Нурофен® таблетки 200 мг

Бір таблетканың құрамында: белсенді зат - 200.0 мг ибупрофен; қосымша заттар: натрий кроскармеллозасы, натрий лаурилсульфаты, натрий цитраты, стеарин қышқылы, коллоидты кремнийдің қос тотығы; қабықтың құрамы: натрий кармеллозасы, тальк, акация шайыры, сахароза, титанның қостотығы (Е171), макрогол 6000, тазартылған су; жазуға арналған сия: қара сия [Опакод S-1–277001]. Сыртқы түрінің, иісінің, дәмінің сипаттамасы Дөңгелек пішінді, екі жағы дөңес, таблетканың бір жағында қара түспен NUROFEN жазуы бар ақ немесе ақ дерлік түсті қабықпен қапталған таблеткалар. Сындыратын жерінде – ақ немесе ақ дерлік масса.

Келесі жағдайларда ауырсынуды жеңілдету: - бас және тіс ауыруы - бас сақинасы - ауыртып келетін етеккір - невралгиялар - арқаның ауыруы - бұлшықет және ревматизмдік ауырсынулар - тұмау және суық тию аурулары кезіндегі қызбалы жай-күй

Әсер ету механизмі Қабынуға қарсы стероидты емес препараттар (ҚҚСП) тобынан пропион қышқылының туындысы ибупрофеннің әсер ету механизмі простагландиндер - ауырсыну, қабыну және гипертермиялық реакция медиаторларының синтезін тежеуімен шартталған. 1 (ЦОГ-1) және 2 (ЦОГ-2) циклооксигеназаны (ЦОГ-1) таңдамай бөгейді, сол арқылы простагландиндер синтезін тежейді. Фармакодинамикалық әсерлері Ауырсынуға қарсы (ауырсынуды басатын), ыстықты түсіретін және қабынуға қарсы жылдам бағытталған әсерге ие. Сонымен қатар, ибупрофен тромбоциттер агрегациясын қайтымды тежейді. Ауырсынуды басатын әсер 8 сағатқа дейін созылады (клиникалық дәлелдерге сүйене отырып, 2 таблетка Нурофенмен (400 мг ибупрофен)). Клиникалық тиімділігі және қауіпсіздігі Эксперименттік деректер ибупрофенді ацетилсалицил қышқылымен бір мезгілде қолданған кезде тромбоциттер агрегациясына аспириннің (ацетилсалицил қышқылының) төмен дозасының әсерін тежей алатындығын көрсетті. Бірнеше фармакодинамикалық зерттеулерде ибупрофенді 400 мг бір реттік дозада аспиринді (ацетилсалицил қышқылын) дереу босап шығатын дәрілік түрінде қабылдағаннан кейін 8 сағат бұрын немесе 30 минут ішінде қабылдаған кезде (81 мг дозада) тромбоксанның түзілуіне немесе тромбоциттер агрегациясына ацетилсалицил қышқылы әсерінің төмендеуі байқалған. Бұл деректерді клиникалық тәжірибеге экстраполяциялауға қатысты белгісіздік болса да, ибупрофенді тұрақты, ұзақ уақыт қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екенін жоққа шығаруға болмайды.

