Нурофен® Экспресс капсулы 200 мг

Бір капсуланың құрамында белсенді зат - 200 мг ибупрофен қосымша заттар: макрогол 600, калий гидроксиді, тазартылған су капсула қабығы: желатин, 76 % сорбитол ерітіндісі, қан қызыл бояғыш [Понсо 4R] (Е 124), тазартылған су, опакод WB NS-78-18011 (тазартылған су, титанның қостотығы (Е 171), пропиленгликоль, изопропанол, НРМС 2910 / гипромеллоза 3сР). Сыртқы түрінің, иісінің, дәмінің сипаттамасы Құрамында түссізден сәл қызғылт түске дейінгі мөлдір сұйықтық бар, ақ түсті NUROFEN жазуымен сәйкестендірілген, жартылай мөлдір қызыл желатин қабықты сопақша капсулалар.

Келесі жай күйлерді симптоматикалық емдеу үшін: - бас ауыруында - бас сақинасында - тіс ауыруында - ауырып өтетін етеккірде - невралгияда - арқаның ауыруында - бұлшықет және ревматизмдік ауыруда - суық тию аурулары және тұмау кезіндегі қызба жағдайында

Әсер ету механизмі Ибупрофен қабынуға қарсы стероидты емес препарат (ҚҚСП) болып табылады, ол жануарларға жүргізілген әдеттегі зерттеулер шеңберінде қабыну үлгілерінде простагландиндер синтезін тежеу арқылы өзінің тиімділігін дәлелдеді. Адамда қолдану кезінде ибупрофен ауырсынуға қарсы жылдам бағытталған (анальгезиялық әсер), қабынуға қарсы әсері бар, ісіну мен безгекті азайтады. Бұдан басқа, ибупрофен АДФ - және коллаген- индукцияланған тромбоциттердің агрегациясын кері тежейді. Эксперименттік деректер ибупрофен ацетилсалицил қышқылының төмен дозаларының тромбоциттер агрегациясына оларды бірге қолданған жағдайда әсерін бәсеңдетуі мүмкін екенін куәландырады. Бірнеше фармакодинамикалық зерттеулер шеңберінде тез босап шығатын капсула түрінде (81 мг) ацетилсалицил қышқылын қабылдағаннан кейін 8 сағат бұрын немесе 30 минут ішінде ибупрофеннің 400 мг бір реттік дозасын қабылдаған кезде тромбоксанның немесе тромбоциттер агрегациясының түзілуіне ацетилсалицил қышқылы әсерінің төмендегені байқалды. Клиникалық практикаға осы деректерді экстраполяциялауға қатысты белгісіздіктің болуына қарамастан, ибупрофенді тұрақты, ұзақ қолдану ацетилсалицил қышқылының төмен дозаларының кардиопротекторлық әсерін төмендетуге қабілетті болу ықтималдығын жоққа шығаруға болмайды.

Препаратты қолданар алдында нұсқаулықты мұқият оқып шығыңыз. Дозалау режимі Препарат тек қысқа мерзімді қолдануға арналған және ересектер мен салмағы кемінде 20 кг балаларда қолдануға арналған. Ересектер және 12 жастан асқан балалар (дене салмағы ≥ 40 кг): Бастапқы доза 1–2 капсуланы құрайды (200–400 мг ибупрофен). Қажет болған жағдайда препаратты 1–2 капсула (200–400 мг ибупрофен) дозасында қайта қабылдауы мүмкін. Дозалау аралығы симптомдардың айқын көрінуіне және ең жоғары ұсынылатын тәуліктік дозаға байланысты. Қабылдаулар арасындағы аралық 400 мг дозада 6 сағаттан кем және 200 мг дозада 4 сағаттан кем болмауы тиіс. Ең жоғары тәуліктік доза 1200 мг ибупрофеннен аспауы тиіс. Дене салмағы — Бір реттік доза капсуламен — Ең жоғарғы тәулікті доза капсулада ≥ 40 кг 12 жастан асқан балалар, ересектер және егде жастағы пациенттер — 1 немесе 2 капсула (200 немесе 400 мг ибупрофен) — 6 капсула (1200 мг ибупрофен) 6-дан 12 жасқа дейінгі балалар (дене салмағы 20 кг-ден 39 кг-ге дейін): Нурофен® Экспресс дене салмағы кемінде 20 кг балаларға қолдануға арналған. Ибупрофеннің ең жоғары тәуліктік дозасы 6–8 сағат аралығымен 3 немесе 4 рет дозаға бөлінген дене салмағына кг 20–30 мг құрайды. Дене салмағына 30 мг/кг құрайтын ибупрофеннің ең жоғары тәуліктік дозасынан асыруға болмайды. Балалардағы Нурофен® Экспресс келесі нұсқауларға сәйкес тағайындалуы керек: Дене салмағы — Бір реттік доза капсуламен — Ең жоғарғы тәулікті доза капсулада Дене салмағы 20 кг-ден 29 кг-ге дейінгі балалар (6-9 жас) — 1 капсула (200 мг ибупрофен) — 3 капсула (600 мг ибупрофен) Дене салмағы 30 кг-ден 39 кг-ге дейінгі балалар (10-12 жас) — 1 капсула (200 мг ибупрофен) — 4 капсула (800 мг ибупрофен) Пациенттердің ерекше топтары Балалар Балаларда қолдану туралы қосымша ақпаратты жоғарыдағы кестелерден