Нимесулид AVVA гранулы 100 мг

Бір пакеттің құрамында белсенді зат − нимесулид (100% затқа шаққанда), 100.0 мг, қосымша заттар: апельсин хош иістендіргіші, лимон қышқылы, мальтодекстрин, макрогол цетостеараты, сахароза. Сыртқы түрінің, иісінің, дәмінің сипаттамасы Апельсин иісі бар ақ дерлік түстен ашық сары түске дейін ұнтақ пен түйіршіктердің қоспасы. Түстің әртекті болуына жол беріледі. Апельсин иісі бар ақтан ашық сары түске дейін дайын суспензия.

• жедел ауырсынуды емдеуде • бастапқы дисменореяны емдеуде Нимесулидті тек екінші желілі препарат ретінде тағайындау керек. Нимесулидпен емдеу туралы шешім нақты пациент үшін барлық қауіптерді бағалау негізінде қабылдануы тиіс.

Әсер ету механизмі және фармакодинамикалық әсерлер Нимесулид сульфонамидтер класынан шыққан қабынуға қарсы стероидты емес дәрі болып табылады. Қабынуға қарсы, ауыруды басатын және ыстық түсіретін әсері бар. Селективті емес ҚҚСП-ға қарағанда, нимесулид негізінен циклооксигеназа-2 (ЦОГ-2) тежейді, қабыну ошағында простагландиндер синтезін тежейді; циклооксигеназа-1 (ЦОГ-1) - ге аз айқын бәсеңдететін әсер көрсетеді. Клиникалық тиімділігі және қауіпсіздігі Ішке қабылдау үшін суспензия дайындауға арналған түйіршіктер, 100 мг Нимесулид AVVA дәрілік препараты қайта өндірілген дәрілік зат болып табылады. Клиникалық зерттеулерде бірегей дәрілік заттың салыстырмалы параметрлері анықталған. Статистикалық маңызды айырмашылықтар табылған жоқ. Балалар 0 айдан 18 жасқа дейінгі балаларда нимесулидті клиникалық зерттеулер жүргізілмеді. Деректер жоқ.

Дозалау режимі Жағымсыз реакцияларды барынша азайту үшін емдеудің симптомдарды бақылауға алу үшін қажетті ең аз ұзақтығы кезінде ең аз тиімді дозаны қабылдау керек. Нимесулидпен емдеу курсының ең көп ұзақтығы 5 күнді құрайды. Ересектерге Тамақ ішкен соң тәулігіне екі рет 1 пакеттен (100 мг нимесулид). Егде жастағы пациенттер Егде жастағы пациенттерге тәуліктік дозаны азайтудың қажеті жоқ. Балалар 18 жасқа дейінгі балаларға Нимесулид AVVA препараты қарсы көрсетілімді. Бүйрек жеткіліксіздігі бар пациенттер: Бүйрек жеткіліксіздігінің жеңіл және орташа түріне (креатинин клиренсі 30 - 80 мл/мин) шалдыққан пациенттерде дозаны түзету қажеттілігі жоқ, ал ауыр бүйрек жеткіліксіздігіне (креатинин клиренсі < 30 мл/мин)шалдыққан пациенттерге Нимесулид AVVA препаратын тағайындауға болмайды. Бауыр жеткіліксіздігі бар пациенттер: бауыр жеткіліксіздігі бар пациенттерге Нимесулид AVVA препараты қарсы көрсетілген. Енгізу әдісі мен жолы Ішке. Тамақтан кейін, түйіршіктерді жеткілікті мөлшердегі суда ерітіп қабылдау керек. Қабылдау уақыты көрсетілген қолдану жиілігі Нимесулид AVVA дәрілік препаратын күніне 2 рет қабылданады. Дәрілік препараттың бір немесе бірнеше дозасын өткізіп алған кездегі қажетті шаралар Нимесулид AVVA дәрілік препаратының бір немесе бірнеше дозасын өткізіп алған кезде препараттың өткізіп алған дозасын жоққа шығарып және тағайындалған қабылдау режимін жаңарту керек. Препараттың қосарлы дозасын қабылдауға болмайды. Препаратты қолдану туралы қосымша сұрақтар туындаған кезде пациент емдеуші дәрігермен кеңесу керек. Тоқтату симптомдары қаупінің бар болуын көрсету Нимесулид AVVA дәрілік препаратын қолдануды уақытша тоқтатқаннан кейін препараттың қандай да бір тоқтату симптомдарының дамуы сипатталмаған. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Дәрілік препаратты қолдану тәсілі бойынша қосымша сұрақтар болған жағдайда емдеуші дәрігердің көмегіне жүгіну қажет.

