Октоклотин® лиофилизат 1000 МЕ

Бір құтының ішінде белсенді зат – мороктоког альфа 500 ХБ, 1000 ХБ, 2000 ХБ; қосымша заттар: натрий хлориді, сахароза, гистидин, кальций хлориді дигидраты (сусыз затқа шаққанда), полисорбат 80. Еріткіші бар құтының ішінде инъекцияға арналған натрий хлоридінің ерітіндісі 0.9% – 5 мл. Сыртқы түрінің, иісінің, дәмінің сипаттамасы Лиофилизат: ақтан сәл сарғыш реңді ақ түске дейінгі аморфты масса. Еріткіш: мөлдір түссіз сұйықтық. Қалпына келтірілген ерітінді: мөлдір немесе әлсіз бозаңданатын түссіз немесе сәл сарғыш түсті ерітінді.

6 және одан үлкен жастағы А гемофилиясы (қан ұюының VIII факторының туа біткен жеткіліксіздігі) бар пациенттерде қан кетуді емдеу және профилактикасы. Ескерту: Октоклотин® препаратында Виллебранд факторы жоқ, сондықтан Виллебранд ауруын емдеу үшін көрсетілмеген.

Октоклотин - жойылған В-доменімен (мороктоког альфа) VIII қанның ұюының рекомбинантты факторы қытай атжалманының аналық безі жасушаларының трансфекциясымен алынған модификацияланған, қайта өңделетін СНО 2Н5 жасушалар желісімен өндіріледі және рекомбинантты ДНҚ технологиясын пайдалана отырып бөлінеді. Рекомбинантты қан ұю факторы VIII, эндогендік сияқты, қанның ұюының ішкі механизміне қатысады, тромбоциттік фосфолипидтер мен иондалған кальцийдің қатысуымен IX қан ұюы кешенін құрайды, ол қанның Х ұю факторын белсендіреді. Соңғысы протромбиннің тромбинге айналуын қамтамасыз етеді, бұл өз кезегінде фибриногенді фибринге айналдырады, нәтижесінде қан ұюы пайда болады. Мороктоког альфа молекулярлық салмағы 165 000 дальтон гликопротеин болып табылады, VIII қанның ұюы эндогендік факторының формаларының біріне ұқсас фармакологиялық қасиеттерге ие, сондықтан геморрагиялық синдромның айқындылығын азайту мақсатында А гемофилиясы бар пациенттерде VIII ұю факторы тапшылығы кезінде орын басу емі үшін пайдаланылуы мүмкін. Клиникалық тиімділігі және қауіпсіздігі Клиникалық зерттеу аясында мороктоког альфаның тиімділігі мен қауіпсіздігіне баға беру гемофилияның ауыр және орташа ауыр түрі бар 18 ересек пациентте жүргізілді. Зерттеудің 26 аптасы ішінде, мороктоког альфамен емдеу аясында rFVIII қалдық белсенділігі 1%-дан аз емес болды (1.7%±1.6%). Соңғы келуде екі препаратты да енгізгеннен кейін 30 минуттан соң rFVIII белсенділігінің қалпына келуінің ұқсастығы анықталды: мороктоког альфаны және қан ұюының плазмалық VIII факторын алған пациенттер тобында, сәйкесінше, 78.19±17.74% дейін және 66.21±11.91%. Қан ұюының плазмалық VIII факторын алған топта қан кету көріністерінің орташа жиілігі 25%-ға жоғары болды және мороктоког альфа тобындағы 4.22±8.58-ге қарсы 5.56±9.43 көріністі құрады. Мороктоког альфаның және қан ұюының плазмалық VIII факторының орташа профилактикалық дозалары салыстырымды болды: сәйкесінше 31.28±1.85 ХБ/кг (2000±395.28 ХБ) және 30.22±3.14 ХБ/кг (2833.33±572.82). Қан кету көріністерін жою үшін қан ұюының плазмалық VIII факторына (2100.00±440.31 ХБ) қарағанда, мороктоког альфаның жоғарырақ дозасы қажет болды (3239.03±642.04 ХБ). Тіреуден кейінгі IV фазадағы салыстырмалы емес проспективті клиникалық зерттеуде А гемофилиясының ауыр және орташа ауыр түрі бар 30 ересек пациентте мороктоког альфаны профилактикалық қолдану аясында 1.4±2.58 қан кету көріністері байқалды, олардың арасында зерттеудің 21 аптасының ішінде өздігінен қан кетулер – 1.13±2.19 оқиға. Геморрагиялық көріністердің орташа ұзақтығы 1.18±0.46 күнді құрады, сәйкесінше, мороктоког альфаны 1.25±0.56 және 1.2±0.59 енгізуді қажет етті. Өздігінен қан кету көріністерін жоюға жұмсалған орташа доза 3279.4±2419.75 ХБ құрады. Мороктоког альфаны енгізгеннен кейін 30 минуттан соң ІБТУ және FVIII белсенділігі мәндерінің қалпына келуі байқалды, FVIII белсенділігінің жоғарылау дәрежесі (K-value) ХБ/кг-де 2.09±0.97 ХБ/дл құрады. 