Нолипрел® Форте Аргинин таблетки 5 мг/1,25 мг

Бір таблетканың құрамында белсенді заттар: 5 мг периндоприл аргинині (3,395 мг периндоприлге баламалы), 1,250 мг индапамид, қосымша заттар: лактоза моногидраты, магний стеараты, мальтодекстрин, сусыз коллоидты кремнийдің қостотығы, натрий крахмалы гликоляты (А типі), үлбірлі қабығы: глицерол, гипромеллоза, макрогол 6000, магний стеараты, титанның қостотығы Е 171. Сыртқы түрінің иісінің, дәмінің сипаттамасы Ұзынша пішінді, ақ түсті қабықпен қапталған таблеткалар.

Ересектердегі эссенциальді гипертензияны емдеу, Нолипрел Форте Аргинин, үлбірлі қабықпен қапталған таблеткалар артериялық қысымды бақылау үшін периндоприлмен монотерапия жеткіліксіз болған пациенттерге қолданылады.

Нолипрел Форте Аргинин - бұл периндоприлдің аргинин тұзының, ангиотензин-өзгертуші фермент тежегішінің және индапамидтің, хлорсульфамоил диуретигінің біріктірілімі. Препараттың фармакологиялық әсері осы компоненттердің әрқайсысының фармакологиялық қасиеттерімен және оларды біріктірген кезде екі компоненттің аддитивті синергиялық әсерімен негізделген. Әсер ету механизмі Нолипрел Форте Аргинин екі компоненттің аддитивті синергизмімен байланысты гипотензиялық әсер көрсетеді. Периндоприл: Периндоприл ангиотензин-өзгертуші фермент тежегіші (АӨФ тежегіші) болып табылады, ол ангиотензин I-ді ангиотензин II-ге айналдырады, ол тамыр тарылтатын әсерге ие; бұдан басқа, бұл фермент бүйрекүсті безі қыртыстарында альдостерон секрециясын және тамыр кеңейтетін зат - брадикининнің белсенді емес гептапептидтерге ыдырауын стимуляциялайды. Нәтижесінде: -альдостерон секрециясының төмендеуі, -теріс кері байланыс принципі бойынша плазмадағы ренин белсенділігінің артуы, -негізінен бұлшықет пен бүйрек тамырларына әсер ететін және ұзақ емдеуде тұз бен судың іркілуімен немесе рефлекторлық тахикардиямен қатар жүрмейтін жалпы шеткері тамыр кедергісінің төмендеуі жүреді. • Периндоприлдің гипертензияға қарсы әсері сондай-ақ, рениннің төмен немесе қалыпты концентрациясы бар пациенттерде байқалды. Периндоприлдің әсері оның метаболиті периндоприлаттың белсенділігіне байланысты. Басқа метаболиттер белсенді емес. Периндоприл жүрек жұмысын жеңілдетеді: -венаға тамыр кеңейтетін әсері есебінен, простагландин метаболизміндегі өзгерістерге байланысты болуы мүмкін: алдын ала жүктемені азайту, -жалпы шеткері тамырлық кедергіні азайту есебінен: кейінгі жүктемені азайту. Жүрек жеткіліксіздігінен зардап шегетін пациенттердің қатысуымен жүргізілген зерттеулер: -оң және сол жақ қарыншада толтыру қысымының төмендеуін, -жалпы шеткері тамыр кедергісінің төмендеуін, -жүректің лықсытуын арттыру және жүрек индексін жақсартуды, -бұлшықеттерде аймақтық қан ағынын арттыруды көрсетті. Бұдан басқа, жүктемелік сынамалардың көрсеткіштері жақсарды. Индапамид: Индапамид индольді сақинасымен сульфонамид туындысы болып табылады, фармакологиялық қасиеттері бойынша ол тиазидті диуретиктерге жақын. Индапамид Генле ілмегінің кортикальді сегментінде натрий реабсорбциясын тежейді. Натрий мен хлоридтердің несеппен бөлінуін және аз дәрежеде калий мен магний мөлшерін арттырады, осылайша диурезді арттырады және гипертензияға қарсы әсер етеді. Фармакодинамикалық әсерлері Нолипрел Форте Аргинин: Гипертензиясы бар пациенттердің жасына қарамастан, Нолипрел Форте Аргинин диастолалық және систолалық артериялық қысымның жатқан қалыпта да, тұрған кезде де дозаға тәуелді төмендеуіне әкеледі. Гипотензиялық әсері тәулік бойы сақталады. Артериялық қысымның төмендеуі тахифилаксиясыз бір айдан аз уақыт ішінде жетеді; емдеуді тоқтату тоқтату әсерін тудырмайды. Клиникалық сынақтар барысында периндоприлді және индапамидті біріктіріп тағайындау бөлек қабылдау кезінде осы компоненттердің әрқайсысының әсерімен салыстырғанда синергиялық гипотензиялық әсерге әкелді. PICXEL – эхокардиография көмегімен белсенді бақылаумен көп орталықты рандомизацияланған салыстырмалы жасырын клиникалық зерттеу барысында – эналаприлмен монотерапиямен салыстырғанда сол жақ қарыншаның гипертрофиясына (СҚГ) периндоприл/индапамид біріктірілімінің әсері бағаланды. PICXEL зерттеуінде гипертензиясы және СҚГ бар пациенттер (ерлерде сол жақ қарынша массасының индексі (СҚМИ) > 120 г/м2 және әйелдерде 100 г/м2) 2 мг периндоприл трет-бутиламин (2,5 мг периндоприл аргининге баламалы) және 0,625 мг индапамид қабылдаған топқа немесе бір жыл бойы күніне бір рет 10 мг элалаприл қабылдаған топқа рандомизацияланған. Дозаны артериялық қысымды бақылау деректеріне сәйкес 8 мг периндоприл трет-бутиламин (10 мг периндоприл аргининге баламалы) және 2,5 индапамид немесе күніне бір рет 40 мг эналаприлге сәйкес түзетті. Зерттеуге қатысушылардың тек 34%-ы 2 мг периндоприл трет-бутиламиннің (2,5 мг периндоприл аргининге баламалы)/0,625 мг индапамидтің (10 мг эналаприл дозасында қалған 20%-бен салыстырғанда) бастапқы дозасында қалды. Емдеу соңында рандомизацияланған пациенттердің барлық популяциясында СҚМИ эналаприл тобына қарағанда (-1,1 г/м2) периндоприл/индапамид (-10,1 г/м2) тобында елеулі түрде азайған. СҚМИ өзгеруі бойынша топтар арасындағы айырмашылық -8,3 (95% СА (-11,5,-5,0), p < 0,0001) құрады. Нолипрел Форте Аргинин және Нолипрел Аргинин препараттары үшін рұқсат етілген дозадан асатын периндоприл/индапамидтің жоғары дозалары СҚМИ -ға барынша әсер етті. Бағалау бойынша артериялық қысымға қатысты рандомизацияланған популяциядағы топтар арасындағы айырмашылықтардың орташа мәні систолалық артериялық қысым үшін -5,8 мм с.б. құрады (95% СА (-7,9, -3,7), p < 0,0001) және периндоприл/индапамид тобының пайдасына тиісінше диастолалық артериялық қысым үшін -2,3 мм с.б. (95% СА (-3,6,-0,9), p = 0,0004) құрады. Периндоприл: Периндоприл кез келген дәрежедегі: жеңіл, орташа және ауыр гипертензия кезінде тиімді. Систолалық және диастолалық артериялық қысымның төмендеуі жатқан және тұрған қалыпта байқалады. Гипертензияға қарсы әсері бір рет қабылдағаннан кейін 4-6 сағаттан кейін максимумға жетеді және 24 сағат бойы сақталады. 24 сағаттан кейін ангиотензин-өзгертуші ферменттің қалдық блокадасының жоғары дәрежесі байқалады, ол шамамен 80% құрайды. Емдеуге жауап берген пациенттерде артериялық қысымның қалыпқа келуіне бір айдан кейін қол жеткізіледі және тахифилаксиямен қатар жүрмейді. Емдеуді тоқтату гипертензия рикошетін туғызбайды. Периндоприл тамыр кеңейткіш әсерімен сипатталады және негізгі артериялардың икемділігін, резистивті артериялардың гистоморфометриялық құрылымын қалпына келтіреді және сол жақ қарыншаның гипертрофиясының төмендеуіне әкеледі. Қажет болған жағдайда тиазидті диуретиктерді қосу аддитивті синергиялық әсерге әкеледі. Ангиотензин-өзгертуші фермент тежегішінің тиазидті диуретикпен біріктірілуі тек бір диуретикті қабылдаған кезде туындайтын гипокалиемия қаупін төмендетеді. Индапамид: Индапамид монотерапияда гипотензиялық әсер көрсетеді, ол 24 сағат бойы сақталады. Бұл әсер индапамидтің диурездік әсері ең аз дозада көрінеді. Оның гипертензияға қарсы әсері артериялардың икемділігін жақсарту, ЖПТК және артериолдарға кедергісін төмендету қабілетіне пропорционалды. Индапамид сол жақ қарыншаның гипертрофиясын азайтады. Тиазидті және тиазид тәрізді диуретиктер белгілі бір дозада емдік әсердің платосына қол жеткізеді, ал жағымсыз әсерлері ұлғая береді. Егер ем тиімсіз болса, дозаны арттыруға болмайды. Бұдан басқа, гипертензиядан зардап шегетін пациенттерді қысқа мерзімді, орта мерзімді және ұзақ емдеуде индапамид: -липидтердің метаболизміне әсер етпейді: триглицеридтер, ТТЛП холестерині және ТЖЛП холестерині, -гипертензиясы бар диабетпен ауыратындарда көмірсулар алмасуына әсер етпейді. Ренин-ангиотензин-альдостерон жүйесінің (РААЖ) қосарлы блокадасы бойынша клиникалық зерттеу деректері: Екі ірі рандомизацияланған бақыланатын зерттеулер (ONTARGET (ONgoing Telmisartan Alone and in combination with Ramipril Global Endpoint Trial, Монотерапиядағы және рамиприлмен біріктірілген телмисартанның тиімділігімен салыстырғанда халықаралық зерттеу) және VA NEPHRON-D (Veterans Affairs Nephropathy in Diabetes, Ардагерлер істері бойынша министрлік жүргізетін диабеттік нефропатияны зерттеу) АӨФ тежегішін және ангиотензин ІІ рецепторларының блокаторын біріктіріп қолдануды зерттеуге арналған. ONTARGET зерттеуі анамнезінде жүрек-қантамыр немесе цереброваскулярлық аурулары немесе нысана ағзаларының зақымдану белгілері бар 2 типті қант диабеті бар пациенттер арасында жүргізілді. VA NEPHRON-D зерттеуі 2 типті қант диабеті және диабеттік нефропатиясы бар пациенттерде жүргізілді. Осы зерттеулердің деректері бүйрек және/немесе жүрек-қантамыр нәтижелері мен өлімге қатысты маңызды қолайлы әсердің жоқтығын және сонымен бірге монотерапиямен салыстырғанда гиперкалиемияның, жедел бүйрек жеткіліксіздігінің және/немесе гипотензияның жоғары даму қаупінің болуын көрсетті. Ұқсас фармакодинамикалық қасиеттерін ескере отырып, алынған нәтижелер сондай-ақ басқа да АӨФ тежегіштеріне және ангиотензин II рецепторларының блокаторларына қолданылады. Демек, АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерге бір мезгілде қолдануға болмайды. ALTITUDE зерттеуі (Aliskiren Trial in Type 2 Diabetes Using Cardiovascular and Renal Disease Endpoints, 2 типті қант диабеті бар пациенттерде жүрек-қантамыр және бүйрек асқынулары қаупін төмендетудегі алискиреннің артықшылықтарын зерттеу) 2 типті қант диабеті және созылмалы бүйрек ауруы және/немесе жүрек-қантамыр ауруы бар пациенттерде АӨФ тежегішімен немесе ангиотензин II рецепторларының блокаторымен стандартты емге алискиренді қосу артықшылықтарын зерттеуге арналды. Зерттеу жағымсыз нәтижелердің даму қаупі жоғары болғандықтан мерзімінен бұрын тоқтатылды. Жүрек-қантамыр ауруларынан болатын өлім және инсульт плацебо тобымен салыстырғанда алискирен тобында жиі кездесті, жағымсыз құбылыстар және ерекше қызығушылық тудыратын күрделі жағымсыз құбылыстар (гиперкалиемия, гипотензия және бүйрек функциясының бұзылуы), сондай-ақ плацебо тобына қарағанда алискирен тобында жиі тіркелді. Балалар мен жасөспірімдер Нолипрел Форте Аргинин препаратын балаларда қолдану жөнінде деректер жоқ.

