Нитроминт® аэрозоль 0.4 мг/дозу

Бір баллонның ішінде: белсенді зат - этанолдағы 8.0 г 1% нитроглицерин ерітіндісі. белгілі әсері бар қосымша заттар: пропиленгликоль 2.00 г. Сыртқы түрінің, иісінің, дәмінің сипаттамасы Түссіз немесе түссіз дерлік шөгіндісіз мөлдір ерітінді.

Нитроминт препараты 18 жастағы және одан асқан ересек пациенттерге стенокардия ұстамаларын басуға және стенокардия ұстамаларын дене жүктемесі немесе эмоционалды ширығу алдында профилактика жүргізуге арналған.

Жүрек ауруларын емдеуге арналған препараттар. Жүрек ауруларын емдеуге қолданылатын шеткері вазодилататорлар. Органикалық нитраттар. Глицерил тринитраты. ATХ коды C01DA02 Әсер ету механизмі Веналық тамырларға басым әсер ететін шеткері вазодилататор. Нитроглицериннің әсері негізінен алдын ала жүктемені (шеткері веналардың кеңеюі және оң жүрекшеге қан ағымының төмендеуі) және жүктемеден кейінгі (жалпы шеткері қан тамырларының кедергісінің (ЖШҚТК) төмендеуі) азайту арқылы миокардтың оттегіге деген қажеттілігінің төмендеуімен байланысты. Фармакодинамикалық әсерлері Қан тамырларының симпатикалық тонусына орталық тежегіш әсер етеді, ауыру синдромының пайда болуының тамырлы компонентін бәсеңдетеді. Менингиальды тамырлардың кеңеюін тудырады, оны қолданған кезде бас ауыруы түсіндіріледі. Тіл астына арналған түрлерін қолданған кезде стенокардия ұстамасы әдетте 1,5 минуттан кейін басылады, антиангинальды әсері 30-дан 60 минутқа дейін сақталады.

Дозалау режимі Стенокардия ұстамасын басу: 0,4-0,8 мг (1-2 доза), дозалағыш клапанды басу, жақсырақ отырған күйде, 30 с аралықпен тыныс алу кідірген кезінде; осыдан кейін ауызды бірнеше секундқа жабу керек. Қажет болған жағдайда (егер стенокардия ұстамасы 5 минут ішінде басылмаса) препарат қайта қолданылады, бірақ 5 минут ішінде 1,2 мг (3 доза) аспайды. 1,2 мг (3 доза) препаратты қолданғаннан кейін емдік әсер болмаған жағдайда дереу дәрігермен кеңесу керек. Стенокардия ұстамаларының профилактикасы дене белсенділігі немесе эмоционалды ширығу алдында: 5-10 минут бұрын 0,4 мг (1 доза). Пациенттердің ерекше топтары Егде пациенттер Егде пациенттерде препаратты қолданған кезде дозалау режимін өзгерту қажет емес, бірақ нитраттарды қолданған кезде егде пациенттерде гипотензия мен естен тану дамуы мүмкін. Балалар мен жасөспірімдер Нитроминтті пациенттердің осы санатында қолданудың қауіпсіздігі мен тиімділігі жөніндегі деректердің болмауына байланысты балалар мен 18 жасқа дейінгі жасөспірімдерде қолдану ұсынылмайды. Енгізу әдісі мен жолы Тіл астына қолдануға арналған аэрозоль. Тіл астына арналған дозаланған Нитроминт® аэрозолі дозалағыш сорғысы және бүріккіш қондырмасы бар алюминий баллондарда шығарылады. Препаратты алюминий баллондарда қолданған кезде қорғағыш қалпақшасын оңай алып тастауға болады (1-суретті қараңыз) 1-сурет - Алюминий баллоннан қорғағыш қалпақшасын шешіп алу. Баллонды бірінші рет қолданар алдында аэрозоль пайда болғанға дейін қорғағыш қалпақшаны алып тастап, дозалағыш клапанды бірнеше рет басу арқылы дозалағыш сорғыны толтыру керек. Баллонды қолданудың ұзақ үзілісінен кейін аэрозоль камерасын толтыру үшін бірінші дозаны ауаға бүрку ұсынылады. Пайдалану кезінде баллонды жоғары қарай шашырататын басымен тігінен ұстау керек. Препаратты қолдану кезінде пациент тыныштықта, отырған күйінде болуы дұрысырақ. Препарат дозалағыш бүріккіш қондырманы басу арқылы тіл астына шашыратылады. Дозалағыш клапанды әр басу механикалық сорғымен жабдықталған баллоннан аэрозоль түрінде бір дозаны (0,4 мг нитроглицерин) шығарады. Бүркуден кейін бірден ауызды бірнеше секундқа жабу керек. Препаратты деммен ішке тартуға және жұтуға болмайды. Қолданар алдында баллонды сілкудің қажеті жоқ. Дәрілік препаратты қолдану тәсілін түсіндіру үшін, медициналық қызметкерден кеңес алу үшін жүгіну жөніндегі ұсынымдар Егер Сізде осы препаратты қолдану туралы қосымша сұрақтар туындаса, дәрігеріңізге хабарласыңыз.