83.3% пациенттер 48 сағаттан кейін FVIII≥1% қалдық белсенділігіне ие болды. 12-ден 18 жасқа дейінгі балалар 12-ден 18 жасқа дейінгі балаларда мороктоког альфа қан кетулердің профилактикасы үшін 30-40 ХБ/кг дозаларда қолданылды, олар ересек пациенттердің дозаларына ұқсас. Профилактикалық емдеу аясында қан кетулер медианасы 6 ай бақылаудың ішінде 1 көріністі құрады. Мороктоког альфаның тиімділігі мен қауіпсіздігінің салыстырмалы емес проспективті клиникалық зерттеуінде А гемофилиясының ауыр түрі және орташа ауыр түрі бар 12-ден 18 жасқа дейінгі 11 пациентте геморрагиялық көріністердің орташа жиілігі зерттеудің 21 аптасының ішінде 1.55±2.11 оқиғаны, ал өздігінен қан кетулердің орташа жиілігі – 0.27±0.65 оқиғаны құрады. Бұл ретте 66.7% жағдайда геморрагиялық көріністі жою үшін мороктоког альфаны 1 рет енгізу қажет болды. Өздігінен қан кету көрінісін жою үшін орташа алғанда 2600 ХБ жуық препаратты (1750 ХБ-дан 4000 ХБ дейін) енгізу қажет болды. Мороктоког альфаны енгізгеннен кейін 30 минуттан соң ІБТУ және FVIII белсенділігі мәндерінің қалпына келуі байқалды, FVIII белсенділігінің жоғарылау дәрежесі (K-value) ХБ/кг-де 2.09±0.97 ХБ/дл құрады. 88.1% пациенттер 48 сағатта FVIII≥1% қалдық белсенділігіне ие болды. 6-дан 12 жасқа дейінгі балалар Балаларда мороктоког альфа қажеттілігінің арту ықтималдығы бар. Мороктоког альфаның салыстырмалы емес проспективті клиникалық зерттеуінде 6-12 жастағы 27 балада және 2-6 жастағы 6 пациентте жартылай шығарылу кезеңі мен препарат белсенділігінің қалпына келу дәрежесінің анықталған мәндері жасөспірімдер мен ересектердегі осы көрсеткіштермен салыстырғанда салыстырмалы түрде төмен болды. 6-дан 12 жасқа дейінгі балалар когортасында профилактикалық емдеу аясындағы қан кетулер санының медианасы 6 ай бақылаудың ішінде 3 көріністі құрады. Қан кетулердің 78 көрінісі (62 (79.5%) ішкі және 16 (20.5%) сыртқы) тіркелді, олардың ішінде 27 (34.6%) өздігінен, және 24 (30%) зерттелуші препаратты енгізгеннен кейін 48-72 сағаттың ішінде дамыды. Тіркелген қан кетулердің басым көпшілігі (57 немесе 73.1%) орташа ауырлық дәрежесінде болды, сондай-ақ 20 жеңіл қан кету (25.6%) және бір ауыр қан кету (1.3%) байқалды. Профилактикалық емдеу аясында тіркелген 78 қан кетудің 68-і (87.2%) басылу үшін мороктоког альфаны енгізуді талап етті және 10 қан кету өздігінен басылды. Мороктоког альфамен емдеген кезде орташа бір реттік профилактикалық доза препаратты енгізудің бір көрінісіне 39.12±7.79 ХБ/кг құрады. Қан кетудің бір көрінісін басу үшін қажет болған мороктоког альфаның орташа жиынтық дозасы 3534.9±2329.02 ХБ құрады. FVIII (IVR) белсенділігінің қалпына келу дәрежесі орташа профилактикалық доза ≤40 ХБ/кг қолданылған пациенттердің қосалқы тобында 49.19±14.21%, >40 ХБ/кг қосалқы тобында – 35.38±8.72% құрады. Келіп қаралудың көпшілігінде пациенттердің жартысында FVIII ≥ 1% қалдық белсенділігі сақталды. Зерттелуші препаратты енгізгеннен кейін 30 мин/1 сағ өткенде FVIII белсенділігі 43.74±14.67% дейін жоғарылады. 2-ден 6 жасқа дейінгі пациенттер когортасында 7 қан кету тіркелді: 4 ішкі (57.1%) және 3 сыртқы (42.9%). 7 қан кетудің барлығы жарақаттан кейінгі болды. Қан кетулердің орташа саны 2.3±0.6 құрады, бұл ретте өздігінен қан кетулер байқалған жоқ. Орташа профилактикалық доза мороктоког альфаны енгізудің бір көрінісіне 703.5±214.1 ХБ немесе 37.84±7.13 ХБ/кг құрады, ең төменгі бір реттік доза 450 ХБ, ал ең жоғарғысы – 1000 ХБ құрады, қажеттілік бойынша емдеу кезінде барлық енгізулер үшін 1000 ХБ доза пайдаланылды. Профилактикалық емдеу аясында FVIII ≥ 1% қалдық белсенділігі кейбір қаралуларда ғана сақталды.

