Нупента таблетки 20 мг

Бір таблетканың құрамында: белсенді зат – натрий пантопразолы 42.292 мг (40 мг пантопразолға баламалы) қосымша заттар: маннитол, кросповидон, сусыз натрий карбонаты, кальций стеараты қабықтың жабынына арналған құрамы: гипромеллоза, повидон, пропиленгликоль, титанның қостотығы (Е171), темірдің (III) сары тотығы (Е172) ішекте еритін қабықтың құрамы: метилакрил қышқылы диспергирленген кополимері ( Эудрагит L 30 D 55), триэтилцитраты Сыртқы түрінің, иісінің және дәмінің сипаттамасы Ішекте еритін қабықпен қапталған, сары түсті, сопақша пішінді, екі жақ беті дөңес, екі жағынан тегіс таблеткалар.

- гастроэзофагеальді рефлюкстік аурумен (ГЭРА) байланысты эрозиялық эзофагитті (ЭЭ) ересектер мен 12 жастан асқан балаларды емдеу - H. Pylori инфекциясымен байланысты жаралары бар ересек пациенттерде тиісті антибиотикалық терапиямен біріктірілген Helicobacter pylori (H. pylori) эрадикациясы - ересектерде асқазан мен он екі елі ішектің ойық жарасын емдеу - Золлингер-Эллисон синдромын қоса, патологиялық гиперсекреторлық жағдайлар ұзақ мерзімді ересектерде емдеу Дәрілік препаратты қолданудың басталуына дейінгі қажетті мәліметтер тізбесі

Әсер ету механизмі Пантопразол париетальді жасушалардың протонды помпаларының спецификалық блокадасы арқылы асқазандағы тұз қышқылының секрециясын басатын орын басқан бензимидазол болып табылады. Пантопразол париетальді жасушалардағы қышқылды орта жағдайында өзінің белсенді түріне айналады, онда ол H+, K+-АТФаза ферментінің белсенділігін басады, яғни асқазанда тұз қышқылының қалыптасуының қорытынды кезеңін бөгейді. Белсенділіктің бәсеңдеуі дозаға байланысты болып табылады және нәтижесінде базальді, сондай-ак қышқыл секрециясын көтермелеуі де төмендейді. Көптеген пациенттерде симптомдар 2 апта ішінде жоғалады. Пантопразолмен емдеу кезінде, протонды помпаның басқа да тежегіштерін және H2-рецепторлардың блокаторларын пайдаланған кезде, асқазандағы қышқылдық төмендейді және сол арқылы гастрин деңгейі қышқылдықтың төмендеуіне пропорционалды жоғарылайды. Гастрин деңгейінің жоғарылауы қайтымды. Пантопразол ферментті жасушалық рецепторға қатысты дистальді байланыстыратындықтан, ол басқа заттармен (ацетилхолин, гистамин, гастрин) стимуляциясына қарамастан тұз қышқылының секрециясын тежей алады. Препаратты пероральді және вена ішіне қолданған кездегі әсері бірдей. Фармакодинамикалық әсерлері Пантопразолды қолданғанда аш қарынға гастрин деңгейі жоғарылайды. Препаратты қысқа мерзімді қолданғанда гастрин деңгейі көп жағдайда қалыптың жоғарғы шегінен аспайды. Ұзақ емдеген кезде гастрин деңгейі көп жағдайда екі есе артады. Алайда гастрин деңгейінің шамадан тыс артуы тек бірлі-жарым жағдайларда ғана байқалады. Осының салдарынан ұзақ емдеудегі жағдайлардың аздаған қатарында асқазандағы (аденоматоидты гиперплазия