Дозалау режимі Эссенциальді гипертензия Нолипрел Форте Аргинин - таңертеңгі тамақ алдында күніне 1 таблеткадан. Егер артериялық қысым емдеудің 1 айы ішінде төмендемесе, онда дозаны екі еселеу қажет. Егде жастағы пациенттер: Егде жастағы пациенттерде плазмадағы креатинин мөлшерінің көрсеткіштері жасын, салмағын және жынысын ескере отырып түзетілуі тиіс. Егде жастағы пациенттерге препаратты бүйрек функциясы қалыпты болған жағдайда тағайындайды, мұндайда АҚ төмендеу дәрежесін бақылаған жөн. Бүйрек функциясының жеткіліксіздігі бар пациенттер: Бүйрек функциясының ауыр жеткіліксіздігі бар (креатинин клиренсі (КК) минутына 30 мл-ден азырақ) пациенттерге препаратты қолдануға болмайды. Бүйрек функциясының орташа жеткіліксіздігінде (креатинин клиренсі (КК) 30-60 мл/мин) ең жоғары тәуліктік дозасы күніне Нолипрел Форте Аргининнің бір таблеткасы. Емдеу аясында КК ≥ 60 мл/мин пациенттерге қан плазмасындағы креатинин және калий концентрацияларын ұдайы бақылау қажет. Бауыр функциясы бұзылған пациенттер: Препаратты бауыр функциясының ауыр жеткіліксіздігі бар пациенттерге қолдануға болмайды. Бауыр функциясының орташа айқын жеткіліксіздігінде дозаны түзету қажет емес. Балалар және жасөспірімдер: Нолипрел Форте Аргининді 18 жасқа дейінгі балалар мен жасөспірімдерге, осы жас тобында препаратты қолданудың тиімділігі мен қауіпсіздігі жөнінде деректер жоқ болғандықтан, тағайындамаған жөн. Енгізу әдісі мен жолы Пероральді қабылдау.

Периндоприлмен байланысты: • белсенді затқа немесе АӨФ кез келген басқа тежегішіне жоғары сезімталдық • анамнезде АӨФ тежегішімен емдеуге байланысты ангионевроздық ісіну (Квинке ісінуі) • тұқым қуалайтын немесе идиопатиялық ангионевроздық ісіну • жүктіліктің екінші және үшінші триместрі • қант диабеті бар немесе бүйрек функциясы бұзылған (ШСЖ < 60мл/мин/1,73 м²) пациенттерде Нолипрел Форте Аргининді құрамында алискирен бар препараттармен бір мезгілде қолдану • сакубитрилмен/валсартанмен емдеуде бір мезгілде қолдану. Сакубитрил/валсартанның соңғы дозасын қабылдау мен Нолипрел Форте Аргинин препаратымен емдеуді бастау арасында кемінде 36 сағат аралықты сақтау қажет - қанның теріс зарядталған беткеймен жанасуына әкелетін экстракорпоральді қан айналу - бүйрек артерияларының елеулі екі жақты стенозы немесе қызмет атқаратын бір бүйректегі артерия стенозы - бүйрек артерияларының екі жақты стенозы немесе қызмет атқаратын бір бүйректің болуы Индапамидпен байланысты: • белсенді затқа немесе кез келген басқа сульфаниламидті препаратқа жоғары сезімталдық • бүйрек функциясының ауыр жеткіліксіздігі (креатинин клиренсі минутына 30 мл-ден төмен) • бауыр энцефалопатиясы • бауыр функциясының ауыр жеткіліксіздігі • гипокалиемия Периндоприл және индапамидпен байланысты: Емдеу тәжірибесінің жоқтығымен байланысты, Нолипрел Форте Аргининді келесі жағдайларда қолданбаған жөн: • диализ жүргізу қажеттілігі бар пациенттерде • емделмеген декомпенсацияланған жүрек функциясының жеткіліксіздігі бар пациенттерде - 18 жасқа дейінгі балалар мен жасөспірімдер

Емдеу кезінде туындауы мүмкін жағымсыз реакциялардың жиілігі келесі градация түрінде берілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); жиілігі анықталмаған (жиілігін қолда бар деректер бойынша есептеу мүмкін емес). Жиі - жоғары сезімталдық реакциялары (аллергиялық және демікпелік реакцияларға бейім пациенттерде, негізінен, дерматологиялық сипаттағы) - бас айналу, бас ауыру, парестезия - көрудің бұзылулары - вертиго, құлақтағы шуыл - гипотензия (және онымен байланысты құбылыстар) - жөтел, ентігу - іштің ауыруы, іш қату, диарея, диспепсия, жүректің айнуы, құсу - қышыну, бөртпе, макулопапулезді бөртпе - бұлшықет түйілулері - астения - дәм сезудің бұрмалануы - гипокалиемия Жиі емес - эозинофилия* - гипогликемия*, гиперкалиемия, емдеуді тоқтатқан кезде қайтымды*, гипонатриемия* - көңіл-күйдің түсіп кетуі, ұйқының бұзылулары - ұйқышылдық*, естен тану* - жүрек қағуының жиілеуі*, тахикардия* - васкулит* - бронхтың түйілуі - ауыздың кеберсуі - есекжем, ангионевроздық ісіну, пурпура, гипергидроз, фотосезімталдық реакциялары*, пемфигоид* - артралгия*, миалгия* - бүйрек функциясының жеткіліксіздігі - эректильді дисфункция - кеуденің ауыруы*, жалпы әлсіздік*, шеткері ісіну*, гипертермия* - қанда мочевина мөлшерінің жоғарылауы*, қанда креатинин мөлшерінің жоғарылауы* - құлау* • гипонатриемия • депрессия Сирек - псориаздың өршуі* - қажу - қанда билирубин мөлшерінің жоғарылауы - бауыр ферменттері белсенділігінің жоғарылауы - антидиурездік гормонның талапқа сай емес секреция синдромы (АДГ ТСС) - гипохлоремия - гипомагниемия - қанның бетке тебуі - анурия/олигурия - бүйрек функциясының жедел жеткіліксіздігі Өте сирек - ринит - агранулоцитоз, апластикалық анемия, панцитопения, лейкопения, нейтропения, гемолиздік анемия, тромбоцитопения - гиперкальциемия - сананың шатасуы - жоғары қауіп тобындағы пациенттерде шамадан тыс АҚ төмендеуінен туындаған инсульт - стенокардия, аритмия (брадикардияны, вентрикулярлық тахикардияны және жыпылықтағыш аритмияны қоса), миокард инфарктісі, жоғары қауіп тобындағы пациенттерде өте үлкен гипотензиядан туындауы мүмкін - эозинофильді пневмония - панкреатит - гепатит, бауыр функциясының бұзылуы - мультиформалы эритема, уытты эпидермальді некролиз, Стивенс-Джонсон синдромы - гемоглобин және гематокрит деңгейлерінің төмендеуі Белгісіз - бауыр функциясының жеткіліксіздігі жағдайында бауырлық энцефалопатияның даму ықтималдылығы - миопия, көрудің бұлыңғырлануы, хориоидальді жалқық, жедел жабық бұрышты глаукома - «пируэт» типті қарыншалық тахикардия (өліммен ақталуы мүмкін) - бұрыннан бар жедел жүйелі қызыл жегі ағымының ықтималды нашарлауы, бұлшықет әлсіздігі, рабдомиолиз - қандағы глюкоза деңгейінің жоғарылауы - қандағы несеп қышқылы деңгейінің жоғарылауы - электрокардиограммада QT аралығының ұзаруы - Рейно cиндромы * Жиілігі кездейсоқ мәлімдемелерде байқалған жағымсыз құбылыстарға қатысты клиникалық зерттеу нәтижелері бойынша есептелді. Антидиурездік гормонның талапқа сай емес секреция синдромы (АДГ ТСС) басқа АӨФ тежегіштерімен жағдайларларда хабарланды. АДГТСС өте сирек кездесетін, бірақ АӨФ тежегіштерімен, оның ішінде периндоприлмен де емдеуге байланысты болуы мүмкін асқынуы ретінде қарастыруға болады. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүректің айнуымен, құсумен, құрысулармен, бас айналумен, ұйқышылдықпен, сананың шатасуымен, олигуриямен, ануриямен және су-электролиттік теңгерімнің бұзылуымен қатар жүретін айқын гипотензия. Емі: симптоматикалық, науқасты көлденеңнен жатқызу, асқазанды адсорбенттермен және натрий сульфатымен шаю, сұйықтық тапшылығының орнын толтыру үшін вена ішіне ерітінділер құю, электролиттік теңгерімді түзету. Қажет болған жағдайда пациентті қарқынды емдеу палатасына жатқызады. Гемодиализ (полиакрилонитрилді өткізгіштігі жоғары жарғақшаларды пайдалануға жол бермеген жөн).

