Норбактин таблетки 400 мг

Бір таблетканың құрамында белсенді зат - норфлоксацин 408.12 мг (құрғақ затқа шаққанда – 400.00 мг), қосымша заттар: микрокристалды целлюлоза, натрий кроскармеллозасы, натрий лаурилсульфаты, жүгері крахмалы, сусыз коллоидты кремнийдің қостотығы, магний стеараты, тазартылған тальк, қабығы: гидроксипропилметилцеллюлоза (гипромеллоза), макрогол-400, тазартылған тальк, титанның қостотығы (Е171), тазартылған су. Сыртқы түрінің, иісінің, дәмінің сипаттамасы Бір жағында «NBT 400» таңбасы және екінші жағында сызығы бар ақ түсті үлбірлі қабықпен қапталған сопақша пішінді таблеткалар. Екі жағы да ерекше қиғашталған шеті мен пішінге ие.

Сезімтал микроорганизмдер туындатқан инфекциялық-қабыну ауруларын емдеуде: - Enterococcus faecalis, Escherichia coli, Klebsiella pneumoniae, Proteus mirabilis, Pseudomonas aeruginosa, Staphylococcus epidermidis, Staphylococcus saprophyticus, Citrobacter freundii, Enterobacter aerogenes, Enterobacter cloacae, Proteus vulgaris, Staphylococcus aureus немесе Streptococcus agalactiae тудырған несеп шығару жолдарының асқынбаған инфекциялары (циститті қоса) - Enterococcus faecalis, Escherichia coli, Klebsiella pneumoniae, Proteus mirabilis, Pseudomonas aeruginosa немесе Serratia marcescens тудырған несеп шығару жолдарының асқынған инфекциялары - жыныс мүшелерінің инфекциялары (Neisseria gonorrhoeae туындатқан асқынбаған гонококктық уретрит және цервицит) - Escherichia coli туындатқан простатит

Әсер ету механизмі Норфлоксацин бактериялық дезоксирибонуклеин қышқылының синтезін тежейді және бактерицидті әсерге ие. Молекулалық деңгейде үш спецификалық әсер Escherichia coli жасушаларында норфлоксацинмен байланысты: (1) ДНҚ-гиразамен катализденетін ДНҚ суперспирализациясының АТФ-тәуелді реакциясының тежелуі (2) Суперспиральді ДНҚ релаксациясының тежелуі (3) Екі тізбекті ДНҚ бұзылуын стимуляциялау. 6 позицияда фтор атомы грамтеріс организмдерге қарсы жоғары тиімділікті қамтамасыз етеді, ал 7 позицияда пиперазин фрагменті анти-көкіріңді белсенділікке жауап береді. Дәрілік препараттарға резистенттілік in vitro спонтанды мутацияларымен норфлоксацинге резистенттіліктің кездесуі жиі емес (диапазон: 10-9 10-12 дейін жасуша). Емдеу үдерісінде норфлоксацинге резистенттілік туындауы 1%-дан аз пациентте байқалады. Резистенттілік дамуын мыналарда тіркелген: Pseudomonas aeruginosa Klebsiella pneumoniae Acinetobacter spp. Enterococcus spp. Сондықтан, қанағаттанарлық клиникалық жауап болмаған кезде, сезімталдыққа тест жүргізу керек. Налидикс қышқылына резистентті микроорганизмдер көптеген жағдайда норфлоксацинге in vitro сезімтал, алайда бұл микроорганизмдерде МПК налидикс қышқылына сезімтал штаммдарға қарағанда норфлоксацин ЕТТК анағұрлым жоғары мәндері болуы мүмкін. Әдетте, норфлоксацин мен антибактериялық дәрілердің басқа кластары арасында айқаспалы резистенттілік байқалмайды. Сондықтан норфлоксацин аминогликозидтерді, пенициллиндерді, цефалоспориндерді, тетрациклиндерді, макролидтерді, сульфаниламидтерді, оның ішінде сульфаметоксазол мен триметоприм біріктірілімін қоса, басқа да микробқа қарсы ДЗ резистентті микроорганизмдерге қатысты белсенділік танытуы мүмкін. in vitro норфлоксацин мен нитрофурантоин арасында антагонизм көрсетілді. in vitro және in vivo белсенділік Норфлоксацин in vitro грамоң және грамтеріс аэробты бактериялардың кең спектріне қатысты белсенділік көрсетті. Норфлоксацин келесі микроорганизмдердің көптеген штаммдарына қатысты, in vitro, сондай-ақ бөлімде