• белсенді затқа (нитроглицеринге) немесе қосымша заттардың кез келгеніне аса жоғары сезімталдық • қан айналымның жедел жеткіліксіздігі (шок, коллапс) • айқын гипотензия (систолалық АҚ 90 мм сын. бағ. төмен) • гиповолемия • кардиогендік шок (сол жақ қарыншасының қажетті соңғы диастолалық қысымы аорта ішілік контрапульсациямен немесе оң инотропты әсері бар препараттармен демеуге келмейтін жағдайларды қоспағанда) • толтыру қысымы төмен жедел миокард инфарктісі • толтыру қысымы төмен сол жақ қарыншалық жеткіліксіздік • гипертрофиялық обструктивті кардиомиопатия туындатқан стенокардия, өйткені бұл жағдай қанның лықсуына кедергі келтіруі мүмкін • конструктивті перикардит • перикард тампонадасы • аорталық немесе митральды тесіктің стенозы • ауыр анемия • өкпенің бастапқы гипертензиясы (өйткені жеткіліксіз желдетілетін альвеолярлық аймақтардың гиперемиясы гипоксияға әкелуі мүмкін) аталған қауіп әсіресе жүректің ишемиялық ауруы бар науқастарда жоғары • нитроглицеринді 5-ші типті фосфодиэстераза тежегіштерін (силденафил, варденафил, тадалафил) пайдаланатын пациенттерге қолдануға болмайды • бассүйекішілік қысымның жоғарылау мүмкіндігімен байланысты кез келген жағдай (мысалы миға қан құйылу немесе бас жарақаты) • тар бұрышты глаукома (нитраттар көзішілік қысымды жоғарылатуы мүмкін) • қан айналымының ортостаздық бұзылыстарына бейімділік. • нитраттар мен еритін гуанилатциклаза риоцигуатының стимуляторын бір мезгілде қолдану

Нитроминт® препаратын қолдануды тоқтатыңыз және келесі ауыр жағымсыз реакциялардың кез келгенін байқасаңыз, дереу дәрігерге хабарласыңыз: Жиі емес (100 адамның көп дегенде 1-де туындауы мүмкін): • кенеттен болатын күрт әлсіздік, терінің бозаруы, қырлы бет әлпет, жабысқақ суық тер, бас айналу, жүректің баяулауы және ырғақты емес жиырылуы, естен тану (коллапс); • кеуденің ауыруы, кеудеде тұншығуды және ауырлықты сезіну, сол қолға, иық астына берілетін ауыру, жүректің жұмысындағы үзілістер (стенокардия симптомдарының жоғарылауы). Сирек (1 000 адамның көп дегенде 1-де туындауы мүмкін) • тыныс алудың бұзылуымен, бас ауыруымен, айқын шаршаумен, терінің көгерген түсімен (цианоз) және қанның қоңыр реңкінің пайда болуымен (метгемоглобинемия) көрінетін гемоглобин түрінің пайда болуы). Өте сирек (10 000 адамның көп дегенде 1-де туындауы мүмкін): • мидың қанмен қамтылуының бұзылуы, ол бір қолда немесе аяқта әлсіздік немесе дененің бүкіл жартысында әлсіздік, сөйлеудің қиындауы, сөйлеудің бұзылуы, қозғалыс үйлесімінің жоғалуы, сананың жоғалуы (церебральды ишемия); • беттің, еріннің немесе тілдің ісінуіне әкелетін аллергиялық реакция, бұл жұту қиындығы мен тыныс алу бұзылу (ангионевроздық ісіну) себебі болуы мүмкін; • ауыр, өмірге қауіп төндіретін тері бөртпесі, әдетте ауыз қуысының, мұрынның, көздің, жыныс мүшелерінің шырышты қабығында күлбіреуіктер немесе ойық жаралар түрінде болады, олар терінің бүкіл бетіне таралуы мүмкін, бұл оның қабыршықтануына (Стивенс-Джонсон синдромына) әкеледі. Жиілігі белгісіз (қолда бар деректерге сүйене отырып, туындау жиілігін анықтау мүмкін емес): • терінің қызаруы, құрғауы, қышуы, ашытуы, мөлдір немесе іріңді