы ауруының пайда болу қаупін арттыратын басқа препараттардың төмен дозаларын қабылдайтын пациенттер үшін қорғаныс заттарын (мысалы, мизопростол немесе протонды сорғының тежегіштері) қолдана отырып біріктірілген емді қолдану мүмкіндігін қарастырған жөн. Асқазан-ішек жолдарының уытты зақымдануы бар пациенттер, әсіресе егде жастағы пациенттер, асқазан-ішек жолы (әсіресе асқазан-ішектен қан кету туралы) аймағында пайда болатын кез-келген ерекше симптомдар туралы хабарлауы тиіс. Бұл әсіресе емдеудің бастапқы кезеңдерінде өте маңызды. Асқазан-ішектен қан кету, сондай-ақ ойық жараның немесе тесілудің түзілуі барлық ҚҚСП емдеудің әртүрлі кезеңдерінде, ізашар-симптомдардың болуына немесе анамнезінде АІЖ тарапынан патологияның болуына қарамастан қабылдаған кезде байқалады. Асқазан-ішектен қан кету немесе ойық жаралануы дамыған кезде нимесулидті тоқтату керек. Нимесулидті пептидтік ойық жараны, анамнезде асқазан-ішектен қан кету, ойық жаралы колит және Крон ауруын қоса, асқазан-ішек жолының аурулары бар пациенттерге сақтықпен тағайындау керек. Пероральді кортикостероидтар, варфаринді қоса, антикоагулянттар, серотонинді кері қармайтын селективті тежегіштер немесе антитромбоциттік препараттар, атап айтқанда ацетилсалицил қышқылы сияқты ойық жара немесе асқазан-ішектен қан кетудің түзілу қаупін арттыруы мүмкін дәрілік препараттарды бір мезгілде қабылдайтын пациенттерде сақ болу керек. Нимесулидті қолданатын пациенттерде асқазан-ішектен қан кету немесе ойық жаралану болған жағдайда дәрілік препаратты қабылдауды тоқтату керек. ҚҚСП анамнезінде асқазан-ішек аурулары бар пациенттерге сақтықпен тағайындалуы керек (ойық жаралы колит, Крон ауруы), өйткені олардың жағдайы нашарлауы мүмкін. Егде жастағы пациенттерде ҚҚСП жағымсыз реакциялардың жиілігі жоғарылайды, әсіресе өліммен аяқталуға әкелетін асқазан-ішектен қан кету және тесілу. Сондықтан тиісті клиникалық мониторинг көрсетілген. Жүрек-қантамыр жүйесі мен ми тамырларына әсері Анамнезінде артериялық гипертензиясы және/немесе ауырлық дәрежесі жеңіл және орташа іркілісті жүрек жеткіліксіздігі бар пациенттер тиісті бақылауда болуы және тиісті нұсқаулар алуы тиіс, өйткені ҚҚСП емдеуге байланысты сұйықтықтың іркілуі және ісінуі туралы хабарланған. Клиникалық зерттеулер мен эпидемиологиялық деректер кейбір ҚҚСП (әсіресе жоғары дозаларда және ұзақ уақыт бойы) қолдану артериялық тромбоз (мысалы, миокард инфарктісі немесе инсульт) қаупінің шамалы жоғарылауымен байланысты болуы мүмкін екенін растайды. Нимесулидті қолдану кезінде осындай оқиғалардың пайда болу қаупін жоққа шығару үшін деректер жеткіліксіз. Бақыланбайтын артериялық гипертензиясы, іркілісті жүрек жеткіліксіздігі, жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттерге жағдайды мұқият бағалағаннан кейін нимесулид тағайындау керек. Жүрек-қантамыр ауруларының (мысалы, артериялық гипертензия, гиперлипидемия, қант диабеті, темекі шегу) даму қаупі факторлары бар пациенттерді ұзақ мерзімді емдеуді бастар алдында дәл осындай мұқият бағалау жүргізілуі тиіс. Нимесулид тромбоциттер функциясын бұзуы мүмкін болғандықтан, геморрагиялық диатез бар пациенттерге тағайындау кезінде сақ болу керек. Алайда, нимесулид жүрек-қантамыр ауруларының профилактикасында