Новирин таблетки 500 мг

Бір таблетканың құрамында белсенді зат: инозин пранобекс (метизопринол) 500 мг, қосымша заттар: картоп крахмалы, повидон, магний стеараты. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, бір жағында сызығы бар, ақтан сарғыш-ақ түске дейінгі таблеткалар.

- иммунитеті әлсіреген және жоғарғы тыныс алу жолдарының қайталанатын инфекциялары бар адамдарда емдеудің қосымша әдісі.

Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар. Инозин пранобекс. АТХ коды J05A05 Инозин пранобекс иммуномодуляциялық және вирусқа қарсы қасиеттері бар пуриннің синтетикалық туындысы, олар препараттың әсерінен организмдегі иммундық жауаптың жоғарылауына байланысты. Клиникалық зерттеулерде инозин пранобекс жасушалық иммунитеттің жеткіліксіздігін немесе дисфункциясын қалыпқа келтіріп, Т-лимфоциттердің жетілуі мен дифференциациясын және митоген немесе антиген белсендірілген жасушалардың индукцияланған иммундық жауаптарының потенциалын жүргізетін 1 типті хелпер Т-лимфоциттердің реакциясын тудыратыны көрсетілген. Сонымен қатар, препарат Т-лимфоциттер мен табиғи киллерлердің цитоуыттылығын, Т8-супрессорлар мен T4-хелперлердің функцияларын модуляциялайды және IgG мен иммунокомпетентті беткейлік маркерлердің көбеюіне ықпал етеді. In vitro зерттеулерде инозин пранобекс ИЛ-1 және ИЛ-2 цитокиндерінің (интерлейкиндердің) түзілуін күшейтті, ИЛ-2 рецепторларының экспрессиясын реттеді. Бұл эндогендік интерферон-γ in vivo секрециясын едәуір арттырды және ИЛ-4 түзілуін төмендетті. Сонымен қатар, нейтрофилдердің, моноциттердің және макрофагтардың химотаксисі мен фагоцитозының жоғарылауы көрсетілді. Табиғи жағдайларда (in vivo) пранобекс инозині лимфоциттердегі мРНҚ синтезі мен транскрипция көрсеткіштерінің төмендеуіне ықпал етеді, сонымен бірге вирустық РНҚ синтезін әлі де нақтылауды қажет ететін дәрежеде болдырмайды: (1) полирибосомаларға инозинмен жүретін орот қышқылын қосу, (2) вирустық хабаршы РНҚ-ға полиаденил қышқылының қосылуын тежеу, (3) арнайы Т-жасушалық рецепторлар (TcR) арқылы сигналдар шығаруға қатысатын лимфоциттердің жарғақшаішілік бөлшектерінің (IMP) молекулалық қайта құрылуы, бұл тығыздықтың үш есеге жуық өсуіне әкеледі. Инозин пранобекс in vitro цГМФ-фосфодиэстеразаны тек жоғары концентрацияда, ал in vivo иммунофармакологиялық әсерлерді тудырмайтын мөлшерде тежейді.

Дозалау режимі Доза пациенттің дене салмағына және аурудың ауырлығына байланысты анықталады. Күніне бірнеше рет қабылдау үшін тәуліктік доза тең бөліктерге бөлінуі тиіс. Ересек пациенттерде, оның ішінде егде жастағы адамдарда ұсынылатын тәуліктік доза дене салмағына 50 мг/кг құрайды, яғни 6-дан 8 таблеткаға дейін немесе тәулігіне 3–4 рет 2 таблеткадан. Ең жоғары доза тәулігіне 4 г құрайды (8 таблетка). 6 жастан асқан балаларда тәуліктік доза бірнеше қабылдауға тағайындалатын дене салмағының 50 мг/кг құрайды немесе мынадай кестені пайдалануға болады: Дене салмағы — Тәуліктік доза 21–30 кг — 2 – 3 таблетка 31–40 кг — 3 – 4 таблетка 41–50 кг — 4 – 5 таблетка Енгізу жолы және тәсілі Тек ішке қабылдауға арналған. Қабылдауды жеңілдету үшін таблеткаларды ұсақтап, аз мөлшерде суда ерітуге болады. Емдеу ұзақтығы Емдеу ұзақтығы, әдетте, 5–14 күн. Препаратты қабылдауды симптомдардың айқындылығы азайғаннан кейін тағы 1–2 күн бойы жалғастыру керек. Егер 5 – 14 күннен кейін жағдай жақсармаса немесе нашарласа, пациент емдеуші дәрігермен байланысуы тиіс. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша нұсқаулар Препаратты қолданар алдында емдеуші дәрігермен кеңесіңіз.