құрамы бар күлбіреуіктердің түзілуі; күлбіреуіктерді ашқаннан кейін қыртыстар мен қабыршақтану түзіледі; дене температурасының жоғарылауы (эксфолиативті дерматит). Нитроминт® препаратын қолдану кезінде байқалуы мүмкін басқа да ықтимал жағымсыз реакциялар: Өте жиі (10 адамның 1-нен көбінде туындауы мүмкін): • «нитратты» бас ауыруы Жиі (10 адамның көп дегенде 1-де туындауы мүмкін): • бас айналуы, оның ішінде ортостаздық (көлденең күйден тік күйге ауысқаннан кейін), ұйқышылдық • жүрек соғуының жиілеуі (тахикардия) • жүрек соғуын сезіну • артериялық қысымның төмендеуі, оның ішінде көлденең күйден тік күйге ауысқаннан кейін (ортостаздық гипотензия) • басылмайтын шаршауды сезіну (астения) Жиі емес (100 адамның көп дегенде 1-де туындауы мүмкін): • жүрек жиырылу жиілігінің баяулауы (брадикардия) • бет терісіне қан тебуін сезіну • жүрек айнуы, құсу Сирек (1 000 адамның көп дегенде 1-де туындауы мүмкін) • көрудің көрнекі қабылдауының бұлыңғырлығы • терінің көгерген түсі (цианоз) Өте сирек (10 адамның 1-нен көбінде туындауы мүмкін) • мазасыздық қыжыл Жиілігі белгісіз (қолда бар деректерге сүйене отырып, туындау жиілігін анықтау мүмкін емес): • үрейлену • психика бұзылыстары (психоздық реакциялар) • мәңгіру • бағдарсыздық • ауыздың құрғауы • іштің ауыруы • дағдыланудың дамуы (толеранттылық) Нитроглицеринді қамтитын органикалық нитраттар үшін жүрек айнуы, құсу, мазасыздық, тыныс алудың бұзылуы және қатты терлеумен бірге жүретін артериялық қысымның айқын төмендеу жағдайлары байқалды. Препаратты ұзақ уақыт қолдану қанның оттегімен қанығуының төмендеуіне (гипоксемияға) әкелуі мүмкін, бұл тыныс алудың қиындауы немесе жиілеуі мүмкін. Жағымсыз дәрілік реакциялар туындаған кезде медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (іс-қимылдар) жөніндегі ақпараттық дерекқорға тікелей жүгіну (жағымсыз реакциялар бойынша ақпараттық дерекқорды көрсету) керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары қан қысымының айқын төмендеуін қамтуы мүмкін (90 мм сын.бағ. төмен), ортостаздық гипотензия (дененің көлденең күйінен тік күйіне ауысуы кезінде артериялық қысымның күрт төмендеуі), жүрек соғуының жиілеуі, бас ауыруы; астения, бас айналу, ұйқышылдық, ентігу, айқын әлсіздік, ысынуды сезіну немесе қалтырау, дене температурасының жоғарылауы, құрысулар, естен тану, жүрек айнуы, құсу, диарея байқалуы мүмкін. Жоғары дозаларды қолданған кезде (20 мкг/кг-ден астам) – коллапс (қан қысымының төмендеуімен және өмірлік маңызды ағзаларды қанмен қамтудың нашарлауымен сипатталатын өмірге қауіп төндіретін жағдай), терінің көгеруі (цианоз), метгемоглобинемия (қандағы тотыққан гемоглобин мөлшерінің жоғарылауы), тыныс алудың бұзылуы (диспноэ) және жиі тыныс алу (тахипноэ). Егер артық дозаланғанда күдік болса, дереу дәрігерге хабарласыңыз! Жеңіл артық дозаланғанда, Сіз аяғыңызды көтеріп жата аласыз немесе кереуеттің бас жағын төмен түсіре аласыз. Ауыр артық дозаланғанда, Сізге артық дозаланғаннан кейін кем дегенде 12 сағат ішінде қатаң дәрігерлік бақылау қажет болады. Артық дозаланғаннан кейінгі бірінші сағат ішінде асқазанды шаюға, белсендірілген көмірді қолдануға болады.