сипатталғандай клиникалық инфекцияларды емдеу кезінде де белсенді әрекет ететіні дәлелденген. Грамоң аэробтар: Enterococcus faecalis Staphylococcus aureus Staphylococcus epidermidis Staphylococcus saprophyticus Streptococcus agalactiae Грамтеріс аэробтар: Citrobacter freundii Enterobacter aerogenes Enterobacter cloacae Escherichia coli Klebsiella pneumoniae Neisseria gonorrhoeae Proteus mirabilis Proteus vulgaris Pseudomonas aeruginosa Serratia marcescens Норфлоксацин in vitro келесі микроорганизмдердің көптеген (≥ 90%) шатаммдарына қатысты ең төменгі тежегіш концентрация ≤4 мкг/мл көрсетеді, алайда осы микроорганизмдер туындатқан клиникалық инфекцияларды емдеу кезінде норфлоксациннің қауіпсіздігі мен тиімділігі адекватты және жақсы бақыланатын клиникалық сынақтарда анықталмады. Грамтеріс аэробтар: Citrobacter diversus Edwardsiella tarda Enterobacter agglomerans Haemophilus ducreyi Klebsiella oxytoca Morganella morganii Providencia alcalifaciens Providencia rettgeri Providencia stuartii Pseudomonas fluorescens Pseudomonas stutzeri Өзгелері: Ureaplasma urealyticum Норфлоксацин әдетте, облигатты анаэробтарға қатысты белсенді емес. Норфлоксацин Treponema pallidum қарсы тиімді емес.

Енгізу жолы және тәсілі Норбактин ішке, аш қарынға (астан немесе сүт/сүт өнімдерін қабылдаудан кемінде 1 сағат бұрын немесе 2 сағаттан соң) қабылданады. Таблеткаларды сындыруға, үгітуге және шайнауға болмайды, жеткілікті мөлшердегі сұйықтықпен ішіп тұтастай жұту керек. Емдеу ұзақтығы Норбактиннің ұсынылатын дозалары: Инфекциялар — Атауы — Бір реттік доза — Жиілігі — Ұзақтығы — Тәуліктік доза Несеп шығару жолдары — Escherichia coli, Klebsiella pneumoniae немесе Proteus mirabilis туындатқан несеп шығару жолдарының асқынбаған инфекциялары (цистит) — 400 мг — әрбір 12 сағат — 3 күн — 800 мг Препарат әсеріне сезімтал басқа микроорганизмдер туындатқан несеп шығару жолдарының асқынбаған инфекциялары — 400 мг — әрбір 12 сағат — 7 - 10 күн — 800 мг Несеп шығару жолдарының асқынған инфекциялары — 400 мг — әрбір 12 сағат — 10 - 21 күн — 800 мг Жыныс мүшелерінің инфекциялары — Асқынбаған гонорея — 800 мг — бір рет — 1 күн — 800 мг Простатит — Жедел немесе созылмалы — 400 мг — әрбір 12 сағат — 28 күн — 800 мг Бүйрек жеткіліксіздігі Норбактин бүйрек жеткіліксіздігі бар пациенттерде несеп шығару жолдарының инфекцияларын емдеу үшін пайдаланылуы мүмкін. Креатинин клиренсі 30 мл/мин/1.73м2 немесе одан төмен пациенттерде ұсынылған доза жоғарыда көрсетілген уақыт ішінде күніне бір рет 400 мг 1 таблетканы құрайды. Бұл дозада несептегі препарат концентрациясы норфлоксацинге сезімтал несеп жолының ауру тудыратын микроорганизмдерінің көпшілігі үшін, тіпті креатинин клиренсі 10 мл/мин/1.73 м2 төменді құраған жағдайда да ең төменгі тежейтін концентрациядан асып кетеді. Егде жастағы пациенттар Креатинин клиренсі 30 мл/мин/1.73 м2 немесе одан төмен егде жастағы пациенттерде несеп шығару жолдарының инфекцияларын емдегенде препаратты күніне бір рет 400 мг қабылдау қажет. Поливитаминдер, құрамында темір немесе мырыш бар препараттар, құрамында магний және алюминий бар антацидтер, сукральфат немесе құрамында диданозин бар препараттар Норбактин таблеткаларын қабылдаудан кейін 2 сағат ішінде қабылданбауы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Қолданар алында міндетті түрде емдеуші дәрігермен кеңесіңіз. Емдеуші дәрігерге қандай бір басқа препараттар қабылдап жүргеніңізді, аз уақыт бұрын қабылдағаныңызды немесе қабылдауды бастайтыныңызды хабарлаңыз.