қараңыз. Егде жастағы пациенттер Дозаны қандай да бір арнайы түзету қажет емес. Жағымсыз әсерлердің ықтимал дамуына байланысты егде жастағы пациенттерді мұқият бақылау ұсынылады. Бүйрек жеткіліксіздігі бар пациенттер Бүйректің жеңіл немесе орташа жеткіліксіздігі бар пациенттерде дозаны төмендету талап етілмейді (бүйректің ауыр жеткіліксіздігі бар пациенттер үшін препаратты қолдануға болмайды). Бауыр жеткіліксіздігі бар пациенттер Бауырдың жеңіл немесе орташа жеткіліксіздігі бар пациенттерде дозаны төмендету талап етілмейді (бауырдың ауыр жеткіліксіздігі бар пациенттер үшін препаратты қолдануға болмайды). Енгізу әдісі мен жолы Ішке қабылдау үшін. Капсулаларды тұтастай, шайнамай қабылдау керек. Қабылдау уақытын көрсете отырып қолдану жиілігі Жағымсыз реакциялардың даму қауіптерін барынша азайту мақсатында ибупрофенді ең аз тиімді дозада және клиникалық әсерге қол жеткізу үшін қажетті барынша қысқа кезең бойы қабылдаған жөн. Асқазаны сезімтал пациенттерге тамақтану кезінде Нурофен® Экспресс препаратын қабылдау ұсынылады. Нурофен® Экспресс қабылдаған кезде тамақ ішкеннен кейін препараттың әсері кейінге қалдырылуы мүмкін. Бұл жағдайда препараттың дозасын ұсынылған дозадан асырмау керек. Нурофен® Экспресс Нурофен® қабықпен қапталған таблеткаларға қарағанда шамамен екі есе тез сіңеді. Нурофен® Экспресс препаратын қабылдағаннан кейін ауыруды басу әсері 8 сағатқа дейін созылуы мүмкін. Емдеу ұзақтығы Тек қысқа мерзімді қолдануға арналған препарат. Егер балаларда симптомдар 3 күннен артық сақталса немесе препаратты қабылдауды бастағаннан кейін 3 күннен кейін жағдайдың нашарлауы байқалса, онда дәрігермен кеңесу қажет. Егер безгек жағдайында ересектерге осы дәрілік препаратты 3 күннен артық немесе ауруды емдеу үшін 4 күннен артық қабылдау қажет болса, сондай-ақ симптомдар асқынған кезде дәрігермен кеңесу керек. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Нурофен® Экспресс препаратын қолданар алдында емдеуші дәрігермен кеңесіңіз. Емдеуші дәрігерге не қабылдағаныңыз, жақында қабылдағаныңыз немесе басқа препараттарды қабылдауға кірісуіңіз мүмкін екенін айтыңыз. Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар Жиі - асқазан-ішек жолы тарапынан бұзылулар, мысалы, іштің ауырсынуы, жүрек айнуы және ас қорыту бұзылыстары, диарея, метеоризм, іш қату, қыжыл және сирек жағдайларда анемияға әкелуі мүмкін жеңіл асқазан-ішектен қан кету Жиі емес - аса жоғары сезімталдық реакциялары1 - есекжем және қышыну - орталық жүйке жүйесі тарапынан бұзылулар, оның ішінде бас ауыруы, бас айналуы, ұйқышылдық, қозу, ашушаңдық немесе шаршау - көру қабілетінің бұзылулары - АІЖ ойық жарасы, қан кетумен және тесілумен әлеуетті, ойық жаралы стоматиттер, колиттің және Крон ауруының өршуі, гастриттер. - тері бөртпесінің алуан түрлері Сирек - құлақтың шыңылдауы - сирек жағдайларда бүйрек тінінің зақымдануы (бүйрек бүртіктерінің некрозы) және қандағы мочевина концентрациясының жоғарылауы; қандағы несеп қышқылының концентрациясының жоғарылауы - гемоглобин деңгейінің төмендеуі Өте сирек - инфекциямен байланысты қабынудың өршуі (мысалы, некроздайтын фасцииттің дамуы), сирек жағдайларда ауыр тері инфекциялары және жұмсақ тіндердің асқынулары желшешек кезінде болуы мүмкін - гемопоэз бұзылулары (анемия, лейкопения, тромбоцитопения, панцитопения және агранулоцитоз). Алғашқы белгілері қызба, тамақтың ауыруы, ауыз қуысының беткейлік ойық жаралары, тұмауға ұқсас симптомдар, қатты жүдеу, мұрыннан қан кету және теріден қан кету, қан кету және қанталау болып табылады. Мұндай жағдайларда пациент осы дәрілік препаратты қабылдауды тоқтатуға, анальгетиктермен және ыстықты түсіретін кез келген дәрімен өз бетінше емделуді тоқтатуға нұсқау алуы тиіс. - ауыр жайылған аса жоғары сезімталдық реакциялары. Симптомдар беттің, тілдің және тамақтың ісінуін, ентігуді, тахикардия және гипотензияны (анафилаксия, ангионевроздық ісіну немесе ауыр шок) қамтуы мүмкін - демікпенің өршуі - психоздық