Дозалану режимі Октоклотин® препаратымен емдеу А гемофилиясын емдеуде тәжірибесі бар дәрігер бақылауымен ғана басталуы тиіс. Октоклотин® препаратының дозасын дәрігер VIII фактордың орнын басу бойынша емге пациенттің жеке қажеттіліктерін ескере отырып таңдайды. Емдеу барысында дәрігер препараттың дозасын түзете алады. Жолға шығу алдында дәрігермен кеңесу ұсынылады. Саяхат жасау кезінде пациенттерде емнің жеке режиміне сәйкес қан ұюының VIII факторы препаратының жеткілікті қоры болуы қажет. Пациенттерге Октоклотин® препаратын әрбір қолданған кезде қаптамада көрсетілген препараттың атауы мен серия нөмірін жазу ұсынылады. Қан ұюының VIII факторының дозасы Халықаралық Бірліктермен (ХБ) өлшенеді. Плазмада VIII фактор белсенділігі не пайызбен (адамның қалыпты плазмасына қатысты) немесе ХБ (плазмадағы VIII факторға арналған Халықаралық стандартқа қатысты) айқындалады. VIII фактор белсенділігінің бір ХБ адамның қалыпты плазмасының бір мл-дегі VIII фактор мөлшеріне баламалы. Қажеттілікке қарай емдеу Қан ұюының VIII факторының қажетті дозасын есептеу дене салмағының килограмына VIII фактордың 1 ХБ плазмалық VIII фактордың белсенділігін 2 ХБ/дл-ге арттыратыны туралы эмпирикалық алынған деректерге негізделеді, бұл қалыпты белсенділіктің шамамен 2%-ын құрайды. Октоклотин® препаратының бір реттік дозасы барлық жас топтары үшін келесі формуланың көмегімен есептеледі: VIII факторының қажетті ХБ мөлшері — = — Дене салмағы (кг-мен) — х — VIII факторы белсенділігінің қажетті жоғарылауы (% немесе ХБ/дл) — х — 0.5 (ХБ/кг - ХБ/дл-ге) мұндағы ХБ/дл-ге 0.5 ХБ/кг шамасы VIII фактор енгізілгеннен кейін жалпы байқалатын белсенділікті қалпына келтірудің жоғарылауын білдіреді. Енгізулердің саны мен жиілігі әрбір жеке жағдайда әрқашан клиникалық тиімділікке бағытталуы тиіс. Кестеде келтірілген геморрагиялық көріністердің дамуы кезінде қан плазмасындағы VIII фактордың белсенділігі тиісті уақыт кезеңі ішінде көрсетілген деңгейлерден төмен түспеуі тиіс (қалыптан % немесе ХБ/дл). Төменде келтірілген кестені әртүрлі қан кетулер мен операциялық араласулар кезінде Октоклотин® дозаларын есептеу үшін пайдалануға болады. Қан кету немесе операциялық араласу түрлері — Плазмадағы қан ұюының VIII факторы белсенділігінің қажетті деңгейі (% немесе ХБ / дл) — Енгізу жиілігі (сағат)/ ем ұзақтығы (күн) Қан кету Гемартроздың ерте фазасы, бұлшықетке қан құйылу немесе ауыз қуысындағы қан кету — 20–40 — Препаратты әрбір 12-24 сағат сайын, қан кетуді тоқтатқанға дейін кемінде 1 тәулік бойы қайталап инъекциялау. Айқындығы көбірек гемартроз, бұлшықетке қан құйылу немесе гематома — 30–60 — Ауыру синдромы мен функциялардың жедел бұзылуы басылғанға дейін препаратты 3-4 күн немесе одан да көп уақыт бойы 12-24 сағат сайын қайталап инъекциялау. Өмірге қауіпті қан кету — 60–100 — Қан кету толық тоқтағанға дейін препаратты әр 8–24 сағат сайын қайталап инъекциялау, әрі қарай 24 сағат аралықпен 14 күн бойы демеуші ем. Операциялық араласулар Тіс жұлуды қоса, кіші операциялық араласу — 30–60 — Препаратты әрбір 24 сағат сайын, қан кетуді тоқтатқанға дейін кемінде 1 тәулік бойы қайталап инъекциялау. Ауқымды операциялық араласу — 80–100 (операциялық араласуға дейін және одан кейін) — Жара жазылғанға дейін әрбір 