Новокаин раствор 0.5 %

1 мл ампуланың ішінде белсенді зат - 20.0 мг прокаин гидрохлориді қосымша заттар: хлорсутек қышқылының 0.1 М ерітіндісі, инъекцияға арналған су Сыртқы түрінің, иісінің, дәмінің сипаттамасы Мөлдір, түссіз немесе сәл боялған ерітінді

Новокаин 2 % ересектерде және 12 жастан 18 жасқа дейінгі балаларда келесі жағдайларда қолдануға көрсетілген: • хирургиядағы, урологиядағы, офтальмологиядағы, стоматологиядағы, оториноларингологиядағы аумақтық, эпидуральді және жұлын анестезиясы, • шеткері жүйелер мен жүйе өрімдерінің блокадасы.

Әсер етуші механизмі Орташа жансыздандыратын белсенділігімен және емдік әсерінің кең ауқымымен жергілікті жансыздандыратын дәрі. Әлсіз негіз бола тұрып, Na+ өзекшелерін бөгейді, сезімтал жүйкелердің ұштарында импульстардың генерациясына және импульстардың жүйке талшықтарымен өткізілуіне кедергі келтіреді. Жүйке жасушаларының жарғақшаларында тыныштық потенциалына мардымсыз әсерімен, әсер ету потенциалын өзгертеді. Тек ауыру ғана емес, басқа модальдіктегі импульстердің берілуін басады. Қысқа жансыздандыратын белсенділікке (инфильтрациялық анестезия ұзақтығы 0,5-1 сағат құрайды) иеленген. Сіңірілгенде және тікелей тамыр ішіне енгізілгенде шеткері холинергиялық рецепторлардың қозуын төмендетеді, преганглионарлы ұштардан (кейбір ганглиобөгейтін әсерге иеленген) ацетилхолиннің босап шығуын және түзілуін азайтады, тегіс бұлшықеттер түйілуін қайтарады, миокардтың және мидың моторлық аймағының қозғыштығын азайтады. Вена ішіне енгізгенде ауыруды басатын, гипотензиялық және аритмияға қарсы әсер етеді (тиімді рефрактерлі кезеңді арттырады, қозғыштықты, автоматизмді және өткізгіштікті төмендетеді), үлкен дозаларда жүйке-бұлшықеттік өткізгіштікті бұзуы мүмкін. Ми діңінің ретикулярлы формациясының төменге бағытталған тежейтін әсерін және полисинапстық рефлекстерді тойтарады.

