Октанат® 250 лиофилизат 1000 МЕ

Бір құтының ішінде Адамның қан ұюының VIII факторы жалпы ақуызға баламалы — 250 ХБ 5.5 мг аспайды — 500 ХБ 11 мг аспайды — 1000 ХБ 22 мг аспайды қосымша заттар: натрий цитраты, натрий хлориді, кальций хлориді, глицин, еріткіш – инъекцияға арналған су. Сыртқы түрінің, иісінің, дәмінің сипаттамасы Ақ немесе ақшыл-сары түсті лиофилизацияланған борпылдақ ұнтақ.

А гемофилиясы бар пациенттерді емдеуде және қан кетулердің профилактикасының (туа біткен VIII факторы тапшылығы), бұрын ем алған немесе алмаған пациенттерді қоса, және үлкен немесе кішігірім хирургиялық араласулар кезінде; гемофилияның тежегіштік түрін иммунологиялық төзімділікті индукциялау (ИТИ) әдісімен емдеуде. Октанат® барлық жас топтары үшін пайдалануға болады. Бұл препарат құрамында фармакологиялық тиімді мөлшерде Виллебранд факторы жоқ, сондықтан Виллебранд ауруы кезінде көрсетілмеген.

Нұсқаулықта көрсетілмеген.

Емдеу гемофилиясы бар пациенттерді жүргізу тәжірибесі бар дәрігердің бақылауымен жүргізілуі тиіс. Емдеуді мониторингілеу Емдеу курсы кезінде препараттың дозасын және оны енгізу жиілігін түзету үшін VIII фактордың белсенділігін анықтау ұсынылады. Жеке пациенттер VIII факторды енгізуге клиникалық жауап бойынша әр түрлі болуы мүмкін және VIII факторды қалпына келтірудің әр түрлі деңгейін және оның жартылай шығарылу кезеңін көрсете алады. Дене салмағына байланысты дене салмағы аз немесе артық пациенттерде дозаны түзету қажет болуы мүмкін. Үлкен хирургиялық араласулар жағдайында алмастырушы емді дәл бақылау қажет, бұл коагулограмма мен VIII фактордың белсенділігін зерттеуді білдіреді. Дозалау режимі Алмастырушы емнің дозасы мен ұзақтығы VIII фактор тапшылығы дәрежесіне, қан кету орны мен ұзақтығына және пациенттің клиникалық жай-күйіне байланысты болады. VIII факторының бірліктер саны VIII фактор үшін ДДҰ кезектегі стандарттарымен белгіленген Халықаралық Бірлікпен белгіленеді (ХБ). VIII факторының плазмадағы белсенділігі не пайыздық арақатынасында (адам плазмасындағы фактордың қалыпты құрамына қатысты), не Халықаралық Бірліктерде айқындалады (плазмадағы VIII факторы үшін қабылданған Халықаралық Стандартқа қатысты). VIII факторының бір Халықаралық Бірлігі адамның қалыпты плазмасының 1 мл құрамындағы VIII факторының мөлшеріне баламалы. VIII факторының қажетті дозасын есептеу 1 ХБ/кг VIII факторы плазмалық фактор деңгейінің қалыпты құрамынан 1,5-2% асатын эмпирикалық жолмен алынған нәтижелерге негізделген. Қажетті дозасы мына формула бойынша есептеледі: Қажетті доза = дене салмағы (кг) х VIII Ф (ХБ/дл) деңгейінің күтілетін жоғарылауы (%) х 0,5 VIII фактордың қолданылу мөлшері мен жиілігі әрбір жеке жағдайдағы клиникалық тиімділікке үнемі сәйкес келуі тиіс. Тізбектелген қан кетулерде VIII факторы белсенділігінің деңгейі сәйкесінше уақыт кезеңінде плазмадағы бастапқы деңгейінен (қалыпты құрамынан %) төмен түспеуі тиіс. Келесі кесте түрлі қан кетулерде немесе хирургиялық араласуларда VIII факторының дозаларын таңдау үшін бағдар ретінде пайдаланылуы мүмкін. Қан кету ауырлығы \ хирургиялық араласудың типі — Қажетті деңгейі Ф VIII (%) (ХБ/дл) — Енгізу жиілігі (сағат)/ Емдеу ұзақтығы (күндер) Қан кету Ерте гемартроздар, бұлшықетішілік қан кетулер, ауыз қуысының шырышты қабығынан қан кетулер — 20-40 — Әр 12-24 сағат сайын, кемінде 1 тәулік, ауыру басылғанша немесе жара жазылғанша қайталайды. Кеңірек таралған қан кетулер, бұлшықет гематомалары — 30-60 — Әр 12-24 сағат сайын 3-4 күн бойы немесе одан көп, ауыру басылғанға және еңбек қабілеттілігі қалпына келгенге дейін қайталап енгізу. Өмірге қауіп төндіретін қан кетулер — 60-100 — Әр 8-24 сағат сайын, қауіп жойылғанша енгізу. Хирургиялық араласулар Шағын операциялар, тіс жұлуды қоса — 30-60 — Әр 24 сағат сайын, кемінде 1 тәулік, жара толық жазылғанға дейін Ауқымды операциялар — 80-100 (операцияға дейін және кейін) — Жараның жазылуына дейін әр 8-24 