реакция, депрессия - асептикалық менингит2 - жүрек жеткіліксіздігі, жүректің жиі қағуы және ісінуі, миокард инфарктісі - артериялық гипертензия, васкулит - эзофагит, панкреатит және ішектің жарғақшалық құрылымының түзілуі. - бауыр дисфункциясы, бауырдың зақымдануы, әсіресе ұзақ уақыт қабылдаған кезде, бауыр жеткіліксіздігі, жедел гепатит - ісінулер, әсіресе артериялық гипертензиясы немесе бүйрек жеткіліксіздігі бар пациенттерде, нефроздық синдром, жедел бүйрек жеткіліксіздігімен қатар жүретін ішек нефриті Белгісіз - тыныс алу жолдарының гиперреактивтілігі, соның ішінде демікпе, бронх түйілуі немесе ентігу Егер сіз келесі симптомдардың бірін байқасаңыз Нурофен® Экспресс препаратын қабылдауды тоқтатыңыз және дереу дәрігерге қаралыңыз: - денеде қызылдау біркелкі емес, нысанаға немесе дөңгелек дақтарға ұқсайтын, көбінесе ортасында күлбіреуіктермен, терінің қабыршықтануымен, ауыздың, тамақтың, мұрынның, гениталийлер мен көздің ойық жаралары. Бұл ауыр тері бөртпелерінен бұрын қызба және тұмауға ұқсас симптомдар болуы мүмкін (эксфолиативтік дерматит, мультиформалы эритема, Стивенс-Джонсон синдромы, уытты эпидермалық некролиз). - Жайылған бөртпе, дене қызуының жоғарылауы және ұлғайған лимфа түйіндері (DRESS-синдромы). - Қызбамен бірге жүретін, тері астындағы дөңес және көпіршіктері бар қызыл, қабыршақты, кең таралған бөртпе. Симптомдар әдетте емдеудің басында пайда болады (жедел жайылған экзантематозды пустулез). Жекелеген жағымсыз реакциялардың сипаттамасы 1Ибупрофенмен емдеу кезінде аса жоғары сезімталдық реакциялары тіркелді. Олар (а) спецификалық емес аллергиялық реакцияларды және анафилаксиялық реакцияны, (b) тыныс алу жолдарының аса жоғары белсенділігін, соның ішінде демікпені, асқынған демікпені, бронх түйілуін, ентігу немесе (с) әртүрлі тері реакцияларын, соның ішінде бөртпелерді, қышынуды, есекжемді, пурпураны, ангионевроздық ісінуді және сирек эксфолиативті және буллезді дерматозды (соның ішінде уытты эпидермальді некролиз, Стивенс-Джонсон синдромы және полиморфтық эритема) қамтуы мүмкін. 2 Препаратты қабылдағаннан туындаған асептикалық менингит дамуының патогенетикалық механизмі толық зерттелмеген. Алайда, ҚҚСП қабылдау аясында асептикалық менингит жағдайлары туралы қолда бар деректер иммундық реакцияны куәландырады (препаратты қабылдау уақыты мен препаратты тоқтатқаннан кейін симптомдардың жоғалуы арасындағы байланыс байқалады). Асептикалық менингит симптомдарының (мысалы, мойын бұлшықетінің сіресуі, бас ауыруы, жүректің айнуы, құсу, қызба немесе бағдардың бұзылуы) пайда болуының жекелеген жағдайлары бұрыннан бар аутоиммундық аурулармен (мысалы, жүйелі қызыл жегі, дәнекер тіннің аралас ауруы) ибупрофенді қолдана отырып пациенттерді емдеу кезінде байқалғанын атап өткен жөн. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- ибупрофенге немесе препараттың құрамына кіретін компоненттердің кез келгеніне аса жоғары сезімталдық - анамнезінде ацетилсалицил қышқылын (салицилаттарды) немесе басқа да ҚҚСП қолданумен байланысты аса жоғары сезімталдық реакцияларының болуы (бронх демікпесі, бронх түйілуі, ринит, риносинусит, Квинке ісінуі, есекжем) - АІЖ мүшелерінің эрозиялық-ойық жара аурулары (оның ішінде асқазан мен он екі елі ішектің ойық жара ауруы) немесе белсенді фазада немесе анамнезде ойық жарадан қан кету (ойық жара ауруының немесе ойық жарадан қан кетудің екі немесе одан да көп расталған эпизодтары) - ҚҚСП қолданудан туындаған анамнезде АІЖ қан кету немесе тесілуі - бауырдың ауыр жеткіліксіздігі - ауыр бүйрек жеткіліксіздігі (креатинин клиренсі <30 мл/мин) - ауыр жүрек жеткіліксіздігі (Нью-Йорк кардиологтар ассоциациясының жіктемесі, IV класс) - цереброваскулярлы немесе басқа белсенді қан кету бар пациенттерге. - айқын сусыздану (құсу, диарея немесе сұйықтықты жеткіліксіз тұтыну салдарынан) - этиологиясы түсініксіз қан түзілуінің бұзылулары бар пациенттерге - жүктілік (III триместр) - дене салмағы 20 кг-ден аз балалар

Нұсқаулықта көрсетілмеген.