• нимесулидке немесе қосымша заттардың кез келгеніне аса жоғары сезімталдық • анамнездегі аса жоғары сезімталдық реакциялары (мысалы, бронх түйілуі, ринит, есекжем, мұрындағы полиптер) және ацетилсалицил қышқылы мен қабынуға қарсы стероидты емес басқа препараттардың (ҚҚСП) жақпаушылығы • анамнезінде нимесулидке гепатоуытты реакциялар • әлеуетті гепатоуыттылығы бар басқа дәрілік препараттармен бір мезгілде қолдану (мысалы, басқа ҚҚСП) • өршу фазасындағы ішектің созылмалы қабыну аурулары (Крон ауруы, ойық жаралы колит) • аортокоронарлық шунттаудан кейінгі кезең • суық тигенде және жедел респираторлық-вирустық инфекцияларда қызба синдромы • жедел хирургиялық патологияға күдік туындағанда • өршу фазасындағы асқазанның немесе он екі елі ішектің ойық жарасы • өршу фазасындағы асқазан-ішек жолының эрозиялық-ойық жаралы зақымдануы • анамнезінде асқазан-ішек жолының эрозиялық-ойық жаралы зақымдануы • анамнезінде тесілулер немесе асқазан-ішектен қан кетулер, оның ішінде ҚҚСП алдыңғы еммен байланысты • анамнездегі цереброваскулярлы қан кетулер, басқа да белсенді қан кетулер немесе жоғары қанағыштықпен қатар жүретін аурулар • қан ұюының ауыр бұзылулары • жүректің ауыр жеткіліксіздігі • бүйректің ауыр жеткіліксіздігі (креатинин клиренсі 30 мл/мин кем) • үдемелі бүйрек ауруы • расталған гиперкалиемия • бауыр жеткіліксіздігі, бауырдың белсенді ауруы • 18 жасқа дейінгі балалар • жүктілік және бала емізу кезеңі • алкоголизм • есірткілік тәуелділік • сахараза/изомальтаза тапшылығы, фруктоза көтере алмаушылығы, глюкоза-галактоза мальабсорбциясы, өйткені препарат құрамында сахароза бар

Жиі диарея жүрек айнуы құсу «бауыр» ферменттері белсенділігінің артуы Жиі емес бас айналу артериялық қысымның жоғарылауы ентігу іш қату метеоризм асқазан-ішектен қан кету асқазанның немесе он екі елі ішектің ойық жарасы және/немесе тесілуі қышыну тері бөртпесі қатты терлеу ісіну Сирек анемия эозинофилия геморрагия аса жоғары сезімталдық реакциялары қорқыныш сезімі күйгелектік түнгі «қорқынышты» түс көру көрудің бұлыңғырлануы тахикардия артериялық қысымның тұрақсыздығы қанның бетке «тебуі» эритема дерматит дизурия гематурия дімкәстану астения гиперкалиемия Өте сирек тромбоцитопения панцитопения тромбоцитопениялық пурпура анафилактоидтық реакциялар бас ауыруы ұйқышылдық энцефалопатия (Рейе синдромы) көрудің бұзылуы вертиго бронх демікпесінің өршуі бронх түйілуі гастрит іштің ауыруы диспепсия стоматит қарамай тәрізді нәжіс гепатит шұғыл дамыған (фульминантты) гепатит (өліммен аяқталған жағдайды қоса) сарғаю холестаз есекжем ангионевроздық ісіну беттің ісінуі көп формалы эритема Стивенс-Джонсон синдромы уытты эпидермалық некролиз (Лайелл синдромы) гипотермия несеп шығарудың іркілуі бүйрек жеткіліксіздігі олигурия интерстициальді нефрит Жиілігі белгісіз орныққан дәрілік бөртпелер Егер нұсқаулықта көрсетілген жағымсыз әсерлердің кез-келгені нашарласа немесе нұсқаулықта