Шырғанақ майы суппозитории 500 мг

Бір суппозиторийдің құрамында белсенді зат - 500 мг итшомыртты шырғанақ жемісінің майы (% 400 мг -каротенге шаққанда құрамында каротиноидтар қосындысы бар шырғанақ майының концентратына шаққанда), қосымша заттар: күнбағыс майы, тазартылған, бутилгидроксианизол, бутилгидрокситолуол, глицерол моностеараты, қатты май (витепсол (H 15, W 35 маркалы), суппосир (NA 15, NAS 50 маркалы)). Сыртқы түрінің, иісінің, дәмінің сипаттамасы Торпеда тәрізді пішіндегі, қызғылт сарыдан күңгірт-қызғылт сары түске дейінгі суппозиторийлер. Кесіндісінде кеуекті стерженнің және шұңғыма тәрізді қуыстардың болуына жол беріледі.

• геморрой • артқы өтіс сызатында • тік ішектің ойық жарасында • проктитте • эрозиялы-ойық жаралы сфинктерит және проктитте • катаральді және атрофиялық проктитте • тоқ ішектің төменгі бөлігі шырышты қабығының сәулемен зақымдалуы

Шырғанақ майы тері мен шырышты қабаттардағы репаративті үдерістерді көтермелейді, зақымданған тіндердің жазылуын жылдамдатады, қабынуға қарсы әсер береді. Антиоксидантты және цитопротекторлы әсерге ие (майда еритін биоантиоксиданттардың бар болуының арқасында бос радикальді үдерістердің қарқындылығын азайтады және жасушалық және субжасушалық жарғақшаларды зақымданудан қорғайды).

Дозалау режимі Ересектерге және 14 жастан асқан балаларға күніне 2 рет 1 суппозиторийден тағайындайды. Енгізу әдісі және жолы Ректальді. Суппозиторийді пішінді қаптамасынан қайшымен суппозиторийдің пішіні бойымен қиып, босатып алады да, ішекті босатқаннан кейін артқы өтіске тереңдете енгізеді. Емдеу ұзақтығы Емдеу курсы: 10-15 күн. Қажет болса, емдеу курсын 4-6 аптадан кейін қайталаңыз.

– әсер етуші затқа немесе қосымша заттардың кез келгеніне аса жоғары сезімталдық – диареяда

Жиілігі белгісіз • аллергиялық реакциялар • артқы өтіс маңындағы шымылдатып ашытуды сезіну Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары сипатталмаған. Дұрыс қолданған жағдайда препараттың артық дозалануы мүмкін емес.

Препарат құрамына кіретін бутилгидроксианизол және бутилгидрокси -толуол терінің жергілікті реакциясын (мысалы, жанаспалы дерматит) немесе шырышты қабықтың тітіркенуін тудыруы мүмкін.

Оны жүктілік кезінде және лактация кезінде қолдануға болады, егер анаға күтілетін пайда ұрыққа немесе балаға төнетін қауіптен жоғары болса. Дәрігермен кеңесу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану көлік құралдарын немесе қауіптілігі зор механизмдерді басқару қабілетіне ықпал етпейді.

Жергілікті қолданғанда басқа дәрілік заттармен клиникалық мәні бар өзара әрекеттесуі сипатталмаған.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 15 °С-ден аспайтын температурада сақтау керек. Балалардың қолы жетпейтін жерде сақтау керек!