Периндоприл мен индапамид үшін ортақ: Литий Литий мен периндоприл мен индапамид біріктірілімін қолдану әдетте ұсынылмайды Периндоприлмен байланысты: Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін және ангиотензин II рецепторларының блокаторларын немесе алискиренді бір мезгілде қолданудың гипотензия, гиперкалиемия қаупін арттыратыны және бүйрек функциясының төмендеуін (бүйрек функциясының жедел жеткіліксіздігіне дейін) туындататыны айғақталды. Сондықтан АӨФ тежегіштерін және ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокада абсолютті түрде қажет болса, оны тек маманның қадағалауымен ғана және бүйрек функциясына, электролиттер деңгейіне және артериялық қысымға жиі мұқият мониторинг жағдайында ғана жүргізген жөн. Диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды. Калий жинақтаушы диуретиктер, калий препараттары және ас тұзының құрамында калий бар алмастырғыштары Әдетте периндоприлді калий жинақтаушы диуретиктермен, калий препараттарымен және ас тұзының құрамында калий бар алмастырғыштарымен біріктіруге болмайды. Нейтропения / агранулоцитоз / тромбоцитопения / анемия АӨФ тежегіштерін қабылдау аясында нейтропения, агранулоцитоз, тромбоцитопения және анемия байқалды. Бүйрек функциясы қалыпты пациенттерде басқа асқыну факторлары болмаған кезде нейтропения сирек дамиды. Периндоприлді дәнекер тінінің аурулары бар пациенттерде, иммунодепрессанттарды, аллопуринолды немесе прокаинамидті қабылдаған кезде немесе осы ауырлық факторлар үйлескен кезде, әсіресе егер анамнезінде бүйрек функциясының бұзылуы болса, аса сақтықпен қолданған жөн. Кейбір пациенттерде ауыр инфекциялар дамыды, олар кейбір жағдайларда антибиотиктермен қарқынды емдеуге берілмеді. Егер мұндай пациенттер периндоприл қабылдаса, лейкоциттік формулаға кезең-кезеңімен талдау жүргізу ұсынылады, ал пациенттерге инфекцияның кез келген белгілері (тамақтың ауыруы, қызба) туралы хабарлау қажеттігі туралы нұсқау беру керек. Вазоренальді гипертензия Бүйрек артериясының екі жақты стенозы немесе жұмыс істейтін жалғыз бүйрек артериясының стенозы бар пациенттерде АӨФ тежегіштерін қолдану кезінде гипотензия және бүйрек жеткіліксіздігі қаупі жоғарылайды. Диуретиктер бұл жағдайды ушықтыруы мүмкін. Бүйрек функциясының төмендеуі бүйрек артериясының біржақты стенозы бар пациенттердің өзінде креатининнің сарысулық концентрациясының елеусіз өзгерістерімен ғана көрініс беруі мүмкін. Жоғары сезімталдық реакциялары/ ангионевроздық ісіну Ангиотензин-өзгертуші фермент тежегіштерін, оның ішінде периндоприлді қабылдау аясында сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуі байқалды. Ол емдеу кезіңінде кез келген уақытта дамуы мүмкін. Мұндай жағдайларда периндоприл қабылдауды дереу тоқтату, пациентті ауруханаға жатқызу және барлық симптомдар пациентті шығару сәтіне шешілгеніне көз жеткізу үшін тиісті мониторингті бастау керек. Бет пен еріннің ісінуі әдетте емдемей-ақ өтеді, бірақ симптомдарды жеңілдету үшін антигистаминді дәрілер қолданылуы мүмкін. Көмейдің ісінуімен қатар жүретін ангионевроздық ісіну өлімге әкелуі мүмкін. Тілдің, көмейдің немесе дауыс саңылауының ісінуі тыныс алу жолдарының өткізгіштігінің бұзылуына әкеп соғуы мүмкін, бұл жағдайда дереу тиісті емді бастау керек, 1:1000 (0,3 мл - 0,5 мл) сұйылту кезінде адреналин ерітіндісін тері астына инъекциялау және/немесе тыныс алу жолдарының өткізгіштігін қамтамасыз ету үшін шаралар қабылдау керек. АӨФ тежегіштерін қабылдайтын қара нәсілді пациенттерде ангионевроздық ісіну басқа нәсілдердің өкілдеріне қарағанда жиі байқалды. Анамнезінде АӨФ тежегіштерін қолданумен байланысты емес ангионевроздық ісінуі бар пациенттерде АӨФ тежегіштерін қабылдау кезінде оның даму қаупі артады. Сирек жағдайларда АӨФ тежегіштерін қабылдаған пациенттерде ішектің ангионевроздық ісінуі байқалды. Пациенттер іштің ауыруына шағымданды (жүрек айнуымен немесе құсумен немесе оларсыз); кейбір жағдайларда беттің ангионевроздық ісінуі анамнезінде болмаған және C-1 эстераза деңгейі қалыпты болған. Ангионевроздық ісіну диагнозы КТ немесе іштің УДЗ негізінде немесе хирургиялық араласым кезінде қойылды, ал симптомдары АӨФ тежегішін қабылдауды тоқтатқаннан кейін жоғалды. Ішектің ангионевроздық ісінуін іштің ауыруына шағымданған АӨФ тежегіштерін қабылдайтын пациенттерде дифференциациялық диагностика жүргізу кезінде ескеру керек. Ангионевроздық ісіну қаупінің жоғарылауына байланысты периндоприлді сакубитрилмен және валсартанмен біріктіруге болмайды. Периндоприлдің соңғы дозасын қабылдау мен сакубитрилмен және валсартанмен емдеуді бастау арасындағы аралық кемінде 36 сағатты құрауы тиіс. Сакубитрил және валсартанмен емдеу тоқтатылған кезде сакубитрил мен валсартанның соңғы дозасын қабылдау мен периндоприлмен емдеудің басталуы арасында кемінде 36 сағат аралықты сақтау қажет. АӨФ тежегіштері мен NEP (мыс., рацекадотрил) бейтарап эндопептидаза тежегіштерін бір мезгілде қолдану, mTOR (мыс., сиролимус, эверолимус, темсиролимус) тежегіштері және глиптиндер (мыс., линаглиптин, саксаглиптин, ситаглиптин, вилдаглиптин) ангионевроздық ісіну қаупін арттыруы мүмкін (тыныс алу жолдарының немесе тілдің, тыныс алу бұзылыстарымен бірге немесе онсыз тыныс алу бұзылыстарымен бірге немесе онсыз ісінуі). Осыған байланысты рацекадотрилді, mTOR (мыс., сиролимус, эверолимус, темсиролимус) тежегіштерін және глиптиндер (мыс., линаглиптин, саксаглиптин, ситаглиптин, вилдаглиптин) АӨФ тежегіштерін қабылдайтын пациенттерге қолданылады. Десенситизация кезіндегі анафилактоидты реакциялар Жарғаққанатты жәндіктердің (ара, сона) уымен десенсибилизациялайтын терапия кезінде АӨФ тежегіштерін қабылдау кезінде тұрақты, өмірге қауіп төндіретін анафилактоидты реакциялардың дамуы туралы жеке хабарламалар бар. АӨФ тежегіштерін десенситизацияны жүргізу кезінде аллергияға бейім пациенттерге сақтықпен қабылдау және умен иммунотерапия жүргізетіндерге қабылдауға толығымен жол бермеу керек. Дегенмен, бұл реакцияларды десенситизация жүргізілуі тиіс және АӨФ тежегіштері пайдаланылуы қажет пациенттерде емшараға дейін кемінде 24 сағат бұрын АӨФ тежегішін уақытша тоқтата отырып, болдырмауға болады. ТТЛП аферезі кезіндегі анафилактоидты реакциялар Сирек жағдайларда АӨФ тежегіштерін қабылдаған пациенттерде тығыздығы төмен липопротеиндер (ТТЛП) аферезі кезінде декстран сульфатын қолдана отырып, өмірге қауіп төндіретін анафилактоидты реакциялар дамыды. Мұндай реакциялардың алдын алу үшін аферездің әрбір емшарасы алдында АӨФ тежегіштерін қабылдауды уақытша тоқтату керек. Гемодиализдегі пациенттер АӨФ тежегіштерін қабылдайтын пациенттерде жоғары ультрафильтрациялық белсенділігі бар (AN 69®) жарғақшаларды қолдана отырып гемодиализ жүргізген кезде анафилаксиялық реакциялар байқалды. Бұл пациенттерде диализ үшін жарғақшаның басқа түрін немесе гипертензияға қарсы дәрінің басқа класын пайдалану керек. Бастапқы гиперальдостеронизм Ренин-ангиотензин жүйесін бәсеңдететін гипертензияға қарсы препараттар, әдетте, бастапқы гиперальдостеронизмі бар пациенттерде тиімсіз. Осыған байланысты осы препаратты қолдану ұсынылмайды. Жүктілік Жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен емді жалғастыру аса қажет болмаса, жүктілікті жоспарлау кезінде пациент әйелді жүктілік кезінде пайдалануға арналған қауіпсіздік бейіні белгіленген баламалы гипотензиялық дәрілерге ауыстыру керек. Жүктілік басталған кезде АӨФ тежегіштерімен емдеуді дереу тоқтату және қажет болған жағдайда баламалы емді таңдау керек. Индапамидпен байланысты: Бауыр энцефалопатиясы Бауыр функциясының бұзылуы кезінде тиазидті және тиазид тәрізді диуретиктерді қабылдау, әсіресе электролиттердің теңгерімсіздігі жағдайында, бауыр энцефалопатиясын тудыруы мүмкін, бұл прогрессивті түрде бауыр комасына өтуі мүмкін. Бұл жағдайда диуретик қабылдауды дереу тоқтату керек. Фотосезімталдық Тиазидті және тиазид тәрізді диуретиктерді пайдалану кезінде фотосезімталдық жағдайлары байқалды. Емдеу кезінде фотосезімталдық реакциясы байқалса, емдеуді тоқтату ұсынылады. Қажет болған жағдайда диуретикпен емдеуді жалғастыру үшін, дененің ашық жерлерін күн сәулесі мен А типті жасанды ультракүлгін сәулеленуден қорғау ұсынылады. Қауіпсіздік шаралары Периндоприл мен индапамид үшін ортақ: Бүйрек функциясының бұзылуы Бүйрек функциясының ауыр бұзылуында (креатинин клиренсі < 30 мл/мин) препаратты қолдануға болмайды. Бүйрек функциясының алдыңғы айқын бұзылуынсыз гипертензиясы бар кейбір пациенттерде емдеу аясында функционалдық бүйрек жеткіліксіздігінің зертханалық белгілері пайда болуы мүмкін. Бұл жағдайда препаратпен емдеуді тоқтату керек. Бұдан әрі емдеуді не аз дозада немесе препараттың бір компоненті ретінде қайта бастауға болады. Бұл пациенттерге емдеу басталғаннан кейін екі аптадан соң, содан кейін емдік тұрақтылық кезеңі ішінде екі айда бір рет калий және креатинин деңгейін жиі бақылау қажет. Бүйрек жеткіліксіздігі негізінен ауыр жүрек жеткіліксіздігі немесе бұрыннан бүйрек функциясының бұзылулары бар пациенттерде, оның ішінде бүйрек артериясының стенозы кезінде