Дозалау режимі Препараттың дозасы әдетте анестезия түріне, тіндердің тамырлану дәрежесіне, ауырсынуды бәсеңдетудің қажетті тереңдігі мен ұзақтығына, сондай-ақ пациенттің жеке басының ерекшеліктеріне байланысты. Ең төменгі тиімді дозаны енгізу ұсынылады. Ұсынылған дозалар: Анестезия түрі — Новокаин (прокаин гидрохлориді) Ерітінді концентрациясы, % — Ерітінді көлемі, мл — Новокаинның жалпы дозасы, мг Мандибулярлық — 2 — 2‒3 — 40‒60 Инфроорбиталық — 2 — 0,5‒‒1 — 10‒20 Саусақтардың ауырсынуын басу (адреналинсіз) — 1* — 3‒4 — 30‒40 Парацервикальді (баяу 5-минуттық инъекция түрінде) — 1* — 3 (4 бөліктің әрқайсысына) — 80‒‒120 * Новокаиннің 1% ерітіндісін алу үшін стерильді 0,9% натрий хлориді ерітіндісін қолдану керек. Каудальді және люмбальды эпидуралық блокада жүргізу үшін 15-25 мл 2% ерітінді енгізіледі. Бір реттік енгізудің ең жоғары көлемі 25 мл-ден аспауы керек. Әдетте бастапқы дозадан 2-6 мл-ге аз болатын қайталама дозаларды 40-50 минут аралықпен енгізу керек. Ересектерге арналған ең жоғары бір реттік доза дене салмағына қарай 11 мг/кг құрайды, бірақ ең жоғары 800 мг жалпы дозадан асырмайды. Дозаны егде жастағы адамдар, әлсіреген пациенттер және жүрек-қан тамырлары және/немесе бауыр аурулары бар науқастар үшін азайту керек Пациенттердің ерекше топтары Балалар Препаратты балаларға қолдануға болмайды. Педиатриялық тәжірибеде дозасы дене салмағына байланысты анықталады, бірақ дене салмағына 15 мг/кг асырмайды Қолдану тәсілі анестезия түріне байланысты Новокаин ерітіндісін тамырішілік енгізуден аулақ болу ұсынылады. Дәрілік препараттың бір немесе бірнеше дозасын өткізіп алу кезіндегі қажетті шаралар Дәрілік затты қабылдауды өткізіп алғанда орнын толтыру үшін қосарлы дозаны қабылдамаңыз. Тоқтату симптомы қаупінің болуына көрсетілім Қатысты емес Дәрілік препаратты қолдану тәсілін түсіндіру үшін медициналық қызметкерінен кеңес алуға жүгіну жөнінде нұсқаулар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• әсер етуші зат прокаинге (оның ішінде пара-аминобензой қышқылына және басқа жергілікті анестетик-эфирлерге) немесе қосымша заттарының кез келгеніне аса жоғары сезімталдық • кардиогендік шок • айқын артериялық гипотензия • созылмалы жүрек жеткіліксіздігінің ауыр түрі • сол жақ қарыншаның функциясы төмендеуі • II-III дәрежелі атриовентрикулярлық блокада • ауыр брадикардия • Адамс-Стокс синдромы • анамнездегі новокаин қолданудан туындаған құрысу ұстамалары • бауыр функциясының ауыр бұзылуы • гиповолемия • қан кетулер • миастения • люмбальді пункция жүргізген орынға инфекция жұқтыру • септицимия • енгізу орнындағы іріңді процесс • жедел қан жоғалтумен қатар жүретін шұғыл хирургиялық араласулар • 12 жасқа дейінгі балалар Сақтықпен • 12 жастан 18 жасқа дейінгі балалар Глаукомада препаратты көз алмасының артына енгізуге тыйым салынады.

Сирек • аллергиялық реакциялар (дерматит, есекжем, терінің қышынуы, эритема, ангионевроздық ісіну, анафилаксиялық шок) • бас ауыру, бас айналу, ұйқышылдық • тремор, құрысулар • көру қабілетінің бұзылулары • нистагм • есту қабілетінің бұзылулары • аритмия • брадикардия • артериялық қысымның жоғарылауы немесе төмендеуі, коллапс • шеткері вазодилатация • кеуденің ауырсынуы • жүрек айнуы, құсу Белгісіз (қолда бар мәліметтер негізінде бағалау мүмкін емес) • әлсіздік, қозғалыстағы мазасыздық, күйгелектік, естен тану, тризм, көру және есту қабілетінің бұзылыстары, нистагм, жылқы құйрығы синдромы (аяқтың салдануы, парестезия), тыныс алу бұлшықеттерінің салдануы, моторлы және сезімталды блок • ЭКГ-де Т жалпақ тісшесі немесе ST сегментінің қысқаруы түрінде білінетін жүректегі қозу таралу үдерісінің өзгерісі • тыныс алу жолдарының түйілуі немесе тыныс алудың қиындауы • метгемоглобинемия • гипотермия, діріл, еріннің, беттің, ауыздың, тілдің және тамақтың ісінуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайларында препаратты енгізуді дереу тоқтату керек. Жергілікті анестезия жүргізгенде енгізетін орынға адреналинді айналдыра егіп шығаруға болады. Вена ішіне енгізгенде қарқынды диурезді жолға қою шараларын жүргізу керек. Симптоматикалық ем. Оттегімен ингаляция қамтылатын жалпы реанимациялық емшаралар, қажет болғанда – өкпені жасанды желдетуді жүргізу. Егер құрысулар 15-20 секундтан астам созылса, оларды тиопентал (100-150 мг) немесе диазепамды (5-20 мг) вена ішіне енгізу арқылы басу керек. Артериялық гипотензия және/немесе миокард депрессиясы кезінде вена ішіне эфедрин (15-30 мг) енгізеді, ауыр жағдайларда – уытсыздандыру және симптоматикалық ем. Аяқ немесе қолдың бұлшықеттеріне инъекциядан кейін уыттанудың дамуы жағдайында жалпы қан айналымына препараттың одан әрі түсуін азайту үшін жедел бұрау таңуға болады.

