Нолипрел Аргинин таблетки 2,5 мг/0,625 мг

Бір таблетканың құрамында белсенді заттар: 2,5 мг периндоприл аргинині (1,6975 мг периндоприлге баламалы), 0,625 мг индапамид, қосымша заттар: лактоза моногидраты, магний стеараты, мальтодекстрин, сусыз коллоидты кремнийдің қостотығы, натрий крахмалы гликоляты (А типі), үлбірлі қабығы: глицерол, гипромеллоза, макрогол 6000, магний стеараты, титанның қостотығы Е 171. Сыртқы түрінің иісінің, дәмінің сипаттамасы Ұзынша пішінді, екі беті дөңес, сызығы және ойығы бар ақ түсті қабықпен қапталған таблеткалар. Сызығы таблетканы бөлуге арналмаған.

• ересектердегі эссенциальді гипертензияда

Нолипрел Аргинин – бұл периндоприлдің аргинин тұзының, ангиотензин-өзгертуші фермент тежегішінің және индапамидтің, хлорсульфамоил диуретигінің біріктірілімі. Препараттың фармакологиялық әсері осы компоненттердің әрқайсысының фармакологиялық қасиеттерімен және оларды біріктірген кезде екі компоненттің аддитивті синергиялық әсерімен негізделген. Әсер ету механизмі Нолипрел Аргинин Нолипрел Аргинин оның екі компонентінің антигипертензиялық әсерін өзара күшейтудің аддитивті әсеріне негізделген. Периндоприл Периндоприл ангиотензин-өзгертуші фермент тежегіші (АӨФ тежегіші) болып табылады, ол ангиотензин I-ді ангиотензин II-ге айналдырады, ол тамыр тарылтатын әсерге ие; бұдан басқа, бұл фермент бүйрекүсті безі қыртыстарында альдостерон секрециясын және тамыр кеңейтетін зат - брадикининнің белсенді емес гептапептидтерге ыдырауын стимуляциялайды. Нәтижесінде: -альдостерон секрециясының төмендеуі, -теріс кері байланыс принципі бойынша плазмадағы ренин белсенділігінің артуы, -негізінен бұлшықет пен бүйрек тамырларына әсер ететін және ұзақ емдеуде тұз бен судың іркілуімен немесе рефлекторлық тахикардиямен қатар жүрмейтін жалпы шеткері тамыр кедергісінің төмендеуі жүреді. • Периндоприлдің гипертензияға қарсы әсері сондай-ақ, рениннің төмен немесе қалыпты концентрациясы бар пациенттерде байқалды. Периндоприлдің әсері оның метаболиті периндоприлаттың белсенділігіне байланысты. Басқа метаболиттер белсенді емес. Периндоприл жүрек жұмысын жеңілдетеді: -венаға тамыр кеңейтетін әсері есебінен, простагландин метаболизміндегі өзгерістерге байланысты болуы мүмкін: алдын ала жүктемені азайту, -жалпы шеткері тамырлық кедергіні азайту есебінен: кейінгі жүктемені азайту. Жүрек жеткіліксіздігінен зардап шегетін пациенттердің қатысуымен жүргізілген зерттеулер: -оң және сол жақ қарыншада толтыру қысымының төмендеуін, -жалпы шеткері тамыр кедергісінің төмендеуін, -жүректің лықсытуын арттыру және жүрек индексін жақсартуды, -бұлшықеттерде аймақтық қан ағынын арттыруды көрсетті. Бұдан басқа, жүктемелік сынамалардың көрсеткіштері жақсарды. Индапамид: Индапамид индольді сақинасымен сульфонамид туындысы болып табылады, фармакологиялық қасиеттері бойынша ол тиазидті диуретиктерге жақын. Индапамид Генле ілмегінің кортикальді сегментінде натрий реабсорбциясын тежейді. Натрий мен хлоридтердің несеппен бөлінуін және аз дәрежеде калий мен магний мөлшерін арттырады, осылайша диурезді арттырады және гипертензияға қарсы әсер етеді. Фармакодинамикалық әсерлері Гипертензиясы бар пациенттердің жасына қарамастан, Нолипрел Аргинин диастолалық және систолалық артериялық қысымның жатқан қалыпта да, тұрған кезде де дозаға тәуелді төмендеуіне әкеледі. Гипертензияға қарсы әсері 24 сағат бойы сақталады. Артериялық қысымның төмендеуіне бір айдан аз уақыт ішінде қол жеткізіледі және тахифилаксиямен бірге жүрмейді; емдеуді тоқтату гипертензияның рикошетін тудырмайды. Клиникалық сынақтар барысында периндоприлді және индапамидті біріктіріп тағайындау бөлек қабылдау кезінде осы компоненттердің әрқайсысының әсерімен салыстырғанда синергиялық гипотензиялық әсерге әкелді. Индапамид пен периндоприл аргининінің төмен дозасы бар Нолипрел Аргинин жүрек-қантамыр патологиясынан болатын ауру мен өлімге әсері зерттелген жоқ. PICXEL – эхокардиография көмегімен белсенді бақылаумен көп орталықты рандомизацияланған салыстырмалы жасырын клиникалық зерттеу барысында – эналаприлмен монотерапиямен салыстырғанда сол жақ қарыншаның гипертрофиясына (СҚГ) периндоприл/индапамид біріктірілімінің әсері бағаланды. PICXEL зерттеуінде гипертензиясы және СҚГ бар пациенттер (ерлерде сол жақ қарынша массасының индексі (СҚМИ) > 120 г/м2 және әйелдерде 100 г/м2) 2 мг периндоприл трет-бутиламин (2,5 мг периндоприл аргининге баламалы) және 0,625 мг индапамид қабылдаған топқа немесе бір жыл бойы күніне бір рет 10 мг элалаприл қабылдаған топқа рандомизацияланған. Дозаны артериялық қысымды бақылау деректеріне сәйкес 8 мг периндоприл трет-бутиламин (10 мг периндоприл аргининге баламалы) және 2,5 индапамид немесе күніне бір рет 40 мг эналаприлге сәйкес түзетті. Зерттеуге қатысушылардың тек 34%-ы 2 мг периндоприл трет-бутиламиннің (2,5 мг периндоприл аргининге баламалы)/0,625 мг индапамидтің (10 мг эналаприл дозасында қалған 20%-бен салыстырғанда) бастапқы дозасында қалды. Емдеу соңында рандомизацияланған пациенттердің барлық популяциясында СҚМИ эналаприл тобына қарағанда (-1,1 г/м2) периндоприл/индапамид (-10,1 г/м2) тобында елеулі түрде азайған. СҚМИ өзгеруі бойынша топтар арасындағы айырмашылық -8,3 (95% СА (-11,5,-5,0), p < 0,0001) құрады. Нолипрел Аргинин және Нолипрел Форте Аргинин препараттары үшін рұқсат етілген дозадан асатын периндоприл/индапамидтің жоғары дозалары СҚМИ -ға барынша әсер етті. Бағалау бойынша артериялық қысымға қатысты рандомизацияланған популяциядағы топтар арасындағы айырмашылықтардың орташа мәні систолалық артериялық қысым үшін -5,8 мм с.б. құрады (95% СА (-7,9, -3,7), p < 0,0001) және периндоприл/индапамид тобының пайдасына тиісінше диастолалық артериялық қысым үшін -2,3 мм с.б. (95% СА (-3,6,-0,9), p = 0,0004) құрады. Периндоприл Периндоприл кез келген дәрежедегі: жеңіл, орташа және ауыр гипертензия кезінде тиімді. Систолалық және диастолалық артериялық қысымның төмендеуі жатқан және тұрған қалыпта байқалады. Гипертензияға қарсы әсері бір рет қабылдағаннан кейін 4-6 сағаттан кейін максимумға жетеді және 24 сағат бойы сақталады. 