8-24 сағат сайын препаратты қайталап инъекциялау, содан кейін қан ұюының VIII факторының белсенділігін 30-60% (ХБ/дл) деңгейінде ұстап тұру үшін кемінде 7 күн бойы емдеу. Профилактика А гемофилиясының ауыр түрінен зардап шегетін пациенттерде қан кетудің ұзақ мерзімді профилактикасы үшін препараттың орташа дозасы әр 2-3 күн сайын енгізу аралығымен дене салмағының 20-40 ХБ/кг құрайды. Кейбір жағдайларда, әсіресе жасырақ пациенттерде, дозалаудың неғұрлым қысқа аралықтары немесе препараттың неғұрлым жоғары дозалары қажет болуы мүмкін. Октоклотин® препаратын профилактикалық мақсатта тәулігіне 1 реттен артық қолдану, әдетте, ұсынылмайды. Пациенттердің ерекше топтары 12-ден 18 жасқа дейінгі балалар 12-ден 18 жасқа дейінгі балаларда мороктоког альфа ересек пациенттердің дозаларына ұқсас 30-40 ХБ/кг дозаларда қан кетудің профилактикасы үшін қолданылды. Кейбір жағдайларда енгізу аралықтарын қысқарту немесе препараттың дозасын арттыру қажет болуы мүмкін. 6-дан 12 жасқа дейінгі балалар Балаларда Октоклотин® препаратына қажеттіліктің арту ықтималдығы бар. Мороктоког альфаны 6-12 жастағы балаларда қолдану жөніндегі зерттеуде жартылай шығарылу кезеңі мен препарат белсенділігінің қалпына келу дәрежесінің мәндері жасөспірімдер мен ересектердегі осы көрсеткіштермен салыстырғанда азырақ болды. 6-дан 12 жасқа дейінгі балаларда қан кетудің ұзақ мерзімдік профилактикасы бойынша клиникалық зерттеу барысында мороктоког альфаның орташа бір реттік дозасы аптасына 2-3 рет енгізу режимімен 39.12±7.79 ХБ/кг құрады. Профилактикалық емдеу аясында қан кетулер санының медианасы 6 ай бақылау кезінде қан кетудің 3 көрінісінен тұрды. Кейбір жағдайларда енгізу аралықтарын қысқарту немесе препараттың дозасын арттыру қажет болуы мүмкін. 6 жасқа дейінгі балалар 6 жасқа толмаған балаларда мороктоког альфа қолданудың жеткілікті тәжірибесі жоқ. Егде жастағы пациенттер Клиникалық зерттеулерде 65 жастағы және одан үлкен пациенттер қамтылған жоқ. Егде жастағы пациенттердегі дозаны әр адамға жекелей таңдау керек. Бауыр жеткіліксіздігі бар пациенттер Клиникалық зерттеулерде бауыр жеткіліксіздігі бар пациенттерде дозаны түзету зерттелмеген. Бүйрек жеткіліксіздігі бар пациенттер Клиникалық зерттеулерде бүйрек жеткіліксіздігі бар пациенттерде дозаны түзету зерттелмеген. Енгізу әдісі және жолы Октоклотин® препаратын препаратпен бірге қорапшада орналасқан еріткішті (инъекцияға арналған 0.9% натрий хлориді ерітіндісі) пайдалана отырып, лиофилизаттан вена ішіне енгізу үшін ерітінді дайындағаннан кейін бірнеше минут ішінде вена ішіне баяу сорғалатып енгізу қажет. Октоклотин® препаратын басқа инфузиялық ерітінділермен немесе басқа дәрілік препараттармен араластыруға болмайды. Октоклотин® препаратын вена ішіне енгізу үшін ерітінді дайындау ережелері төменде келтірілген. Пациенттер дәрігерден алынған қалпына келтіру және енгізу рәсімі бойынша арнайы нұсқауларды сақтауы тиіс. Вена ішіне енгізу үшін ерітінді дайындау ережесі және оны қолдану Вена ішіне енгізуге арналған ерітіндіні дайындау алдында қолды мұқият жуып, препарат ерітіндісін дайындау және енгізу процесінде асептика ережелерін сақтау қажет. Ашық медициналық материалдарды атмосфералық ауамен байланысу уақытын барынша азайту үшін мүмкіндігінше