Окревус ® раствор 920 мг

Бір құтының ішінде белсенді зат - окрелизумаб 920.0 мг, қосымша заттар: адамның рекомбинантты гиалуронидазасы (rHuPH20), α, α-трегалоза дигидраты, мұзды сірке қышқылы, L-метионин, полисорбат 20, натрий ацетаты, тригидрат, инъекцияға арналған су Сыртқы түрінің иісінің, дәмінің сипаттамасы Мөлдір немесе сәл бозаңданатын, түссіз немесе бозғылт-қоңыр түсті ерітінді.

Окревус® препараты клиникалық деректермен немесе МРТ нәтижелерімен расталған белсенді фазада шашыраңқы склероздың қайталанатын (ҚШС) түрі бар ересек пациенттерді емдеуге көрсетілген. Окревус® препараты МРТ нәтижелерімен расталған қабыну процесі бар, сондай-ақ аурудың ұзақтығы мен мүгедектік дәрежесін ескере отырып, ерте бастапқы-үдемелі шашыраңқы склерозы (БҮШС) бар ересек пациенттерді емдеуге арналған.

Әсер ету механизмі Окрелизумаб-CD20 экспрессиялайтын В-жасушаларына селективті әсер ететін рекомбинантты гуманизацияланған моноклоналды антидене. CD20-бұл алдын-ала В-жасушаларда, жетілген В-жасушаларда және В-жады жасушаларында орналасқан беткейлік антигенді білдіреді. CD20 дің лимфоидты және плазмалық жасушаларда экспрессияланбайды. ШС кезіндегі окрелизумабтың емдік клиникалық әсеріне қол жеткізудің дәлме-дәл механизмі толық анықталмаған; бұл механизм CD20 экспрессиялайтын В-жасушаларының санын азайту және функциясын басу арқылы иммуномодуляция процесін қамтиды деп болжанады. CD20-экспрессиялайтын В-жасушалары беткейінде байланысқаннан кейін окрелизумаб антиденеге тәуелді жасушалық фагоцитоз (АТЖФ), антиденеге тәуелді жасушалық цитоуыттылық (АТЖЦ), комплементке тәуелді цитоуыттылық (КТЦ) және апоптоз арқылы олардың санын селективті түрде азайтады. В-жасушаларының қалпына келу қабілеті мен бар гуморальды иммунитет сақталады. Сонымен қатар, окрелизумаб туа біткен иммунитетке және Т-жасушаларының жалпы санына әсер етпейді. Окрелизумабтың тері астына енгізу түріндегі дәрілік түрі құрамында тері астына енгізу кезінде белсенді субстанцияның дисперсиясы мен сіңуін арттыру үшін қолданылатын фермент - адам гиалуронидазасы (rHuPH20) бар. Фармакодинамикалық әсерлер Окрелизумабпен емдеу емнен кейін 14 күнге дейін күтілетін фармакологиялық әсер - қандағы CD19+ B-жасушалары пулының тез сарқылуына әкеледі (бағалаудың бірінші уақыт нүктесі). Сарқылу емдеудің барлық кезеңінде сақталды. Окрелизумаб талдау кезінде CD20-ны тануға кедергі келтіретін болғандықтан, В-жасушаларының санын есептеу үшін CD19 қолданылады. III фазалық зерттеулерде вена ішіне окрелизумабтың әрбір дозасын енгізу арасындағы кезеңдерде пациенттердің 5% - на дейін кем дегенде бір уақыт нүктесінде В-жасуша пулының (> қалыптың төменгі шегі (ҚТШ) немесе бастапқы мәнге дейін) қалпына келуі байқалды. БҮШС және ҚШС кезіндегі зерттеулерде В-жасушасы пулының сарқылу дәрежесі мен ұзақтығы ұқсас болды. Соңғы инфузиядан кейінгі ең ұзақ бақылау кезеңінің нәтижелері бойынша (WA21493 зерттеу II кезеңі, N=51) В- жасушалары пулының қалпына келу кезеңінің медианасы (бұрын болған жағдайға байланысты бастапқы мәнге/ҚТШ-не оралу) 72 аптаны құрады (27-175 апта). Пациенттердің 90%-да В-жасушаларының пулы препараттың соңғы инфузиясынан кейін шамамен екі жарым жылдан кейін ҚТШ мәндеріне немесе бастапқы мәніне дейін қалпына келді. Клиникалық тиімділік және қауіпсіздік Тері астына енгізуге арналған дәрілік түрі OCARINA II CN42097 зерттеуі (OCARINA II), ҚШС немесе БҮШС бар пациенттерде тері астына енгізуге арналған окрелизумаб дәрілік түрінің фармакокинетикасын, фармакодинамикасын, қауіпсіздігін, иммуногенділігін, радиологиялық және клиникалық әсерін бағалау мақсатында жүргізілген көп орталықты рандомизацияланған ашық параллельді зерттеу. OCARINA II зерттеуінің дизайны фармакокинетиканың бастапқы соңғы нүктесі – инъекциядан/инфузиядан кейін 12 аптаға дейін (AUCw1-12) концентрация-уақыт қисығы (AUC) астындағы аймақ негізінде вена ішіне (в/і) инфузияға арналған окрелизумабпен емдеумен салыстырғанда тері астына (т/а) инъекцияға арналған дәрілік түрдегі окрелизумабпен емдеудің тиімділігін көрсету үшін әзірленген. Жалпы алғанда, ҚШС немесе БҮШС бар 236 пациент (ҚШС бар 213 пациент, БҮШС бар 23 пациент) окрелизумабпен т/а немесе в/і емдеуге 1:1 қатынасында рандомизацияланған. Бақыланатын кезеңде (0-ден 24-ші аптаға дейін) пациенттер зерттеудің 1-14-ші күндері 1-ші зерттеуде тері астына инъекция түрінде 920 мг немесе 2-ші зерттеуде 300 мг вена ішіне инфузияны қабылдады. Бақыланатын кезеңнен кейін барлық пациенттер кейіннен 24 және 448-ші аптада окрелизумаб 920 мг инъекциясын (сәйкесінше 2 және 3 дозалар) т/а қабылдау мүмкіндігіне ие болды. Пациенттер бұрын окрелизумабпен емдеуді қоса, алдыңғы 24 ай ішінде анти-CD-20 антиденелерімен емделген болса, зерттеуден шығарылды. Скрининг кезінде пациенттердің жасы 0-ден 6.5-ке дейінгі EDSS бойынша жағдайды бағалаумен 18-65 жасты құрады. Демографиялық көрсеткіштер екі емдеу тобында да ұқсас және жақсы теңдестірілген болды. Окрелизумабтың а/а тобында орташа жас 39.9 жасты және окрелизумабтың в/і тобында 40.0 жасты құрады. Еркектер үлесі окрелизумабтың т/а тобында 34.7% және окрелизумабтың в/і тобында 40.7% құрады. ШС диагнозы қойылған сәттен бастап аурудың орташа ұзақтығы/медианасы окрелизумабтың т/а тобында 5.70/3.10 жылды және окрелизумабтың в/і тобында 4.78 / 2.35 жылды құрады. 