Новосалик мазь

Бір грамм жақпамайдың құрамында белсенді заттар: бетаметазон дипропианаты, салицил қышқылы 0.643 мг бетаметазон дипропианаты (0.5 мг бетаметазонға баламалы) және 30.00 мг салицил қышқылы, қосымша заттар: жұмсақ ақ парафин, сұйық парафин, изопропилмиристат, ақ балауыз. Сыртқы түрінің, иісінің, дәмінің сипаттамасы Ақ түсті гомогенді жақпамай.

Топикалық глюкокортикостероидтармен емдеуге сезімтал құрғақ және гиперкератоздық дерматоздар, оның ішінде: • бастың шаш өсетін бөлігінің псориазы • қол ұшы мен табанның түйіндақ тәрізді созылмалы псориазы (таралған түйіндақ тәрізді псориазды қоспағанда) • мүйізгектенген эпителийді алып тастауды жеңілдету мақсатында оның қабыршақтануын қажет ететін тері жағдайлары

Әсер ету механизмі Новосалик препаратының құрамына бетаметазонның дипропионатты эфирі (кортикостероидтардың ортақ қасиеттері бар глюкокортикоид) және кератолитикалық қасиеттері бар салицил қышқылы кіреді. Салицил қышқылы гиперкератозбен және қабыршақтанумен байқалатын жағдайларды емдегенде жергілікті қолданылады, бұл жерде кератолитикалық әсері кортикостероидтың енуін жеңілдетеді. Кортикостероидтар фармакологиялық дозаларда, ең алдымен, қабынуға қарсы және/немесе иммунитетті басатын әсерлерді алу үшін қолданылады. Бетаметазон дипропионаты сияқты жергілікті кортикостероидтар қабынуға қарсы, қышынуға қарсы және тамырды тарылтатын әсері салдарынан туындайтын дерматоздарды емдегенде тиімді. Кортикостероидтардың физиологиялық, фармакологиялық және клиникалық әсерлері белгілі болғанымен, әр ауру кезінде көрінетін нақты әсер ету механизмі белгісіз.

Дозалау режимі Новосалик жақпамай күніне 1-2 рет қолданылады. Көп жағдайда препаратты тәулігіне 2 рет терінің зақымдалған жерлеріне жұқалап жағу керек. Кейбір пациенттерде препаратты сирек қолданғанда талапқа сай демеуші емге қол жеткізуге болады. Емдеу ұзақтығы қабыну процесінің айқындылығымен, қышынудың тоқтауымен және тері жабындарының тазаруымен анықталады, алайда ересектерде 14 күннен аспауы керек және қайта-қайта тексеріп тұру керек. Ең жоғарғы апталық дозасы 60 г аспауы керек. Балалар Балаларға арналған емдеу курсы 5 күннен аспауы керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Новосалик препаратын қабылдау бойынша сұрақтар туындаса, емдеуші дәрігерге хабарласыңыз.

• белсенді затқа (заттарға) немесе 6.1 бөлімінде тізбеленген қосымша заттардың кез келгеніне аса жоғары сезімталдық. • розацеа, акне (безеу), перианустық және гениталийлік қышынупериоральді дерматит • терінің туберкулездік және вирустық, әсіресе қарапайым герпес (Herpes simplex), желшешек (Varicella) және сиыр шешегі (Vaciniа) қоздырғыштары туындатқан ауруларының көпшілігі • жөргек дерматиті • терінің зеңдік немесе бактериялық инфекциясы, егер бір мезгілде инфекцияға қарсы тиісті ем жүргізілмесе.

