Нимулид ЛТ таблетки 100 мг

Бір таблетканың құрамында белсенді зат - 100 мг нимесулид қосымша заттар: маннитол, натрий крахмалы гликоляты (А типі), натрий кроскармеллозасы, магний стеараты, аспартам, сусыз коллоидты кремний, арнайы қызғылт-сары Трусил хош иістендіргіші, тазартылған су. Сыртқы түрінің, иісінің, дәмінің сипаттамасы Бозғылт-сары түсті, екі беті тегіс дөңес, дөңгелек, хош иісті таблеткалар.

• жедел ауыруларды емдеу үшін • алғашқы дисменореяны емдеу үшін Нимулид ЛТ препаратын тек екінші реттік препарат ретінде тағайындау керек. Нимесулидпен емдеу туралы шешім нақты бір пациент үшін барлық қауіптерін бағалаудың негізінде қабылдануы тиіс.

Нимесулид простагландиндер синтезіне жауап беретін циклооксигеназа ферментінің тежегіші ретінде әсер ететін, ауыруды басатын және ыстықты түсіретін қасиеттері бар, қабынуға қарсы стероидты емес дәрілік зат болып табылады.

Дозалану режимі Жағымсыз әсерлерін барынша азайту үшін, емнің аса қысқа мерзімінде ең төмен тиімді дозасын қабылдау керек. Нимулид ЛТ препаратымен емдеу курсының ең көп ұзақтығы 5 күнді құрайды. Ересектер: тәулігіне 2 рет 1 таблеткадан (100 мг Нимулид ЛТ) тамақ ішкеннен кейін. Пациенттердің ерекше топтары Егде жастағы пациенттер: Егде жастағы пациенттерге тәуліктік дозасын азайту қажет емес. Балалар мен 18 жасқа дейінгі жасөспірімдер: құрамында нимесулид бар дәрілік препараттарды балалар мен 18 жасқа дейінгі жасөспірімдерге қолдануға болмайды. Бүйрек функциясы бұзылған пациенттер: бүйрек жеткіліксіздігінің жеңіл және орташа түрлері бар (креатинин клиренсі 30-80 мл/мин) пациенттерде дозасын түзету қажет емес, ал бүйректің ауыр жеткіліксіздігі бар (креатинин клиренсі < 30 мл/мин) пациенттерге Нимулид ЛТ препаратын тағайындауға болмайды. Бауыр функциясы бұзылған пациенттер: Бауыр функциясы бұзылған пациенттерге Нимулид ЛТ препаратын қолдануға болмайды. Енгізу әдісі және жолы Таблетканы тіл үстіне қойыңыз, ол бірнеше секундта еріп кетеді, содан кейін жұтылады. Таблетка тамақтан бұрын қабылданады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

- нимесулидке, кез келген басқа ҚҚСД-ға және/немесе қосымша заттарының біріне аса жоғары сезімталдық - бұрын ацетилсалицил қышқылын немесе қабынуға қарсы стероидты емес басқа препараттарды қабылдауға байланысты орын алған гиперергиялық реакциялар (мысалы, бронх түйілуі, ринит, есекжем) • бұрын болған, нимесулидке гепатоуытты реакциялар • гепатоуытты болуы ықтимал басқа заттарды қатарлас қабылдау • маскүнемдік, есірткіге тәуелділік - бұрын туындаған, осының алдындағы ҚҚСД емімен байланысты асқазан-ішектен қан кетулер немесе тесілу - асқазанның немесе он екі елі ішектің өршу фазасындағы ойық жарасы, анамнезде асқазан-ішекте ойық жараның, тесілу немесе қан кетудің болуы - цереброваскулярлық қан кетулер немесе басқа да жедел қан құйылулар, сондай-ақ қанағыштықпен қатар жүретін аурулар - қан ұюының ауыр бұзылулары - жүректің ауыр жеткіліксіздігі - бүйректің ауыр жеткіліксіздігі - бауыр жеткіліксіздігі - қызбасы бар пациенттер және/немесе тұмау тәрізді симптомдардың болуы - жүктілік және бала емізу кезеңі - балалар мен 18 жасқа дейінгі жасөспірімдерге - фенилкетонуриясы бар пациенттерге (препараттың құрамында фенилаланин бар) Басқа дәрілерілік препараттармен өзара әрекеттесуі Фармакодинамикалық өзара әрекеттесуі Қабынуға қарсы стероидты емес басқа препараттар (ҚҚСП) Құрамында нимесулид бар дәрілік заттарды қабынуға қарсы дозалардағы ацетилсалицил