600 мг окрелизумабты вена ішіне енгізумен салыстырғанда 920 мг окрелизумабты тері астына енгізгеннен кейін окрелизумабтың кем түспейтін тиімділігі фармакокинетиканың бастапқы соңғы нүктесі, инъекциядан кейін 12 аптаға дейін (AUCw1-12) AUC негізінде көрсетілді (5.2 бөлімді қараңыз). Вена ішіне енгізуге арналған дәрілік түр Қайталанатын шашыраңқы склероз (ҚШС) Окрелизумабтың тиімділігі мен қауіпсіздігі алдыңғы екі жыл ішінде белсенді фазада (клиникалық дәлелдермен немесе МРТ нәтижелерімен расталған) қайталанатын ШС түрлері бар пациенттерде (2010 Макдональд критерийлеріне сәйкес) бірдей дизайнмен екі рандомизацияланған қос имитациялық және белсенді бақыланатын қосарлы жасырын салыстырмалы клиникалық зерттеулерде (WA21092 және WA21093) бағаланды. Зерттеу дизайны және зерттелетін қауымның бастапқы сипаттамалары 2 кестеде келтірілген. Демографиялық және бастапқы сипаттамалар емдеудің екі тобында жақсы теңдестірілген. А тобындағы пациенттер окрелизумабты әр 6 ай сайын 600 мг дозада қабылдады (2 апта аралықпен 300 мг екі вена ішіне инфузия түрінде 1 доза, келесі дозалар 600 мг бір реттік вена ішіне инфузия түрінде енгізілді). В тобындағы пациенттер интерферон бета-1а-ны аптасына 3 рет 44 мкг дозада тері астына инъекция түрінде қабылдады. 2 Кесте. Зерттеу дизайны, демографиялық және бастапқы сипаттамалары 1 Зерттеу — 2 Зерттеу Зерттеу атауы — WA21092 (OPERA I) (n=821) — WA21093 (OPERA II) (n=835) Зерттеу дизайны Зерттеу қауымы — Қайталанатын ШС түрлері бар пациенттер Скрининг кезіндегі ауру анамнезі — Алдыңғы екі жыл ішінде кем дегенде екі рет қайталану немесе өткен жылы бір рет қайталану; EDSS бойынша* 0-ден 5.5 баллға дейін бағалау, соның ішінде Зерттеу ұзақтығы — 2 жыл Емдеу топтары — А тобы: Окрелизумаб 600 мг В тобы: интерферон бета - 1а 44 мкг тері астына (IFN) Бастапқы сипаттамалары — Окрелизумаб 600 мг (n=410) — IFN 44 мкг (n=411) — Окрелизумаб 600 мг (n=417) — IFN 44 мкг (n=418) Орташа жас (жылдар) — 37.1 — 36.9 — 37.2 — 37.4 Зерттеуге енгізген кездегі жас ауқымы (жылдар) — 18-56 — 18-55 — 18-55 — 18-55 Жынысы бойынша бөлу (%ерлер/% әйелдер) — 34.1/65.9 — 33.8/66.2 — 35.0/65.0 — 33.0/67.0 Диагноз қойылған сәттен бастап аурудың орташа ұзақтығы/ медианасы (жылдар) — 3.82/1.53 — 3.71/1.57 — 4.15/2.10 — 4.13/1.84 Бұрын ШС ағымын өзгертетін препараттарды (ШСАӨП) қабылдамаған пациенттер (%)** — 73.4 — 71.0 — 72.7 — 74.9 Өткен жылдағы қайталанулардың орташа саны — 1.31 — 1.33 — 1.32 — 1.34 MPT-де гадолиний контрасты кезінде контраст жинайтын Т1-ошақтары бар пациенттердің үлесі — 42.5 — 38.1 — 39.0 — 41.4 EDSS* бойынша орташа баға — 2.82 — 2.71 — 2.73 — 2.79 *Expanded Disability Status Scale (мүгедектік дәрежесін бағалаудың кеңейтілген шкаласы) ** Рандомизацияға дейін 2 жыл бойы шашыранды склероз (ШСАӨП) ағымын өзгертетін дәрілерді қабылдамаған пациенттер. Негізгі клиникалық нәтижелер мен MPT нәтижелері 3 кестеде және 1 суретте келтірілген. Осы зерттеулердің нәтижелері интерферон бета-1а-мен салыстырғанда (тері астына 44 мкг дозада) окрелизумаб қайталану жиілігін, МРТ нәтижелерімен расталған аурудың субклиникалық белсенділігін, сондай-ақ аурудың үдецін айтарлықтай төмендететінін көрсетті. 3 Кесте. WA21092 және WA21093 (ҚШС) зерттеулеріндегі негізгі клиникалық және MPT-соңғы нүкте деректері Соңғы нүктелер — 1 Зерттеу : WA21092 (OPERA I) — 2Зерттеу: WA21093 (OPERA II) Окрелизумаб 600 мг (n=410) — IFN 44 мкг (n=411) — Окрелизумаб 600 мг (n=417) — IFN 44 мкг (n=418) Клиникалық соңғы нүктелер Бір жылдағы қайталанулар саны (ARR - Annualised Relapse Rate) (бастапқы соңғы нүкте)8 — 0.156 — 0.292 — 0.155 — 0.290 Салыстырмалы төмендеу — 46% (p<0.0001) — 47% (p<0.0001) 12 апталық мүгедектіктің үдеуі расталған пациенттердің үлесі3 — 9.8% Окрелизумаб vs 15.2% IFN 40% (p=0.0006)7 Қауіпті азайту (біріктірілген талдау1) Қауіпті азайту (жеке талдау2) — 43 % (p=0.0139)7 — 37 % (p=0.0169)7 24 апталық мүгедектіктің үдеуі расталған пациенттердің үлесі 3 — 7.6% Окрелизумаб vs 12.0% IFN 40% (p=0.0025)7 Қауіпті азайту (біріктірілген талдау1) Қауіпті азайту (жеке талдау2) — 43 % (p=0.0278)7 — 37 % (p=0.0370)7 Кемінде 12 апта мүгедектіктің