Дозалау режимі Ересектер және 12 жастан асқан балаларға Ішке 1 таблеткадан тәулігіне 3 ретке дейін. Ересектерде анағұрлым жылдам емдік әсерге қол жеткізу үшін дозаны тәулігіне 3 ретке дейін 2 таблеткаға дейін арттыруға болады. Ең жоғары тәуліктік доза: 1200 мг (6 таблетка). Енгізу әдісі мен жолы Ішке қабылдау үшін. Таблеткаларды сумен ішу керек. Қабылдау уақытын көрсете отырып қолдану жиілігі Қабылдаулар арасындағы аралық 4 сағаттан кем болмауы тиіс. Емдеу ұзақтығы Тек қысқа мерзімді қолдану үшін! Жағымсыз реакцияларды симптомдарды жою үшін қажетті ең қысқа кезең ішінде ең төмен тиімді дозаны пайдалану арқылы азайтуға болады. Егер препаратты 2-3 күн бойы қабылдағанда симптомдар сақталса немесе күшейсе, емдеуді тоқтатып, дәрігерге қаралу қажет. Препаратты ұзақ уақыт қолдану қажет болған жағдайда (12-ден 18 жасқа дейінгі балалар үшін 3 күннен артық, ересектер үшін - 10 күннен артық) дәрігермен кеңесу қажет. Пациенттердің ерекше топтары Балалар Препаратты 12 жасқа дейінгі балаларда қолдануға болмайды. Егде жастағы пациенттер Егде жастағы пациенттерде сақтықпен қолдану керек. Бүйрек жеткіліксіздігі бар пациенттер Бүйрек функциясы бұзылған пациенттерде сақтықпен қолдану керек. Бауыр жеткіліксіздігі бар пациенттер Бауыр функциясы бұзылған пациенттерде сақтықпен қолдану керек. Артық дозаланған жағдайда қабылдануы тиіс шаралар Симптомдар ҚҚСП клиникалық маңызды мөлшерін қабылдаған пациенттердің көпшілігінде жүрек айнуы, құсу, эпигастрий ауыруы, сирек жағдайларда диарея дамиды. Сондай-ақ, құлақтағы шуыл, бас ауыруы және асқазан-ішек қан кетуі мүмкін. Анағұрлым ауыр улану жағдайында уыттылық орталық жүйке жүйесіне әсер етеді және ұйқышылдық, мезгіл-мезгіл қозу және бағдардың жоғалуы немесе кома түрінде көрінеді. Кейде құрысулар пайда болады. Ауыр артық дозаланғанда метаболизмдік ацидоз мүмкін, ал протромбиндік уақыт / ХҚҚ жоғарылауы мүмкін және бұл қан ұюның айналым факторларымен әрекеттесуіне байланысты болуы мүмкін. Жедел бүйрек жеткіліксіздігі және бауыр функциясының бұзылуы дамуы мүмкін. Бронх демікпесі бар пациенттерде демікпенің өршуі мүмкін. Емі Емдеу симптоматикалық және демеуші болуы керек және тыныс алу жолдарының өткізгіштігін сақтауды және тұрақтанғанға дейін жүрек қызметі мен басқа да өмірлік функциялардың көрсеткіштерін бақылауды қамтуы керек. Егер пациент препараттың ықтимал уытты мөлшерін 1 сағат бұрын қабылдаған болса, белсендірілген көмірді пероральді қабылдау нұсқасын қарастырған жөн. Егер құрысулар байқалса, әсіресе көп және ұзақ болса, пациент диазепамды немесе лоразепамды вена ішіне енгізу керек. Демікпе ұстамасының алдын алу үшін бронходилататорларды қолдану ұсынылады. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Нурофен® препаратын қолданар алдында емдеуші дәрігермен кеңесіңіз. Емдеуші дәрігерге не қабылдағаныңыз, жақында қабылдағаныңыз немесе басқа препараттарды қабылдауға кірісуіңіз мүмкін екенін айтыңыз. Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар Ұсынылған тізімде қысқа мерзімді қолдану шартымен рецептісіз босатуға рұқсат етілген дозада ибупрофенді қабылдауға байланысты жағымсыз реакциялар көрсетілген. Созылмалы күйлерді емдеген жағдайда, ұзақ қолданғанда басқа жағымсыз реакциялар туындауы мүмкін. Жағымсыз реакциялардың пайда болу жиілігін бағалау келесі критерийлер негізінде жасалды: өте жиі (≥1/10), жиі (≥1/100 және <1/10), жиі емес (≥ 1/1000 және <1/100), сирек (≥1/10 000 және <1/1000), өте сирек (<1/10 000), жиілігі белгісіз (бар деректер бойынша бағалау мүмкін емес). Жиі емес - есекжем және қышыну арқылы көрінетін аса жоғары сезімталдық реакциялары 1 - бас ауыруы - іштің ауыруы, жүрек айнуы, диспепсия - тері бөртпесінің алуан түрлері Сирек - диарея, метеоризм, іш қату және құсу Өте сирек - қан түзудің бұзылуы (анемия, лейкопения, тромбоцитопения, панцитопения, агранулоцитоз), оның алғашқы белгілері қызба, тамақ ауыруы, ауыз қуысы шырышты қабығының жаралануы, суық тию симптомдарының пайда болуы, айқын әлсіздік, қан кету және этиологиясы белгісіз қан тебу сияқты симптомдардың пайда болуы болып табылады - аса жоғары сезімталдықтың ауыр реакциялары (беттің, тілдің және көмейдің ісінуі, ентігу, тахикардия, гипотензия, анафилаксия, Квинке ісінуі немесе ауыр анафилаксиялык шок) - асептикалық менингит2 - пептидтік ойық жара, тесілу немесе асқазан-ішектен қан кету, мелена, қанды құсу, кейбір жағдайларда өліммен аяқталатын қан аралас құсу, әсіресе, егде жастағы пациенттерде; ойық жаралы стоматит, гастрит - бауыр функциясының бұзылуы - Стивенс-Джонсон синдромын, мультиформалы эритеманы және уытты эпидермалық некролизді қоса, буллездік реакциялар сияқты тері реакцияларының ауыр түрлері - жедел бүйрек жеткіліксіздігі, папиллонекроз, әсіресе ұзақ қолданғанда, қан сарысуында мочевина деңгейінің жоғарылауымен және ісінумен байланысты - гемоглобин деңгейінің төмендеуі Жиілігі белгісіз - тыныс алу жолдарының гиперреактивтілігі, соның ішінде демікпе, демікпенің өршуі, бронх түйілуі немесе ентігу - жүрек жеткіліксіздігі және ісіну, артериялық гипертензия - спецификалық емес ойық жаралы колит пен Крон ауруының өршуі - тері бөртпесі, қызба, лимфа түйіндерінің ісінуі және эозинофилдер санының көбеюі түрінде көрініс табатын DRESS-синдром (жүйелі симптомдары бар дәріге байланысты эозинофилия) ретінде белгілі ауыр тері реакциясы; жедел жайылған экзантематозды пустулез (AGEP), фотосезімталдық реакциясы. - бүйрек жеткіліксіздігі - тәбеттің төмендеуі, гипокалиемия* - бүйрек коликасы, дизурия, бүйрек түтікшелі ацидозы* Егер сіз келесі симтомдардың бірін байқасаңыз Нурофен® препаратын қабылдауды тоқтатыңыз және дереу дәрігерге қаралыңыз: - денеде қызылдау біркелкі емес, нысанаға немесе дөңгелек дақтарға ұқсайтын, көбінесе ортасында күлбіреуіктермен, терінің қабыршықтануымен, ауыздың, тамақтың, мұрынның, гениталийлер мен көздің ойық жаралары. Бұл ауыр тері бөртпелерінен бұрын қызба және тұмауға ұқсас симптомдар болуы мүмкін (эксфолиативтік дерматит, мультиформалы эритема, Стивенс-Джонсон синдромы, уытты эпидермалық некролиз). - Жайылған бөртпе, дене қызуының жоғарылауы және ұлғайған лимфа түйіндері (DRESS-синдромы). - Тері астындағы күлбіреуіктермен және қызбамен бірге жүретін төмпешіктері бар қызыл, қабыршақты кең таралған бөртпе. Симптомдар әдетте емдеудің басында пайда болады (жедел жайылған экзантематозды пустулез). Жекелеген жағымсыз реакциялардың сипаттамасы. 1Ибупрофенмен емдеу кезінде аса жоғары сезімталдық реакциялары тіркелді. Оларға (a) спецификалық емес аллергиялық реакциялар және анафилаксиялық реакциялар, (b) тыныс алу жолдарының гиперреактивтілігі, соның ішінде демікпе, асқынған демікпе, бронх түйілуі, ентігу немесе (c) түрлі тері реакциялары, соның ішінде әртүрлі типтегі бөртпе, қышыну, есекжем, пурпура, ангионевроздық ісіну және сирек эксфолиативті және буллезді дерматоз (соның ішінде эпидермалық некролиз және полиморфты эритема) кіруі мүмкін. 2Ибупрофенді қабылдаудан туындаған асептикалық менингит дамуының патогенетикалық механизмі әлі толық зерттелген жоқ. Алайда ҚҚСП қабылдау аясында асептикалық менингит жағдайлары туралы қолда бар деректер аса жоғары сезімталдық реакциясын көрсетеді (препаратты қабылдау уақыты мен препаратты тоқтатқаннан кейін симптомдардың жоғалуы арасындағы байланыс байқалады). Айта кету керек, асептикалық менингит симптомдарының жекелеген жағдайлары (мысалы, мойын бұлшықеттерінің сіресуі, бас ауыруы, жүрек айнуы, құсу, қызба немесе бағдардың бұзылуы) аутоиммунды аурулары бар пациенттерді емдеу кезінде байқалды (мысалы, жүйелі қызыл жегі, дәнекер тінінің аралас ауруы). * Тіркеуден кейінгі кезеңде бүйрек түтікшелі ацидозы және гипокалиемия туралы хабарланды, әдетте ибупрофенді ұсынылғаннан жоғары дозада ұзақ уақыт қолданғаннан кейін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- ибупрофенге немесе препараттың құрамына кіретін компоненттердің кез келгеніне аса жоғары сезімталдық - анамнезінде ацетилсалицил қышқылын (салицилаттарды) немесе басқа қабынуға қарсы стероидты емес препараттарды (ҚҚСП) қолдануға байланысты аса жоғары сезімталдық реакцияларының (бронх демікпесі, бронх түйілуі, ринит, риносинусит, мұрынның немесе мұрын маңы қуыстарының қайталанатын полипозы, Квинке ісінуі, есекжем) болуы; - анамнезінде белсенді қайталанатын ойық жара ауруы/қан кетуі немесе қайталанатын ойық жара ауруы/қан кетуі бар пациенттерге (расталған ойық жараның немесе қан кетудің екі немесе одан да көп жекелеген эпизодтары) - анамнезінде ҚҚСП қолданудан туындаған АІЖ ойық жарасынан қан кету немесе тесілуі - ауыр жүрек жеткіліксіздігі (NYHA бойынша IV класс), ауыр бауыр/бүйрек жеткіліксіздігі бар пациенттерге - тұқым қуалайтын фруктоза жақпаушылығы немесе глюкоза-галактоза мальабсорбциясы, сахароза-изомальтаза жеткіліксіздігі - жүктілік (III триместр) - 12 жасқа дейінгі балалар.

Нұсқаулықта көрсетілмеген.