қышқылын қоса, басқа ҚҚСД-мен (≥1 г тәулігіне бір рет немесе ≥3 г жалпы тәуліктік доза) бірге қолдану ұсынылмайды. Антикоагулянттар ҚҚСП варфарин сияқты антикоагулянттардың әсерін күшейтуі мүмкін. Варфаринді, баламалы антикоагулянттарды немесе ацетилсалицил қышқылын қабылдап жүрген пациенттерде нимесулидпен емдеу кезінде қан кету сияқты асқыну қаупі жоғары. Осы себепті бұл біріктірілім ұсынылмайды, ал коагуляцияяның ауыр бұзылулары бар пациенттерге бұндай біріктірілімді қолдануға болмайды. Егер біріктірілген емді қолданбау мүмкін болмаса, қанның ұю көрсеткіштеріне мұқият бақылау жүргізу қажет. Антиагреганттар және серотонинді кері қармайтын селективті тежегіштер Антиагреганттар және серотонинді кері қармайтын селективті тежегіштер асқазан-ішек жолында ойық жаралардың немесе қан кетудің қаупін жоғарылатады. Кортикостероидтар Кортикостероидтар: асқазан-ішек жолында ойық жараның немесе қан кетудің туындау қаупін жоғарылатады. Диуретиктер, ангиотензин-өзгертуші фермент тежегіштері, ангиотензин II антагонистері ҚҚСД диуретиктердің және басқа гипотензиялық препараттардың тиімділігін төмендетуі мүмкін. Бүйрек функциясы төмендеген кейбір пациенттерде (мысалы, сусызданудан зардап шегіп жүрген пациенттерде немесе бүйрек функциясы шектелген, егде жастағы пациенттерде) АӨФ тежегіштерін, циклооксигеназа тежегіштерін бір мезгілде тағайындау бүйрек функциясының ары қарай төмендеуін (жедел бүйрек жеткіліксіздігіне дейін) туындатуы мүмкін, ол әдетте қайтымды сипатқа ие. Мұндай өзара әрекеттесулердің болуын, құрамында нимесулид бар препараттарды АӨФ тежегіштерімен немесе ангиотензин АIIА бірге қабылдайтын пациенттерде ескеру қажет. Сондықтан, препараттардың аталған біріктірілімі әсіресе егде жастағы пациенттерде сақтықпен тағайындалуы тиіс. Пациенттер сұйықтықтың жеткілікті мөлшерде қабылдауы керек және біріктірілген емді бастағаннан кейін және мезгіл-мезгіл оның барысында бүйрек функциясын бақылаудың қажеттігі бағалануы керек. Фармакокинетикалық өзара әрекеттесулер: басқа дәрілік заттардың фармакокинетикасына нимесулидтің әсері Фуросемид Дені сау еріктілерде нимесулид фуросемидтің натрийдің шығарылуына, және азғантай дәрежеде калийдің шығарылуына әсерін уақытша төмендетті. Нимесулид пен фуросемидті бірге қабылдау "Концентрация - уақыт" қисығы астындағы ауданның (AUC) азаюына (шамамен 20-ға) және фуросемидтің бүйректік клиренсін өзгертпей, фуросемидтің кумулятивтік экскрециясының төмендеуіне әкеп соқтырады. Бүйрек және/немесе жүрек функцияларының бұзылуларына ұшыраған пациенттерге фуросемидті және құрамында нимесулид бар дәрілік препараттарды бірге тағайындау сақтықты талап етеді. Литий ҚҚСП литийдің клиренсін азайтуы мүмкіндігі жөнінде деректер бар, ол плазмадағы литий деңгейінің және литийдің уыттылығының жоғарылауына алып келеді. Литий препараттарымен ем қабылдап жүрген пациенттерге нимесулидті тағайындаған кезде плазмадағы литий деңгейіне жиі бақылау жасап отыру керек. Фармакокинетикалық өзара әрекеттесулер: басқа дәрілік заттардың нимесулид фармакокинетикасына әсері In vitro зерттеулер нимесулидтің толбутамидпен, салицил қышқылымен және вальпрой қышқылымен байланысу орнынан ығысып шығуы мүмкін екенін көрсетті. Алайда, нимесулидтің плазмадағы деңгейлеріне әсер етуі мүмкіндігіне қарамастан, бұл өзара әрекеттесулер үшін клиникалық маңыздылығын көрсетпеген. Басқа да ақпараттар Глибенкламидпен, теофиллинмен, варфаринмен, дигоксинмен, циметидинмен және антацидтік