сияқты) спецификалық эндокриндік (энтерохромаффин тәрізді/ECL) жасушалар санының әлсіз немесе орташа ұлғаюы байқалады. Алайда, қазіргі уақытта жүргізілген зерттеулерге сәйкес, обыр ісіктерінің (атиптік гиперплазия) немесе жануарларға жүргізілген эксперименттерде анықталған асқазан ісіктерінің ізашар-жасушаларының түзілуі (5.3-бөлімді қараңыз) адамдарда байқалған жоқ. Жануарларға жүргізілген зерттеу нәтижелеріне сүйене отырып, пантопразолмен ұзақ (1 жылдан астам) емдеудің қалқанша безінің эндокриндік параметрлеріне әсерін жоққа шығаруға болмайды. Секрецияға қарсы дәрілік препараттармен емдеу кезінде қышқыл секрециясының төмендеуіне жауап ретінде гастрин сарысуы жоғарылайды. Сондай-ақ, асқазан қышқылдығының төмендеуіне байланысты CgA жоғарылайды. CgA деңгейінің жоғарылауы нейроэндокринді жаңа түзілімдерді зерттеуге әсер етуі мүмкін. Қолда бар жарияланымдар протонды помпа тежегіштерін емдеуді CgA зерттеуіне дейін 5 күннен 2 аптаға дейін тоқтату керек екенін куәландырады. Бұл CgA деңгейіне қалыпқа келуге мүмкіндік береді, әйтпесе ол протонды помпа тежегіштерін емдеуге байланысты жалған болуы мүмкін.

Дозалау режимі Ересектер және 12 жастан асқан балалар Рефлюкс-эзофагит Күніне бір рет 1 таблеткадан (40 мг) ұсынылады, қажет болған жағдайда дозаны күніне 2 таблеткаға дейін арттыруға болады. Ересектер Тиісті антибиотикалық терапиямен біріктірілген H. pylori эрадикациясы Емдеу бактериялардың төзімділігін, сондай-ақ бактерияға қарсы препараттарды дұрыс қолдану мен тағайындауды ескере отырып жүргізілуі керек. H. рylori эрадикациясы үшін резистенттілік сипатына байланысты мынадай препараттардың комбинациясын пайдалану ұсынылады: 1) 1 таблеткадан Нупента (40 мг) күніне екі рет + 1000 мг амоксициллин күніне екі рет + 500 мг кларитромицин күніне екі рет; 2) 1 таблеткадан Нупента (40 мг) күніне екі рет + 400-500 мг метронидазол күніне екі рет (немесе 500 мг тинидазол) + 250-500 мг кларитромицин күніне екі рет; 3) 1 таблеткадан Нупента (40 мг) күніне екі рет + 1000 мг амоксициллин күніне екі рет + 400-500 мг метронидазол күніне екі рет (немесе 500 мг тинидазол). Асқазан мен он екі елі ішектің ойық жарасын емдеу. Ұсынылатын доза - күніне бір рет 1 таблеткадан (40 мг). Кейбір жағдайларда доза күніне 2 таблеткаға дейін екі есе артуы мүмкін, әсіресе басқа емдеуге жауап болмаған кезде. Золлингер-Эллисон синдромын қоса алғанда, патологиялық гиперсекреторлық жағдайларды ұзақ емдеу Ұсынылатын доза - күніне бір рет 2 таблеткадан (80 мг). Содан кейін, қажет болған жағдайда, дозаны асқазан сөлінің қышқылдық көрсеткіштеріне байланысты арттыруға немесе азайтуға болады. Күніне 80 мг-нан жоғары дозаларды бөлу және күніне екі рет қолдану керек. Пантопразол дозасы 160 мг-нан артық уақытша жоғарылатылуы мүмкін, бірақ ол қышқылдықты бақылауға қол жеткізу үшін талап етілгеннен ұзаққа созылмауы