Балаларда симптомдар ішке 400 мг/кг артық дозаны қабылдағанда пайда болуы мүмкін. Ересектерде дозаға тәуелді әсерінің айқындығы аздау. Симптомдар Жүрек айнуы, құсу, іштің ауыруы және диарея сирек кездеседі. Сондай-ақ, көрудің бұлыңғырлануы, құлақтағы шуыл, бас ауыруы және асқазан-ішектен қан кету болуы мүмкін. Аса ауыр уыттану жағдайында орталық жүйке жүйесінің уыттылығы байқалады, ол кеңістіктікте бағдардан жаңылу, бас айналу, ұйқышылдық, мезгіл-мезгіл қозу және бағдардан жаңылу, санадан айрылу немесе кома түрінде көрініс береді. Кейде пациенттерде құрысулар туындайды. Ауыр улану кезінде метаболизмдік ацидоз өршуі мүмкін. Гипотермия мен гиперкалиемия және протромбиндік уақыттың ұлғаюы /халықаралық қалыптасқан қатынастың (ХҚҚ) артуы дамуы мүмкін, бұл қан ұюының айналымдағы факторларымен интерференцияға байланысты болуы мүмкін. Сондай-ақ жедел бүйрек жеткіліксіздігі, бауырдың зақымдануы, гипотензия, тыныс алудың тежелуі және цианоз дамуы мүмкін. Демікпе өршуі мүмкін. Емі Емдеу симптоматикалық және демеуші болуы тиіс және тыныс алу жолдарының өткізгіштігін қамтамасыз етуді және жүрек қызметі көрсеткіштерінің және басқа да өмірлік функциялардың тұрақтануына дейін мониторингті қамтуы тиіс. Егер пациент препараттың әлеуетті уытты мөлшерін 1 сағат бұрын қабылдаса, белсендірілген көмірді ішу арқылы қабылдау немесе асқазанды шаю нұсқасын қарастыру керек. Егер ибупрофен сіңірілсе, онда сілтілі заттарды енгізу ибупрофеннің қышқыл түрін несеппен шығаруды ынталандыруы мүмкін. Егер құрысулар байқалса, әсіресе көп реттік және ұзақ болса, пациентке диазепам немесе лоразепамды вена ішіне енгізу керек. Бронх демікпесінің ушығуы кезінде бронходилататорларды қолдану ұсынылады. Медициналық көмек алу үшін жергілікті токсикологиялық орталыққа жүгіну керек.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, қызба және ауырсыну сияқты симптомдар сақталса немесе нашарласа, дереу дәрігерге қаралыңыз «Арнайы ескертулер» бөліміндегі «Инфекциялар»). Арнайы ескертулер Белгілі бір аурулары бар пациенттерде сақтықпен қолдану керек, олардың ағымы нашарлауы мүмкін: - жүйелі қызыл жегі, сондай-ақ дәнекер тіннің аралас аурулары-асептикалық менингит қаупінің жоғарылауына байланысты; - порфирин метаболизмінің туа біткен бұзылуы (мысалы, жедел интермиттацияланатын порфирия); - асқазан-ішек жолы тарапынан бұзылулар және ішектің созылмалы қабыну аурулары (ойық жаралы колит, Крон ауруы); - гипертензия және/немесе анамнездегі жүрек жеткіліксіздігі, өйткені ҚҚСП қабылдаған пациенттерде сұйықтықтың тежелуі және ісіну диагностикаланды; - бүйрек жеткіліксіздігі, себебі бүйрек функциясының төмендеуі жалғасуы мүмкін; - бауыр дисфункциясы; - ауқымды хирургиялық араласудан кейін; - осындай пациенттерде Нурофен® Экспресс препаратына аса жоғары сезімталдық реакцияларының даму қаупінің жоғарылауына байланысты басқа дәрілерге аллергиялық реакциядан зардап шегетін; - аллергиялық реакцияның даму қаупінің жоғарылауына байланысты тыныс алу жүйесі тарапынан созылмалы обструктивті бұзылулардан немесе пішен қызбасынан, мұрын қуысының полипінен зардап шегетіндерге; демікпе ұстамалары (анальгетикалық демікпе деп аталатын), Квинке ісінуі немесе есекжем дамуы мүмкін. Басқа ҚҚСП қолдану Циклооксигеназа-2 спецификалық тежегіштерін қоса, ҚҚСП қатар қабылдау жағымсыз реакциялардың даму қаупін арттырады және оны болдырмау керек. Асқазан-ішек жолы (АІЖ): Емнің кез келген кезеңінде ҚҚСП қабылдау анамнезде асқазан-ішек жолы тарапынан алдын алатын симптомдардың