сағат сайын, сосын кемінде 7 күн VIII факторының белсенділігін 30-60% деңгейде ұстап тұру үшін қайталап енгізу. Профилактика А гемофилиясының ауыр түрімен ауыратын пациенттерде ұзақ уақыт қан кетулердің профилактикасы үшін, VIII факторы дене салмағына 20-40 ХБ/кг мөлшерде әр 2-3 күн сайын енгізілуі тиіс. Кей жағдайларда, әсіресе жас пациенттерде, енгізулер арсындағы аралықты қысқарту немесе дозасын арттыру қажет болуы мүмкін. Үздіксіз инфузия Операция алдында клиренсті бағалау үшін фармакокинетикалық талдау жүргізу керек. Бастапқы инфузия жылдамдығын келесідей есептеуге болады: Клиренсі x тұрақты күйдің қажетті деңгейі = инфузия жылдамдығы(ХБ / кг / сағ). Үздіксіз инфузияның алғашқы 24 сағатынан кейін клиренсті күн сайын өлшенген деңгеймен және белгілі инфузия жылдамдығымен тұрақты күй теңдеуін пайдалана отырып есептеу керек. Балалар 6 немесе одан аз жастағы 15 пациентте жүргізілген клиникалық зерттеу балаларға арналған арнайы дозалау талаптарын анықтаған жоқ. Емдеу үшін де, профилактика үшін де дозасы ересектер мен балаларда бірдей. Енгізу әдісі және жолы Вена ішіне. Минутына 2-3 мл-ден артық емес енгізу ұсынылады. Нұсқаулықты оқып, барлық нұсқауларды мұқият орындаңыз! Төменде сипатталған емшараларды орындау кезінде стерильділікті сақтау қажет! Ерітіндіні дайындау ережелері: 1. Құтыларды ашпай тұрып, еріткіш (инъекцияға арналған су) пен концентратты бөлме температурасына дейін жылыту керек. Еріту кезінде бұл температураны ұстап тұрыңыз. 2. Құтылардың қалпақшаларын алып тастаңыз және резеңке тығындарды спиртті тампондармен сүртіңіз. 3. Екі ұшы бар иненің қысқа иінінің қорғағыш жабынын иненің жалаңаш ұшына қол тигізбей алып тастаңыз. Сосын инені еріткіші бар құтының резеңке тығынына тігінен тығыңыз. Еріткішті құтыдан толығымен ағызу үшін, ине тығынды құтыда көрініп тұратындай дәрежеде тесуі керек. 4. Екі ұшы бар иненің басқа ұзын иінінің қорғағыш жабынын иненің жалаңаш ұшына қол тигізбей алып тастаңыз. Еріткіші бар құтыны төңкеріп ұстап тұрып, құтының резеңке тығынын инемен тез тесіңіз. Пайда болған вакуум жағдайында су препарат бар құтыға ауыса бастайды. 5. Еріткіштің бос құтысынан екі бұрышты инені алыңыз, содан кейін концентрат толығымен ерігенше құтыны баяу айналдырыңыз. Октанат® бөлме температурасында мөлдір ерітіндіге дейін тез ериді. Бөлме температурасында еру уақыты 10 минуттан аспайды. Қоса берілген еріткішпен қалпына келтірілгеннен кейін Октанат® вена ішіне енгізіледі. Ерітінді мөлдір немесе сәл бозаңданатын болуы тиіс. Күңгірт немесе тұнбасы бар ерітінділерді пайдаланбаңыз. Қалпына келтірілген препараттар қолданар алдында механикалық қосындыларға немесе түсінің өзгеруіне тексерілуі тиіс. Қалпына келтірілген ерітінді дереу және тек бір рет қолдану үшін пайдаланылуы тиіс. Ерітіндіні енгізу ережелері: Сақтандыру шарасы ретінде, пациенттің тамыр соғысы VIII факторын енгізгенге дейін және енгізу кезінде де бақылануы тиіс. Тамыр соғысының айқын жиілеуі байқалса, инъекцияны баяулату немесе тоқтату керек. • Концентратты жоғарыда келтірілген нұсқаулықтарға сәйкес еріткеннен кейін, сүзгілі иненің қорғағыш жабынын алып тастаңыз және оны концентраты бар құтыға тығыңыз. • Сүзгілі иненің қалпақшасын алып тастаңыз және шприцпен жалғаңыз. • Шприці бар құтының түбін жоғары қаратып төңкеріңіз және ерітіндіні шприцге тартыңыз. • Болжалды инъекция орнын спиртті тампонмен зарарсыздандырыңыз. • Сүзгілі инені шприцтен ажыратыңыз және оның орнына инъекциялық инені жалғаңыз. • Ерітіндіні вена ішіне баяу, минутына 2 -3 мл жылдамдықпен енгізіңіз. Пациенттер Октанат® концентратының бір құтысынан артық пайдаланған жағдайда, бір рет пайдалануға арналған сүзгі инесін қоспағанда, ине мен шприцті қайта пайдалануға жол беріледі. Дайындалған ерітіндіні шприцке алу үшін әрқашан сүзгі инесін пайдалану керек. Пайдаланылмаған кез-келген ерітінді немесе қалдықтар жергілікті талаптарға сәйкес утилизациялауға жатады.