жақсаруы расталған пациенттердің үлесі4 — 20.7% Окрелизумаб vs 15.6% IFN Салыстырмалы ұлғаю (біріктірілген талдау1) Салыстырмалы ұлғаю (жеке талдау2) — 33% (p=0.0194) 61% (p=0.0106) — 14% (p=0.4019) 96 аптадағы қайталанбайтын пациенттердің үлесі 2 — 80.4% — 66.7% — 78.9% — 64.3% (p<0.0001) — (p<0.0001) Ауру белсенділігінің белгілері жоқ пациенттердің үлесі (NEDA)5 — 48% — 29% — 48% — 25% Салыстырмалы ұлғаю 2 — 64% (p<0.0001) — 89% (p<0.0001) MPT соңғы нүктелер MPT-де гадолиниймен контрасттау кезінде контрастты жинақтайтын Т1-ошақтарының орташа саны — 0.016 — 0.286 — 0.021 — 0.416 Салыстырмалы төмендеу — 94% (p<0.0001) — 95% (p<0.0001) МРТ-да жаңа және/немесе ұлғайып келе жатқан гиперинтенсивті Т2-ошақтарының орташа саны — 0.323 — 1.413 — 0.325 — 1.904 Салыстырмалы төмендеу — 77% (p<0.0001) — 83% (p<0.0001) Ми көлемінің пайыздық өзгеруі 24 тен 96 аптаға дейін — -0.572 — -0.741 — -0.638 — -0.750 Ми көлемінің жоғалуының салыстырмалы төмендеуі — 22.8% (p=0.0042)6 — 14.9% (p=0.0900) 1 1 және 2 зерттеулердің біріктірілген проспективалық деректері 2 p-мәні талдау кезінде статистикалық мәнге жеткен жоқ; алдын ала берілген көп деңгейлі критерий аймағына кірмейді 3 егер бастапқы деңгей >5.5 баллды құраса, бастапқы деңгейі 5.5 балл немесе одан төмен пациенттер үшін бастапқы деңгейден EDSS бағалауы бойынша ≥1.0 баллға немесе ≥0.5 баллға жоғарылау ретінде анықталады, 96 аптадағы Каплан-Майер бағалауы 4 егер бастапқы деңгейі >5.5 баллды құраса, бастапқы деңгейі ≥2 және ≤5.5 баллы бар пациенттер үшін бастапқы деңгейден EDSS бағалауы бойынша ≥1.0 баллға немесе ≥0.5 баллға төмендеу ретінде анықталған. Бастапқы деңгейі <2 балл болатын пациенттер талдауға енгізілмеген. 5 NEDA (No Evidence of Disease Activity - ауру белсенділігі белгілерінің болмауы) хаттамада айқындалған қайталанулардың болмауы, 12 апталық CDP (Confirmed Disability Progression -мүгедектіктің үдеуі расталған), сондай – ақ, емдеудің 96 апталық кезеңінде МРТ-да қандай да бір белсенділіктің болмауы (гадолиний контрастымен МРТ жүргізу кезінде контраст жинақтайтын Т1-ошақтарының болмауы, жаңа немесе ұлғайған Т2-ошақтарының болмауы). Толық ITT-қауымына негізделген эксплоративтік нәтиже. 6 p-мәні статистикалық мәнге жеткен жоқ; көп деңгейлі критерийді тестілеу соңғы нүктеге жеткенге дейін тоқтатылды 7 Лог-рангтік критерий 8 Расталған рецидивтер (EDSS бойынша бағалауға сәйкес клиникалық маңызды өзгерістермен бірге жүретін ) 1 Сурет. салыстырмалы жасырын емдеу кезеңінде болған неврологиялық нашарлаудың бастапқы оқиғасымен кем дегенде 12 аптаға сақталған расталған мүгедектіктің үдеуінің басталуына дейінгі уақытының Каплан-Майер қисығы, (WA21092 және WA21093 зерттеулерінің біріктірілген ITT-қауымы)* Біріктірілген талдау: WA21092 және WA21093CDP қаупінің 40 % төмендеуіОР (95% ДИ): 0.60 (0.45, 0.81)(p=0.0006)CDP қаупінің 40 % төмендеуіОР (95% ДИ): 0.60 (0.45, 0.81)(p=0.0006) Доля пациентов с подтвержденным прогрессированием инвалидизации - Мүгедектіктің үдеуі расталған пациенттердің үлесі; количества пациентов с риском выбывания из исследования- Зерттеуден шығу қаупі бар пациенттер саны; ОР-ҚҚ; ДИ-СА; 40 % снижение риска CDP- CDP қаупінің 40 % төмендеуі; *Алдын ала анықталған біріктірілген талдау WA21092 және WA21093 Кем дегенде 12 апта сақталатын CDP-ге дейінгі алдын ала анықталған біріктірілген уақыт талдауларының нәтижелері (интерферон бета-1а (p=0.0006) салыстырғанда окрелизумабпен емдеу кезінде қауіптің 40% төмендеуі) кем дегенде 24 апта ішінде алынған нәтижелермен айтарлықтай салыстырылды (бета-1а интерферонымен салыстырғанда окрелизумабпен емдеу кезінде қауіптің 40% төмендеуі, р=0.0025). Зерттеулерге белсенді ауруы бар пациенттер енгізілді. Олардың қатарына бұрын белсенді ем қабылдамаған пациенттер және клиникалық деректермен немесе МРТ нәтижелерімен расталған талапқа сай жауабы жоқ бұрын емделген пациенттер кірді. белсенді және жоғары белсенді ауруды қоса ауру белсенділігінің бастапқы деңгейіндегі әртүрлі көрсеткіштері бар пациенттердің қауымын талдау нәтижелері окрелизумабтың ARR және 12 апталық CDP көрсеткіштеріне қатысты тиімділігі жалпы қауымдағы көрсеткіштерге сәйкес келетінін көрсетті. Бастапқы үдемелі шашыраңқы склероз (БҮШС) Окрелизумаб тиімділігі мен қауіпсіздігі сонымен қатар негізгі қосу критерийлеріне сәйкес бастапқы үдемелі ҚШ (WA25046 зерттеуі) бар пациенттерде рандомизацияланған, салыстырмалы жасырын, плацебо бақыланатын клиникалық зерттеуде бағаланды, атап айтқанда: 18-55 жасты қоса; скрининг кезеңінде 3.0-ден 6.5 баллға дейін EDSS бойынша бағалау; скрининг кезеңінде ≤5.0 балл EDSS бойынша бағаланған пациенттерде аурудың ұзақтығы 10 жылдан аз немесе скрининг сатысында >5.0 балл EDSS бойынша бағаланған пациенттерде 15 жылдан аз. Ауру белсенділігіне келетін болсақ, қабыну белсенділігіне тән көріністер, тіпті үдемелі ШС кезінде де визуализацияға байланысты болуы мүмкін (яғни, гадолиний контрастында контраст жинайтын Т1-ошақтар және/немесе белсенді [жаңа немесе өсіп келе жатқан] Т2-ошақтары). Барлық пациенттерде қабыну белсенділігін растау үшін МРТ деректерін негізге алу керек. 