немесе елеулі жағымсыз құбылыстардың болуына қарамастан, асқазан-ішектен қан кетуге, кейде өліммен аяқталатын ойық жараға немесе тесілуге әкелуі мүмкін. Егер ибупрофен қабылдайтын пациенттерде асқазан-ішектен қан кету немесе ойық жара дамитын болса, емдеуді тоқтату керек. Анамнезде ойық жарасы бар, әсіресе қан кетумен немесе тесілумен асқынған ойық жарасы бар пациенттерде және егде жастағы пациенттерде ҚҚСП дозасын арттырған кезде асқазан-ішектен қан кету, ойық жара немесе тесілудің даму қаупі артады. Мұндай пациенттер препаратты ең аз ықтимал дозадан қабылдауды бастаған жөн. Мұндай пациенттерде ацетилсалицил қышқылының төменгі дозаларымен немесе асқазан-ішек жолы тарапынан асқынулардың даму қаупін арттыруға қабілетті басқа да дәрілік заттармен бірге препаратты қабылдайтын пациенттердегі сияқты қорғағыш дәрілердің (мысалы, мизопростол немесе протонды сорғы тежегіштері) пайдалана отырып кешенді емдеу нұсқасын қарастыру керек. Анамнезінде АІЖ аурулары бар пациенттер емдеудің бастапқы кезеңдерінде жиі дамитын жаңадан пайда болған абдоминальді симптомдар (әсіресе асқазан-ішектен қан кетуі) туралы хабарлауы керек. Ойық жара немесе қан кету қаупін арттыруы мүмкін дәрілік препараттарды, мысалы, пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе тромбоцитке қарсы препараттарды (мысалы, аспирин) қабылдайтын пациенттерге препаратты сақтықпен ұсыну керек. Асқазан-ішек жолының аурулары бар пациенттерге (ойық жаралы колит, Крон ауруы) аталған аурулардың өршуіне байланысты ҚҚСП-ны сақтықпен тағайындау керек. Терінің ауыр жағымсыз реакциялары (тыртықтар) Нурофен® Экспресс препаратымен аса сақ болыңыз: Нурофен® Экспресс препаратымен емдеумен байланысты болған терінің ауыр реакциялары туралы хабарланды, соның ішінде эксфолиативтік дерматит, көп пішінді эритема, Стивенс Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), жедел жайылған экзантематозды пустулез (AGEP). Нурофен® Экспресс препаратын пайдалануды тоқтатыңыз және терінің ауыр реакцияларына байланысты қандай да бір симптомдарды байқасаңыз, дереу медициналық көмекке жүгініңіз. Желшешегі бар пациенттерде ҚҚСП қолдану терінің инфекциялық-қабыну аурулары мен теріасты шел майы (мысалы, некроздайтын фасциит) ауыр іріңді асқынулардың даму қаупінің жоғарылауымен байланысты болуы мүмкін. Осыған байланысты препаратты желшешек кезінде қолдануды болдырмау ұсынылады. Жүрек-қантамырлық және цереброваскулярлық әсерлер Ибупрофенді, әсіресе жоғары дозада (тәулігіне 2400 мг) қолдану артериялық тромбоздық құбылыстардың пайда болу қаупінің азғана жоғарылауымен (мысалы, миокард инфарктісі немесе инсульт) байланысты болуы мүмкін. Ибупрофеннің төменгі дозасын қабылдау (мысалы, ≤ 1200 мг/тәул.) артериялық тромбоз құбылыстарының даму қаупін арттырмайды. Жүректің ишемиялық ауруымен, шеткері артериялық аурумен және/немесе цереброваскулярлық аурумен расталған бақыланбайтын гипертензиясы, II-III класты NYHA классификациясы бойынша іркілісті жүрек жеткіліксіздігі бар пациенттерге ибупрофенді аса сақтықпен тағайындау және жоғары дозаны (тәулігіне 2400 мг) қолдаунбау керек. Сондай-ақ жүрек-қантамыр асқынуларының қауіп факторлары бар (мысалы, гипертензия, гиперлипидемия, қант диабеті, темекі шегетін) пациенттерге ұзақ терапияны тағайындау кезінде, әсіресе ибупрофеннің жоғары дозаларын қабылдау қажет болғанда (2400 мг/тәул) ерекше сақ болу керек. Ауыр аллергиялық реакцияның белгісі болуы мүмкін кеудедегі ауырсыну (Коунис синдромы). Бүйрек функциясының бұзылуы Ауырсынуды