байқалды. Әдетте препарат бүйрек артерияларының екіжақты стенозы немесе жұмыс істейтін жалғыз бүйрек болған жағдайда ұсынылмайды. Гипотензия және су-электролиттік бұзылулар Бұрыннан бар натрий мөлшерінің төмендеуі аясында кенеттен гипотензия қаупі бар (әсіресе бүйрек артериясының стенозы бар пациенттерде). Осыған байланысты диарея немесе құсу аясында болуы мүмкін сусызданудың және электролиттер мөлшерінің төмендеуінің клиникалық белгілерінің болуын жүйелі тексеру керек. Мұндай пациенттерде плазмадағы электролиттер деңгейін үнемі бақылау қажет. Елеулі гипотензия кезінде изотониялық физиологиялық ерітіндінің венаішілік инфузиясы қажет болуы мүмкін. Өтпелі гипотензия емді жалғастыру үшін қарсы көрсетілім емес. Айналымдағы қан мен артериялық қысымның қанағаттанарлық көлемін қалпына келтіргеннен кейін емдеуді барынша төмен дозада немесе тек бір компонентпен қайта бастауға болады. Калий деңгейі Периндоприлдің индапамидпен біріктірілуі, әсіресе диабеті немесе бүйрек жеткіліксіздігі бар пациенттерде гипокалиемияның дамуына кедергі бола алмайды. Диуретик негізінде кез келген гипертензияға қарсы препаратты қолданған жағдайдағыдай плазмадағы калий деңгейін үнемі бақылау керек. Қосымша заттар Нолипрел Форте Аргинин сирек тұқым қуалайтын бұзылулары бар: галактоза жақпаушылығы, жалпы лактаза жеткіліксіздігі және глюкоза-галактоза мальабсорбциясы бар пациенттерге тағайындауға болмайды. Натрий деңгейі Нолипрел Форте Аргининнің әрбір таблеткасының құрамында 1 ммоль натрий (23 мг) бар, яғни іс жүзінде натрий жоқ. Периндоприлмен байланысты: Жөтел Ангиотензин-өзгертуші фермент тежегіштерін пайдалану кезінде құрғақ жөтел байқалды. Ол тұрақты сипатқа ие болды және емдеуді тоқтату кезінде жоғалады. Бұл симптомның этиологиясы ятрогенді болуы мүмкін. Егер ангиотензин-өзгертуші фермент тежегішін тағайындау қажет болса, емдеуді жалғастыруға болады. Балалар мен жасөспірімдер Балалар мен жасөспірімдерде монотерапияда немесе біріктірімде периндоприлдің қауіпсіздігі мен тиімділігі анықталмаған. Артериялық гипотензия және/немесе бүйрек жеткіліксіздігі қаупі (жүрек жеткіліксіздігі, су-электролиттік бұзылулар және т. б. жағдайда) Су мен электролиттерді едәуір жоғалту кезінде (қатаң тұзсыз диета немесе диуретиктермен ұзақ уақыт емдеу), әсіресе бастапқы артериялық қысымы төмен пациенттерде, бүйрек артериясының стенозында, іркілісті жүрек жеткіліксіздігінде немесе ісінулер мен асцитпен қатар жүретін бауыр циррозы кезінде ренин-ангиотензин-альдостерон жүйесінің айқын стимуляциясы жүреді. Демек, ренин-ангиотензин-альдостерон жүйесінің бәсеңдеуі АӨФ тежегіштерін қабылдағанда, әсіресе бірінші тағайындағанда және емдеудің алғашқы екі аптасы ішінде артериялық қысымның кенеттен төмендеуіне және/немесе қан плазмасындағы креатинин мөлшерінің артуына әкелуі мүмкін, бұл функционалдық бүйрек жеткіліксіздігін білдіреді. Жекелеген, бірақ өте сирек жағдайларда мұндай бұзылыстар жедел дамиды және үдерістің басталуын болжау қиын. Мұндай жағдайларда емдеуді неғұрлым төмен дозамен біртіндеп ұлғайта отырып, жаңарту керек. Егде жастағы адамдар Ем басталғанға дейін бүйрек функциясы мен калий деңгейін зерттеу керек. Бастапқы дозаны кенеттен гипотензияның дамуын болдырмау үшін артериялық қысымның төмендеу дәрежесіне байланысты, әсіресе су-электролиттік бұзылулар болған кезде түзетеді. Атеросклероз Гипотензия қаупі барлық пациенттерде бар, бірақ препаратты жүректің ишемиялық ауруы немесе ми қан айналымының жеткіліксіздігі бар пациенттерде аса сақтықпен қолдану керек. Оларды емдеуді төмен дозадан бастаған жөн. Вазоренальді гипертензия Вазоренальді гипертензияны емдеу реваскуляризациядан тұрады. Дегенмен, ангиотензин-өзгертуші фермент тежегіштері реконструктивтік операцияны күтетін вазоренальді гипертензиясы бар пациенттерде немесе мұндай операция мүмкін болмаған жағдайда тиімді болуы мүмкін. Егер Нолипрел Форте Аргинин бүйрек артериясының анықталған стенозы бар немесе осындай диагнозға күдігі бар пациенттерге тағайындалса, емді бүйрек функциясын және калий мөлшерін тұрақты мониторингілеумен стационарда азғана дозадан бастау керек, өйткені кейбір пациенттерде емдеуді тоқтатқан кезде қайтатын бүйрек жеткіліксіздігі дамыды. Жүрек жеткіліксіздігі / ауыр жүрек жеткіліксіздігі Ауыр жүрек жеткіліксіздігі бар пациенттерде (IV дәрежелі) емдеуді бастапқы төмен дозадан медициналық бақылаумен бастаған жөн. Гипертензиясы және коронарлық жеткіліксіздігі бар пациенттерде бета-блокаторлармен емдеуді тоқтатуға болмайды: АӨФ тежегіштерін бета-блокаторларға қосады. Диабетпен ауыратын науқастар Инсулинге тәуелді диабеті бар пациенттерде (калий мөлшерінің өздігінен жоғарылауына үрдіс) препаратпен емдеуді төмен дозадан бастау және дәрігердің тұрақты бақылауымен жүргізу керек. Бұрын пероральді диабетке қарсы препараттарды немесе инсулин қабылдаған диабетпен ауыратын науқастарда қандағы қант деңгейін, әсіресе АӨФ тежегішімен емдеудің бірінші айы ішінде мұқият бақылау керек. Этностық айырмашылықтар Басқа да ангиотензин-өзгертуші фермент тежегіштері сияқты периндоприл басқа нәсіл өкілдеріне қарағанда қара нәсіл өкілдерінде артериялық қысымды төмендетуде тиімділігі аз, бұл артериялық қысымы жоғары қара нәсілді пациенттер популяциясында ренин белсенділігінің төмен болуы салдарынан болуы мүмкін. Хирургиялық араласым/ жалпы анестезия Ангиотензин-өзгертуші фермент тежегіштері жалпы анестезияны жүргізу кезінде гипотензияға әкелуі мүмкін, әсіресе егер пайдаланылатын анестетиктің гипотензиялық потенциалға ие болса. Сондықтан периндоприл сияқты ұзақ әсер ететін АӨФ тежегіштерін қабылдауды мүмкіндігінше хирургиялық операцияға дейін бір күн бұрын тоқтату ұсынылады. Аортальді немесе митральді клапан стенозы/гипертрофиялық кардиомиопатия Сол жақ қарыншаның шығу жолының обструкциясы бар пациенттерде АӨФ тежегіштерін қолданған кезде сақ болу керек. Бауыр функциясының бұзылуы Сирек жағдайларда АӨФ тежегіштерін қабылдау холестаздық сарғаюдан басталатын және бауырдың фульминантты некрозына дейін үдемелі және (кейде) өліммен аяқталатын синдроммен қатар жүреді. Бұл синдромның даму механизмі белгісіз. АӨФ тежегіштерін қабылдайтын пациенттерде сарғаю дамыған кезде немесе бауыр ферменттері белсенділігінің едәуір артуы кезінде АӨФ тежегіштерін қабылдауды тоқтату және тиісті медициналық тексеру жүргізу керек. Гиперкалиемия АӨФ тежегіштерін, периндоприл қоса қабылдаған кейбір пациенттерде сарысуда калий деңгейінің жоғарылауы байқалды. АӨФ тежегіштері гиперкалиемияны тудыруы мүмкін, өйткені олар альдостерон секрециясын тежейді. Бұл әсер әдетте бүйрек функциясы қалыпты пациенттерде елеусіз болады. Гиперкалиемия қаупінің факторларына бүйрек жеткіліксіздігі, бүйрек функциясының нашарлауы, жасы (> 70 жас), қант диабеті, қатар жүретін құбылыстар, атап айтқанда сусыздану, жүрек қызметінің жедел декомпенсациясы, метаболизмдік ацидоз және калий жинақтаушы диуретиктерді (спиронолактон, эплеренон, триамтерен, амилорид және т. б.), калий препараттарын немесе құрамында калий бар тұз алмастырғыштарды бір мезгілде қабылдау, сондай-ақ сарысуда калий деңгейінің жоғарылауын тудыратын басқа да дәрілік препараттарды (гепариндер, ко-тримоксазол, сондай-ақ триметоприм/сульфаметоксазол, басқа да АӨФ тежегіштері, ангиотензин II рецепторларының антагонистері, ацетилсалицил қышқылы ≥ 3 г/тәул, ЦОГ-2 тежегіштері және селективті емес ҚҚСП, циклоспорин немесе такролимус, триметоприм сияқты иммунодепрессивті препараттар) әсіресе альдостерон антагонистері немесе ангиотензин рецепторларының блокаторларын қабылдау жатады. Калий препараттарын, калий жинақтаушы диуретиктерді немесе құрамында калий бар ас тұзын алмастырғыштарды пайдалану, әсіресе бүйрек функциясы бұзылған пациенттерде сарысудағы калий деңгейінің едәуір артуына әкелуі мүмкін. Гиперкалиемия күрделі, кейде өлімге әкелуі мүмкін аритмиялар тудыруы мүмкін. Калий жинақтайтын диуретиктерді және ангиотензин рецепторларының блокаторларын АӨФ тежегіштерін қабылдайтын пациенттерде сақтықпен қолдану керек; бұл ретте қан сарысуындағы калий деңгейін және бүйрек функциясына мониторинг жүргізу қажет. Препаратты жоғарыда аталған дәрілермен бір мезгілде қолдану қажет болған жағдайда оларды сарысудағы калий деңгейін жиі бақылау кезінде сақтықпен қабылдау керек. Индапамидпен байланысты: Су-электролиттік теңгерім Натрий деңгейі Емдеу басталғанға дейін натрий мөлшеріне бағалау жүргізу қажет, одан әрі мұндай зерттеулер жүйелі түрде жүргізілуі тиіс. Натрий деңгейінің бастапқы төмендеуі симптомсыз өтуі мүмкін, сондықтан тұрақты бақылау жүргізу қажет. Егде жастағы пациенттерде және бауыр циррозы бар пациенттерде бақылау жиі-жиі жүргізілуі тиіс. Барлық диуретиктер гипонатриемияға әкелуі мүмкін, кейде өте күрделі салдары болады. Гиповолемиямен гипонатриемия сусыздануға және ортостаздық гипотензияның дамуына әкелуі мүмкін. Хлор иондарының қатар жоғалуы салдарлы компенсаторлық метаболизмдік алкалоз тудыруы мүмкін: бұл әсердің пайда болу жиілігі мен айқындылығы елеусіз. Калий деңгейі Тиазидті және тиазид тәрізді