тиіс. Пациенттердің ерекше топтары Балалар Нупента 12 жасқа толмаған балаларда қолдануға болмайды, өйткені осы жас тобында препаратты қолданудың қауіпсіздігі мен тиімділігі туралы деректер аз. Егде жастағы пациенттер Егде жастағы емделушілерге дозаны түзету қажет емес. Бауыр жеткіліксіздігі Бауыр функциясының ауыр бұзылулары бар пациенттерге препараттың тәуліктік дозасы күніне 20 мг аспауы тиіс. Бауырдың орташа немесе ауыр аурулары бар пациенттерге Helicobacter pylori эрадикациясы үшін пантопразолды қабылдауға болмайды. Бүйрек жеткіліксіздігі бар пациенттер Бүйрек функциясы бұзылған пациенттер дозаны түзету талап етілмейді. Бүйрек функциясы бұзылған пациенттерге Helicobacter pylori эрадикациясы үшін пантопразолды қабылдауға болмайды. Енгізу әдісі мен жолы Ішке қабылдау үшін. Нупента таблеткалары шайнауға немесе езуге арналмаған, оларды сумен іше отырып, тамақ ішуден 1 сағат бұрын тұтас жұту керек. H. pylori эрадикациясы үшін біріктірілген ем жағдайында пантопразолдың бірінші таблеткасы таңғы астан 1 сағат бұрын, пантопразолдың екінші таблеткасы кешкі астан 1 сағат бұрын тұтынылуы тиіс. Емдеу ұзақтығы Гастроэзофагеальды рефлюкстік ауруымен (ГЭРА) байланысты эрозиялық эзофагитті (ЭЭ) ұсынылатын емдеу курсы 4 апта, қажет болған жағдайда емдеуді 4 аптаға дейін ұзартуға болады. Біріктірілген Helicobacter pylori эрадикациясынын терапия жағдайында 7 күн бойы жүргізіледі және жалпы ұзақтығы 2 аптаға дейін тағы 7 күн бойы жалғасуы мүмкін. Егер жараларды емдеуге кепілдік беру үшін пантопразолмен емдеуді жалғастыру көрсетілсе, асқазан мен он екі елі ішектің жарасына ұсынылған тиісті дозаларды қолдану керек. Ересектердегі асқазан жарасын емдеу үшін әдетте 4 апта қажет, егер бұл уақыт жеткіліксіз болса, сауығуға тағы 4 апта ішінде қол жеткізуге болады. Ересектерде он екі елі Ішекті емдеу үшін әдетте 2 апта қажет, егер бұл уақыт жеткіліксіз болса, сауығуға тағы 2 апта ішінде қол жеткізуге болады. Золлингер-Эллисон синдромы кезінде және басқа патологиялық гиперсекреторлық жағдайлар кезінде емдеу ұзақтығы шектелмейді және емдеу мерзімдері клиникалық қажеттілікке байланысты реттеледі. Дәрілік препараттың бір немесе бірнеше дозасын өткізіп алған кезде қажетті шаралар Егер келесі дозаның уақыты келсе, өткізіп алған дозаны өткізіп жіберіңіз және әдеттегі жоспарланған уақытта келесі дозаны қабылдаңыз. Бір уақытта 2 дозаны қабылдамаңыз. Қолдану бойынша сұрақтар туындаған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

- пантопразолға, басқа ауыстырылған бензимидазолдарға немесе препараттың басқа компоненттеріне аса жоғары сезімталдық - пантопразолды атазанавирмен немесе нелфинавирмен бірге қолдану - жүктілік және лактация кезеңі - 12 жасқа дейінгі балалар