препараттармен (мысалы, алюминий және магний гидроксидінің біріктірілімі) болуы мүмкін фармакокинетикалық өзара әрекеттесуі мүмкіндігін анықтау мақсатында in vivo зерттеулер жүргізілген. Клиникалық маңызды өзара әрекеттесулер байқалған жоқ. Нимесулид СҮР2C9 бәсеңдетеді. Осы ферменттің субстраттары болып табылатын дәрілік заттарды Нимулид ЛТ препаратымен бір мезгілде қабылдаған кезде, олардың плазмадағы концентрациясы жоғарылауы мүмкін. Нимесулидті метотрексат қабылданғанға дейін 24 сағат бұрын немесе қабылдағаннан кейін кемінде 24 сағаттан соң тағайындаған кезде сақ болу қажет, өйткені мұндай жағдайларда метотрексаттың плазмадағы деңгейі, тиісінше, осы препараттың уытты әсерлері артуы мүмкін. Бүйрек простагландиндеріне, нимесулид те жататын простагландиндер синтетазасының тежегіштеріне әсеріне байланысты, циклоспориндердің нефроуыттылығын жоғарылатуы мүмкін.

Жиі • диарея, жүрек айнуы, құсу • бауыр ферменттері деңгейінің жоғарылауы Жиі емес • бас айналуы • артериялық гипертензия • ентігу • іш қату, метеоризм, асқазан-ішектен қан кету, 12 елі ішектің ойық жаралануы және тесілуі, асқазанның ойық жаралануы және тесілуі • қышыну, бөртпе, тершеңдік • ісіну Сирек • анемия, эозинофилия • жоғары сезімталдық • гиперкалиемия • қорқыныш сезімі, күйгелектік, түнде қорқынышты түс көру • анық көрмеу • тахикардия • геморрагия, артериялық қысымның ауытқымалығы, "Қан тебулер" • эритема • дерматит • дизурия, гематурия • дімкәстік, астения Өте сирек • тромбоцитопения, панцитопения, пурпура • анафилаксия • бас ауыруы, ұйқышылдық, энцефалопатия (Рейе синдромы) • көрудің бұзылуы • вертиго • тахикардия • демікпе, бронх түйілуі • гастрит, іш ауыруы, диспепсия, стоматит, қарамай тәрізді нәжіс • гепатит, қауырт (фульминантты) гепатит (өлім жағдайларын қоса), сарғаю, холестаз • есекжем, ангионевроздық ісіну, беттің ісінуі, полиформалы эритема, Стивенс-Джонсон синдромы, уытты эпидермалық некролиз • несеп шығарудың іркілуі, бүйрек жеткіліксіздігі, олигурия, интерстициальді нефрит • гипотермия Белгісіз • тіркелген дәрілік бөртпе Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: ҚҚСД жедел дозалануы әдетте мыналармен шектеледі: апатия, ұйқышылдық, жүрек айнуы, құсу және эпигастрий аймағының ауыруы, бұлар әдетте, демеуші ем жүргізілген жағдайда қайтымды. Асқазан-ішектен қан кету туындауы мүмкін. Сирек жағдайларда артериялық қысым жоғарылауы, бүйрек функциясының жедел жеткіліксіздігі, тыныстың тарылуы және кома туындауы мүмкін. ҚҚСП емдік дозаларын қабылдағанда және мұндай препараттар артық дозаланғанда анафилактоидтық реакциялардың туындағаны туралы хабарланған. Емі: ҚҚСП артық дозаланған жағдайда симптоматикалық және демеуші ем жүргізіледі. Арнайы антидоты жоқ. Нимесулидтің гемодиализ жолымен шығарылуына қатысты деректер жоқ, алайда плазма ақуыздарымен байланысу деңгейінің (97,5 % дейін) жоғарылығы негізінде, препарат артық дозаланғанда диализдің тиімділігі аз деп тұжырымдауға болады. Артық дозалану симптомдары болған жағдайда немесе препараттың жоғары дозасын қабылдағаннан кейін 4 сағат ішінде пациенттерге тағайындауға болатындар: құстыру және/немесе белсендірілген көмір (ересектер үшін 60-100 грамм) және/немесе іш жүргізетін осмостық дәрі қабылдау. Препараттың қан ақуыздарымен жоғары байланысу деңгейінің жоғарылығы салдарынан, мәжбүрлі диурез, несепті сілтілендіру, гемодиализ немесе гемоперфузия тиімсіз болуы мүмкін. Бүйрек және бауыр функцияларына бақылау жасаған жөн.