24 сағаттан кейін ангиотензин-өзгертуші ферменттің қалдық блокадасының жоғары дәрежесі байқалады, ол шамамен 80% құрайды. Емдеуге жауап берген пациенттерде артериялық қысымның қалыпқа келуіне бір айдан кейін қол жеткізіледі және тахифилаксиямен қатар жүрмейді. Емдеуді тоқтату гипертензия рикошетін туғызбайды. Периндоприл тамыр кеңейткіш әсерімен сипатталады және негізгі артериялардың икемділігін, резистивті артериялардың гистоморфометриялық құрылымын қалпына келтіреді және сол жақ қарыншаның гипертрофиясының төмендеуіне әкеледі. Қажет болған жағдайда тиазидті диуретиктерді қосу аддитивті синергиялық әсерге әкеледі. Ангиотензин-өзгертуші фермент тежегішінің тиазидті диуретикпен біріктірілуі тек бір диуретикті қабылдаған кезде туындайтын гипокалиемия қаупін төмендетеді. Индапамид: Индапамид монотерапияда гипотензиялық әсер көрсетеді, ол 24 сағат бойы сақталады. Бұл әсер индапамидтің диурездік әсері ең аз дозада көрінеді. Оның гипертензияға қарсы әсері артериялардың икемділігін жақсарту, ЖПТК және артериолдарға кедергісін төмендету қабілетіне пропорционалды. Индапамид сол жақ қарыншаның гипертрофиясын азайтады. Тиазидті және тиазид тәрізді диуретиктер белгілі бір дозада емдік әсердің платосына қол жеткізеді, ал жағымсыз әсерлері ұлғая береді. Егер ем тиімсіз болса, дозаны арттыруға болмайды. Бұдан басқа, гипертензиядан зардап шегетін пациенттерді қысқа мерзімді, орта мерзімді және ұзақ емдеуде индапамид: -липидтердің метаболизміне әсер етпейді: триглицеридтер, ТТЛП холестерині және ТЖЛП холестерині, -гипертензиясы және диабеті бар пациенттердің көмірсулар алмасуына әсер етпейді. Ренин-ангиотензин-альдостерон жүйесінің (РААЖ) қосарлы блокадасы бойынша клиникалық зерттеу деректері: Екі ірі рандомизацияланған бақыланатын зерттеулер (ONTARGET (ONgoing Telmisartan Alone and in combination with Ramipril Global Endpoint Trial, Монотерапиядағы және рамиприлмен біріктірілген телмисартанның тиімділігімен салыстырғанда халықаралық зерттеу) және VA NEPHRON-D (Veterans Affairs Nephropathy in Diabetes, Ардагерлер істері бойынша министрлік жүргізетін диабеттік нефропатияны зерттеу) АӨФ тежегішін және ангиотензин ІІ рецепторларының блокаторын біріктіріп қолдануды зерттеуге арналған. ONTARGET зерттеуі анамнезінде жүрек-қантамыр немесе цереброваскулярлық аурулары немесе нысана ағзаларының зақымдану белгілері бар 2 типті қант диабеті бар пациенттер арасында жүргізілді. VA NEPHRON-D зерттеуі 2 типті қант диабеті және диабеттік нефропатиясы бар пациенттерде жүргізілді. Осы зерттеулердің деректері бүйрек және/немесе жүрек-қантамыр нәтижелері мен өлімге қатысты маңызды қолайлы әсердің жоқтығын және сонымен бірге монотерапиямен салыстырғанда гиперкалиемияның, жедел бүйрек жеткіліксіздігінің және/немесе гипотензияның жоғары даму қаупінің болуын көрсетті. Ұқсас фармакодинамикалық қасиеттерін ескере отырып, алынған нәтижелер сондай-ақ басқа да АӨФ тежегіштеріне және ангиотензин II рецепторларының блокаторларына қолданылады. Демек, диабеттік нефропатиясы бар пациенттерге бір мезгілде АӨФ тежегіштерін және ангиотензин II рецепторларының блокаторларын тағайындауға болмайды. ALTITUDE зерттеуі (Aliskiren Trial in Type 2 Diabetes Using Cardiovascular and Renal Disease Endpoints, 2 типті қант диабеті бар пациенттерде жүрек-қантамыр және бүйрек асқынулары қаупін төмендетудегі алискиреннің артықшылықтарын зерттеу) 2 типті қант диабеті және созылмалы бүйрек ауруы және/немесе жүрек-қантамыр ауруы бар пациенттерде АӨФ тежегішімен немесе ангиотензин II рецепторларының блокаторымен стандартты емге алискиренді қосу артықшылықтарын зерттеуге арналды. Зерттеу жағымсыз нәтижелердің даму қаупі жоғары болғандықтан мерзімінен бұрын тоқтатылды. Жүрек-қантамыр ауруларынан болатын өлім және инсульт плацебо тобымен салыстырғанда алискирен тобында жиі кездесті, жағымсыз құбылыстар және ерекше қызығушылық тудыратын күрделі жағымсыз құбылыстар (гиперкалиемия, гипотензия және бүйрек функциясының бұзылуы), сондай-ақ плацебо тобына қарағанда алискирен тобында жиі тіркелді. Балалар мен жасөспірімдер Нолипрел Аргининді балаларда қолдану жөнінде деректер жоқ.

Дозалау режимі Эссенциальді гипертензия Нолипрел Аргинин таңертеңгі тамақ алдында күніне 1 таблеткадан қабылданады. Егер артериялық қысым емдеудің 1 айы ішінде төмендемесе, онда дозаны екі еселеу қажет. Егде жастағы пациенттер: Егде жастағы пациенттерде плазмадағы креатинин мөлшерінің көрсеткіштері жасын, салмағын және жынысын ескере отырып түзетілуі тиіс. Егде жастағы пациенттерге препаратты бүйрек функциясы қалыпты болған жағдайда тағайындайды, мұндайда АҚ төмендеу дәрежесін бақылаған жөн. Бүйрек функциясының жеткіліксіздігі бар пациенттер Бүйрек функциясының ауыр жеткіліксіздігі бар (креатинин клиренсі (КК) минутына 30 мл-ден азырақ) пациенттерге препаратты қолдануға болмайды. Бүйрек функциясының орташа жеткіліксіздігінде (креатинин клиренсі (КК) 30-60 мл/мин) ең жоғары тәуліктік дозасы күніне Нолипрел Аргининнің бір таблеткасы. Емдеу аясында КК ≥ 60 мл/мин пациенттерге қан плазмасындағы креатинин және калий концентрацияларын ұдайы бақылау қажет. Бауыр функциясы бұзылған пациенттер: Препаратты бауыр функциясының ауыр жеткіліксіздігі бар пациенттерге қолдануға болмайды. Бауыр функциясының орташа айқын жеткіліксіздігінде дозаны түзету қажет емес. Балалар және жасөспірімдер Нолипрел Аргининді 18 жасқа дейінгі балалар мен жасөспірімдерге, осы жас тобында препаратты қолданудың тиімділігі мен қауіпсіздігі жөнінде деректер жоқ болғандықтан, тағайындамаған жөн. Енгізу әдісі мен жолы Пероральді қабылдау.

Периндоприл • әсер етуші затқа немесе басқа АӨФ тежегіштеріне жоғары сезімталдық • АӨФ тежегішін қабылдаумен байланысты анамнездегі ангионевроздық ісіну (Квинке ісінуі) • тұқым қуалайтын/идиопатиялық ангионевроздық ісіну • жүктіліктің екінші және үшінші триместрі • қант диабеті немесе бүйрек функциясы бұзылған пациенттерде (ШСЖ < 60 мл/мин/1,73м²) алискирен негізіндегі Нолипрел Аргинин препаратын бір мезгілде қолдану • сакубитрилмен/валсартанмен емдеуде бір мезгілде қолдану. Сакубитрил/валсартанның соңғы дозасын қабылдау мен Нолипрел аргинин препаратымен емдеуді бастау арасында кемінде 36 сағат аралықты сақтау қажет • қан теріс зарядталған беткейлермен байланысатын экстракорпоральді емшаралар • бүйрек артериясының айқын екіжақты стенозы немесе жұмыс істейтін жалғыз бүйрек артериясының стенозы Индапамид -әсер етуші затқа немесе басқа сульфонамидтерге жоғары сезімталдық -бүйрек функциясының ауыр бұзылуы (креатинин клиренсі 30 мл/мин төмен) -бауыр энцефалопатиясы -бауыр функциясының ауыр бұзылуы -гипокалиемия Нолипрел Аргинин • әсер етуші затқа немесе кез келген қосымша заттарға аса жоғары сезімталдық. Нолипрел Аргинин емдік тәжірибенің жеткіліксіздігіне байланысты: -диализдегі пациенттерге -декомпенсация сатысындағы емделмеген жүрек жеткіліксіздігі бар пациенттерге тағайындауға болмайды.