55 жастан асқан пациенттер зерттеуге қатысқан жоқ. Зерттеу дизайны және зерттелетін қауымның бастапқы сипаттамалары 4-кестеде келтірілген. Демографиялық және бастапқы сипаттамалар емдеудің екі тобында жақсы теңдестірілген. Мидың МРТ-ның нәтижелері гадолиний контрастында контраст жинайтын T1-ошақтары немесе T2-ошақтары түрінде қабыну белсенділігіне тән белгілерді көрсетті. БҮШС кезінде III фазасын зерттеуде пациенттер окрелизумабты әр 6 ай сайын 600 мг дозада, емдеудің барлық кезеңінде 2 апта аралықпен 300 мг екі инфузия түрінде қабылдады. Препаратты ҚШС емдеу үшін 600 мг және БҮШС емдеу үшін 2×300 мг дозада инфузия жүргізген кезде фармакокинетикалық/фармакодинамикалық бейіндердің салыстырмалылығы көрсетілді. Инфузиялық реакциялардың бейіндері 600 мг дозаны енгізу режиміне қарамастан салыстырмалы болды (бір реттік вена ішіне инфузия немесе 2 апта аралықпен 300 мг екі бөлек инфузия түрінде (4.8 және 5.2 бөлімдерді қараңыз), бірақ 2×300 мг енгізу режимінде инфузиялардың жалпы санының көп болуына байланысты инфузиялық реакциялардың жалпы саны жоғары болды. Сондықтан 1-ші дозаны енгізгеннен кейін инфузиялардың жалпы санын (метилпреднизолон мен антигистаминді профилактикалық мақсатта қатар қолданумен) және соған байланысты инфузиялық реакцияларды азайту үшін бір реттік инфузия түрінде 600 мг дозаны енгізу ұсынылады (4.2 бөлімді қараңыз). 4 Кесте. Зерттеу дизайны, WA25046 зерттеуінің демографиялық және бастапқы сипаттамалары Зерттеу атауы — WA25046 ORATORIO (n=732) Зерттеу Зерттеу дизайны Зерттеу қауымы — ШС бастапқы үдемелі түрі бар пациенттер Зерттеу ұзақтығы — Оқиғалармен басқарылатын (кем дегенде 120 апта және 253 мүгедектіктің расталған үдеуі) (Кейінгі бақылау уақытының медианасы: Окрелизумаб 3.0 жыл, плацебо 2.8 жыл) Скрининг кезіндегі ауру анамнезі — 18-55 жас, EDSS бойынша бағалау 3.0-ден 6.5- баллаға дейін Емдеу топтары — А тобы: Окрелизумаб 600 мг В тобы: плацебо, рандомизация 2:1 Бастапқы сипаттамалары — Окрелизумаб 600 мг (n=488) — Плацебо (n=244) Орташа жас (жылдар) — 44.7 — 44.4 Зерттеуге енгізілген кездегі жас ауқымы (жылдар) — 20-56 — 18-56 Жынысы бойынша бөлу (%ерлер/% әйелдер) — 51.4/48.6 — 49.2/50.8 БҮШС диагнозы қойылған сәттен бастап аурудың орташа / орташа ұзақтығы (жылдар) — 2.9/1.6 — 2.8/1.3 EDSS бойынша орташа баға — 4.7 — 4.7 MPT тиімділігінің негізгі клиникалық нәтижелері мен тиімділігінің нәтижелері 5 кестеде және 2 суретте келтірілген. Бұл зерттеудің нәтижелері окрелизумаб аурудың үдеуін едәуір бәсеңдететінін және плацебомен салыстырғанда жүру жылдамдығы нашарлауын төмендететінін көрсетеді. 5 Кесте. WA25046 (БҮШС) зерттеуіндегі негізгі клиникалық және MPT соңғы нүктелері Соңғы нүктелер — 3 Зерттеу WA25046 (Oratorio) Окрелизумаб 600 мг (n=488) — Плацебо (n=244) Клиникалық соңғы нүктелер Тиімділіктің бастапқы соңғы нүктесі 12 апталық мүгедектіктің расталған үдеуі бар пациенттердің үлесі1 (Бастапқы соңғы нүкте) — 30.2% — 34.0% Қауіпті азайту — 24% (p=0.0321) 24 апталық мүгедектіктің расталған үдеуі бар пациенттердің үлесі1 — 28.3% — 32.7% Қауіпті азайту — 25% (p=0.0365) Бастапқы деңгейден 120 аптаға дейін 25 фут қашықтықты өту уақытының пайыздық өзгеруі — 38.9 — 55.1 Жүру уақытының жоғарылау жылдамдығының салыстырмалы төмендеуі — 29.4% (p=0.0404) MPT соңғы нүктелер Гиперинтенсивті Т2-ошақтарының көлемінің бастапқы деңгейден 120 аптаға дейінгі пайыздық өзгеруі — -3.4 — 7.4 (p<0.0001) Ми көлемінің пайыздық өзгеруі 24 тен 120 аптаға дейін — -0.902 — -1.093 Ми көлемінің жоғалуының салыстырмалы төмендеуі — 17.5% (p=0.0206) 1 Егер бастапқы деңгей >5.5 баллды құраса, бастапқы деңгейі 5.5 балл немесе одан төмен пациенттер үшін бастапқы деңгейден EDSS бағалауы бойынша ≥1.0 баллға немесе ≥0.5 баллға жоғарылау ретінде анықталды , 120 аптадағы Каплан-Майер бағасы 2 Сурет. Салыстырмалы жасырын емдеу кезеңінде болған неврологиялық нашарлаудың бастапқы оқиғасымен кем дегенде 12 аптаға сақталған расталған мүгедектіктің үдеуінің басталуына дейінгі уақытының Каплан-Майер қисығы, (ITT-қауымы, WA25046 зерттеуі)* 24% снижение риска CDPОР (95% ДИ): 0.76 (0.59, 0.98)(p=0.0321)24% снижение риска CDPОР (95% ДИ): 0.76 (0.59, 0.98)(p=0.0321) * Осы талдаудағы барлық пациенттер кем дегенде 120 апта бойы бақылаудан өтті. Бастапқы талдау болған барлық оқиғаларға негізделген. Бастапқы соңғы нүктенің алдын ала