тез пайдалану керек. Төменде вена ішіне енгізу үшін ерітінді дайындауға арналған медициналық шығын материалдарының жиынтығы берілген: Лиофилизаты бар 1 құты (Октоклотин® препараты) — 2 спиртті сүрткі 1 құты ерітіндісімен (натрий хлоридінің инъекцияға арналған 0.9% ерітіндісі) — 1 бекітетін бұласыр 1 сүзгі-канюлясы — сыйымдылығы 5 мл кигізілген немесе қоса берілген инесімен 1 шприц 1 шеткері веналар катетері немесе екінші типті шеткері веналар катетері 1- сурет 1. Препарат пен еріткіші бар құтыларды тоңазытқыштан шығарып және бөлме температурасына дейін жетуін қадағалаңыз. Препаратты 37°С-ден жоғары қыздыруға жол берілмейді 2. Екі құтыны таза тегіс беткейге қойыңыз. 3. Әр құтының қорғағыш пластик қаптамасын ашыңыз. 4. Құтының резеңке тығынын спиртті сүрткімен сүртіп тазалаңыз. Қолдану алдында олар кебуі керек. Тығындардың тазартылған беткейлеріне қолыңызды немесе басқа заттарды тигізбеңіз. 5. Қағаз жабынын ортасына дейін бүктеу арқылы шприцтің блистерлі қаптамасын ашыңыз. Шприц инесінен қорғағыш қалпақшасын алыңыз (2сурет) 2-сурет 6. Шприцке тағылған инені еріткіш құтысының резеңке тығынының ортасына тігінен енгізіңіз (3-сурет). 3-сурет 7. Құтыны төңкеріп, поршеньді ақырын тартып, шприцке 4 мл еріткішті алыңыз. Толтырылған шприцті инеден ажыратпаңыз (4-сурет). 4-сурет 8. Сүзгі-канюлясының блистерлі қаптамасын ашып, инеден қорғағыш қалпақшасын алыңыз да, пластикалық инені препарат құтысының резеңке тығынының ортасына дейін, тірелгенше енгізіңіз (5-сурет). 5- сурет 9. Қалған еріткіші бар толтырылған шприцті құтыдан алыңыз, (7-қадамды қараңыз) инесін тығында қалдырыңыз. Шприцтің ұшы қолыңызбен немесе басқа бөгде заттармен жанаспайтынына көз жеткізіңіз. 10. Еріткішпен толтырылған шприцті қорғағыш қақпақшаны ашып, препараты бар құтыға орнатылған сүзгі-канюляға салыңыз (6-сурет). Тығыз байланысқанына көз жеткізіңіз. 6- сурет 11. Поршеннің өзегіне ақырын басып, препарат құтысын сәл еңкейтіп, сүзгі-канюлясы арқылы құтының бүйіріне 4 мл еріткішті баяу енгізіңіз. Шприцті сүзгі-канюлясынан ажыратпаңыз. «Көбік түзілу» әсері еріткіш тікелей лиофилизатқа түссе пайда болады. 12. Барлық лиофилизат ерігенше құтыны айналмалы қозғалыстармен ақырын шайқаңыз (7-сурет). Құтыны шайқамаңыз. Лиофилизаттың толығымен ерігеніне көз жеткізіңіз. Кез келген қосылыстары немесе бұлыңғырлануы болса, дайындалған ерітіндіні пайдаланбаңыз. 7- сурет 13. Құтыны сәл еңкейте ұстап, одан барлық ерітіндіні сүзгі канюля арқылы шприцке поршенді баяу және бірқалыпты тарта отырып, құйып алыңыз. Дайындалған барлық ерітіндінің шприцке өткеніне көз жеткізіңіз. Құтының түбін жоғары қарата төңкеріп, ондағы ауаны шығарып тастаңыз (8-сурет). Құтыны шприцпен және сүзгі канюлясымен бірге келесі манипуляцияға дейін алып қойыңыз. 8-сурет 14. Шеткері веналарға арналған катетердің блистерлі қаптамасын ашыңыз. (1- сурет) 15 Поршеннің күйін ауыстырмай (13-қадамды қараңыз), өтпелікті бос құтыда қалдырып, толтырылған шприцті сүзгі канюлядан алып тастаңыз. 16. Катетер түтігінен қорғағыш тығынын шығарып алыңыз. Шприцті сағат тілі бағытымен түбіне дейін айналдырып, катетерге жалғаңыз (9- сурет). Тығыз байланысқанына көз жеткізіңіз. 17. Инъекция жасалатын жерді қоса берілген спиртті сүрткімен өңдеңіз. 