Емдеу кезінде туындауы мүмкін жағымсыз реакциялардың жиілігі келесі градация түрінде берілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); белгісіз (жиілігін қолда бар деректер бойынша есептеу мүмкін емес). Жиі - жоғары сезімталдық реакциялары (аллергиялық және демікпелік реакцияларға бейім пациенттерде, негізінен, дерматологиялық сипаттағы) - бас айналу, бас ауыру, парестезия - көрудің бұзылулары - вертиго, құлақтағы шуыл - гипотензия және онымен байланысты құбылыстар - жөтел, ентігу - іштің ауыруы, іш қату, диарея, диспепсия, жүректің айнуы, құсу - қышыну, бөртпе, макулопапулезді бөртпе - бұлшықет түйілулері - астения - дәм сезудің бұрмалануы - гипокалиемия Жиі емес - эозинофилия* - гипогликемия*, гиперкалиемия, емдеуді тоқтатқан кезде қайтымды*, гипонатриемия* - көңіл-күйдің түсіп кетуі, ұйқының бұзылулары - ұйқышылдық*, естен тану* - жүрек қағуының жиілеуі*, тахикардия* - васкулит* - бронхтың түйілуі - ауыздың кеберсуі - есекжем, ангионевроздық ісіну, пурпура, гипергидроз, фотосезімталдық реакциялары*, пемфигоид* - артралгия*, миалгия* - бүйрек функциясының жеткіліксіздігі - эректильді дисфункция - кеуденің ауыруы*, жалпы әлсіздік*, шеткері ісіну*, гипертермия* - қанда мочевина деңгейінің жоғарылауы*, қанда креатинин деңгейінің жоғарылауы* - құлау* - депрессия Сирек - псориаздың өршуі* - қажу - қанда билирубин мөлшерінің жоғарылауы - бауыр ферменттері белсенділігінің жоғарылауы - антидиуретикалық гормонның жеткіліксіз секреция синдромы (АДГАСС) - гипохлоремия - гипомагниемия - қанның бетке тебуі - анурия/олигурия - жедел бүйрек жеткіліксіздігі Өте сирек - ринит - агранулоцитоз, апластикалық анемия, панцитопения, лейкопения, нейтропения, гемолиздік анемия, тромбоцитопения - сананың шатасуы - жоғары қауіп тобындағы пациенттерде шамадан тыс АҚ төмендеуінен туындаған инсульт - эозинофильді пневмония - панкреатит - гепатит, бауыр функциясының бұзылуы - мультиформалы эритема, уытты эпидермальді некролиз, Стивенс-Джонсон синдромы - гемоглобин және гематокрит деңгейлерінің төмендеуі Белгісіз - гипокалиемиямен қатар жүретін калий мөлшерінің төмендеуі, ол әсіресе жоғары қауіп төнген тұрғындардың кейбір топтарында едәуір - бауыр функциясының жеткіліксіздігі жағдайында бауырлық энцефалопатияның даму ықтималдылығы - миопия, көрудің бұлыңғырлануы, хориоидальды жалқық, жедел жабық бұрышты глаукома - «пируэт» типті қарыншалық тахикардия (өліммен ақталуы мүмкін) - бұрыннан бар жедел жүйелі қызыл жегі ағымының ықтималды нашарлауы - қандағы глюкоза деңгейінің жоғарылауы - қандағы несеп қышқылы деңгейінің жоғарылауы - электрокардиограммада QT аралығының ұзаруы - Рейно cиндромы * Жиілігі кездейсоқ мәлімдемелерде байқалған жағымсыз құбылыстарға қатысты клиникалық зерттеу нәтижелері бойынша есептелді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүректің айнуымен, құсумен, құрысулармен, бас айналумен, ұйқышылдықпен, сананың шатасуымен, олигуриямен, ануриямен және су-электролиттік теңгерімнің бұзылуымен қатар жүретін айқын гипотензия. Емі: симптоматикалық, науқасты жатқызу, асқазанды адсорбенттермен және натрий сульфатымен шаю, сұйықтық тапшылығының орнын толтыру үшін вена ішіне ерітінділер құю, электролиттік теңгерімді түзету. Қажет болған жағдайда пациентті қарқынды емдеу палатасына жатқызады. Гемодиализ (полиакрилонитрилді өткізгіштігі жоғары жарғақшаларды пайдалануға жол бермеген жөн).

Периндоприл мен индапамид үшін ортақ Индапамид пен периндоприл аргининінің төменгі дозасы бар Нолипрел Аргининді қолдану гипокалиемияны қоспағанда, қолдануға рұқсат етілген ең аз дозаларда жекелеген компоненттерді қабылдаумен салыстырғанда жағымсыз дәрілік реакциялар жиілігінің елеулі төмендеуімен қатар жүрмейді. Пациент бұрын қабылдамаған екі гипотензиялық препаратпен емнің басында идиосинкразияның жоғары қаупін жоққа шығаруға болмайды. Пациентті мұқият бақылау бұл қауіпті барынша азайтуға мүмкіндік береді. Литий Литий мен периндоприл мен индапамид біріктірілімін қолдану әдетте ұсынылмайды. Периндоприл Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін және ангиотензин II рецепторларының блокаторларын немесе алискиренді бір мезгілде қолданудың гипотензия, гиперкалиемия қаупін арттыратыны және бүйрек функциясының төмендеуін (бүйрек функциясының жедел жеткіліксіздігіне дейін) туындататыны айғақталды. Сондықтан АӨФ тежегіштерін және ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокада абсолютті түрде қажет болса, оны тек маманның қадағалауымен ғана және бүйрек функциясына, электролиттер деңгейіне және артериялық қысымға жиі мұқият мониторинг жағдайында ғана жүргізген жөн. Диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды. Калий жинақтаушы диуретиктер, калий препараттары және ас тұзының құрамында калий бар алмастырғыштары Әдетте периндоприлді калий жинақтаушы диуретиктермен, калий препараттарымен және ас тұзының құрамында калий бар алмастырғыштарымен біріктіруге болмайды. Нейтропения / агранулоцитоз / тромбоцитопения / анемия АӨФ тежегіштерін қабылдау аясында нейтропения, агранулоцитоз, тромбоцитопения және анемия байқалды. Бүйрек функциясы қалыпты пациенттерде басқа асқыну факторлары болмаған кезде нейтропения сирек дамиды. Периндоприлді дәнекер тінінің аурулары бар пациенттерде, иммунодепрессанттарды, аллопуринолды немесе прокаинамидті қабылдаған кезде немесе осы ауырлық факторлар үйлескен кезде, әсіресе егер анамнезінде бүйрек функциясының бұзылуы болса, аса сақтықпен қолданған жөн. Кейбір пациенттерде ауыр инфекциялар дамыды, олар кейбір жағдайларда антибиотиктермен қарқынды емдеуге берілмеді. Егер мұндай пациенттер периндоприл қабылдаса, лейкоциттік формулаға кезең-кезеңімен талдау жүргізу ұсынылады, ал пациенттерге инфекцияның кез келген белгілері (тамақтың ауыруы, қызба) туралы хабарлау қажеттігі туралы нұсқау беру керек. Вазоренальді гипертензия Бүйрек артериясының екі жақты стенозы немесе жұмыс істейтін жалғыз бүйрек артериясының стенозы бар пациенттерде АӨФ тежегіштерін қолдану кезінде гипотензия және бүйрек жеткіліксіздігі қаупі жоғарылайды. Диуретиктер бұл жағдайды ушықтыруы мүмкін. Бүйрек функциясының төмендеуі бүйрек артериясының біржақты стенозы бар пациенттердің өзінде креатининнің сарысулық концентрациясының елеусіз өзгерістерімен ғана көрініс беруі мүмкін. Жоғары сезімталдық реакциялары / ангионевроздық ісіну Ангиотензин-өзгертуші фермент тежегіштерін, оның ішінде периндоприлді қабылдау аясында сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуі байқалды. Ол емдеу кезіңінде кез келген уақытта дамуы мүмкін. Мұндай жағдайларда периндоприл қабылдауды дереу тоқтату, пациентті ауруханаға жатқызу және барлық симптомдар пациентті шығару сәтіне шешілгеніне көз жеткізу үшін тиісті мониторингті бастау керек. Бет пен еріннің ісінуі әдетте емдемей-ақ өтеді, бірақ симптомдарды жеңілдету үшін антигистаминді дәрілер қолданылуы мүмкін. Көмейдің ісінуімен қатар жүретін ангионевроздық ісіну өлімге әкелуі мүмкін. Тілдің, көмейдің немесе дауыс саңылауының ісінуі тыныс алу жолдарының өткізгіштігінің бұзылуына әкеп соғуы мүмкін, бұл жағдайда дереу тиісті емді бастау керек, 1:1000 (0,3 мл - 0,5 мл) сұйылту кезінде адреналин ерітіндісін тері астына инъекциялау және/немесе тыныс алу жолдарының өткізгіштігін қамтамасыз ету үшін шаралар