Но-шпа® раствор 40 мг/2 мл

2 мл ерітіндінің құрамында белсенді зат - дротаверин гидрохлориді, 40.0 мг қосымша заттар: натрий метабисульфиті, 96% этанол, инъекцияға арналған су. Сыртқы түрінің, иісінің, дәмінің сипаттамасы Жасылдау-сары түсті мөлдір сұйықтық

- өт шығару жолдары ауруларындағы тегіс бұлшықеттер түйілуінде: холецистолитиаз, холангиолитиаз, холецистит, перихолецистит, холангит, папиллит - несеп шығару жолдары тегіс бұлшықеттері түйілуінде: нефролитиаз, уретролитиаз, пиелит, цистит, қуық тенезмі Қосымша ем ретінде (пациент таблетка қабылдай алмайтын жағдайда): - асқазан-ішек жолдары тегіс бұлшықеттерінің түйілуінде: асқазанның және он екі елі ішектің ойық жара ауруында, гастритте, кардия және қақпа түйілуінде, энтеритте, колитте - гинекологиялық ауруларда: дисменорея (ауырумен жүретін етеккір)

Но-шпа тегіс бұлшықеттерге тікелей спазмолитикалық әсер ететін изохинолин туындысы болып табылады. Фосфодиэстераза ферментін тежеуі және соңынан цАМФ деңгейін арттыруы препараттың әсер ету механизмін анықтайтын фактор болып табылады және миозин киназасының жеңіл тізбегінің (МКЖТ) белсенділігін жою арқылы тегіс бұлшықеттердің босаңсуына алып келеді. Но-шпа ФДЭ III және ФДЭ V изоферменттерін тежеусіз фосфодиэстераза (ФДЭ) IV ферментін in vitro тежейді. Іс жүзінде, ФДЭ IV тегіс бұлшықеттердің жиырылу қабілетін төмендетуде маңызды орны бар; осыған байланысты ФДЭ IV селективті тежегіштері асқазан-ішек жолдарының тегіс бұлшықеттерінің түйілу жай-күйімен қатарлас жүретін гиперкинетикалық бұзылуларды және әртүрлі ауруларды емдеуде пайдалы болуы мүмкін. ФДЭ III ферменті миокардтың және тамырлардың тегіс бұлшықеттерінің жасушаларында цАМФ гидролиздейді. Но-шпа вегетативтік иннервация типіне байланыссыз, асқазан-ішек жолдарындағы, өт шығару жолдарындағы, несеп-жыныс жүйелеріндегі және тамырлардағы тегіс бұлшықеттерге бірдей әсер етеді. Қантамырды кеңейтетін әсерінің арқасында Но-шпа тіндердің қанмен жабдықталуын жақсартады. Дротавериннің әсері папаверинге қарағанда күштірек, ал сіңуі тезірек және толық, қан сарысуындағы ақуыздармен азырақ байланысады. Оның артықшылығы папаверинді парентеральді енгізуден кейін байқалатын тыныс алу жүйесіне ынталандырушы жанама әсерінің болмауында.

Дозалау режимі Ересектер: ұсынылатын доза күніне бұлшықет ішіне 40-240 мг (1-3 қабылдауға бөлінген) құрайды. Бүйрек-тас немесе өт-тас ауруларында жедел шаншуларын басу үшін: вена ішіне 40-80 мг. Енгізу әдісі мен жолы Бұлшықет ішіне, вена ішіне.

- белсенді затқа немесе препараттың кез келген қосымша заттарына жоғары сезімталдық - натрий метабисульфитіне жоғары сезімталдық - бауыр немесе бүйректің ауыр жеткіліксіздігі - жүректің ауыр жеткіліксіздігі (жүректің лықсыту төмендігі синдромы) - 18 жасқа дейінгі балалар мен жасөспірімдер

Сирек - бас ауруы, бас айналу, ұйқысыздық - жүрек қағуының жоғарылауы, қан қысымының төмендеуі - аллергиялық реакциялар (ангионевроздық ісіну, есекжем, бөртпе, қышу). - жүрек айну, іш қату - инъекция орнындағы жергілікті реакциялар Белгісіз - инъекциялар түрінде емделген емделушілерде өліммен аяқталатын және өлімге әкелмейтін анафилактикалық шок хабарланды Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: дротавериннің шамадан тыс дозасы жүрек өткізгіштігінің және жүрек ырғағының бұзылуына, соның ішінде толық қарыншааралық блокадаға және өліммен аяқталатын жүректің тоқтауына әкелуі мүмкін. Емі: Артық дозаланған жағдайда пациентті мұқият бақылау керек, симптоматикалық және демеуші ем қабылдауға ұсынылады.

Коллапс дамуының жоғары қаупін ескеру керек: гипотензияда препарат қолдану ерекше сақтықты талап етеді. Коллапс қаупіне байланысты препаратты вена ішіне енгізуде науқас тек жатқан қалыпта болуы тиіс. Препаратты жүктілік кезінде қабылдаған кезде ерекше сақтықты сақтау керек. Қосымша заттар Натрий метабисульфиті Препарат құрамында натрий метабисульфиті бар, ол сезімтал адамдарда, әсіресе анамнезінде бронх демікпесі немесе аллергиялық реакциялары бар адамдарда анафилаксиялық симптомдар және бронх түйілуін қоса аллергиялық реакциялар туындатуы мүмкін. Натрий метабисульфитіне жоғары сезімталдығы бар пациенттерге инъекцияны енгізуге болмайды. Натрий құрамы Препараттың құрамында 2 мл ампулада 1 ммольден (23 мг) аз натрий бар, яғни оның құрамында натрий іс жүзінде жоқ. Арнайы ескертулер Педиатрияда қолдану Балалардың қатысуымен клиникалық зерттеулер жүргізілген жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдік дозаларын парентеральді, әсіресе вена ішіне тағайындағанда, автомобиль және басқа да механизмдерді басқару сияқты қауіптілігі зор қызметтен тартына тұруы керектігін пациенттерге ескерту керек.

Препаратты ішке қабылдау кезіндегі ретроспективті зерттеулер, сондай-ақ жануарларға жүргізілген зерттеулер жүктілікке, эмбриональды дамуға, босануға немесе босанғаннан кейінгі кезеңге тікелей немесе жанама жағымсыз әсер ету белгілерін анықтаған жоқ. Дегенмен, препаратты жүкті әйелдерге тағайындаған кезде сақтық шараларын күшейту керек. Дротаверинді босану кезінде қолдануға тыйым салынады. Клиникалық зерттеу деректерінің болмауы салдарынан препаратты бала емізу кезеңінде тағайындау ұсынылмайды. Ұрпақ өрбіту функциясына препараттың әсері туралы деректер жоқ.

Папаверин сияқты, фосфодиэстераза тежегіштері леводопаның паркинсонға қарсы әсерін азайтады. Сондықтан, Но-шпа препаратын леводопамен бір уақытта қолданғанда тремор және сіресу күшеюі мүмкін, сақтық сақтау қажет. М-холиноблокаторларды қоса басқа спазмолитикалық дәрілер: өзара спазмолитикалық әсердің күшеюі.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 оС-ден аспайтын температурада сақтау керек. Балалардың қолы жетпейтін жерде сақтау керек!