Арнайы ескертулер Дәрігерге міндетті түрде хабарлаңыз, егер: • Сізде ми жарақаты жоқ кезде миға қан құйылу болса (геморрагиялық инсульт); • Сізде толтыру қысымы төмен сол жақ қарыншалық жеткіліксіздік деп аталатын жедел миокард инфаркісі болса, өйткені қан қысымының төмендеуінің және жүректің жиырылу жиілігі ұлғаюының қаупі туындайды, бұл қан ағымының төмендеуін күшейтуі мүмкін; • Сізде сұйықтықты жоғалту нәтижесінде организмде айналымдағы қан көлемінің азаю жағдайы болса (гиповолемия); • Сізде жүрек ақауы болса, мұндайда сол жақ жүрекше мен қарыншаның арасындағы саңылау тарылып кетеді (оқшауланған митральды стеноз); • Сізде көзішілік қысым жоғары болса (жабық бұрышты глаукома), өйткені көзішілік қысымның жоғарылау қаупі артады; • Сізде уланудан туындаған өкпе ісінуі болса (өкпенің уытты ісінуі); • Сізде бұрын бас жарақаты болса; • Сізде қалқанша без гормондарының концентрациясы жоғары (тиреотоксикоз) болса; • Сізде бүйректің ауыр жеткіліксіздігі болса; • Сізде бауырдың ауыр жеткіліксіздігі болса, өйткені метгемоглобинемияның – қандағы оттегін көтере алмайтын гемоглобиннің ерекше түрінің жоғарылау қаупі артады; • Сізде жүрек бұлшықеті (миокард) қалыптан тыс қалыңдайтын ауру (гипертрофиялық обструктивті кардиомиопатия) болса, өйткені нитроглицеринді қолданғанда стенокардия ұстамалары жиілеуі мүмкін; • Сізде өкпенің созылмалы аурулары, стенокардия, жүректің ишемиялық ауруы, мидың қанмен қамтудың бұзылуы (ишемия), өкпенің патологиясына байланысты жүректің ұлғаюы (өкпе жүрегі) болса; • Сіз жүкті болсаңыз немесе бала емізіп жүрсеңіз. Егер Сіз жоғарыда айтылғандардың Сізге қатысы жоқ екеніне сенімді болмасаңыз, емдеуші дәрігермен кеңесіңіз. Емдеу кезінде дәрігерге хабарлаңыз, егер Сізде: • артериялық қысымның айтарлықтай төмендеуі (артериялық гипотензия) болса. Нитроминт® препаратын қабылдау аясында, әсіресе тұрған күйінде, «жатқан» немесе «отырған» күйінен тік күйге күрт ауысқанда, айналымдағы қан көлемінің төмендеуі, алкогольді бір мезгілде қолдану, дене жаттығуларын орындау немесе ыстық ауа-райы кезінде қан қысымының айтарлықтай төмендеуі және бас айналу пайда болуы мүмкін. Мүмкін болса, Нитроминт® препаратын отырған күйінде қолданыңыз және тік күйге оралғанда сақ болыңыз. Бұл қан қысымының төмендеуіне байланысты бас айналу мен бас айналудан тепе-теңдіктің бұзылу қаупін азайтады. Қан қысымын төмендету қаупін азайту үшін қан қысымын төмендететін немесе қан тамырларын кеңейтетін дәрілік заттармен бір мезгілде қолданған кезде абай болу керек; алкогольді ішуден бас тарту, қоршаған ортаның температурасы жоғары орынжайларда (монша, сауна, ыстық душ), бірінші қабылдаудан кейін қысқа уақыт ішінде бір мезгілде немесе дәйекті түрде бірнеше препараттар қабылдауға жол бермеу керек. • жүрек аймағында қалыптан тыс сезінулер, мысалы, импульсті жеделдету сезіну немесе оның ырғақсыздығы пайда болады. Нитроглицеринді қолданған кезде қан қысымы төмендеуі мүмкін және