Белсенді затқа немесе препараттың қосымша заттарының кез-келгеніне жоғары сезімталдық.

Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар бәрінде бола бермейді. Жағымсыз құбылыстардың жиілігін анықтау келесі критерийлерге сәйкес жүзеге асырылады: өте жиі (≥1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Қауіпсіздік бейінінің түйіндемесі VIII фактор препараттарын қолданғанда жоғары сезімталдық немесе аллергиялық реакциялар (олар ангионевроздық ісінуді, препаратты енгізу орнында күйдіріп-ашыту мен шаншуды, қалтырауды, беттің қызаруын, бас ауруын, жайылған есекжемді, жергілікті есекжемді, гипотензияны, тежелуді, жүрек айнуын, мазасыздықты, тахикардияны, кеуде қуысының қысылу сезімін, құлақтағы шуылды, құсуды, ысқырықты тыныс алуды қамтуы мүмкін) сирек байқалды, бірақ кейбір жағдайларда ауыр анафилаксияның (шокты қоса) дамуымен үдеген. Кейбір жағдайларда қызба жағдайы байқалды. А гемофилиясы бар пациенттерде VIII факторға бейтараптандыратын антиденелер (тежегіштер) пайда болуы мүмкін. Бұл тежегіштердің өндірілуі клиникалық жауаптың жеткіліксіздігіне әкеледі. Мұндай жағдайларда гемофилияны емдеудің мамандандырылған орталығына хабарласу ұсынылады. Жағымсыз реакциялардың кестелік тізімі Төменде ұсынылған кесте MedDRA сәйкес ағзалар жүйесінің жіктемесіне сәйкес келеді. Жүйелік-ағзалық класс — Жағымсыз реакциялар — Жиілік Иммундық жүйенің бұзылыстары — Жоғары сезімталдық Анафилаксиялық шок — Сирек Өте сирек Жалпы бұзылыстар және жергілікті реакциялар — Қызба жағдайы — Сирек Қан және лимфа жүйесі — FVIII тежегіштер — Жиі емес (PTPs)* Өте жиі (PUPs)* Зертханалық көрсеткіштер тарапынан — VIII факторға антиденелерді анықтаудың оң нәтижесі — Сирек * Жиілік ауыр А гемофилиясы бар пациенттерді қамтитын FVIII барлық препараттарымен жүргізілген зерттеулерге негізделген. PTPs = бұрын емделген пациенттер, PUPs = бұрын емделмеген пациенттер. Балаларда қолданылуы Балалардағы жағымсыз реакциялардың жиілігі, түрі және ауырлығы ересектердегі осы көрсеткіштерге ұқсас деп болжанады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың қан ұю факторының артық дозалану жағдайлары туралы хабарламалар жоқ.