көрсетілмеген басқа жағымсыз әсерлерді байқасаңыз, бұл туралы емдеуші дәрігеріңізге хабарлаңыз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Апатия, ұйқышылдық, жүрек айнуы, құсу, эпигастрий аймағындағы ауырсыну. Бұл симптомдар, әдетте, симптоматикалық және демеуші емді жүргізу кезінде қайтымды болады. Артериялық қысымның жоғарылауы, асқазан-ішектен қан кету, жедел бүйрек жеткіліксіздігі, тыныстың тарылуы, кома, анафилактоидты реакциялар орын алуы мүмкін. Емі Симптоматикалық және демеуші ем. Спецификалық антидоты жоқ. Егер артық дозалану симптомдары препаратты қабылдағаннан кейін 4 сағат ішінде пайда болса, құстырту және/немесе белсендірілген көмірді (ересек адам үшін 60-тан 100 г-ға дейін) және/немесе осмостық іш жүргізетін дәріні қабылдауды қамтамасыз ету қажет. Қарқынды диурез, гемодиализ, гемоперфузия, несептің сілтіленуі нимесулидтің қан плазмасы ақуыздарымен (97.5%-ға дейін) жоғары байланысу дәрежесіне байланысты тиімсіз. Бүйрек пен бауыр функциясының жай-күйін бақылау қажет.

Препаратты қолдану ұзақтығы ең аз, ауырсыну синдромын басу үшін қажетті ең аз тиімді дозада қолданғанда, қолайсыз жағымсыз әсерлерін барынша азайтуға болады. Симптоматикасы жақсармаған жағдайда препаратпен емдеуді тоқтату керек. Препаратты келесі аурулар кезінде сақтықпен қолдану керек: • артериялық гипертензия • жүректің ишемиялық ауруы • цереброваскулярлы аурулар • жүректің ауыр жеткіліксіздігі • дислипидемия/гиперлипидемия • қант диабеті • шеткері артериялар аурулары • геморрагиялық диатез • шылым шегу • бүйрек жеткіліксіздігі (креатинин клиренсі 30-60 мл/мин) • асқазан-ішек жолының (АІЖ) эрозиялық-ойық жаралы зақымдануының дамуы туралы анамнездік деректер, Helicobacter pylori инфекциясының бар болуы • егде жас • қабынуға қарсы стероидты емес препараттарды ұзақ уақыт бойы қолдану • алкогольді жиі тұтыну, ауыр соматикалық аурулар, жүйелі қызыл жегі (ЖҚЖ) және дәнекер тіннің басқа да жүйелік аурулары • келесі препараттармен қатар жүретін ем: антикоагулянттар (мысалы, варфарин), антиагреганттар (мысалы, ацетилсалицил қышқылы, клопидогрел), пероральді глюкокортикостероидтар (мысалы, преднизолон), серотонинді кері қармаудың селективті тежегіштері (мысалы, циталопрам, флуоксетин, пароксетин, сертралин) Арнайы сақтандырулар Препаратты қолдану ұзақтығы ең аз, ауырсыну синдромын басу үшін қажетті ең аз тиімді дозада қолданғанда қолайсыз жағымсыз әсерлерін барынша азайтуға болады. Нимесулидті қолдану кезінде пациент ҚҚСП (оның ішінде ЦОГ-2 селективті тежегіштері) қоса, басқа да анальгетиктерді қабылдаудан бас тартуы тиіс. Бауырға әсері Бауыр тарапынан ауыр реакциялардың өте сирек жағдайлары, оның ішінде құрамында нимесулид бар препараттарды қолданумен байланысты өлім жағдайлары туралы деректер бар. Бауырдың зақымдану симптомдарына ұқсас симптомдар (анорексия, терінің қышынуы, терінің сарғаюы, жүрек айнуы, құсу, іш ауыруы, қажу, несептің күңгірттенуі) пайда