Арнайы сақтандырулар Нимесулидті басқа ҚҚСД-мен, соның ішінде, циклооксигеназа-2 селективті тежегіштерімен біріктіріп қолданбау керек. Нимулид ЛТ препаратымен емдеу кезінде пациент басқа анальгетиктерді қабылдаудан бас тартуы тиіс. Бақыланбайтын артериялық гипертензиясы, жүректің іркілісті жеткіліксіздігі бар, жүректің ишемиялық ауруы диагнозы қойылған, шеткері артериялардың ауруы және/немесе цереброваскулярлық патологиясы бар пациенттерге нимесулидті, осы пациенттердің жай-күйін мұқият бағалағаннан кейін тағайындау керек. Жүрек-қантамыр ауруларына (мысалы, артериялық гипертензия, гиперлипидемия, қант диабеті, шылым шегу) қатысты қауіп факторлары бар пациенттерді ұзақ емдеуді бастамас бұрын дәл осындай мұқият бағалау жүргізілуі тиіс. Нимесулид тромбоциттер функцясына әсер етуге қабілетті болғандықтан, геморрагиялық диатезі бар пациенттерге оны сақтықпен тағайындау керек. Алайда, жүрек-қантамыр ауруларының профилактикасына қатысты, Нимулид ЛТ препаратын қабылдау ацетилсалицил қышқылын қабылдауды алмастыра алмайды. Ауру симптомдарын бақылауға алу үшін қажетті ең аз ұзақтықта ең аз тиімді дозаны пайдалана отырып, жағымсыз әсерлерді барынша азайтуға болады Симптоматикасы жақсармаған жағдайда, препаратпен емдеуді тоқтату керек. Бауырға әсері Бауыр тарапынан ауыр реакциялардың, соның ішінде, құрамында нимесулид бар дәрілік заттарды қолданумен байланысты өлімнің сирек жағдайлары туралы хабарланған. Нимулид ЛТ препаратымен емдеу кезінде бауырдың зақымдануы симптомдарына ұқсас симптомдар (мысалы, анорексия, жүрек айнуы, құсу, іш ауыруы, қажу, несептің қараюы) туындаған жағдайда, немесе бауыр функциясының зертханалық талдауларының деректері қалыпты мәндерден ауытқыған пациенттерге препаратпен емдеуді тоқтату қажет. Ондай пациенттерге нимесулидті қайта тағайындауға болмайды. Препараттың қысқа мерзімді әсерінен кейін бауыр зақымданғаны туралы хабарланған, ол көпшілік жағдайларда қайтымды. Нимесулидті қабылдаған және тұмауға немесе суық тиюге ұқсас симптомдар дамыған пациенттер препаратпен емделуді тоқтатуы қажет. Асқазан-ішек жолына әсері Барлық ҚҚСД қатысты, асқазан-ішек жолынан қан кету, ойық жара және тесілу туралы хабарланды, олар емдеудің кез келген сәтінде орын алуы және пациенттің өміріне қауіп төндіруі – ізашар-симптомдармен немесе оларсыз, анамнезде асқазан-ішек жолы тарапынан ауыр бұзылулардың болуымен немесе ондайларсыз жүруі мүмкін. Асқазан-ішек жолында қан кетудің, ойық жараның немесе тесілудің туындау қаупі ҚҚСД дозасын арттырған кезде, пациенттерде анамнезінде, әсіресе қан кетумен немесе тесілулермен асқынған ойық жара болғанда, сондай-ақ, егде жастағы пациенттерде жоғарылайды. Ондай пациенттерде емдеуді мүмкіндігінше ең аз дозадан бастау керек. Мұндай пациенттерге, сондай-ақ, төмен дозалардағы аспиринді немесе асқазан-ішек жолы тарапынан патологияның пайда болу қаупін арттыратын басқа да препараттарды бір мезгілде қабылдап жүрген пациенттерге қатысты протектор-препараттармен, мысалы, мизопростолмен немесе протондық сорғы тежегіштерімен біріктіріп емдеу мүмкіндігін қарастыру керек. Анамнезінде асқазан-ішек жолдарының уытты сипаттағы патологиясы болған