18. Катетер инесінен қорғағыш қалпақшасын шығарып алыңыз. Шприцті сағат тілі бағытымен түбіне дейін айналдырып, катетерге жалғаңыз (5-сурет). Тығыз байланысқанына көз жеткізіңіз. Инъекция жасалатын жерді қоса берілген спиртті сүрткімен өңдеңіз. Вена ішіне енгізуге арналған жалғағыш жүйедегі ауаны жойыңыз және ерітіндіні вена ішіне баяу, сорғалатып енгізіңіз, инені бекітетін бұласырмен бекітіңіз. Енгізу жылдамдығы пациенттің емге төзімділігімен анықталады. 9 -сурет 10 суретте келтірілген екінші типті шеткері венаға арналған катетерді қолданғанда: 19. Инъекция жасалатын жерді қоса берілген спиртті сүрткімен өңдеңіз. 20. Пункция сәтті жасалған жағдайда мөлдір павильонның ішкі бөлігінде қан пайда болуы тиіс. 21. Бір мезгілде болат инені шығара отырып катетерді венаға жылжытыңыз. 22. Бекітетін бұласырды пайдалана отырып катетерді теріге бекітіңіз. Бұл орайда болат ине қанның ағып кетуін барынша азайта отырып, катетер ішінде болуы тиіс. 23. Болат инені алып тастаудың алдында қанның ағып шығуының алдын ала отырып ортаңғы саусағыңызбен катетер ұшынан венаны қысыңыз. Инені шығару кезінде катетердің жылжып кетуін болғызбай бір мезгілде сұқ саусағыңызбен катетердің ортасын ұстап тұрыңыз. Инені катетерден толық шығарып алыңыз. Қорғағыш металл клипса ол катетерден толық шығарылған сәтте иненің үшкір ұшын автоматты түрде жабады. Шығарғаннан кейін инені дереу арнайы контейнерге салыңыз. 24. Препарат қосымша инъекциялық порт арқылы (бұйымның үстінен) енгізіледі. Бұл шприц конусын жеңіл бұрап қозғалту арқылы жалғаумен жасалады (10-сурет). Порт автоматты түрде ашылады және жабылады. 25. Қосымша инъекциялық портты қорғағыш қалпақшамен жабыңыз. 10-сурет 26. Пайдаланылмаған ерітіндіні, бос құтыларды, қолданылған инелер мен шприцтерді медициналық қалдықтарға арналған арнаулы контейнерге тастаңыз, өйткені дұрыс утилизация жасалмаса, бұл материалдар зиян тигізуі мүмкін. Егер препараттың бір дозасынан артық енгізу қажет болса, қоса беріліп отырған еріткішті пайдалана отырып, басқа қаптамадағы ерітіндісі бар құтыны осыған ұқсас түрде дайындаңыз, содан кейін көлемі үлкен шприцтегі ерітінділерді (қоса берілмеген) біріктіріп, препаратты әдеттегі тәртіппен енгізіңіз. Дайындалған ерітіндіні сұйылтқаннан кейін бірден қолдану керек. Егер инъекция қандай да бір себептермен кейінге қалдырылса, препараттың дайындалған ерітіндісі бар құтыны 2°С-ден 8° С - ге дейінгі температурада 12 сағаттан асырмай, мұздатып қатырмай немесе 25°С-ден аспайтын температурада 6 сағаттан асырмай сақтау керек. Осы уақыт ішінде пайдаланылмаған ерітіндіні қолдануға болмайды, оны тастау керек. Емдеу ұзақтығы Орын басатын емнің ұзақтығы VIII фактор тапшылығының айқындылық дәрежесіне байланысты. Тоқтату симптомдары қаупінің болуына көрсетілім Сіз емдеуші дәрігеріңізбен алдын-ала кеңесіп алмай препаратты қолдануды тоқтатпаңыз. Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар Әрқашан препаратты дәрігер ұсынған сияқты қабылдаңыз. Егер Сізде препаратты қолдану бойынша сұрақтар болса, Сіздің емдеуші дәрігермен кеңесіңіз.

Атжалмандардың ақуызына немесе дәрілік препараттың құрамына кіретін компоненттердің кез келгеніне аллергияның болуы. 6 жасқа дейінгі балалар (қолданудың жеткілікті тәжірибесі жоқ).