Үйлесімділік бойынша зерттеулер жүргізілмегендіктен, бұл дәрілік затты басқа дәрілік заттармен араластыруға болмайды. Инъекция немесе инфузияға арналған қоса берілген жинақтары ғана пайдаланылуы тиіс, өйткені кейбір инъекциялық/инфузиялық жабдықтың ішкі беткейінде адамның қан ұюының VIII факторы адсорбциясы нәтижесінде емдеу тиімсіз болуы мүмкін. Арнайы ескертулер Қадағалануы Октанат® препаратын әр қолданған кезде пациенттің жай-күйінің белгілі бір сериялы препаратты енгізумен байланысын байқау үшін препарат сериясының атауы мен нөмірін тіркеу ұсынылады. Жоғары сезімталдық Ақуыз текті кез-келген инъекциялық препаратты қабылдағандағы сияқты, аллергиялық типтегі аса жоғары сезімталдық реакциясы дамуы мүмкін. VIII факторынан бөлек препараттың құрамында қанның басқа ақуыздарының іздік мөлшерлері бар. Пациенттер ерте білінетін аса жоғары сезімталдық реакция белгілері, есекжем, жайылған уртикарлық бөртпе, кеуде қуысының қысылуын сезіну, ентігу, қан қысымының төмендеуі және анафилаксия туралы хабардар болуы тиіс. Бұл симптомдар пайда болған жағдайда препаратты енгізуді дереу тоқтату керек. Шок дамыған жағдайда қазіргі заманғы шокқа қарсы емдеу әдістері қолданылуы тиіс. Тежегіштері VIII факторға бейтараптандыратын антиденелердің, тежегіштердің түзілуі А гемофилиясы бар пациенттерді емдеудің белгілі асқынуы болып табылады. VIII фактордың ұйытатын тежегіштері әдетте IgG класындағы иммуноглобулиндер болып табылады, модификацияланған тест көмегімен плазманың миллилитріндегі Бетезда бірліктерімен (ББ) өлшенеді. Тежегіштердің даму қаупі аурудың ауырлығымен, сондай-ақ VIII фактордың әсер ету уақытымен байланысты, бұл қауіп қолданудың алғашқы 50 күнінде ең жоғары, бірақ өмір бойы сақталады, дегенмен қауіп сирек кездеседі. Тежегіштің дамуының клиникалық маңыздылығы тежегіштің титріне байланысты болады, уақытша болатын немесе үнемі төмен болып қалатын төмен титрлі тежегіштер жоғары титрлі тежегіштерге қарағанда жеткіліксіз клиникалық жауап алу қаупін азайтады. Адамның қан ұюының VIII факторымен емделген пациенттер клиникалық бақылаулар мен зертханалық зерттеулердің нәтижелерін ескере отырып, тежегіштерге мұқият тексерілуі тиіс. Егер плазмадағы VIII фактордың күтілетін белсенділік деңгейіне қол жеткізілмесе немесе қан кету тиісті дозамен бақыланбаса, VIII фактор тежегішінің болуына тестілеу жүргізу керек. Тежегіші жоғары пациенттерде VIII факторлық ем тиімсіз болуы мүмкін, сондықтан емдеудің басқа нұсқаларын қарастырған жөн. Мұндай пациенттерде емдеуді гемофилиямен және VIII фактор тежегіштерімен пациенттерді емдеуде тәжірибесі бар дәрігер тағайындауы тиіс. Жүрек-қантамыр асқынулары Жүрек-қантамыр ауруларының қауіп факторлары бар пациенттерде FVIII алмастырушы ем жүрек-қантамыр ауруларының қаупін арттыруы мүмкін. Катетерді қолданумен байланысты асқынулар Егер орталық веналық қол жеткізу құрылғысын енгізу қажет болса, онда катетерді пайдаланумен байланысты асқынулардың, соның ішінде жергілікті инфекциялардың, бактериемияның және катетер тромбозының қаупін ескеру қажет. Трансмиссивті