Ең жиі тіркелетін жағымсыз дәрілік реакциялар диарея және бас ауыруы болып табылады, екеуі де пациенттердің шамамен 1% пайда болады. Төменде пантопразолды пайдалану кезінде тіркелген және келесі жиілік жіктеуіне сәйкес орналасқан жағымсыз реакциялар көрсетілген: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10 000-нан <1/1000-ға дейін), өте сирек (<1/10 000), жиілігі белгісіз (жиілігін қолда бар деректер бойынша анықтау мүмкін емес). Жиі • асқазан түбінің безді полиптері (қатерсіз) Жиі емес - ұйқының бұзылуы - бас ауыруы, бас айналуы - ауыздың құрғауы, іштің ауыруы және жайсыздығы диарея, жүрек айну, құсу, іштің кебуі, іш қату - бауыр ферменттері деңгейінің жоғарылауы (трансаминаза, γ- глютамил-транспептидаза) - бөртпелер, экзантема, терінің қышуы, терідегі бөртпелер - жамбас, білек және омыртқаның сынуы - жалпы әлсіздік, шаршау, шаршағыштық, өзін нашар сезіну Сирек - агранулоцитоз - белсенді және көмекші заттарға жоғары сезімталдық препараттың компоненттеріне (анафилактикалық реакцияларды және анафилактикалық шокты қоса алғанда)) - гиперлипидемия, триглицеридтер, холестерин деңгейінің жоғарылауы - билирубин құрамының жоғарылауы - салмақтың өзгеруі - дәм бұзылыстары - депрессия (және барлық ілеспе асқынулар) - көрудің бұзылуы / көрудің анық еместігі - есекжем, ангионевроздық ісіну - артралгии, миалгии - гинекомастия - дене температурасының жоғарылауы, шеткергі ісінулер Өте сирек - тромбоцитопения, лейкопения, панцитопения - кеңістіктегі бағдардың жоғалуы (және онымен байланысты барлық асқынулар) Жиілігі белгісіз (қолда бар деректер негізінде бағалау мүмкін емес) - гипонатриемия, гипомагниемия - гипокальциемия, гипокалиемия - галлюцинация, сананың шатасуы (әсіресе сондай-ақ, егер олар емдеу басталғанға дейін болған болса, осы симптомдардың нашарлауы) - парестезиялар - гепатоцеллюлярлық зақымданулар, сарғаю, гепатоцеллюлярлық жеткіліксіздігі - Стивенс-Джонсон синдромы, Лайелл синдромы, полиморфты эритема, фотосезімталдық, эозинофилиямен және жүйелік симптомдармен (DRESS-синдромы) дәрілік реакция, жітілеу тері қызыл жегі - бұлшықет спазмасы - гематурия, ісінулер, импотенция - тубулоинтерстициальді нефрит (бүйрек жеткіліксіздігіне ықтимал үдеумен) - микроскопиялық колит Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: жағымсыз әсерлерінің айқындығы күшеюі. Емі: препаратты тоқтату. Симптоматикалық және қолдау терапиясы. Препарат гемодиализ арқылы шығарылмайды.

Пантопразолмен емге симптоматикалық жауап асқазанда қатерлі жаңа түзілімнің болуын жоққа шығармайды. Осыған байланысты, емдеуді бастар алдында қатерлі жаңа түзілімнің ықтималдығын жоққа шығару керек. Егер сіз жүкті болсаңыз немесе жүкті болуды жоспарласаңыз, қандағы магний деңгейі төмен болса, дәрігерге хабарлаңыз. Нупента сіздің болашақ балаңызға зиян тигізуі мүмкін. Егер сіз жүкті болсаңыз немесе сіз емізетін болсаңыз немесе емізуді жоспарласаңыз, дәрі-дәрмекпен емдеу кезінде жүкті