анықталған қосалқы топтық талдауы гадолиний контрастында бастапқы деңгейде контраст жинайтын T1-ошақтары бар жас пациенттер немесе пациенттер үлкен жастағы пациенттерге немесе гадолиний контрастында контраст жинайтын T1-ошақтары жоқ пациенттерге қарағанда жақсырақ емдік әсер алатынын көрсетеді (≤45 жас: ҚҚ ≤ 0.64 [0.45, 0.92], >45 жас : ҚҚ 0.88 [0.62, 1.26]; бастапқы деңгейде гадолиниймен контраст кезінде контрастты жинақтайтын T1-ошақтарымен: ҚҚ 0.65 [0.40-1.06], бастапқы деңгейде гадолиниймен контраст кезінде контрастты жинақтайтын T1-ошақтарсыз: ҚҚ 0.84 [0.62-1.13]). Сонымен қатар, ретроспективті талдаулардың нәтижелері бастапқы деңгейде гадолиний контрастында контраст жинайтын T1-ошақтары бар жас пациенттерде үлкен емдік әсер бар екенін көрсетеді (≤45 жас: ≤ 0.52 [0.27-1.00]; ≤46 жас [wa25046 зерттеуіндегі жас медианасы]; ҚҚ 0.48 [0.25-0.92]; <51 жыл: ҚҚ 0.53 [0.31-0.89]). Ретроспективті талдаулар салыстырмалы жасырын режимде емдеу және ашық қосымша зерттеуге (АҚЗ) қатысуға көшкенге дейін немесе зерттеу аясында емдеу аяқталғанға дейін шамамен 9 ай қосымша бақыланатын бақылау кірген кеңейтілген бақыланатын зерттеу (КБЗ) барысында жүргізілді EDSS ≥7.0 (24W-CDP EDSS бойынша бағалаумен ≥7.0, «мүгедектер арбасына дейінгі уақыт», time to wheelchair) бойынша бағалаумен 24 апта ішінде мүгедектіктің расталған үдеуі бар пациенттердің үлесі 144 аптада окрелизумаб тобындағы 4.8% -бен салыстырғанда плацебо тобында 9.1% құрады, бұл КБЗ кезінде «мүгедектер арбасына дейінгі уақыт» көрсеткішіне қатысты қауіптің (0.53, [0.31, 0.92]) 47% - ға төмендеуіне әкелді. Бұл нәтижелер зерттеу сипатына ие болғандықтан және диссекциядан кейінгі деректерді қамтығандықтан, нәтижелерді сақтықпен түсіндіру керек. Иммуногенділік Тері астына енгізуге арналған дәрілік түрі OCARINA I және OCARINA II зерттеулерінде бірде-бір пациентте окрелизумабқа антиденелер анықталмаған. OCARINA II зерттеуіндегі пациенттер зерттеу барысында, сондай-ақ емдеуден кейін әр 6 ай сайын антиденелер бастапқы деңгейде анықтауға тексеруден өтті. Осы себепті, осы уақыт нүктелері арасындағы аралықта токтың өтпелі антиденелердің пайда болуы тіркелмеген болуы мүмкін. OCARINA I зерттеуінде тері астындағы окрелизумабпен емделген пациенттерде rHuPH20 антиденелерін (гиалуронидазаға қарсы антиденелер) анықтау жиілігі 2.3% (3/132) құрады. OCARINA II зерттеуінде rHuPH20-ға қарсы антиденелер ешбір пациентте табылған жоқ. Вена ішіне енгізуге арналған дәрілік түрі ШС кезінде (WA21092, WA21093 және WA25046) зерттеуге қатысатын пациенттерде бірнеше уақыт нүктелерінде (бастапқы деңгейде және бүкіл зерттеу барысында терапия аяқталғаннан кейін әрбір 6 ай сайын) дәрілік препаратқа антиденелердің бар-жоғына тексеру жүргізілді. Окрелизумабпен емделген 1311 пациенттің 12-де (~1%) дәрілік препаратқа антиденелердің болуына тестілеудің оң нәтижесі байқалды, оның ішінде 2 пациентте бейтараптандыратын антиденелерге тестілеудің оң нәтижесі байқалды. Емдеу кезінде пайда болған дәрілік препаратқа антиденелердің емдеу қауіпсіздігі мен тиімділігіне әсерін бағалау окрелизумабпен байланысты дәрілік препаратқа антиденелердің төмен жиілігіне байланысты мүмкін емес. Иммундау ҚШС бар пациенттердің рандомизацияланған ашық зерттеуінде (N=102), вакцинациядан кейін 8 аптадан кейін сіреспе анатоксиніне оң жауабы бар пациенттердің пайызы бақылау тобындағы 54.5%-бен салыстырғанда окрелизумаб тобында 23.9% құрады. (интерферон-бета қоспағанда, шашыраңқы склероз ағымын өзгертетін препараттармен емделмеген). Сіреспе анатоксиніне спецификалық антиденелер титрлерінің орташа геометриялық мәні 8 аптада сәйкесінше 3.74 және 9.81 ХБ/мл құрады. Вакцинациядан 4 аптадан кейін 23-валентті пневмококкты полисахаридтің ≥5 серотипіне оң жауап окрелизумаб тобында 71.6% және бақылау тобында 100% құрады. Окрелизумабпен емделген пациенттерде 23-валентті пневмококкты полисахаридпен вакцинациядан 4 аптадан кейін ревакцинация (13 валентті пневмококкты полисахарид) 23-валентті пневмококкты полисахаридпен ортақ 12 серотипке реакцияны айтарлықтай күшейтпеді. Тұмау вирусының бес штаммына қарсы серопротективті титрлері бар пациенттер үлесі вакцинацияға дейін 20.0-60.0% шегінде және 16.7-43.8% шегінде және вакцинациядан кейінгі 4 аптада окрелизумабпен в/і ем қабылдаған пациенттерде 55.6-80.0% шегінде және тиісінше бақылау тобында 75.0-97.0% шегінде өзгерді. 4.4 және 4.5 бөлімдерді қараңыз. Балалар Еуропалық дәрілік заттар жөніндегі агенттігі шашыраңқы склерозды емдеу үшін балалар жасындағы пациенттердің бір немесе бірнеше қосалқы топтарында Окревус препаратын қолдану бойынша зерттеу нәтижелерін ұсыну міндеттемесін кейінге қалдырды. Препаратты балаларда қолдану туралы ақпаратты 4.2 бөлімінен қараңыз.