Нұсқаулықта көрсетілмеген.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде қолдаланылуы тиіс. Егер сізде инфекция болса, қызба мен ауырсыну сияқты симптомдар сақталса немесе күшейсе, дереу дәрігерге қаралыңыз ("Арнайы ескертулер" бөліміндегі "Инфекция" тақырыбын қараңыз). Арнайы ескертулер Егде жастағы пациенттер ҚҚСП қабылдағаннан кейін жағымсыз реакциялардың жиілігі егде жастағы адамдарда, әсіресе қан кету немесе асқазан-ішек жолының ойық жарасының тесілуі сияқты өліммен аяқталуы мүмкін реакцияларда жоғарылаған. Тыныс алу ағзалары ҚҚСП қабылдау аясында бронх демікпесі немесе аллергиялық аурулары бар пациенттерде асқыну сатысында немесе анамнезінде бронх түйілуі дамуы мүмкін. Басқа ҚҚСП Ибупрофенді қатар жүретін ҚҚСП-мен, циклооксигеназа-2 селективті тежегіштерін қоса, бір мезгілде қолданудан аулақ болу керек. Жүйелі қызыл жегі немесе дәнекер тіннің аралас ауруы Асептикалық менингиттің қаупі жоғары. Несеп шығару жүйесі ағзалары Бүйрек жеткіліксіздігі, себебі бүйрек функциясының төмендеуі жалғасуы мүмкін. Дегидратациясы бар балалар мен жасөспірімдерде бүйрек функциясының бұзылу қаупі бар. Гепатобилиарлық жүйе Бауыр дисфункциясы. Жүрек-қантамыр жүйесі Анамнезінде артериялық гипертензиясы және/немесе жүрек жеткіліксіздігі бар пациенттерге препаратты сақтықпен қабылдауды бастау керек (дәрігермен кеңесу қажет), өйткені сұйықтықтың кідіруі, артериялық гипертензия және ҚҚСП қабылдаумен байланысты ісінулер туралы хабарланған. Ибупрофенді ұзақ уақыт қолдану, әсіресе жоғары дозаларда (тәулігіне 2400 мг) тромбоздық асқынулардың даму қаупінің шамалы жоғарылауымен байланысты болуы мүмкін (мысалы, миокард инфарктісі немесе инсульт). Ибупрофеннің ұсынылған тәуліктік дозасын (тәулігіне 1200 мг) қабылдау жүрек-қантамыр жүйесі тарапынан асқынулардың даму қаупін арттырмайды. Бақыланбайтын артериялық гипертензиясы, NYHA II-III класы жіктемесі бойынша іркілісті жүрек жеткіліксіздігі, анықталған жүректің ишемиялық ауруы, шеткері артериялық аурулары және/немесе цереброваскулярлық аурулары бар пациенттерге ибупрофеннің жоғары дозаларын (тәулігіне 2400 мг) қолданудан аулақ болу керек. Ибупрофенмен ұзақ емдеу басталғанға дейін, әсіресе жоғары дозалармен (тәулігіне ≥ 2400 мг), жүрек-қантамыр асқынуларының даму қаупі факторлары бар пациенттерде (мысалы, гипертония, гиперлипидемия, қант диабеті, темекі шегу) пайда-қауіп арақатынасына мұқият бағалау жүргізу қажет. Ауыр аллергиялық реакцияның белгісі болуы мүмкін кеудедегі ауырсыну (Коунис синдромы). Әйелдер фертильділігінің бұзылуы Циклооксигеназа немесе простагландиндер синтезін тежейтін дәрілік препараттар овуляцияға әсер ететіндіктен әйелдердің репродуктивті функциясының төмендеуіне әкелуі мүмкін екендігі туралы шектеулі дәлелдер бар. Бұл құбылыс емдеуді тоқтатқаннан кейін қайтымды болады (4.6 бөлімін қараңыз). Асқазан-ішек жолы (АІЖ) ҚҚСП анамнезінде асқазан-ішек аурулары (спецификалық емес ойық жаралы колит, Крон ауруы) бар пациенттерге көрсетілген аурулардың ықтимал өршуіне байланысты сақтықпен тағайындау керек. Емдеудің кез келген кезеңінде ҚҚСП қабылдау асқазан-ішектен қан кетуге, ойық жараға немесе тесілуге әкелуі мүмкін, кейде алдын алу симптомдарына немесе анамнезінде асқазан-ішек жолы тарапынан жағымсыз реакциялардың болуына