агенттер Адамның қанынан немесе плазмасынан жасалған медициналық препараттарды қолдану кезінде инфекция қоздырғыштарының берілуінің алдын алуға бағытталған стандартты іс-шараларға донорларды іріктеу, донорлық қанның жеке бөліктерін және плазма пулдарын инфекциялардың нақты маркерлерін анықтау үшін скрининг жүргізу, сондай-ақ өндіріс процесінде вирустардың белсенділігін жою/жоюдың тиімді әдістерін пайдалану жатады. Осыған қарамастан, адамның қанынан немесе плазмасынан жасалған дәрілік препараттарды тағайындау кезінде инфекция қоздырғыштарының берілу ықтималдығын толығымен жоққа шығаруға болмайды. Бұл сондай-ақ белгісіз вирустар мен басқа қоздырғыштарға қатысты. Өткізілетін іс-шаралар адамның иммун тапшылығы вирусы, В гепатиті вирусы, С гепатиті вирусы, сондай-ақ қабықсыз А гепатиті вирусы сияқты қабықша вирустарына қарсы тиімді болып саналады. Қабылданған шаралар В19 парвовирусы сияқты қабықсыз вирустарға қарсы шектеулі мәнге ие болуы мүмкін. В19 парвовирусы жүкті әйелдерде (жатырішілік инфекция), сондай-ақ иммун тапшылығы бар немесе қызыл қан жасушаларының түзілуі жоғарылаған адамдарда (мысалы, гемолиздік анемия кезінде) күрделі асқынулар тудыруы мүмкін. Плазмадан алынған VIII фактор препараттарын үнемі/бірнеше рет қабылдайтын пациенттерге тиісті вакцинациялар (А және В гепатитіне қарсы) ұсынылады. Октанат® препаратын әрбір енгізген кезде бақылау мақсатында препарат сериясының атауы мен нөмірін (пациент және препарат партиясы) тіркеу ұсынылады. Препараттың құрамындағы Виллебранд факторы емдік тиімді мөлшерде емес, сондықтан ол Виллебранд ауруын емдеуге арналмаған. Натрий мөлшері Бұл препарат құтыда 1 ммоль натрийден (23 мг) аз, яғни мәні бойынша «натрийсіз» (250 ХБ/құты дозасы үшін) және 500 ХБ/құты және 1000 ХБ/құты дозасы үшін құтыда 1,75 ммольден (40 мг) аз натрий бар, бұл ДДҰ ұсынған 2% - ға тең ересек адам үшін тәуліктік норма 2 г натрий. Тұзсыз диетаны ұстанатын пациенттерге мұқият тағайындау керек. Балаларда қолданылуы Аталған ескертулер мен сақтық шаралары ересектерге де, балаларға да қатысты. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Октанат® автокөлікті және басқа механизмдерді басқару қабілетіне теріс әсер етпейді.

VIII фактордың жануарлардың репродуктивті функциясына әсерін зерттеу жүргізілген жоқ. Әйелдерде А гемофилиясының сирек пайда болу мүмкіндігін ескере отырып, VIII фактордың жүктілік пен лактация барысында қолдану тәжірибесі жоқ. Сондықтан VIII факторды жүктілік және лактация кезінде нақты көрсетілімдер болған жағдайда ғана қолданылуы тиіс.

Адамның қан ұюының VIII факторы препараттарының басқа дәрілік препараттармен қандай да бір өзара әрекеттесуі байқалмады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Қалпына келтірілген препарат дереу және тек бір рет енгізу үшін пайдаланылуы тиіс. Сақтау шарттары Жарықтан қорғалған жерде, +20С-ден 250С-ге дейінгі температурада сақтау керек. Мұздатып қатыруға болмайды. Құтыны жарықтан қорғау үшін түпнұсқалық қаптамасында сақтау керек. Балалардың қолы жетпейтін жерде сақтау керек!