пациенттер, әсіресе егде жастағы пациенттер, асқазан-ішек жолдары тарапынан кез келген жағымсыз симптомдар туралы (әсіресе, асқазан-ішек жолынан қан кетулер туралы) хабарлауы тиіс. Бұл әсіресе, емдеудің бастапқы сатыларында өте маңызды. Асқазан-ішек жолдарынан қан кету, ойық жараның түзілуі/тесілуі емдеу аясында кез-келген уақытта – ізашар-симптомдар пайда болғанда да, оларсыз да, сондай-ақ, анамнезінде асқазан-ішек жолы тарапынан патологияның болуына немесе болмауына байланыссыз дамуы мүмкін. Асқазан-ішек жолында қан кету немесе ойық жара дамыған жағдайда, нимесулидпен емдеуді дереу тоқтату керек. Пептидтік ойық жараны, анамнезінде асқазан-ішек жолынан қан кетудің болуын, спецификалық емес ойық жаралы колитті және Крон ауруын қоса, асқазан-ішек жолының аурулары бар пациенттерге нимесулидті сақтықпен тағайындау керек. Ойық жараның немесе қан кетудің туындау қаупін арттыруы мүмкін қатарлас препараттарды, мысалы, пероральді кортикостероидтарды, варфарин сияқты антикоагулянттарды, серотонинді қайта қармайтын селективті тежегіштерді немесе аспирин сияқты антиагреганттарды қабылдап жүрген пациенттерге, препаратты қабылдаған кезде сақ болу қажеттілігі туралы ескертілуі тиіс. Нимесулидті қабылдап жүрген пациенттерде қан кету немесе асқазан-ішек жолының ойық жарасы туындаған жағдайда, препаратпен емдеуді тоқтату керек. Анамнезінде асқазан-ішек аурулары (спецификалық емес ойық жаралы колит, Крон ауруы) болған пациенттерге ҚҚСД сақтықпен тағайындау керек, өйткені аталған аурулар өршуі мүмкін. Егде жастағы пациенттер Егде жастағы пациенттерде ҚҚСД-ға жағымсыз – әсіресе, кейбір жағдайларда өмірге қауіп төндіруі мүмкін, асқазан-ішек жолындағы қан кету және тесілу сияқты реакциялардың, сондай-ақ, бүйрек, бауыр және жүрек функциясы бұзылуларының жиілігі жоғарылауы мүмкін. Сондықтан осы пациенттерге тиісінше клиникалық бақылауда болу ұсынылады. Тері реакциялары ҚҚСД қолдану аясында өте сирек жағдайда, терінің ауыр реакциялары байқалды, эксфолиативтік дерматитті, Стивенс–Джонсон синдромын, сондай-ақ уытты эпидермалық некролизді қоса, олардың кейбірі өлімге соқтырған. Көріп отырғанымыздай, аталған реакциялардың пайда болуының қаупіне пациенттер емнің басында көбірек ұшырайды, және көбінесе ондай реакциялар емнің алғашқы айы ішінде орын алады. Тері бөртпесі, шырышты қабықтардың зақымдану белгілері немесе аса жоғары сезімталдықтың басқа да симптомдары пайда болған жағдайда, Нимулид ЛТ препаратын қабылдауды тоқтату керек. Нимесулидті қолданғанда тіркелген дәрілік бөртпе (ТДБ) жағдайлары хабарланды. Нимесулидті анамнезінде нимесулидпен байланысты ТДБ бар емделушілерге қайта тағайындауға болмайды («Жағымсыз реакциялар» бөлімін қараңыз). Бүйрек функциясына әсері Препаратты бүйрек немесе жүрек жеткіліксіздігі бар пациенттерге сақтықпен тағайындау қажет, өйткені Нимулид ЛТ препаратын қолдану бүйрек функциясының нашарлауына алып келуі мүмкін. Нашарлаған жағдайда емдеуді тоқтату керек. Фертильділікке әсері Нимулид ЛТ препаратын қолдану әйелдерде бала туу функциясына теріс әсер етуі мүмкін – сондықтан, жүктілікті жоспарлап жүрген әйелдерге препаратты тағайындау ұсынылмайды. Бала көтеруде қиындықтары