диуретиктерді қабылдаудағы негізгі қауіп калий тапшылығына және тиісінше гипокалиемияға негізделген. Гипокалиемия бұлшықеттің бұзылуына әкелуі мүмкін. Рабдомиолиз жағдайлары туралы, негізінен ауыр гипокалиемия аясында хабарланды. Егде жастағы және/немесе жүдеу адамдар (политерапияға қарамастан), ісінумен және асцитпен қатар жүретін циррозбен ауыратын пациенттер, жүректің ишемиялық ауруы және жүрек жеткіліксіздігі бар пациенттер сияқты жоғары қауіп тобындағы пациенттерде калий деңгейінің (<3,4 ммоль/л) төмендеуін болдырмау керек. Мұндай жағдайларда гипокалиемия жүрек гликозидтерінің уыттылығын күшейтеді және аритмияның даму қаупін арттырады. QT аралығының туа біткен немесе ятрогенді ұлғаюы бар пациенттер қауіп тобына жатады. Брадикардия сияқты гипокалиемия да жүрек ырғағының ауыр бұзылуларын, атап айтқанда «пируэт» түріндегі полиморфты қарыншалық тахикардияны дамыту үшін қауіп факторы болып табылады, ол өлімге әкелуі мүмкін. Барлық жағдайларда калий деңгейін жиі талдау қажет. Плазмадағы калий деңгейін бірінші талдауды емдеу басталғаннан кейін бірінші апта ішінде жүргізу керек. Калийдің төмен көрсеткіштері анықталған жағдайда, осы жағдайға түзету жүргізу қажет. Қан сарысуындағы магний деңгейін түзетпейінше, қан сарысуындағы магний деңгейінің төмен болуынан пайда болған гипокалиемияны емдеу қиын болуы мүмкін. Кальций деңгейі Тиазидті және тиазид тәрізді диуретиктер кальцийдің несеппен шығарылуын азайтуға қабілетті, бұл плазмадағы кальций концентрациясының уақытша және елеусіз артуына әкеледі. Кальций деңгейінің едәуір артуы диагностикаланбаған гиперпаратиреозбен байланысты болуы мүмкін. Мұндай жағдайларда емдеуді қалқанша без функциясын зерттеуге дейін тоқтату керек. Плазмадағы магний мөлшері Тиазидтер және олармен байланысты диуретиктер, соның ішінде индапамид, магнийдің несеппен шығарылуын арттыратыны анықталған, бұл гипомагниемияны тудыруы мүмкін. Қандағы глюкоза мөлшері Диабеті бар пациенттерде, әсіресе калий деңгейі төмен болғанда, қандағы глюкоза деңгейін бақылау қажет. Несеп қышқылы Құрамында несеп қышқылы жоғары пациенттерде подагра ұстамаларының ықтималдығы жоғарылайды. Бүйрек функциясы және диуретиктер Тиазидті және тиазид тәрізді диуретиктер бүйрек функциясы қалыпты жағдайда немесе тек сәл төмендеген жағдайларда ғана толық мөлшерде тиімді (ересектердегі креатинин деңгейі шамамен 25 мг/л төмен, яғни 220 мкмоль/л). Егде адамдарда плазмадағы креатинин деңгейінің көрсеткіштерін Кокрофт формуласы бойынша жасына, салмағына және жынысына қарай түзетумен есептеу керек: КК = (140 - жас) x дене салмағы / 0,814 x плазмадағы креатинин деңгейі мұнда: жасы жылдармен көрінеді дене салмағы – килограммен плазмадағы креатинин деңгейі – литрге микромолдармен. Бұл формула егде жастағы пациент ер адамға есептелген және әйелге бейімдеу үшін нәтижені 0,85-ке көбейту керек. Диуретиктермен емдеудің басында су мен натрийдің жоғалуы салдарынан дамыған гиповолемия шумақтық сүзілудің төмендеуіне әкеледі. Бұл қандағы несеп және креатинин деңгейінің жоғарылауына әкелуі мүмкін. Бұл өтпелі функционалдық бүйрек жеткіліксіздігінің бүйрек функциясы қалыпты пациенттерде жағымсыз салдары жоқ, бірақ бұрыннан бүйрек жеткіліксіздігі бар пациенттің жағдайы нашарлауы мүмкін. Спортшылар Спортшылар бұл препараттың құрамында допинг-бақылау жүргізген кезде оң реакция беретін белсенді зат бар екенін білуі тиіс. Хориоидальді жалқық, жедел миопия және салдарлы жабық бұрышты глаукома Сульфонамидтер және олардың туындылары көру өрісінің ақауымен хориоидальді жалқыққа, өтпелі миопия мен жедел жабық бұрышты глаукомаға әкелетін идиосинкразия реакцияын тудыруы мүмкін. Симптомдар көру өткірлігінің күрт төмендеуі немесе көз ауруын қамтиды және әдетте препаратты қабылдаған сәттен бастап бірнеше сағаттан бір аптаға дейін байқалады. Тиісті ем жүргізілмесе жедел жабық бұрышты глаукома көру қабілетінің жоғалуына әкелуі мүмкін. Бірінші кезекте дәрілік препаратты қабылдауды мүмкіндігінше тезірек тоқтату қажет. Егер көзішілік қысым жоғары болып қала берсе, дереу терапиялық немесе хирургиялық ем қажет болуы мүмкін. Жедел жабық бұрышты глаукоманың дамуына әкелуі мүмкін қауіп факторларына анамнезінде сульфонамидтерге немесе пенициллинге аллергияны жатқызуға болады. Арнайы ескертулер Периндоприлмен байланысты: Жүктілік: жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен үздіксіз емдеу қажет деп саналса, жүктілікті жоспарлап жүрген пациенттер жүктілік кезінде қолдану қауіпсіздігі дәлелденген гипертензияға қарсы басқа препараттарға ауыстырылуы тиіс. Жүктілікке дәлелі анықталған кезде АӨФ тежегіштерімен емдеуді дереу тоқтату және, қажет болса, баламалы ем жүргізу керек. Индапамидпен байланысты: Фотосезімталдық: тиазидтік және тиазид тәрізді диуретиктерді қабылдау аясында фотосезімталдық реакциясының даму жағдайлары жөнінде мәлімделді. Препаратты қабылдау аясында фотосезімталдық реакциялары дамыған жағдайда емдеуді тоқтатқан жөн. Диуретиктермен емдеуді жалғастыру қажет болғанда теріні күн сәулесінің немесе жасанды ультракүлгін сәулелердің әсерінен қорғау ұсынылады. Қосымша заттар: препараттың қосымша заттарының құрамына лактоза моногидраты кіретіндігін ескеру керек. Тұқым қуалайтын галактоза жақпаушылығы, Лаппа лактаза жеткіліксіздігі және глюкоза-галактоза мальабсорбциясы бар пациенттерге препаратты тағайындамаған жөн. Натрий деңгейі Нолипрел® Форте Аргинин құрамында 1 ммоль-ден аз (23 мг) натрий бар, яғни натрий жоқ деуге болады. Периндоприлмен байланысты: Жөтел: АӨФ тежегішімен емдеу аясында құрғақ жөтел пайда болуы мүмкін. Жөтел осы топтың препараттарын қабылдау аясында ұзақ сақталады және оларды тоқтатқаннан кейін жойылады. Пациентте құрғақ жөтел пайда болған кезде осы симптомның АӨФ тежегішін қабылдаумен ықтимал байланысы бар екендігін ұмытпаған жөн. Егер дәрігер АӨФ тежегішімен емдеу пациентке қажет деп санаса, препаратты қабылдау жалғастырылуы мүмкін. Балалар мен жасөспірімдер: балалар мен жасөспірімдерде периндоприлдің моно- немесе біріктірілген емдеу тиімділігі және жағымдылығы әзірше анықтала қойған жоқ. Артериялық гипотензиялар және/немесе бүйрек жеткіліксіздігіндегі қауіп (жүрек функциясының созылмалы жеткіліксіздігі, су-электролиттік теңгерімнің бұзылулары бар пациенттерде) Кейбір патологиялық жағдайларда, әсіресе айқын гиповолемияда және қан плазмасындағы электролиттер мөлшері төмендегенде (тұзсыз диета немесе диуретиктерді ұзақ қабылдау аясында), АҚ бастапқыда төмен болған, бүйрек артерияларының стенозы (соның ішінде екі жақты), жүрек функциясының созылмалы жеткіліксіздігі немесе ісінулер және асцит орын алатын бауыр циррозы бар пациенттерде РААЖ-нің едәуір белсенділенуі байқалуы мүмкін. АӨФ тежегіштерін қолдану РААЖ-нің блокадасын туындатады, сондықтан АҚ күрт төмендеуімен және/немесе бүйрек функциональді жеткіліксіздігінің дамығанын айғақтайтын, қан плазмасындағы креатинин концентрациясының жоғарылауымен қатар жүруі мүмкін. Бұл құбылыстар препараттың алғашқы дозасын қабылдаған кезде немесе емдеудің алғашқы екі аптасы ішінде жиі байқалады. Кейде бұл жағдайлар жедел дамиды. Мұндай жағдайларда емдеуді қайта жаңғыртқан кезде периндоприл мен индапамид біріктірілімін көбірек төмен дозада пайдалану және содан кейін дозаны біртіндеп арттыру ұсынылады. Егде жас: емдеуді бастар алдында бүйрек функциясына және калий деңгейіне бақылау жүргізген жөн. Кенеттен болатын гипотензияға жол бермеу үшін препараттың бастапқы дозасы, әсіресе сусыздану және электролиттерді жоғалту жағдайында артериялық қысымның төмендеу дәрежесіне байланысты түзетіледі. Атеросклероз: барлық науқастарда да артериялық гипотензия қаупі бар, алайда жүректің ишемиялық ауруы және ми қан айналымының жеткіліксіздігі бар пациенттерде препаратты қолдана отырып, аса сақтық танытқан жөн. Мұндай пациенттерде емдеуді периндоприл аргинині және индапамид біріктірілімінің төмен дозаларынан бастау керек. Реноваскулярлық гипертензиясы бар пациенттер: реноваскулярлық гипертензияны емдеу әдісі реваскуляризация болып табылады. Дегенмен, АӨФ тежегіштерін пайдалану хирургиялық араласымды күтіп жүрген пациенттерде де, сонымен қатар хирургиялық араласымды жүргізу мүмкін емес болған жағдайда да жағымды әсерін тигізеді. Бүйрек артерияларының стенозы диагностикаланған немесе болжанған пациенттерде емдеуді периндоприл және индапамид біріктірілімінің өте төмен дозаларынан бастаған жөн. Кейбір науқастарда бүйректің функциональді жеткіліксіздігі дамуы мүмкін, ол препарат қабылдауды тоқтатқан кезде басылады. Жүрек жеткіліксіздігі/жүректің жедел жеткіліксіздігі: Жүрек функциясының айқын жедел жеткіліксіздігі (IV дәрежедегі) бар пациенттерде препаратпен емдеуді төмен дозалардан бастаған және дәрігердің үнемі бақылауымен жүргізген жөн. Артериялық гипертензиясы және коронарлық жеткіліксіздігі бар науқастар бета-блокаторларды қабылдауды тоқтатпауы тиіс: АӨФ тежегіштерін бета-блокатормен бірге қолданған жөн. Қант диабеті: ішке қабылдауға арналған гипогликемиялық дәрілерді немесе инсулин қабылдап жүрген пациенттерге Нолипрел® Форте