Новосалик препаратының теріге қолдануға арналған дәрілік түрлерінің, әдетте, жағымдылығы жақсы, ал жағымсыз реакциялары сирек кездеседі. Ұзақ уақыт қолданғанда: • терінің жергілікті атрофиясы • стриялар • беткейлі тамырлардың кеңеюі, әсіресе беттің • дерматиттер Жергілікті қолданғанда: • ашыту • қышыну, тітіркену, құрғау • фолликулит • гипертрихоз • безеу тәрізді бөртпелер • гипопигментация • периоральді дерматит, аллергиялық жанаспалы дерматит Окклюзиялық таңғыштың астына қолданған кезде: • тері мацерациясы • салдарлық инфекция • тері атрофиясы, стриялар • тербөртпе Жергілікті кортикостероидтарды қолданғанда жүйелі жағымсыз реакциялар туралы хабарланды, мысалы, көрудің бұлыңғарлануы («Арнайы сақтандырулар» бөлімін қараңыз). Терінің және теріасты шелінің аурулары Белгісіз (қолда бар деректер бойынша бағалау мүмкін емес): тоқтату реакциялары — терінің қызаруы, ол бастапқы зақымдалған аймақтан тыс аймақтарға таралуы мүмкін, ашыту немесе шаншу сезімі, қышыну, терінің қабыршақтануы, ағып тұрған пустулалар («Арнайы сақтандырулар» бөлімін қараңыз). Бұдан бөлек, салицил қышқылы препараттарын ұзақ уақыт қолдану дерматитті туындатуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жергілікті қолдануға арналған кортикостероидтарды шамадан тыс немесе ұзақ қолдану гипофиз-бүйрекүсті безі жүйесі функциясының тежелуін туындатуы мүмкін, бұл бүйрекүсті безі функциясының салдарлық жеткіліксіздігіне және Кушинг ауруын қоса, гиперкортицизм құбылыстарына әкелуі мүмкін. Емі: симптоматикалық ем. Гиперкортицизмнің жедел симптомдары әдетте қайтымды. Қажет болса, электролит теңгерімсіздігін түзету керек. Артық дозалану симптомдарының созылмалы көрінісі жағдайында кортикостероидтарды баяу тоқтату ұсынылады. Құрамында салицил қышқылы бар препараттарды ұзақ уақыт ауқымды қолдану салицилизм симптомдарының пайда болуын туындатуы мүмкін. Емі симптоматикалық. Салицилизм симптомдары пайда болған кезде салицилаттардың организмнен анағұрлым тез шығуы үшін шаралар қабылданады. Натрий гидрокарбонаты несепті сілтілендіру және диурезді күшейту үшін пероральді қолданылады. Әрбір сықпадағы стероидтың мөлшері өте аз және уытты әсері жоқ немесе азғантай, сондықтан ішке кездейсоқ қабылдаған кезде артық дозалану ықтималдылығы аз.