ацетилсалицил қышқылын алмастырмайды. Бүйрек функциясына әсері Сондай-ақ бүйрек немесе жүрек функциясының бұзылуы бар пациенттерде сақ болу керек, өйткені бұл жағдайларда нимесулидті қолдану бүйрек функциясының нашарлауына әкелуі мүмкін. Бұл жағдайда емдеуді тоқтату керек. Тері реакциялары ҚҚСП қабылдаған пациенттерде эксфолиативті дерматит, Стивенс-Джонсон синдромы және уытты эпидермальді некролизді қоса, соның ішінде өліммен аяқталатын, терінің күрделі реакциялары туралы өте сирек хабарланған. Бұл реакциялардың қаупі емдеудің басында ең жоғары болып көрінеді, симптомдардың пайда болуы көптеген жағдайда емдеудің бірінші айында болады. Тері бөртпелерінің, шырышты қабықтың зақымдануының немесе жоғары сезімталдықтың басқа белгілерінің алғашқы белгілері пайда болған кезде нимесулидті қолдануды тоқтату керек. Нимесулидті қолдануға байланысты орныққан дәрілік бөртпе (ОДБ) жағдайлары туралы хабарланды. Нимесулидті анамнезінде нимесулидпен байланысты ОДБ бар пациенттерге қайта тағайындамаған жөн. Фертильділікке әсері Нимесулидті қолдану әйелдердің фертильділігінің бұзылуына әкелуі мүмкін, сондықтан жүктілікті жоспарлаған әйелдерге ұсынылмайды. Ұрықтанумен қиындықтары бар немесе бедеулік диагностикаланған әйелдерде нимесулидті қабылдауды тоқтату туралы мәселені қарастыру керек. Қосымша заттар Дәрілік препараттың құрамында ақ қант бар. Сирек кездесетін тұқым қуалайтын фруктоза жақпаушылығы немесе глюкоза-галактоза мальабсорбциясы бар пациенттерге бұл препаратты қабылдамаған жөн. Дәрілік препараттың дозасында 1 ммольден (23 мг) кем натрий бар, яғни натрий жоқ дерлік. Арнайы сақтандырулар Жүктілік Нимесулид-ЛФ препаратын жүктіліктің үшінші триместрінде қолдануға болмайды. Басқа ҚҚСП сияқты, нимесулидті жүкті болуға тырысып жүрген әйелдерге қолдану ұсынылмайды. Простагландин синтезінің тежелуі жүктілікке және/немесе эмбрионның/шарананың дамуына кері әсер етуі мүмкін. Фармакоэпидемиологиялық зерттеулердің деректері жүктіліктің ерте мерзімінде простагландин синтезінің тежегішін қолданғаннан кейін түсік түсіру, шаранадағы жүрек ақаулары және гастрошизис қаупінің жоғарылауын растайды. Жүрек-қантамыр ауруларының абсолютті қаупі шамамен 1% - дан 1,5% - ға дейін өсті. Қауіп дозаның жоғарылауымен және емдеу ұзақтығымен артады деп саналады. Жануарларға простагландин синтезінің тежегіштерін енгізу имплантацияға дейінгі және кейінгі түсік түсіру және эмбриондар мен ұрықтардың өлу жиілігін арттыратыны көрсетілген. Сонымен қатар, органогенез кезеңінде простагландиндер синтезінің тежегіштерін қабылдаған жануарларда туа біткен ауытқулардың, соның ішінде жүрек-қантамыр жүйесінің даму ақауларының жоғарылауы байқалды. Сонымен қатар, үй қояндарындағы зерттеулер репродуктивті уыттылықты көрсетті және жүкті әйелдердің нимесулидті қолдануы туралы жеткілікті деректер жоқ. Осылайша, адам үшін потенциалды қауіп белгісіз, сондықтан жүктіліктің алғашқы екі триместрінде нимесулидті қолдану өте қажет жағдайларды қоспағанда ұсынылмайды. Нимесулидті 20-шы аптадан бастап және жүктіліктің кеш мерзімінде қолдану шаранада бүйрек функциясының бұзылуын тудырады, бұл қағанақ суы (олигогидрамнион) мөлшерінің төмендеуіне әкелуі мүмкін. Бұл жағымсыз нәтижелер препаратты қолдану басталғаннан