қабылдау керек. АӨФ тежегіштерін қабылдайтын қара нәсілді пациенттерде ангионевроздық ісіну басқа нәсілдердің өкілдеріне қарағанда жиі байқалды. Анамнезінде АӨФ тежегіштерін қолданумен байланысты емес ангионевроздық ісінуі бар пациенттерде АӨФ тежегіштерін қабылдау кезінде оның даму қаупі артады. Сирек жағдайларда АӨФ тежегіштерін қабылдаған пациенттерде ішектің ангионевроздық ісінуі байқалды. Пациенттер іштің ауыруына шағымданды (жүрек айнуымен немесе құсумен немесе оларсыз); кейбір жағдайларда беттің ангионевроздық ісінуі анамнезінде болмаған және C-1 эстераза деңгейі қалыпты болған. Ангионевроздық ісіну диагнозы КТ немесе іштің УДЗ негізінде немесе хирургиялық араласым кезінде қойылды, ал симптомдары АӨФ тежегішін қабылдауды тоқтатқаннан кейін жоғалды. Ішектің ангионевроздық ісінуін іштің ауыруына шағымданған АӨФ тежегіштерін қабылдайтын пациенттерде дифференциалды диагностика жүргізу кезінде ескеру керек. Ангионевроздық ісіну қаупінің жоғарылауына байланысты периндоприлді сакубитрилмен/валсартанмен біріктіруге болмайды. Периндоприлдің соңғы дозасын қабылдау мен сакубитрилмен/валсартанмен емдеуді бастау арасындағы аралық кемінде 36 сағатты құрауы тиіс. Сакубитрил және валсартанмен емдеу тоқтатылған кезде сакубитрил мен валсартанның соңғы дозасын қабылдау мен периндоприлмен емдеудің басталуы арасында кемінде 36 сағат аралықты сақтау қажет. АӨФ тежегіштері мен NEP (мыс., рацекадотрил) бейтарап эндопептидаза тежегіштерін бір мезгілде қолдану, mTOR (мыс., сиролимус, эверолимус, темсиролимус) тежегіштері және глиптиндер (мыс., линаглиптин, саксаглиптин, ситаглиптин, вилдаглиптин) ангионевроздық ісіну қаупін арттыруы мүмкін (тыныс алу жолдарының немесе тілдің, тыныс алу бұзылыстарымен бірге немесе онсыз тыныс алу бұзылыстарымен бірге немесе онсыз ісінуі). Осыған байланысты рацекадотрилді, mTOR (мыс., сиролимус, эверолимус, темсиролимус) тежегіштерін және глиптиндер (мыс., линаглиптин, саксаглиптин, ситаглиптин, вилдаглиптин) АӨФ тежегіштерін қабылдайтын пациенттерге қолданылады. Десенситизация кезіндегі анафилактоидты реакциялар Жарғаққанатты жәндіктердің (ара, сона) уымен десенсибилизациялайтын терапия кезінде АӨФ тежегіштерін қабылдау кезінде тұрақты, өмірге қауіп төндіретін анафилактоидты реакциялардың дамуы туралы жеке хабарламалар бар. АӨФ тежегіштерін десенситизацияны жүргізу кезінде аллергияға бейім пациенттерге сақтықпен қабылдау және умен иммунотерапия жүргізетіндерге қабылдауға толығымен жол бермеу керек. Дегенмен, бұл реакцияларды десенситизация жүргізілуі тиіс және АӨФ тежегіштері пайдаланылуы қажет пациенттерде емшараға дейін кемінде 24 сағат бұрын АӨФ тежегішін уақытша тоқтата отырып, болдырмауға болады. ТТЛП аферезі кезіндегі анафилактоидты реакциялар Сирек жағдайларда АӨФ тежегіштерін қабылдаған пациенттерде тығыздығы төмен липопротеиндер (ТТЛП) аферезі кезінде декстран сульфатын қолдана отырып, өмірге қауіп төндіретін анафилактоидты реакциялар дамыды. Мұндай реакциялардың алдын алу үшін аферездің әрбір емшарасы алдында АӨФ тежегіштерін қабылдауды уақытша тоқтату керек. Гемодиализдегі пациенттер АӨФ тежегіштерін қабылдайтын пациенттерде жоғары ультрафильтрациялық белсенділігі бар (AN 69®) жарғақшаларды қолдана отырып гемодиализ жүргізген кезде анафилаксиялық реакциялар байқалды. Бұл пациенттерде диализ үшін жарғақшаның басқа түрін немесе гипертензияға қарсы дәрінің басқа класын пайдалану керек. Бастапқы гиперальдостеронизм Ренин-ангиотензин жүйесін бәсеңдететін гипертензияға қарсы препараттар, әдетте, бастапқы гиперальдостеронизмі бар пациенттерде тиімсіз. Осыған байланысты осы препаратты қолдану ұсынылмайды. Жүктілік Жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен емді жалғастыру аса қажет болмаса, жүктілікті жоспарлау кезінде пациент әйелді жүктілік кезінде пайдалануға арналған қауіпсіздік бейіні белгіленген баламалы гипотензиялық дәрілерге ауыстыру керек. Жүктілік басталған кезде АӨФ тежегіштерімен емдеуді дереу тоқтату және қажет болған жағдайда баламалы емді таңдау керек. Индапамид Бауыр энцефалопатиясы Бауыр функциясының бұзылуы кезінде тиазидті және тиазид тәрізді диуретиктерді қабылдау, әсіресе электролиттердің теңгерімсіздігі жағдайында, бауыр энцефалопатиясын тудыруы мүмкін, бұл прогрессивті түрде бауыр комасына әкелуі мүмкін. Бұл жағдайда диуретик қабылдауды дереу тоқтату керек. Фотосезімталдық Тиазидті және тиазид тәрізді диуретиктерді пайдалану кезінде фотосезімталдық жағдайлары байқалды. Емдеу кезінде фотосезімталдық реакциясы байқалса, емдеуді тоқтату ұсынылады. Қажет болған жағдайда диуретикпен емдеуді жалғастыру үшін, дененің ашық жерлерін күн сәулесі мен А типті жасанды ультракүлгін сәулеленуден қорғау ұсынылады. Қауіпсіздік шаралары Периндоприл мен индапамид үшін ортақ: Бүйрек функциясының бұзылуы Бүйрек функциясының ауыр бұзылуы кезінде (креатинин клиренсі < 30 мл/мин) препаратты қолдануға болмайды. Бүйрек функциясының алдыңғы айқын бұзылуынсыз гипертензиясы бар кейбір пациенттерде емдеу аясында функционалдық бүйрек жеткіліксіздігінің зертханалық белгілері пайда болуы мүмкін. Бұл жағдайда препаратпен емдеуді тоқтату керек. Бұдан әрі емдеуді не аз дозада немесе препараттың бір компоненті ретінде қайта бастауға болады. Бұл пациенттерге емдеу басталғаннан кейін екі аптадан соң, содан кейін емдік тұрақтылық кезеңі ішінде екі айда бір рет калий және креатинин деңгейін жиі бақылау қажет. Бүйрек жеткіліксіздігі негізінен ауыр жүрек жеткіліксіздігі немесе бұрыннан бүйрек функциясының бұзылулары бар пациенттерде, оның ішінде бүйрек артериясының стенозы кезінде байқалды. Әдетте препарат бүйрек артерияларының екіжақты стенозы немесе жұмыс істейтін жалғыз бүйрек болған жағдайда ұсынылмайды. Гипотензия және су-электролиттік бұзылулар Бұрыннан бар натрий мөлшерінің төмендеуі аясында кенеттен гипотензия қаупі бар (әсіресе бүйрек артериясының стенозы бар пациенттерде). Осыған байланысты диарея немесе құсу аясында болуы мүмкін сусызданудың және электролиттер мөлшерінің төмендеуінің клиникалық белгілерінің болуын жүйелі тексеру керек. Мұндай пациенттерде плазмадағы электролиттер деңгейін үнемі бақылау қажет. Елеулі гипотензия кезінде изотониялық физиологиялық ерітіндінің венаішілік инфузиясы қажет болуы мүмкін. Өтпелі гипотензия емді жалғастыру үшін қарсы көрсетілім емес. Айналымдағы қан мен артериялық қысымның қанағаттанарлық көлемін қалпына келтіргеннен кейін емдеуді барынша төмен дозада немесе тек бір компонентпен қайта бастауға болады. Калий деңгейі Периндоприлдің индапамидпен біріктірілуі, әсіресе диабеті немесе бүйрек жеткіліксіздігі бар пациенттерде гипокалиемияның дамуына кедергі бола алмайды. Диуретик негізінде кез келген гипертензияға қарсы препаратты қолданған жағдайдағыдай плазмадағы калий деңгейін үнемі бақылау керек. Қосымша заттар Нолипрел Аргининді сирек тұқым қуалайтын бұзылулары бар: галактоза жақпаушылығы, жалпы лактаза жеткіліксіздігі және глюкоза-галактоза мальабсорбциясы бар пациенттерге тағайындауға болмайды. Натрий деңгейі Нолипрел Аргининнің әрбір таблеткасының құрамында 1 ммоль натрий (23 мг) бар, яғни іс жүзінде натрий жоқ. Периндоприл Жөтел Ангиотензин-өзгертуші фермент тежегіштерін пайдалану кезінде құрғақ жөтел байқалды. Ол тұрақты сипатқа ие болды және емдеуді тоқтату