жүрек соғуы жиірек болады, бұл жүрек бұлшықетінің оттегіге деген қажеттілігінің артуына әкеледі. Бұл факторлар жүрек ырғағының ауыр бұзылуына мысалы, қарыншалардың фибрилляциясына (кейде өліммен аяқталады), әсіресе миокард инфарктісінің кейбір түрлерінде әкелуі мүмкін. Нитроглицеринді қолдану кезінде қан қысымының төмендеуі жүрек жиырылу жиілігінің төмендеуімен және стенокардияның жоғарылауымен / миокард инфарктісінің дамуына дейін жүрек бұлшықетінің қанмен қамтамасыз етілуінің нашарлауымен (ишемия) қатар жүруі мүмкін. Жедел миокард инфарктісі немесе жүректің созылмалы жеткіліксіздігі кезінде нитроглицеринді тіл астына қабылдаудың артықшылықтары анықталмаған. Егер Сіз осы ауруларға нитроглицерин қабылдауды шешсеңіз, өте сақ болу керек. Препаратты қатаң медициналық бақылауда қолдану керек. Нитроглицеринді қолданған кезде өкпе мен жүрек бұлшықетінің кейбір ауруларында жағдайыңыз нашарлауы мүмкін, мысалы, стенокардия ұстамалары жиілей бастайды. Егер Сізде осындай аурулар болса, емдеуші дәрігермен кеңесіңіз. • терінің көк түсі (цианоз) және қанның қоңыр реңкі пайда болды. Нитроглицеринді ұзақ уақыт бақылаусыз қабылдау, препараттың жоғары дозаларын қолдану кезінде және бауыр жеткіліксіздігі бар пациенттерде метгемоглобинемияның даму қаупі артады (организмнің тіндеріне оттегін тасымалдай алмайтын гемоглобин түрінің пайда болуы). Егер бұл симптомдар пайда болса, нитроглицеринді қолдануды дереу тоқтатып, медициналық көмекке жүгініңіз. • препараттың тиімділігі төмендеді деген сезіну пайда болды. Нитроглицеринді бақылаусыз қолдану дағдылану (толеранттылықтың) дамуына әкелуі мүмкін, бұл әсердің ұзақтығы мен айқындылығының төмендеуімен және емдік әсерге жету үшін препараттың дозасын жоғарылату қажеттілігімен көрінеді. Емдеу үзілісінен кейін нитраттарға сезімталдық қалпына келеді. Толеранттылықтың дамуын болдырмау үшін Нитроминт® препаратын стенокардия ұстамаларын тиімді басуға мүмкіндік беретін ең аз дозаларда қолдану керек. • қарқынды бас ауыруы пайда болды. Бұл әдетте препаратты жоғары дозаларда қолданған кезде пайда болады. Нитроглицеринді қабылдау аясында бас ауыруының айқындылығы препараттың дозасын төмендету және/немесе құрамында левоментол бар дәрілік заттарды бір мезгілде қабылдау кезінде азаяды. • анық көрмеу немесе ауыздың құрғауы пайда болды, егер бұл симптомдар пайда болса, нитроглицеринді қолдануды дереу тоқтатып, медициналық көмекке жүгініңіз. Дәрігермен кеңесіңіз: • егер Сіз егде жаста болсаңыз. Егде пациенттерде препаратты қолданған кезде дозалау режимін өзгерту қажет емес, бірақ оларда артериялық гипотензия және естен тану болуы мүмкін. • Егер Сіз холестеринге қан талдауын тапсыруды жоспарласаңыз, дәрігерге Нитроминт® препаратын қолданғаныңыз туралы ескертіңіз, өйткені нитраттарды талдау бойынша пайдалану аясында холестерин концентрациясы шын мәнінде төмен болуы мүмкін. • Егер Сізге препаратты жиі қолдану қажет болса. Препаратты өз бетінше