қарамастан өліммен аяқталуы мүмкін. Анамнезінде жарасы бар пациенттерде, әсіресе қан кетумен немесе тесілумен асқынған ойық жарасы бар пациенттерде және егде жастағы пациенттерде ҚҚСП дозасының жоғарылауымен асқазан-ішектен қан кету, ойық жара немесе тесілу қаупі артады. Осындай пациенттер емді ең төмен ықтимал дозадан бастау керек. Анамнезінде асқазан-ішек уыттылығы бар пациенттерге, әсіресе егде жастағы пациенттерге, әсіресе емдеудің бастапқы кезеңінде құрсақ қуысы ағзалары тарапынан кез келген ерекше симптомдар (әсіресе асқазан-ішектен қан кету) туралы хабарлау керек. Ойық жаралану немесе қан кету қаупін арттыруы мүмкін дәрілік препараттарды қабылдайтын пациенттерге препаратты сақтықпен ұсынған жөн, мысалы, пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе тромбоцитке қарсы препараттар (мысалы, аспирин). Егер ибупрофен қабылдаған пациенттерде асқазан-ішектен қан кету немесе ойық жара пайда болса, емдеуді тоқтату керек. Аса жоғары сезімталдық реакциялары Ибупрофенді қолданғанда аллергиялық реакциялардың дамуы, оның ішінде тыныс алу проблемалары, бет пен мойын аймағының ісінуі (ангионевроздық ісіну), кеудедегі ауырсыну туралы хабарламалар алынды. Нурофен® препаратын қабылдауды дереу тоқтатып, осы белгілердің кез келгенін байқасаңыз, дәрігермен байланысыңыз немесе медициналық көмекке жүгініңіз. Терінің ауыр жағымсыз реакциялары (тыртықтар) Нурофен® препаратымен аса сақ болыңыз: Нурофен® препаратын емдеумен байланысты болған терінің ауыр реакциялары, соның ішінде эксфолиативтік дерматит, көп пішінді эритема, Стивенс Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), жедел жайылған экзантематозды пустулез (AGEP). Нурофен® препаратын пайдалануды тоқтатыңыз және терінің ауыр реакцияларына байланысты қандай да бір симптомдарды байқасаңыз, дереу медициналық көмекке жүгініңіз. Желшешек бар пациенттерде ҚҚСП қолдану терінің және тері асты шелінің инфекциялық-қабыну ауруларының ауыр іріңді асқынуларының даму қаупінің жоғарылауымен байланысты болуы мүмкін (мысалы, некроздық фасциит). Осыған байланысты препаратты желшешекке қолданбау ұсынылады. Инфекциялар Ибупрофен ысыну және ауырсыну сияқты инфекциялардың белгілерін жасыруы мүмкін. Сондықтан Нурофен® препараты инфекцияның тиісті емін кейінге қалдыруы мүмкін, бұл асқыну қаупінің артуына әкелуі мүмкін. Бұл бактериялар туындатқан пневмония кезінде және желшешекпен байланысты терінің бактериялық инфекциялары кезінде байқалды. Егер сіз осы дәріні инфекцияға шалдыққанда қабылдасаңыз және инфекция симптомдары сақталса немесе нашарласа, дереу дәрігерге хабарласыңыз. Қосымша заттар туралы ақпарат Осы дәрілік препараттың құрамында 2 дозаға (2 таблетка) 1,1 ммоль натрий (25.3 мг) бар. Мұны бақыланатын натрий диетасындағы пациенттер ескеру қажет. Препараттың құрамында сахароза бар. Кейбір қанттарды көтере алмайтын пациенттерге Нурофен® препаратын қолданар алдында емдеуші дәрігермен кеңесу қажет. Ұрпақ өрбіту функциясы Ибупрофен әйелдерде фертильділіктің бұзылуын тудыруы мүмкін препараттарға жатады. Бұл әсер препаратты тоқтатқан кезде қайтымды болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ұсынылған дозада және терапияның ұзақтығында көлік құралдары мен ықтимал қауіпті механизмдерді басқару қабілетіне теріс әсер етпейді.