кезінде өтеді. Бұл симптомның этиологиясы ятрогенді болуы мүмкін. Егер ангиотензин-өзгертуші фермент тежегішін тағайындау қажет болса, емдеуді жалғастыруға болады. Балалар мен жасөспірімдер Балалар мен жасөспірімдерде монотерапияда немесе біріктірімде периндоприлдің қауіпсіздігі мен тиімділігі анықталмаған. Артериялық гипотензия және/немесе бүйрек жеткіліксіздігі қаупі (жүрек жеткіліксіздігі, су-электролиттік бұзылулар және т. б. жағдайда) Су мен электролиттерді едәуір жоғалту кезінде (қатаң тұзсыз диета немесе диуретиктермен ұзақ уақыт емдеу), әсіресе бастапқы артериялық қысымы төмен пациенттерде, бүйрек артериясының стенозында, іркілісті жүрек жеткіліксіздігінде немесе ісінулер мен асцитпен қатар жүретін бауыр циррозы кезінде ренин-ангиотензин-альдостерон жүйесінің айқын стимуляциясы жүреді. Демек, ренин-ангиотензин-альдостерон жүйесінің бәсеңдеуі АӨФ тежегіштерін қабылдағанда, әсіресе бірінші тағайындағанда және емдеудің алғашқы екі аптасы ішінде артериялық қысымның кенеттен төмендеуіне және/немесе қан плазмасындағы креатинин мөлшерінің артуына әкелуі мүмкін, бұл функционалдық бүйрек жеткіліксіздігін білдіреді. Жекелеген, бірақ өте сирек жағдайларда мұндай бұзылыстар жедел дамиды және үдерістің басталуын болжау қиын. Мұндай жағдайларда емдеуді неғұрлым төмен дозамен біртіндеп ұлғайта отырып, жаңарту керек. Егде жастағы адамдар Ем басталғанға дейін бүйрек функциясы мен калий деңгейін зерттеу керек. Бастапқы дозаны кенеттен гипотензияның дамуын болдырмау үшін артериялық қысымның төмендеу дәрежесіне байланысты, әсіресе су-электролиттік бұзылулар болған кезде түзетеді. Атеросклероз Гипотензия қаупі барлық пациенттерде бар, бірақ препаратты жүректің ишемиялық ауруы немесе ми қан айналымының жеткіліксіздігі бар пациенттерде аса сақтықпен қолдану керек. Оларды емдеуді төмен дозадан бастаған жөн. Вазоренальді гипертензия Вазоренальді гипертензияны емдеу реваскуляризациядан тұрады. Дегенмен, ангиотензин-өзгертуші фермент тежегіштері реконструктивтік операцияны күтетін вазоренальді гипертензиясы бар пациенттерде немесе мұндай операция мүмкін болмаған жағдайда тиімді болуы мүмкін. Бүйрек артериясының диагностикаланған немесе болжамды стенозы бар пациенттерге Нолипрел Аргининді тағайындаған кезде емдеуді бүйрек функциясын және қан плазмасындағы калий концентрациясын бақылай отырып, стационар жағдайында препараттың төмен дозасынан бастау керек. Кейбір науқастарда функционалдық бүйрек жеткіліксіздігі дамуы мүмкін, ол препаратты қабылдауды тоқтатқанда жоғалады. Жүрек жеткіліксіздігі / ауыр жүрек жеткіліксіздігі Ауыр жүрек жеткіліксіздігі кезінде (IV дәрежелі) емдеуді бастапқы төмен дозадан медициналық бақылаумен бастаған жөн. Гипертензиясы және коронарлық жеткіліксіздігі бар пациенттерде бета-блокаторлармен емдеуді тоқтатуға болмайды: АӨФ тежегіштерін бета-блокаторларға қосады. Диабетпен ауыратын науқастар Инсулинге тәуелді қант диабеті кезінде (калий мөлшерінің өздігінен болатын жоғарылау үрдісі) емдеуді бастапқы төмен дозадан медициналық бақылаумен бастаған жөн. Бұрын пероральді диабетке қарсы препараттарды немесе инсулин қабылдаған диабетпен ауыратын науқастарда қандағы қант деңгейін, әсіресе АӨФ тежегішімен емдеудің бірінші айы ішінде мұқият бақылау керек. Этностық айырмашылықтар Басқа да ангиотензин-өзгертуші фермент тежегіштері сияқты периндоприл басқа нәсіл өкілдеріне қарағанда қара нәсіл өкілдерінде артериялық қысымды төмендетуде тиімділігі аз, бұл артериялық қысымы жоғары қара нәсілді пациенттер популяциясында ренин белсенділігінің төмен болуы салдарынан болуы мүмкін. Хирургиялық араласым/жалпы анестезия Ангиотензин-өзгертуші фермент тежегіштері жалпы анестезияны жүргізу кезінде гипотензияға әкелуі мүмкін, әсіресе егер пайдаланылатын анестетиктің гипотензиялық потенциалға ие болса. Сондықтан периндоприл сияқты ұзақ әсер ететін АӨФ тежегіштерін қабылдауды мүмкіндігінше хирургиялық операцияға дейін бір күн бұрын тоқтату ұсынылады. Аортальді немесе митральді клапан стенозы/гипертрофиялық кардиомиопатия Сол жақ қарыншаның шығу жолының обструкциясы бар пациенттерде АӨФ тежегіштерін қолданған кезде сақ болу керек. Бауыр функциясының бұзылуы Сирек жағдайларда АӨФ тежегіштерін қабылдау холестаздық сарғаюдан басталатын және бауырдың фульминантты некрозына дейін үдемелі және (кейде) өліммен аяқталатын синдроммен қатар жүреді. Бұл синдромның даму механизмі белгісіз. АӨФ тежегіштерін қабылдайтын пациенттерде сарғаю дамыған кезде немесе бауыр ферменттері белсенділігінің едәуір артуы кезінде АӨФ тежегіштерін қабылдауды тоқтату және тиісті медициналық тексеру жүргізу керек. Гиперкалиемия АӨФ тежегіштерін, оның ішінде периндоприл қабылдаған кейбір пациенттерде сарысуда калий деңгейінің жоғарылауы байқалды. АӨФ тежегіштері гиперкалиемияны тудыруы мүмкін, өйткені олар альдостерон секрециясын тежейді. Бұл әсер әдетте бүйрек функциясы қалыпты пациенттерде елеусіз болады. Гиперкалиемия қаупінің факторларына бүйрек жеткіліксіздігі, бүйрек функциясының нашарлауы, жасы (> 70 жас), қант диабеті, қатар жүретін құбылыстар, атап айтқанда сусыздану, жүрек қызметінің жедел декомпенсациясы, метаболизмдік ацидоз және калий жинақтаушы диуретиктерді (спиронолактон, эплеренон, триамтерен, амилорид және т. б.), калий препараттарын немесе құрамында калий бар тұз алмастырғыштарды бір мезгілде қабылдау, сондай-ақ сарысуда калий деңгейінің жоғарылауын тудыратын басқа да дәрілік препараттарды (гепариндер, ко-тримоксазол, сонымен қатар триметоприм ретінде белгілі), әсіресе альдостерон антагонистері немесе ангиотензин рецепторларының блокаторларын қабылдау жатады. Калий препараттарын, калий жинақтаушы диуретиктерді немесе құрамында калий бар ас тұзын алмастырғыштарды пайдалану, әсіресе бүйрек функциясы бұзылған пациенттерде сарысудағы калий деңгейінің едәуір артуына әкелуі мүмкін. Гиперкалиемия күрделі, кейде өлімге әкелуі мүмкін аритмиялар тудыруы мүмкін. Калий жинақтайтын диуретиктерді және ангиотензин рецепторларының блокаторларын АӨФ тежегіштерін қабылдайтын пациенттерде сақтықпен қолдану керек; бұл ретте қан сарысуындағы калий деңгейін және бүйрек функциясына мониторинг жүргізу қажет. Препаратты жоғарыда аталған дәрілермен бір мезгілде қолдану қажет болған жағдайда оларды сарысудағы калий деңгейін жиі бақылау кезінде сақтықпен қабылдау керек. Индапамид Су-электролиттік теңгерім Натрий деңгейі Емдеу басталғанға дейін натрий мөлшеріне бағалау жүргізу қажет, одан әрі мұндай зерттеулер жүйелі түрде жүргізілуі тиіс. Натрий деңгейінің бастапқы төмендеуі симптомсыз мүмкін, сондықтан тұрақты бақылау қажет. Егде жастағы пациенттерде және бауыр циррозы бар пациенттерде бақылау жиі-жиі жүргізілуі тиіс. Барлық диуретиктер гипонатриемияға әкелуі мүмкін, кейде өте күрделі салдары болады. Гиповолемиямен гипонатриемия сусыздануға және ортостаздық гипотензияның дамуына әкелуі мүмкін. Хлор иондарының қатар жоғалуы салдарлы компенсаторлық метаболизмдік алкалоз тудыруы мүмкін: бұл әсердің пайда болу жиілігі мен айқындылығы елеусіз. Калий деңгейі Тиазидті және тиазид тәрізді диуретиктерді қабылдаудағы негізгі қауіп калий тапшылығына және тиісінше гипокалиемияға негізделген. Гипокалиемия бұлшықеттің бұзылуына әкелуі мүмкін. Рабдомиолиз жағдайлары туралы, негізінен ауыр гипокалиемия аясында