қолданған кезде ең жоғары мерзімдерден және ұсынылған дозалардан аспауға тиіс. Симптомдардың төмендеуі байқалмаса немесе аурудың симптомдары ауырласа, дереу дәрігерге қаралыңыз. Этанолдың мөлшері Нитроминт® препаратының құрамында аз мөлшерде этанол (алкоголь) бар, бір дозада 100 мг-ден аз. Препарат құрамында шырышты қабықтың тітіркенуін тудыруы мүмкін пропиленгликоль бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Нитроглицерин, әсіресе емдеу немесе дозаны таңдау курсының басында, реакцияларды нашарлатады және сирек жағдайларда ортостаздық гипотензия мен бас айналуды (немесе ерекше жағдайларда артық дозаланғаннан кейін естен тануды) тудырады. Бұл әсерлерді сезінетін пациенттерге көлік жүргізуден және механизмдерді басқарудан бас тарту ұсынылады.

Егер Сіз жүкті болсаңыз немесе бала емізіп жүрсеңіз, жүкті болып қалдым деп ойласаңыз немесе бала көтеруді жоспарлап жүрсеңіз, препаратты қолданар алдында емдеуші дәрігермен немесе дәріхана қызметкерімен кеңесіңіз. Жүктілік Жүктілік кезінде нитроглицеринді қолдану қауіпсіздігі туралы деректер болмағандықтан, жүктілік кезінде препаратты қолдану дәрігердің тек қатаң тағайындауы бойынша ғана мүмкін болады және қатаң медициналық бақылауда жүргізілуі керек. Бала емізу Нитраттар емшек сүтіне бөлінеді, бірақ емшек сүтіндегі нитроглицериннің нақты мөлшері анықталмаған. Сондай-ақ, нәрестелерде метгемоглобинемияның даму қаупі туралы хабарланды («Арнайы ескертулер» бөлімін қараңыз). Бала емізуді тоқтату немесе препаратпен емдеуді тоқтату/бас тарту туралы шешімді емдеуші дәрігер қабылдауы керек.

Сіздің қандай да бір басқа препараттарды қабылдап жүргеніңіз, таяуда қабылдағаныңыз немесе қабылдай бастауыңыз мүмкін екені жөнінде емдеуші дәрігерге немесе дәріхана қызметкеріне мәлімдеңіз. Бұл әсіресе маңызды, егер сіз мыналарды қабылдасаңыз: • эректильді функцияның бұзылуларын емдеу үшін қолданылатын фосфодиэстераза 5 тежегіштері тобындағы препараттар, (мысалы, силденафил, варденафил, тадалафил, уденафил), өйткені олар Нитроминт® препаратының әсерін күшейтуі және сананы жоғалтумен немесе миокард инфарктісімен және қан қысымының төмендеуімен өлімге әкеп соқтыруы мүмкін. Аталған препараттарды Нитроминт® аэрозолімен бірге қолдануға болмайды («Қолдануға болмайтын жағдайлар» қосалқы бөлімін қараңыз); • еритін гуанилатциклаза стимуляторлары (мысалы, риоцигуат – өкпе артериясындағы жоғары қан қысымын емдеуге арналған препарат), өйткені оларды нитроглицеринмен бір мезгілде қолдану қан қысымының ауыр төмендеуіне әкелуі мүмкін. Аталған препараттарды Нитроминт® аэрозолімен бірге қолдануға болмайды («Қолдануға болмайтын жағдайлар» қосалқы бөлімін қараңыз); • сапроптерин (фенилкетонурияда қолданылады), өйткені ол қан қысымы төмендеуінің қаупін арттырады; • тамырларды кеңейтетін (вазодилататорлар) және қысымды төмендететін (гипотензиялық препараттар) басқа препараттар, соның ішінде бета-адреноблокаторлар, «баяу» кальций өзекшелерінің