Окревус®препаратын енгізер алдында сізге тағайындалатын дәрілік препараттар Окревус® препаратын инъекциясын енгізбес бұрын, сіз инъекциялық реакциялар сияқты жағымсыз әсерлерді алдын алу немесе азайту үшін басқа препараттарды қабылдайтын боласыз (инъекциялық реакциялар туралы ақпаратты алу үшін «Қолдану кезіндегі қажетті сақтандыру шаралары» және «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімдерін қараңыз). Әр инъекция алдында сізге кортикостероид пен антигистаминді препарат тағайындалады, сонымен қатар сізге дене температурасының жоғарылауынан препараттар тағайындалуы мүмкін. Дозалау режимі Сізге әр 6 ай сайын 920 мг доза енгізілетін болады. Енгізу әдісі мен жолы • Окревус® препаратының инъекциясын дәрігер немесе мейіргер жасайды. Препаратты алдыңғы құрсақ қабырғасының тері асты шелмайына инъекциялау арқылы енгізеді (тері астына инъекция). • Инъекцияларды іш аймағына шамамен 10 минут бойы жасайды. • Енгізу кезінде емдеуші дәрігер немесе мейіргер инъекция енгізген жердің қызармағанына және көгермегеніне, сондай-ақ препарат сезімтал терісі бар аймаққа, қатайған жерлерге немесе мең немесе тыртықтарға енгізілмегеніне көз жеткізеді. • Сіз инъекция жасау кезінде, сондай-ақ бірінші инъекциядан кейін кемінде 1 сағат бойы бақылауда боласыз. Бұл инъекциялық реакциялар сияқты кез келген жағымсыз құбылыстардың дамуы жағдайына қажет. Инъекциялық реакция дамыған жағдайда, реакцияның ауырлығына қарай инъекция уақытша тоқтатылуы немесе толығымен тоқтатылуы мүмкін (Инъекциялық реакциялар туралы ақпаратты «Қолдану кезіндегі қажетті сақтандыру шаралары» және «Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімдерін қараңыз бөлімдерінен қараңыз). Дәрілік препараттың бір немесе бірнеше дозасын өткізіп алған кездегі қажетті шаралар • Егер сіз инъекцияны өткізіп алған болсаңыз, бұны дәрігерге хабарлаңыз және өткізіп алған дозаны енгізу үшін дереу қабылдауға жазылыңыз. Келесі инъекцияның жоспарланған күнін күтудің қажеті жоқ. • Емдеудің тиімділігін қамтамасыз ету үшін инъекцияны өткізіп алмау маңызды. Егер сіз Окревус® препаратымен емдеуді тоқтатқан болсаңыз • Сіз және сіздің емдеуші дәрігеріңіз препарат көмектесіп жатыр деп санағанға дейін емді жалғастыру маңызды. • Кейбір жағымсыз әсерлер В-жасушаларының төмен деңгейінің салдары болуы мүмкін. Окревус®препаратымен емдеуді тоқтатқаннан кейін В-жасушаларының деңгейі қалыпқа келгенге дейін сіз әлі де жағымсыз әсерлерді сезінетін боласыз. В-жасушаларының деңгейі біртіндеп қалыпты мәндерге дейін көтеріледі. Бұл процесс 6 айдан 2.5 жылға дейін немесе сирек жағдайларда бірнеше жылға дейін созылуы мүмкін. • Басқа препараттарды қабылдауды бастамас бұрын өзіңіздің дәрігеріңізге Окревус®препаратының соңғы дозасының енгізілген күнін хабарлаңыз. Препаратты қолдануға қатысты сұрақтар туындаған кезде емдеуші дәрігерге хабарласыңыз.

• белсенді затқа немесе қосымша заттардың кез келгеніне аса жоғары сезімталдық • белсенді инфекциялық процесс • ауыр иммунтапшылығы жағдайы • белгілі белсенді қатерлі жаңа түзілімдер.

Жағымсыз реакциялардың жиілігін сипаттау үшін келесі жіктеме қолданылады: өте жиі (≥1/10), жиі (≥1/100 - <1/10), жиі емес (≥1/1000 - <1/100), сирек (≥1/10000 - <1/1000), өте сирек (<1/10000) белгісіз (қолда бар деректер негізінде жиілікті бағалау мүмкін емес). Барлық дәрілік препараттар сияқты, бұл препарат та жағымсыз реакцияларды тудыруы мүмкін, бірақ олар бәрінде туындай бермейді. Окревус®препаратымен емдеуге байланысты келесі жағымсыз әсерлер туралы хабарланды: Ауыр жағымсыз реакциялар: Инъекциялық реакциялар • Инъекциялық реакциялар – тері астына инъекция түрінде Окревус® препаратымен емдеудің ең жиі болатын жағымсыз әсері (өте жиі: 10 адамның 1-ден көбінде туындауы мүмкін). Көп жағдайда бұл жеңіл немесе орташа реакциялар болды, алайда Окревус® препаратын венаға енгізгенде (вена ішіне инфузия) ауыр реакциялар байқалды. • Егер сізде инъекцияны енгізу кезінде немесе инъекциядан кейін 24 сағат ішінде инъекциялық реакциялардың қандай да бір симптомдары туындаса, бұны дереу дәрігерге хабарлаңыз. Симптомдарға келесілер кіруі мүмкін, бірақ олармен шектелмейді: • терінің қышынуы • бөртпе • есекжем • терінің қызаруы • инъекция орнының ауыруы немесе ісінуі • тамақтың жыбырлауы немесе тамақтың ауыруы • ентігу • көмейдің ісінуі • қан кернеулері • артериялық қысымның төмендеуі • дене температурасының жоғарылауы • қатты шаршау • бас ауыруы • бас айналу • жүрек айнуы • тамырдың жедел соғуы. • Инъекциялық реакция дамыған кезде оны емдеу үшін сізге препараттар тағайындалады, сонымен қатар инъекцияны тоқтату қажет болуы мүмкін. Өмірге қауіп төндіретін инъекциялық реакция дамыған кезде емдеуші дәрігер препаратпен емдеуді тоқтатады. Инфекциялар • Препаратпен емдеу кезінде сіз инфекцияға бейім боласыз. Шашыраңқы склерозды емдеу үшін Окревус® препаратын қолданған кезде келесі инфекциялар байқалды: • Өте жиі (10 адамның 1-ден көбінде туындауы мүмкін) • тамақтың ауыруы және тұмаурату (жоғарғы тыныс жолдарының инфекциясы) • тұмау • Жиі (көп дегенде 10 адамның 1-де туындауы мүмкін) • синусит (мұрынның қосалқы қоймаларының қабынуы) • бронхит • герпес инфекциясы (қарапайым герпес немесе белдемелі теміреткі) • асқазан-ішек жолының инфекциясы (гастроэнтерит) • тыныс алу жолының инфекциясы • вирустық инфекция • тері асты тіндерінің қабынуы Аталған реакциялардың кейбірі ауыр болуы мүмкін. • Инфекцияның келесі белгілерінің кез келгенін байқасаңыз, бұны дереу емдеуші дәрігерге немесе мейіргерге хабарлаңыз: • дене температурасының жоғарылауы немесе қалтырау • тоқтаусыз жөтел • герпес (қарапайым герпес, белдемелі теміреткі немесе генеталий герпесі) Басқа жағымсыз реакциялар: Өте жиі (10 адамның 1-ден көбінде туындауы мүмкін) • инфекциядан қорғауға көмектесетін жеке протеиндер (иммуноглобулиндерд) деңгейінің төмендеуі Жиі ( көп дегенде 10 адамның 1-де туындауы мүмкін) • қышыну, қызару және ісінумен бірге жүретін көзден бөліністер (конъюнктивит) • жөтел • мұрыннан, жұтқыншақтан немесе кеудеден қалың шырышты бөлінулер • ақ қан денешіктері деңгейінің төмендеуі (нейтропения) Белгісіз (бұл жағымсыз реакциялардың даму жиілігі белгісіз) • ақ қан денешіктері деңгейінің кейіннен төмендеуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Препаратты қабылдар алдында қосымша парақты толық оқып шығыңыз, себебі онда Сіз үшін маңызды мәліметтер бар. • Қосымша парақты сақтаңыз. Сізге оны тағы бір рет оқып шығу қажет болуы мүмкін. • Егер Сізде қосымша сұрақтар туындаса, емдеуші дәрігерге жүгініңіз. • Егер Сізде қандай да бір жағымсыз реакциялар туындаса, емдеуші дәрігерге немесе мейіргерге жүгініңіз. Осы нұсқау кез келген болуы мүмкін, оның ішінде қосымша парақта көрсетілмеген жағымсыз реакцияларға да қатысты болады. • Препарат Сізге ғана тағайындалған. Оны басқа адамдарға бермеңіз. Ол ауру симптомдары тіпті Сіздегімен сәйкес болса да, оларға зиянын тигізуі мүмкін. Егер төменде көрсетілгендердің кез келгені сізге қатысты болса, Окревус® препаратын қабылдауды бастамас бұрын емдеуші дәрігерге хабарлаңыз. Сіздің емдеуші дәрігеріңіз келесі жағдайларда емді кейінге қалдыру немесе емдеуді тоқтату туралы шешімді қабылдауы мүмкін: • егер сізде инфекция болса. Емдеуші дәрігер инфекциялық процесс басылғанға дейін Окревус® препаратымен емді бастауды кейінге қалдырады. • егер сіз бұрын Сіз В гепатитін бастан өткерген болсаңыз немесе В гепатиті вирусының тасымалдаушысы болсаңыз. Окревус® сияқты кейбір препараттар В гепатиті вирусының қайта белсенуіне әкелуі мүмкін. Емдеуді бастамас бұрын сіздің емдеуші дәрігеріңіз В гепатитінің даму қаупінің бар-жоғын тексереді. В гепатитін бастан өткерген немесе В гепатиті вирусының тасымалдаушысы болатын пациенттерге қан талдауы тағайындалады және олар В гепатиті белгілерінің даму жағдайына бақылауда болады. • сізде обыр болса немесе бұрын болса. Емдеуші дәрігер емдеуді кейінге қалдыру туралы шешімді қабылдауы мүмкін. Иммундық жүйеге әсері: • Сіздің иммундық жүйеңізге әсер етуі мүмкін аурулар: егер сізде иммундық жүйеге әсер ететін басқа ауру болса. Бұл сізге Окревус® препаратымен емдеу көрсетілмейтінін білдіруі мүмкін. • Сіздің иммундық жүйеңізге әсер етуі мүмкін препараттар: егер Сіз бұрын-соңды иммундық жүйеге әсер ететін химиотерапия препараттары, иммуносупрессанттар сияқты препараттарды немесе басқа шашыраңқы склерозды емдеуге арналған препараттарды қабылдаған болсаңыз, қабылдап жүрсеңіз немесе қабылдауды жоспарлаған болсаңыз. Емдеуші дәрігеріңіз Окревус® препаратымен емдеуді кейінге қалдыру немесе Окревус®препаратымен емдеуді бастамас бұрын осы препараттармен емдеуді тоқтату туралы шешімді қабылдауы мүмкін. Ақпарат алу үшін төмендегі «Басқа дәрілік препараттармен өзара әрекеттесу» бөлімін қараңыз. Инъекциялық реакциялар • Инъекциялық реакциялар – тері астына инъекция (тері астына инъекция) түрінде Окревус® препаратымен емдеудің ең көп тараған жағымсыз әсері. • Егер сізде кез-келген инъекциялық реакция дамыса, бұны дереу емдеуші дәрігеріңізге немесе мейіргерге хабарлаңыз («Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімін қараңыз). Инъекциялық реакциялар инъекция кезінде немесе инъекциядан кейін 24 сағат ішінде дамуы мүмкін. • Окревус® препаратының әрбір инъекциясы алдында инъекциялық реакциялардың даму қаупін азайту үшін емдеуші дәрігер сізге басқа препараттарды тағайындайды, сонымен қатар сіз инъекция енгізу кезінде және бірінші инъекциядан кейін кем дегенде 1 сағат бойы бақылауда боласыз. Инфекциялар • Егер сізде инфекция бар деп ойласаңыз, Окревус® препаратымен емдеуді бастамас бұрын емдеуші дәрігерге хабарлаңыз. Емдеуші дәрігер инфекциялық процесс басылғанға дейін Окревус® препаратымен емді бастауды кейінге қалдырады. • Окревус® препаратымен емдеу кезінде сіз инфекцияларға бейім боласыз. Бұл Окревус® әсер ететін иммундық жасушалардың инфекциямен күресуге көмектесетіндігімен байланысты. • Окревус® препаратымен емдеуді бастамас бұрын, сондай-ақ кейінгі инъекциялардан бұрын емдеуші дәрігер сізді иммундық жүйенің күйін тексеру үшін қан талдауына жіберуі мүмкін, себебі иммундық жүйемен ауыр проблемалар туындаған жағдайда инфекциялар жиі дамиды. • Егер сіз бастапқы үдемелі шашыраңқы склерозды емдеу үшін Окревус® препаратын қабылдап жүрсеңіз және сізде жұтынумен қиындықтар болса, Окревус® ауыр