Аргинин препаратын тағайындағанда емдеудің алғашқы айы ішінде қан плазмасындағы глюкоза концентрациясын ұдайы бақылау қажет. Этностық айырмашылықтары: периндоприл, басқа да АӨФ тежегіштері сияқты, сірә, қара нәсілді пациенттерде, басқа нәсіл өкілдерімен салыстырғанда, азырақ айқын гипотензиялық әсер береді. Бұл айырмашылық артериялық гипертензиясы бар қара нәсілді науқастарда ренин белсенділігінің төмендігі себебінен болуы мүмкін. Хирургиялық араласым/Жалпы анестезия: жалпы анестезияны қолданып, хирургиялық араласым жасалған науқастарда АӨФ тежегіштерін қолдану, әсіресе гипертензияға қарсы әсері бар, жалпы анестезияға арналған дәрілерді пайдаланғанда, АҚ айқын төмендеуіне әкелуі мүмкін. Ұзақ әсерлі АӨФ тежегіштерін, соның ішінде периндоприлді, қабылдауды хирургиялық операциядан 12 сағат бұрын тоқтату ұсынылады. Аортальді стеноз/ Митральді стеноз/ Гипертрофиялық кардиомиопатия АӨФ тежегіштері сол жақ қарыншаның шығатын саңылауының обструкциясы бар науқастарға және митральді стенозда сақтықпен тағайындалуы тиіс. Бауыр жеткіліксіздігі: сирек жағдайларда АӨФ тежегіштерін қабылдау аясында холестаздық сарғаю туындайды. Осы синдром үдеген кезде кейде өліммен аяқталатын бауырдың фульминантты некрозы дамиды. Осы синдромның даму механизмі айқын емес. АӨФ тежегіштерін қабылдау аясында сарғаю пайда болған кезде дәрігерге қаралған жөн. АӨФ тежегіштерін қабылдау аясында бауыр ферменттері белсенділігі едәуір жоғарылағанда препарат қабылдауды тоқтатқан жөн. Гиперкалиемия: АӨФ тежегіштерімен, соның ішінде периндоприлмен ем қабылдап жүрген кейбір пациенттерде қан сарысуында калий мөлшерінің жоғарылау жағдайлары білінді. АӨФ тежегіштері гиперкалиемияны тудыруы мүмкін, өйткені олар альдостерон секрециясын тежейді. Бұл әсер әдетте бүйрек функциясы қалыпты пациенттерде елеусіз болады. Гиперкалиемияның даму қаупінің факторларына бүйрек функциясының жеткіліксіздігі, бүйрек функциясының нашарлауы, жас (> 70 жас), қант диабеті, организмнің сусыздануы сияқты кездейсоқ құбылыстар, жүрек функциясының жедел декомпенсациясы, метаболизмдік ацидоз, калий жинақтайтын диуретиктерді (спиронолактон, эплеренон, триамтерен, амилорид және т.б.), калий препараттарын немесе құрамында калий бар тұз алмастырғыштарды бір мезгілде қабылдау, сондай-ақ сарысуда калий деңгейінің жоғарылауын туындататын басқа да дәрілік препараттарды (мысалы, триметоприм/сульфаметоксазол, гепариндер ретінде белгілі ко-тримоксазол, АӨФ басқа да тежегіштерін, ангиотензин-II рецепторларының антагонистерін, ацетилсалицил қышқылын 3 г/тәул., ЦОГ-2 тежегіштерін және селективті емес ҚҚСП, циклоспорин немесе такролимус, триметоприм сияқты иммунодепрессиялық заттарды), әсіресе альдостерон антагонистері немесе ангиотензин рецепторларының блокаторларын қабылдау қамтылады. Калий қоспаларын, калий жинақтайтын диуретиктерді және құрамында калий бар тұз алмастырғыштарды әсіресе бауыр функциясы бұзылған пациенттердің қабылдауы сарысудағы калий деңгейінің маңызды түрде артуына әкелуі мүмкін. Гиперкалиемия күрделі, кейде фатальді аритмияны туындатуы мүмкін. Калий жинақтайтын диуретиктерді және ангиотензин рецепторларының блокаторларын АӨФ тежегіштерін қабылдайтын пациенттерде сақтықпен қолдану керек; бұл ретте қан сарысуындағы калий деңгейін және бүйрек функциясына мониторинг жүргізу қажет. Егер жоғарыда көрсетілген препараттарды бір мезгілде тағайындау қажет деп саналса, оларды сақтықпен және қан сарысуындағы калий мөлшеріне жиі мониторинг жүргізе отырып қолданған жөн («Басқа дәрілік препараттармен өзара әрекеттесу» бөлімі). Индапамидпен байланысты: Су-электролиттік теңгерім/Қан плазмасындағы натрий иондарының мөлшері: Емдеуді бастағанға дейін натрий мөлшеріне баға беруді жүргізу қажет, әрі қарай мұндай зерттеулер ұдайы жүргізілуі тиіс. Натрий деңгейінің бастапқыда төмендеуі симптомсыз өтуі мүмкін, сондықтан ұдайы бақылау жүргізу қажет. Егде жастағы пациенттерде және бауыр циррозы бар пациенттерде бақылау одан да жиірек жүргізілуі тиіс. Барлық диуретиктер кейде өте күрделі зардаптары бар гипонатриемияға әкеп соғуы мүмкін. Гиповолемиясы бар гипонатриемия дегидратацияға және ортостаздық гипотензияның дамуына әкелуі мүмкін. Хлор иондарын қатар жоғалту салдарлық компенсаторлы метаболизмдік алкалоздан туындауы мүмкін: осы әсердің туындау жиілігі және дәрежесі мардымсыз. Қан плазмасындағы калий иондарының мөлшері: тиазидтік және тиазид тәрізді диуретиктермен емдеу гипокалиемияның даму қаупімен байланысты. Гипокалиемия бұлшықеттің бұзылуына әкелуі мүмкін. Рабдомиолиз жағдайлары туралы, негізінен ауыр гипокалиемия аясында хабарланды. Жоғары қауіп тобына жататын пациенттердің келесі санатында: егде жастағы пациенттер, жүдеген пациенттер (біріктірілген дәрі-дәрмектік ем қабылдаған және қабылдамаған), бауыр циррозы бар (ісінулер немесе асциті бар) пациенттер, жүректің ишемиялық ауруы, жүрек жеткіліксіздігі бар пациенттер гипокалиемияны (3,4 ммоль/л-ден аз) болдырмауы қажет. Осы пациенттердегі гипокалиемия жүрек гликозидтерінің уытты әсерін күшейтеді және аритмиялардың даму қаупін арттырады. Жоғары қауіп тобына сондай-ақ, туа біткен және дәрілік заттардың әсерінен туындаған QT аралығы ұзарған пациенттер жатады. Гипокалиемия, брадикардия сияқты, жүрек ырғағының ауыр бұзылуларының, әсіресе фатальді болуы мүмкін «пируэт» типті аритмияның дамуына мүмкіндік береді. Жоғарыда сипатталған барлық жағдайларда қан плазмасындағы калий иондарының мөлшеріне барынша жүйелі бақылау қажет. Калий иондарының мөлшерін алғаш өлшеуді емдеуді бастағаннан бастап алғашқы апта ішінде жүргізу қажет. Гипокалиемия байқалған кезде тиісті ем тағайындалуы тиіс. Қан сарысуындағы магний деңгейін түзетпейінше, қан сарысуындағы магний деңгейінің төмен болуынан пайда болған гипокалиемияны емдеу қиын болуы мүмкін. Қан плазмасындағы кальций иондарының мөлшері: тиазидтік және тиазид тәрізді диуретиктер кальций иондарының бүйрек арқылы шығарылуын азайтып, қан плазмасындағы кальций концентрациясының аздап және уақытша жоғарылауына әкелуі мүмкін. Айқын гиперкальциемия бұрын диагностикаланбаған гиперпаратиреоздың салдары болуы мүмкін. Қалқанша без функциясын зерттеу алдында диурездік дәрілерді қабылдауды тоқтата тұрған жөн. Плазмадағы магний мөлшері Тиазидтер және олармен байланысты диуретиктер, соның ішінде индапамид, магнийдің несеппен шығарылуын арттыратыны анықталған, бұл гипомагниемияны тудыруы мүмкін. Қан плазмасындағы глюкоза концентрациясы: қант диабеті, әсіресе гипокалиемиясы бар пациенттерде қандағы глюкоза концентрациясын бақылау қажет. Несеп қышқылы: емдеу аясында қан плазмасындағы несеп қышқылының концентрациясы жоғары науқастарда подагра ұстамаларының жиілігі артуы мүмкін Бүйрек функциясы және диуретиктер: тиазидтік және тиазид тәрізді диуретиктер бүйрек функциясы қалыпты немесе аздап бұзылған пациенттерде ғана толық шамада тиімді (ересек пациенттерде қан плазмасындағы креатинин концентрациясы 2,5 мг/дл-ден немесе 220 мкмоль/л-ден төмен). КК-ні егде жастағы пациенттерде жасын, дене салмағын және жынысын ескере отырып, Кокрофт формуласы бойынша есептейді: (140 - жасы) х дене салмағы КК = ---------------------------------------------------------- 0,814 х қан плазмасындағы креатинин деңгейі мұнда: жасы жылмен берілген, дене салмағы - килограммен, плазмадағы креатинин деңгейі – мкмоль/л. Формула егде жастағы пациентке есептелген, әйелге бейімдеу үшін нәтижені 0,85-ке көбейткен жөн. Диуретиктермен емдеудің басында науқастарда гиповолемия және гипонатриемияға байланысты, шумақтық сүзілу жылдамдығының уақытша төмендегені және қан плазмасында мочевина мен креатинин концентрацияларының жоғарылағаны байқалуы мүмкін. Бұл бүйрек функциясының транзиторлық функциональді жеткіліксіздігі бүйрек функциясы өзгермеген пациенттер үшін қауіпті емес, алайда бүйрек функциясының жеткіліксіздігі бар пациенттерде оның айқындылығы күшеюі мүмкін. Спортшылар: индапамид допинг-бақылау жүргізгенде оң реакция беруі мүмкін. Хориоидальді жалқық, жедел миопия және салдарлық жабық бұрышты глаукома: сульфаниламидтер немесе сульфонамид туындылары көру өрісінің ақауымен хориоидальді жалқыққа, транзиторлық миопияға және жедел жабық бұрышты глаукомаға әкелетін идиосинкразия тудыруы мүмкін. Симптомдар көру өткірлігінің күрт төмендеуі немесе көз ауруын қамтиды және әдетте препаратты қабылдаған сәттен бастап бірнеше сағаттан бір аптаға дейін байқалады. Тиісті ем жүргізілмесе жедел жабық бұрышты глаукома көру қабілетінің жоғалуына әкелуі мүмкін. Бастапқы ем мүмкіндігінше препаратты қолдануды тезірек тоқтатудан тұрады. Егер көзішілік қысым бақыланбайтын болса, шұғыл түрде дәрі-дәрмектік немесе хирургиялық ем жүргізуді қарастыру қажет етілуі мүмкін. Жедел жабықбұрышты глаукоманың даму қаупінің факторларына сульфонамидтерге немесе пенициллинге аллергия сырқатнамасы қамтылуы мүмкін. Жүктілік кезінде және бала емізу кезеңінде қолдану Аталған біріктірілген препараттың жекелеген компоненттерінің жүктілікке және лактацияға әсерін ескере отырып, жүктіліктің бірінші триместрінде