блокаторлары, ангиотензин өзгертуші фермент (АӨФ) тежегіштері, несеп айдайтын препараттар (диуретиктер), нейролептиктер (психоздарда қолданылады), трициклдық антидепрессанттар, моноаминоксидаза (МАО) тежегіштері (депрессияда қолданылады), өйткені қан қысымының төмендеу қаупі артады; • прокаинамид (жүрек ырғағының бұзылуларында қолданылады), өйткені нитроглицеринмен бір мезгілде қолданған кезде денені көлденең күйден тік қалыпқа ауыстырған кезде артериялық қысымның күрт төмендеуі (естен танып қалуға дейін) дамуы мүмкін (ортостаздық коллапс); • нитраттар, өйткені нитроглицериннің тиімділігі төмендейді. Егер Сіз бұрын әсері ұзаққа созылатын нитраттарды (изосорбид динитраты немесе изосорбид мононитраты) қабылдаған болсаңыз, Сізге нитроглицериннің жоғарылатылған дозасы қажет болуы мүмкін; • ацетилсалицил қышқылы (аспирин), өйткені ол нитроглицериннің әсерлерін күшейтуі мүмкін; • алтеплаза (инфарктіде немесе инсультте қан ұйындыларының түзілуін болдырмау үшін қолданылады). Нитроглицерин алтеплазаның белсенділігін төмендетеді; • гепарин (веналардың тромбоздарында, геморройда қолданылады). Нитроглицерин гепариннің белсенділігін төмендетеді; • бас сақинасында (мысалы, дигидроэрготамин) немесе жатырдан қан кетуде (эрготамин) қолданылатын қастауыш алкалоидтары. Нитроглицерин мұндай препараттардың қандағы концентрациясын жоғарылатады; • ауыздың құрғауын туғызатын және сілекей бөлінуін азайтатын препараттар, бұл тіл астына қолданған кезде нитроглицерин таблеткаларының еруін қиындатуы және сіңуін азайтуы мүмкін: • трициклды антидепрессанттар (амитриптилин, десипрамин, доксепин және басқалар); • атропин (ішкі ағзалардың түйілуінде, сілекейдің көп бөлінуінде қолданылады). • нитроглицериннің тиімділігін күшейтуі мүмкін препараттар: • амиодарон (жүрек ырғағының бұзылуларында қолданылады); • пропранолол (қан қысымы жоғарылағанда қолданылады); • «баяу» кальций өзекшелерінің блокаторлары (қан қысымы жоғарылағанда қолданылады). • нитроглицериннің тиімділігін төмендетуі мүмкін препараттар: • бета-адреномиметиктер (бронх демікпесінде қолданылады); • альфа-блокаторлар (қысым жоғарылағанда қолданылады). • норадреналин (қысымның кенеттен едәуір төмендеуінде қолданылады), өйткені нитроглицерин оның тиімділігін азайтуы мүмкін; • барбитураттар (тыныштандыратын және ұйықтататын дәрілер); • салицилаттар (ауырсынуды басу үшін немесе қабыну кезінде қолданылады); • каптоприл, ацетилцистеин, унитиол; • ацетилцистеин (тыныс алу ағзаларының ауруларында қолданылады), өйткені ол нитроглицериннің тамырды кеңейтетін әсерін күшейтуі мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары 25°C-ден аспайтын температурада, жылу көзінен және жарықтан қорғалған жерде сақтау керек. Препараттың жарылу және өртену қаупі бар! Ашық оттың жанында және темекі тарту кезінде сақтауға және қолдануға тыйым салынады. Бос баллонды отқа тастауға тыйым салынады! Балалардың қолы жетпейтін жерде сақтау керек!