– әсер етуші затқа немесе қосымша заттардың кез келгеніне аса жоғары сезімталдық – жедел подагра ұстамасы, сондай-ақ несепте және қанда несеп қышқылының концентрациясы жоғары пациенттер – несеп-тас ауруы – жүктілік және лактация кезеңі (қолдану тәжірибесінің болмауына байланысты) – 6 жасқа дейінгі балалар

Ең жиі жағымсыз реакция қан сарысуындағы және несептегі несеп қышқылының концентрациясының қысқа мерзімді және шамалы (әдетте қалыпты шектерде) жоғарылауы (инозин метаболизмінен туындаған), ол дәрілік затты қолдануды аяқтағаннан кейін бірнеше күн өткен соң қалыпқа келеді. Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Өте жиі - қандағы несеп қышқылы концентрациясының жоғарылауы, несептегі несеп қышқылының концентрациясының жоғарылауы Жиі - бас ауыруы, вертиго (жүйелі бас айналуы), қажу, дімкәстік - жүрек айнуы, құсу, эпигастрий аймағындағы жайсыздық - қышыну, бөртпе - артралгия - трансаминазалар, сілтілік фосфатаза белсенділігінің жоғарылауы немесе қандағы азот мочевинасының (ҚАМ) жоғарылауы Жиі емес - күйгелектік, ұйқышылдық немесе ұйқысыздық - диарея, іш қату - полиурия (бөлінетін несеп көлемінің ұлғаюы) • Белгісіз (қолда бар деректер негізінде бағалау мүмкін емес) - бас айналуы - ангионевроздық ісіну, аса жоғары сезімталдық реакциялары, есекжем, анафилаксиялық реакциялар, анафилаксиялық шок - эпигастрий аймағындағы ауырсыну - эритема Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Новиринмен артық дозалану туралы хабарламалар болған жоқ. Жануарлардың уыттылығын зерттеу тұрғысынан несеп қышқылы деңгейінің едәуір жоғарылауынан басқа өзге де күрделі жағымсыз әсерлердің болуы екіталай.

Арнайы ескертулер Новирин препараты қан сарысуындағы және несептегі несеп қышқылының концентрациясының уақытша жоғарылауына әкелуі мүмкін, әдетте қалыпты диапазонда (0,18-0,42 ммоль/л), әсіресе еркектер мен екі жыныстағы егде жастағы адамдарда. Несеп қышқылының концентрациясының жоғарылауы оның түзілуіндегі инозиннің катаболизмдік метаболизміне байланысты, бірақ ферменттің негізгі функцияларының өзгеруіне немесе бүйрек клиренсіне байланысты емес. Сондықтан Новиринді анамнезінде подагра, қандағы несеп қышқылының жоғарылауы, несеп тастары және бүйрек функциясының бұзылуы бар пациенттерде сақтықпен қолдану керек. Бұл пациенттерде емдеу кезінде несеп қышқылының деңгейін мұқият бақылау керек. Новирин препаратымен ұзақ емдеу кезінде (3 айдан астам) әр пациентте қан сарысуындағы және несептегі несеп қышқылының концентрациясын, жалпы қан талдауының көрсеткіштерін, бауыр мен бүйрек функциясын (трансаминазалардың белсенділігі, креатинин деңгейі) үнемі бақылап отыру керек. Ұзақ мерзімді ем алатын пациенттерде несепағар тастарының пайда болу мүмкіндігі бар. Кейбір пациенттерде ауыр жоғары сезімталдық реакциялары (есекжем, ангионевроздық ісіну, анафилаксия) дамуы мүмкін. Мұндай жағдайларда Новирин препаратымен емдеуді тоқтату керек. Педиатрияда қолдану 6 жастан асқан балаларға арналған.

Адамдарда шарананың жағдайы мен фертильділіктің бұзылуы туралы зерттеулер жоқ. Инозин пранобекстің емшек сүтіне енетіні белгісіз. Егер сіздің дәрігеріңіз пайдасы потенциалды қауіптерден асып түседі деп санамаса, дәрілік заттың қауіпсіздігі туралы зерттеулердің болмауына байланысты оны жүктілік кезінде немесе емшек емізу кезінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын немесе басқа механизмдерді басқарудағы реакция жылдамдығына әсері зерттелмеген. Инозин пранобекстің фармакодинамикасын ескере отырып, бұл препараттың көлікті басқару және механизмдерді пайдалану қабілетіне әсер етуі екіталай.

Новиринді ксантиноксидаза тежегіштері (мысалы, аллопуринол) немесе несеппен несеп қышқылының бөлінуін арттыратын препараттармен, соның ішінде тиазидтік (мысалы, гидрохлоротиазид, хлорталидон, индапамид) және ілмектік (фуросемид, торасемид, этакрин қышқылы) диуретиктермен бірге бір мезгілде қабылдайтын пациенттерде сақтықпен қолдану керек. Новиринді иммуносупрессорлармен емдеуді тоқтату кезінде және одан кейін бірден қолдануға болмайды, өйткені оларды бір мезгілде қолдану Новирин препаратының фармакокинетикасын өзгерту арқылы оның емдік әсеріне ықпал етуі мүмкін. Новирин мен азидотимидин препаратын бір мезгілде қолданғанда зидовудиннің әсерін күшейту есебінен нуклеотидтердің түзілуі артады, мысалы, азидотимидиннің биожетімділігінің артуы және моноциттердегі жасушаішілік фосфорланудың артуы салдарынан Новирин зидовудиннің әсерін күшейтеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!