Нолипрел Форте Аргининді қабылдау ұсынылмайды. Жүктіліктің екінші және үшінші триместрінде Нолипрел Форте Аргининді қабылдауға болмайды. Бала емізу кезінде Нолипрел Форте Аргининді қабылдауға болмайды. Сондықтан ана үшін осы емді қолданудың маңыздылығына байланысты не емшек емізуді тоқтату, не Нолипрел Форте Аргининді қабылдауды тоқтату жөнінде шешім қабылдаған жөн. Жүктілік: Периндоприлмен байланысты: Жүктіліктің алғашқы триместрінде АӨФ тежегіштерін қабылдағаннан кейін тератогендік кемістіктердің даму қаупіне қатысты эпидемиологиялық деректер дәлелсіз; ал сол кездегі қауіп дәрежесінің баршама ұлғаюын жоққа шығару мүмкін емес. Егер АӨФ тежегіштерімен үздіксіз емдеу қажет деп саналса, жүктілікті жоспарлап жүрген пациенттер жүктілік кезінде қолдану қауіпсіздігі дәлелденген гипертензияға қарсы басқа препараттарға ауыстырылуы тиіс. Жүктілікке дәлелі анықталған кезде АӨФ тежегіштерімен емдеуді дереу тоқтату және, қажет болса, баламалы ем жүргізу керек. Адамда екінші және үшінші триместрлерде АӨФ тежегіштерімен емдеудің фетоуытты (бүйрек функциясының нашарлауы, олигогидрамнион, бассүйек оссификациясының кідіруі) болып табылатыны және жаңа туған нәрестеге уытты әсерін тигізуі мүмкін (бүйрек функциясының жеткіліксіздігі, гипотензия, гиперкалиемия) екендігі айғақталды. Жүктіліктің екінші триместрінен бастап АӨФ тежегіштерін қабылдаған жағдайда бүйрек функциясына және бассүйектің қалыптасуына ультрадыбыстық бақылауды жүзеге асыру ұсынылады. Аналары АӨФ тежегіштерін қабылдаған балалар гипотензияға қатысты мұқият бақылануы тиіс. Индапамидпен байланысты: Жүкті әйелдерде индапамидті қолдану жөнінде деректер жоқ немесе шектеулі (жүктілік нәтижелері 300-ден аз). Жүктіліктің үшінші триместрінде тиазидтерді ұзақ қабылдау анада плазма көлемінің азаюына, сондай-ақ жатырлық-плаценталық қан ағынының төмендеуіне әкелуі мүмкін, бұл өз кезегінде фето-плаценталық ишемияны және өсудің кідіруін ушықтыруы мүмкін. Жануарларға жүргізілген зерттеу репродуктивті уыттылыққа тікелей немесе жанама зиянды әсерлерді анықтаған жоқ. Сақтық шарасы ретінде жүктілік кезінде индапамидті қолданудан аулақ болған жөн. Бала емізу: Бала емізу кезінде Нолипрел Форте Аргининді қолдану ұсынылмайды. Периндоприлмен байланысты: Емшек емізу кезеңінде периндоприлді қолдану жөнінде деректер жоқ болғандықтан, осы кезеңде периндоприлді қолдану ұсынылмайды және емшек емізу кезінде, әсіресе жаңа туған нәрестелерді немесе шала туған нәрестелерді қоректендірген кезде қолдану қауіпсіздігі дәлелденген басқа препараттарды қолданған дұрыс. Индапамидпен байланысты: Ана сүтіне индапамидтің және оның метаболиттерінің енуі жөнінде ақпарат жеткіліксіз. Сульфонамид туындыларына жоғары сезімталдық және гипокалиемия туындауы мүмкін. Жаңа туған нәрестерлер/сәбилер үшін қауіпті жоққа шығару мүмкін емес. Индапамид тиазидтік диуретиктермен тығыз өзара байланысты, ол емшек емізу кезінде лактацияның төмендеуіне немесе басылуына әкеледі. Емшек емізген кезде индапамидті қолдану ұсынылмайды. Фертильділік Периндоприл және индапамид үшін ортақ: Репродуктивті уыттылықты зерттеу аналық және аталық егеуқұйрықтардың фертильділігіне әсер етпейтінін анықтады. Адам фертильділігіне ешқандай да ықпалы күтілмейді. Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері Нолипрел® Форте Аргинин препаратының құрамына кіретін заттардың әсері психомоторлы реакциялардың бұзылуына әкелмейді. Алайда, әсіресе емнің бас кезінде немесе жүргізіліп жатқан емге басқа гипотензиялық препараттарды қосқан кезде кейбір адамдарда АҚ төмендеуіне жауап ретінде алуан түрлі жекелеген реакциялар дамуы мүмкін. Мұндай жағдайда автомобильді немесе басқа да механизмдерді басқару қабілеті төмендеуі мүмкін.

Нұсқаулықта көрсетілмеген.

Периндоприлмен және индапамидпен байланысты жалпы нұсқаулар: Ұсынылмайтын біріктірілімдер: Литий препараттары: литийді және АӨФ тежегіштерін біріктіріп қабылдаған кезде сарысуда литий концентрациясының қайтымды артуы және уыттылық жағдайлары байқалды. Периндоприлді және литийді біріктіріп қабылдау ұсынылмайды, бірақ ол қажет болса, онда қан сарысуындағы литий деңгейіне мұқият мониторинг жүргізу керек. Аса сақтықты қажет ететін біріктірілімдер: Баклофен: гипотензиялық әсердің айқындылығын күшейтеді (АҚ деңгейін бақылау және Нолипрел Форте Аргинин дозасын түзету қажет). Қабынуға қарсы стероидты емес препараттар (ҚҚСП) (оның ішінде ацетилсалицил қышқылы тәулігіне ≥3г): АӨФ тежегіштерін қабынуға қарсы стероидты емес препараттармен (мысалы, ацетилсалицил қышқылын сызба бойынша және қабынуға қарсы емдеу үшін қажетті дозаларда қабылдау, ЦОГ-2 тежегіштерін қабылдау және селективті емес ҚҚСП қабылдау) бір мезгілде қабылдағанда гипотензиялық әсерінің бәсеңдеуі байқалуы мүмкін. АӨФ тежегіштерін және ҚҚСП бір мезгілде пайдалану, бүйрек функциясының жедел жеткіліксіздігінің дамуын қоса, бүйрек функциясының нашарлау қаупін арттырады, сондай-ақ калийдің сарысулық деңгейін, әсіресе бұрыннан бүйрек функциясының бұзылуы бар пациенттерде, арттыруы мүмкін. Аталған препараттарды біріктіру әсіресе егде жастағы пациенттерде сақтықпен пайдаланылуы тиіс. Пациенттер сұйықтықты жеткілікті көлемде алуы тиіс; сондай-ақ біріктірілген ем тағайындаған кезде және оны аяқтағаннан кейін мезгіл-мезгіл бүйрек функциясын бақылап отырғаны жөн. Сақтықты қажет ететін біріктірілімдер: Имипрамин тәрізді антидепрессанттар (трициклді), нейролептиктер: гипотензиялық әсері күшейеді және ортостаздық гипотензияның даму қаупі ұлғаяды (аддитивті әсері). Периндоприлмен байланысты: Клиникалық зерттеу деректері АӨФ тежегіштерін және ангиотензин II рецепторларының блокаторларын немесе алискиренді біріктіріп пайдалану жолымен ренин-ангиотензин-альдостерон жүйесін (РААЖ) қосарлы блокадалау гипотензия, гиперкалиемия қаупін арттыратынын және бүйрек функциясының төмендеуі сияқты (бүйрек функциясының жедел жеткіліксіздігінің дамуын қоса) жағымсыз құбылыстар жиілігінің, РААЖ-ға әсер ететін бір ғана препаратты пайдаланумен салыстырғанда, жоғарылауымен қатар жүретіндігін көрсетті («Қолдануға болмайтын жағдайлар, айрықша нұсқаулар және фармакодинамикалық қасиеттері» бөлімін қараңыз). Ангионевроздық ісіну қаупін арттыратын дәрілік препараттар АӨФ тежегіштерін сакубитрилмен/валсартанмен бір мезгілде қолдануға болмайды, өйткені бұл ангионевроздық ісіну қаупін арттырады. Периндоприлдің соңғы дозасын қабылдау мен сакубитрилмен/валсартанмен емдеуді бастау арасында аралық кемінде 36 сағатты құрауы тиіс. Сакубитрилдің/валсартанның соңғы дозасын қабылдау мен периндоприлмен емдеуді бастау арасында кемінде 36 сағат аралықты сақтау қажет. АӨФ тежегіштерін рацекадотрилмен, mTOR (мысалы, сиролимус, эверолимус, темсиролимус) тежегіштерімен бір мезгілде қолдану және глиптиндер (мысалы, линаглиптин, саксаглиптин, ситаглиптин, вилдаглиптин) ангионевроздық ісінудің жоғары қаупіне әкелуі мүмкін. Гиперкалиемияны туындататын дәрілік препараттар: Қан сарысуындағы калий мөлшері әдетте қалыпты шегінде қалса да, Нолипрел Форте Аргинин қабылдаған кейбір пациенттерде гиперкалиемия туындауы мүмкін. Кейбір препараттар немесе препараттардың фармакотерапиялық топтары гиперкалиемияның даму жиілігін арттыруы мүмкін: алискирен, калий тұздары, калий жинақтайтын диуретиктер (мыс., спиронолактон, триамтерен немесе амилорид), АӨФ тежегіштері, ангиотензин II рецепторларының блокаторлары, ҚҚСП, гепарин, циклоспорин, такролимус, триметоприм және котримоксазол (триметоприм/сульфаметоксазол) сияқты иммунодепрессанттар, өйткені триметоприм амилорид сияқты калий жинақтайтын диуретик ретінде әсер ететіні белгілі. Осы препараттарды біріктіріп қабылдау гиперкалиемияның даму қаупін арттырады. Осыған байланысты Нолипрел Форте Аргинин препаратын жоғарыда аталған препараттармен біріктірілімде қабылдау ұсынылмайды. Егер бір мезгілде қолдану көрсетілсе, оларды сақтықпен және қан сарысуындағы калий деңгейін жиі мониторинг жүргізу арқылы пайдалану керек. Біріктіріп қабылдауға болмайды: Алискирен: қант диабетінен немесе бүйрек функциясының жеткіліксіздігінен зардап шегіп жүрген пациенттерде гиперкалиемияның туындау, бүйрек функциясының нашарлау, жүрек-қантамырлық аурулардың даму және жүрек-қантамырлық аурулардан өлім қаупі ұлғаяды. Экстракорпоральді ем: Ауыр анафилактоидты рекациялардың туындау қаупінің жоғарылығына байланысты, қанның теріс зарядталған беткейлермен жанасуына алып келетін, диализ немесе гидравликалық өткізгіштігі жоғары белгілі бір жарғақшалармен (мысалы, полиакрилнитрил жарғақшалар) жүргізілетін гемофильтрация және тығыздығы төмен липопротеиндердің декстран сульфатымен аферезі сияқты экстракорпоральді ем. Егер ондай ем қажет болса, онда диализ жарғақшасының басқа типін немесе гипотензиялық препараттың басқа бір класын қолдану керектігін ескеру керек. Ұсынылмайтын біріктірілімдер: Алискирен: қант диабетінен немесе бүйрек функциясының жеткіліксіздігінен зардап шегіп жүрген пациенттерден басқасында гиперкалиемияның туындау, бүйрек функциясының нашарлау, жүрек-қантамырлық аурулардың даму және жүрек-қантамырлық аурулардан өлім қаупі ұлғаяды. АӨФ тежегішімен және ангиотензин рецепторларының блокаторымен біріктіріп емдеу: Әдеби деректерде ауыр атеросклероздық ауруы, жүрек функциясының жеткіліксіздігі немесе нысана ағзаны зақымдаған қант диабеті бар пациенттерде АӨФ тежегішімен және ангиотензиндік рецепторлардың блокаторымен біріктіріп емдеу, ренин-ангиотензин-альдостерон жүйесіне әсер ететін бір ғана препаратты қабылдаумен салыстырғанда, гипотензияның, естен танудың, гиперкалиемияның және бүйрек функциясы нашарлауының (бүйрек функциясының жедел жеткіліксіздігін қоса) даму жиілігінің өте жоғары болуымен өзара байланысты екендігі көрсетілген. Қосарлы блокада (мысалы, АӨФ тежегішін ангиотензин II рецепторлары блокаторларымен біріктіру жолымен) жеке алынған жағдаймен шектелуі және бүйрек функциясына, калий деңгейіне және артериялық қысымға мұқият мониторингпен қатар жүргізілуі тиіс («Айрықша нұсқаулар» бөлімі). Эстрамустин: ангионевроздық ісіну (ангиоісіну) сияқты жағымсыз реакциялар қаупі жоғары. Калий жинақтайтын диуретиктер (мысалы, триамтерен, амилорид және т.