хабарланды. Егде жастағы және/немесе жүдеу адамдар (политерапияға қарамастан), ісінумен және асцитпен қатар жүретін циррозбен ауыратын пациенттер, жүректің ишемиялық ауруы және жүрек жеткіліксіздігі бар пациенттер сияқты жоғары қауіп тобындағы пациенттерде калий деңгейінің (<3,4 ммоль/л) төмендеуін болдырмау керек. Мұндай жағдайларда гипокалиемия жүрек гликозидтерінің уыттылығын күшейтеді және аритмияның даму қаупін арттырады. QT аралығының туа біткен немесе ятрогенді ұлғаюы бар пациенттер қауіп тобына жатады. Брадикардия сияқты гипокалиемия да жүрек ырғағының ауыр бұзылуларын, атап айтқанда «пируэт» түріндегі полиморфты қарыншалық тахикардияны дамыту үшін қауіп факторы болып табылады, ол өлімге әкелуі мүмкін. Барлық жағдайларда калий деңгейін жиі анықтау қажет. Плазмадағы калий деңгейін бірінші талдауды емдеу басталғаннан кейін бірінші апта ішінде жүргізу керек. Калийдің төмен көрсеткіштері анықталған жағдайда, осы жағдайға түзету жүргізу қажет. Қан сарысуындағы магний деңгейін түзетпейінше, қан сарысуындағы магний деңгейінің төмен болуынан пайда болған гипокалиемияны емдеу қиын болуы мүмкін. Кальций деңгейі Тиазидті және тиазид тәрізді диуретиктер кальцийдің несеппен шығарылуын азайтуға қабілетті, бұл плазмадағы кальций концентрациясының уақытша және елеусіз артуына әкеледі. Кальций деңгейінің едәуір артуы диагностикаланбаған гиперпаратиреозбен байланысты болуы мүмкін. Мұндай жағдайларда емдеуді қалқанша без функциясын зерттеуге дейін тоқтату керек. Плазмадағы магний мөлшері Тиазидтер және олармен байланысты диуретиктер, соның ішінде индапамид, магнийдің несеппен шығарылуын арттыратыны анықталған, бұл гипомагниемияны тудыруы мүмкін. Қандағы глюкоза мөлшері Диабеті бар пациенттерде, әсіресе калий деңгейі төмен болғанда, қандағы глюкоза деңгейін бақылау қажет. Несеп қышқылы Құрамында несеп қышқылы жоғары пациенттерде подагра ұстамаларының ықтималдығы жоғарылайды. Бүйрек функциясы және диуретиктер Тиазидті және тиазид тәрізді диуретиктер бүйрек функциясы қалыпты жағдайда немесе тек сәл төмендеген жағдайларда ғана толық мөлшерде тиімді (ересектердегі креатинин деңгейі шамамен 25 мг/л төмен, яғни 220 мкмоль/л). Егде адамдарда плазмадағы креатинин деңгейінің көрсеткіштерін Кокрофт формуласы бойынша жасына, салмағына және жынысына қарай түзетумен есептеу керек: КК= (140 - жас) x дене салмағы / 0,814 x плазмадағы креатинин деңгейі мұнда: жасы жылдармен көрінеді, дене салмағы – килограммен, плазмадағы креатинин деңгейі – литрге микромолдармен. Бұл формула егде жастағы пациент ер адамға есептелген және әйелге бейімдеу үшін нәтижені 0,85-ке көбейту керек. Диуретиктермен емдеудің басында су мен натрийдің жоғалуы салдарынан дамыған гиповолемия шумақтық сүзілудің төмендеуіне әкеледі. Бұл қандағы несеп және креатинин деңгейінің жоғарылауына әкелуі мүмкін. Бұл өтпелі функционалдық бүйрек жеткіліксіздігінің бүйрек функциясы қалыпты пациенттерде жағымсыз салдары жоқ, бірақ бұрыннан бүйрек жеткіліксіздігі бар пациенттің жағдайы нашарлауы мүмкін. Спортшылар Спортшылар бұл препараттың құрамында допинг-бақылау жүргізген кезде оң реакция беретін белсенді зат бар екенін білуі тиіс. Жедел миопия және салдарлы жабық бұрышты глаукома Сульфонамидтер мен олардың туындылары уақытша миопияға және жедел жабық бұрышты глаукомаға әкелетін идиосинкразиялық реакциялардың дамуын тудыруы мүмкін. Тиісті ем жасамаса жедел жабық бұрышты глаукома көру қабілетінің жоғалуына әкелуі мүмкін. Бірінші кезекте дәрілік препаратты қабылдауды мүмкіндігінше тезірек тоқтату қажет. Егер көзішілік қысым жоғары болып қала берсе, дереу терапиялық немесе хирургиялық емдеу қажет болуы мүмкін. Жедел жабық бұрышты глаукоманың дамуына әкелуі мүмкін қауіп факторларына анамнезінде сульфонамидтерге немесе пенициллинге аллергияны жатқызуға болады. Хориоидальды жалқық, жедел миопия және салдарлы жабықбұрышты глаукома: Құрамында сульфонамид немесе сульфонамид туындылары бар препараттар көру өрісінің ақауымен хориоидальды жалқыққа, өтпелі миопия мен жедел жабық бұрышты глаукомаға әкелетін идиосинкразиялық реакцияны тудыруы мүмкін. Симптомдарға көру өткірлігінің күрт төмендеуі немесе көздің ауыруы жатады, бұл әдетте препаратты қабылдау басталған сәттен бастап бірнеше сағаттан бірнеше аптаға дейін байқалады. Ем болмаған жағдайда көру қабілетінің қалпына келмеуі мүмкін. Бастапқы емдеу дәрілік затты қабылдауды жедел тоқтату болып табылады. Бақыланбайтын көзішілік қысым кезінде дереу медициналық немесе хирургиялық емдеу қажет болуы мүмкін. Жедел жабық бұрышты глаукома дамуының қауіпті факторлары анамнезде пенициллинге немесе сульфонамидке аллергиялық реакциялар болуын қамтуы мүмкін.

Нұсқаулықта көрсетілмеген.

Периндоприл мен индапамид үшін ортақ Бір мезгілде қолдану ұсынылмайды: Литий: литий мен АӨФ тежегіштерін бір мезгілде қабылдаған кезде сарысудағы литий концентрациясының қайтымды ұлғаюы және оның уыттылығы байқалды. Периндоприлді индапамидпен біріктіріп литиймен бір мезгілде қабылдау ұсынылмайды, бірақ егер бұл қажет болса, онда сарысудағы литий деңгейін мұқият бақылау керек. Бір мезгілде қолдану аса сақтықты талап етеді: Баклофен: гипертензияға қарсы әсердің күшеюі. Артериялық қысымды бақылау және қажет болған жағдайда гипертензияға қарсы дәрінің дозасын түзету керек. Қабынуға қарсы стероидты емес препараттар (ҚҚСП) (соның ішінде ацетилсалицил қышқылы ≥ 3г/тәул.): қабынуға қарсы стероидты емес препараттармен (қабынуға қарсы дозадағы ацетилсалицил қышқылы, ЦОГ-2 тежегіштері және селективті емес ҚҚСП) бірге АӨФ тежегіштерін тағайындағанда олардың гипотензиялық әсері төмендеуі мүмкін. АӨФ тежегіштерін және ҚҚСП бір мезгілде қолдану әсіресе бүйрек функциясының бұзылулары бұрыннан бар пациенттерде жедел бүйрек жеткіліксіздігіне дейін бүйрек функциясының нашарлауына және сарысудағы калий деңгейінің жоғарылауына әкелуі мүмкін. Осы препараттарды, әсіресе егде жастағы пациенттерге бір мезгілде тағайындағанда сақ болу керек. Пациенттер сұйықтықтың жоғалуын өтеу және біріктірілген емнің басында, сондай-ақ емдеу процесінде де бүйрек функциясына тұрақты бақылау жүргізу қажет. Бір мезгілде қолдану сақтықты талап етеді: Имипрамин тобының антидепрессанттары (трициклді), нейролептиктер: гипотензиялық әсердің күшеюі және ортостаздық гипотензияның даму қаупінің артуы (аддитивті әсер). Периндоприл Клиникалық зерттеу деректері АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ-ға әсер ететін бір препаратты пайдаланумен салыстырғанда, гипотензия, гиперкалиемия және бүйрек функциясының төмендеуі (жедел бүйрек жеткіліксіздігіне дейін) сияқты жағымсыз құбылыстар жиілігінің жоғарылауымен қатар жүретінін көрсетті. Ангионевроздық ісіну қаупін арттыратын препараттар АӨФ тежегіштерін сакубитрилмен/валсартанмен бір мезгілде қолдануға болмайды, өйткені бұл ангионевроздық ісіну қаупін арттырады. Периндоприлдің соңғы дозасын қабылдау мен сакубитрилмен/валсартанмен емдеуді бастау арасындағы аралық кемінде 36 сағатты құрауы тиіс. Сакубитрилдің/валсартанның соңғы дозасын қабылдау мен периндоприлмен емдеуді бастау арасында кемінде 36 сағат аралықты сақтау қажет. АӨФ тежегіштерін рацекадотрилмен, mTOR тежегіштерімен (мыс. сиролимус, эверолимус, темсиролимус) бір мезгілде қолдану және глиптиндер (мыс., линаглиптин, саксаглиптин, ситаглиптин, вилдаглиптин) ангионевроздық ісінудің жоғары қаупіне әкелуі мүмкін. Гиперкалиемия тудыратын препараттар Қан сарысуындағы калий мөлшері әдетте қалыпты шегінде қалса да, Нолипрел Аргинин қабылдаған кейбір пациенттерде гиперкалиемия туындауы мүмкін. Кейбір препараттар немесе препараттардың фармакотерапиялық топтары гиперкалиемияның даму жиілігін арттыруы мүмкін: алискирен, калий тұздары, калий жинақтайтын диуретиктер (мысалы, спиронолактон, триамтерен немесе амилорид), АӨФ тежегіштері, ангиотензин II рецепторларының блокаторлары, ҚҚСД, гепариндер, циклоспорин, такролимус, триметоприм және котримоксазол (триметоприм/сульфаметоксазол) сияқты иммунодепрессанттар, өйткені триметоприм амилорид сияқты калий жинақтайтын диуретик ретінде әсер ететіні белгілі. Осы препараттарды біріктіріп қабылдау гиперкалиемияның даму қаупін арттырады. Осыған байланысты Нолипрел Аргинин препаратын жоғарыда аталған препараттармен біріктірілімде қабылдау ұсынылмайды. Егер бір мезгілде қолдану көрсетілсе, оларды сақтықпен және қан сарысуындағы калий деңгейін жиі мониторинг жүргізу арқылы пайдалану керек. Бір мезгілде қолдануға болмайды: Алискирен: диабеті бар немесе бүйрек функциясының бұзылуы бар пациенттерде гиперкалиемия, бүйрек функциясының нашарлауы, жүрек-қантамыр ауруларының дамуы және жүрек-қантамыр ауруларынан болатын өлім қаупі артады. Экстракорпоральді емшаралар: қан теріс зарядталған беткеймен жанасатын экстракорпоральді емшаралар: жоғары ультрафильтрациялық белсенділігі бар жарғақшаларды (мысалы, полиакрилонитринді жарғақшаларды) қолданумен диализ немесе гемофильтрация және декстран сульфатын қолданумен тығыздығы төмен липопротеиндер аферезі ауыр анафилактоидты реакциялардың қаупін арттырады. Мұндай ем қажет болған жағдайда диализ үшін жарғақшаның басқа түрін немесе гипертензияға қарсы дәрінің басқа класын пайдалану керек. Бір мезгілде қолдану ұсынылмайды: Алискирен: диабеті жоқ немесе бүйрек функциясының бұзылуы бар пациенттерде гиперкалиемия, бүйрек функциясының нашарлауы, жүрек-қантамыр ауруларының дамуы және жүрек-қантамыр ауруларынан болатын өлім қаупі артады. АӨФ тежегішін және ангиотензин рецепторлары блокаторын бір мезгілде қолдану: әдебиетте расталған атеросклерозы, жүрек жеткіліксіздігі немесе нысана ағзалары зақымданумен диабеті бар пациенттерде АӨФ тежегішімен және ангиотензин рецепторлары блокаторымен біріктірілген ем ренин-ангиотензин-альдостерон жүйесіне әсер ететін бір препаратты пайдаланумен салыстырғанда гипотензия, естен тану, гиперкалиемия және бүйрек функциясының нашарлауы (жедел бүйрек жеткіліксіздігіне дейін) жиілігін арттыратыны айтылған. Қосарлы блокада (АӨФ тежегішінің ангиотензин II рецепторларының блокаторымен үйлесуі) жекелеген жағдайлармен шектелуі және бүйрек функциясына, калий деңгейіне және артериялық қысымға мұқият мониторинг жүргізумен қатар жүруі тиіс. Эстрамустин: жағымсыз құбылыстардың, мысалы, ангионевроздық ісінудің (Квинке ісінуі) күшею қаупі. Калий жинақтаушы диуретиктер (триамтерен, амилорид), калий (тұздар): гиперкалиемия (потенциалды өлімге әкелетін), әсіресе бүйрек функциясының бұзылуында (аддитивті гиперкалиемиялық әсер). Осы дәрілік препараттармен бірге периндоприл қабылдауға болмайды. Егер осы препараттарды қатар қолдану бәрібір қажет деп тапса, онда оларды қабылдаған кезде ерекше сақ болу және қан сарысуындағы калий мөлшеріне жиі мониторинг жүргізу керек. Жүрек жеткіліксіздігі кезінде спиронолактонды қолдану туралы ақпаратты «Бір мезгілде қолдану аса сақтықты талап етеді» бөлімінен қараңыз. Бір мезгілде қолдану аса сақтықты талап етеді: Диабетке қарсы препараттар (инсулин, пероральді гипогликемиялық препараттар): эпидемиологиялық зерттеулер АӨФ тежегіштерін және диабетке қарсы препараттарды (инсулин, пероральді гипогликемиялық препараттар) бір мезгілде қолдану гипогликемияның даму қаупімен гипогликемиялық әсердің күшеюіне әкеп соқтыратынын көрсетті. Бұл құбылыс біріктіріп емдеудің алғашқы аптасында және бүйрек функциясы бұзылған пациенттерде жиі байқалады. Калий жинақтаушы қасиеттері жоқ диуретиктер: әсіресе су-электролиттік бұзылулар шеңберінде диуретиктер қабылдайтын пациенттерде АӨФ тежегішімен ем басталғаннан кейін артериялық қысым шамадан тыс төмендеуі мүмкін. Гипотензия қаупін төмендету үшін диуретикті тоқтату және сұйықтық пен тұзды қабылдауды арттыру керек, содан кейін біртіндеп арттыра отырып төмен дозада периндоприлмен емдеуді бастау керек. Артериялық гипертензия кезінде, алдыңғы диуретиктермен емдеу су-электролиттік бұзылуларды тудыруы мүмкін болған кезде, диуретикті қабылдауды АӨФ тежегішімен емдеу басталғанға дейін тоқтату керек, кейіннен калий жинақтаушы қасиеттерінсіз диуретикті қабылдауды қайта жалғастыру немесе біртіндеп арттыра отырып төмен дозада АӨФ тежегішін қабылдауды бастау керек. Іркілісті жүрек жеткіліксіздігін диуретиктермен емдеген кезде АӨФ тежегішін қабылдауды өте төмен дозадан бастау керек, калий жинақтаушы қасиеттерінсіз диуретиктің дозасын азайтқаннан кейін болуы мүмкін. Барлық жағдайларда АӨФ тежегіштерімен емнің алғашқы аптасы ішінде бүйрек функциясын (креатинин деңгейі) бақылау керек. Калий жинақтаушы диуретиктер (эплеренон, спиронолактон): <40% лықсу фракциясымен ІІ-IV класты жүрек жеткіліксіздігін (NYHA жіктелуі бойынша) емдеу үшін АӨФ тежегіштерінің төмен дозаларымен және бұрын АӨФ тежегіштері мен ілмекті диуретиктерді пайдалана отырып тәулігіне 12,5 - 50 мг дозаларда эплеренонды немесе спиронолактонды бір мезгілде қабылдау, әсіресе препараттардың осы біріктірілімін тағайындау бойынша ұсынымдарды сақтамаған кезде, потенциалды өлімге әкелетін гиперкалиемияның даму қаупіне әкелуі мүмкін. Препараттардың осы біріктірілімін тағайындамас бұрын гиперкалиемияны және бүйрек жеткіліксіздігін жоққа шығару керек. Емнің бірінші айында аптасына бір рет, содан кейін айына бір рет калиемия мен креатинемияға мониторинг жүргізу ұсынылады. Бір мезгілде қолдану сақтықты талап етеді: Гипертензияға қарсы және тамыр кеңейтетін дәрілер: бұл препараттарды біріктіріп қабылдау периндоприлдің гипотензиялық әсерінің күшеюіне әкелуі мүмкін. Нитроглицеринмен және басқа нитраттармен немесе басқа да қан тамырларын кеңейтетін дәрілермен бір мезгілде қолдану артериялық қысымның одан әрі төмендеуіне әкелуі мүмкін. Аллопуринол, цитостатиктер және иммунодепрессанттар, жүйелі кортикостероидтар және прокаинамид: АӨФ тежегіштерімен бір мезгілде қолдану лейкопения қаупінің артуына әкелуі мүмкін. Жалпы анестезияға арналған дәрілер: АӨФ тежегіштері жалпы анестезияға арналған кейбір дәрілердің гипотензиялық әсерін арттыруы мүмкін. Симпатомиметиктер: симпатомиметиктер АӨФ тежегіштерінің гипотензиялық әсерін төмендетуі мүмкін. Алтын препараттары: сирек жағдайларда алтын инъекциясын алатын пациенттерде (натрий ауротиомалаты), периндоприлді қоса, АӨФ тежегіштерін бір мезгілде қолданған кезде нитритоидты реакциялар (симптомдары беттің қызаруын, жүрек айнуын, құсуды және гипотензияны қамтиды) байқалды. Индапамид Бір мезгілде қолдану аса сақтықты талап етеді: «Пируэт» типті пароксизмальді қарыншалық тахикардияны туындатуға қабілетті препараттар өзгелерді де қоса алғанда: гипокалиемияның басталу қаупіне байланысты, индапамидті «пируэт» типті пароксизмальді қарыншалық тахикардияны тудыруы мүмкін