- норфлоксацинге және фторхинолон тобының басқа препараттарына немесе қосымша заттардың кез келгеніне аса жоғары сезімталдық - глюкоза-6-фосфат дегидрогеназа тапшылығы - бүйректің ауыр жеткіліксіздігі - норфлоксацинді немесе хинолондар тобының қандай да бір өзге препаратын қолданумен байланысты анамнездегі тендинит, сіңірлердің үзілуі - жүктілік және лактация кезеңі - балалар мен 18 жасқа дейінгі жасөспірімдер

Жиі - бөртпе - терінің қышынуы, фотосенсибилизация/фотоуыттылық реакциялары Сирек - анафилактоидтық реакцияларды қоса, аса жоғары сезімталдық реакциялары, ангионевроздық ісіну, ентігу, васкулит, есекжем - артрит, буын ауыруы, бұлшықет ауыруы, тендинит, сіңірлердің үзілуі, миастенияның өршуі - тәбеттің төмендеуі, дисфагия, ауыздағы ащы дәм, жүрек айнуы, құсу, іш ауыруы, диарея - гепатит, сарғаю, холестаздық сарғаюды және бауыр ферменттері белсенділігінің жоғарылауын қоса, панкреатит, стоматит - бас ауырулары, бас айналуы, естен тану жағдайы, ұйқысыздық, елестеулер, құрысулар, миоклонус, тремор - нейтропения, лейкопения, агранулоцитоз, гемолиздік анемия, кейде глюкоза-6-фосфат дегидрогеназаның жеткіліксіздігімен байланысты, эозинофилия, тромбоцитопения - агранулоцитоз, альбуминурия, кандидурия, кристаллурия, цилиндрурия - гипергликемия, қандағы холестериннің жоғарылауы, қан сарысуындағы калийдің жоғарылауы, қан сарысуындағы триглицеридтердің жоғарылауы, гематурия, симптоматикалық гипогликемия - постуральді гипотензия, тахикардия, аритмия, протромбиндік уақыттың ұзаруы - қынаптық кандидоз Өте сирек - уытты эпидермальді некролиз, Стивенс-Джонсон синдромы және эритема, эксфолиативтік дерматит - ЭКГ-дегі QT аралығының ұзаруы және қарыншалардың дірілдеуі-жыпылықтауын қоса қарыншалық аритмия - шеткері нейропатия, полинейропатия, Гийен-Барре синдромын қоса, атаксия, парестезия, гипестезия, психоздық реакцияларды қоса, психикалық бұзылыстар, сананың шатасуы, құрысулар - интерстициальді нефрит, бүйрек жеткіліксізігі, уретральді қан кету - бауыр жеткіліксіздігі, жалған жарғақшалы колит - есту қабілетінен айрылу, құлақтың шулауы, диплопия, көрудің бұзылуы, дәм сезудің бұзылуы. * Қауіптің бұрын болған факторларына қарамастан, кейбір жағдайларда хинолондар мен фторхинолондарды қолдануға байланысты ағза мен сезім мүшелері (тендинит, сіңірдің жарылуы, артралгия, аяқ-қолдардың ауырсынуы, жүріс-тұрыстың бұзылуы, парестезиямен, депрессиямен, шаршаумен, есте сақтау қабілетінің бұзылуымен, ұйқының бұзылуымен және есту, көру, дәм сезу және иіс сезу бұзылыстарымен байланысты нейропатиялар) жүйесінің әртүрлі, кейде бірнеше кластарына әсер ететін ұзақ (айлар немесе жылдар бойы) мүгедектікке алып келетін және потенциалды қайтымсыз күрделі дәрілік заттарға реакциялардың өте сирек жағдайлары тіркелген. ** Кейде жарылуымен асқынған (оның ішінде өліммен аяқталған) аневризма мен қолқаның қатпарлану, сондай-ақ жүрек клапандарының кез келгенінің регургитация / жеткіліксіздік жағдайлары фторхинолондарды қабылдайтын пациенттерде тіркелген. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас айналуы, жүрек айнуы, құсу Емі: құстыру немесе асқазанды шаю. Пациент қатаң қадағалануы тиіс. Симптоматикалық және демуші ем жүргізіледі. Көп мөлшерде су ішу қажет.