басатын препараттарды тұрақты қабылдау, әсіресе бірнеше ауырсынуды басатын әсер етуші заттардың біріктірілуі бүйрек жеткіліксіздігінің даму қаупімен бүйректің қайтымсыз зақымдануына (анальгетикалық нефропатия) әкелуі мүмкін. Бұл қауіп тұзды жоғалтумен және организмнің сусыздануымен байланысты физикалық жүктемелерде жоғарылауы мүмкін. Осыған байланысты ауырсынуды басатын препараттарды жүйелі түрде қабылдаудан аулақ болу керек. Аса жоғары сезімталдық реакциялары Ибупрофенді қолданғанда аллергиялық реакциялардың дамуы, оның ішінде тыныс алу проблемалары, бет пен мойын аймағының ісінуі (ангионевроздық ісіну), кеудедегі ауырсыну туралы хабарламалар алынды. Нурофен® Экспресс препаратын қабылдауды дереу тоқтатып, осы белгілердің кез келгенін байқасаңыз, дәрігермен байланысыңыз немесе медициналық көмекке жүгініңіз. Ауыр жедел аса жоғары сезімталдық реакциялары (мысалы, анафилаксиялық шок) өте сирек байқалады. Аса жоғары сезімталдық реакциясының алғашқы белгілері кезінде Нурофен® Экспресс препаратын қабылдағаннан кейін емдеуді тоқтату керек. Медициналық қызметкер симптомдарды ескере отырып, қажетті шараларды қабылдауы тиіс. Инфекциялар Ибупрофен ысыну және ауырсыну сияқты инфекциялардың белгілерін жасыруы мүмкін. Сондықтан Нурофен® Экспресс препараты инфекцияның тиісті емін кейінге қалдыруы мүмкін, бұл асқыну қаупінің артуына әкелуі мүмкін. Бұл бактериялар туындатқан пневмония кезінде және желшешекпен байланысты терінің бактериялық инфекциялары кезінде байқалды. Егер сіз осы дәріні инфекцияға шалдыққанда қабылдасаңыз және инфекция симптомдары сақталса немесе нашарласа, дереу дәрігерге хабарласыңыз. Басқа деректер Ибупрофен тромбоциттік қызметін уақытша тежей алады (тромбоциттер агрегациясы). Сондықтан қанның ұюы бұзылған пациенттерді мұқият бақылау ұсынылады. Нурофен® Экспресс препаратын ұзақ қолданған кезде балаларда бауыр, бүйрек қызметінің көрсеткіштерін үнемі тексеру, сондай-ақ қанның жалпы талдауын орындау қажет. Бас ауыруын басатын кез келген дәріні ұзақ уақыт қолдану оның асқынуына әкелуі мүмкін. Бұл жағдайда немесе жағдайдың осындай дамуына күдік болған жағдайда медициналық кеңес алуға жүгіну және емдеуді тоқтату керек. Алкогольді қатар қолданған кезде, әсіресе асқазан-ішек жолы немесе орталық жүйке жүйесі тарапынан ҚҚСП әсер етуші затынан туындаған жағымсыз әсерлер күшеюі мүмкін. Егде жастағы пациенттер ҚҚСП қабылдағаннан кейін жағымсыз реакциялардың даму жиілігі егде жастағы пациенттерде, әсіресе асқазан-ішек жолдарының ойық жарасынан қан кету немесе тесілуі сияқты реакциялар жоғарылайды, олар өлімге әкеп соғуы мүмкін. Педиатрияда қолдану Дегидратациясы бар балалар мен жасөспірімдерде бүйрек функциясының бұзылу қаупі бар. Қосымша заттар туралы маңызды ақпарат Бұл дәрілік препарат құрамында сорбитол бар. Бұл дәрілік препаратты фруктозаның көтере алмаушылықпен байланысты сирек тұқым қуалайтын бұзылулары бар пациенттерге қабылдауға болмайды. Бұл дәрілік препарат құрамында бір капсулада 14 мг калий бар. Бұны қандағы калий деңгейін бақылау қажеттілігі бар пациенттерге назарға алу қажет. Бұл дәрілік препарат құрамында әр капсулада 0,485 мг қан қызыл бояғыш [Понсо 4R] (Е 124) бар, сондықтан егер сезімтал болса, аллергиялық реакция тудыруы мүмкін. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Ибупрофен қабылдаған кезде бас айналуды, ұйқышылдықты, тежелуді немесе көру қабілетінің бұзылуын байқайтын пациенттер көлік жүргізуден немесе қозғалатын механизмдерді басқарудан аулақ болу керек.