пневмонияның даму қаупін арттыруы мүмкін. • Окревус® препаратымен емдеу кезінде немесе одан кейін сізде инфекцияның келесі белгілері байқалса, бұны дереу өзіңіздің емдеуші дәрігеріңізге немесе мейіргерге хабарлаңыз: • қызба немесе қалтырау • тоқтаусыз жөтел • герпес (қарапайым герпес, белдемелі теміреткі, гениталий герпесі) • Егер сіз шашыраңқы склероз үдеп жатыр деп ойласаңыз немесе сіз кез келген жаңа симптомдарды байқаған болсаңыз, бұны дереу өзіңіздің емдеуші дәрігеріңізге немесе мейіргерге хабарлаңыз. Бұл шашыраңқы склероздың симптомдары «үдемелі мультифокальды лейкоэнцефалопатия» (ҮМЛ) деп аталатын сирек кездесетін өмірге қауіп төндіретін ми инфекциясына өте ұқсас болуына байланысты. ҮМЛ Окревус® қабылдайтын пациенттерде дамуы мүмкін. • Жақын адамдарыңызға немесе күтім жасаушы адамға Окревус®препаратымен емделіп жүргеніңізді хабарлаңыз. Олар себептерін кейінірек анықтау үшін емдеуші дәрігер білуі керек есте сақтау қабілетінің төмендеуі, ойлау қабілетінің нашарлауы, жүрудегі қиындықтар, көру қабілетінен айрылу, сөйлеудің өзгеруі сияқты сізге байқалмайтын ҮМЛ симптомдарын байқауы мүмкін. Вакцинация • Егер сіз жақында вакцина алған болсаңыз немесе жақын арада қандай да бір вакцинаны қабылдауды жоспарлайтын болсаңыз, бұны емдеуші дәрігерге хабарлаңыз. • Окревус® препаратымен емдеу кезінде сізге тірі немесе тірі аттениурленген вакциналарды қабылдауға болмайды (мысалы, туберкулезге қарсы БЦЖ вакцинасы немесе сары қызбаға қарсы вакцина). • Емдеуші дәрігер сізге маусымдық тұмауға қарсы вакцинаны ұсынуы мүмкін. • Сіздің емдеуші дәрігеріңіз Окревус® препаратымен емдеу алдында сізге вакцинацияның қажеттігін тексеріп алады. Вакцинацияны Окревус®препаратымен емдеу басталғанға дейін кемінде 6 апта бұрын жүргізу керек. Арнайы ескертулер Педиатрияда қолдану Окревус® балалар мен 18 жасқа дейінгі жасөспірімдерде қолдануға арналмаған. Бұл осы жас тобында препарат әсерінің зерттелмеуіне байланысты. Контрацепция Бала тууға қабілетті әйелдер контрацепцияны қолдануы тиіс: • Окревус® препаратымен емдеу кезінде және • Окревус®препаратының соңғы дозасын енгізгеннен кейін 12 ай ішінде. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Окревус® препаратының көлік құралдары мен механизмдерді басқару қабілетіне әсері белгісіз. Емдеуші дәрігер сізге шашыраңқы склероздың көлік құралдары мен механизмдерді басқару қабілетіне қалай әсер ететінін хабарлайды. Окревус®препаратының құрамындағы натрий мөлшері Дәрілік препараттың құрамында бір дозада 1 ммольден (23 г) аз натрий бар, яғни іс жүзінде натрийден бос.

• Егер сіз жүкті болсаңыз немесе бала емізетін болсаңыз, жүкті болдым деп ойласаңыз немесе жүктілікті жоспарласаңыз, емді бастау алдында емдеуші дәрігермен кеңесіңіз. Бұл Окревустың® плацента арқылы өтіп, балаға әсер етуі мүмкін болуымен байланысты. • Егер сіз жүкті болсаңыз, осыған қатысты емдеуші дәрігердің кеңесін алмай жатып, Окревус® препаратын қабылдамаңыз. Сіздің емдеуші дәрігеріңіз сізге пайдасы мен балаға қаупін ескере отырып, Окревус® препаратымен емдеудің орындылығын қарастырады. • Балаңызға екпе енгізбес бұрын өзіңіздің емдеуші дәрігеріңізбен кеңесіңіз. Окревус®препаратымен емдеу кезінде бала емізуді тоқтату керек. Бұл Окревус® препаратының емшек сүтіне енуімен байланысты.

Емдеуші дәрігеріңізге қандай да бір басқа препараттарды қабылдағаныңыз, жақында қабылдағаныңыз немесе енді қабылдауыңыз мүмкін екені туралы хабарлаңыз. Атап айтқанда, дәрігерге хабарлаңыз, егер: • Сіз химиотерапия препараттары, иммуносупрессанттар сияқты иммундық жүйеге әсер ететін препараттарды немесе басқа шашыраңқы склерозды емдеуге арналған препараттарды қабылдаған болсаңыз, қабылдап жүрсеңіз немесе қабылдауды жоспарласаңыз. Бұл препараттар Окревус® препаратымен бірге иммундық жүйеге айтарлықтай әсер етуі мүмкін. Емдеуші дәрігер Окревус® препаратымен емдеуді кейінге қалдыру туралы шешімді қабылдауы немесе Окревус®препаратымен емдеуді бастамас бұрын аталған препараттарды қабылдауды тоқтату қажет болуы мүмкін. Егер жоғарыда аталғандардың кез-келгені сізге қатысты болса (немесе оған сіз сенімді болмасаңыз), емдеуді бастамас бұрын емдеуші дәрігермен кеңесіңіз.

Сақтау мерзімі Ашылмаған құты 24 ай Тері астына енгізуге арналған сұйылтылған ерітінді • Пайдалану процесіндегі химиялық және физикалық тұрақтылық 2-8 °C температурада 30 сағат ішінде және ≤30°C температурада жарықтан қорғалмаған жерде қосымша 8 сағат бойы көрсетілді. • Микробиологиялық тұрғыдан препарат құтыдан шприцке ауыстырылғаннан кейін бірден қолданылуы тиіс. Егер препарат дереу енгізілмесе, енгізуге дейінгі сақтау уақыты мен шарттары пайдаланушының жауапкершілігі болып табылады. Дайын ерітіндіні дайындық асептиканың бақыланатын және валидацияланатын жағдайында өткен жағдайлардан басқа, 2-8 °C температурада 24 сағаттан артық сақтауға болмайды. Жарамдылық мерзімі өткеннен кейін қолдануға болмайды. Сақтау шарттары Жарықтан қорғау үшін түпнұсқалық қаптамасында 2 °C-ден8 °C-ге дейінгі температурада сақтау керек. Мұздатып қатыруға болмайды! Сілкімеңіз! Ашылмаған құтының ≤25 °C температурада болуының рұқсат етілген уақыты 12 сағатты құрайды.