Тендинопатия/сіңірлерді үзілуі: норфлоксацинді қоса, фторхинолондар тендинит даму қаупінің ұлғаюымен және әр түрлі жаста сіңірлердің үзілуімен байланысты. Бұл қауіп кортикостероидтар қабылдайтын 60 жастан асқан пациенттерде және ағзалары трансплантацияланған пациенттерде ұлғаяды. Сіңірлердің ауыруы, ісінуі немесе қабынуының алғашқы белгілер пайда болғанда фторхинолон қабылдауды тоқтату, дене жүктемесінен аулақ болу керек, сондай-ақ бактерияға қарсы препаратты ауыстыру үшін дереу жеке дәрігермен байланысу керек. Құрысулар: хинолондар сондай-ақ орталық жүйке жүйесін (ОЖЖ) көтермелеуі мүмкін (ЦНС), бұл тремор, мазасыздық, бас айналуы, сананың шатасуы, елестеулер және құрысулардың туындауына әкелуі мүмкін. Норфлоксацин қабылдайтын пациенттерде аталған реакциялар туындаған кезде препарат қабылдау тоқтатылуы және тиісті шаралар қолданылуы тиіс. Норфлоксацинді ауыр церебральді атеросклероз, эпилепсия және құрысулардың пайда болуына бейім басқа да факторлар сияқты ОЖЖ бұзылыстары белгілі немесе соған күдігі бар пациенттерде сақтықпен қолдану керек. Жоғары сезімталдық реакциялары: ауыр және кейде фатальді аса жоғары сезімталдық (анафилаксиялық) реакциялар тіркелген, кейбірі норфлоксацинді қоса, хинолондар қабылдайтын пациенттерде бірінші дозаны қабылдаудан кейін бірден тіркелген. Кейбір реакциялар жүрек-қантамыр жеткіліксіздігімен, естен танумен, шаншумен, көмейдің немесе беттің ісінуімен, ентігумен, есекжеммен немесе қышынумен қатар жүрді. Норфлоксацинге аллергиялық реакция туындағанда препарат қабылдауды тоқтату керек. Ауыр жедел жоғары сезімталдық реакциялар шұғыл емнің дереу қолданылуын талап етеді. Норфлоксацинді қоса хинолонмен ем алып жатқан пациенттерде аса жоғары сезімталдық салдарынан басқа да ауыр және кейде фатальді жағдайлар сирек байқалды. Бұл реакциялар әдетте көп реттік дозаны енгізгеннен кейін басталады. Клиникалық көріністерге бір немесе одан көп келесі белгілер кіруі мүмкін: қызба, бөртпе немесе ауыр дерматологиялық реакциялар (уытты эпидермальді некролиз, Стивенс-Джонсон синдромы), васкулит, артралгия, миалгия, сарысу құю ауруы, аллергиялық пневмонит, интерстициальді нефрит, жедел бүйрек жеткіліксіздігі, гепатит, сарғаю, жедел некроздық гепатит немесе бауыр жеткіліксіздігі, анемия, оған қоса гемолиздік және апластикалық анемия, тромбоцитопения, тромбоцитопениялық пурпура, лейкопения, агранулоцитоз, панцитопения және/немесе басқа да гематологиялық ауытқулар. Клостридиум диффициле-астасқан диарея: сlostridium difficile-астасқан диарея (CDAD) норфлоксацинді қоса, бактерияға қарсы препараттардың дерлік бәрін пайдаланған кезде байқалды және ауырлық дәрежесі орташа диареядан фатальді колитке дейін қалыптасуы мүмкін. Бактерияға қарсы дәрілермен емделу тоқ ішектің қалыпты флорасының түрленуіне әкеледі және клостридиялардың қатты өсуіне әкелуі мүмкін. Ауру анамнезін мұқият жинау қажет, өйткені CDAD бактерияға қарсы препараттарды қолданғаннан кейін екі айдан астам уақыт өткенде асқынуы белгілі. Егер «жалған жарғақшалы колит» диагнозына күдік болса немесе белгіленсе норфлоксацин қолдануды тоқтату және тиісті ем бастау қажет. Шеткері нейропатия: парестезияға, сезімталдықтың бұзылуына, оның ішінде