Жүктілік Простагландиндер синтезінің тежелуі жүктілікке және/немесе эмбрионның немесе шарананың дамуына жағымсыз әсер етуі мүмкін. Эпидемиологиялық зерттеулердің деректері жүктіліктің ерте кезеңінде простагландин синтезінің тежегіштерін қолданғаннан кейін өздігінен болатын түсік түсіру, туа біткен жүрек ақаулары және гастрошизис қаупінің жоғарылауын көрсетеді. Жүрек-қан тамырлары патологиясының дамуының абсолютті қаупі 1 %-дан шамамен 1,5%-ға дейін өсті. Доза ұлғаюына қарай және ем ұзақтығына байланысты қаупі жоғарылайды деп болжанады. Зерттеу нәтижелеріне сәйкес, жануарларда простагландин синтезінің тежегіштерін қолдану имплантацияға дейінгі және кейінгі түсік түсіру және эмбрионның (ұрықтың) өлімі жағдайларының көбеюіне әкелді. Сонымен қатар, органогенез кезеңінде простагландин синтезінің тежегіштерін қабылдаған жануарларда әртүрлі ақаулардың, соның ішінде жүрек-қан тамырлары жүйесінің жоғарылауы туралы хабарланды. Мерзімі 20 аптадан аз жүктілік кезінде ибупрофенді қолданудан аулақ болу керек, жедел қажеттілік болған жағдайлардан басқа. Жүкті болуға тырысатын әйелдер, сондай-ақ мерзімі 20 аптадан аз жүктілік кезінде ең аз тиімді дозаны мүмкіндігінше қысқа мерзімде қолдануы керек. Жүктіліктің 20-шы аптасынан бастап қолданғанда простагландин синтезінің барлық тежегіштері •шарананың қалыптасуы үшін қауптер төменде келтірілген: -кардиопульмонарлық уыттылық (артериялық түтіктің мерзімінен бұрын жабылып қалуымен және өкпе гипертензиясымен сипатталады); -жаңа туған нәрестелерде қағанақ су аздағы және/немесе бүйрек патологиясы дамуы мүмкін (неонатальды бүйрек дисфункциясы); •жүктіліктің соңында ана мен жаңа туған нәресте үшін: -қан кету уақыты ұзаруы мүмкін, препаратты өте төмен дозада қолданған кезде де дамуы мүмкін тромбоциттерге қарсы әсер; -босанудың кідірісіне немесе ұзаққа созылуына алып келетін жатыр жиырылуының бәсеңдеуі. Нурофенді жүктіліктің 20-шы аптасынан бастап бірнеше күн қабылдағаннан кейін, қағанақ судың аздығы мен артериялық түтіктің тарылуын бақылау керек. Қағанақ судың аздығы немесе артериялық түтіктің тарылуы анықталса, Нурофенді қабылдауды тоқтату керек. Ибупрофенді жүктіліктің үшінші триместрінде қолдануға болмайды. Лактация Ибупрофен және оның метаболиттері төмен концентрацияда емшек сүтіне енуі мүмкін. Қазіргі уақытта емшектегі сәбилерге зиянды әсерге қатысты деректер жоқ, сондықтан ауырсыну мен қызбаны жеңілдету үшін ұсынылған дозаны қысқа мерзімді қолдану кезінде емшекпен емізуді үзудің қажеті жоқ.

Ибупрофенді келесі дәрілік заттармен бір мезгілде қолданудан аулақ болу керек: Басқа ҚҚСП, оның ішінде ЦОГ-2 селективті тежегіштері ҚҚСП тобынан екі және одан да көп препараттарды бір мезгілде қолданудан аулақ болу керек, себебі бұл жағымсыз әсерлердің қаупін арттыруы мүмкін. Ацетилсалицил қышқылы (аспирин) Эксперименттік деректер ибупрофен бірге қолданған жағдайда аспириннің төмен дозаларының тромбоциттер агрегациясына әсер етуін тежей алатынын куәландырады. Клиникалық практикаға осы деректерді экстраполяциялауға қатысты белгісіздіктің болуына қарамастан, ибупрофенді тұрақты, ұзақ қолдану ацетилсалицил қышқылының төмен дозаларының кардиопротекторлық әсерін төмендетуге қабілетті болу ықтималдығын жоққа шығаруға болмайды. Ибупрофенді сирек қолданғанда бірде-бір тиісті клиникалық әсерді мойындауға болмайды. Ибупрофенді (басқа ҚҚСП сияқты) келесі препараттармен бірге қолдану кезінде сақ болу керек: Дигоксин сияқты жүрек гликозидтері: ҚҚСП жүрек жеткіліксіздігін нашарлатуы, шумақтық сүзілу жылдамдығын төмендетуі және гликозидтердің плазмалық біріктірілімдерін жоғарылатуы мүмкін. Ибупрофенді дигоксин препараттарымен бірге қабылдау қан сарысуында дигоксин деңгейін арттыруы мүмкін. Дұрыс қолданғанда (4 