болған кезде нимесулидті қолдануды дереу тоқтатып, дәрігерге қаралу керек. Мұндай пациенттерде нимесулидті қайта қолдануға болмайды. Препаратты қолданғаннан кейін 2 аптадан кейін бауыр функциясының көрсеткіштерін («трансаминаза») бақылау қажет. Көп жағдайда қайтымды сипатқа ие болатын, препаратты қысқа мерзімге қолданғанда бауыр тарапынан реакциялар туралы хабарланады. Иммундық жүйе ағзаларының тарапынан реакциялар Нимесулидті қолдану үдерісінде «суық тию» немесе жедел респираторлық-вирустық инфекция белгілері пайда болған кезде препаратты қабылдау тоқтатылуы тиіс. Асқазан-ішек жолына әсері Барлық ҚҚСП қатысты, асқазан-ішек жолынан қан кету, ойық жара және тесілу туралы хабарланды, олар емдеудің кез келген сәтінде орын алуы және пациенттің өміріне қауіп төндіруі – ізашар-симптомдармен немесе оларсыз, анамнезде асқазан-ішек жолы тарапынан ауыр бұзылулардың болуымен немесе ондайларсыз жүруі мүмкін. Нимесулидті анамнезінде асқазан-ішек аурулары (ойық жаралы колит, Крон ауруы) бар пациенттерде сақтықпен қолдану керек, өйткені бұл аурулардың өршуі орын алуы мүмкін. Анамнезінде АІЖ ойық жарасы (ойық жаралы колит, Крон ауруы) бар пациенттерде, сондай-ақ егде пациенттерде асқазан-ішектен қан кетудің, асқазанның немесе он екі елі ішектің пептидтік ойық жарасының/тесілуінің пайда болу қаупі ҚҚСП дозасын ұлғайтқанда артады, сондықтан емдеуді ең аз ықтимал дозадан бастау керек. Осындай пациенттерге, сондай-ақ ацетилсалицил қышқылының төмен дозаларын немесе асқазан-ішек жолы тарапынан асқынулардың туындау қаупін арттыратын басқа да дәрілерді бір мезгілде қолдануды талап ететін пациенттерге қосымша гастропротекторларды (мизопростол немесе протонды помпа блокаторлары) қабылдауды тағайындау ұсынылады. Анамнезінде АІЖ аурулары бар пациенттер, әсіресе егде пациенттер дәрігерге АІЖ тарапынан жаңадан пайда болған симптомдар туралы (әсіресе асқазан-ішектен қан кету мүмкіндігін көрсететін симптомдар туралы) хабарлауы тиіс. Нимесулидті ойық жаралану немесе қан кету қаупін арттыратын препараттарды (пероральді кортикостероидтар, антикоагулянттар, мысалы варфарин, серотонинді кері қармайтын селективті тежегіштер немесе антитромбоцитарлық агенттер, мысалы ацетилсалицил қышқылы) қабылдайтын пациенттерге сақтықпен тағайындау керек. Нимесулид қабылдайтын пациенттерде асқазан-ішектен қан кету немесе АІЖ ойық жаралы зақымдануы туындаған жағдайда препаратпен емдеуді дереу тоқтату қажет. Көру мүшелеріне әсері Басқа ҚҚСП қабылдайтын пациенттерде көрудің бұзылуы туралы хабарламаларды ескере отырып, кез келген көрудің бұзылуы пайда болған кезде нимесулидті қолдану дереу тоқтатылуы және офтальмологиялық тексеру жүргізілуі тиіс. Жүрек-қантамыр және цереброваскулярлық жүйелерге әсері Препарат тіндерде сұйықтықтың іркілуіне әкелуі мүмкін, сондықтан артериялық гипертензиясы бар, бүйрек және/немесе жүрек жеткіліксіздігіне, жүректің ишемиялық ауруына, шеткері артериялар