сезімталдықтың бәсеңдеуіне және норфлоксацинді қоса, хинолондар қабылдайтын пациенттерде әлсіздікке әкелетін сенсорлық немесе сенсорлық-қимылдық аксональді полинейропатия жағдайлары сирек кездесті. Пациенттерде нейропатия симптомдары, оған қоса ауыру, шымылдату сезімі, шаншуды сезіну, қол-аяқтың сіресуі және/немесе әлсіздігі пайда болғанда норфлоксацин қолдануды тоқтату керек. Мерезді емдеу: норфлоксацин тиімділігі мерезді емдегенде дәлелденбеді. Созды емдеуге арналған қысқа уақыт мерзімі ішінде жоғарғы дозаларда қолданылған микробқа қарсы препараттар мерездің даму симптомдарын бүркемелеуі немесе жасыруы мүмкін. Создан зардап шегетін барлық пациенттер мерезге серологиялық тесттен өтулері тиіс. Норфлоксацинмен емделетін пациенттер 3 айдан соң мерезге қайтадан серологиялық тесттен өтулері тиіс. Кристаллурия: препаратты күніне екі рет 400 мг дозада қабылдағанда кристаллурия байқалмайды. Сақтық шаралары ретінде күнделікті ұсынылатын доза арттырылмауы тиіс және пациент гидратацияның тиісті деңгейін және бөлінетін несептің дұрыс мөлшерін қамтамасыз ету үшін жеткілікті мөлшердегі сұйықтық ішуі тиіс. Фотосезімталдық/фотоуыттылық: жарықтың әсері қамтылатын аумақты (негізінен бет, декольте аумағы, білектің иілетін беткейі, қол ұшының сыртқы жағы) қоса, күн сәулесіне реакциялар (мыс. күю, эритема, күлбіреуік, күлдіреуік, ісіну) түрінде көрініс табуы мүмкін фотосезімталдық/фотоуыттылық реакциялары күннің немесе ультракүлгін сәуленің әсеріне түскеннен кейін хинолондар пайдаланумен байланысты болуы мүмкін. Сондықтан бұл жарық көздерінің шамадан тыс әсеріне түсірмеу керек. Фотоуыттылық пайда болғанда дәрі-дәрмекпен емделуді тоқтату қажет. Миастения: норфлоксацинді қоса, хинолондар миастения белгілерін шиеленістіруі және тыныс алу бұлшықетінің өмірге қауіпті әлсіреуіне әкелуі мүмкін. Миастениядан зардап шегетін пациенттерді емдеу үшін норфлоксацинді қоса, фторхинолондарды пайдаланғанда сақтық таныту керек. Жүрек қызметінің бұзылуы: ЭКГ-ға QT аралығын ұлғайтуы мүмкін басқа препараттарды қабылдағандағыдай гипокалиемиядан, брадикардиядан зардап шегетін науқастарды немесе IА кластағы немесе III кластағы аритмияға қарсы препараттармен бір уақытта ем алып жатқан пациенттерді емдеу үшін норфлоксацин қабылдағанда сақтық таныту керек. Норфлоксацинді қоса, кейбір фторхинолондар цисаприд, эритромицин, нейролептиктер, үшциклдық антидепрессанттар қабылдайтын немесе жеке немесе отбасылық анамнезінде ЭКГ-ға QT аралығының ұзару жағдайлары болған пациенттерді емдеу үшін сақтықпен пайдаланылуы тиіс. Норфлоксацинді дәлелденген бактериялық инфекция немесе профилактикалық көрсетілімдер болмаған кезде тағайындау пациентке пайда әкелмейді, бактериялардың дәрілерге төзімділігінің дамуын ұлғайтады. Арнайы ескертулер Фторхинолондық антибиотиктерді, әсіресе егде адамдарда, бүйрегі ауыратын пациенттерде; жүйелі кортикостероидтармен ем алатын пациенттерде; ағзалар трансплантациясы жасалған пациенттерде ерекше сақтықпен пайдалану керек. Бұл науқастарда фторхинолондық және хинолондық антибиотиктермен емдеу нәтижесінде туындауы мүмкін сіңірлердің зақымдану қаупі жоғары. Эпидемиологиялық зерттеулерде фторхинолондарды қолданғаннан кейін, әсіресе егде