күннен артық емес) қан сарысуындағы дигоксин деңгейін тексеру талап етілмейді. Кортикостероидтар Жағымсыз реакциялардың даму қаупін арттыруы мүмкін, әсіресе асқазан-ішек жолдарында (асқазан-ішек жолы; ойық жараның пайда болуы немесе қан кету). Серотонинді кері қармайтын селективті тежегіштер (СКҚСТ) және антитромбоциттік агенттер Асқазан-ішектен қан кету қаупінің жоғарылауы. Антикоагулянттар ҚҚСП антикоагулянттардың, мысалы, варфариннің әсерін күшейте алады. Фенитоин Ибупрофенді фенитоин препараттарымен бірге қабылдау қан сарысуындағы фенитоин деңгейін арттыруы мүмкін. Дұрыс қолданғанда қан сарысуында фенитоин деңгейін тексеру (4 күннен артық емес) қажет етілмейді. Литий препараттары Ибупрофен препаратын литий препараттарымен бірге қабылдау қан сарысуында литий деңгейін арттыруы мүмкін. Қан сарысуында литий деңгейін тексеру дұрыс қолданғанда (4 күннен артық емес) қажет етілмейді. Пробенецид және сульфинпиразон Құрамында пробенецид немесе сульфинпиразон бар дәрілік препараттар ибупрофен шығарылуын кейінге қалдыруы мүмкін. Гипертензияға қарсы препараттар (АӨФ тежегіштері, бетарецепторлардың блокаторлары және ангиотензин II антагонистері) және диуретиктер ҚҚСП диуретиктер мен басқа да гипертензияға қарсы дәрілік препараттардың әсерін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттер немесе бүйрек функциясы бұзылған егде жастағы пациенттер) препаратты АӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, оның ішінде әдетте қайтымды болып табылатын жедел бүйрек жеткіліксіздігіне әкелуі мүмкін. Осылайша, препараттардың біріктірілуін сақтықпен қабылдау керек; әсіресе бұл егде пациенттерге қатысты. Пациенттер оңтайлы су теңгерімін ұстап тұруды қадағалауы және қатар жүретін ем басталғаннан кейін және одан әрі мезгіл-мезгіл бүйрек функциясын тексеруі қажет. Диуретиктер ҚҚСП нефроуыттылық қаупін арттыруы мүмкін. Калий жинақтайтын диуретиктер Ибупрофенді калий жинақтайтын диуретиктермен бірге қабылдау гиперкалиемияға әкелуі мүмкін (қан сарысуындағы калий деңгейін тексеру ұсынылады). Метотрексат Метотрексаттың плазмалық біріктірілімінің жоғарылауы туралы мәліметтер бар. Ибупрофенді қабылдау метотрексатты қабылдағанға дейін немесе қабылдағаннан кейін 24 сағат ішінде метотрексат концентрациясының жоғарылауына және оның уытты әсерінің артуына әкелуі мүмкін Циклоспорин Нефроуытты қауіптің жоғарылауы. Такролимус Екі препаратты бір мезгілде қолданған кезде нефроуыттылық даму қаупі артады. Зидовудин Зидовудин мен ибупрофенді бір мезгілде қабылдайтын, гемофилиядан зардап шегетін АИТВ-оң пациенттерде гемартроздар мен гематомалар қаупінің артуы туралы деректер бар. Сульфонилмочевина препараттары Клиникалық зерттеулер қабынуға қарсы стероидты емес дәрілер мен диабетке қарсы дәрілер (сульфонилмочевина препараттары) арасындағы өзара әрекеттесуді көрсетті. Қазіргі уақытта ибупрофен мен сульфонилмочевина препараттарының өзара әрекеттесу жағдайлары сипатталмағанымен, бірге қабылдаған кезде сақтық шарасы ретінде қандағы глюкоза деңгейін тексеру ұсынылады. Хинолонды антибиотиктер ҚҚСП және хинолон қатарының антибиотиктерімен бірге ем қабылдайтын пациенттерде құрысудың пайда болу қаупі артуы мүмкін. CYP2C9 тежегіштері Ибупрофеннің CYP2C9 тежегіштерімен бірге тағайындалуы ибупрофеннің (CYP2C9 субстраты) әсерінің күшеюіне әкелуі мүмкін. Вориконазол мен флуконазолды (CYP2C9 тежегіштері) қолданумен жүргізілген зерттеуде S (+)-ибупрофен әсерінің шамамен 80-100%-ға күшеюі байқалды. Ибупрофен дозасын түзету туралы шешім онымен бірге күшті әсер ететін CYP2C9 тежегіштерін қолданған жағдайларда, әсіресе вориконазол мен флуконазолдың жоғары дозаларында бірге қолданған жағдайларда қабылдануы тиіс.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!