ауруына және/немесе цереброваскулярлық ауруларға шалдыққан, жүрек-қантамыр ауруларының даму қаупі факторлары бар (мысалы: гиперлипидемиясы, қант диабеті бар, шылым шегетін) пациенттерге нимесулидті аса сақтықпен қолдану керек. Хал-ахуалы нашарлаған жағдайда нимесулидпен емдеуді тоқтату қажет. Клиникалық зерттеулер мен эпидемиологиялық деректер ҚҚСП, әсіресе жоғары дозаларда және ұзақ уақыт қолданған кезде миокард инфарктісі немесе инсульт туындау қаупінің елеусіз артуына алып келуі мүмкін деген қорытынды жасауға мүмкіндік береді. Нимесулидті қолдану кезінде мұндай асқынулардың туындау қаупін жоққа шығару үшін деректер жеткіліксіз. Қан жүйесіне әсері Нимесулид тромбоциттердің қасиеттерін өзгерте алады, сондықтан препаратты геморрагиялық диатезі бар адамдарда қолданғанда сақтық таныту керек, алайда препарат жүрек-қантамыр аурулары кезінде ацетилсалицил қышқылының профилактикалық әсерін алмастырмайды. Тері жабындысы мен тері асты тіндерінің тарапынан реакциялар Сирек жағдайларда ҚҚСП, оның ішінде нимесулидті қабылдау кезінде, әсіресе, емдеудің бастапқы сатыларында тері реакцияларының (эксфолиативтік дерматит, Стивенс-Джонсон синдромы, уытты эпидермалық некролиз сияқты) пайда болуы туралы деректер бар. Тері бөртпесінің алғашқы көріністерінде, шырышты қабықтардың зақымдануында немесе аллергиялық реакцияның басқа белгілерінде нимесулидті қабылдауды дереу тоқтату керек. Нимесулидті қолдану кезінде орныққан дәрілік бөртпелер (ОДБ) жағдайлары туралы хабарланды. Нимесулидті анамнезінде нимесулидпен байланысты ОДБ бар пациенттерге қайта тағайындамаған жөн. Фертильділікке әсері Препаратты қолдану әйелдердің фертильділігіне теріс әсер етуі мүмкін және жүктілікті жоспарлап жүрген әйелдерге ұсынылмайды. Бала көтеруде қиындықтарды бастан өткеріп жүрген немесе бедеулікке қатысты тексеруден өтіп жүрген әйелдерде, нимесулидпен емдеуді тоқтату туралы мәселені қарастыру керек. Қосымша заттар Нимесулид AVVA құрамында сахароза бар. Бұл препарат сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге тағайындалмауы тиіс. Егде жастағы пациенттер Егде жастағы пациенттер ҚҚСП-ға туындайтын жағымсыз реакцияларға, оның ішінде пациенттің өміріне қауіп төндіретін асқазан-ішек қан кетулерінің және тесілулердің пайда болу қаупіне, бүйрек, бауыр және жүрек функцияларының төмендеуіне әсіресе бейім болып келеді. Нимесулидті қабылдаған кезде пациенттердің осы санаты үшін тиісті клиникалық бақылау қажет. Педиатрияда қолдану Нимесулид AVVA дәрілік препаратын 18 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Нимесулидтің көлік құралдары мен механизмдерді басқару қабілетіне әсері зерттелмеген, алайда жүйке жүйесі тарапынан жағымсыз реакцияларды (бас айналу, ұйқышылдық) ескере отырып, автокөлік құралдары мен басқа да механизмдерді басқарудан бас тартқан жөн.

Жүктілік кезеңінде нимесулидті қолдануға болмайды. Нимесулидті бала емізу кезеңінде қолдануға болмайды.