бола аласыз деп ойласаңыз, дәрігерге хабарлаңыз. Нупента енуі мүмкін емшек сүті. Егер сіз Нупент қабылдасаңыз, балаңызды қалай жақсы тамақтандыру керектігі туралы дәрігермен сөйлесіңіз. Арнайы сақтандырулар Асқазандағы қатерлі жаңа түзілімдер Мазасыздық белгілері пайда болған жағдайда (мысалы, дене салмағының елеулі жоғалуы, мезгіл-мезгіл құсу, жұтудың бұзылыстары, гематемезис, анемия немесе мелена) немесе асқазанның ойық жарасына күдік болғанда/ойық жарасы болғанда қатерлі процесті болдырмау керек, өйткені Нупентамен емдеу симптомдарды әлсіретіп, кеш диагноз қоюға әкелуі мүмкін. Егер тиісінше жүргізілген емге қарамастан симптомдар сақталса, қосымша зерттеулер жүргізу керек. Цианокобаламин (B12 дәрумені) тапшылығы Золлингер-Эллисон синдромынан және басқа ұзақ емдеуді қажет ететін патологиялық гиперсекреторлық аурулардан зардап шегетін пациенттерде, пантопразол, қышқылды бөгейтін барлық дәрілік заттар сияқты, гипо- немесе ахлоргидрияға байланысты B12 дәруменінің (цианокобаламиннің) сіңуін төмендетуі мүмкін. Бұл ұзақ емдеген кезде немесе қатар жүретін клиникалық симптомдар болған кезде B12 дәруменінің қоры азайған немесе сіңірілуі төмендеген қауіп факторлары бар пациенттерде ескерілуі тиіс. Бактериялардан туындаған асқазан-ішек инфекциясы ПСТ қолдану кезінде (мысалы, пантопразол) асқазан бактериялары тудыратын диарея қаупі шамалы артады, мысалы Salmonella, Campylobacter немесе Clostridium difficile. Бұл диагнозды емге жауабы жоқ диарея кезінде қарастыру керек. Сүйектердің сынуы ППТ, әсіресе жоғары дозаларда пайдаланғанда және ұзақ уақыт (>1 жыл) емдегенде, көбінесе егде адамдарда немесе басқа да жалпы танылған қауіп факторлары болған кезде ортан жіліктің, білезік сүйектерінің және омыртқаның сынуы қаупін орташа арттыра алады. Препараттың жоғары дозаларын немесе ұзақ уақыт ем алған пациенттерде сыну қаупі жоғарылады. Зерттеулер көрсеткендей, ППТ сынудың жалпы қаупін 10-40% арттыруы мүмкін. Остеопороз қаупі бар пациенттер қолданыстағы клиникалық нұсқаулықтарға сәйкес ем алуы және D дәрумені мен кальций жеткілікті мөлшерде болуы тиіс. Гипомагниемия Гипомагниемияның ауыр түрі ППТ (мысалы, пантопразол) кемінде үш ай бойы, ал көп жағдайда жыл бойы, ем қабылдайтын пациенттерде кездеседі. Қажығыштық, тетания, қозғыштық, құрысулар, бас айналуы және қарыншалық аритмия түрінде білінетін психикалық бұзылыстар сияқты гипомагниемияның күрделі белгілері де осы дәрілік затты қолдануға байланысты басталуы мүмкін, бірақ олар елеусіз өтуі және нәтижесінде диагностикаланбауы да мүмкін. Гипомагнемия гипокальциемияға және гипокалиемияға әкелуі мүмкін. Пациенттердің көпшілігінде гипомагниемия (және гипокальциемия және/немесе гипокалиемия гипомагниемиямен байланысты) магний препараттарымен алмастыру терапиясынан және ППТ қабылдауды тоқтатқаннан кейін жақсарады. Ұзақ емдеу ұсынылған немесе ППТ дигоксинмен немесе гипомагниемия туындатуға ықпалды дәрілік заттармен (мысалы диуретиктер) бірге қабылдайтын пациенттер үшін ППТ қолдануды бастағанға дейін, сондай-ақ ем уақытында магний деңгейін өлшеу жөнінде емдеуші дәрігердің ұсыныстары керек. Жүйелі қызыл жегі ПСТ қолдануды, өте сирек жағдайларда өткір тері пішінінің жүйелі қызыл жегі (ӨТЖҚЖ) дамуымен байланыстырады. Бұл өзгерістер көбінесе терінің ашық жерлерінде күн сәулесінің әсерінен болады, егер олар буындардың ауыруымен қатар жүрсе, пациент препаратты тоқтату қажеттілігі туралы мәселені шешу үшін дер кезінде дәрігерге жүгінуі тиіс. Анамнезінде осындай реакциялары бар пациенттерде басқа протонды сорғы тежегіштерін қолданған кезде ӨТЖҚЖ даму қаупі жоғары. Бауыр жеткіліксіздігі Бауырдың ауыр жеткіліксіздігімен ауыратын пациенттерде пантопразолмен емдеу кезінде, әсіресе ұзақ ем кезінде бауыр ферменттерінің деңгейіне мезгіл-мезгіл мониторинг жүргізу қажет. Бауыр ферменттерінің деңгейі жоғарылаған жағдайда емдеуді тоқтату керек. Аралас терапия Біріктірілген ем кезінде тиісті дәрілік заттардың қысқаша сипаттамасын басшылыққа алған жөн. Ұзақ мерзімді емдеу Ұзақ ем жүргізу, әсіресе ұзақтығы 1 жылдан астам, пациенттерді тұрақты бақылауды талап етеді. Зертханалық зерттеулермен өзара әрекеттесу Хромогранин а (CgA) деңгейінің жоғарылауы нейроэндокринді ісіктерді зерттеуге кедергі келтіруі мүмкін. Бұл кедергіні болдырмау үшін Нупента препаратымен емдеуді CgA зерттеуіне дейін кемінде 5 күн бұрын тоқтату керек. Егер бастапқы зерттеуден кейін CGA және гастрин деңгейі қалпына келмесе, сынақтарды ПСТ емдеуді тоқтатқаннан кейін 14 күн өткен соң қайталау керек. Егде жастағы науқастар 65 және одан жоғары жастағы пациенттерде жағымсыз реакциялардың туындау жиілігі және зертханалық бұзылулардың көрсеткіштері 65 жастан кіші пациенттердің көрсеткіштерімен ұқсас болады. Егде жастағы пациенттерге дозаны түзету қажет емес. Жынысы Жағымсыз реакциялар аурушаңдығының көрсеткіштері ерлер мен әйелдер үшін бірдей болды. Кейбір қосымша заттар туралы ақпарат Бұл дәрілік препараттың құрамында бір таблеткада 1 ммоль (5 мг) аз мөлшерде натрий бар, яғни "іс жүзінде натрий жоқ". Маннитол Препараттың құрамында маннитол болғандықтан, ол орташа әлсірететін әсер тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу және көру қабілетінің бұзылуына байланысты көбірек назар аударуды қажет ететін көлік құралдарын және басқа механизмдерді басқарудан аулақ болу керек.

Жүктілік Пантопразолмен байланысты ауыр ақаулар немесе жүктіліктің басқа қолайсыз нәтижелері туралы ақпарат жоқ. Нупентке жүктілік кезінде қолдануға кеңес берілмейді, егер мұндай әдіс айқын қажеттілік болмаса. Лактация кезеңі Зерттеулер пантопразолдың ана сүтіне бөлінетінін көрсетті. Осылайша, Нупентаны емшек емізу кезеңінде қолдану ұсынылмайды.