жастағы пациенттерде аневризма және қолқа қатпарлануының даму қаупі, сондай-ақ фторхинолондарды қабылдағаннан кейін қолқа және митралды клапанның регургитациясы туралы хабарланған. Кейде жарылуымен асқынған (оның ішінде өліммен аяқталған) аневризма мен қолқаның қатпарлану, сондай-ақ фторхинолондарды қабылдау кезінде жүрек клапандарының кез келгенінің регургитация/жеткіліксіздік жағдайлары тіркелген. Демек, фторхинолондарды пайда мен қауіп арақатынасын мұқият бағалағаннан кейін және аневризмаға немесе жүрек клапандарының туа біткен ақауына қатысты отбасылық ауыр анамнезі бар пациенттерде, анамнезінде аневризмасы және/немесе қолқаның қатпарлануы немесе жүрек клапандарының жеткіліксіздігі бар пациенттерде, сондай-ақ, аневризмада және қолқаның қатпарлануы кезінде екі жағдайда да басқа қауіп факторлары немесе осыған бейімдейтін жай-күйлері болған кезде, сондай-ақ, жүрек клапандарының регургитациясы/жеткіліксіздігі кезінде (мысалы, Марфан синдромы немесе Элерс-Данло синдромы, Тернер синдромы, Бехчет ауруы, гипертензия, ревматоидты артрит сияқты дәнекер тіндер тарапынан бұзылулар), сондай-ақ, аневризма және қолқаның қатпарлануы кезінде (мысалы, Такаясу артерииті немесе алып жасушалы артериит немесе белгілі атеросклероз немесе Шегрен синдромы сияқты қан тамырлары аурулары), сондай-ақ жүрек клапандарының регургитациясы/жеткіліксіздігі кезінде (мысалы, инфекциялық эндокардит) басқа емдік мүмкіндіктерді қарастырғаннан кейін ғана пайдалану керек. Жүйелі кортикостероидтармен бір мезгілде ем қабылдайтын пациенттерде аневризма және қолқаның қатпарлану, сондай-ақ жыртылу қаупі артуы мүмкін. Іштің, кеуденің немесе арқаның кенеттен ауыруы кезінде пациенттерге шұғыл көмек алу үшін дереу дәрігерге бару ұсынылады. Пациенттерге қатты ентігу, алғаш рет кенеттен пайда болған жүректің жиі соғуы, сондай-ақ құрсақ қуысының немесе аяқ-қолдардың ісінуі дамыған кезде дереу медициналық көмекке жүгінуге кеңес беру керек. Педиатрияда қолдану – қолдануға болмайды.

Егде жастағылар Егде жастағы пациенттер норфлоксацин сияқты фторхинолондар қабылдау кезінде сіңірлердің үзілуін қоса, сіңірлердің ауыр бұзылыстарының жоғарғы даму қаупіне ұшырайды. Бұл қауіп кортикостероидтармен қатар ем алып жатқан пациенттерде жоғарылайды. Тендинит немесе сіңірлердің үзілуі емделу уақытында немесе одан кейін орын алуы мүмкін; фторхинолондармен ем аяқталғаннан кейін бірнеше ай бойы аурудың туындау жағдайлары тіркелген. Егде жастағы, әсіресе кортикостероидтар қабылдайтын пациенттерді емдеу үшін норфлоксацин тағайындау сақтықпен жүргізілуі тиіс. Пациенттерге аталған потенциалды жағымсыз реакциялар туралы хабарлау және норфлоксацин қабылдауды тоқтатуға және тендиниттің немесе сіңірлер үзілуінің қандай да бір симптомдары туындағанда дәрігермен байланысуға кеңес беру қажет. Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері Норфлоксацин бас айналуын, естен тану алдындағы жай-күйді туындатуы мүмкін, демек, пациенттер көлік құралдарын, аса қауіпті механизмдерді басқарудан немесе қатты көңіл бөлуді және психомоторлық реакциялардың жылдамдығын талап ететін қызметпен айналысудан бұрын норфлоксацинге мұндай реакцияның ықтималдығы туралы хабардар болуы тиіс.