Глюкокортикостероидтар асқазан-ішек жолдарының эрозиялық-ойық жаралы зақымдану немесе қан кету қаупін арттырады. Тромбозға қарсы дәрілер және серотонинді кері қармайтын селективті тежегіштері (СКҚСТ), мысалы, флуоксетин, асқазан-ішектен қан кетудің пайда болу қаупін арттырады. Антикоагулянттар. ҚҚСП варфарин сияқты антикоагулянттардың немесе ацетилсалицил қышқылы сияқты тромбозға қарсы әсері бар препараттардың әсерін күшейтуі мүмкін. Қан кету қаупінің жоғарылауына байланысты мұндай біріктірілім ұсынылмайды және ауыр коагуляция бұзылыстары бар пациенттерге қарсы көрсетілімді болып табылады. Егер біріктірілген емді әлі де болдырмау мүмкін болмаса, қанның ұю көрсеткіштерін мұқият бақылау қажет. Қабынуға қарсы стероидты емес басқа препараттар (ҚҚСП): Құрамында нимесулид бар препараттарды ацетилсалицил қышқылын қоса, басқа ҚҚСП-мен бір мезгілде 1 г-дан астам бір реттік дозада немесе 3 г-дан астам тәуліктік дозада қолдану ұсынылмайды. Диуретиктер. ҚҚСП диуретиктердің әсерін төмендетуі мүмкін. Дені сау еріктілерде нимесулид фуросемидтің әсерінен натрийдің шығарылуын уақытша төмендетеді, аз дәрежеде калийдің шығарылуын төмендетеді және диурездік әсерді төмендетеді. Нимесулид пен фуросемидті бір мезгілде қолдану «концентрация - уақыт» қисығы астындағы ауданның (AUC) азаюына (шамамен 20% - ға) және фуросемидтің бүйректік клиренсін өзгертпестен фуросемидтің кумулятивтік экскрециясының төмендеуіне әкеледі. Фуросемид пен нимесулидті бір мезгілде қолдану бүйрек немесе жүрек жеткіліксіздігі бар пациенттерде сақтықты талап етеді. Ангиотензин өзгертуші фермент (АӨФ) тежегіштері және ангиотензин ІІ рецепторларының антагонистері. ҚҚСП гипотензивті препараттардың әсерін төмендете алады. Жеңіл және орташа дәрежедегі (креатинин клиренсі 30-60 мл/мин) бүйрек жеткіліксіздігі бар пациенттерде АӨФ тежегіштерін, ангиотензин II рецепторларының антагонистерін және циклооксигеназа жүйесін басатын дәрілерді (ҚҚСП, антиагреганттар) бір мезгілде қолданғанда бүйрек функциясының одан әрі нашарлауы және әдетте қайтымды болатын, жедел бүйрек жеткіліксіздігі туындауы мүмкін. Осы өзара әрекеттесулерді АӨФ тежегіштерімен немесе ангиотензин II рецепторларының антагонистерімен бірге нимесулид қабылдайтын пациенттерде ескеру керек. Сондықтан осы препараттарды бір мезгілде қолдануды, әсіресе егде жастағы пациенттерде сақтықпен жүзеге асыру керек. Пациенттер сұйықтықтың жеткілікті мөлшерін қабылдауы тиіс, ал бүйрек функциясын бір мезгілде қолдану басталғаннан кейін мұқият бақылау керек. Мифепристон. Простагландиндер синтезі тежегіштерінің әсерінен мифепристон тиімділігінің өзгеруінің теориялық қаупіне байланысты ҚҚСП-ны мифепристон тоқтатылғаннан кейін 8-12 тәуліктен ерте қолдануға болмайды. Литий. ҚҚСП литий клиренсін төмендететіні туралы деректер бар, бұл қан плазмасындағы литий концентрациясының жоғарылауына және оның уыттылығына әкеледі. Литий препараттарымен ем алып жүрген пациенттерде нимесулидті қолданған кезде қан плазмасындағы литий концентрациясына тұрақты бақылауды жүзеге асырған жөн. Глибенкламидпен, теофиллинмен, дигоксинмен, циметидинмен және антацидті препараттармен (мысалы, алюминий мен магний гидроксидтерінің біріктірілімі) клиникалық тұрғыдан маңызды өзара әрекеттесулер байқалған жоқ. Нимесулид CYP2C9 изоферментінің белсенділігін басады. Осы ферменттің субстраты болып табылатын препараттарды нимесулидпен бір мезгілде қолданғанда соңғысының плазмадағы концентрациясы жоғарылауы мүмкін. Метотрексат. Нимесулидті метотрексатты қабылдағанға дейін немесе одан кейін 24 сағаттан аз уақыт бұрын тағайындаған кезде сақ болу керек, өйткені мұндай жағдайларда қан плазмасындағы метотрексат деңгейі және тиісінше уытты әсерлері жоғарылауы мүмкін. Бүйрек простагландиндеріне әсер етуіне байланысты, нимесулид жататын простагландиндер синтетазаларының тежегіштері циклоспориндердің нефроуыттылығын арттыруы мүмкін. In vitro зерттеулері нимесулидтің толбутамидпен, салицил қышқылымен және вальпрой қышқылымен байланысатын жерлерден ығысатынын көрсетті. Осы өзара әрекеттесулер қан плазмасында анықталғанына қарамастан, көрсетілген әсерлер препаратты клиникалық қолдану процесінде байқалмады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!