кейін көп ұзамай байқалуы мүмкін және әдетте емді тоқтатқаннан кейін қайтымды болып табылады. Сонымен қатар, жүктіліктің екінші триместрінде препаратты қабылдағаннан кейін шарананың артериялық түтігінің тарылу жағдайлары туралы хабарланды, олардың көпшілігі емдеуді тоқтатқаннан кейін басылды. Сондықтан жүктіліктің бірінші және екінші триместрінде нимесулидті аса қажетсіз қабылдамаған жөн. Нимесулидті жүкті болуға тырысатын әйелдер немесе жүктіліктің бірінші және екінші триместрінде қолданған жағдайда, ықтимал ең аз дозаны және емдеудің ең аз ұзақтығын тағайындау керек. Нимесулид 20-шы гестациялық аптадан бастап бірнеше күн бойы әсер еткен жағдайда, олигогидрамнионды босанғанға дейін мониторингтеуді және шарананың артериялық түтігінің тарылуын қарастыру керек. Егер олигогидрамнион немесе шаранада артериялық түтіктің тарылуы анықталса, жүкті әйелдерге нимесулидті қолдануды тоқтату керек. Жүктіліктің үшінші триместрінде простагландин синтезінің барлық тежегіштері шаранада төмендегінің дамуына әкелуі мүмкін: • жүрек-өкпе уыттылығы (артериялық түтіктің мерзімінен бұрын тарылуы/жабылуы және өкпе гипертензиясы); • бүйрек дисфункциясы, ол қағанақ суының аздығының дамуымен бүйрек жеткіліксіздігіне дейін үдеуі мүмкін; Жүктіліктің соңында анасында және жаңа туған нәрестеде төмендегілер болуы мүмкін: • қан кету уақытының ұлғаюы, өте төмен дозаларды қолданғанда да пайда болуы мүмкін антиагрегациялық әсер; • жатырдың жиырылу қызметінің бәсеңдеуі, бұл босанудың кешігуіне немесе ұзаруына әкеледі. Сондықтан нимесулидті жүктіліктің үшінші триместрінде қолдануға болмайды. Бала емізу Нимесулидтің емшек сүтімен бөлінетін-бөлінбейтіні белгісіз. Нимесулид-ЛФ бала емізетін әйелдерге қарсы көрсетілімді. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Нимесулидтің көлік құралдарын басқару және механизмдермен жұмыс істеу қабілетіне әсерін бағалау бойынша зерттеулер жүргізілген жоқ. Дегенмен, нимесулидті қолданғаннан кейін бас айналу, есінен тану алдындағы жағдайды немесе ұйқышылдықты сезінетін пациенттер көлік құралдарын басқарудан және механизмдермен жұмыс істеуден аулақ болу керек.

Нұсқаулықта көрсетілмеген.

Фармакодинамикалық өзара әрекеттесуі Басқа қабынуға қарсы стероидты емес препараттар (ҚҚСП) Нимесулидпен және қабынуға қарсы дозаларда енгізілетін ацетилсалицил қышқылын қоса, басқа қабынуға қарсы стероидты емес препараттармен (бір реттік дозада ≥1 г немесе жалпы тәуліктік дозада ≥3 г) біріктірілген ем ұсынылмайды. Кортикостероидтар Асқазан-ішек ойық жарасы немесе қан кетудің пайда болу қаупін арттырады. Антикоагулянттар ҚҚСП варфарин сияқты антикоагулянттардың әсерін күшейтуі мүмкін. Варфарин немесе ұқсас әсері бар басқа антикоагулянттарды қабылдайтын пациенттерде нимесулидпен емдеу кезінде қан кету қаупі артады. Сондықтан мұндай біріктірілімдер ұсынылмайды және қан ұюының ауыр бұзылулары бар пациенттерге қарсы көрсетілімді. Егер мұндай біріктірілімді болдырмауға болмайтын болса, коагуляция параметрлерін мұқият бақылау керек. Антиагреганттар және серотонинді кері қармайтын селективті тежегіштері (СКҚСТ) Асқазан-ішектен қан кетудің пайда болу қаупі артады. Диуретиктер, ангиотензин өзгертуші фермент (AӨФ) тежегіштері және ангиотензин II рецепторларының