б.), калий (тұздары): Әсіресе бүйрек функциясының жеткіліксіздігімен біріккен (аддитивті гиперкалиемиялық әсер) гиперкалиемия (потенциалды түрде өліммен аяқталатын). Периндоприлді осы дәрілік препараттармен біріктіріп қабылдау ұсынылмайды. Егер осы препараттарды қатар қолдану бәрібір қолданылатын болса, онда оларды қабылдаған кезде аса сақтық танытқан және қан сарысуындағы калий мөлшеріне жиі мониторинг жүргізген жөн. Жүрек функциясының жеткіліксіздігінде спиронолактонды қолдану жөніндегі ақпаратты «Аса сақтықты қажет ететін біріктірілімдер» бөлімінен қараңыз. Аса сақтықты қажет ететін біріктірілімдер: Диабетке қарсы дәрілер (инсулин, пероральді гипогликемиялық препараттар): эпидемиологиялық зерттеулер АӨФ тежегіштерін және диабетке қарсы препараттарды (инсулиндер, пероральді гипогликемиялық препараттар) біріктіріп қабылдау қандағы глюкоза деңгейін төмендету әсерін күшейтіп, гипогликемияның басталу қаупіне әкеп соғуы мүмкін екендігін көрсетті. Осындай оқиғалардың басталуы біріктіріп емдеудің алғашқы апталарында және бүйрек функциясы бұзылған пациенттерде көбірек орын алуы ықтимал. Калий жинақтамайтын диуретиктер: Диуретиктерді қабылдап жүрген пациенттерде, әсіресе АҚК төмендеген және/немесе тұз тапшылығы бар пациенттерде АӨФ тежегішімен емдеудің бас кезінде артериялық қысымның едәуір төмендеуі байқалуы мүмкін. Гипотензиялық әсердің ықтималдылығы диуретиктерді қабылдауды тоқтатумен, төмен дозадағы периндоприлмен емдеуді бастар алдында, кейіннен оны біртіндеп арттырғанда АҚК немесе тұзды пайдаланудың көбеюімен төмендетілуі мүмкін. Артериялық гипертензияда, егер бұның алдында диуретиктермен емдеу тұз тапшылығын/АҚК төмендеуін туындатса, АӨФ тежегішімен емдеуді бастар алдында диуретик қабылдауды, әрі қарай калий жинақтайтын диуретикті енгізе отырып, тоқтату қажет, немесе АӨФ тежегішін қабылдауды төмен дозадан бастап, кейіннен оны арттыру қажет. Диуретиктерді қабылдауды қажет ететін жүрек функциясының іркілген жеткіліксіздігінде АӨФ тежегішін қабылдауды, мүмкіндігінше, қатар қолданылатын калий жинақтайтын диуретиктің дозасын алдын ала төмендеткеннен кейін, өте төмен дозадан бастаған жөн. Барлық жағдайларда АӨФ тежегішімен емдеуді бастағаннан кейін алғашқы бірнеше апта ішінде бүйрек функциясына (креатинин деңгейіне) мұқият мониторинг жүргізу қажет. Калий жинақтайтын диуретиктер (эплеренон, спиронолактон): Эплеренонды немесе спиронолактонды тәулігіне 12,5 мг-ден бастап тәулігіне 50 мг-ге дейінгі дозаларда және АӨФ тежегіштерінің төмен дозаларын қабылдағанда: Лықсу фракциясы <40% болатын жүрек функциясының II-IV класқа жататын (NYHA жіктеуі бойынша) жеткіліксіздігін бұның алдында АӨФ тежегіштерімен және ілмектік диуретиктермен емдегенде, әсіресе препараттардың осы біріктірілімін тағайындау жөніндегі нұсқауларды орындамаған жағдайда, потенциалды өліммен аяқталатын гиперкалиемияның даму қаупі бар. Препараттардың осы біріктірілімін тағайындамас бұрын пациентте гиперкалиемияның және бүйрек функциясы жеткіліксіздігінің жоқтығына көз жеткізген жөн. Емдеудің алғашқы айы ішінде аптасына бір рет, ал содан кейін айына бір рет калиемияға және креатинемияға мониторинг жүргізу ұсынылады. Сақтықты қажет ететін біріктірілімдер: Гипотензиялық және қантамырларды кеңейтетін препараттар: Осы препараттарды біріктіріп қабылдау периндоприлдің гипотензиялық әсерінің күшеюіне әкелуі мүмкін. Нитроглицеринді және басқа да нитраттарды немесе қантамырларды кеңейтетін басқа да дәрілерді қатар қабылдау артериялық қысымның әрі қарай төмендеуіне әкеп соғуы мүмкін. Аллопуринол, цитостатикалық немесе иммунодепрессиялық заттар, жүйелік кортикостероидтар немесе прокаинамид: осы препараттарды АӨФ тежегіштерімен біріктіріп қабылдағанда лейкопения қаупі артады. Жансыздандыратын препараттар: АӨФ тежегіштері жансыздандыратын кейбір заттардың гипотензиялық әсерін күшейтуі мүмкін («Айрықша нұсқауларды» бөлімі). Симпатомиметиктер: Симпатомиметиктер АӨФ тежегіштерінің гипотензиялық әсерін төмендетуі мүмкін. Алтын: сирек жағдайларда алтынның инъекциялық препараттарымен (натрий ауротиомалаты) және, периндоприлді қоса, АӨФ тежегіштерімен бір мезгілде ем қабылдап жүрген пациенттерде вазомоторлы реакциялар (бетке қан тебу, жүректің айнуы, құсу және гипотензия сияқты симптомдар) пайда болды. Индапамидпен байланысты: Аса сақтықты қажет ететін біріктірілімдер: «Пируэт» типті пароксизмальді қарыншалық тахикардияны туындатуға қабілетті препараттар: гипокалиемияның басталу қаупіне байланысты индапамидті «пируэт» типті пароксизмальді қарыншалық тахикардияны туындатуға қабілетті препараттармен бірге қабылдаған кезде, оның ішінде өзгелерді де қоса алғанда: • аритмияға қарсы Iа класының препараттары (мысалы, хинидин, гидрохинидин, дизопирамид), • аритмияға қарсы IІІ класының препараттары (мысалы, амиодарон, дофетилид, ибутилид, бретилий, соталол), • кейбір психозға қарсы препараттар (мысалы, хлорпромазин, циамемазин, левомепромазин, тиоридазин, трифлуоперазин), • бензамидтер (мысалы, амисульприд, сульпирид, сультоприд, тиаприд), • бутирофенон туындылары (мысалы, дроперидол, галоперидол), • басқа психозға қарсы препараттар (мысалы, пимозид); • басқа препараттар (мысалы бепридил, сизаприд, дифеманил, эритромицин в/і, галофантрин, мизоластин, моксифлоксацин, пентамидин, спарфлоксацин, винкамин в/і, метадон, астемизол, терфенадин). Калий деңгейі төмендеуінің алдын алу және, қажет болған жағдайда, түзету: QT аралығына мониторинг жүргізу керек. Калий жинақтайтын препараттар: амфотерицин В (вена ішіне), глюкокортикоидтар және минералокортикоидтар (жүйелік енгізу), тетракозактид, стимуляциялайтын іш жүргізгіш дәрілер: калий деңгейінің төмендеу қаупінің күшеюі (аддитивті әсер). Калий мөлшеріне мониторинг және, қажет болса, дозаны түзету; қастауышпен емдеу аса көңіл бөлуді қажет етеді. Стимуляцияламайтын іш жүргізгіш дәрілерді қолданған жөн. Оймақгүл препараттары: калийдің төмен деңгейі оймақгүлдің уытты әсерін күшейтуі мүмкін. ЭКГ және калий деңгейіне мониторинг жүргізу керек, және қажет боса, емдеуді қайта қарастыру керек. Аллопуринол: индапамидпен бір мезгілде емдеу аллопуринолға аллергиялық реакциялар деңгейін арттыруы мүмкін. Сақтықты қажет ететін біріктірілімдер: Калий жинақтайтын диуретиктер (амилорид, спиронолактон, триамтерен): Оңтайлы біріктірілімдер кейбір пациенттер үшін пайдалы екендігіне қарамастан, гипокалиемия немесе гиперкалиемия (әсіресе бүйрек функциясының жеткіліксіздігі немесе қант диабеті бар пациенттерде) әлі де көрініс беруі мүмкін. Қан плазмасы және ЭКГ деңгейіне мониторинг жүргізу қажет, және қажет болса, емдеуді қайта қарастыру керек. Метформин: сүт қышқылды ацидоз метформинді қабылдау аясында, сірә, бүйректің функциональді жеткіліксіздігімен байланысты туындайды, ол әсіресе ілмектік диуретиктердің әсер етуінен болады. Егер плазмадағы креатинин мөлшері еркектерде 15 мг/л-ден (135 мкмоль/л) және әйелдерде 12 мг/л-де (110 мкмоль/л) асып кетсе, метформинді қолдануға болмайды. Құрамында йоды бар контрастылы орта: организмнің диурездік препараттарды қабылдаудан туындаған елеулі дегидратациясында, әсіресе құрамында йод бар контрастылы заттарды жоғары дозаларда қолданғанда, бүйрек функциясының жедел жеткіліксіздігінің даму қаупі ұлғаяды. Құрамында йоды бар препараттарды қолданар алдында регидратация жүргізген жөн. Кальций (тұздар): несеппен бірге экскрециялануының төмендеуі нәтижесінде кальций мөлшері артуы мүмкін. Циклоспорин, такролимус: плазмадағы креатинин деңгейі, тіпті су мен электролиттер мөлшері қалыпты болса да, айналымдағы циклоспорин деңгейінің өзгеруінсіз-ақ жоғарылайды. Кортикостероидтар, тетракозактид (енгізудің жүйелік жолы): гипотензиялық әсерін азайтады (кортикостероидтардың әсерінен тұздың және судың іркілуі).

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 30°С-ден аспайтын температурада, тығыз тығындалған контейнерде сақтау керек. Балалардың қолы жетпейтін жерде сақтау керек!