Новосалик препаратын көзге және шырышты қабықтарға тигізбеу керек. Жағылған жақпамайдың үстіне полиэтилен және т.б. осыған ұқсас материалдар қолданылатын герметик таңғыштарды қолдануға болмайды, өйткені бұл жағдайларда салицил қышқылының есебінен гормонның сіңуі күшейіп, организмге жалпы уытты әсері дамуы мүмкін. Арнайы сақтандырулар Салицил қышқылының жергілікті қолданғанда кератолитикалық әсері бар және стероидтың сіңуін күшейтуі мүмкін, сондықтан Новосалик препаратын окклюзиялық таңғыш астына қолдануға болмайды. Жергілікті және жүйелі жағымсыз әсерлер, әсіресе зақымдалған терінің ауқымды аймақтарына, терінің қатпарларына немесе полиэтилен окклюзиялық таңғышты қолданған кезде ұзақ уақыт қолданғаннан кейін жиі пайда болады. Балаларға немесе бет аймағына қолданған кезде емдеу курсын 5 күнге дейін шектеу қажет. Барлық пациентке жасына қарамастан ұзақ уақыт бойы үздіксіз ем жүргізбеу керек. Псориазды емдегенде топикалық кортикостероидтарды қолдану толеранттылықтың дамуын және соның салдарынан процестің қайталануын, жайылған пустулезді псориаздың даму қаупін және терінің бөгеттік функциясының азаюына байланысты жергілікті немесе жүйелі жағымсыз әсерлерді туындатуы мүмкін. Пациенттің жағдайын мұқият бақылау қажет. Новосалик препараты офтальмологияда қолдануға арналмаған. Препаратты көзге және шырышты қабықтарға тигізбеу керек. Бетаметазон дипропионаты мен салицил қышқылының жүйелі сіңуі препаратты терінің ауқымды аймақтарына, терінің қатпарларына ұзақ уақыт бойы қолданғанда немесе стероидтардың шамадан тыс мөлшерін қолданғанда артуы мүмкін. Мұндай жағдайларда тиісті сақтық шараларын сақтау керек, әсіресе препаратты жаңа туған нәрестелер мен балаларда қолданған кезде. Егер Новосалик препаратын қолданғанда тітіркену немесе сенсибилизация дамыса, емдеуді тоқтату қажет. Кортикостероидтарды, әсіресе жаңа туған нәрестелер мен балаларға жергілікті қолданғанда, жүйелі кортикостероидтарға тән жағымсыз әсерлер дамуы мүмкін, соның ішінде бүйрекүсті безі қыртысы функциясының тежелуі. Егер терінің шамадан тыс құрғауы туындаса немесе терінің тітіркенуі күшейсе, препаратпен емдеуді тоқтату керек. Кортикостероидтарды жүйелі және жергілікті (соның ішінде интраназальді, ингаляциялық және көз ішіне) қолданғанда көрудің бұзылуы байқалуы мүмкін. Егер жүйелі және жергілікті кортикостероидтарды қолданғаннан кейін пациентте көрудің бұлыңғырлануы немесе катарактаны, глаукоманы қоса, көрудің басқа да бұзылулары, немесе орталық серозды хориоретинопатия (ОСХРП) сияқты сирек кездесетін аурулар секілді симптомдар байқалса, көру бұзылуының ықтимал себептерін бағалау үшін пациентті офтальмологқа жіберу қажет. Жергілікті стероидтарды ұзақ уақыт қолдану емдеуді тоқтатқаннан кейін қайталанулардың дамуын туындатуы мүмкін (жергілікті стероидтарды тоқтату синдромы). Бастапқы емдеу аймағынан тыс таралуы мүмкін қарқынды қызарумен, шаншумен және ашытумен байқалатын дерматит түрінде көрінетін ауыр қайталану түрі дамуы мүмкін. Бұл бет пен бүгілетін жерлер сияқты терінің сезімтал аймақтарын өңдеген кезде анағұрлым ықтимал. Егер сәтті емделгеннен кейін күндер немесе апталар ішінде жағдай қайта туындаса, тоқтату реакциясына күдіктену керек. Сақтықпен қайта қолдану керек және мұндай жағдайларда маманмен кеңесу ұсынылады немесе емдеудің басқа нұсқаларын қарастыру керек. Педиатрияда қолдану Балалар жасындағы пациенттер гипоталамус-гипофиз-бүйрекүсті безі осінің (ГГБ осі) тежелуін туындататын топикалық кортикостероидтарға және ересек пациенттерге қарағанда экзогендік кортикостероидтық әсерлерге, тері беті мен дене салмағының үлкен арақатынасы салдарынан көп сіңуіне байланысты, көбірек сезімталдық танытуы мүмкін. Жергілікті кортикостероидтарды қабылдайтын балаларда гипоталамус-гипофиз-бүйрекүсті безі осі функциясының тежелгені, Кушинг синдромы, бой өсуінің дозаға тәуелді тежелгені, салмақ қосудың тежелгені, бассүйекішілік гипертензия байқалды. Қан плазмасындағы кортизолдың төмен деңгейі және АКТГ стимуляциясына жауап бермеуі балалардағы бүйрекүсті безі функциясының тежелгенінің көрінісі болып табылады. Еңбектің ісінуі, бас ауыруы және екіжақты папилледема бассүйекішілік гипертензияның көрінісі болып табылады. Пациенттерден шылым шекпеуін және қатты күйіп қалу қаупіне байланысты ашық отқа жақындамауын сұраңыз. Жақпамаймен жанасатын мата (киім-кешек, төсек-орын жабдығы, таңғыш материалдары және т. б.) өте оңай тұтанғыш болып келеді және өртену қаупін арттырады. Киім мен төсек-орын жабдығын жуу олардың құрамындағы жақпамай мөлшерін азайтуы мүмкін, бірақ оны толық кетірмейді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Новосалик препаратының автомобиль жүргізу және қозғалатын механизмдермен жұмыс істеу қабілетіне әсері туралы зерттеулер жүргізілген жоқ.

Жүкті әйелдерде жергілікті кортикостероидтарды қолданудың қауіпсіздігі анықталмаған, жүкті әйелдерде Новосалик препаратын жергілікті қолдану тек ана үшін болжамды пайдасы шарана үшін әлеуетті қауіпінен асып кеткен жағдайларда ғана рұқсат етіледі. Мұндай жағдайларда препаратты қолдану ұзаққа созылмауы керек және тері жабындарының шағын аймақтарымен шектелуі керек. Кортикостероидтарды жергілікті қолдану олардың анықталатын мөлшерінің емшек сүтіне жүйелі сіңуін туындатуы мүмкін екендігі белгісіз болғандықтан, препараттың ана үшін маңыздылығын ескере отырып, бала емізуді тоқтату немесе препаратты қабылдауды тоқтату туралы шешім қабылдау керек.

Анықталған жоқ.

Сақтау мерзімі Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25С-ден аспайтын температурада сақтау керек. Балалардың қолы жетпейтін жерде сақтау керек!