антагонистері ҚҚСП диуретиктер мен басқа гипертензияға қарсы препараттардың тиімділігін төмендетуі мүмкін. Бүйрек функциясының бұзылуы бар кейбір пациенттерде (мысалы, сусыздануы бар пациенттерде немесе егде жастағы пациенттерде) AӨФ тежегіштері мен циклооксигеназаны тежейтін препараттарды бір мезгілде қабылдау әдетте қайтымды сипатқа ие ықтимал жедел бүйрек жеткіліксіздігін қоса, бүйрек функциясының қосымша нашарлауына әкелуі мүмкін. Мұны пациенттерге AӨФ тежегіштерімен немесе ангиотензин II антагонистерімен бір мезгілде нимесулидті тағайындау кезінде ескеру қажет. Атап айтқанда, егде жастағы адамдарда бір мезгілде қолдану сақтықты қажет етеді. Пациенттер сұйықтықтың жеткілікті мөлшерін алуы тиіс, ал бүйрек функциясы біріктірілген емнің басында және кейіннен мезгіл-мезгіл бақылануы тиіс. Фармакокинетикалық өзара әрекеттесулер: нимесулидтің басқа дәрілік препараттардың фармакокинетикасына әсері Фуросемид Дені сау пациенттерде нимесулид фуросемидтің натрийдің шығарылуына және аз дәрежеде калийдің шығарылуына әсерін уақытша төмендетіп, оның диурездік әсерін төмендетті. Нимесулид пен фуросемидті бірге қолдану қисық астындағы ауданның (AUC) азаюына (шамамен 20%) және фуросемидтің бүйрек клиренсін өзгертусіз фуросемидтің жинақталатын экскрециясының төмендеуіне әкелді. Қан айналымы жеткіліксіздігі немесе бүйрек жеткіліксіздігінің даму қаупі бар пациенттерде фуросемид пен нимесулидті бірге қолдану ерекше сақтықты қажет етеді. Литий Қабынуға қарсы стероидты емес препараттар литий клиренсін төмендетеді деген хабарлар бар, бұл оның қан плазмасындағы концентрациясының жоғарылауына және уыттану симптомдарының пайда болуына әкеледі. Егер нимесулид литий тұздарын қабылдайтын пациенттерде пайдаланылса, плазмадағы литий деңгейін мұқият бақылау керек. Нимесулид пен глибенкламид, теофиллин, варфарин, дигоксин, циметидин және антацидтер (алюминий мен магний гидроксидінің біріктірілімін қоса) арасындағы потенциалды фармакокинетикалық өзара әрекеттесуді зерттеу үшін іn vivo зерттеулер жүргізілді. Клиникалық елеулі өзара әрекеттесулер табылған жоқ. Нимесулид CYP2C9 изоферментін тежейді. Нимесулидпен бірге қолданған кезде осы ферменттің субстраттары болып табылатын препараттардың қан плазмасындағы концентрациясының жоғарылауы байқалуы мүмкін. Егер нимесулид метотрексатты енгізуден 24 сағаттан аз уақыт бұрын немесе одан кейін қолданылса, сақ болу керек, өйткені бұл қан сарысуындағы метотрексат концентрациясының жоғарылауына әкелуі мүмкін, бұл оның уытты әсерін күшейтеді. Нимесулид қатарына жататын простагландинсинтетаза ферменті тежегіштері, бүйрек простагландиндеріне әсеріне байланысты циклоспориндердің нефроуыттылығын арттыруы мүмкін. Фармакокинетикалық өзара әрекеттесулер: басқа дәрілік препараттардың нимесулид фармакокинетикасына әсері In vitro зерттеулер нимесулидтің ақуыздармен байланысатын жерлерден толбутамидпен, салицил қышқылымен және вальпрой қышқылымен ығыстырылатынын көрсетті. Алайда, дәрілік препараттың плазмадағы концентрациясына потенциалды әсеріне қарамастан, әйтпесе бұл өзара әрекеттесулер елеулі болмады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °C-ден аспайтын температурада сақтау керек. Балалардың қолы жетпейтін жерде сақтау керек.