Аумақтық және жергілікті анестезияны тәжірибелі мамандар тиісті түрде жабдықталған үй-жайда жүрек қызметінің мониторингін және реанимациялық іс-шараларды жүргізу үшін қажетті жабдықтар мен препараттар дереу пайдалануға дайын болған кезде жүргізуге тиіс. Анестезияны жасайтын персонал білікті және анестезияны орындау техникасына үйренуі тиіс, жүйелі уытты реакциялардың, жағымсыз құбылыстар мен реакциялардың және басқа асқынулардың диагностикасымен және емімен таныс болуы тиіс. Пациенттер жүрек-қан тамырлары, тыныс алу және орталық жүйке жүйелерінің функцияларын бақылауы қажет. Моноаминоксидаза тежегіштерін жергілікті анестетикті енгізуден 10 күн бұрын тоқтату керек. Жергілікті анестетиктерді қолданар алдында осы дәрілік заттарға расталған реакциялары бар пациенттерде теріге тест жүргізілуі тиіс. Жалған теріс реакциялар жиілігінің жоғарылауына байланысты құрамында адреналин бар жергілікті анестетиктерге тест жүргізу кезінде ерекше назар аудару қажет. Тері сынамаларының теріс нәтижелері алынған жағдайда түрткі болатын сынамалар жүргізу ұсынылады. Жергілікті анестетиктерге аллергиясы дәлелденген пациенттерді тестілеуді тек дәрі-дәрмектік аллергия саласында тәжірибесі бар аллергологтар жүргізуі керек. Дәрілік заттармен тері сынамаларын орындау және нәтижелерін есептеу емшараларына қатысты халықаралық бірыңғай тәсіл жоқ. Осы уақытқа дейін дәрілік заттың концентрациясын, сынақ хаттамасын анықтау, ерекшелігін, сезімталдығы мен қауіпсіздігін анықтау мақсатында көп орталықты зерттеу жүргізілген жоқ. Көптеген дәрілік заттар үшін дәрілік заттарға аса жоғары сезімталдықты, соның ішінде сынақ концентрациясын диагностикалау үшін дәлелденген сынақ емшалары жоқ. Новокаинді енгізуді тек медицина қызметкерлері жүргізуі керек. • Айқын тамырланған тіндердің жергілікті анестезиясында (мысалы, қалқанша безіне операция жасағандағы мойын) препараттың тамырларға енуіне жол бермеу үшін ерекше сақ болу керек. • Препараттың аз дозаларын бас және мойын аймағына, соның ішінде көз алмасының артына және стоматологиялық енгізуге, сондай-ақ мойын-кеуде түйінінің блокадасына қолдануға болады, өйткені препараттың ми қан айналымына ретроградтық енуіне байланысты жүйелі уытты әсерлер болуы мүмкін. • Амид тобының анестетиктерін қолдану қауіпсіздігі қатерлі гипертермияға бейім науқастарда күмәнді, сондықтан оларды мұндай жағдайларда қолданудан аулақ болу керек. • Препаратты кездейсоқ субдуральді немесе интраназальді енгізіп алмау үшін сақ болу керек. Препараттың жүрек-қан тамырлары мен орталық жүйке жүйесіне жүйелі уытты әсерін аса мұқият бақылау қажет (өйткені эпидуральді анестезияға арналған дозалар әрқашан субдуральдіге қарағанда жоғары болады). • Неврологиялық аурулары, омыртқаның деформациясы, септицемия және ауыр артериялық гипертензиясы бар науқастарда омыртқа маңын бөлігіне анестезия кезінде аса сақ болу керек. • Новокаинді жүрек ауруларына қолданар алдында (гипокалиемия лидокаиннің тиімділігін төмендетеді) қандағы калий деңгейін қалыпқа келтіру керек. Қан айналымы жеткіліксіздігі, артериялық гипотензия, бауыр және бүйрек жеткіліксіздігі бар пациенттерге новокаинді қолданғанда ерекше сақ болу керек. Сондай-ақ, новокаинді егде жастағы (65 жастан асқан) пациенттерге, эпилепсиясы бар науқастарға, жүрек өткізгіштігі бұзылғанда, тыныс алу жеткіліксіздігінде, псевдохолинэстераза тапшылығында, ауыр науқастарда, әлсіреген науқастарға, жүктілік кезеңінде, босану және емізу кезінде тағайындаған кезде абай болу керек. • Жергілікті анестезия кезінде жүйелік әсерді, уыттылықты және әсер ету уақытын ұзартуды азайту үшін прокаинді вазоконстрикторлармен біріктірілімде қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препараттың жағымсыз әсерлерін ескеріп, көлік құралдарын немесе қауіптілігі зор механизмдерді басқаруда сақтық шараларын сақтау керек.