Жүктілік Простагландиндер синтезінің тежелуі жүктілікке және/немесе эмбрионның немесе шарананың дамуына жағымсыз әсер етуі мүмкін. Эпидемиологиялық зерттеулердің деректері жүктіліктің ерте кезеңінде простагландин синтезінің тежегіштерін қолданғаннан кейін өздігінен болатын түсік түсіру, туа біткен жүрек ақаулары және гастрошизис қаупінің жоғарылауын көрсетеді. Жүрек-қан тамырлары патологиясының дамуының абсолютті қаупі 1 %-дан шамамен 1,5%-ға дейін өсті. Доза ұлғаюына қарай және ем ұзақтығына байланысты қаупі жоғарылайды деп болжанады. Зерттеу нәтижелеріне сәйкес, жануарларда простагландин синтезінің тежегіштерін қолдану имплантацияға дейінгі және кейінгі түсік түсіру және эмбрионның (ұрықтың) өлімі жағдайларының көбеюіне әкелді. Сонымен қатар, органогенез кезеңінде простагландин синтезінің тежегіштерін қабылдаған жануарларда әртүрлі ақаулардың, соның ішінде жүрек-қан тамырлары жүйесінің жоғарылауы туралы хабарланды. Мерзімі 20 аптадан аз жүктілік кезінде ибупрофенді қолданудан аулақ болу керек, жедел қажеттілік болған жағдайлардан басқа. Жүкті болуға тырысатын әйелдер, сондай-ақ мерзімі 20 аптадан аз жүктілік кезінде ең аз тиімді дозаны мүмкіндігінше қысқа мерзімде қолдануы керек Жүктіліктің 20-шы аптасынан бастап қолданғанда простагландин синтезінің барлық тежегіштері •шарананың қалыптасуы үшін қауптер төменде келтірілген: -кардиопульмонарлық уыттылық (артериялық түтіктің мерзімінен бұрын жабылып қалуымен және өкпе гипертензиясымен сипатталады); -жаңа туған нәрестелерде қағанақ су аздағы және/немесе бүйрек патологиясы дамуы мүмкін (неонатальды бүйрек дисфункциясы); •жүктіліктің соңында ана мен жаңа туған нәресте үшін: -қан кету уақыты ұзаруы мүмкін, препаратты өте төмен дозада қолданған кезде де дамуы мүмкін тромбоциттерге қарсы әсер; -босанудың кідірісіне немесе ұзаққа созылуына алып келетін жатыр жиырылуының бәсеңдеуі. Нурофенді жүктіліктің 20-шы аптасынан бастап бірнеше күн қабылдағаннан кейін, қағанақ судың аздығы мен артериялық түтіктің тарылуын бақылау керек. Қағанақ судың аздығы немесе артериялық түтіктің тарылуы анықталса, Нурофенді қабылдауды тоқтату керек. Ибупрофенді жүктіліктің үшінші триместрінде қолдануға болмайды. Лактация Кейбір зерттеулерде ибупрофен емшек сүтінде өте төмен концентрацияда анықталды, оның теріс салдары емшектегі бала үшін екіталай.