Кейбір жағдайларда Октоклотин® препаратымен емдеу жиілігі кестеде көрсетілген жағымсыз құбылыстардың дамуымен қатар жүруі мүмкін. Қолайсыз жағымсыз реакциялардың даму жиілігі бойынша жіктелуі: өте жиі (≥1/10), жиі (≥1/100, бірақ <1/10), жиі емес (≥ 1/1000, бірақ <1/100), сирек (≥ 1/10000, бірақ <1/1000), өте сирек (<1/10000). Қолайсыз жағымсыз реакциялар әрбір топ шеңберінде олардың кему дәрежесі бойынша көрсетілген. Өте жиі - FVIII факторы тежегіштері түзілуі (бұрын ем алмаған пациенттерде); - бас ауыруы - жөтел - артралгия - қызба Жиі - тәбеттің төмендеуі - бас айналуы - қан кету, гематома - диарея, құсу, іштің ауыруы, жүрек айнуы - есекжем, бөртпе, қышыну - миалгия - қалтырау, тамырға енгізу орны тарапынан асқынулар - қытай атжалманының аналық без ақуыздарына және қан ұюының VIII факторына антиденелердің көбеюі, аспартатаминотрансфераза және аланинаминотрансфераза белсенділігінің жоғарылауы Жиі емес - FVIII факторы тежегіштері түзілуі (бұрын ем алмаған пациенттерде) - анафилаксиялық реакция - шеткері нейропатия, бас айналу, ұйқышылдық, дисгевзия - стенокардия, тахикардия, жүрек қағуының сезілуі - гипотензия, тромбофлебит, «қан кернеуі» - ентігу - гипергидроз - астения, инъекция орнының реакциялары, инъекция орнының ауыруы, инъекция орнының қабынуы - креатинфосфокиназа белсенділігінің жоғарылауы; қандағы билирубин деңгейінің жоғарылауы Мороктоког альфа препаратын қолданумен аяқталған зерттеулер барысында келесі жағымсыз құбылыстар үшін белгілі бір байланыс байқалды (бір хабарлама бойынша): аллергиялық реакция, ауыздағы жағымсыз дәм, жүрек айну, жергілікті аллергиялық реакция (есекжем). Жекелеген жағдайларда мороктоког альфа емі аясында: парестезия, қажу, анық көру қабілетінің төмендеуі, акне, гастрит, гастроэнтерит, инъекция орнындағы ауырсыну байқалды. Аса жоғары сезімталдық және аллергиялық реакциялар (болуы мүмкін көріністері ангионевроздық ісіну, инъекция орнында ашыту және тартылу сезімі, қалтырау, гиперемия, бас ауыруы, есекжем, қан қысымының төмендеуі, мәңгіру, жүрек айну, мазасыздық, тахикардия, кеудедегі қысу сезімі, шаншу сезіну, құсу, ысқырып тыныс алу) кейбір жағдайларда ауыр анафилаксия, оның ішінде шок дамуына дейін үдеуі мүмкін. Педиатриялық популяциядағы жағымсыз реакциялардың даму жиілігі (12-18 жас) Мороктоког альфаның клиникалық зерттеуінде 12-ден 18 жасқа дейінгі 11 балада бір ғана жағымсыз реакция тіркелді: бір пациентте аллергиялық реакцияның дамуы ауырлығы жеңіл дәрежедегі күрделі жағымсыз реакция (КЖР) ретінде бағаланды. Бұл КЖР мороктоког альфамен емдеудің тоқтатылуына әкеліп соқты. Препаратты тоқтатқаннан кейін КЖР салдарсыз жойылды. Педиатриялық популяциядағы жағымсыз реакциялардың даму жиілігі (2-ден 12 жасқа дейін) Мороктоког альфаның клиникалық зерттеуінде А гемофилиясының ауыр түрі бар 2-ден 12 жасқа дейінгі балаларда 6-дан 12 жасқа дейінгі 1 когортада ауыр дәрежедегі аллергиялық реакция дамыды. Бұл құбылыс күрделі жағымсыз реакция ретінде бағаланды, ол препаратты толық тоқтатуды қажет етті және салдарсыз басылды. 2 когортада (2-ден 6 жасқа дейінгі балалар) жағымсыз реакциялар тіркелген жоқ. Жағымсыз дәрілік реакциялар пайда болғанда дәрілік препараттардың тиімсіздігі туралы хабарлауларды қоса, медицина қызметкеріне, фармацевтикалық қызметкерге немесе тікелей дәрілік препараттарға жағымсыз реакциялар (әсерлер) жөніндегі ақпараттық деректер базасына жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Нұсқаулықта көрсетілмеген.