бар немесе бедеулікке тексерілуден өтіп жүрген әйелдерде Нимулид ЛТ препаратын тоқтату мүмкіндігін қарастыру керек. Жүрек-қантамыр және цереброваскулярлық жүйелер тарапынан бұзылулар Анамнезінде артериялық гипертензия және/немесе ҚҚСД қолдану аясында организмде сұйықтық іркілуі және ісінулер кезінде көрініс беретін жүректің жеңіл/орташа ауырлық дәрежесіндегі іркілісті жеткіліксіздігі бар пациенттерге жағдайды тиісінше бақылау және дәрігердің кеңесі қажет болады. Клиникалық зерттеулер мен эпидемиологиялық деректер, кейбір ҚҚСД қолдану – әсіресе жоғары дозада және ұзақ қолданғанда артериялық тромбоз (мысалы, миокард инфарктісі немесе инсульт) қаупінің елеусіз жоғарылауымен байланысты болуы мүмкін деген қорытынды жасауға мүмкіндік береді. Нимесулидті қолдану кезінде мұндай қауіпті болдырмау үшін деректер жеткіліксіз. Қосымша заттар Препараттың қосымша заттарының құрамында бар: - маннитол бар, ол орташа босаңсытатын әсер тудыруы мүмкін; - аспартам бар, ол фенилкетонуриясы бар адамдарға зиянын тигізуі мүмкін; - натрий бар (натрий кроскармеллозасы мен натрий крахмалы гликолятының құрамында), тұзсыз диета ұстап жүрген пациенттер сақтық танытуы қажет. Препараттың көлік құралдарын және қауіптілігі зор механизмдерді басқару қабілетіне әсері Құрамында нимесулид бар препараттардың көлік құралдарын басқару және қауіптілігі зор механизмдермен қызмет көрсету қабілетіне әсер етуіне қатысты зерттеулер жүргізілген жоқ. Осыған қарамастан, препаратты қабылдағаннан кейін естімей қалуды, бас айналуын немесе ұйқышылдық сезімін бастан өткерген пациенттерге көлік құралдарын басқаруға немесе қауіптілігі зор механизмдермен қызмет көрсетуге болмайды.

Простагландиндер синтезінің бәсеңдеуі жүктілікке және/ немесе шарананың дамуына қолайсыз әсер етуі мүмкін. Эпидемиологиялық зерттеулер кезінде алынған деректер, жүктіліктің бастапқы мерзімінде простагландиндер синтезін бәсеңдететін препараттарды қолдану өздігінен түсік тастау, шаранада жүрек ақауының және гастрошизистің туындау қаупін арттыратынына қатысты қауіп тудырады. Жүрек-қантамыр жүйесі аномалиясының абсолюттік қаупі кемінде 1%-дан шамамен 1,5%-ға дейін артты. Қауіп препараттың дозасын және оны қолдану ұзақтығымен арттырғанда жоғарылай түседі деп саналады. Жүктіліктің үшінші триместрінде простагландиндер синтезінің барлық тежегіштері: • шаранада: • пневмокардиальді уытты зақымданудың (артериялық түтіктердің мерзімінен бұрын жабылуы және өкпе артериясы жүйесіндегі гипертензия); • су аздығының дамуымен бүйрек жеткіліксіздігіне дейін үдейтін бүйрек дисфункциясының дамуына алып келуі мүмкін; • жүктіліктің соңында анасы мен шаранада: • тіпті препаратты өте төмен дозаларда қолданғанда да туындауы мүмкін қан кету уақытының ұзаруы, антиагрегациялық әсер; • босанудың кідіруіне немесе ұзаққа созылуына алып келуі мүмкін жатырдың жиырылу белсенділігінің бәсеңдеуі болуы мүмкін. Лактация кезеңі Қазіргі уақытта нимесулидтің ана сүтіне өтетін-өтпейтіні белгісіз. Нимесулидті бала емізетін аналарға қолдануға болмайды

Нұсқаулықта көрсетілмеген.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Препаратты балалардың қолы жетпейтін жерде сақтау керек!