Препаратты протонды помпаның басқа тежегіштерімен (ППТ) немесе Н2-рецепторлардың блокаторымен бір мезгілде қабылдауға болмайды. АИТВ протеаза ингибиторлары Атазанавир немесе нелфинавирді протонды сорғы тежегіштерімен бірге пайдалану ұсынылмайды. Атазанавирді немесе нелфинавирді ППТ бірге енгізу атазанавирдің немесе нелфинавирдің плазмадағы концентрацияларын едәуір төмендетеді деп күтіледі және емдік әсердің жоғалуына және дәріге төзімділіктің дамуына әкелуі мүмкін. Егер АИТВ протеаза тежегішін ППТ біріктіріп пайдалану қажет деп есептелсе, мұқият клиникалық бақылау жүргізу ұсынылады (мысалы, вирустық жүктемені анықтау). Пантопразолдың дозасы күніне 20 мг аспауы тиіс. АИТВ протеаза тежегішінің дозасын түзету қажет болуы мүмкін. Кумариндік антикоагулянттар ((фенпрокумон немесе варфарин) Варфаринді немесе фенпрокумонді пантопразолмен бірге қолданғанда Халықаралық қалыптасқан қатынас (ХҚҚ) өзгерістерінің бірнеше жеке жағдайлары байқалған. Варфаринмен немесе фенпрокумонмен пантопразол алатын пациенттер ХҚҚ және протромбин уақытының ұлғаюын анықтау үшін бақылауда болуы тиіс. Асқазан рН-ы биожетімділігіне әсер етуі мүмкін препараттар Пантопразол асқазандағы қышқыл сөлінісінің ұзақ тежелуін туындатады. Осылайша, пантопразол асқазан рН-ы олардың биожетімділігінің маңызды детерминанты болып табылатын дәрілердің сіңірілуіне кедергі болуы мүмкін (мысалы, кетоконазол, итраконазол, позаконазол, эрлотиниб). Метотрексат Метотрексаттың жоғары дозаларын және ППТ бір мезгілде қолдану кейбір науқастарда метотрексат деңгейінің және/немесе оның метаболиті гидроксиметотрексаттың ұлғаюына әкеледі. Сондықтан метотрексаттың жоғары дозаларын (мысалы, 300 мг), мысалы, қатерлі ісік немесе псориаз кезінде, пантопразолды уақытша тоқтату туралы мәселені қарастыру қажет болуы мүмкін. Өзара әрекеттесудің басқа зерттеулері Пантопразол P450 цитохромының ферменттік жүйесінің көмегімен бауырда белсенді метаболизденеді. Метаболизмнің негізгі жолы CYP2C19 изоэнзимімен деметилдену болып табылады, ал метаболизмнің басқа жолдарының арасында CYP3A4 изоэнзимімен тотығу байқалады. Осы изоферменттердің (карбамазепин, диазепам, глибенкламид, нифедипин және құрамында левоноргестрел және этинилэстрадиол бар пероральді контрацептивтер) көмегімен метаболизденетін басқа дәрілік препараттармен өзара әрекеттесуді зерттеуде клиникалық маңызды өзара әрекеттесу анықталған жоқ. Пантопразолдың басқа дәрілік препараттармен немесе сол ферменттік жүйенің көмегімен метаболизденетін заттармен өзара әрекеттесуін жоққа шығаруға болмайды. Өзара әрекеттесудің әртүрлі зерттеулерінің нәтижелері пантопразолдың CYP1A2 (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 (мысалы, этанол) изоферменттері арқылы метаболизденетін белсенді заттардың метаболизміне әсер етпейтінін және кедергі жасамайтынын көрсетеді Р-гликопротеинмен байланысқан дигоксинді сіңіру. Бірлесіп қабылданған антацидтермен өзара әрекеттесу байқалмады. Сондай-ақ, пантопразолдың тиісті бірлескен антибиотиктермен (кларитромицин, метронидазол, амоксициллин) өзара әрекеттесуіне зерттеулер жүргізілді. Клиникалық маңызды өзара әрекеттесу табылған жоқ. CYP2C19 изоферментінің белсенділігін басатын немесе күшейтетін дәрілік препараттар: Флувоксамин сияқты CYP2C19 изоферменті белсенділігінің тежегіштері пантопразолдың жүйелік экспозициясын арттыруы мүмкін. Пантопразолдың жоғары дозаларымен ұзақ уақыт ем алатын пациенттерге немесе бауыр жеткіліксіздігі бар пациенттерге дозаны төмендету қажет болуы мүмкін. Рифампицин және шайқұрай (Hypericum perforatum) сияқты CYP2C19 және CYP3A4 изоферменттерінің белсенділігі индукторлары осы ферменттік жүйелер көмегімен метаболизденетін ПСТ плазмасындағы концентрацияны төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 оС-ден аспайтын температурада сақтау керек. Балалардың қолы жетпейтін жерде сақтау керек!