Арнайы сақтандырулар Аллергиялық реакциялар Ақуыз препараттарын, соның ішінде Октоклотин® вена ішіне енгізу аллергиялық реакциялардың пайда болуымен бірге жүруі мүмкін. Аллергиялық реакциялардың көрінісі тыныс алудың қиындауы, ентігу, ісіну, бөртпе, қышыну, кеудедегі қысылу сезімі, ысқырып тыныс алу, қан қысымының төмендеуі болуы мүмкін. Аллергияның ауыр көрінісі анафилаксиялық реакция болуы мүмкін, бұл жұтудың және/немесе тыныс алудың қиындауына, беттің және/немесе қолдың қызаруы мен ісінуіне әкелуі мүмкін. Кез келген аллергиялық реакциялар дамыған жағдайда Октоклотин® препаратын енгізуді дереу тоқтатып, дәрігерге немесе шұғыл медициналық көмекке жүгіну қажет. Бейтараптандыратын антиденелердің (тежегіштердің) түзілуі Қан ұюының VIII факторының препараттарымен ем алатын пациенттерде кейде G иммуноглобулиндеріне қатысты белсенді бейтараптандыратын антиденелер (тежегіштер) түзілуі мүмкін. Клиникалық түрде бұл емге жауаптың жеткіліксіздігі түрінде көрінуі мүмкін. Тежегіштердің титрі қан плазмасының мл-не Бетезда (ББ) бірлігімен өлшенеді және Неймеген модификациясында Бетезда тестін пайдалану арқылы анықталады. Қан ұю VIII факторына тежегіштердің болуына талдау қан ұюының VIII факторы белсенділігінің күтілетін деңгейіне жету немесе талапқа сай есептелген дозаны енгізу кезінде қан кетуді тоқтату мүмкін болмаған кезде жүргізіледі. Қан ұюының VIII факторына тежегіштердің жоғары концентрациясы болған кезде (>10 ББ) мороктоког альфа емі тиімсіз болуы мүмкін. Бұл жағдайда препараттың дозасын арттыру немесе тиісті спецификалық ем жүргізу талап етілуі мүмкін. 2 жастан асқан 105 пациентте мороктоког альфаның аяқталған клиникалық зерттеулерінде 50 күннен астам қолданғандағы әсер етуі кезінде тежегіштердің пайда болуының бірде-бір жағдайы тіркелген жоқ. 284 пациенттегі бақылау зерттеулері шеңберінде мороктоког альфа қолдану барысында ересек пациентте төмен 1.5 ББ титрінде (жиілігі 0.2%) қан ұюының FVIII факторына тежегіш антиденелердің түзілуінің бірлі-жарым жағдайы тіркелді. Катетермен байланысты асқынулар Орталық вена арқылы енгізуге арналған құрылғыны қолданғанда, жергілікті инфекцияларды, қандағы бактериялардың пайда болуын және катетерді қолдану орнында тромбтардың пайда болуын қоса алғанда, осыған байланысты асқынулар туындауы мүмкін. Натрий мөлшері Октоклотин® препаратының дайындалған ерітіндісінің әрбір құтысында 1.23 ммоль (29 мг) натрий бар. Препаратты тұзсыз диетаны ұстанатын пациенттерге тағайындау кезінде сақ болу керек. Жүрек-қантамыр аурулары VIII факторды қолдану жүрек-қан тамырлары ауруларының даму қаупі факторлары бар пациенттерде жүрек-қан тамырлары ауруларының қаупін арттыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Октоклотин® көлік құралдарын және қауіптілігі зор механизмдерді басқару қабілетіне әсер етпейді.

Әйелдерде А гемофилиясы сирек кездеседі. Осыған байланысты жүкті және бала емізетін әйелдерде қан ұюының VIII факторы препараттарын қолдану тәжірибесі жоқ. Октоклотин® препаратын тағайындау туралы шешімді нақты көрсетілімдер болған кезде дәрігер ғана қабылдауы тиіс.

Дәрілік өзара әрекеттесуді зерттеу жүргізілген жоқ. Емдеуші дәрігерге Октоклотин® препаратымен бір мезгілде қабылдау жоспарланып отырған кез келген дәрілік препараттар туралы емдеуші дәрігерге хабарлау қажет.

Сақтау мерзімі Лиофилизат 2,5 жыл, еріткіш 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 2 °C-ден 8 °C-ге дейінгі температурада сақтау керек. Мұздатып қатыруға болмайды! Препаратты түпнұсқалық қаптамасында 25 ºС-ден аспайтын температурада 24 сағаттан асырмай сақтауға жол беріледі. Препараттың дайындалған ерітіндісін 2 °C-ден 8 °C-ге дейінгі температурада 12 сағаттан асырмай мұздатып қатырусыз немесе 25°С-ден аспайтын температурада 6 сағаттан асырмай сақтауға жол беріледі. Балалардың қолы жетпейтін жерде сақтау керек!