Жағымдылығы жақсы болғанда жүктілік кезінде қолданылуы мүмкін. Баланы емізу кезеңінде терапияның ана үшін күтілетін пайдасын және нәрестеге потенциалды қаупін алдын-ала мұқият бағалаудан кейін ғана препаратты қолдану мүмкін болады. Босану кезінде қолданған кезде жаңа туған нәрестеде брадикардия, апноэ, құрысулар дамуы мүмкін.

Препаратты есірткілік анальгетиктермен бір мезгілде тағайындағанда аддитивті әсері байқалады, ол жұлындық және эпидуральді анестезия жүргізгенде пайдаланылады, бұл кезде тыныс алудың бәсеңдеуі күшейеді. Вазоконстрикторлар (эпинефрин, метоксамин, фенилэфрин) Новокаиннің жергілікті жансыздандыратын әсерін ұзартады. Препарат суксаметонийден туындаған, жүйке-бұлшықет блокадасын ұзартады, өйткені екі препарат та плазма холинэстеразасымен гидролизденеді. Новокаин миорелаксациялайтын дәрілік заттардың әсерін күшейтеді және ұзартады. Новокаин дәрілік заттардың миастенияға қарсы әсерін төмендетеді, әсіресе оны жоғары дозада қолданғанда, бұл миастенияны емдеуді қосымша түзетуді талап етеді. Холинэстераза тежегіштері (миастенияға қарсы дәрілік заттар, циклофосфамид, демекарин, экотиофат, тиотепа) Новокаин метаболизмін төмендетеді, сондықтан оларды бірге тағайындау ұсынылмайды. Антикоагулянттар (ардепарин, далтепарин, данапароид, эноксапарин, гепарин, варфарин) Новокаинмен бір мезгілде қолданғанда қан кетудің даму қаупін жоғарылатады. МАО тежегіштерімен қолдану (фуразолидон, прокарбазин, селегилин) гипотензия даму қаупін жоғарылатады, сондықтан оларды жергілікті анестетиктерге дейін 10 күн бұрын тоқтату керек. Новокаинді гуанадрел, гуанетидин, мекамиламин, триметафанмен қолданғанда артериялық қысымның және брадикардияның күрт төмендеу қаупі артады. Новокаиннің метаболиті пара-аминобензой қышқылы сульфаниламидтер- дің бәсекелес антагонисі болып табылады және олардың микробтарға қарсы әсерін әлсіретуі мүмкін, сондықтан осы препараттарды бір уақытта қолдану ұсынылмайды. Құрамында ауыр металлдар бар дезинфекциялайтын ерітінділермен Новокаин инъекциясы орнын өңдеген кезде, ауырсыну және ісіну түрінде жергілікті реакцияның даму қаупі артады

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!