Ибупрофенді келесі дәрілік заттармен бір мезгілде қолданудан аулақ болу керек: Ацетилсалицил қышқылы (аспирин). Ибупрофенді ацетилсалицил қышқылымен біріктіріп емдеу жағымсыз реакциялардың даму қаупінің артуына байланысты ұсынылмайды. Дәрігердің ұсынысы бойынша аспириннің төмен дозаларын (тәулігіне 75 мг артық емес) тағайындау ерекше жағдай болып табылады. Ибупрофен бір мезгілде қабылданатын аспириннің төмен дозаларының тромбоциттер агрегациясына әсерін бәсеңдетуі мүмкін. Жүйесіз қолданған кезде осындай клиникалық тұрғыдан маңызды әсер екіталай деп саналады. Басқа ҚҚСП, оның ішінде циклооксигеназа-2 (ЦОГ-2) селективті тежегіштері Жағымсыз реакциялардың пайда болу қаупінің жоғарылауына байланысты ҚҚСП тобынан екі немесе одан да көп препараттарды бір мезгілде қолданудан аулақ болу керек. Келесі дәрілік заттармен бір мезгілде сақтықпен қолдану керек: Кортикостероидтар АІЖ ойық жараларының пайда болу және асқазан-ішектен қан кету қаупінің жоғарылауы. Гипертензияға қарсы дәрілер (АӨФ тежегіштері және ангиотензин II антагонистері) және диуретиктер ҚҚСП осы топтар препараттарының тиімділігін төмендетуі мүмкін. Бүйрек функциясы бұзылған кейбір пациенттерде (мысалы, сусызданған пациенттер немесе бүйрек функциясы бұзылған егде пациенттер) ибупрофенді АӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, оның ішінде әдетте қайтымды жедел бүйрек жеткіліксіздігіне әкелуі мүмкін. Бұл өзара әрекеттесулерді АӨФ тежегіштерімен немесе ангиотензин II антагонистерімен бір мезгілде коксиб қабылдайтын пациенттерде ескеру керек. Осылайша, препараттардың біріктірілімін сақтықпен қабылдау керек; бұл әсіресе егде жастағы пациенттерге қатысты. Пациенттер оңтайлы су теңгерімінің сақталуын қадағалап, қатарлас ем басталғаннан кейін және одан әрі мезгіл-мезгіл бүйрек функциясын тексеруі қажет. Диуретиктер ҚҚСП нефроуыттылық қаупін арттыруы мүмкін. Антикоагулянттар ҚҚСП антикоагулянттардың, мысалы, варфариннің әсерін күшейте алады. Антиагреганттар және серотонинді кері қармайтын селективті тежегіштер Асқазан-ішектен қан кету туындауының жоғары қаупі Жүрек гликозидтері ҚҚСП мен жүрек гликозидтерін бір мезгілде тағайындау жүрек жеткіліксіздігінің ушығуына, шумақтық сүзу жылдамдығының төмендеуіне және қан плазмасында жүрек гликозидтері концентрациясының артуына әкелуі мүмкін. Литий препараттары ҚҚСП қолдану аясында қан плазмасындағы литий концентрациясының ұлғаю ықтималдығы бар. Метотрексат ҚҚСП қолдану аясында қан плазмасындағы метотрексат концентрациясының ұлғаю ықтималдығы бар. Циклоспорин Нефроуыттылық қаупінің жоғарылауы. Мифепристон ҚҚСП қабылдауды мифепристон қабылдағаннан кейін 8-12 күннен соң бастау керек, өйткені ҚҚСП мифепристон тиімділігін төмендетуі мүмкін. Такролимус ҚҚСП және такролимусты бір мезгілде тағайындау кезінде нефроуыттылық қаупінің артуы мүмкін. Зидовудин ҚҚСП және зидовудинді бір мезгілде қолдану гематоуыттылықтың жоғарылауына әкелуі мүмкін. Зидовудинмен және ибупрофенмен біріктіріп ем қабылдаған гемофилиясы бар АИТВ-оң пациенттерде гемартроз және гематомалардың даму қаупі бар. Хинолонды қатардағы антибиотиктер. ҚҚСП және хинолон қатарындағы антибиотиктерімен бірлескен ем қабылдайтын пациенттерде құрысулар туындау қаупі артуы мүмкін. Аминогликозидтер Ибупрофен аминогликозидтердің экскрециясын төмендетуі мүмкін. Пробенецид және сульфинпиразон Құрамында пробенецид немесе сульфинпиразон бар дәрілік препараттар ибупрофеннің шығарылуын кешіктіруі мүмкін. Сульфонилмочевина туындылары Ибупрофенді сульфонилмочевина туындыларымен бір мезгілде пайдаланған кезде сақтық шарасы ретінде қандағы қант деңгейін тұрақты бақылау қажет.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25 C-ден аспайтын температурада сақтау керек. Балалардың қолы жетпейтін жерде сақтау керек!