Хинолондар, оның ішінде норфлоксацин CYP1A2 in vitro тежейді. CYP1A2 көмегімен сіңірілетін препараттармен (мысалы: кофеин, клозапин, ропинирол, такрин, теофиллин, тизанидин) өзара әрекеттесуі тіпті әдеттегі дозаларда қабылдағанда қандағы препарат концентрациясының ұлғаюына әкелуі мүмкін. Аталған препараттардың кез келгенін норфлоксацинмен бір уақытта қабылдайтын пациенттер мұқият қадағалануы тиіс. Тизанидин мен норфлоксацинді бір уақытта қабылдау ұсынылмайды. Теофиллиннің қан плазмасындағы жоғары деңгейлері хинолонды қатар қабылдағанда тіркелген. Норфлоксацин мен теофиллинді қатар қабылдаған пациенттерде теофиллинмен байланысты жағымсыз әсерлердің туындау жағдайлары тіркелген. Қан плазмасындағы теофиллин деңгейін бақылау қажет, ал норфлоксацин дозасы қажет жағдайда түзетілуі тиіс. Қан плазмасындағы циклоспорин деңгейінің жоғарылауы циклоспорин мен норфлоксацинді бір уақытта қабылдағанда тіркелген. Осылайша, қан плазмасындағы циклоспорин деңгейлері тексерілуі, ал циклоспорин дозалары бұл препараттарды бір уақытта қабылдағанда тиісті түрде түзетілуі тиіс. Артериялық қысымды потенциалды төмендету қабілетіне ие дәрілік заттармен бір уақытта қолдану күрт гипотензияны туындатуы мүмкін. Хинолондар, оның ішінде норфлоксацин пероральді антикоагулянттардың, оның ішінде варфариннің немесе оның туындылары немесе ұқсас заттардың әсерін күшейтуі мүмкін. Бұл препараттарды бір уақытта қабылдағанда протромбиндік уақытты немесе коагуляцияға қатысты басқа сынамаларды қатаң қадағалау қажет. Хинолондарды, оның ішінде норфлоксацинді, глибуридпен/глибенкламидпен (сульфонилмочевина) қатар қабылдау сирек жағдайларда ауыр гипогликемияға әкеледі. Осылайша, осы дәрілік препараттарды бір уақытта қолданғанда қандағы қант деңгейін бақылау ұсынылады. Норфлоксациннің несеппен аз бөлінуі пробенецид пен норфлоксацинді қатар қабылдағанда тіркелген. Нитрофурантоинді қатар қолдану ұсынылмайды, өйткені нитрофурантоин несеп жолдарындағы норфлоксациннің бактерияға қарсы әсеріне қарсы әрекет етуі мүмкін. Поливитаминдер немесе құрамында темір немесе мырыш, антацидтер немесе сукральфат бар басқа препараттарды норфлоксацинмен бір уақытта немесе оны қабылдаған сәттен бастап 2 сағат бойы қабылдамаған жөн, өйткені олар абсорбцияға кедергі жасауы мүмкін, бұл қан сарысуындағы және несептегі норфлоксацин деңгейінің төмендеуіне әкеледі. Антацидтері немесе диданозині бар шайнайтын/ «буферлік» таблеткалар немесе пероральді қабылдау үшін ерітінді түрінде пайдалануға арналған педиатриялық ұнтақты норфлоксацинмен бір уақытта немесе оны қабылдаған сәттен бастап 2 сағат бойы қабылдамаған жөн, өйткені олар абсорбцияға кедергі жасауы мүмкін, бұл қан сарысуындағы және несептегі норфлоксацин деңгейінің төмендеуіне әкеледі. Кейбір хинолондар кофеин метаболитімен өзара әрекеттесетіні дәлелденген. Норфлоксацинді құрамында кофеин бар өнімдермен бірге қабылдағанда қан плазмасындағы кофеин концентрациясы ұлғаюы мүмкін. Қабынуға қарсы стероидты емес препараттарды (ҚҚСП) хинолондармен, оның ішінде норфлоксацинмен қатар қабылдау ОЖЖ стимуляция қаупін ұлғайтуы және құрысу ұстамалары пайда болуы мүмкін. Осылайша, норфлоксацинді бір уақытта ҚҚСП қабылдайтын адамдарды емдеу үшін сақтықпен пайдаланылуы тиіс. Хинолондар мен фенбуфенді қатар қабылдаудан аулақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25 С-ден аспайтын температурада сақтау керек. Балалардың қолы жетпейтін жерде сақтау керек! Дәріханадан босатылу шарттары Рецепт арқылы