Ноталорон® раствор

1 мл препараттың құрамында белсенді зат - 10.06 мг Н-Пентоксениал, қосымша заттар: натрий хлориді, инъекцияға арналған су Сыртқы түрінің, иісінің, дәмінің сипаттамасы Мөлдір, түссіз немесе әлсіз сарғыштау реңді сұйықтық

• этиологиялары мен патогенездері әр түрлі гепатиттер • бауыр циррозы (терминалды сатысынан басқасында) • бауырдың майлы дегенерациясы

Нұсқаулықта көрсетілмеген.

Дозалау режимі Препарат дәрігердің тағайындауы бойынша қолданылады. Ересектерге препаратты бұлшықет ішіне немесе вена ішіне енгізуге болады. Бұлшықет ішіне енгізу: тәулігіне 2 рет 3 мл-ден. Емдеу курсы 10 күн құрайды (бір курсқа 60 мл). Вена ішіне енгізу: препарат дәрігердің тағайындауы бойынша инъекция түрінде баяу енгізіледі. Емдеудің бастапқы кезеңінде препаратты вена ішіне енгізу, содан кейін бұлшықет ішіне енгізуге ауысу ұсынылады. Емдеу ұзақтығы және қолдану сызбасы пациенттің жағдайының ауырлығына және клиникалық динамикасына байланысты дәрігермен жеке анықталады. Енгізу жолын таңдау пациенттің жағдайына байланысты және оны дәрігер анықтайды Енгізу әдісі және жолы Препарат парентеральді енгізуге (бұлшықет ішіне және вена ішіне) арналған Дәрілік препараттың бір немесе бірнеше дозасын өткізіп алу кезіндегі қажетті шаралар Препаратты қолдануды өткізіп алған жағдайда дозаны түзетудің қажеті жоқ. Емдеуді тағайындалған сызба бойынша жалғастыру керек. Тоқтату симптомдары қаупінің болуына нұсқау Қатысты емес. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында дәрігермен кеңесіңіз.

• препаратқа аса жоғары сезімталдық • балға және құрамында бал бар өнімдерге аллергиялық реакциялар • балалар мен 18 жасқа дейінгі жасөспірімдерге (қауіпсіздігі мен тиімділігі жөнінде мәліметтер жоқ болғандықтан) • жүктілік және лактация кезеңі

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100-ден < 1/10-ға дейін), жиі емес (≥1/1000-ден < 1/100-ге дейін), сирек (≥1/10000-нан < 1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес) Жиі: • тәбеттің артуы Белгісіз: • ұйқысыздық • аллергиялық реакциялар (бөртпе, тері жабындарының қышынуы, есекжем) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары – жағымсыз әсерлерінің күшеюі. Емі - симптоматикалық ем.

Препарат гликемия көрсеткіштеріне клиникалық тұрғыдан маңызды әсер етпейді, бұл көмірсуларға толеранттылығы бұзылған пациенттерде қолдануға мүмкіндік береді. Арнайы сақтандырулар Натрий мөлшері Препараттың құрамында натрий хлориді бар. Бір реттік дозада (1 ампула) 27 мг натрий бар. Мұны натрий мөлшері шектелген диетаны ұстанатын пациенттерге тағайындағанда ескеру керек. Педиатрияда қолдану Ноталорон® препаратын балалар мен 18 жасқа дейінгі жасөспірімдерде қолданудың қауіпсіздігі мен тиімділігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік немесе қауіптілігі зор механизмдерді басқару қабілетіне әсер етпейді.

Препаратты жүктілік кезінде және бала емізу кезінде қолдануға болмайды.

Басқа дәрілік препараттармен клиникалық тұрғыдан елеулі өзара әрекеттесулері анықталған жоқ.Препаратты кешенді ем құрамында тағайындау кезінде дәрілік заттардың ықтимал өзара әрекеттесулерін ескеру ұсынылады

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!