препараттармен бірге қабылдаған кезде, басқаларды қоса алғанда сақтық танытқан жөн: -аритмияға қарсы Iа класының препараттары (мысалы, хинидин, гидрохинидин, дизопирамид), -аритмияға қарсы IІІ класс препараттары (амиодарон, дофетилид, ибутилид, бретилий, соталол), - кейбір психозға қарсы препараттар фенотиазиндер (мысалы, хлорпромазин, циамемазин, левомепромазин, тиоридазин, трифлуоперазин), - бензамидтер (мысалы, амисульприд, сульпирид, сультоприд, тиаприд), - бутирофенон туындылары (мысалы, дроперидол, галоперидол), - басқа психозға қарсы препараттар (мысалы, пимозид); - басқа препараттар (мысалы, бепридил, цизаприд, дифеманил, эритромицин в/і, галофантрин, мизоластин, моксифлоксацин, пентамидин, спарфлоксацин, винкамин в/і, метадон, астемизол, терфенадин). Калий деңгейі төмендеуінің профилактикасы және, қажет болған жағдайда, түзету: QT аралығына мониторинг жүргізу керек. Калий деңгейін төмендететін препараттар: амфотерицин B (в/і), глюкокортикоидтар және минералокортикоидтар (жүйелі), іш жүргізетіндерді стимуляциялайтын тетракозактид: калий деңгейін төмендету қаупін күшейту (аддитивті әсер). Қажет болған жағдайда калий мөлшерін мониторингілеу және түзету; жүрек гликозидтерін қолданғанда аса мұқият болу қажет. Стимуляцияламайтын іш жүргізгізетін дәрілерді қолдану керек. Жүрек гликозидтері: Гипокалиемия жүрек гликозидтерінің уытты әсерін күшейтеді. Индапамид пен жүрек гликозидтерін бірге қолданған кезде қан плазмасындағы калий құрамын және ЭКГ көрсеткіштерін бақылау және қажет болған жағдайда, емді түзету керек. Аллопуринол: индапамидпен бір мезгілде қолдану аллопуринолға жоғары сезімталдық реакциясының жиілігін арттырады. Бір мезгілде қолдану сақтықты талап етеді: Калий жинақтаушы диуретиктер (амилорид, спиронолактон, триамтерен): бұл біріктірілім кейбір пациенттерде орынды болса да, гипокалиемия немесе гиперкалиемия (әсіресе бүйрек жеткіліксіздігі немесе қант диабеті бар пациенттерде) дамуы мүмкін. Қан плазмасында калий деңгейіне және ЭКГ мониторинг жүргізу және қажет болған жағдайда емді қайта қарау қажет. Метформин: диуретиктермен, әсіресе ілмекті диуретиктермен емдеу аясында туындауы мүмкін функционалды бүйрек жеткіліксіздігі метформинді бір мезгілде қолданған кезде сүт қышқылды ацидоздың даму қаупін арттырады. Егер плазмадағы креатининнің концентрациясы ерлерде 15 мг/л (135 мкмоль/л) және әйелдерде 12 мг/л (110 мкмоль/л) асса, метформинді тағайындауға болмайды. Құрамында йод бар контрастылы заттар: диуретиктерді қабылдаған кезде сусыздану жағдайында, әсіресе жоғары дозада йод бар контрастылы заттарды пайдаланған кезде жедел бүйрек жеткіліксіздігінің жоғары қаупі бар. Құрамында йод бар контрастылы заттарды енгізер алдында сұйықтықтың орнын толтыру керек. Кальций (тұздар): оның несеппен экскрециясының төмендеуі нәтижесінде кальций мөлшері ұлғаюы мүмкін. Циклоспорин, такролимус: су-электролиттік бұзылулар болмаған кезде де циклоспориннің айналымдағы деңгейін өзгертпей креатинин деңгейінің жоғарылау қаупі. Кортикостероидтар, тетракозактид (жүйелі енгізу үшін): гипертензияға қарсы әсердің төмендеуі (кортикостероидтармен туындаған су мен тұздардың кідіруі). Жүктілік кезінде және бала емізу кезеңінде қолдану Аталған біріктірілген препараттың жекелеген компоненттерінің жүктілікке және лактацияға әсерін ескере отырып, жүктіліктің бірінші триместрінде Нолипрел Аргининді қабылдау ұсынылмайды. Бала емізу кезінде Нолипрел Аргининді қабылдау ұсынылмайды. Сондықтан ана үшін осы емді қолданудың маңыздылығына байланысты не емшек емізуді тоқтату, не Нолипрел Аргининді қабылдауды тоқтату жөнінде шешім қабылдаған жөн. Жүктілік: Периндоприлмен байланысты: Жүктіліктің бірінші триместрінде АӨФ тежегіштерін қабылдау ұсынылмайды. Жүктіліктің екінші және үшінші триместрінде АӨФ тежегіштерін қабылдауға болмайды. Жүктіліктің алғашқы триместрінде АӨФ тежегіштерін қабылдағаннан кейін тератогендік кемістіктердің даму қаупіне қатысты эпидемиологиялық деректер дәлелсіз; ал сол кездегі қауіп дәрежесінің баршама ұлғаюын жоққа шығару мүмкін емес. Егер АӨФ тежегіштерімен үздіксіз емдеу қажет деп саналса, жүктілікті жоспарлап жүрген пациенттер жүктілік кезінде қолдану қауіпсіздігі дәлелденген антигипертензиялық басқа препараттарға ауыстырылуы тиіс. Жүктілікке дәлелі анықталған кезде АӨФ тежегіштерімен емдеуді дереу тоқтату және, қажет болса, баламалы ем жүргізу керек. Адамда екінші және үшінші триместрлерде АӨФ тежегіштерімен емдеудің фетоуытты (бүйрек функциясының нашарлауы, олигогидрамнион, бассүйек оссификациясының кідіруі) болып табылатыны және жаңа туған нәрестеге уытты әсерін тигізуі мүмкін (бүйрек функциясының жеткіліксіздігі, гипотензия, гиперкалиемия) екендігі айғақталды. Жүктіліктің екінші триместрінен бастап АӨФ тежегіштерін қабылдаған жағдайда бүйрек функциясына және бассүйектің қалыптасуына ультрадыбыстық бақылауды жүзеге асыру ұсынылады. Аналары АӨФ тежегіштерін қабылдаған балалар гипотензияға қатысты мұқият бақылануы тиіс. Индапамидпен байланысты: Жүкті әйелдерде индапамидті қолдану жөнінде деректер жоқ немесе шектеулі (жүктілік нәтижелері 300-ден аз). Жүктіліктің үшінші триместрінде тиазидтерді ұзақ қабылдау анада плазма көлемінің азаюына, сондай-ақ жатырлық-плаценталық қан ағынының төмендеуіне әкелуі мүмкін, бұл өз кезегінде фето-плаценталық ишемияны және өсудің кідіруін ушықтыруы мүмкін. Жануарларға жүргізілген зерттеу репродуктивті уыттылыққа тікелей немесе жанама зиянды әсерлерді анықтаған жоқ. Сақтық шарасы ретінде жүктілік кезінде индапамидті қолданудан аулақ болған жөн. Бала емізу: Бала емізу кезінде Нолипрел Аргининді қолдану ұсынылмайды. Периндоприлмен байланысты: Емшек емізу кезеңінде периндоприлді қолдану жөнінде деректер жоқ болғандықтан, осы кезеңде периндоприлді қолдану ұсынылмайды және емшек емізу кезінде, әсіресе жаңа туған нәрестелерді немесе шала туған нәрестелерді қоректендірген кезде қолдану қауіпсіздігі дәлелденген басқа препараттарды қолданған дұрыс. Индапамидпен байланысты: Ана сүтіне индапамидтің және оның метаболиттерінің енуі жөнінде ақпарат жеткіліксіз. Сульфонамид туындыларына жоғары сезімталдық және гипокалиемия туындауы мүмкін. Жаңа туған нәрестерлер/сәбилер үшін қауіпті жоққа шығару мүмкін емес. Индапамид тиазидтік диуретиктермен тығыз өзара байланысты, ол емшек емізу кезінде лактацияның төмендеуіне немесе басылуына әкеледі. Емшек емізген кезде индапамидті қолдану ұсынылмайды. Фертильділік Периндоприл және индапамид үшін ортақ: Репродуктивті уыттылықты зерттеу аналық және аталық егеуқұйрықтардың фертильділігіне әсер етпейтінін анықтады. Адам фертильділігіне ешқандай да ықпалы күтілмейді. Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері Нолипрел® Аргинин препаратының құрамына кіретін заттардың әсері психомоторлы реакциялардың бұзылуына әкелмейді. Алайда, әсіресе емнің бас кезінде немесе жүргізіліп жатқан емге басқа гипотензиялық препараттарды қосқан кезде кейбір адамдарда АҚ төмендеуіне жауап ретінде алуан түрлі жекелеген реакциялар дамуы мүмкін. Мұндай жағдайда автомобильді немесе басқа да механизмдерді басқару қабілеті төмендеуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 30°С-ден аспайтын температурада, тығыз тығындалған контейнерде сақтау керек. Балалардың қолы жетпейтін жерде сақтау керек!